聖誕前夕有感前言
24/12-26/12都是人們慶祝聖誕的日子, 所以嚴格來說在我的concept中, 都是"聖誕期間", 今天就叫"聖誕前夕"; 因此在這空閒的聖誕前夕, 寫一些東西吧。
聖誕假期
因為有很多剩餘假期及time-off, 而且又不知道能否留在下年度, 因此在24日請了假(time-off), 那就可連續有4天假期; 媽及哥在22/12就回鄉, 在澳門的表弟來港, 所以在聖誕期間只有我及爸及表弟三人; 亦因此一連幾天都回家吃飯。22/12本來和地政同事吃飯, 不過八婆臨時要做冬, 因此取消; 收工回家吃飯, 回去前在公司附近的蘇記加料返家, 本來想買出名的叉燒, 不過去到見到佢sell燒肉, 又平又靚, 所以買左燒肉; 見到好耐無見的肥表弟, 同佢傾偈, 感覺到佢已經大個左, 唔係好似以前咁咩都唔識o既小朋友了~ : ) 23/12本來去打波, 不過天氣關係沒打, 全日在家和馬及民打機傾偈, 晚飯也是在家吃。連續幾日也留在家中的感覺也不錯呢。25日開始就是連續宴會呢...
親情
很少在blog中提到家人, 曾經有一篇亦提及我對家人的愛是不用在這說的, 因此也不多在這寫些什麼有關家人的。
聖誕期間家中只得3人, 因此特別想回家吃晚飯; 自己經常不開心, 其中一樣就是有關家人的。其實覺得爸爸經常都是一個人, 又沒什麼娛樂, 加上以往的經歷, 常常也很不快樂的; 其實自己很想他快樂, 但好像很困難; 我想如果我和哥能成家立室生個寶寶, 他一定會比現在快樂很多, 也不會常常像很空閒的, 又胡思亂想; 雖然他的想法及意見有時會令人很困擾, 又有時不太合別人的想法, 或者會蛋加了自己的意見在人身上, 但不論如何, 他都是為了大家好, 他都是盡心盡力地愛大家, 想大家快快樂樂; 所以我也很想他快樂, 不要常常擔心這擔心那, 杞人憂天。他沒什麼嗜好, 又不愛花錢, 因此我想最能令他快樂及充實的, 就是子女(即是我和哥)結婚生子, 他可以抱孫, 有點"世藝"了。
說得太遠, 總之希望聖誕期間, 大家都快快樂樂, 今天尤其地希望, 老爸聖誕快樂!
積少成多
積少成多是一個常理, 大家都知道。其實這也是一個很重要, 而大家也容易忽略的要點。
先說說身體吧。這半年間, 明顯地感覺到"積少成多"的道理。以前自己很喜歡吃, 又不太會避忌, 想吃就吃, 想喝就喝, 經常會喝汽水, 之前的工作雖然會出去街上, 但始終坐的時候多, 又不經常運動, 因此愈來愈肥。可幸在吃方面不太好甜及零食, 平時也不會吃下午茶及宵夜, 因此尚可把體重控制在一定範圍內。
這半年內, 胃口大大減少, 平時的午餐都帶飯, 吃得不多, 有時還吃不完白飯; 做多了運動, 多了羽毛球活動; 加上不再主動去喝甜的東西, 每一樣也是不多, 慢慢的積少成多, 現在總算成功的減了點肥, 肚腩亦縮了一點。希望自己能夠在減多一點吧。
和人的關係也是一樣, 不論是親人, 朋友或者情人, 開心或不滿都是會慢慢累積的; 就算是一個不記仇的人, 對方做了一些令人不快的事情, 即使之後忘記了, 但心中對他的分數都是減了; 在減多加少的情況下, 慢慢就會變成不滿及不快, 進入了這個階段的話, 減的分數更會以幾何級數上昇, 很快就爆發了。
因為這關係, 所以覺得即使有用也好, 無用也好, 如果真的是著緊對方, 有什麼不滿或不高興也好, 最好就在早期坦白的說出來, 即使難以解決, 總也能了解及明白對方, 反正不會有2個什麼也夾得天衣無縫的人吧? 通過了解, 朋友或情人間的關係也比較能更進一步。反之, 只會把"壞"的感覺積少成多, 到爆發了的時候就太遲, 感覺也不同了, 什麼也不能回頭了。
九深一淺
當然不是什麼九深一淺的; 由於自己肥胖的關係, 所以買衣服總是愛買深色; 也有好一段時間自己頗為喜愛的紅色也沒穿了。最近買了些衣物, 也買了一些顏色較淺的衣服, 看上去精神一些, 也可以像某死黨所說, 可以"撞色", 不要常常"襯色"; 希望自己可以再減肥, 慢慢的有信心著多一點淺色的衣物吧。
朋友, 愛人
雖然一路寫一路會有嘔心的感覺, 但也想寫一寫。
其實憑自己的經驗, 性格及感覺, 覺得自己是否真的不適合拍拖呢?
經常覺得做朋友是最舒服的; 做朋友的"要求"和做"愛人"的有很大的不同; 身為朋友時, 可以很舒服的談話, 行街, 食飯, 不用顧忌什麼, 又不會有太大的期望, 不會有壓迫感, 大家永遠也能和睦地一起; 反而做愛人時, 大家對大家對要求也不同了, 期望多了, 想要的東西, 時間, 情感也多了, 不是更辛苦嗎? 如果一旦不歡而散, 就沒了一個曾經那麼親密的人, 曾經相處一段時間的人, 那不是更加可惜嗎? 雖然如果對方結婚了, 就會沒了這個異性朋友, 但一想起這些種種, 就覺得做朋友是最好的。
當然, 喜歡一個人的時候, 會有佔有欲, 想和對方一起, 想獨霸著對方, 想有親密的舉動, 特別的日子也只想兩個人靜靜渡過, 但經過了各方面的評估, 我似乎是比較偏向覺得永遠做朋友更來得舒服。
那到頭來, 我是否不應拍拖呢? 現代人的關係及婚姻也太容易及兒戲, 雖然自己並不是這樣的人, 但已不太有信心, 而且也覺得, 自己只會令人不覺得幸福, 像對朋友比對愛人更好。既然如此, 以後還是開開心心的和朋友在一起更好。
以後朋友們都成家立室理不到我時再算吧。
一口氣打了這麼多有點累, 就此。
謹祝各位聖誕快樂。
完
2007年12月23日 星期日
聖誕快樂?
2007年12月21日 星期五
十二月二十一日 -- links大收穫
1. 今天上網搵到d好鐘意好buy同埋好有用o既links
自用 -- 關於如何選擇球拍o既links
http://hk.myblog.yahoo.com/icic99/article?mid=3945
http://hk.knowledge.yahoo.com/question/?qid=7007090301377
別緻Bee的blog -- 搵緊有關羽毛球野o既時候搵到的一個個人blog; 好正! 佢寫o既野, 諗o既野, feel各方面都好鐘意~~ 唔知點形容, 總之好buy佢個人同埋好buy佢寫o既野~!! 不禁睇左好多篇佢寫o既野~~下面條link係我一搵到果時o既果篇網誌。
http://bgibee.mysinablog.com/index.php?op=ViewArticle&articleId=687220
2. 本來收工想返企, 諗諗下都係同民仔去行下街陪佢買禮物; 黃二妹都一齊行; 係MK食完飯之後行, 幫佢諗左好多買咩野(基本上佢買左好多野, 都係我諗咁滯); 好快咁買到好多野之後, 返到企都係10點幾。
3. 今天返工遲左少少咁o岩比呀sir捉到, 好彩都無咩野姐~ 真係遲左好少 :P 不過第日都係儘量預早dd。
4. 又到聖誕, 今年好似幾開心, 因為有活動攪下, 而且大家互相影響之下, 都好積極買禮物, 雖然使好多錢, 但係又會收到好多禮物(而且大家都係有心思去諗咩, 唔係亂買o既), 所以好開心呢~ 其實仲有好多朋友都想買俾佢地, 不過一來無時間, 二來睇唔o岩, 三來又未必係聖誕見到, 四來有d人又唔使我送, 所以就無買了。希望大家都過一個開心o既聖誕節啦~~!
5. 留意人生百態, 睇到唔同人唔同o既一面; 局外人o既自己睇返局內o既自己, 原來都可以好醜陋, 好不要瞼, 諗到好多唔好o既野...好嘔...
完
十二月二十日 -- 聖誕party
1. 15/12(六) -- long week返工; 唔多野做, lunch time又無機打, 帶左模型返去砌; 似乎以後o既星期六都更加要帶d野返去砌; 收工去左葵芳行同睇下有咩o岩買。
2. 16/12(日) -- 又同馬和民行左一輪街, 今次行TKO; 行晒坑口寶琳, 居然見到坑口有上次德福果間野, d牛仔褲仲減左價; 買埋, 平過民仔 :P 之後join返左HK的Herman上來我企打機, 晚飯時間之前散。
3. 17/12(一) -- 收工去左APM買俠士份禮物, 唔該S幫我去睇左先; 之後返企食飯。
4. 18/12(二) -- 同呀Mak等CityU同學慶祝George生日, 本來打算去TST, 之後呀Mak話改去博康打邊邊; 去到之後果然無令呀Mak失望, 佢都覺得好勁呢~~ 食到9點幾我先走, 唔想太夜呢~ 之後見S, 多謝份聖誕禮物, 好靚同o岩用。
5. 19/12(三) -- lunchtime又去行福榮街, 幾乎買齊要買o既野了; 收工同馬民LeoIanBenHerman一班中學同學食飯; 未食之前去左CWB俾左件禮物呀源, 不過都知佢好少玩同埋無地方放, 其實都係有d無聊o既野呢; book左8:30pm去好耐無去過的渲華道街市東寶; 同一班咁熟o既朋友一齊食飯吹水好開心呢~ 間野不愧出名, d野真係幾好食; 不過偏細碟同貴, 食小菜每人要過百蚊; 食完10點幾散。
6. 20/12(四) -- 白田TMSU聖誕party完滿舉行; 食pizza同家鄉雞好飽同有剩呢~ 交換禮物似乎大家都幾高興呢~ 大家都有倖d心機去買野; 俠士都似乎幾鐘意我買o既野; 估唔到自己唔係收到模型, 係半打羽毛球, 不過好可惜對方買左膠o既羽毛球, 係for室外用的, 自己打開羽毛球都係book場, 所以得物無所用呢...唔知換唔換到呢? 其實自己心裡諗我可唔可以去加錢換塊羽毛球拍 XDDD 呢樣有需要好多~~
收工係TKO打羽毛球, 2個星期無打, 好開心呢~~ 今次除左平時4人外, 仲好難得叫埋凱琪同catherine(Puzzle會早走); 同呀WingPuzzle佢地打波真係好開心呢~~ 雖然大家都唔係好勁, 但係成日都係度喧嘩同勁係度笑, 有時笑到坐左係地下~~ 希望以後keep住有得一齊打呢~~中間一個鐘當然係打賽車, 好耐無同呀Wing打, 都係最鐘意同佢對戰, 大家實力相當, 好刺激! 10點打完波散。
7. 幾乎買晒要買o既禮物, 今年使左好多錢呢~~不過好開心呢~~好期待今年o既聖誕同禮物~ :P
8. 砌左2隻BB戰士, 又帶左MG ZakuII返公司, 來緊慢慢應該都可以砌下野清下貨了。
link:"懶醒" -- 當年CASH流行音樂大賽得獎作品, 不嬲都好鐘意睇, 一年一度(雖然唔係年年有睇...); 第一次聽就鐘意首歌(果時都未識Don同Mandy, 亦都唔係因為呢次先留意佢地), 覺得首歌旋律好特別同埋d component好正, 成首歌夾埋好鐘意呢~ d歌詞就普通, 主要係鐘意首歌, 之後真係得左獎呢~~
CASH比賽現場版
http://www.youtube.com/watch?v=HJpGUQkj-bE&feature=related
MTV版
http://www.youtube.com/watch?v=whUySvY4A-0&feature=related
來緊:
22/12(六) -- 收工同八婆等人食飯; 之前話一齊去美食博覽, 但係佢地下午就去, 我要返工, 所以可能收工join佢地出返來。呀媽同哥返鄉下
23/12(日) -- 可能打波, Herman難得返港。
24/12(一) -- 請假休息
25/12(二) -- 一班朋友上仔我企打邊邊
28/12(五) -- 慶民生日K
完
2007年12月14日 星期五
十二月十三日 -- 雜記
1. 10/12(一) -- 收工去一去觀塘之後返企。11/12(二) -- 的起心肝去買衫褲, 本來諗住先去九龍灣再去APM, 點知係KLB已經行到夠晒, 買晒衫褲褸...12/12(三) -- Puzzle唔得閒所以cancel左打邊邊; 收工買左幾份禮物, 最大收獲係係APM買到交換禮物果份。中午係SSP見到好多平野, 忍唔住買左傳說中o既高達迷的浪漫: MG Ex-S Gundam... 仲想再買下多d衫衫褲褲。
2. 13/12(四) -- 約左ConnieCarolMartin睇戲, 本來話APM無, 得朗豪有9.20pm, 不過好累, 太晏了, 後尾MK GH有8.00pm, 於是睇左; "神探"好睇, 不過係預期中, 會令到自己又諗到好多野的戲。不過真係幾好睇, 而且咁複雜o既人物性格同埋跳來跳去都處理得好好, 唔會令人覺得亂。其實每個人心入面都有好多唔同諗法同好多面, 只不過無發到咁大, 而戲中將入面o既性格表現左出來, 只不過奸角比較極端而矛盾姐。自己可以理解得到主角o既感覺, 因為雖然無咁誇張, 但係其實自己都係偏向佢果一類人。睇完戲後本來諗住可以早d返企, 好累, 不過之後再去食糖水一個鐘, 返到企又11點半...
3. 好辛苦呢, 呢期尤其係。其實長期枕住都係, 太多野煩, 多野諗, 又多矛盾, 總之就係一個亂字。總之一早咩都無唔好煩就最好。人係世上實在有太多野要諗, 但係其實人係世上又有咩意義呢? 大家見到呢段野之後都係唔好問我同拿來煩我。我唔會亂諗同亂來的。
4. 聖誕期間呀媽同呀哥返鄉下, 細表弟來HK, 自己又唔返鄉下, 搵日或者平安夜或者聖誕果幾日陪下佢地先。
5. 14/12(五) -- 中午會返龍翔X'mas Party, 其實真係好無聊好唔想去, 有d後悔俾人叫叫下就去...好鬼憎呢d要entertain人的俾面聚會; 不如自己friend果d約埋出來玩仲好仲開心。
6. 物極必反, 當一d野去到太盡時都係唔好的; 當一d野壓制得太多o既時候, 可能慢慢就會習慣而不再需要。
7. 本來去左訓, 訓唔到, 打下野; 累, 再去訓。
links:
老媽子之歌 --中文歌詞版: 好犀利, 真係要睇睇, 攪笑得來又好難唱!! 真係要拍掌。
http://www.youtube.com/watch?v=uFYcmZEOvW4
我想約你女兒出去: 又一攪笑短片。
http://hk.youtube.com/watch?v=EgRaMFWSceQ
來緊:下星期約返Leo食飯; 下星期約呀源食飯, 順便補慶佢生日。
28/12(五) -- 慶民生日K。
完
2007年12月9日 星期日
十二月九日 -- 雜記
1. 4/12(二) -- 去Art Centre睇極品廣告片, 今次睇亞洲同埋英國廣告精選; 水準average, 但係不得不提泰國o既廣告好多都好正, 好笑或者好出人意表呢~ 第一次入演藝食canteen, 都係美心包左的。
2. 7/12(三) -- 收工幫Spenser過天悅拿拍, 真係好想買塊拍呢~~ 買返支o岩自己又係自己o既拍~~
3. 6/12(四) -- TKO羽毛球。收工過左坑口先陪Pizza買餅卡, 之後食左好耐無去食的雞, 再之後都係返返TKO, 打機至時間到打波。 呀Sam正式散左, 所以"呻"左好多野。不過都係一件好事來的。
4. 7/12(五) -- 係博康打邊邊; 搬左好~~多野去, 好重呢。間野果然係好平同好抵呢~~ 任食任飲, 係支裝汽水, 食方面各種菜菇豬牛羊腸丸都好齊; 仲有好多海鮮 -- 青口瀨尿蝦蠔等等, 正; 同事知道之後都話要攪返次。
5. 8/12(六) -- 調左week做short week再返華富幫手MEB; 基本上係一開檔多d人來問野, 之後都好hea; 中午叫埋住係香港仔的呀Wing一齊係飯, 下午幾乎無發市, 4點走得人; 好耐無入過香港仔(海洋公園都好多年無去過), 第一次感受到出名o既塞車, 4點走, 4點3上車, 5點先出到灣仔, 5點9返到企... 返到企抖左陣就訓到9點幾先去食野。
6. 9/12(日) -- 工展會關係維園封場無波打; 下午同馬民去九龍灣, 行完Ikea再第一次去Megabox; d接駁車好密唔使等, 入到去好大, 不過無咩好睇...賣家具家俬果幾層都係DIY野, 無咩現成野, 比起Ikea實在係差好遠, 其餘都唔係真係好多野睇, 所以暫時無咩值得再去o既價值...之後出返德福同淘大, 突然幫民仔裝下身, 行左幾圈陪佢睇同買左衫褲鞋襪, 佢都係時候要改變下自己了; 自己順便睇左輪, 仲睇o岩左d野, 不過到最後咩都無買...其實自己都好懶執自己, 薯就由得佢吧。晚上係企又修剪左少少個頭, 真係好唔掂...
7. 星期六舅父個孫滿月, 屋企人都過澳門飲滿月酒, 不過要返工, 無去到。
8. 仲未買交換果份聖誕禮物, 同埋今年都想採購下送俾唔同人o既禮物。
9. 由於呀媽買左個新o既DC, 所以俾左部舊o既我, 無啦啦有DC用呢。
10. Pizza姐好可能做埋呢個星期就走, 慘了。
11. 本來唔想再打呢d, 不過都忍唔住加返: Gundam OO #10同埋Hunter #270超好睇!! 呢套Gundam真係好野來的!!
來緊:
12/12(三) -- 同同事去到博康打邊邊?
13/12(四) -- 同ConnieCarolMartin睇戲?
Links:大家聽到d歌詞嗎? 條友條利斷左?
http://www.youtube.com/watch?v=ED_pU2oDnug
居然有人有
No puedo creerlooo que en la red, alguien se tom?la molestia de escuchar detenidamente la rola de Regeton-Chacarron Macarron y disque escribi?su letra
La rola de Regeton - Chacarron macarron y la disque letra aqu?
ooohuuu yehaaa ... sea.. sou.. jhonn macarron.. yeah macarron nooonChacarron, Chacaron, Chacarron, Chacarron, ualuealuealeuale ualuelaelaellalea, alsualsualualauusualulus, alsualsualualauusualulus
refrain:Chacarron, Chacarron, aliluliron, Chacarron, Chacarron, aliluliron Chacarron, n', aliluliron, Chacarron, Chacarron, aliluliron
ualuealuealeuale ualuelaelaellalea, alsualsualualauusualulus alsualsualualauusualulusualuealuealeuale ualuelaelaellalea, alsualsualualauusualulus alsualsualualauusualulus
refrain
Chacarron, Chacarron, Chacarron, Chacarron, ualuealuealeuale ualuelaelaellalea, alsualsualualauusualulus, alsualsualualauusualulus
Chacarron, Chacarron, aliluliron,, Chacarron, Chacarron, aliluliron, Chacarron, n', Chacarron,, aliluliron, Chacarron, Chacarron, aliluliron
aluealuealeuale ualuelaelaellalea, alsualsualualauusualulus, alsualsualualauusualulus ...ualuealuealeuale ualuelaelaellalea, alsualsualualauusualulus, alsualsualualauusualulus
refrain
refrain2:Chacarron, Chacarro (3x)
Dududadede dudadade do guduguda dubu ChacarronBana blue
Macarr鏮...
Chacarron, Chacarron, aliluliron,, Chacarron, Chacarron, aliluliron, aluealuealeuale ualuelaelaellalea, alsualsualualauusualulus alsualsualualauusualulus ...ualuealuealeuale ualuelaelaellalea, alsualsualualauusualulus alsualsualualauusualulus
Chacarron, Chacarron, aliluliron, Chacarron Chacarron, n', Chacarron, aliluliron, Chacarron, Chacarron
Chacarron, ChacarronChacarron, Chacarron,,
ualuelaelaellalea, alsualsualualauusualulus, alsualsualualauusualulus ...ualuealuealeuale ualuelaelaellalea, alsualsualualauusualulus,,, alsualsualualauusualulus
Chacarron, Chacarron, aliluliron,, Chacarron, Chacarron, aliluliron Chacarron, n, Chacarron, aliluliron, Chacarron, Chacarron, aliluliron
ualuelaelaellalea, alsualsualualauusualulus, alsualsualualauusualulus ...ualuealuealeuale ualuelaelaellalea, alsualsualualauusualulus alsualsualualauusualulus
refrain
refrain2
Dududadede dudadadedo guduguda dubu ChacarronBana blueendubu tu
Macarr鏮 is a ro
Chacarron, Chacarron, aliluliron,, Chacarron, Chacarron, aliluliron, aluealuealeuale ualuelaelaellalea, alsualsualualauusualulus alsualsualualauusualulus ...ualuealuealeuale ualuelaelaellalea, alsualsualualauusualulus alsualsualualauusualulus
Chacarron, Chacarron, aliluliron, Chacarron, Chacarron, n', Chacarron, aliluliron, Chacarron, Chacarron
.......... =.=
手槍蝦 --生態o既野真係無奇不有
http://www.youtube.com/watch?v=eKPrGxB1Kzc
周杰倫演唱會摔倒 -- 型死了
http://www.youtube.com/watch?v=_fqbr_rgRlQ
完
2007年12月4日 星期二
十二月三日 -- 雜記
1. 28/11(三) -- TKO羽毛球, 見到呀Wing買左新拍, 原來Sogo之前大減價好平! 可惡呀~~~ 好耐無同呀Wing打賽車呢。
2. 29/11(四) -- 唔舒服, 請左日病假; 日頭hea夠之後, 去WC行下玩具店, 之後去Art Centre睇極品廣告片! 仍然係超正! 我相信同上年一樣, 會有一d廣告過左成年都仲記得呢~
3 .30/11(五) -- 例羽毛球, 之後會有一段時間無得打了; 打完同SpenserCatherine食飯, 本來諗住是但食完走, 但係Spenser突然話想打邊邊, 我同Catherine第日都唔使返工, 陪佢癲; 帶左佢地去呀Mak推介的天香; 8點半後入座, 仲平; 第一次打Mario Party, 好玩呢~~ 同人玩尤其好玩~~ 以後有新game一齊玩了~~ 3個人食完埋單七十幾, 任飲任食, 抵。
4. 1/12(六) -- 同呀哥去食SKM車仔麵, 之後長征: 葵芳-->屯門-->荃灣, 當然買左扭蛋啦; 行左成日, 都見到好多野好得意, 諗起都要開始買下聖誕禮物了~
5. 2/12(日) -- 呀源生日快樂。由於果晚要飲, 所以無打波; 下午民仔來打左陣機, 之後出去join考完試的馬, 再去飲, 氣氛都OK。
6. 3/12(一) -- 收工本來d DMO同事上星期話打波, 果然無左件事, 仲好, 返企。收工同SpenserCatherine去天悅睇一間羽毛球鋪, 一路都心郁郁想買支好d的羽毛球拍呢, 見到支二百幾蚊o既好唔錯呢; 返左企食飯沖涼之後, 本來想攪好多野, 點知9點幾訓左, 11點幾先醒返。
7. 之前係灣仔見到聖衣神話超平! 打返俾呀強, 原來呢期真係好平, 之前全部都要三百幾, 而家居然大部份都~$179-$199! 得2隻過二百! 好抵呀, 有d心郁想買!
8. 係屋企上網, 見到有得download返打鼓機d soundtrack!! 自從無得買台版CD後, 有幾首好想要o既歌都無, 而家有返, 太好了~~~
9. 估唔到小曼姐姐件事又有新進展~~ 希望佢之後會開心啦~~
10. Gundam OO開始進入正場, 真係好好睇呢~ d劇場有深度好多, 而且唔係打打打, 有返d戰術呢。
好link:
梁漢文+楊千嬅 -《滾》改篇歌, 之前post過歌詞, 今次連埋"聾貓"o既畫, 哈哈。
http://hk.youtube.com/watch?v=dOtM35d8ZTA&eurl=http
好廣告一條: 淘大(AMOY)點心廣告「回憶的感覺是...」
http://youtube.com/watch?v=7GUiug7RQ_U
The two talking cats
http://www.youtube.com/watch?v=z3U0udLH974
大家睇完會唔會覺得入樽有d危險呢
http://www.mojoflix.com/Video/Unsafe-Basketball-Net.html
完
2007年11月28日 星期三
無賴
其實, 無賴並不是一無是處。
雖然無賴所做的一切也不受大眾認同, 很無聊, 賴皮, 混蛋, 但從正面一點看, 起碼他們:勇於面對問題。
姑勿論他們解決問題的方法是對是錯, 但他們起碼每遇到問題, 都解決了。雖然人們都奈何不了他們, 甚至痛恨他們, 但在他們立場而言, 他們是解決了問題, 不論問題是如何艱辛, 如何難以解決, 他們都面對了問題, 解決了問題, 比起逃避問題為佳。
太極推手中, 練習到較高層次有"賴皮勁"; 雙方在推對方的手, 但其實大家都沒有用力, 只是把一開始的力卸下, 再推給對方, 對方再如是做, 輪流把那"力"推給對方, 只要有一方在過程中一用力, 就輸了。
這並不是逃避對方的招式; 其實一開始就要面對了對方的來招, 勇於接招, 才有之後的卸力反推之舉動; 當遇到的力較大時, 更需要勇於面對的心態及胸襟。
說了這麼多廢話, 其實只是想說, 遇到問題, 最差的情況就是逃避; 人總有想逃避問題的習性, 害怕去面對, 害怕之後的後果; 但不解決其實更麻煩, 長痛不如短痛, 甚至對某些人來說, 自己痛不如別人痛。
當然, 賴皮只是最後手段; 當問題不知所謂, 難以解決又很煩惱的時候, 不要逃避, 無論如何面對它, 無賴地解決了問題, 起碼對自己也是一件好事。
完
十一月二十七日 -- 三顧茅廬
1. 星期日最終咩都無做, 只係出左去同呀哥係附近食個飯; 頂唔住, 又再自己剪左頭髮, 好舒服。
2. 本來無野攪, 但係呀Sam似乎心情唔好, 約左佢星期二食飯; 本來民仔唔得, 後尾又得左; 決定左去KT廣福宮; 食野根本唔係目的, 3個人three men talk先係重點; 基本上成晚都係講佢地2個d野; 有人拍唔到拖, 有人拍拖唔高興, 總之就係聽左好多野; 呀Sam幫民仔谷起度氣, 用133打比逃避多時o既G小姐; 打通左話遲d覆; 食完陪Sam等車, 再同民仔2人去APM行一陣, 就MTR走。剛才收到消息, G SMS回覆, 衰左。唔想多講, 總之希望今次佢完全放低啦。
3. 好多野都睇得好淡, 其實好多野都好現實, 自己都係十分之極度非常明白現實o既人, 但係自己又好矛盾; 好多野其實真係好現實o既野, 同埋現實係好醜陋o既, 而自己又成日睇到現實o既一面, 但係自己諗野又會儘量諗好果面, 諗向夢想同理想o既一面, 鼓勵人地時更加係, 其實實在覺得自己係有d不知所謂; 而果d醜陋o既現實就更加唔想提了。係現實世界中係咪迷失比清醒快樂?
當你把世上所有東西都想到、考慮到最原始，回歸原點的時候, 其實很簡單, 但亦很無味。
4. 我呢個攪事部長, 發起白田村TMS組攪X'mas Party及交換禮物; 好高興呢, 攪下呢d野真係開心; 簡單而隆重o既抽籤儀式亦舉行左(又係大家抽定會送禮物俾邊個, 易買d)。
**********
點首歌比某死黨, 雖然d歌詞都唔係o岩晒...o岩d啦...
一千零一夜
歌手：李克勤
作曲：玉置浩二
填詞：向雪懷
編曲：杜自持
等她的笑 等她的愛
等她等了不知不覺一千夜
等她的吻 等她擁抱
輾轉不覺花開等到花凋謝
讓我每夜暖一些
回憶日作有一個 落漠造夢者
＊Oh Juliet 已一千個夜
Juliet 再等幾個夜
會對我好些 若愛情可借
盼今晚 你可否暫借＊
等她哭了 等她傷了
等她等了 一千加上多的一夜
等心死了 等她需要
等她知道 終於等到她感謝
若要每夜暖一些
情願像妳變一個 幸運被愛者
REPEAT＊＊
盼今晚 你可否暫借
完
2007年11月25日 星期日
十一月二十五日 -- 雜記
1. 21/11(三) -- 改左日子, 星期四先俾部NDSL俾Wendy, 所以返企。
2. 22/11(四) -- 俾NDSL俾Wendy; 大家都係6點收工, 係SSPMTR等, join埋之後佢話想是但食平野, 所以去左間廿幾蚊食; 食完講完再陪佢係黃金睇完d野, 8點島散。
3. 23/11(五) -- 例羽毛球; 打完後同SpenserCatherine去樹記叫$98三個小菜+碟菜; 大家累累地都無咩講, 打左陣NDS, 10島食完; 之後join馬&民一齊傾偈, 多謝佢地專登轉移陣地去APM就我, 又多謝佢地扭蛋俾我; 大家傾下民仔d野, 又傾下呀馬家裝修d野, 12點9島走。
4. 24/11(六) -- 第一次打完波之後係腰背痛, 唔係周身酸, 應該係打時用錯力; long week; 收工同呀哥無無聊去左MK街市食飯, 食完返企; 超累, 好難得我坐MTR都會恰到...
5. 25/11(日) -- 一早打定主意唔打波, 腰背仍痛, 暫時無節目。
6. 尚德玩具店之前見佢話裝修執走d野, 點知去o既時候見到間鋪吉左, 仲要行晒成個商場都唔見, 真係執左? 定係搬左去邊?
7. 孫權都未買, 呂布又出了; 2000Yen, 百幾蚊, 不過幾靚, 等佢跌返d價先買。
8. 追開的動漫畫仍然keep住好睇。
9. 估唔到某人o既情況峰迴路轉, 實在係另人摸不著頭, 不過個情況係由壞轉好, 再由好轉壞; 而家唯有希望佢盡地一煲完結左佢, 係生係死都有個了結好d。
Links:
Eason 扮劉德華 , 張學友, 譚詠麟, 攪笑
http://video.online.hk/watch/2072
來緊:
28/11(三) -- TKO羽毛球
29/11(四) -- 去Art Centre睇廣告!
30/11(五) -- 例羽毛球
4/12(二) -- 去Art Centre睇廣告!
6/12(四) -- TKO羽毛球
完
2007年11月21日 星期三
2007年11月20日 星期二
十一月二十日 -- 守得雲開
1. 16/11(五) -- 無例羽毛球, 無去海洋公園, 一早返企, 10點幾熄電腦去訓, 11點幾就訓左。是晚某死黨做左同發生左樣好勁o既野。
2. 17/11(六) -- Short Week, 幾條村IIA十幾廿人聯合燒野食@CWB; 好多人, 我唔係個個熟, 大部分人都傾左好多公司野; 食唔晒o既野全部俾晒我拿走; 之後同民仔係CWB meet埋, 本來諗住等埋家昇一齊飲野傾下偈, 不過家昇會晏, 所以唔等; 2條友本來諗住由CWB行到北角, 不過傾到興起所以行到QuarryBay; 由於無坐所以比預期早, 行左咁遠都係11點幾散。傾左好多野。好重。
3. 18/11(日) -- 由於要拿中學同學o既帖, 所以呀馬都去打波, 而自己都有份拿帖加上都想打波, 於是一早去打波; 唔熱+體能好左, 9點幾打到下午差唔多2點先走, 當日打得唔錯, 同返2個死黨拍返果然好好多! 下午同民返左企打機, 晚上去飲舊BD同事志博果餐; 去到無雷公咁遠係科學園擺, 好彩Rex有車車我地幾個同事入去; 見到好多好耐無見o既舊同事, 仲見到以前老細同Senior, 連Eric都係度; d野食上得好快, 但係臨尾幾樣又拖好耐先上(好彩d野食唔係分定, 係自己夾o既); 10點8島走, 11點幾返到企(好彩有Rex車返出九龍塘)。
4. 19/11(一) -- 同ConnieMartinCarol食飯, 補慶Connie生日; 由於馬生同我都無idea去邊食飯, 最後佢suggest去唱K, 唔使諗去邊食; 瓊華間K d野食仍然都係好食呢, 唱左3個鐘就夠鐘走; 行到差唔多到MTR站大家話不如坐底傾下偈, 於是返轉頭去M記坐聽佢地講左一輪KE同公司o既野, 之後11點幾返企。當日唱得唔多, 而家好少唱K所以狀態奇差, 加上都無咩K癮同mood唱呢。楊千嬅同黃耀明返唱o既"再見Puppy Love"唔錯呢~~ 林隆璇同李聖傑o既"你那麼愛她"都好正~~
5. 呢幾日當然不得不提發生左件大事啦!! 詳情唔講亦都好難講啦~ 總之民仔終於守得雲開啦!! 呵呵呵, 恭喜!! 加油!!
6. 公司野真係好煩, 我地企係中間, 其他parties全部都唔合作, 真係無得做; 自己幾努力同埋幾盡力去協調d野都好, 始終人太多而且每一個人都係唔同o既個體, 好難攪; "管理"真係一樣好難掌握o既事(雖然我地唔係做管理, 但係見到d管理階層都係唔識呢樣野o既...)
7. 小畑健新連載o既漫畫出左第二期單行本, 仍然keep住好睇呢。Hunter, One Piece, Gundam OO都仍然好睇。BB三國傳呂布出! 2000Yen, 都應該幾大盒...同幾貴 @@ 孫權出左都未買...
8. 自己不嬲同朋友出來都唔喜歡講返工o既野或者股票o既野, 因為好煩同埋無興趣, 不過發覺其實始終好多人都係三句不離本行, 而且都係人之常情, 所以都係算啦...
9. 20/11(二) -- 本來返大球場火警演習訓練, 不過好累又無心機再返, 所以無去, 返左企。
10. 暫時同民仔傾好左, 來緊呢期公聯會再報野, 暫定書法班!
11. 性格加上返親o既工都係要對人所練習返來o既關係, "職業笑容"同"人前強顏歡笑"o既技能真係強左好多呢~~ 真係多得見得多d麻煩人PK人...etc...etc...
來緊:
21/11(三) -- 改左日子, 星期四先俾部NDSL俾Wendy
22/11(四) -- 俾NDSL俾Wendy, 由於佢唔識用, 會食埋飯順手大概講埋點用
23/11(五) -- 例羽毛球
28/11(三) -- TKO羽毛球
29/11(四) -- 去Art Centre睇廣告!
4/12(二) -- 去Art Centre睇廣告!
6/12(四) -- TKO羽毛球
完
2007年11月16日 星期五
十一月十五日 -- 再見大頭文
16/11(五) -- 無例羽毛球...book唔到場
完
2007年11月13日 星期二
十一月十三日 -- 雜記
1. 12/11(一) -- 收工TKO打波; Spenser甩底; 3個人輪流2對1, 1個人追成場波真係好易有d進步呢~ 當日身體狀態極差: 1. 之前果日打完波第日成身酸 2. 個咀唇下面生左粒暗瘡 3.條"月利"咬親果度好痛, 講野同食野都痛...o岩o岩係利尖o既位, 有幾個傷位, 仲變左"飛滋"; 之前果晚又早訓, 11點幾訓著, 所以呢日精神好好, 反而更加覺得d痛 =.= 成日個狀態就係咁一路痛住痛住...好低。
2. 13/11(二) -- 其他都開始無咩野唔痛, 但係條利就繼續痛, 仲好痛添; 收工等呀Mak行好云無行o既皆旺, 之後同呀Mak去買NDSL, 而家買齊晒所有野, 都唔使$1400, 好平呢; 之後去食好耐無去的朗豪坊後面o既市政局街市熟食中心; 之後去左好耐無去o既機鋪, 不過無打, 睇左一段時間其他人打機, 就散, 成身煙味。
3. 新一話Hunter好睇, 新一話one piece好睇, 新一話Gundam OO好睇, 新一話天上天下好睇; 出左新一套SD Gundam (#14), 出左BB孫櫂...想買返龍珠扭蛋唔同套o既唔同型態o既菲利。
4. 條利好痛...同當年失聲一樣, 食野痛唔緊要, 講野痛先慘...不過都係照講。
5. 來緊12月成個月因為馮生搬屋關係, 無逢星期五o既例羽毛球打...
Youtube Link: 劉華勇救被"蕉"打o既fanshttp://v.youku.com/v_show/id_ca00XMTEwOTE0NDA=.html
來緊: Schedule亂晒
14/11(三) -- 同Catherine幫戴太幫個女買NDSL
15/11(四) -- TKO羽毛球, 7-8pm
16/11(五) -- 無例羽毛球...book唔到場
17/11(六) -- Short Week, 幾條村IIA十幾廿人聯合燒野食@CWB
20/11(二) -- 返大球場火警演習訓練
21/11(三) -- 俾NDSL Wendy, 唔食飯
28/11(三) -- TKO羽毛球
29/11(四) -- 去Art Centre睇廣告!
4/12(二) -- 去Art Centre睇廣告!
完
2007年11月11日 星期日
十一月十一日 -- 一一一一
3. 7/11(三) -- K; 其實唔係好大心機, 狀態亦麻麻; 最衰係唔知點解又係無得較echo, 個回音大到...真係無晒心機唱; 不過一班人都係玩得埋o既, 所以都玩得幾開心o既
(PuzzleSpenserIrisWingManTerry俠士); 星期三之前真係最好book, 不過好抵呀, 請一個人(Puzzle生日)每人都係一舊水島呢。
4. 8/11(四) -- 收工返企及好累, 11點幾訓。
5. 9/11(五) -- 收工例波; 打完累, 由於狂奔走關係對腳特別累; Spenser同坤坤都唔食, 所以同Catherine去好耐無去的樹記食飯; 而且食量真係今非昔比, 以前同呀Mak呀源民仔果d, 2條友, 每人叫一個飯/炒粉麵, 再加一個菜, 再加碟小食, 都食得晒; 而家叫少一個飯/炒粉麵, 未食完已經覺得飽...返到企由於累o既關係, 睇左陣三國先沖涼, 沖完又睇...2點幾先訓~
6. 10/11(六) -- Long Week收工勁累返屋企, 好難得一次食完飯未沖涼就攤落床, 仲要起唔返身; 發癲的一天。起返身沖涼又一輪再訓, 又2點幾。
7. 11/11(日) -- 估唔到都起到身打籃球; 今天射波勁勁勁唔掂, 但係其餘都唔錯~ 走位單擋各方面都OK(入波變左主力內線), 所以都贏到波; 值得一提o既今日打波事: 民同我一隊贏波, 十球有九球係佢入!!! 另, 一開波俾我, 我一fing再first step過左猩猩, layup入埋!!! 呢2樣野簡直就係令人難以置信!!!
youtube片2條
Shawn Kemp當打時精彩片段, 當年真係好勁, 又快又powerful, 好正; 當然片中亦見到唔少我偶像Payton o既絕妙助攻啦
http://www.youtube.com/watch?v=8ALdNck0f2o ]
條友打得幾勁, 應該學過boxing, 大家係街行路小心唔好攪到人條女啦
http://www.youtube.com/watch?v=Fn8PP4fw-uU
轉載改版歌詞
滾 (楊千牙、梁漢人 合唱)
曲：雷仲咳詞：林食編：雷仲咳監：雷仲咳
女: 你控訴我 ?野?上癮 密密外賣 令你很痛恨
你肚腩放上? 膽敢 去諷刺我 乜咁大個躉
男: 肥牛魚皮 鯪魚球生笙 豆腐豆卜 桂花蚌兩份
加一粒生根 唔通你 合 : 仲要忍
女: 我冇叫扇貝 咪當我老襯 男: 和他ＢＢＱ 是你蝦我笨
女: 我要再叫?你至安心 男: 跟他燒海鮮 知我極敏感
女: 堂堂男人 別太過份 男: 如何撈蝦 我當顧問
女: 唔睇ＴＶＢ 沒阿占阿笨 男: ＧＡＳ不夠了 肥牛便會軔
*女: 是肉類 男: 你作對 女: 你喝佢 男: 請不必屈我喝佢
女: 西芹都給你割碎 男: 全因這個錐 *
#女: 是玩具 男: 你說對 女: 你撤退
男: 跟湯底不太配對 我喜歡這豆腐類
女: 請你滾 滾起佢 你 男: 你要滾不要叫人 黎加水
合: 韭菜花 講一句 男: 我有帶遮不怕行雷合: 罩喱中會是誰女: 你放 男: 豆腐
合: 然後看生菜落淚 #
女: 從未見到你 男: 墊底?我生氣
女: 我也要吃你 男: 你當我已死
女: ?青口在妒忌 男: 假得你
女: 我買?買過你 男: 是為著好奇
合: 豬?知 你與我 誰人有尾 男: 點Ｑ知你 女: 誰叫你落黎
男: 冬瓜躲避 女: 筷子篤你 麻油豉油落埋亦無味
男: 終於口渴我 我要個七喜
Repeat * #
男: 來撈我吧我吧我吧我吧我吧我吧 還是菜吧
女: 雞肉豬肉蝦肉螺肉螺肉煮熟 食午餐肉
男: 應吃齋了生菜通菜韭菜波菜 寧願吃瓜菜我沿途出家
合: 湯渣 女: 要乜呀
男: Ａ菜 娃菜 芥蘭有吧
女: 冬菇縮到極小家
合: 你給我湯渣湯渣畢湯渣
Repeat #
女: 再見 男: 不見 合: 誰又有空再受罪
女: 再見 男: 分居 合: 無謂吃傷我味蕾
完
2007年11月7日 星期三
十一月六日-- 雜記
1. Hunter 265出左, 又回憶, 但係又係好緊張...會長超勁!
2. 得閒無事又砌BB戰士, 呢排開工率高返~~
3. 得閒無事屋企煮野食, 不過其實煮飯都係多人好...唔夠多人剩好多野...
4. 又download左Gundam OO第五集, 開始個背景交代完, 敵方開始研發d有得對抗o既機同人物出來了~~
5. 頭髮愈來愈長, 俾好多人話了~ 自己都頂唔住, 自己剪左, 攪掂。
6. 連唔識power drift o既Spenser都有2星, Catherine都有3星, 唯有玩返, 終於Mario Kart又玩返3星了~~
7. 等左幾個月, NBA終於又開鑼, 呢季好有睇頭呢~~ 有唔少新氣象~~! 好睇!
8. 星期日本來晏左起身, 唔想去, 不過反正都無咩做, 就去左深圳join埋呀哥, 同埋探下KTG; 咁o岩果日東門o既商場大減價, 所以極~~~多人, 連MTR站都好耐先出到; 一來先去買左堆老番DVD演唱會, 之後去左購書中心, 之後就去唱K; 去左一間新開又好大間好豪華o既K -- 錢櫃。好多層, d裝修好靚好豪華, 個大堂、走廊甚至d房都好似酒店咁; d歌都好新, 螢幕同喇叭都好大; 不過可惜都唔係我杯茶: 1. d野食麻麻地(可能係果個時間麻麻地) 2. 雖然有好多新歌, 但係好多演唱會歌都無...無癮 3. 無得較echo, 儘量較到最細都係好echo -- 所以第日再上去都係去返加州紅...不過新張期內有優惠, 而且好大間又造成話題, 都值得去一次o既。唱完3個鐘之後就走。之後就差唔多返HK了。KTG唱歌當然仍然係超得。
9. 5/11(一) --收工返企好眼訓, 未到11點訓左。Connie 和 Puzzle生日快樂, Puzzle新婚快樂添~ :P
10. 6/11(二) -- 同Lands同事打邊邊, 6個人到天香任飲任食唔限時埋單每人~$88, 超抵。
11. PSP出o既Gundam G-Gen trailer, PSP畫面果然係唔同d...
http://www.levelup.cn/news/NewsDetails/2007-10-14/999990597.shtml
完
2007年11月1日 星期四
十一月一日 -- 萬聖節
1. 31/10(三) -- 萬聖節一早收工返企, 食完飯砌模型; 由於MG Zaku II 好繁複, 所以打算星期六日有較長時間先砌; 砌左隻BB Stargazer, 幾靚, 幾個鐘就砌晒, 雖然未油色, 不過都叫砌晒隻野! 好野~ 有開工又有進度呢~
2. 上網見到d人講出左新一期Gundam Weapon, 今次講武者BB! 不嬲無買開o既我都想買呢~~ 睇下有無出大陸平版先...
3. 1/11(四) -- 收工打波, 呀Wing都來; 一齊係企食飯打機再去打波, 好開心~ 最攪笑係呀Spenser同呀Wing去買野食時, 我同Puzzle係樓下撞到呀媽, 唔知會唔會亂諗野~ XDDD 打完波返企~
4. Art Centre又有廣告展!! 貓貓睇, 問我去唔去, 當然去啦~~~ 期待! 仲有無人有興趣呢?
來緊:
7/11(三) -- 同而家同事(PuzzleSpenserWing俠士...etc)K, 要用盡星期三7折唱K優惠!! (Puzzle 5/11生日)
9/11(五) -- 例羽毛球
12/11(一) -- TKO羽毛球
15/11(四) -- TKO羽毛球
29/11(四) -- 去Art Centre睇廣告!
4/12(二) -- 去Art Centre睇廣告!
完
2007年10月31日 星期三
錢錢錢錢
從來也不想成為"有錢人"。
雖然自己年紀尚輕, 見識閱歷並不算多, 但從過往的經驗與看過的、聽過的人、事、物、歷史覺得, 自己真的不適合, 或者有點抗拒自己有錢。有錢人的世界與平民的世界實在有很大的差距; 可能富有的人會做多、玩多、享受多很多東西, 可是卻很容易使人腐敗, 頹廢, 財大氣粗(覺得大部份人包括自己在內也會, 只有意志力很強又聰明的人才不會), 又不見得會變成有修養有深度的人; 而且顧慮亦多, 身邊的人心亦難測, 不知孰真孰假; 還有很多很多問題...都是使人心靈上不能自由歡暢的。
聽過爸媽說起從前鄉村的生活, 看電視也看過很多有關鄉村、公共屋村的紀錄及事情, 自己曾經及現在也在公共屋村工作, 之前的工作也涉及到不少窮人的地區(同時也接觸到中產及較有錢的人士), 發覺貧窮的生活及人們比較單純, 很多事情也可以簡單直接些, 與人的關係也比較和諧融洽; 與別人有些少爭執發生時, 可能同村之間也沒甚麼大所謂, 很快便解決; 相反現在的人猜忌多了, 有事發生時又會投訴及追究到底, 誓要自己拿到最"著數", 很麻煩。
當然, 以上的意見有回以偏概全, 但真的發覺很多時有這些情況出現。
就算不做富有的人(當然, 要做也做不成), 有些人也很努力去儘量賺多些錢。但求自己往後生活無憂, 當然是很重要; 有些人會要求很穩定的收入, 有些人則在工作上很拼搏, 有些人做生意創業, 有些人投機買賣股票, 總之各有努力的方向。
近期股市大升, 基本上大部份人也在談論著(身邊九成的人也是); 而這個情況也使很多人即使不太懂也可以賺很多錢, 而有些人賺一天的錢甚至隨時是自己做一年; 不過對於我來說, 這不是我擅長, 也不是有興趣的東西, 要我每天也留意著看著一大堆數字實在很乏味, 反而只想腳踏實地做自己控制到的東西; 過往很多年, 香港曾經有多次股市大旺, 人人都賺到笑, 但打後總有時間股災, 一街都是蟹民負資產, 偷偷地在背後笑的只是大鱷們; 股票可賺可蝕, 即使賺又如何? 長期要留意著看著那麼多新聞及數據, 心情起跌又大, 實在很辛苦; 反而從來不碰, 即使見到別人賺了大錢, 自己賺不到, 但同時也不用成為蟹民, 不用跟別人滄海桑田; 可以平靜安穩, 沒半點煩惱, 控制得了自己, 光是這一刻Peace of mind, 就值得抵禦了所有誘惑。
金錢本身有很大的能量, 要很強很有智慧才可以駕馭, 否則就反被控制了; 自問自己並不是這些人, 所以我也會努力地向著自己的目標, 平平穩穩的生活就好了。
完
2007年10月30日 星期二
十月三十日 -- 放假一天
1. MayChan生日快樂!
2. 由於星期一實在太累同唔舒服o既關係, 今天一早起身掙扎左大半個鐘, 終於決定抖一日, 請一日假。雖然都係成日暈暈地, 但係睇下漫畫砌下模型睇下電視食下野都係幾寫意o既一天。
3. 買左新一期One Piece單行本; 睇完之後忍唔住上網追晒d連載! 成朝就係係網上睇漫畫; 超好睇! 出到就來50期都仲好好睇, 個作者真係好野!
4. 好勁, d人真係好心機噴, 超型: 原大柯柏文貨櫃車!
http://cgi.ebay.com/ebaymotors/Replica-of-Transformers-Optimus-Prime-Peterbilt_W0QQcmdZViewItemQQcategoryZ63743QQihZ013QQitemZ230181106980QQrdZ1QQsspagenameZWDVW#ebayphotohosting
5. 間房真係好多野, 就咁執一定執唔到...d收藏品又拿唔到出來擺...真係要搬先有機會執好d野...
來緊:
31/10(三) -- 同ConnieCarolMartinK CANCEL
1/11(四) -- TKO羽毛球, 9-10pm, 雖然呀Wing新工first day, 但好有可能來
2/11(五) -- 無例牌羽毛球, book唔到場
7/11(三) -- 同而家同事(PuzzleSpenserWing俠士...etc)K, 要用盡星期三7折唱K優惠!! (Puzzle 5/11生日)
完
2007年10月28日 星期日
十月二十八日 -- 雜記
1. Hunter 出左#264! 雖然連續幾期好拖但係又好好睇, 吹佢唔脹! 真係一期比一期緊湊! 成話只係過左0.096秒!
2. 25/10(四) -- 收工約左Carol; 未到之前呀強落SSP, 俾左幫我買果套SOG, 真係唔該晒!! 行左陣街又陪佢換左個火牛, 之後去左天悅, 睇GundamWar o既card, 見幾靚都買左幾張; Carol到左之後去試換電話, 預期之中任務失敗...食完飯散。
3. 26/10(五) -- 收工羽毛球, 之後同波友Catherine食飯; 終於正式地係"山東餃子館"食野, d餃子食第二次都係覺得好味! 唔係試左好多野, 仲有d串燒都好食! 羊串不愧貴$2, 比起$6的豬同雞串好食好多, 以後只食羊串就OK! 食完返企。
4. 27/10(六) -- 收工去左油麻地買扭蛋, 買左新果套SD Gundam同龍珠; 龍珠果套勁正! 係菲利同精英軍團~~~ 一套有晒, 太正了~~
5. 又發左個衰夢...呢排實在有點鬱卒。
6. 返工似乎又有人事變動...好鬼煩, 點解成日都要轉來轉去, 而家咁成班人開開心心夾得好咪好咯...希望唔好有改動啦...
7. 愈來愈覺得人性可怕...延續之前所見, 你真係唔可以估到一個人就算幾friend都好可以係你背後講d咩同咩咀面; 雖然同我無關係, 但係見到呢d情況都覺得好可怕; 仲有, 人都真係好八卦同好鐘意亂估野o既, 所以一知道d咩消息, 就會亂咁諗同埋估好多假設性o既野, 又唔知點解人總係會諗向壞同負面o既一邊, 跟住係背後就諗到好不堪, 仲要唔會相信一d比較好o既推測, 甚至係好o既真相...人真係低能的。
8. 在外國o既朋友, 生日快樂。
9. 唔知咩事有問題, 好多網上唔到, 有d newsgoup又上唔到(download唔到Gundam OO #4 =.=), 又上唔到msn...
來緊:
31/10(三) -- 同ConnieCarolMartinK CANCEL
1/11(四) -- TKO羽毛球, 9-10pm, 呀Wing新工first day, 應該唔來; 應該得3個人
2/11(五) -- 例牌羽毛球?
7/11(三) -- 同而家同事(PuzzleSpenserWing俠士...etc)K要用盡星期三7折唱K優惠!! (Puzzle 5/11生日)
完
轉載:拉登說：中國是全球唯一絕對不能惹的國家！阿拉伯半島電視臺對拉登的最新採訪。
拉登說：中國是全球唯一絕對不能惹的國家！
原因是這樣的：基地組織曾派出八名恐怖分子襲擊中國。
結果：
一人在炸北京西直門立體交通橋時轉暈在橋上；
一人在上海坐公車自殺炸彈時擠了兩小時沒擠上車；
一人在武漢炸超市時，炸彈遙控器被偷；
一人在炸成都政府大樓時, 被保安狂揍："叫你討薪，叫你上訪"，
一人成功地河北炸礦，死傷數百人，潛回基地後，半年沒見任何新聞報導，遂被基地組織以"撒謊罪"處決了；
一人曾經嘗試炸廣州，結果剛一出火車站,炸藥包就給飛車黨搶了，半天沒恍過神；
一人剛到中國就失去聯絡，後來在上海醫院找到，人還在昏迷，醫生說他喝到假酒，但讓他昏迷到現在的是黑心食品；
最近，派一女恐怖分子去炸河南，結果被騙到海南島賣淫 !!
記得！！中國是全球唯一絕對不能惹的國家！-------
2007年10月24日 星期三
十月二十四日 -- 雜記
1. 後遺症續: 連日勁累同眼訓, 不過都係收工之後係屋企o既時間; 星期一11點幾就眼訓, 11點半島訓, 星期二10點幾已經差唔多訓著, 10點半起身熄晒d野訓~ 太早了~~ 連日都頭赤赤, 身體狀態低; 唔通真係人老左, 一晚夜d訓就頂唔住?
2. Hunter #264出左, 雖然未有得睇, 但係睇左少少網上d人post出來o既圖, 好似好精彩!
3. 某日係街上見到有關"亞里巴巴"o既野, 見到而家連報紙都大大頁出廣告有關抽股o既野, 突然覺得, 個市都係時候要死, 要大跌了。
4. 突然醒起左某d野...又墮入左煩擾o既心情入面...好想逃避。
5. 一時諗唔起仲有d咩要打, 完。
2007年10月22日 星期一
十月二十二日 -- 重陽+連假後遺症
1. 好耐無試過3日連假, 放得幾舒服。
2. 19/10(五)全日在家抖, 砌左少少MG ZakuII, 終於又開工。20/10(六)早上民仔11點幾到, 打機食飯之後馬都到, 再打機。晚上決定去join唱K。雖然地點係偏僻d, 但係真係好少人, 所以抵唱。終於見到傳說中o既Sam哥好朋友, 呵呵。當晚大家玩骰仔飲酒多, 由於我唔鐘意飲酒, 所以唱歌多d, 抵; 難得狀態係近期來講都算好d。點幾2點先走, 送埋S返企出返MK3點幾, 再泥蜢的返企4點, 5點島訓。21/10(日)訓到鬧鐘響1點起身, 抖下hea下出門口3點幾到CWB, 買齊野入去燒; 原來係d公務員o既唔知咩場地, 可以自己"透"爐燒野食係開心d的, $5一個鐘都抵, 唔使霸呀嘛; 除左一般丸腸扒翼之外仲買左d海鮮, 正呀~ 埋單7個人請1個都係~$100(仲要其實有野買貴左+有野剩), 抵。10點收場之後返企。拿左d剩o既雞翼返企。
3. 22/10(一) -- 呀Wing last day, 真係唔捨得; NDS最後一戰佢勁多意外, 慘, 呵呵; 收工打羽毛球, 由於連放3日吃喝玩樂+個幾星期無打波少做運動+夜訓, 平時打2個鐘波都無咩野, 今天打左個鐘到尾段已經累累地...打7-8完左食飯之後打陣NDS Spenser要接女友機9點就散; Spenser完結女友唔係HKo既自由時光了~~
4. 睇左Gundam OO #3, 仍然都係無高潮位, 仲係慢慢營造緊? 暫時都OK...
5. 新一套SD Gundam又出, 又要買了...
6. 根據消息, KTG從上海回歸!! 歌后再起!!
來緊:
25/10(四) -- 同Carol去SSP換電話; 好唔好彩地, 大家買大陸手機都無問題, 佢果部偏偏係壞o既; 睇個勢似換唔到。
26/10(五) -- 例牌羽毛球?
31/10(三) -- 同ConnieCarolMartinK
1/11(四) -- TKO羽毛球, 9-10pm, 呀Wing新工first day, 應該唔來; 得3個人?
2/11(五) -- 例牌羽毛球?
7/11(三) -- 同而家同事(PuzzleSpenserWing俠士...etc)K要用盡星期三7折唱K優惠!!
完
2007年10月20日 星期六
十月十九日 -- 重光
1. 搭巴士見到梁靜茹同品冠唱"Way Back to Love", 估唔到喎, 唔知遲d K有無得唱呢。
2. 幾經艱辛, 終於download完個演唱會。有得睇。雖然d file好奇怪, 唔知係咪for DVD機睇, 分開一段段但又唔係跟歌分。 @@"
3. Mango K, 去o既人同我都唔係好熟, 而且都唔係好大癮唱歌, 不過福至心靈之下去搵"男歌手"入面o既"蔡一傑", 原來之前搵唔到o既歌係晒入面, 唔係"草蜢"度, 有得唱。唱K時開始頭痛, 返到企仲痛...好彩第二日訓醒無事。
4. 自己剪左頭髮, 又係失敗左, 有長有短; 有度仲剪得勁左, 惹起左禿頭疑雲添。
5. 超過一年無出o既hunter x hunter連載重新起動!! 又返返緊張時刻!! 準備突入王宮!!
6. 由於想加速完村, 加左個新同事Terry來幫手。
7. 某日行樓入左2間好攪野o既房口, 好得人驚, 不過太長唔打了, 係度自己remind自己有呢件事而已。
8. 18/10(四) -- 本來諗住收工返企, 突然呀Mak佢地約食飯; 好耐無參與過了, 反正第日唔使返工又無野攪, 緊係去啦; 未食之前同佢地睇PSP, 原來而家咁平, 連晒所有野都係~$1400島, 好抵呢, 不過我都係唔會買的; 8點半後去"天香酒家"打邊爐(霤生春附近), 任食連任飲都唔使一舊, 超抵食! 呀Mak請我食(佢好耐之前一路話要請我), 其實都有d唔好意思...當日仲知道左個好勁o既消息添!
9. 回家唔知點解突然上唔到網, 呀哥又唔係企星期五晚先返...
10. 19/10(五) -- 放假第一天全日在家, 無得上網...終於再度開工MG Zaku II Verision 2。去左一趟尚德, 間玩具店就來裝修真係好平好多野想買呀~~~繼續忍手!
11. 呀哥歸來, 上網問題攪返掂; 佢仲買左本三國演義返來俾我(之前個星期將軍澳行大運時講開), 最近又可以開始煲書了。
12. 本來都OK o既事, 一俾人逼就唔想做; 自己有好多野平時都好無所謂, 順得人意, 但係有時有d野一逼迫我反而會有反效果。
13. 又一次感受到人言可畏; 雖然同我無關, 但係同人一齊聽到佢地講人地d野, 真係可以講到好誇張; 人就係鐘意八卦、誇大、扭曲, 但係係當事人面前就一d野都無, 太可怕了...真係令人心寒...點解人唔可以表裡如一呢? 點解人總係鐘意將一d自己唔知o既野諗晒去唔好同負面o既野度呢? 對"人"信心真係愈來愈低...
14. 再, 原來人真係可以有好多面o既, 對住你好似無野, 仲好似好好咁, 但係係你背後點諗同點做真係可以完全唔同; 自己本來見得好多人又留意好多野, 但係而家都會迷茫: 究竟自己觀察到o既野有幾多係真? 就算朋友之間, 有幾多係真心同真誠o既呢? 至少係朋友面前, 點解人唔可以坦白d有話直說呢? 好可怕...
完
2007年10月16日 星期二
十月十六日 -- 沒結果
1. 呀媽好開心去左菲律賓玩, 呢排我都有好想去旅行o既衝動...
2. 演唱會download到99.4%就停左無人seed, 超灰, download左幾日幾夜...慘。
3. 因為download唔晒而睇唔到o既原因, 一氣之下本來話係屋企唔打機, 照走左去打NDS; 本來Gundam G-Gen 女主角線爆左regular game, 但係仲有特別關未打, 係屋企一次過煲晒, 終於真真正正出credit爆機! 爆機交代晒所有人物o既去向; 爆左機之後出現"特別演習"o既索敵關, 係一關入面一次過出晒所有大佬機, 好變態~~!!不過好好玩~~~
4. 開始玩男主角線, 夢想係唔用勁機, 全員用卒仔機!!
5. 有返d mood想砌模型, 要搵d時間攪攪佢。
6. 頭髮太長, 冬天不想鏟短, 自己又來自己溝薄頭髮大行動。
來緊:
17/10(三) -- Mango K
21/10(日) -- confirmed 燒野食, 係CWB?
完
2007年10月15日 星期一
十月十四日 -- 行大運
1. 暫時不摺
2. 上星期有一天發生左一件由細到大都未試過o既事! 話說有一晚半夜突然醒左, 發覺自己郁唔到! 係俗稱"俾鬼責"呀~~~ 當時o既心情居然唔驚, 而係覺得好好奇, 仲幾有趣添! 第一次試過呢樣野, 真係想郁都郁唔到~~後來慢慢試下自己可唔可以控制到, 逐少逐少咁郁返, 無幾耐就郁得返, 之後又訓著返了。
3. 星期一四五都打波, 好健康, 打到後期都有d累呢; 其中有一日差d勁拗柴, 好彩即刻屈返來, 無事。
4. 星期三突然同一個batch o既大使攪gathering, 本來都諗住有6-8人, 點知有d人放飛機有d人下場先來, 得4個人食飯...悶悶地係紫荊食下飯傾下偈, 8點半就散了...好彩我來來都唔係好想去, 想快d返屋企o既。
5. 出左BB三國傳o既曹操! 去買o既時候買埋BB Stargazer, 本來應該$63, 我俾左$80, 但係個人以為有張係$10, 結果找返$17俾我, 我走左先發現, 賺左$10。
6. 10/10 Sharon 生日, 不過佢呢排忙...睇來無機會同歌后慶祝生日呢。
7. 身邊o既人同朋友好似都係唔係好識同人修補關係同認衰o既人, 其實自己有時都係...
8. 12/10(五)打完波後(早左走)去旺角同八婆Esther大頭B食飯, 去返登打士街樓上果間茶禈食, 就返呀B食齋; 不過仍然都係好唔掂, 等好耐先有得食(個幾2個鐘!) d野食好細碟又唔係平...不過勝在有得坐咯...大家傾下偈坐左好耐都幾開心。11點幾其實都可以再坐同傾落去, 不過第日要返工, 所以叫走了。
9. 13/10(六) long week返工很累, 行樓收貨做晒...
10. 睇左Gundam OO第2集, 頭2集都算平淡, 唔係一來就好精彩o既, 不過似乎係想做好個世界觀先, 慢慢到後來我估會愈來愈好睇, 希望係咁啦; 扭左幾隻佢o既蛋呢。
11. 有日搭MTR見到個BB係BB車度, 勁用力fing頭, 好似好rock咁, 勁好笑。
12. 14/10(日)累o既關係無去打籃球, 中午同哥去左寶琳食lunch, 之後係將軍澳行大運, 屋企-->寶琳-->坑口-->將軍澳-->調景嶺-->尚德-->君薈-->屋企, 行晒成個將軍澳; 尚德玩具店大平賣, 忍左手都買左幾盒野...愈買愈多啦...唔知點解同呀哥都覺得會中六合彩, 一齊買左 :P
13. 晚上見到有得dl Joey + Grasshopper Live Concert! 即BT!
14. 聽mp3, 除左勁鐘意"愛比我重要"之外, "火宅之人"都幾正, 個melody唔係好悅耳o既歌, 但係好舒服同好有feel(當然係二少唱先會正)。其餘飄, 望星星, 偷窺等等都好正, 要搵人合唱下呢。
15. Confirm PRO英偉哥呀Wing 22/10 last day...人工同返工時間等等都好, 緊係走啦...不過我地無左個PRO就慘了, 而且無左個Mario Kart好對手...總之好唔捨得。
來緊:
17/10(三) -- Mango攪K, 其實呢排無咩癮唱K, 而且唱得差左之後都唔係好想唱K, 又有d唔熟o既人...不過都會去
21/10(日) -- Spenser女友旅行放監, 本來去佢屋企玩, 而家可能攪燒野食, 未confirm, 總之應該有野攪啦
重陽未點有節目
火宅之人
歌手：草蜢 (蔡一傑)
作曲：高世章
填詞：黃偉文
編曲：Roel A.Garcia
長夜已經將盡 還是按兵不動
同伴在舞會中 我在我家中
看著掛鐘 緩慢擺動
為我伴舞一分鐘
情願變得主動 填密這種空洞
全部號碼統統 也撥過一通
卻未接通 連夜放送
急得就要瘋
＊誰願救我 今晚家裡著了火
危在一旦 急需好友的救助
我為人人 人人為我
良朋為何讓我 自己一個？
誰願救我 今晚家裡著了火
留下乾坐將躲不過這個禍 良辰如何渡過？
沒人想起找 我
其實有種衝動 隨便上街走動
從旺角到金鐘 帶著個酒樽
試著放鬆 大醉一頓
謀殺時間的幫兇
長夜已經將盡 還是按兵不動
煩悶就似火種 撒在我家中
這夜暗中 全面放縱
點火又煽風
＊＊
完
2007年10月7日 星期日
摺BLOG?
其實個blog係想自己寫底晒自己o既感覺同感想同發生o既野出來, 真係唔為左寫比人睇o既野。當然我唔介意俾所有人睇, 亦都知道寫左野出來就要負返責任, 所以有d野到最後都係無寫出來(但係透明度都係高到有d離譜, 如果你信我無呃人o既話...)
但係可能有人覺得, 寫得出來就係為左比人睇。比人睇就預左會有好多諗法, 或者要諗下寫d咩出來。
不過咁樣就失去左原先自己o既意思, 又有好多局限, 更引來愈來愈多o既麻煩同誤會; 自己其實真係想有個地方打下野記下野, 唔通真係要隱藏內容或者摺左個blog然後自己打落word file算?
完
十月七日 -- 雜記
1. 6/10(六) -- 最終在家與死黨2講電話都咁上下先出門口, 無去灣仔; 係CWB同民馬行到差唔多就去飲; 飲o既野食, rundown, 氣氛各方面都麻麻地, 真係麻麻地... 7/10(日) -- 早上打波, 好少自己友來, 又打左好少場就走, 食完飯返企hea左陣訓到晚飯。
2. 容祖兒唱歌其實真係好好; 把聲、唱功得就唔在講, 而家昇左個層次, 可以就返首歌唱返個feel, 真係要唱得有咁上下耐同肯去學去進步先得, 好厲害呢。就算佢樣衰都好cheap都好咩都好, 有實力同勤力係真o既。
3. 最近飲左罐"紅梅牌牛尾湯", 好好味; 細個果時成日飲, 近幾年都無飲過, 飲返仍然咁好飲!
4. 好耐無搵我o既B-E人搵我, 佢似乎又想識女仔; 想約個女仔去玩, 個女仔帶d朋友來, 佢就想叫我叫d男仔朋友去...不過睇來我都係搵唔到, 都未必攪得成...我都唔係好大興趣...到時再睇下點。
5. 呀哥幫我買左"天上天下", 終於睇左!! 廢人前輩好型呀~~~~!!
6. 呀強幫我搵到SOG Extra我之前miss左果part!! 即買!! 唔該晒!!
7. Hunter x Hunter 終於重新繼續連載!! 終於要入王宮了!!
8. 全新o既一套Gundam "Gundam OO"出左了! 係日本首播了! 呢排無咩攪, 好難得地我會bt左返來, 仲有中文字幕添! 不過仲未睇。可能會追下呢~~ 如果好睇就奶野了, 實會買模型...
**********
好歌推介
愛比我重要 by 蔡一傑 (原唱黎老明)
以前都唔覺得喱首歌特別好聽, 但係唔知點解,經蔡一傑唱完之後, 就覺得好好聽, 仲越聽越好聽！<---網上d人o既comment, 同意!!(注意: 只限二少之Version。)
http://www.youtube.com/watch?v=juRHFo53eWM (Start at 5.30) <----Grasshopper + Joey Live o既 link, 5分30秒開始係呢首歌, 要mp3的話問我拿啦。唱K無, 我估遲d出DVD都會無。
誰令做夢亦能笑著臉回味
誰令寂寞亦能找得到理由歡喜
誰若吻過你也拒絕別離
連我也對我在妒忌
怎可能有你 竟可能一起
誰令絕望亦能找得到理想
誰令樂極忘形都想找個人分享
無論去到哪裡你若在場
全個世界都是善良
竟可忘記了 如何受傷
待我好 原來愛你比我重要
陪著你 才能叫我生命炫耀
誰幸運 找到你便知道 愛會燃燒
停止呼吸心 想到你都可以跳
Repeat
你出現 比我哪日出世還重要
從此呼吸 多少次數 便愛多少
你出現 比我哪日出世還重要
停止呼吸 心想到你 都可以跳
你 最喜歡我笑
完
2007年10月6日 星期六
十月六日 -- 愛君如夢
1. 4/10(四) -- K, 除左呀Wing(英偉哥)之外都同佢地唱過的; 大家都唱得幾開心, 呀Man把聲真係好聽; 驚喜地發現有Grasshopper + Joey果個Live o既歌唱了, 可能出左碟了; 好可惜, 有d歌無得唱...唔係全部有...居然偏偏無"愛比我重要"...12點半先走, 2點幾訓, 好眼訓...
2. 原來而家用恆生card逢星期三係加州紅唱K 7折! 蝕左啦~~~ 要攪一攪!!
3. 出左"天上天下"新一期...未買。
4. 5/10(五) -- 雖然眼訓, 但係返工時OK, 收工後打羽毛球, 打完2個鐘食埋飯9點幾10點...分別有2個人叫我去同一個K(民仔呀Sam佢地o既re-u), 由於之前果晚夜, 好累, 本來都唔諗住去; 不過又打來再比一擊我......打完波食完飯後在街磨左一輪, 決定返企。
5. 在去與唔去之間; 如果好友無再打來, 我都唔使考慮咁耐; 好多因素諗過, 在街徘徊左一段時間, 最終都係無去; 很down的一晚...
6. 又發左個好唔應該o既夢, shit。
7. 呢排見到好多身邊o既人、朋友等等都有改變, 而且都幾好, 呀哥好似開心返dd, 民仔同另外幾個熟同唔熟o既朋友好似都有變好左(同前途工作果d野無關, 純粹係心靈同性格上上) 幾開心呢~ 唯獨是自己反而好似一路向唔好果面推進緊...
8. 好耐之前一路都想睇"愛君如夢", 一路無咩機會睇; 屋企衛視成日播, 但係次次都係係開始左一半先見到; 今天全日無野做, 咁o岩見到有做, 即睇; 可惜係好差o眉普遍話配音; 好好睇, 好鐘意睇呢d片, 過左咁多年終於都睇到呢套了。
9. 各樣原因關係, 今晚好唔想去飲, 亦唔想出街, 更唔想見到任何人。
完
2007年10月4日 星期四
十月三日 -- 心靈豬湯
1. 睇左少少一本同事之前借俾我o既書, 係講d心靈上o既野o既, 係入面好多都係講點樣先可以開心d, 放開d, 心靈修為上提昇o既野. 睇返內容, 個作者好有條理同講得唔錯, 有好多野我都明同本來諗o既野, 佢都可以好清楚咁講出來, 幾好呢; 雖然好多野都知, 不過自己睇過一遍load左一次, 個人係會舒服d...thx...
2. 同事download左Grasshopper+Joey的Live Concert mp3, 當然即時問佢要左啦; 當然係唔錯o既, 唱下對方o既歌, 男仔同女仔唱K都有機會唱下另一邊d歌了; 不過女仔key唱男仔歌好聽過男仔key唱女仔歌的, 好過無啦; 不過而家都唔係好有mood唱K了, 更加唔想成日唱蜢蜢。有好多歌本身好聽唔講, 係有d係驚喜來o既: 估唔到有electric girl, "飄"好聽, "望星星"好聽, 最驚喜係蔡一傑返唱黎明先生o既"愛比我重要", 十分好聽, 佢真係好o岩唱呢d歌, 正呢, 原來係網上獲得好評, 好多人都係本來覺得首歌無咩特別, 聽完佢唱就覺得好聽呢。有機會唱K要唱下, 點無mood都要唱下。 其實鐘意唱草蜢o既歌唔只係因為鐘意佢地d歌(好多歌手都鐘意啦), 而係覺得自己o既聲比較適合唱, 所以鐘意呢。
3. 好似少左好多朋友o既感覺...因為好多原因, 朋友忙o既忙, 少見o既少見, 拍拖o既拍拖, 相性唔夾o既又有, 又有d活動唔會再預我等等, 自己又少再約人, 總之出少好多街了...
4. 少出左街, 使少左錢, 但係好多飲; 其實有時都好想約下人出來食飯吹水散下心的。
5. 勁link, d人真係犀利。
http://www.youtube.com/watch?v=Efp-v2KB4No
6. 係屋企要繼續禁自己打機; 之前出來聽貓貓佢地講NDS隻新game"逆轉裁判"好玩, 咁o岩呀英偉哥有, 即時要左返來。未試。暫時都係Gundam。
7. 今天公司field coaching表現OK, 雖然唔鐘意比人望住做野, 所以比平時無咁好, 但係都OK, 真係好, 過左樣煩野。
來緊:
4/10(四) -- K, 難得連英偉哥都肯去
5/10(五) -- 羽毛球(石夾尾)
6/10(六) -- 飲
7/10(日) -- 希望有籃球打
8/10(一) -- 羽毛球(TKO), 好似BB戰士出曹操Gundam
11/10(四) -- 羽毛球(TKO)
12/10(五) -- 羽毛球(石夾尾), 之後同Lands名事出來食飯談心喎, 話想問下我o既"不瘦降之謎"喎
完
2007年10月2日 星期二
十月二日 -- 人不可貌相
1. 唔記得原來因為呀爸上工聯會o既關係, 逢星期二係無飯食的...太遲先知了...收工後去左福利行一轉, 真係無事出街破財, 無啦啦俾我見到MG肥蟹(愛爾蘭魔蟹)$160, 好抵, 而且不嬲都係鐘意o既(話晒係一年戰爭機種), 即買。
2. 尋晚勁大風大雨, 嘈醒左我, 慘, 勁眼訓。
3. 明天coaching, 會有無聊o既人來睇我行樓, 不過唔影響飯碗, 照平時咁做可也; 不過最憎人睇住我做野...
4. 要限定自己, NDS只可係係街, 搭車或公司打, 係屋企要砌下模或者打下野先得。
5. 今個星期六又有場飲, 十月中又有...十二月又有, 下年一月頭亦有, 計埋o岩o岩過左o既九月尾果次...嘩...
6. 今天搭車返企時, 有個呀叔上車坐左係我隔離; 其實我一向都唔會以貌取人o既, 不過呢個呀叔d衫同個袋都係污污wear wear, 又有煙味, 上左車仲開左罐啤酒來飲, 個look成個地盤佬咁; 係呢個時候, 佢係袋度拿左份野出來, 份野o既面係英文o既, 係Fax Cover來o既, 但係當佢睇入面o既野時, 原來係有關building同工程o既野, 全英文之餘仲有好多係speci同plan o既野, 真係有d估唔到(佢好明顯係識睇, 應該係site agent或者foreman之類來o既)。所以大家都係唔好以貌取人呢。
完
2007年10月1日 星期一
吳應熊
不知道大家知不知道吳應熊這個歷史人物? 就算大家不知道他的來歷事跡, 也可能看過金庸的"鹿鼎記", 知道他是引清兵入關的吳三桂的兒子。不過我當然不是想說這個人物啦。
小時候, 由於家中排行最少, 而且與哥哥年齡有一段差距(剛剛好一個小gap, 我幼稚園他小學, 我小學他中學, 我中學他大學), 所以不會出聲也不會訴求; 自己小時候算是個好奇寶寶, 有什麼也會問個究竟, 亦可能性格關係, 喜歡與人溝通, 別人說了一句什麼聽不清楚也要問到聽到為止; 可惜, 以前從來都很少時候理會我, 經常發生我問他們一個問題, 連反應也沒有的情況。
經歷的影響, 自己的性格又如此, 再加上成長路程所見所聞, 覺得溝通十分重要。只要真誠相對及溝通, 親人之間、朋友之間、戀人之間、同事之間...就算解決不到問題, 也起碼很少有誤解的情況出現吧?
不過也因為這些原因, 自己極度害怕缺乏溝通及不坦白, 也很害怕別人不明白我和誤解我, 更怕不回應我和完全無反應的人; 對著這種情況我會很敏感很痛苦, 現在比以前是愈來愈怕, 甚至會令我陷入極度的不快及要發瘋的情緒。
當然, 我愈不重視的人就對我的影響愈少; 但各位好朋友, 如果大家真的當我是好朋友的話, 請不要在我面前做"唔應熊"吧。謝謝。
完
十月一日 -- 雜記
1. 28/9(五) -- 無羽毛球打, book唔到場; 收工同同事打NDS賽車(好耐無收工打了), 之後散; 打完返企食飯前, 因為都7點幾, 一齊落去食d野先返企; 食左都聽過幾出名o既"山東餃子店", 真係幾好食! 除左餃子之外仲叫左串燒, 都好食! 下次要去食一次飯, 試埋網上d人話好食o既野先。29/9(六) -- Long Week, 收工去左好耐無去的MK行+去左更耐無去的巴黎咖啡店hea, 好懷念果時BD收工同Connie等人去坐o既時候; 不過晚餐麻麻地得來又唔平...坐就OK好坐o既...
2. 30/9(日) -- 無波打, 晚上無飯食, 不過臨時拉夫約左MayChan等人唱K; 估唔到來本諗住好少人到最後呀貓, MayChan, 哩, NG同媛媛都來。MayChan貓佢地呢堆人個個都係唱歌好聽o既人呢~ 好正。自己而家去K已經好似無歌想唱了...覺得自己唱得差左之後再加上無咩新歌, 又唔再唱d舊歌, 所以慢慢好似無咩心機唱K了...只係想同唱得好聽o既人去, 聽下都好。點左黎瑞恩演唱會o既"悟"同埋林憶蓮o既"放縱", 好正。台灣歌手"戴愛玲"o既"對的人"都好聽, 要搵下mp3, 仲有女歌手"庭竹"o既歌都唔錯。最衰"悟"係youtube搵唔到, 唔可以link出來。
3. 1/10(一) -- 入大埔唔知邊度o既泰亨村食盤菜(真係慶祝國慶盤菜宴), 5pm係太和等; 由於唔想搭MTR-->火車, 所以巴士轉巴士入去, 去到太和有人車我地入去; 同讀City時一樣, 又係係露天地方食一大盤肥膩o既野, 仲有d呀叔同呀嬸上台唱下歌; 我地十幾人食完8點就走先, d村民就繼續食野抽下獎; 跟車8點半到荃灣, 8點8Van仔開車, 8點11到KT, 9點幾返到企, 好快。
4. Connie比我條珠鍊o既橡筋開始鬆鬆地, 為免帶帶下斷o既慘劇出現, 暫時唔帶住, 搵機會穿過條先帶返。
5. 呀哥由星期六收工後至星期一去上海散心, 屋企又得返自己一個。
6. 又有一堆人話我瘦左了。Lands同事一致認為呢~~ 自己量過輕左幾磅而已, 要再縮下個肚腩先得。
7. 終於打爆左Gundam o既女主角線, 之後可以set到飛晒d戰鬥畫面, 可以玩快好多! 開始玩男主角路線了。
近期愛歌推介
悟 -- 歌手： 黃敏華
燦欄動人往事 就似輕風與浮雲
無奈頓消散去 頓消散 捉不到輕塵
如烈日耀遍天 又似虹光再現
光陰遠去 留不了半天
懷往日奉迎笑面 卻似聲音了無痕
無奈頓消散去 頓消散 得不到殷勤
如落日媚百千 又似晨光吐艷
光陰遠去 亦去
從今放棄 終於要逝去的光采
何必理會那繁華的不定
讓我舊夢 共那浮光消失去
聽不到冷語或稱讚 無掛累
雄心壯志 不需理會逆境多少
人間有路向 任我闖天地
盡我薄力 盡我能不計際遇
歡欣得回我方向
懷往日奉迎笑面 卻似聲音了無痕
無奈頓消散去 頓消散 得不到殷勤
如落日媚百千 又似晨光吐艷
光陰遠去 亦去
從今放棄 終於要逝去的光采
何必理會那繁華的不定
讓我舊夢 共那浮光消失去
聽不到冷語或稱讚 無掛累
雄心壯志 不需理會逆境多少
人間有路向 任我闖天地
盡我薄力 盡我能不計際遇
歡欣得回我方向
完
2007年9月28日 星期五
九月二十七日 -- 雜記
1. 收工後同Sam行SSP睇變形金剛o既玩具, 佢買唔到野反而我平平地買到隻figure, 係街霸元師父o既可動figure, 雖然d關節好明顯, 唔多靚, 但係好平, 廿幾蚊, 忍唔住買左; 之後出YMT join埋民睇In's Point, 又睇到好多變形金剛o既野, 都係買唔到; 之後3條友去左紫荊食野, 好抵食; 同Sam散左同民去MTR, 去左聯合漫畫店見到小畑健出左新書, 都無點考慮買左, 之後MTR返企。今天還了NDS, 正式轉用NDSL。
2. 小畑健出左新書! 就咁講個人名大家未必知係乜水, 其實佢就係畫"魔神冒險譚"、"棋魂"同"Death Note"o既漫畫家; 佢一向都係只畫畫, 次次都係搵另一個人去諗故事, 所以佢o既漫畫內容同種類可以好大變化, 而佢專注畫野亦愈來愈靚, 所以佢o既出品好有信心保證呢, 因此都無點考慮就買左來睇; 講返呢本漫畫, 今次畫返科幻妖獸打鬥類, 佢好耐無畫戰鬥o既漫畫呢~~ 今次個設定同故事有d似頭先果3套野o既加埋: 科幻, 有非人類生物, 有宿主同寄生物(作者似乎幾喜歡呢種設定), 由普通人帶住個好強o既寄生物慢慢轉強, 主角一開始已經係最後大佬死對頭...etc; 不過即使係咁, 佢個故事同設定都OK, d畫又靚, 第一期幾好睇呢; 而今次仲加左少少之前比較少o既原素: 有少少咸咸地(估唔到)(不過當然唔多啦)。暫時都決定會儲, 難得有套可能係好o既野又由第一期開始儲呢; 最後, 根據往蹟來講, 佢o既漫畫通常都唔會拖超長就完, 所以抵儲呢。
3. 本來呢排靜左d落來, 比較享受到靜靜地生活o既時候, 又開始有d人好直接話我, 有d人好心勸我, 有d人欲言又止無出聲; 大家又開始不斷地係我傷口一刀一刀咁插落來, 我真係好辛苦。完全唔想再提同掂到呢件事。不過我都知朋友們都係出於好心同好關心我, 我都好多謝各位朋友對我o既關心...你地係好好o既朋友來...
來緊:
28/9(五) -- 無羽毛球打, book唔到場, 應該返企
29/9(六) -- Long Week
30/9(日) -- 民仔唔打波, 有無波打? 想照打; 晚上原來佢地confirm左食飯: 同貓MayChan哩等人食飯。
1/10(一) -- 本來同Lands同事踩單車-->食盤菜, 不過踩單車唔多人去, 去o既又唔熟, 唔去了; 食盤菜本來有車一齊去, 不過而家無左, 都會照去, 不過要搵路呢。
4/10(四) -- 補返唱K confirmed, PuzzleSpenserMan俠士同埋難得呀英偉哥呀Wing都肯來, Iris譚小姐唔知得唔得。
10月好似有一餐要飲。
完
2007年9月26日 星期三
九月二十六日 -- 兩日忙後兩日hea
1. 連續幾日勁hea; 22/9(六)成日係屋企抖+訓, 晚上出左去九龍城同SpenserConnie食飯, 食左檔潮州野, 都OK; 之後Connie請食糖水, 多謝晒; 係九龍城發現一間幾別緻賣西餅蛋糕o既店, 如果早2日知就好啦, 可以叫民仔係呢間訂蛋糕。食完飯後係一間中式傳統o既賣咸濕野o既店度買左包八仙果; 9點幾就散就返企了。23/9(日)無波打, 成日在家hea, 頹。24/9(一)本來唱K慶祝俠士生日, 不過呀Man唔來, 俠士臨收工話唔得, cancel, 收工返企。25/9(二)中秋, 每逢佳節倍思親; 早收工4點幾落左MK終於買返latest果套SOG Extra; 26/9(三)2點幾同民仔去KT游水, 整體進步唔算大但係係某d意識同動作上有進步! 泳池少人好開心, 4點幾多謝民仔陪我早走, 之後到我企打機。
2 就來還NDS, 好彩呀哥果部玩到Gundam用得返個save, 玩到後期了~~ 好唔慣細機, MarioKart大戰實有影響呢。
3. 星期六日係屋企hea真係勁頹, 好彩都有出下去, 成日係屋企真係辛苦呢。
4. 過左好一段時間, 其實仍然唔高興; 本來好好地, 不嬲都無咩惡感, 但係有人不斷地單方面攻擊; 我一早話過, 我唔會作出任何辯解, 亦唔會講返對方有d咩唔好, 只不過大家都有錯o既時候, 得單方面係咁同我d朋友講野我就好蝕底好慘, 算吧啦, 唔理了, 而家開始完全放棄。
來緊:
27/9(四) -- 約Sam同民食飯, 還NDS, 同民研究報工聯會o既野。
28/9(五) -- 羽毛球?
29/9(六) -- Long Week
30/9(日) -- 民仔唔打波, 有無波打?
1/10(一) -- 本來同Lands同事踩單車-->食盤菜, 不過踩單車唔多人去, 去o既又唔熟, 唔去了; 食盤菜本來有車一齊去, 不過而家無左, 都會照去, 不過要搵路呢。
4/10(四) -- 補返唱K?
10月好似有一餐要飲。
完
2007年9月22日 星期六
九月二十二日 -- 半日閒後兩日忙
1. 連續2晚收工後走2場加極夜訓, 好耐無試過咁了(應該話都好少會咁), 好累好累。
2. 20/9(四) -- 極度超級樣衰+大頭蝦的一天; 記錯左雞脾擺酒o既日子, 原來係呢日! 收工去左白田Carol姐的生日慶祝活動, 8點幾CarmenConnie打來, 先知原來雞脾擺酒, 即時趕去! 多謝2位臨時幫我籌錢同利是封。上菜上得好快, 真係好快, 未到10點半就上埋橙, 食完橙我走先, 係中港城去慶祝活動地點港晶Neway; 呀樑唱歌果然超得! 係識o既男仔之中唱得最好果2個! 當晚佢地勁煲煙劈酒, 因此十分唔舒服, 我唔飲又少唱, 簡直係蝕左呢~ 大概1點同4個人走先, 佢地好似3點先散; 一人送一個女仔返企, 終於明白呀馬以前超夜送人返屋企係幾咁累, 係TST入沙田, 再搭Van出MK, 好彩地有"猛的"好快返屋企, 原來預算3點返到企, 但係2點半島返到去沖埋涼3點就訓得了。當日俾Connie問我係咪追女仔, 係K度d人又勁問我同某緋聞女同事...而家d人真係咁鐘意講是非嗎? 就算幾好朋友都好(唔係好friend更甚), 人都係相信遙言同八卦野多d, 唔怪得d八卦雜誌咁好賣。
3. 21/9(五) -- 返工, 返工時間精神OK, 收工打羽毛球, 得一個鐘, 打完完全唔累; 8點到CWB, 同民, 昇, 昇女友Karen(拍左拖第一次帶出來)一齊慶祝Gloria生日(馬OT遲到), 野食OK, 大家傾傾談談到呀馬來時拿埋個蛋糕出來, 6個人食2磅蛋糕, 超肥~~~不過最近做咁多運動又俾人話瘦左, 算啦, 個芒果蛋糕好味呀~~~ 食完離開間野去第度飲野, 都係CWB, 大家又係傾下偈同玩, 有人有飲酒精飲品high high地, 大家情緒都有少少高漲; 到左點幾鐘昇同Karen先走, 4個人傾偈開始講經濟同股市, 我因為之前果晚夜訓+話題所以挨挨下訓著左, 朦朧間聽到呀馬係短時間內已經搵到第一桶金, 果然係叻人; 2點島醒返大家都要走了; 2點4上巴士, 3點到企, 訓。
4. 22/9(六) -- 好晏先起身, 中午同哥食肯德雞, 之後再返企訓, 夜晚同Connie同Spenser出九龍城食飯。
5. 身邊充滿住叻/成功o既人, 有d本身非池中物, 有計劃有理想充滿大志; 有讀書叻做野穩陣可靠的人; 有好運一早入左政府做長工唔憂柴唔憂米o既人; 有捱左好耐終於捱出頭o既人等; 自己都努力向住一個方向前進, 雖然好似入錯行, 呢行無出頭, 書又讀過人工唔係好高又好似無咩晉升機會, 但係其實幾鐘意而家自己做o既呢份工作, 畢竟都係轉過幾份工覺得最適合自己同做得舒服o既一行(而且今次人工跳左好多), 而家呢份工雖然都唔會係一世o既, 但係呢一行覺得做得唔錯; , 雖然無能力好似其他朋友咁搵到好多錢, 又唔會投資或者有鐵飯碗, 不過係行緊自己o既"道", 行得開心就好了。比上不足, 比下都叫有d餘, 起碼比起好多渾渾噩噩唔知做咩又或者九唔搭八o既人好啦。
6. 人總係會記住一d唔好o既野, 或者事過境遷之後就知記得d唔好o既野, 否定晒d好o既野; 又或者唔諗下自己o既因素, 將所有唔好o既野都推晒係人地度; 如果當初唔係自己唔好, 人地會唔會都係咁唔好? 無論係國際上辦公室裡好多地方, 都係咁樣的; 人真係一種咁負面o既動物?
7. 好多人都學識左游水, 其實自己都唔係唔鐘意, 今年亦都有進步, 只不過相比之下較為喜歡球類運動, 但我遲d都一定會學識佢的; 籃球同羽毛球都有進步, 打得開心呢。
8. 由於年紀增長+最近都好少好少好夜訓了(一般都係12點幾1點訓, 好少2-3點訓), 因此連續捱左2晚3點幾實在係好辛苦, 不過唔捱得都係一件好事來o既, 早d訓好。
9. 既然在街上隨意地找一個男孩都會比我好, 咁一齊就無咩意思啦; 一路都係咁諗就唔好拖, 隨意地找一個仲好。咁原來我都好差下。意興闌珊。
完
2007年9月20日 星期四
偷得浮生半日閒
轉工以來, 一直沒有請過假。不論是例假、病假或補鐘, 一次也沒試過, 返工率是百分之百。
畢業後上班以來, 一向也很少請假。大部分的請過假都是用來考試做功課, 少數是用了去玩的, 剩下的都拿了錢。至於病假, 很多時不到病得上不到班也會照返, 不舒服時, 在家中掙扎一輪後也是決定會上班。
現在這份工, 剩下了的假不能延去下年度, 又不能拿錢, 因此一定要放, 加上最近精神很累, 所以決定拿一天time-off(例假一天也未請過, time-off有2天)。一早醒來, 慣性早起, 因此七時多就醒了, 再睡到八時多打個電話給同事confirm請假(其實之前說過很多次想請假, 但最後也沒請), 想再睡, 但已經睡不了。
早上起來後不想整天留在家, 因此盤算著中午出去找誰吃午飯, 想過很多又找過一些人, 好像都不是太方便, 因此決定回白田辦事處和同事們打機吃飯, 之後再去旺角油麻地買玩具。誰知到了白田打完機, 同事都說我反正下午不是有什麼事做, 又返了來, 不如就留在公司返工, 當請半天假吧。因此我就由原訂的一天改了半天, 真的只是"半日閒"而已。
放工回家吃飯, 吃完與媽到去逛逛。意外收穫見到司馬懿Sazabi $30, 正是目標價, 入了。回程到家的樓下仍然和媽說的興起, 因此談了一段時間才上樓。哥的性格像父親, 而自己就一向像母親。我也慶幸自己性格較像母親, 做人比較快樂呢。和她談了一段時間, 發覺自己一向的想法和態度都跟她很像, 也是經過多年來的印證是比較快樂的。(其他的在別篇再寫吧)希望自己能繼續保持著這份情懷吧。
不過最近好像很久沒真正開懷大笑過了。
完
2007年9月18日 星期二
九月十八日 -- 雜記
1. 貓貓生日快樂!! 祝青春常駐開開心心!
2. 又係收工返企。今天超無精神+無mood, 全日都好死氣沉沉。諗住收工返企食飯, 點知下午屋企打來話無飯食, 叫我食自己。臨時+無咩心機搵人之下果然係搵唔到人食飯, MayChan又忙, 所以無搵貓食飯, 最終都係返左企食自己。係樓下買左3送飯+超市買左3粒水蜜桃, 好硬。
3. 今日返工時狂想請假, 今朝起身時已經爭扎左好耐...返工後都諗住明天請time off; 其實都諗過好多次想請下假, 而家d假無得留下年, 又無得補錢, 一定要請晒; 但係平時請來又唔知做咩, 又無讀書考試又無旅行去, 而家儲左好多日假仲有2日time-off都未同過唔知點算; 今日諗返, 原來做呢份工之後, 一日annual leave/ sick leave/ time-off都未請過, 100%返工...真係好想請下假同埋出下走...究竟我天日會唔會真係唔返工呢?
4. 呢排聽返好多學友o既歌, 好正。有機會唱K要唱下。
5. 其實今日無咩精神又無飯食, 都係想搵人食飯的, 不過搵唔到, 又無咩心機搵人。
6. 打機關係, 模型完全停頓, 慘了。
7. 未知要還NDS前, 仲諗住買個袋來裝添。呀哥叫我唔好買果部舊, 話比佢部我玩, 不過都係比較鐘意呀Sam果部。
8. 睇過少少流程, G-Gen就來有得用Turn-A! 好野~~!
9. 今天很累, 而家10點幾都有d不知所謂, 都係早d訓。
10. 最近真係無咁熱, 要再涼d再涼d再涼d再涼d...
完
2007年9月17日 星期一
九月十六日 -- 雜記
1. 最近食喝方面健康了很多, 也做多很多運動, 返工又經常行上行落, 身體好了不少; 不過收貨也經常吸石屎粉, 很不舒服, 最近經常頭痛眼痛喉嚨痛...腸胃也長期有點咕嚕咕嚕...
2. Sam想打NDS, 要拿回NDS了; 太突然呢~ 平時也不是常常玩, 只是lunch時和同事大戰, 已經成為了每天其中最期待和開心的時光; 突然要還真的不慣呢(而且最近煲Gundam G-Gen)~ 不過始終是別人的嘛。
3. 呀哥得知我就來無NDS打, 佢話佢都好少打, 又無咩想玩, 俾部DNSL我玩喎; 不過其實佢唔玩得多, 都有玩的, 而且我自己反而鐘意部舊o既大部o既多d...
4. 人總是將自己的想法放諸整個世界, 總是想著自己的一套, 不懂得每個人也有自己的想法與看法; 所以人總是不了解別人。
5. 之前同Sharon唱K, 唔記得講原來黃敏華首"悟", 黎瑞恩演唱會唱過, 有得唱呢; 不過就算女仔唱都難唱。
6. 唔知係咪工作關係, 最近覺得對手洗乾淨完後聞時, 好似係成陣死皮味咁, 有陣老人味...
7. 都叫見得我多o既死黨2民仔, 今日打波時居然話我肚腩明顯減左; 真的有嗎? 不過都係肥, 而且又唔係好覺有輕到。
8. 星期一二三返企, 星期二去左SSP睇完Mandy o既禮物先返; 星期一三都唔係好舒服...星期四收工同PuzzleSpenserWing打羽毛球, 9-10pm; 先食飯, 再係我企賽車, 夠鐘再去打。星期五收工又係例打羽毛球; 6-8pm, 打到8點都無人趕, 又打多一段時間; 中間同呀Sam講左陣電話, 除左果段時間, 無停過, 由於對手勁, 所以我全場前後左右狂追; 打左2個幾鐘, 到後期居然唔太累(都有d累), 尤其對腳唔累! 覺得自己狀態仲可以打籃球添! 呢排o既健康生活果然有用呀; 之後2日仲要唔會周身痛添。星期六long week, 全日個system都用唔到, 上午做晒d野之後下午大家都無心機做野; 大家發癲狂打賽車, 打左3-4粒鐘, d賽道loop左多過3次...我最高分玩到唔想玩時o岩o岩好800分 =.=痴線; 收工去左買Mandy禮物之後返企。星期日打波OK, 之後去TST陪民仔買俾G小姐的禮物, 之後上我企沖涼打機, 之後8點半去KT外野手; 星期日貴d, 有生日蛋糕, 無咩心機, 心情麻麻。
來緊:
18/9(二) -- 貓貓生日, 仲未有消息有咩攪
20/9(四) -- 可能同白田辦事處o既人唱K, 唔知會唔會叫我; 慶祝門口呀姐Carol姐生日。
21/9(五) -- 例打波唔知打唔打; 民仔同G剃姐慶祝生日, 我馬家昇同家昇女友都去。
24/9(一) -- 同白田+愛民同事唱K, 廢祝俠士同Iris生日。
1/10(一) -- 同一堆Lands同事食盆菜。
9, 10月好似仲有2次要去飲。
好似仲有野, 不過唔記得了...應該無了...好似無了...嗯嗯...
完
2007年9月10日 星期一
九月十日 -- 雜記
1. 太多日無打無記低, 又唔係好記得好多野...
2. 返左好多日企, 星期五去左行信和+In's point買左SOG新果套同SD Gundam新果套剩返抽唔到果隻。新果套SOG盒蛋未買。又抽左盒$10平 Gundam盒蛋, 又中同一隻...果隻仲要係成套最無咁中意果隻...之後仲要唔見埋, 都唔知係好定唔好事。
3. 星期六short week同哥去坑口食飯, 之後去葵芳睇玩具(無買玩具, 反而買左一套大陸版叮噹, 好細本, 但係好平, $4本), 之後同馬民食飯; 係葵芳搭車到左KT佢地居然仲係Jordon, 最後返屋企等同係TKO食飯; 小飛象執左之後果間"汶萊餐廳", d侍應唔同晒, d野食差唔多, 個掌權同一個...
4. 星期日打波普通, 之後趕去荃灣同呀源呀隆婷婷食飯(上次postpone左), 星期一呀隆就生日, 所以同佢慶祝。係千色店o既Pokka Cafe食, 差唔多每位$100 d野食OK不過幾細碟; 新消息:呀隆星期一去泰國旅行, 同一個唔係女朋友o既女仔去旅行喎...今天收工唔多舒服, 返企。
5. 呢排接觸過唔少結左婚或者就來結婚o既朋友, 發現結婚同現實係有好大分別, 而且見到佢地結左婚之後o既關係、生活唔見得好好同好開心...
6. 上星期開始覺得無咁熱了, 仲有d涼意添; 到左星期六日仲好大風, 就到中秋, 已經感覺到秋意了! 對怕熱o既我來講實在係太好了! 天氣一涼就係我o既天下! 不過...而家９月咋噃...? 香港無理由咁早涼架?
來緊:
16/9(日) -- Mandy生日飯, 原來決定左去外野手。
完2007年9月4日 星期二
九月四日 -- 雜記
3/9(一) -- 好耐好耐無行坑口同寶琳, 收工去! 以前o既"坑口三寶"(當然係自封的): 厚德天橋呀伯玩具鋪, 南豐foodcourt同埋吉之島超市, 而家全部無晒, 其實都無咩值得我去...不過仲有間係東港城o既食店叫OK, 個口水雞/沙薑雞好味; 厚德個商場大裝修, 有一邊未整好, 另一邊整好o既都唔同晒了, 個百佳好大。間雞仍然好食又大份, 幾正呢。食完飯留係坑口無作為, 而且仲早, 於是決定行去寶琳新都城; 好耐無行居然行錯左路, 兜左少少路, 慘, 又累又熱; 去到新都城緊係去三期o既wonderland啦, 不過無平o既模型賣...見到有特價o既Gundam盒蛋(480Yen, $10), 買左盒當係當日有d收獲啦, 點知幾隻都鐘意o既抽唔中, 就係抽到隻無咁鐘意的(不過係Gundam野都OK架啦); 之後累累地都係走; 想搭巴士, 懶叻咁去搵巴士站, 點知唔係MTRo既交通交會處, 而係要行出去其他地方...兜左好多錯路問埋人先搵到, 好累, 早知搭MTR..事後又有d暈...
4/9(二) -- 收工去好耐無去的SKM玩具店睇野之後搭好耐無搭o既巴士返企(最近搭MTR多...), 食完飯係廁所煲SD Gundam同埋太鼓煲左2個幾鐘, 煲到d臭味變埋, 好似發酵定氧化左咁, 好得人驚。
**********
1. 呢排間唔時會成日無啦啦暈, wing wing地, 又好累。成日都諗係咪有絕症就死, 痴線。
2. 有時好累...一d精神都無, 對住人都無晒反應同表情, 以前實會俾人話我黑面或者唔高興, 而家自己累炳埋一邊唔使俾人見到, 唔使煩。
3. 人成日都被身邊o既人o既說話同行為影響, 但係又無諗過人地o既背景、經歷、原因唔同, 就夾硬將某一套野套落其他人度。不論o岩唔o岩都好, 有d野我都係堅持原則; 有d人有錢, 有d人做份工唔憂, 有d人有backup, 有d人本身叻, 當然會有好多好o既行為、態度或者優勝/值得學習o既地方, 又或者有資源可以浪費; 但係自問自己並唔係果d人, 錢唔多, 前途未穩定, 又成日累, 有好多做左可以另人開心dd, 但係又好浪費時間/精神o既野, 實在唔多做; 並唔係話完全唔做, 但係衡量過之後, 差太遠的話都真係唔想逼自己去做(當然唔係一定要成正比先做啦, 有時晒少少或者傻少少都好開心)。仲有一樣好可怕o既, 就係人都會係自己唔清楚完全o既情況下(或者覺得自己好清楚, 實唔清楚)作出猜測, 而有d人仲好肯定自己o既猜測, j實在太可怕了! 而且仲要係人面前無野, 自己心入面係度諗, 人地連辯駁o既機會都無, 好可憐, 最怕呢d無溝通而又走錯埋路o既情況發生。
4. 恭喜呀源轉唔成工。本來話轉工加人工, 但係原本果間公司因為有d人事問題, 有人走, 又想穩定d, 無啦啦昇佢職同加好多人工, 咁熙係唔走啦; 真係超級恭喜晒。而家好似做ger喎, 仲好高人工添。
5. 無儲開ChoroQ的Q版車, 但係有儲工程車同d特別d o既車; 一向都好鐘意工程車! 覺得好有美感同好型! 前排(都一段時間之前了)出左2set盒蛋, 一set係警車, 一set係工程車! 好detail好靚呀(靚過平時買果d ChoroQ車仔)~~~ 好好好想要! 不過成套買好貴呀~~ 就咁買唔齊又唔開心, 所以都係唔買了。
6. 有同事有d現金券, 就來到期, 去板前同埋魚米家食飯。之前真係未去過板前呢, 聽返呀貓講九龍最好o既師父去左又一城, 不過四圍o既板前都好~~~多人等位呀, 痴線的, 睇過d價錢ok唔太貴, 不過好似北海道平d。
7. 一路諗住搵日去深圳探下d朋友, 但係到而家都未去; 有人話我同朋友上深圳, 趁佢地去按摩時就去探朋友係借佢地過橋; 跟本我就係唔鐘意按摩先係果段時間搵朋友, 但係講到我好似想探朋友先同佢地上深圳, 有d本末倒置, 痴線o既, 仲要其他人都信, 都唔知d人諗咩, 仲要係朋友喎...我要搵, 我自己上深圳都得啦。
完
2007年9月2日 星期日
九月一日 -- 雜記
先來兩張我而家貼係公司的Calender。 
公司附近茶記一間, d野幾好食又抵食, 不過"冬菜蒸碼頭"?! :D30/8(四) -- 格蘭中心果然係主場, 仍然有得unlimit time; 民仔辦事不力, 無事先話少人, 到最後得4個人去; Sharon唱歌仍然超勁, 太可怕了, 同埋同初初識果時比, 好似仲唱得好左; 當晚民仔終於唱到不少TVB精選; 狀態仍然麻麻, 不過都好過星期一了...原本諗住10點半至11點島走, 點知唔覺唔覺11點半先走。
31/8(五) -- 唱K馬拉松最後一站, 同Lands同事+Lands舊同事唱K, 預期中十分熱鬧, 10個人; 雖然之前已經聽過, 但係再聽八婆唱歌都係覺得同平時o既佢好唔同 XDD, 而且把聲幾好; 連續唱左幾次, 狀態最好係今日了(當然啦, 係咁操, 但都唔係最佳狀態了)。當日最震撼o既消息當然係八婆有左啦~! 恭喜晒呢~~~~! 大家都覺得如果個B俾八婆教到好似佢咁, 就太可怕了! 11點準備走, 搭三島散。
1/9(六) -- Taylor生日快樂, 晚上先打俾佢, 要約下柏齡d人出來食個飯先; Long Week, 很累, 星期一至五有4日收貨(本來有2日, 有日同人調左, 有日有人病左所以頂左), 星期六都有幫手收下貨, 所以身體很累; 中午同Puzzle都無咩胃口食飯, 於是大家去左百佳睇下有咩食,發癲地買左個西瓜! 買左堆野返來, 中午同Puzzle(呀Wing唔食走人)食左三包公仔點心同一大包朱奶, 到左4-5點拿左個西瓜出來, 同俠士三個人食, 好飽~~~(仲有d豆腐花都無食), 未試過咁食法呢。最近好鐘意食生果, 日日係企都有食西瓜; 仍然都keep到唔點飲街上買的甜野飲了, good。
2/9(日) -- 星期五晚決定放棄返大球場; 早上8點幾醒過, 終於都係太累無去打波, 訓到10點幾11點先起身, 總算精神返。身體仍然累。打機打成日, 中午食左個即食麵。晚上食完飯同呀媽行下尚德, 見到新o既龍珠扭蛋, 一扭就中左想要果隻(布歐), 之後抽左支好核突o既假NDS筆(之前果支真野唔見左...), 行晒3間超市, 爽呀。
**********
1. 最近NDS整左堆新game後, 迷返打機! 惡魔城好似壞壞地會hang機無玩, 機戰都未點玩, 龍珠有d悶悶地, 太鼓每日都有玩昇級試(一開始因為易full combo好多時都有得跳級), 玩得最多o既當然係SD Gundam G-Generation啦, 作為高達迷o既我第一次玩呢個系列o既game(係好多以前o既遊戲機都出過好多了), 好好玩, 尤其d人物同機械人都係識o既, 好正呢~成日搭車或者無野做時就玩~~
2. 除左打機返工外都無咩好講, 來緊無任何約了, 逢星期五要打返羽毛球先。
3. 屋企有d過左唔係好耐期o既Jelly粉, 整左來食 :D
5. 要搵以下o既人出來聚同食飯: 貓、Mandy、Taylor生日。
6. 7點幾有個人打來: 話試電話, 佢話打去d friend度無人聽, 長響, 但係又無飛去留言, 所以打來我度睇下係咪自己電話有問題; 我一來就俾佢問我野, 模糊之中一路應佢, 佢見我無咩反應, 講完就問係咪阻住我, 之後就byebye了; 但係到而家我都唔知佢係邊個, 完全諗唔起中一開始無問, 之後又唔係好好意思問呢; 最衰果時之前同呀媽講緊電話, 有線入先收線來聽, 而個電話有線入果d又無來電喎...所以到最後都係一個謎... @@
7. 天日又要返工了。
2007年8月29日 星期三
八月二十八日 -- 雜記
1. 上星期三突然知蘇屋Work-Co Irene姐要走的事, 星期四就大家都知了; 自己一個無通知呀爸泉哥之下就話星期六走去台灣進修佛學, 厲害...祝佢一路順風啦; 星期五lunch time同Spenser過左蘇屋果面同佢同果面d同事食飯farewell。
2. 27/8(一) -- 唱K馬拉松第一站; 好耐無唱K, 狀態好差...d歌係唱到, 不過十分麻麻...; 睇過個list, 係GreenBox係無"醫生的悲哀"同"寵愛"的; 第一次聽俠士唱K, 個腔好奇怪, 而且狂用慘腔唱歌, 有d old fashion; 大家都係舊歌人, 我都無咩點歌, 佢地都點左大量舊歌, 幾熱鬧呢; 第一次同Mandy&Sam唱K; 呀Man同David仍然都係唱得好聽; 狂唱舊歌難為了Spenser同佢女友Candy了; 有新發現! 原來林憶蓮演唱會有"細水長流", 勁正! 又多一首好歌係K有得唱, 可惜係女仔歌;
3. 28/8(二) -- 收工返企
4. 最近終於的起心肝, upgrade左NDS的system, download埋轉換器, 執過部NDS入面d game(借左咁耐未攪過), 而家多左好多新game: SD Gundam G-GEN, 機戰, 龍珠, 太鼓之達人, 惡魔城...等等, 好玩呀~ 呢期玩緊最新o既SD Gundam同埋太鼓(呵呵, 玩太鼓當然係一來就玩最難都無問題)。
5. 提自己: 記得買洗面膏, 屋企o既洗潔精, 同埋帶飯成日唔記得帶匙羹筷子, 記得要帶長期用o既。
來緊:
30/8(四) -- 唱K馬拉松第二站: 話劇K, 期待Sharon, 同埋希望Law仔來到;
31/8(五) -- 唱K馬拉松尾站: 同Lands的八婆等人;
1/9(六) -- Long Week
2/9(日) -- Part Time 返大球場; 無得打波又無得抖, 之前仲要long week, 累死了...
好links:
http://youtube.com/watch?v=3n2A2tyuBy0 <---"Beat it！被逼的" , 勁好笑, 但又好野, 必睇
http://video.renren76.com/view_video.php?viewkey=ee48a416fc7a833d736a <----網球場上發生的命案, 真係咁o岩得咁橋
http://video.renren76.com/view_video.php?viewkey=904f24cde464161c3e76 <---神槍手, 真係好勁呀
http://www.youtube.com/watch?v=Eo7ILYF9nmY <---"我家姐", 口型OK夾啦...
好圖:
愛的幻影 -- 幻影是那麼美麗, 但現實卻是垃圾一堆。
同是天涯淪落人, 相逢何必曾相識2007年8月26日 星期日
八月二十六日 -- 雜記
一入門口左右門神 -- 紅渣
一入門口左右門神 -- RX-78-2
實物來的, 有蜥蝪o既表面感覺, 好特別
高達攝影展參賽作品, 好得意
**********
5. 最近覺得時間過得很慢, 不過對於一向怕長大怕時間過怕死的我來說, 應該是一件好事吧? 一向的觀念也是: 不論在人生經歷著什麼, 不論是喜是悲, 也要好好地去感受那活著的感覺。
6. 原來自己幾年無點放過假, d假次次都係拿來溫書考試見工, 剩返果d次次都係拿返錢; 次次都係要讀書、o岩o岩轉工、時間就唔到, 於是就無拿假去玩...真係好想去下旅行出走下。而家呢份工, d假唔拿就無左, 所以要諗諗點用了, 不過d好日子俾同事霸晒了...
7. 無咩好講了
完
2007年8月24日 星期五
八月二十二+二十三日 -- 雜記
1. 22/8(三) -- 忘了要返大球場; 收工同馬太&Carol食飯; 本來連埋馬生一齊唱K, 不過馬生腸胃炎來唔到, 所以3個人食飯; 終於去左想去好耐o既"外野手"; 雖然百六蚊島埋單比起青葉o既百二三蚊貴, 但係d野質素唔錯, 而且叫幾多來幾多, 又來得幾快, 服務都幾好呢; 唔係任飲+限時可能某d人會無咁鐘意呢。食完去左APM扭蛋, 同睇下野, 好累所以好快散了(撞到某同事拍拖)。之後同馬太一齊搭車返企, 而家佢搬左屋, 以後同佢有份去街都會自動送佢返屋企呢 :P
2. 23/8(四) -- 完全無心機, 連續第3日唔想返工(因為好累同唔舒服); 不過當然都返左而且做得晒d野啦。收工返企。鞋帶斷左十世都未買返來整, 多謝某朋友買左俾我, 雪中送炭。
3. 係網上識o既人, 素未謀面係咪都會鐘意左人, 仲要告白埋呢?
4. 近排帶飯, 慳錢又健康左, 唔單止汽水, 連甜o既飲品都唔飲了, 日日lunch食橙, 返企又有西瓜食; 日日返工都行上行落, 個個星期起碼打一次羽毛球(每星期SKM+間唔時TKO)同埋好多時星期日都有打籃球; 簡直係健康o既生活。
5. 一向都喜歡搭巴士, 果種hea的感覺好好; 近排好怕搭車(包括MTR&巴士); 因為搭車時好空閒, 一空閒就亂諗野, 好唔高興; 但係又唔想成日搵人講電話, 唔夠分鐘。
6. 極鐘意張飛, 所以買多左隻。見到平, $28, 但係入面張說明書o既漫畫部份係英文, 好騎呢, 不過無所謂, 要個餡姐。
7. http://61226.com/share/hk.swf <---好靚好得意, 個mouse放唔同位會唔同時間同景色。
8. 睇來要長期帶本簿仔係身, 日頭有野想寫到左夜晚就唔記得。
9. 來緊星期唱K馬拉松, 好想唱K呀發洩下呀。不過一個星期唱三日又誇張左d。
10. 好似有好多野, 又好似無野, 諗唔到仲有咩野, 算啦, 係咁。
完
2007年8月22日 星期三
八月二十一日 -- 雜記
1. 尋晚訓得超差, 今朝起身隻左眼痛(呢排間唔時都痛), 頭赤赤, 周身酸好似俾人打左一身咁; 不過由於PRO今日上龍翔, 所以我地少左個人, 反正捱到, 都係返工。
2. 結果成朝都頭赤, 眼痛左成日...對腳又痛, 狀態極低, 好彩今天收貨, 雖然累過行樓, 但係唔使同住客講野, 都好d...
3. 某好友打來, 又講另一朋友係網上識左個人o既事; 而家網上咩人都有, 就算接觸過都係唔知係點o既人, 都係耐d睇清楚d好, 小心d啦...不過真係估唔到佢會咁做; 成日本來狀態低而更茫然。
4. 收工返TKO途中同Spenser打NDS, 無得坐, 好彩有得打機頂一頂住個精神。
5. 逐日打雜記好似寫d野又太濕碎, 但係唔日日打又好似會miss好多感覺...而且晚上打, 好多日頭諗o既野都係唔記得左...
6. 天日唱K, 好似係為左下星期o既唱K馬拉松揭開序幕...應該去瓊華, 係無咩胃口o既日子去OK好食o既buffet K... @@
7. 返多左屋企, 想抽多d時間寫下無聊故仔, 砌下模型; 大家有無d咩suggestion或者題目提供下呢?
8. 呀源ACCA又過2份, 仲爭last一份only, 又即將轉份好d o既工; 民仔CFA Level3過埋(痴線的)又學識游水; 家昇前排終於正式承認同Karen拍拖; 日安妹妹拍拖+搬新屋... 仲布一推識o既人結婚轉工...etcetc; 似乎身邊o既大家都過得很不錯呢! 馬都要加油! 下次一定掂~!
9. 而家份工都唔錯(KWH有時間返學掛?), 下年睇下讀唔讀到個master, 咁就會轉返出去做返呢行都OK唔錯掛?
10. 馬家姐尋日生日快樂, 係度補寫一句; 尋日當然記得send個message俾佢啦。
**********
舊歌推介
傳說 -- Raidas; Raidas的首本名曲之一, 亦係當年林夕憑此曲填詞而一鳴驚人。歌o既編曲就舊左d, 但係d詞真係填得一絕。而家d年青人應該唔會明白晒入面所有o既典故同講咩掛?
http://www.youtube.com/watch?v=X-XLSORC894 <-- 當年MTV, 仲有江欣燕添! 旁邊d link仲有Raidas另外幾首好正的經典e.g.別人的歌、傾心...etc都值得睇架。
http://www.youtube.com/watch?v=Uc9nmPBRQWo&mode=related&search= <--別人的歌 Live! 正! 勁正! 而家搵個歌手出來唱到咁啦唔該!
傳說
主唱：Raidas
作曲：黃耀光
填詞：林夕
編曲：黃耀光
監製
俗世的愛侶 誰可永相戀
談情遊戲 我早厭倦
若果這剎那時空 隨著我的書本扭轉
那痛快故事 必定賞素願
# (小玉典珠釵 鉛華求長埋 祝君把新歡 乘龍投豪門)
我要是變心 有誰為我盡情罵
(小玉休相迫 檀郎無忘情 三載失釵風 瑤台求重逢)
我叫天搶地誰過問
實際景況 已無可再更改
雷同情節 永不似期待
自古書裡說梁祝 寧願化蝶飛出苦痛
我也要化蝶躲入傳說內
* (庵中孤清清 長平難逃情 江山悲災損 流離仍重圓)
我偶然與她見面亦覺甚疲倦
(花燭映規妝 難為郎情長 交杯飲砒霜 泉台諧盟鸞)
我散心解悶誰作伴
Repeat #
& 重合劍釵修補破鏡 只有寄情戲曲與文字
盟誓永守 地老天荒以身盼待
早已變成 絕世傳奇事
Repeat # * & &
完
2007年8月21日 星期二
八月二十日 -- 雜記
13/8, 14/8, 16/8 -- 好似應該返左企, 唔記得了? (唔信就算)
15/8(三) -- 同話劇朋友食飯, 係KT景福宮; Albert帶埋一家人來, 第一次見佢仔女, 個仔幾似佢呢。
17/8(五) -- 本來收工同呀源呀葵等人同婷婷補祝生日, 不過由7.30pm延到8.30pm, 可以打羽毛球; 當日再打來話cancel...所以只係同呀源食飯; 打波時K姐姐同Ada姐出左下移形換影, 真係好似睇漫畫卡通果d2個人疊埋一齊再分開咁, 好犀利, 呆左o既時候個波來到, 打唔到輸左。勁。(當然係偶然架啦, 但係真係好型)
18/8(六) -- Long Week, 第日唔水返工, 於是搵下人食飯; 返工時打俾Crystal姐姐約收工食飯, 本來可以, 之後點知突然唔得; Carol打來話收工去睇電話, 於是都係唔使返企; 返工同某朋友傾電話, 灰; 唔想再相信人, 亦唔要人相信我了。返工hea hea地, 同同事都少hea, d system又用唔到...收工約左家輝係SKMMTR俾返幫佢買左好耐o既Quebeley Fix, 好耐無見佢, 仲可以拿返好耐o既$170; 之後同Carol係SSP join, 睇電話先; 而家鴨記原來好興賣大陸出o既電話, 好平好勁, d config勁(200萬像影相, touch screen, 仲有大陸電話特有o既可以用雙sim card), 都係大約$1000...好平; carol出完電話之後再去左買T-flash, 去到好耐無去o既愛群之後(長沙灣)都9點了; 食飯傾下偈到10點幾散, 一出門口有車 :P; 同Carol講左佢被懷疑一事, 大家不禁係餐廳狂笑, 真係估都估唔到, Carol仲讚佢有taste添, 哈哈。
19/8(日) -- 星期五Spenser突然打來, 話佢同女友同一堆朋友(十幾人)一齊會係星期日睇張學友演唱會, 但係有個人甩底, 於是問我有無興趣, 我就當然有啦; 早上打波, 幾熱, 好~~~焗, 打得普通; lunch同BenChoi食飯, 食完返企沖涼訓覺, 晚上唔join Spenser班朋友食飯, 自己食d野出門口。
20/8(一) -- lunch同雞脾食飯, 好耐無見, 佢終於都派帖了, 恭喜; 收工又係TKO廣場打羽毛球, 又係打完一個鐘之後就4個人打NDS, 之後返企。聽某朋友講某朋友係網上識左個朋友, 唔知係咩人, 小心小心。
來緊:
來緊好多K Gathering...
21/8(二) -- 返企
22/8(三) -- 同馬生馬太Carol唱K
24/8(五) -- 打羽毛球
27/8(一) -- 同白田+愛民IIA唱K
30/8(四) -- 同話劇同學唱K
31/8(五) -- 同Lands同事唱K
**********
張學友concert
睇完, 當然係正啦。估唔到會跳咁多舞, 一開場就跳, 跟住成個concert唱幾首慢歌又會無啦啦跳返幾首快歌。大部份歌都識唱, 係有幾首近年o既國語碟o既歌唔識, 好彩佢早幾年出果隻自己寫o既碟d歌都識姐。成個rundown大約係: 幾首快歌, 之後唱幾首經典舊歌, 之後連續唱新d o既歌, 之後唱2首人地o既歌(搵笨o既, 05活出生命入面o既歌 :P), 之後唱自己更經典o既歌, 之後用"雪狼湖+如果愛"o既歌砌左個半個鐘o既drama, 之後再唱幾首舊野, 之後encore一堆舊野, 完。11點半散場。呢排唱K可以唱返好多學友歌呢, 呵。
**********
舊歌推介
知我無情有情 -- 當年馮寶寶做o既"武則天"主題曲, 首歌d曲詞好正, d詞好有味道, 個曲有d古風feel又有d氣勢, 而唱o既馮寶寶(應該係來人唱)又好有感情, 有威嚴又帶點無奈, 正!
http://www.youtube.com/watch?v=r1h405JSGwE <---- 係果首歌, 但係把聲同個編曲差左好多...好過無, 起碼有得睇當年片段。
誰瀕臨絕境，心中會不吃驚？
誰臨困苦裏，身邊會不冷清？
無援助沒照應，哪一著敢說必勝？
誰人到黑夜，不望能照明？
誰能做我公正，靜靜聽我心聲？
易地換處境，怎說應不應？
人從熱漸化冰，冷面是我承認。
誰能能再假定，知我無情有情？
**********
呢排股市咁樣, 等我應下景post下丁蟹啦~
五蟹跳樓
http://www.youtube.com/watch?v=rbcgb7GymDs&mode=related&search=
丁蟹的股票哲学
http://www.youtube.com/watch?v=EkyPQTGoRAY
大時代片頭
http://www.youtube.com/watch?v=D6EzwL2-zZg&mode=related&search=
完
唯 靈 談 舊 菜 : 生 炒 骨
某朋友好o岩呢味野, 係網上見到, 轉載落來先。
話說係食家入面, 一向都好欣賞唯靈, 覺得佢呢d先真係識食, 又識講出來, 又好文筆。
生 炒 骨
區 區 常 受 粵 菜 一 個 最 普 通 不 過 的 小 菜 所 困 擾 ， 一 旦 被 問 起 ： 「 生 炒 排 骨 分 明 是 酥 炸 ， 為 何 會 指 鹿 為 馬 以 訛 傳 訛 這 些 年 下 來 沒 有 知 錯 改 正 ？ 」 便 啞 口 無 言 。
以 記 憶 所 及 小 時 候 家 中 找 「 筵 席 專 家 」 到 會 、 兒 童 「 中 席 」 的 主 菜 也 有 「 生 炒 排 骨 」 或 「 咕 嚕 肉 」 ， 便 是 帶 酸 甜 芡 汁 的 酥 炸 排 骨 和 豬 肉 ， 與 現 今 所 見 者 並 無 分 別 。 名 實 不 副 起 碼 有 六 、 七 十 年 歷 史 了 。
也 曾 聽 人 說 過 當 年 順 德 大 良 清 暉 園 龍 家 考 家 廚 其 中 一 個 菜 是 炒 五 粒 「 生 炒 排 骨 」 取 其 「 五 世 其 昌 」 的 好 意 頭 。 至 於 是 真 的 「 生 炒 」 還 是 「 酥 炸 」 ， 講 古 佬 也 就 說 不 清 了 。
且 擱 下 「 名 不 正 言 不 順 」 的 問 題 不 談 ， 最 令 人 感 慨 的 是 這 個 最 普 通 也 最 名 滿 天 下 的 Sweet and Sour Pork 近 年 能 入 食 家 法 眼 者 愈 來 愈 難 得 了 ！
合 乎 標 準 的 生 炒 排 骨 和 咕 嚕 肉 要 求 也 很 簡 單 ！ （ 一 ） 芡 汁 要 酸 、 甜 、 鹹 味 平 衡 ， 味 道 融 和 ， 不 偏 甜 ， 不 過 酸 ， 不 太 鹹 ， 而 且 稀 稠 寬 緊 合 度 ， 明 艷 而 不 帶 假 色 。 （ 二 ） 肉 要 肥 瘦 適 中 ， 漿 要 厚 薄 得 宜 ， 入 口 咬 嚼 要 有 外 焦 香 酥 脆 而 嫩 滑 的 滋 味 。 合 乎 這 兩 個 條 件 配 菠 蘿 、 青 紅 椒 、 子 薑 都 無 關 宏 旨 。
咕 嚕 肉 與 生 炒 排 骨 之 所 以 風 味 不 如 前 ， 食 風 轉 變 也 是 個 重 要 因 素 ， 自 從 動 物 脂 肪 幾 乎 被 視 為 健 康 飲 食 的 禁 忌 之 後 ， 咕 嚕 肉 捨 帶 肥 脢 頭 、 生 炒 排 骨 也 不 敢 用 腩 排 ， 全 瘦 豬 肉 便 少 了 甘 腴 肥 美 的 韻 味 魅 力 ， 不 帶 肥 的 咕 嚕 肉 和 生 炒 排 骨 猶 如 太 監 是 個 有 基 本 缺 陷 的 男 人 了 ！
火 候 也 是 一 個 很 重 要 的 關 鍵 ， 咕 嚕 肉 和 生 炒 排 骨 須 文 武 火 並 用 ， 先 以 慢 火 陰 油 浸 熟 ， 出 鍋 之 後 ， 再 以 武 火 把 油 加 熱 至 高 溫 ， 肉 或 排 骨 回 鍋 炸 酥 外 表 。 高 溫 急 炸 須 眼 明 手 快 ， 稍 有 差 池 便 會 過 火 焦 了 。
芡 汁 稀 稠 寬 緊 不 但 觀 瞻 所 繫 也 影 響 風 味 ， 咕 嚕 肉 和 生 炒 排 骨 都 以 介 乎 「 掛 芡 」 與 「 化 芡 」 之 間 為 佳 ， 過 稠 過 緊 則 糊 口 ， 過 稀 則 掛 不 住 味 道 便 淡 了 。
兩 菜 出 鍋 之 後 傳 送 也 不 能 輕 忽 ， 耽 延 過 久 不 但 鑊 氣 消 失 ， 而 且 芡 汁 滲 透 也 令 香 脆 風 味 大 打 折 扣 。
貴 價 菜 如 油 泡 螺 片 之 類 會 專 人 伺 候 即 起 即 傳 ， 幾 十 元 一 個 的 普 通 小 菜 會 不 會 獲 得 同 樣 的 待 遇 呢 ？
區 區 遊 食 四 方 幾 十 年 ， 瞭 解 食 肆 運 作 ， 對 許 多 未 盡 善 之 處 也 會 體 諒 ， 更 不 會 刻 意 挑 剔 追 求 完 美 ， 只 要 不 太 離 譜 豁 邊 也 便 收 貨 。
吾 家 小 女 愛 吃 陸 羽 的 生 炒 排 骨 和 咕 魯 肉 ， 主 要 是 「 酸 甜 芡 好 好 味 、 咬 口 夠 酥 脆 」 。
粵 菜 的 酸 甜 芡 雖 是 以 糖 醋 汁 為 基 礎 ， 但 比 其 他 菜 系 多 了 一 些 外 來 文 化 元 素 ， 可 以 說 是 fusion 之 作 。
區 區 手 上 有 一 份 陸 羽 永 吉 街 時 代 大 廚 梁 敬 真 傳 「 銀 紅 芡 汁 」 配 方 如 下 ：
白 米 醋 一 斤 ， 食 鹽 兩 茶 匙 ， 片 糖 十 二 ， 茄 汁 五 ， 汁 一 ， 老 抽 兩 茶 匙 。 煮 汁 落 料 先 後 對 味 道 也 有 影 響 ， 須 依 法 而 行 不 能 亂 了 次 序 ：
（ 一 ） 先 煮 滾 白 醋 ， （ 二 ） 落 鹽 ， （ 三 ） 加 片 糖 煮 溶 ， （ 四 ） 加 茄 汁 和 汁 。 攤 凍 後 可 存 儲 冰 箱 隨 時 取 用 ， 加 濕 生 粉 勾 芡 可 用 於 咕 嚕 肉 、 生 炒 排 骨 、 五 柳 魚 等 。
區 區 以 此 法 傳 給 好 幾 家 食 肆 ， 特 別 聲 明 醋 、 茄 汁 與 汁 都 切 不 可 用 大 路 醬 園 貨 。 醋 改 用 來 路 蘋 果 醋 ， 茄 汁 與 汁 亦 須 用 名 門 正 派 ， 嗆 喉 觸 鼻 的 弊 病 果 然 一 掃 而 空 。
有 人 說 古 法 正 道 是 用 山 楂 ， 但 決 不 是 時 下 庸 廚 用 飲 苦 茶 送 口 的 山 楂 餅 。 山 楂 作 甜 酸 汁 也 非 很 古 ， 更 原 始 的 古 法 是 酸 梅 ， 《 尚 書 》 有 云 ： 「 欲 作 和 羹 ， 爾 惟 鹽 梅 」 ， 古 時 酸 甜 汁 是 以 梅 子 加 蜜 糖 調 成 。
完
2007年8月17日 星期五
腦交戰
1. 最近又開始情緒不穩, 好像迷失了自己。很多事湧上心頭, 好事壞事各種不同感覺及回憶(不只是感情事), 一次過轟炸我的腦袋, 很痛苦。可是無論如何, 情感歸情感, 理智上我仍然很明白自己需要的東西。
2. 不只情緒不穩; 就像是一個人第一次殺人後的感覺一樣(想像中), 起初殺了的時候, 好像沒什麼感覺, 很冷靜似的; 但過了一段時間, 或者處理了屍體以後, 一個人靜下來的時候, 就有很多不, 恐懼, 內疚等等的感覺湧出來...雖然這只是誇張了的比喻, 但有好幾次在街上也差點...
3. 一位不太熟的朋友與我談起人性; 她身處建築行業, 可能又見得多比較粗魯的人及事, 才會有這體會: 她覺得"男人"都是很衰格的, 男人容易"放低", 女人則不是, 這一點我倒十分認同, 因為看得太多個案, 男人是比較會這樣的。可是我卻不太認同其他的看法, 她經常看到身邊的人(判頭、工人等等)嫖賭及各式各樣的事, 又見過好的人在這行被污染了; 當然會有較為極端的看法吧? 不過, 起碼我所認識的朋友之中(朋友, 不是指所有認識的人), 沒有一個是這樣的吧?
4. 有時又會想起, 自己擅長一些什麼? 並不是謙虛或想借此得到人讚同, 但自己真的覺得自己沒有什麼值得驕傲的地方, 即使是身邊的一堆好友, 在心中當然也會認為的是他們的好友, 但也未必覺得我是一個有什麼好/長處的人吧? 有一些自己會覺得做得比較好的東西, 可是身邊實在有太多厲害的人, 自己較為擅長的, 也比不上那些人; 由小到大也充斥著很厲害的人在身邊呢。不過, 由於這原因, 對於某些範疇, 總算是比一般人較為有眼光吧?
5. 有時在很多事、情上, 人都是很孤獨的。
6. 其實不自覺地, 自己的興趣比起小時候算是廣泛了很多; 但給自小培養出來的性格所限, 始終會有很多障礙, 也會給好友認為我不長進; 如果沒有這些束縛, 是否真的會有高些的成就呢? 我現在追求的生活、思想及人生態度, 與他們很不同, 是否又是錯的呢?
7. 受家人(尤其兄長)影響, 自己小時候總算比同齡的人看多很多書, 消化了很多思想, 有很多東西、想法、自己人生的哲學也會有自己一套(當然不是什麼高深的一套), 大了之後也學過很多不同的東西; 有很多時也看得很化, 亦經常聽、幫不同朋友的煩惱, 嘗試著開解他們, 給予正面的信息; 不過, 自己真的不能對自己作出任何的開解。
8. 對自己的喜好及興趣, 一向也甚為清楚, 不過卻有一樣自己在想或者跟別人說的時候, 總沒被包括入去(但其實好友們都知道的), 就是聽歌及唱K; 尤其喜歡跟唱得好聽的人一起, 能夠現場聽著他們唱得那麼好聽, 實在是很快樂的事; 能夠與他們一起在K房唱歌或發狂, 也是一件興奮的事。
9. 某程度上, 發生了這麼多的事情, 有好也有不好(這是理所當然的吧); 當然本來這都不是什麼好的事情, 對當事人, 身邊的人等等都帶來大量煩惱, 但同時也可看清大家心中的尺度, 觀念, 定位等等, 以及知道朋友對我或其他人心底的看法; 另外, 低落歸低落, 總有自由無拘束的感覺, 以前很多時想找朋友出來食飯、去街, 亦會想出來"叉"自己的精神值, 但現在少了負擔及束縛, 壓力少了, 回家也回得多了。不是想說一些什麼負面的東西, 只是一點感覺。當然同時也會有好及壞的情況吧。
10. 反正也是買東西回辦公室食之後打機, 這星期開始帶飯了; 慳時間、慳錢得來又較為健康呢。加上最近少去街, 用得很少錢呢。
11. 最近聽很多舊歌(當然亦也會update新歌), 除了之前提過的很多林子祥外, 各式各樣的舊歌也有聽; 突然感到原來以前覺得是十多廿年的舊歌, 慢慢隨著自己的年紀增長而變成廿三十年了...
12. 一向聽歌也會有很多感覺, 但現在聽到很多也感覺特別強烈, 又會另我陷入迷思, 還是要選一些正面一點的歌來聽好呢。(要鳴謝某朋友幫我找到"我不是一個人住") (另外, 聽了一個Work-Co send給我的尹光的歌, 真的很粗俗賤格, 但不得不配服他能以正常的唱腔加上有感情地唱出這樣的歌詞, 而且我也忍不住笑。
13. 聽了一堆陳柏宇, 孫耀威等人的新歌; 孫耀威的唱腔很令我很不舒服, 咬字及讀音加上唱腔很奇怪, 有點點過時又很一舊舊...不是說他唱得不好, 不過自己主觀不太喜歡吧, 歌算是還不錯。陳柏宇的歌有點想show難度, 他也唱得不錯, 不過一路聽一路覺得他的歌很適合Law仔唱(話劇同學, 亦是我所認識的男性之中其中一個唱歌好聽的), 而且不會比他唱得差呢。很久沒約他們出來唱K了, 一定要聽他唱陳柏宇的歌呢。所以我也不太有心機去學唱這些歌。另外, 覺得陳柏宇那幾首派台歌出名的歌普普通通, 反而很喜歡"醫生的悲哀"。江若琳是很可愛, 不過唱就...算吧啦。
14. 人事調動關係, 今天其中一個Work-Co被炒, 來了一個靚女Work-Co。聽說有NDS及會賽車的呢, 又多一人可以加入戰團了。
15. BB戰士張飛完工, 十分爛, 算吧...細緻位太難上色了...
16. 又是很混亂的隨想+眼訓的一篇, 要睡了。
完
2007年8月15日 星期三
食
食
民以食為天, 想寫有關"食"的東西很久了。
可是, 如果大家想看到我介紹有關食的東東, 那就可能要失望了。
每一個人都對不同的東西有不同期望, 對"食", 自然也有人很高要求, 有敏感的舌尖; 也有人沒所謂, 好又一餐不好又一餐。
自己對"食"也和自己對其他東西的態度一樣: 將價就貨。
一般來說, 如果不是特別為了去"食"或"試", 而是只為了飽肚或者與朋友相聚的話, 我都不會太講究, 只要不太差就可以了。但如果是故意為了食好吃的東西, 或者該餐廳出名好吃, 又或者價錢昂貴, 那我就突然會變得有食家的舌頭, 很挑剔, 很"奄尖"。平常朋友可能會覺得我對食物沒什麼要求, 但其實只不過我通常在前者的狀態罷了。
由小至大, 家人及身邊朋友大多都是對食物不是很講究及有要求的, 因此對食物的鑑賞能力也在很後期才發展出來(當然也還未到高水平啦)。小時候, 算是吃得多, 因此由小至大都是肥胖的; 只是到了中四開始經常打波加上發育時期才瘦了幾年, 到了上班時又發脹了起來。
食量大減了好一段日子, 即使最近慢慢的好了一點, 但仍然控制自己的食量, 希望加上做多點運動能稍為減一下肚腩; 不知為何, 一向不吃零食, 不吃下午茶宵夜, 只吃正餐的我也是肥的, 就算食量大減之後也不見得消瘦起來...
現在食量減少, 也不見得平時對食物的要求提昇了, 仍然是一貫作風: 該要好的時候就好吧。
不得不提, 其實"食"對我來說是一個很重要的東西, 為什麼?大家不厭其煩地看了這麼多廢話又因為我眼睏而雜亂無章的東東以後, 就告訴大家吧:
根據我爸媽所述, 當年從我口中所說的第一個字/說話, 就是以福建話說的"食"!
哈哈, 大家估不到吧, 我也因此而經常被知情者取笑我為食呢~
在此公佈了一個沒有很多人有興趣的大秘密了, 是時候睡了, 再見~!
完
2007年8月13日 星期一
地下鐵碰著他/她
這是一個真實的浪漫故事。
起碼個人是這樣認為。
**********
相信很多人如果見到一對年老的公公婆婆, 在街上或在公園裡緊緊地拖著手的情景, 都會覺得很浪漫, 很羨慕。由小至大也見過很多次這樣的場面, 總覺得兩個人白頭偕老, 能一起走過幾十年是很難得的, 而自己也一向以此為目標, 亦認為自己比起一般人更可以做得到。有不少次見到兩個滿頭白髮的人, 緊緊地在公園中握著手坐, 或者拖著過馬路; 在那兩對充滿著皺紋手中, 可以見到幾十年的信任及依靠, 真是一個美得不得了的情景。
一向也覺得這是愛情的畫面中最美麗的。
**********
之前上班時, 卻在地下鐵碰到了比這更美麗動人的畫面。
在上班途中, 擠逼的車廂裡, 一對情侶/夫婦(不能確定)旁若無人地擁抱著對方, 由上車開始至下一站就此緊擁著, 而女方更只搭了一站就要轉車; 而在轉車之前, 她以一個極度依依不捨的眼神看著對方, 然後還深深一吻才分開、下車, 在車外再說幾句才被那無情的門隔開了。
大家看到這裡, 應該覺得不算不正常, 只是一對癡纏的情侶吧? 如果是吳彥祖陳法拉吳尊楊丞琳什麼的再加上柔鏡, 大概還可以造出很美的畫面。
問題是, 當中的主角是一個呀叔跟呀嬸, 而且是禿頭的呀叔及肥胖的師奶。
到了這個階段仍然可以這樣!
我相信一般人看到這情景, 很多都會覺得噁心, 不爽; 可是為什麼不是俊男美女就不可這樣呢?
沒錯, 以他/她的尊容配上那深情的表情, 起初的確令人覺得不舒服; 可是想深一層, 其實是很難得的! 比起幾十年夫妻的老人更難得。兩個人一起相處幾十年, 什麼事都經過, 什麼事也鬧過, 什麼事也化了, 自自然然就是老伴了, 就是最信任的人了; 只一起幾年的年輕男女, 熱戀之中, 旁若無人, 也是很正常的; 可是到了十多廿年, 大家不再青春, 但又未到老了化了的境界, 正常來說應該是最難有這種感覺的, 但偏偏就有, 就會!
所以在我的眼中, 這仍然是一幅很美很美很動人的圖畫。
**********
但願自己不單在老了時能與老伴緊拖著手, 更希望在三四十歲時, 仍能和與我一起天長地久的那個她, 在地鐵中旁若無人地擁吻。
完
八月十二日 -- 雜記
1. 日安妹妹拍拖!!!!恭喜!!!!祝幸福!!!! 真係一大喜訊呀~~~!
2. 原來呀媽都有睇下我blog又知好多野。估佢唔到。
3. 呢排食lunch食得少野, 其實都慳唔少錢呢; 通常都使十幾蚊就夠晒; 來緊仲諗住不如帶飯, 反正日日都係office食, 快快食完打機o既。街又去少左, 真係慳唔少呢。
4. 聽返呀媽講先記得, 原來自己細個時(好細個好細個時)好鐘意"在水中央"呢首歌, 仲成日用呢首歌"um"我訓添, 唔怪得而家都一路鐘意呢首歌啦。
5. 之前去呀進屋企o既後遺症就係copy左佢屋企林子祥o既碟返來, 最近成日聽, 有好多歌都好正, 好多都係識o既, 但係唔記得左, 聽返又記得返, 好正呢~~最愛是誰, 似夢迷離呢d當然記得, 海誓山盟, 情深再別提呢d真係聽返都識唱又好正呢~~最近ringtone仲用左包青天首主題曲, 哈。
6. 聽返蘇慧倫o既"我一個人住", 更加地又再想搵返廣東話版都係佢唱o既"我不是一個人住", 有無人可以搵到俾我呢? (仲有郭羨妮o既"盲目支持"!)
7. 之前有個朋友介紹左隻歌"寵愛"俾我聽, 係一個網路歌手"Sandy Tang"唱o既, 首歌幾好聽, 唱都唔錯; 最近發現原來泳兒拿左來唱, 都好聽呢, 唔知有無K唱呢?
8. 一個星期打一次, 真係有好多野會唔記得左; 最慘係, 記得自己係有有d野要記o既, 但係又唔記得係咩...
**********
8/8 -- 收工係TKO廣場同同事打羽毛球, 只係book到一個鐘, 本來諗住之後碌Ling, 不過最後大家4個人係選擇左打NDS到無電之後散, 下次book左20/8, 天日似乎打唔成風, 蝕呀~~收工返企換衫先, 發現有人係屋苑內跳左樓...
9/8 -- 係紫荊同Heidi farewell, 一行人食下野傾偈到10點幾走(本來諗住早d走, 後來好大雨所以遲d走, 點知一路都大, 最後照走); 人腳都幾特別: Heidi, 輝, 凱琪, 呀So, Sandra, Terry; 請埋Heidi都係幾廿蚊, 好抵食, 不愧為紫荊。
10/8 -- 本來返大球場, 點知好難得8號風球, 2點幾知道時準備走, 大家等齊人之後一齊走, 3點島。搭MTR返企, 好多人, 不過都唔使等幾架車, 第一架就上到, 逼d但係都OK; 3條友逼緊MTR照打NDS, 仲俾人笑添 :P
11/8 -- 返大球場, 11.30am-5.30pm, 企左一日, 離遠睇到細哨亨利Eto沙維...etc, 仲係休息時近距離見到黎根祥添; 企個位唔使俾雨淋又有得睇晒成場波, 都OK呀; 4-0實力差太遠, 其實都唔係好好睇。之後約左民上屋企打機, 打到12點幾走, 而家開始慢慢適應到4星難度了。
12/8 -- 由於累o既關係, 落雨又無波打, 所以成日在家, 又無出去游水; 成個下午就一路聽住歌一路砌模型, 隻BB張飛砌完上色都大約有70%了, Gundam Marker真係好方便, 下下要噴真係好麻煩呢; 估唔到Marker隻金色都唔錯, 以後就方便好多了。要買多隻張飛, 因為今日砌呢隻用左自己o既配色, 本來好多金色邊俾我配左紅黑, 效果都唔錯呢。原來自己好多野都幾喜歡紅配黑。
來緊:
15/8(三) -- 同話劇同學食飯, KT景福宮, 又來任食韓燒了, 呵。
17/8(五) -- 同婷婷補慶生日, 唔知係邊同有咩攪。
想搵日同Crystal姐食下飯, 難得暑假佢唔使陪仔仔夜晚可以出來食飯。仲想搵日約Law仔Sharon佢地唱K, 好耐無同佢地幾個唱得之人唱K了。
完
2007年8月8日 星期三
2007年8月6日 星期一
八月六日 -- 雜記
1. 30/7-1/8 -- 連續三日返屋企, 呢排乖左好多呢
2. 2/8 -- 約左Carol姐食飯; 先去葵芳, 最終都係買左套小飛俠($28)同埋馬沙專用機o既紅色地台, 老細仲計少左$10添, 多謝Carol送比我當生日禮物(過左半年 :P); 之後去左TW食米線, 同Carol講左好~~耐終於有機會同佢食; 之後搭Van返企, 都好快。
3. 3/8 -- 約左馬慶祝佢生日; 由於約8點, 所以收工打左個鐘羽毛球先; 之後再去Central, 不過都係遲左...約左馬、民、昇同Gloria總共5人食意大利野; 間野格調OK, 價錢少貴, 食物普通啦; 大家食完傾陣偈送埋禮物(鳴謝G小姐幫手揀左份好o既禮物: 運動袋, 另加有度數味鏡同例牌o既MagicStarter), 再去下面酒吧飲野; 環境同野飲各方面實在唔太o岩我, 所以有d木獨o既感覺, 個精神好似置身事外咁; 12點半島就散, 仲有MTR搭...而家唔會成日去街, 去街又可以去到大家要走, 感覺OK呢。
4. 4/8 -- 馬正日生日, 生日快樂; 下午同呀媽&哥唱HappyHourK, 好耐無同呀媽唱K了。
5. 5/8 -- 早上打波, OK; 下午游水, 經過呀馬o既教導之後有d進步, 好過上年最佳狀態時了。夜晚9點幾訓著左, 中間再接幾個電話之後12點島正式訓。好夠訓。
6. 6/8 -- 收工返企。
7. 1/8本來約左民去街一齊睇生日禮物, 約8點(佢話最遲7點幾先走得), 不過果時我可能唔得閒, 於是之前3-line同G小姐傾時, 叫左佢同民到時出來; 電話中得知民講左我d野人知; 1/8當晚打比民remind佢d野, 7點幾已經食緊晚飯...
8. 蝕底 -- 一向係國際間, 工作時, 或者任何時候, 唔出聲唔抗辯o既一方都係蝕底的; 人都係容易先入為主, 先聽到邊一面o既意見, 就會接受左一面先。之後果方再出聲都係無用的。所以做野時一定要所有野black and white清清楚楚; 其餘時候, 朋友係信你就信你, 唔信就唔信的。
9. 某朋友實在唔掂...
來緊:
7/8返企, 8/8打羽毛球(TKO廣場)(一早book左, 所以去唔到Mango的K Gathering), 10/8返大球場part time(有得睇波! 巴塞!)(1900-2300累死, 好彩第日shortweek)
再下星期:
幾時Heidi farewell? 同話劇朋友食飯。約下Crystal姐姐食飯。
俾大家做個心理測驗
你的另一半最不能缺少的東西是以下哪一樣呢？
Ａ、坦誠
Ｂ、貞節
Ｃ、才華
Ｄ、經濟能力
Ａ：選擇這個答案的人，暗示你有親近愛人的慾望。在你的愛情觀念中，你認為愛情就是兩個人心靈緊密的結合，而且你覺得兩個人可以極端親密才是愛情的基本元素，而要極端親密的前提就是要互相坦誠。你沒辦法過著貌合神離的愛情生活，更沒辦法接受一個對你不坦誠的愛人，這是你的愛情觀中最重要的特質。
Ｂ：選擇這個答案的人，在這個開放社會中可能是少之又少了。不過，潛意識中還是有人對貞節的意識有相當的執著。如果你選擇了這個答案，暗示你的潛意識中對於愛情的本質還是停留在貞節文化的世界中，相對的表示你對性的觀念也很保守，在你心中總認為愛情應該是純精神性的產物，「性」是婚姻後的產物，所以你在面對愛人時，即使口中不會迂腐的說絕對要有貞節要求，心中還是有點怪怪的。
Ｃ：選擇這個答案的人，暗示你的愛情觀有很大的幻想和浪漫的成份。因為你一直陶醉在自己的愛情夢幻裡，所以你很少去注重愛人其他方面的素質。不過，如果你的幻想太離譜，可能會讓你的愛情一直只是夢幻泡影，不著邊際。
Ｄ：選擇這個答案的人，有很強的現實性，對愛情的看法也很理性，常常可以花很少的資源去得到很大的愛情成果。這種人不會去做一些癡情愚笨的行為來感動愛人，在他的觀念裡愛情的重要性遠比不上麵包，有飯吃才有力氣和閒情談愛情，因此，這種人對於愛情和愛人是有選擇性和企圖性的，沒有經濟能力的人是沒有資格談戀愛的。
熟我o既人應該知我揀邊個掛?
完
2007年7月29日 星期日
七月二十九日 -- 雜記
1. 呀貓又去台灣, 好想去下呢。8月...好似有d趕...可以等遲d同日安去o既...都係到時至算啦。
2. 睇左Shrek 3同埋Transformer; Shrek 3都OK, 廣東話配音都幾好, 不過好似開始有d江郎才盡, 之前2集好睇d...再出就未必去睇了; Transformer好睇, 以成套戲o既精彩情度來講, Die Hard4.0刺激d, 但係Transformer電腦特技搭夠, 好靚好型, 後半o既故事好刺激呢。
3. 星期五晚又食到好好味o既三文魚刺身, 收工等到差唔多8點貓同MayChan先得; 原來係白田行去貓企都唔係真係好遠; MayChan叫埋妹來, 4個人買左d雜野(燒賣牛肉腸粉etc)連埋三文魚就食飽了。套人形師之夜果然係貓度, 拿返返來了, 好~~~耐無睇過, 好野來o既呢。
4. 星期六long week; 又收貨, 我係咪真係太淋呢? :P 收工去左好~~~~耐無去o既葵涌廣場睇玩具; 有好多好平o既扭蛋同模型! 真係好平! 好多都好想買! 不過當然忍左手, 只係買左BB戰士劉關張; 之後去埋荃灣食米線, 又係好耐無食, 好好味, 食完就完行程了。
5. 今天一早打波, 由於尋日收貨很累, 所以打完波無去游水; 今日打波打得幾好, 好準呢。打完波陪馬等左陣之後就去KT同呀哥食大盛, 第一次係大盛食lunch, 都OK呀。之後就返企了。返企後鏟左個頭, 最短果隻, 好舒服呢; 之後沖完涼原本諗住砌下模型/打下野, 不過太累, 訓到食晚飯。
6. 前排返睇返d漫畫, 好正; I"s真係好正呢, d畫功靚, d劇情好好, 真係編排得好正, 而且每個人物都有可愛之處, 亦好有真實感, 好正! 而且故事大部份以主角o既視點出發, 亦可以表現出一個男仔未拍過拖又"坦剔"(唔識打)o既心情, 真係幾表現到呢。可惜似乎o岩讀緊書o既人睇; 曾經借過俾年紀大d/出來做左野一段時間o既人睇, 可能佢地已經脫離左個階段, 似乎無咩共鳴呢。
7. 仲有個幾鐘, 試下砌唔砌到第三隻BB水蟹先。完左之後要先開工BB劉關張!
8. 既然都係唔好, 咁就唔係咁好啦, 唔好又做咩要呢?
9. 好耐無搵過話劇d人唱K, 之後搵個機會先。
來緊:
呢個星期應該唔會去咁多日制掛?
1. 4/8(五) -- 呀馬生日, 一定會攪下啦
2. 同Carol食飯, 順便睇下可唔可以行多次葵涌廣場 :P
3. 應該無咩野攪了
完
2007年7月25日 星期三
七月二十四日 -- 雜記
1. 今日Connie問來緊星期五至日去唔去大陸短期旅行2日幾, 不過我又同Spenser調左week, 唔得, 佢地玩得開心d啦; Connie亦提過9月或11月去台灣; 好耐無去旅行了, 而且一向都想去台灣, 又有假...都幾想去, 不過都係到時先算...
2. 由細到大都幾天真咁覺得, 只要自己係交個心出來, 無論係咩人都可以交到朋友, 即使friend唔到, 都唔會係敵人; 不過隨住年紀同經歷增加, 發覺呢樣野係無咩可能的...有d人就係做唔到朋友, 就係對你有bias, 就係唔妥...不過自己仍然係儘量對人交心(當然係有程度上o既唔同啦), 但係好多時都係失望...人點解要咁複雜呢?
3. 人其實係幾負面o既動物; 無論一個幾好幾叻o既人都好, 只要有少少野衰左, 或者做錯少少野, 就好似咩都衰晒, 以前做過o既野或者好事咁, 好似都一筆勾銷晒, 辛苦建立出來o既credit、信任一次過無晒; 唔講d歷史人物, 就近近地呀朱培慶咁, 都係一樣; 做人真係太難了。
4. 係某d方面, 自己係好敏感o既人。無論對朋友對愛人, 一向都覺得溝通最緊要(對自己來講); 當自己認為重要o既人/好朋友/愛人...etc, 斷絕溝通, 或者不信任o既時候, 會覺得好辛苦; (當然如果自己抵死, 唔應該被信任時, 就緊係抵啦), 但係如果明明覺得自己無錯, 但係對方誤會, 不明白, 甚至不信任時, 就會覺得好唔開心, 甚至會好傷心。有時人o既諗法, 唔多唔少都會reveal到出來, 或者會被感覺到, 而對呢d野敏感o既我, feel到o既時候就會好唔開心; 好多時嚴重時重會有想喊o既感覺; 因此由細到大睇小說、劇集時睇到d有誤會或者冤屈o既情節時會好唔舒服; 自己會好唔鐘意比人屈; 唔鐘意誤會、誤解; 最怕比自己o既愛人、好朋友誤會, 亂諗野又唔講唔問...對呢d野真係好敏感...
被誤會/不被信任時o既我, 好多時都會選擇"走"; 不喜歡/不想再多作解釋了, 不信就不要信吧, 反正要信/不信也不是我解釋就能解決到的, 喜歡怎樣就怎樣吧。有時就算明明可以解釋, 可以"tum", 但一有這情況出現就會意興闌珊, 不想再說什麼。講多無謂...
請不要傷害我。
5. 講過好多次, 人真係好很煩o既動物; 除左諗野複雜又自私仲有好多其他劣根性唔想講之外, 其中一樣野就係"是非"。有人o既地方就有是非遙言, 真係好佩服d人咩都諗得出, 咩都講得出; 大家出來做野咁多年, 廿幾三十歲人, 仲好似學生咁, 講一大餐, 又好多估計/猜想o既事情, 又要係人背後講, 真係好笑。好彩自己應該係大多數時間都唔係被談論o既對象。不過真係好憎呢d野。
**********
22/7(日) -- 一早打波, 打得都OK啦; 好熱好熱好熱好熱好熱好曬好曬好曬好曬; 打完波本來話同媽去唱K, 不過呀哥唔得閒, 之後諗住照去APM唱, 但係好多人, 要等, 唔唱了; 之後行下APM就返企, 很累。
23/7(一) -- 收工本來諗住去Spenser屋企睇貓貓, 但係好累同對腳痛所以唔去; Spenser夜晚無野做, 於是話同Iris上來我企睇碟; 收工一齊去我企, 我係企食飯, 佢地就自己攪掂; 之後睇"降頭", 港產o既呢d戲唔會太差o既, 不過睇左開頭半個鐘島已經出現好多核突場面, 我不嬲唔多好核突片, 最終放棄唔睇, 佢地2個繼續睇; 到左10點島佢地睇完就走。
24/7(二) -- 收工約左ConnieMartin係KT食韓燒; 不嬲都唔係好熟KT的食肆, 原來呢間都幾抵呢: $88任食+任飲, 而且都幾多野食, 幾抵呢。食左好~~多野, 係最近食量o既2日食o既野加埋咁滯...一次半次唔緊要啦...食完後Connie臨時決定去TKO家姐度訓, 於是同Martin一齊去APM買必需品, 買完後Martin返企, 我地入TKO, 先上佢屋企睇下未裝修完個樣, 之後再去佢家姐度; 個裝修好舒服呢...唔知幾時先有自己地方, 可以放晒d扭蛋出來。返到企12點幾了, 仍然唔太慣夜返企, 不過都OK, 有時有需要夜d, 唔使下下要好就住咁早返, 反正又唔係次次都夜o既。
完
2007年7月22日 星期日
七月二十一日 -- 雜記
1. 要settle down了。
2. 郵件已收, 有趣, 謝...
3. 因為匿名人士o既出現, 令我數一數d女性朋友, 發現原來C同M字頭係最多的(當然係計較熟果d啦), 而且係佔左絕大多數, 好有趣o既stat。
4. 唔想再講咁多, 其實亦都無咩好講, 要封嘴了; 多謝大家一直以來o既支持, 大家都係關心我當係我朋友o既, 衷心多謝。
5. 今日星期六係屋企難得訓到差唔多11點先起身; hea足一朝; 想係屋企抖抖; 中午只係叮左幾粒燒賣同芝士腸來食; 食完砌模型: BB三水蟹好耐之前砌左一隻就停左工, 今日又砌左一隻! 之後因為中午時臨時約左馬同民食晚飯, 馬又游完水, 所以未砌第三隻就出門口; 出到來同呀馬差唔多行晒MK果幾個睇玩具o既地方; 新一套SD Gundam10隻得4隻想要, 之前自己扭, 扭左2隻都係想要o既, 因此唔買一套了, 散買埋另外2隻, 攪掂。行晒之後o岩o岩民仔到, 於是係富貴食飯, 食完傾左陣偈, 埋單後無無聊聊去左麥花臣睇人踢波, 睇左一段時間(都幾好睇)呀馬走先(都10點半); 之後我同民睇埋果場波一齊走(~11pm); 民陪我到旺角道, 我行到路口見有296C, 飛奔追車, 追到要上車之際有人拍我膊頭, 原來係呀哥!! 原來佢係796C站等車, 本來唔想追架296C(2架車個站爭d距離的), 但係突然見有人飛奔過去, 見係我, 於是追上來; 又會咁o岩呢~~ 之後一齊返到企。
6. 天日打波! 唔知下午點, 如果同呀媽出去就唔游水, 如果唔出就游, 不過今晚又夜訓左...似乎狀態唔係咁好去游...帶定d野先啦。
**********
來緊:
25/7(三) -- 同同事食飯?
26/7(四) -- 同日安馬生睇Transformer
27/7(五) -- MayChan又訂到三文魚, 又有得食超好味o既三文魚刺身啦~ 不過又唔係好想放棄打羽毛球...不過MayChan時間難就, 無計啦~
28/7(六) -- Spenser又有事要做, 又調, 所以又long week; 即係再之後果2個星期六都係short week
完
2007年7月21日 星期六
七月二十日 -- 雜記
1. 一早都話, 發生左呢件事, 心底o既天秤就會崩潰; 就算自己無野, 身邊o既朋友(不論了唔了解我o既)都會有好唔同o既意見, 猜想同反應; 如果我之前選擇扮無野, 繼續咁落去, 唔出聲, 可能唔會有咁多事發生, 可能無呢排咁o既心情, 可能大家都覺得無野; 我要相安無事唔俾大家小o既我一早就唔會做咁多野, 我亦預期左發生呢件事會有咁o既結果; 不過我呃唔到自己o既感覺, 問題一日唔解決都無好日子過, 解決唔到問題就唯有解決第二d野; 因此, 呢樣並唔係一朝一夕突然發生o既野來的; 我很煩, 但我很冷靜。
2. 親人、死黨、朋友、同事、唔熟o既人等都為呢件事好多唔同方面o既野有好多意見, 不論係msn電話blog度等等, 都有好多唔同意見, 我真係好多謝大家。不論意見係正方反方支持我插我小我都好, 我都知大家都係真心的, 都係當我朋友的, 所以我完全唔會介意, 而且亦都好多謝大家。就算有d人知得唔清楚, 有d人睇錯左意會錯左, 有d人唔支持我都好, 我都唔會對大家有負面o既諗法, 而以後我亦會繼續好似以前咁對大家, 大家對我點我就控制唔到咁多了。
3. 本來今日無羽毛球打, 要去Spenser屋企玩貓貓, 不過由於Spenser突然有野情況不妙, 而且個樣又好累, 因此雖然佢話無所謂, 但係我都話唔去了, 下次先; 希望佢無事啦。
4. 好耐無試過short week+無野做, 一定一定要全日hea下抖下! 要開工!!
5. 對她, 我希望(妄想)以後可以好像朋友一樣; 不過如果那樣只會帶來大家的幻想/不便/拖泥帶水的感覺, 那就不如不要...
6. 匿名人: 我驚我估錯, 可唔可以俾平時叫你個名o既字頭, 或者少少少少hints得我知o既, 等我confirm你係邊個呢?
7. 星期六抖, 星期日就緊係打波啦! 好耐無打籃球! 游水其實真係有興趣, 但係呢期真係爭少少...而且大家愈講, 我就會對果樣野有愈大o既負面感覺...
8. 好累, 身心俱疲...如果我係一個徹底o既衰人就好了...
9. 個人自由左, 反而開始覺得可以返屋企多左, 唔使成日去街; 等於成日禁住細路仔打機, 就反而成日想打; 但係成日俾佢打, 佢又反而未必成日打...而且唔使成日搵朋友"叉電", 回復精神力。
10. 其實經過左咁多野, 真係突然唔係好想搵朋友, 唔係好想見人; 雖然不嬲都知, 我了解o既人多過人了解我o既...不過我o既角色而家實在太亂了, 我要冷靜下。現在o既我好似咩都無晒咁...
11. 我強調, 自己從來都無話我完全無錯...
12. 好想有一個人可以救贖我...
**********
來緊:
23/7(一) -- 同S食飯講清楚?
26/7(四) -- 同馬生日安睇Transformer
27/7(五) -- MayChan一個月一度o既三文魚刺身! 必食! 可能去貓企一齊食。
完
2007年7月20日 星期五
七月十九日 -- 雜記
1. 今天公司辦事處有個主任無啦啦入來發癲, 不過我覺得我自己lunch time, 仲要lunch果段時間係無人工的, 我要做咩唔關你事; 我地係唔係客都唔想講, 我只係知道我地幫佢食左唔少一路留落來o既屎; 既然係咁, 有d咩以後都撐行佢咯。
2. 收工同同事唱K! 連續幾日返屋企又早訓, 今日緊係想cher行d啦~~ 同PizzaSpenserIris凱琪唱K, 之前同過大家唱, 係未同過Iris唱; Iris唱K好不錯呢, 明顯係唱慣o既人啦~~仲要同我一樣係舊歌人, 哇卡卡; 最犀利係佢會唱"你最珍貴", 實在太厲害, 太滿足了。另外, 原來格蘭中心仍然係無限時間, 果然係主場呀。再另外, 由於Joyce七日內生日, 減左個人頭費, 抵呢。
3. 10點幾凱琪住TuenMun要走先, 因此大家都有去意, 叫埋單到真係走都只係10點9, 有d俾預期早; 之後除左Joyce(凱琪)之外4個人一齊搭MTR走人, 11點幾返到企, 早。明明前幾日都早訓, 不過走時有d頭赤。
4. 昨晚早訓, 今朝一早醒, 好早返到公司, 上去幾個人都話得的"合記"買沙爹牛肉麵做早餐; 麵+飽+凍飲, 好耐無食過咁大份早餐; 個麵OK啦, 又唔係真係話好好食; 由於早上太飽, lunch只係食左3粒牛肉丸就飽了。
5. 明天去Spenser屋企玩佢2隻新o既貓貓, 好野~ 星期六short week, 可以玩得盡興d, 不過人地屋企, 始終都無得夜o既。
6. 係社會上, 男性一方責任一向較大, 從來都不是平等的; 不過有好多野, 都係應該男性孭o既, 咁咪孭咯。
7. 我拖泥帶水嗎? 由真正發生果日到而家過左好耐了嗎? 咁大件事真係可以係短短幾個星期就下定決心嗎? 係咪要涼薄d, 一有問題發生就好快解決就叫好? 唔可以考慮一下? 唔可以感受一下自己o既心意? 我咁樣叫逃避嗎? 我一早知好多人諗左好多難聽o既說話啦, 咁又點呢?
8. 我不需要伴侶嗎? 我都覺得我自己不似一個適合拍拖o既人, 所以我先更加會係度諗究竟自己想點。建立同付出係雙方的, 拍拖亦當然一定係想結婚, 但係係問題發生o既時候, 究竟係邊個諗住修補先呢? 係邊個作出好多努力而不得解決其問題呢?
9. 自己絕對唔係一個兒戲o既人, 從來都諗得好長遠, 短視o既究竟係邊個? 我係完全單方面有問題我係逃避我係固執我係無維繫我係衰人的話就唔係係咁, 事情就好簡單了。
10. 自己係好坦白o既人, 我自己o既野從來都係9成9俾得人知o既野, 但係當一d牽涉到唔係只係自己o既野時, 當然唔會隨便話人知(自己唔介意, 唔代表人地唔介意)。係全部家人朋友等等咩事都以為無發生過野時, 究竟發生過d咩野, 大家係唔會知的, 有好多問題亦唔係突然發生; 因此好多人可能覺得好突然(某匿名亦提到:一下子就話唔得), 或者有好多想像o既野, 或者猜度、估計o既野; 係blog度唔想講一d一面之詞o既野, 大家知道d唔知道d我都無所謂, 亦都唔想解釋咁多, 反正我都唔介意背負d咩野, 總之大家要點諗, 舒服o既就好; 已經不想再同任何人交代, 有太多野不足為外人道了; 其實時間唔係過左好耐, 我一向亦唔想拖, 而既然大家都覺得我拖又或者覺得點o既, 咁我就唔再拖咯。
完
2007年7月18日 星期三
七月十八日 -- 雜記
1. 連續第3日收工返企! 天日同同事唱K, yeah! 未同過Iris唱K, 佢都係舊歌人, 應該會好玩呢~ 而且佢仲話一定要唱"你最珍貴", 仲以為會成絕唱, 正呀~~
2. 今晚想開工, 希望打完野會砌野! (我估未必得...星期六或日要開工!)
3. 砌埋剩返果2隻水中三寶先定Spenser俾我果隻紅渣先呢?
4. 匿名人可以俾d hints係邊位嗎?
5. 上返屋企個磅, 雖然個數唔準, 但係重左定輕左應該都o岩o既; 結果係輕左! yeah~~
6. 不嬲對腳都係弱點, 成日都痛, 一行得多就痛(但係以前都係成日行, 仲行好遠路都行); 呢排成日行樓, 又無lift, 居然唔痛! 對腳好似強左咁, 雖然都累, 但係行極都唔太痛, 太好了。
7. 好眼訓...都係去訓...
暫完
2007年7月17日 星期二
七月十七日 -- 雜記
1. 第二日收工返企, 天日都會係; 本來約左民出下來食飯或者來我企打機, 不過佢天日返新工, 又無咩特別野攪, 所以都係唔出來了, 而且自己都有少少唔想出來見人; 另, 民仔返新工加油。
2. 好少發夢o既我, 前晚居然發夢, 仲要係綺夢, 而且對方係S...不過夢中好乖, 未做d咩野...
3. 次次日頭諗到好多野要打, 夜晚返到企就咩都唔記得晒
4. 電視遙控無電可以換, 個control仲係手; 遙控車壞左仲可以去執返; 風箏斷左就已經係好遠o既地方...
5. 最近見到好多ChoroQ車仔都幾特別同平, 去買返d先。
6. 真係諗唔起有咩要打, 係咁多
7. 果日去呀進屋企, copy左堆mp3, 有雨音熏, 有麥兜, 最正係林子祥精選, 好多歌都好正。
最愛是誰 詞：潘源良 唱：林子祥
在世間尋覓愛侶
尋獲了但求共聚
然而共處半生都過去
我偏偏又後悔
別了他原為了你
留住了愛亦留住了罪
誰料伴你的心今已碎
卻有他在夢裡
為何離別了 卻願再相隨
為何能共對 又平淡似水
問如何下去 為何猜不對
何謂愛 其實最愛只有誰
任每天如霧過去
沉默裡任寒風吹
誰人是我一生中最愛
答案可是絕對
為何離別了 卻願再相隨
為何能共對 又平淡似水
問如何下去 為何猜不對
何謂愛
誰讓我找到愛的證據
2007年7月16日 星期一
七月十六日 -- 雜記
1. 收工返企, 好耐無返企食飯咁...
次次都係, 一早返企早沖完涼, 就好早累同想訓...應該會好早訓, 打完就訓。
2. 唔記得講, 上星期Mario Kart打到三星了。
3. 劉關張好似愈來愈吸引。另外呀進同佢細佬好識幫d模型扭蛋擺pose, 好掂, 學唔來...
4. 我都話溝通困難啦...幾好都無用...愈好愈辛苦...
5. 好熱, 好熱, 好熱...好累...呢排好似成日收貨, 吸左好多塵, 所以喉嚨成日有dd咳; d VO, EOT同Cert單好似得我最熟, 速度差好多倍, 所以到最後好似9成都係我攪咁 @@, 好彩d每星期的政務(refer/email/scan...etc)o既野team leader攪晒, 只要唔使再跟其他人d手尾已經好好了。
6. 其實馬生唱歌幾好聽, 唱Leon的歌時仲有d似添; Connie把聲好溫柔。
7. 上星期拿返張信用卡後, 今日拿埋張新o既ATM卡, 仲將Visa的密碼改返做記得的。終於唔使靠向父母拿錢度日, 仲一次過出返糧+還錢+找埋卡數...etc, 好野~~! 要去好好地使返次錢獎下自己先!
8. 白田有人跳樓...再次感受到原來人好化學, 亦都原來係咁接近死亡。
9. 本來早返屋企諗住打返好多野, 不過點知hea hea下都係無打...
完
2007年7月15日 星期日
七月十五日 -- 雜記/遊記
好耐無試過郊遊, 呢d一定要成班人星期六/日去o既活動, 好少可去到, 而且仲要係咁熱o既夏天。
話說今日約左八婆, 呀B, 呀進同Esther出去玩。約左12點係元朗差館等, 不過我遲左少少出KT, 後尾轉左12.30; 要Esther等有d唔好意思添; 同Esther一齊搭268C去到元朗, 未見其他人(到果時12.15島), 去隔離街見到o既一間玩具店睇野, d模型貴貴地, 不過見到新一套高達BB戰士扭蛋又出左! 緊係要扭下啦! 一扭就扭到最想要果隻! 強人! 太好了~~ 又係時候要d朋友扭野比我了(好鐘意睇下d朋友會扭到咩比我 :P)。之後去左元朗廣場等齊人, 係M記等時大家拿左NDS出來打, 當然係打遍天下無敵手啦, 呵呵; 人齊之後就開始旅程; 搭巴士入流浮山, 入到去2點, 先食野; 由於唔知邊間好, 是但入左間類似酒家o既野, 真係有d奶野, d野食普通, 又唔平, 服務仲麻麻地...算吧啦。
食完野, 搭Van仔入去一個好偏僻o既地方, 睇傳單原來有個好大o既場地, 有好多小動物俾人領養; 不過原來要預約o既, 我地咁遠水路去到都唔俾入...慘。又熱又行咁, 流超多汗, 入唔到果度, 就順便行出去海邊睇下啦, 見到沙灘外o既地方好似係泥沼來o既, 見到有人係度挖蠔~ 仲近距離見到好多蟹仔同彈途魚添! 第一次見到真o既彈途魚呀~ 望左一輪行返出去搭Van, 去下一個地點, 又係山卡拉地方, 叫雲浮仙觀; 未去之前都唔知咩來o既, 原來係一個俾人放先人靈位o既地方...其實都無咩好睇...地方幾大, 同行行下好熱; 原本諗住行過一片草地過去快d, 點知見到條蛇! 大家都唔敢再行草地, 唯有兜路行石屎車路過; 到左行左一圈之後就走, 中途有個小型湖, 有個庭係中間, 見到有人餵魚, 行埋去睇, 嘩! 有好多好多鯉魚! 好大條, 過百條係水面搶野食! 其實個場面幾得人驚, d魚係度搶野食, 個口又大, 雖然無咩事發生, 但係個感覺似係一大堆食人倉衝埋去搶野食咁; 另外亦有一d龜係入面, 有人用野食嘗試釣d龜上來(試下玩下姐), 同我以前係BD用盲公繩釣一樣呢 :D 睇完一輪魚同龜之後就走, 搭返車出流浮山; 出左來之後, 行下條大街, 個感覺好似大澳, 又係街2邊好多有關海產o既野賣: 蝦乾呀、蝦醬呀...etc etc, 我又買左樽蝦醬 :P, 行到尾又到海邊, 又係一堆泥沼, 又見到好多小蟹同彈途魚, 睇左陣就返車站搭車出返元朗了。
出返元朗未去呀進屋企前, 去左百鳥塔(臨時去的), 有好多雀仔, 好近距離, 又無隔住的, ; 行到最上層就無雀, 不過個view就就可以睇到好遠; 不過我地到果時都差唔多收工, 好快睇完企完吹左陣風就走了。話時話, 今日睇唔到貓貓狗狗, 反而d野生動物彈途魚呀蛇呀雀呀又見好多。之後終於上左呀進屋企。由於家庭關係, 佢2兄弟搬出來住。雖然租屋住要使好多錢, 不過上到去見到全間屋都係自己用o既, 個感覺好正呢~~ 自己住好寫意呢~~ 係佢屋企見到前排出o既BB戰士模型: 劉備關羽張飛, 出果時都覺得麻麻, 又偷膠又有排上色, 見到實物又覺得OK, 想買喎, 一隻$30蚊加埋都係一舊水島, 有d想要呢。睇左陣, 我帶左件衫換左(流左好多好多汗又曬又熱, 仲辛苦過返工), 之後大家就叫左Pizza食; 打下UNO, 吹下水, 都OK呢。食完本來有人話去唱K, 不過由於唔早, 又係元朗咁遠, 好彩攪唔成。8點幾, 有人提議出去合益睇模型(5算, 好平呀), 於是打的去, 點知去到真係收左工, 晒氣...之後到B仔涼粉食糖水, 之後就去車站搭車, 散了。10點幾就返到屋企, 早呢。
**********
失去信心
由好早之前, 已經知道同埋預左好多野, 亦知道耐左會有好多問題發生, 諗住既然知道就可以防範, 可以做好d; 點知都係無用, 明明講過, 明明大家都知, 但係都無用...
而家對"2個人在一起"o既關係真係好無信心, 覺得自己算係做得好d o既, 有努力o既, 都係咁; 就以後就算再一齊, 或者遇到另一個, 都係會咁...所以好驚, 好無信心...暫時唔想再諗呢樣野了。
**********
大義凜然
自己講左好多野, 做左好多o岩o既野, 無做好多錯o既野, 好似自己好大義凜然咁, 但係其實覺得自己都係一個衰人; 但係又唔夠衰, 如果自己徹底地係一個衰人可能仲好...
自己唔開心, 除左發生左咁多不愉快o既野之外, 其中之一都係對自己o既感覺, 太差了; 我唔介意人地諗咩, 即使覺得我仆街都係一樣, 都係果句; 只要自己快樂又唔影響別人, 點做都可以, 唔會理人眼光; 不過, 今次會影響到人, 而即使唔影響, 自己都唔多快樂...
**********
即使有幾理智都好, 人都係會被感情所影響, 不過呢樣亦都係人o既可愛、可怕、可憐之處。
完
七月十四日 -- 雜記
10/7(二) -- 收工返企
11/7(三) -- 睇死硬4.0; 自己大懵唔記得買飛前打電話, 衰左; 臨時拉夫叫人來頂, 有d唔好意思; 講返套戲, 由於一早expect左係一套點o既戲, 所以覺得非常好睇, 同前幾集一樣, 都係由頭刺激到落尾, 唔會晒好多時間係d講野度, 加上一大堆o既槍戰, 肉搏, 車追車, 車追人, 直昇機戰機等等, 總之就係好刺激無悶場; 主角身經百戰, 遇到危險o既時候都超淡定, 由於有前幾集o既關係, 加上主角個樣, 佢每次用d方法K.O.對手時, 幾誇張都好, 都覺得好型同好有說服力, 太正了。
12/7(四) -- 同Carol日安馬生唱K, 而家可能係暑假, 所以限時...; 唱完K被逼供, 講左好多野出來, 大家亦有俾意見我; 有多d拍拖經驗o既人o既意見果然係唔同d...起碼唔會好似睇小說同電視咁, 諗野咁ideal...係呢度多謝大家o既意見同支持...果日散左之後送左Carol返企, 又繼續傾左好多野。
13/7(五) -- 由於Spenser又需要調week關係, 星期六會long week; 夜晚亦無去呀儀的farewell, 去左打羽毛球; 好累, 平時打唔到都好有活力, 不過呢次就差d...不過過左呢個星期會試下儘量再早d訓; 打完波食飯散; 黑色星期五, 好邪, 發生好多野咁
14/7(六) -- long week, 收工落左落SSP, 唉, 愈來愈煩; d朋友好多野講, 又唔明, 只係令我愈來愈煩, 唔使個半月, 我應該就來頂唔住了。同日, 同同事Puzzle傾左好多野, 佢亦分享左佢自己o既經歷, 好多謝佢, 佢係一個好值得交o既朋友來呢。
15/7(日) -- 同Lands同事去流浮山+去呀進新居入伙, 就來出門口。
**********
1. 有d野, 過左去真係過左去...如果無事發生過, 可能都好好地, 發生過就係發生過, 返唔到轉頭; 自己唔係一個會記住唔開心o既野o既人, 所以一d怨恨都無, 不過而家o既感覺, 好似親人, 好似好朋友, 但係...
2. 愈來愈多朋友知道d野, 亦都有好多好多唔同o既意見; 旁觀者清, 其實當局者又何嘗唔知大家講o既野; 不過真係好睇到大家o既性格, 而且經歷唔同俾o既意見都唔同, 多謝大家。
3. 唔想再拖, 好煩好煩好煩好煩好煩好煩好煩, 完左之後我要"炳"埋自己一段時間。
4. 放心, 唔會影響我工作, 一定唔會。
5. 我好乖架啦...我儘量都唔會做錯野...而且其實我都無打算拖好耐解決, 我已經不停煩同諗點樣架啦...
6. 自由o既時間, 真係好自由, 不過都係一個星期姐, 之後會早d返企, 早d抖。
6. 當一切o既野完左, 我要嘗試下改變自己, 要下定決心做多d運動, 砌返模型, 有機會追下電視劇集。
暫完
2007年7月9日 星期一
七月七八九日 -- 雜記
0. 七日打左大部份, 一路無post, 之後果2日都加左d野, 所以咁。
1. 唔知係咪成日唔夠訓, 返工又係咁出汗, 又唔係食得多野, 個頭有d痛又成日wing; 又唔見減到磅同肚腩喎 =.=
2. Spenser日本歸來, 大量手尾...另, 送左盒MG紅渣2.0俾我, 多謝晒! 調week少左日假都有返d回報 :P
3. 一個星期, 無左夜返o既心理負擔, 經常夜歸(都係講緊11-12點姐), 都幾爽呢。
4. 係人面前, 唔高興都於事無補, 因此都係高興好d。
5. 冷靜o既時間入面, 從來都無機會冷靜; 孤軍作戰之下, 愈來愈無心機; 得唔到支持, 亦好難令人明白自己o既睇法, 亦都開始唔想見某d朋友, 愧對某d朋友, 接受唔到自己...etc , 總之連朋友都唔想搵了。
6. 上星期電話分鐘已爆, 唔知點解總要係無分鐘o既時候有d好少搵我o既人/無用o既電話/工作上突然多左...etc好多好多人打來, 今個月電話費死了; 不過來緊星期未完就夠期(仲有幾日而已)! 捱埋佢啦。
7. 瀨戶一貴幾年以來, 再次出動。
8. 呢排睇返下自己儲o既漫畫, 發現真係我自己買得o既都好鐘意, 好正。
9. 好似係表弟生日?
10. 副黑框o既鏡有一邊好花了...有時睇得唔係好清楚, 搵返以前副金屬出來(其實之前諗住呢副先係正帶, 黑框係後備...), 個度數仍然OK(仲有d過左添); 唔係好睇慣自己用返金屬框。
11. Hunter x Hunter 重出江湖?! 繼續連載?!
12. KTG真係要離開SZ去上海了, 祝一路順風+前程錦繡! (買左套扭蛋俾佢)
13. 前排睇左Grasshopper forever DVD, 又好鬼鐘意; 不過同某d friend唱K都係唔好點了。
14. 有人o既地方就有是非, 估唔到我都有份被傳。
15. 自己一向都好似好多friend, 好易識friend咁; 其實自己係某方面來講都算好易同人熟稔, 其實唔係好識"第一下" 點樣"開始"同人建立關係; 不過自己係一口井, 只要有人肯投一塊石落來, 我必定會有一堆漣漪返返來俾你...只不過呢口井係頂唔住o既時候, 無晒水o既時候, 會關井, 而且d水亦都返唔到來...cher得太勁, 井都有死o既一天。
16. 爆粗band友#2入手。keep到好睇呢。個HK翻譯真係好有心機。
**********
5/7(四) -- 本來應該同Carol食飯, 不過太累, 早日通知左Carol話下星期四同埋ConnieMartin食, 唔好意思, 都叫放左飛機; 收工返企呢...
6/7(五) -- Spenser日本歸來第一天返工; 另, 收工同好耐無見的八婆同呀B等人食飯+睇玩具, 機會難逢, 放棄一星期羽毛球...好耐無見八婆, 八婆仍然係八婆, 而且仍然好o岩傾; 一行5人四圍睇下玩具, 行下傾下, 之後係富貴食飯, 都幾開心; 由於累, 9點幾我叫散了; 美林村原來係咁的
7/7(六) -- long week, 又食賓賓一野...真慘; 收工超累; 星期五晚有個friend拿左MG ZakuII 2.0的說明書睇唔記得比返我, 今天收工係SSP順便比返我。
8/7(日) -- 馬來我家, hea食飯+打機, 之後去MK睇電腦, 之後同S食飯, 9點散。
9/7(一) -- 收工去KT大盛食, 講左好耐好耐終於試過; d野食普通啦, overall唔係特別好食, 有d普通, 不過有d都幾好的; 平夾大件, 所以都好抵食, 值得去下呢。
來緊:
schedule有d亂, 中間又有d改過, 打final version算了
8/7(日) -- 抖, 太累, 可能呀馬上來我企; 夜晚食飯? (過ed)
9/7(一) -- 無 (過ed)
10/7(二) -- 本來話去睇死硬4.0(馬民等人), 不過有人話唔得
11/7(三) -- 應該睇死硬4.0(本來係同白田同事唱K, 不過白田有人又話唔得, 再postpone)
12/7(四) -- 同Carol日安馬生食飯/其他活動, seems to be 唱K
13/7(五) -- IIA同一batch的呀儀走(同一batch第3-4個走了), 好似話farewell, 但係想打羽毛球多d...
14/7(六) -- short week, 應該有野攪, 又唔係好記得有咩攪
15/7(日) -- 同Lands同事去流浮山+去呀進新居入伙
完
2007年7月4日 星期三
不習慣
純粹記下自己感覺, 因此雜亂無章。
1. 最近在店看到一本漫畫, 叫"爆粗band友", 一見到已經覺得好似幾有趣; 上星期六同貓們食飯+唱K時, 呀哩原來問friend借左來睇, 佢又推介喎, 於是睇左少少; 畫功唔靚, 而且內容都好粗俗, 但係幾好笑, 好笑得來其實內裡都幾有意思! 好另類的漫畫呢, 忍唔住買左第一期來睇! (應該會買埋第二期了)
2. 幾個星期以來, 尤其近幾日連續5-6點才睡, 平時都3-4點才睡, 1-2點已經算早了, 很累。幾個星期沒什麼食慾, 午飯食粉麵, 也吃不到一半, 有時只叫了一些點心來食, 但也吃不多; 可能天氣太差了, 夏天果然不是屬於的的季節; 可惜, 天天無lift行樓+熱+一向不吃零食+食唔安訓唔落也沒有減到肥...
3. 雖然自由, 但暫時也不習慣, 有點空空的感覺; 放工後的時間排得滿滿的(雖然一向也是這樣), 而且毫無顧忌地很晚才走, 但也一樣不覺得冷靜下來, 看來我真的需要一段長時間去慢慢的尋找舒服的感覺。總之不想再煩, 大家不要惹我, 出來食飯只要像平常一樣就可以了, 可能太累不夠訓人也會比較躁吧? (不過在朋友同事面前應該和一般的我沒大分別呢)
4. 要盡情地去玩去打波去唱K去食飯~~~~
完
七月四日 -- 雜記
2/7(一) -- 公眾假期, 中午無啦啦同呀哥去左灣仔(呀哥換左電腦想玩下新game); 中午食一間原來都有名氣的"波士頓餐廳"; 都幾好食不過都幾貴呢; 食鋸扒, 個扒好食, 仲有西餅沙律任食, 仲無啦啦送左cheese cake添, 好飽(後尾聽返puzzle講原來果度係難得有香蕉船食o既地方, 下次要試下); 食完去左電腦商場睇下野, 買左d老番; 等老番o既時候行左188, 買左本漫畫, hea睇左好多野, 之後夜晚就返企食飯了。
3/7(二) -- 本來蘇屋同事上星期話食飯, 一路無聲氣, 點知到左星期一晚先通知(原來通知果個人唔記得通知我, 所以遲左叫我); 本來話唔去(因為時間通知得太逼), 不過之後果日另外幾個人分別打來問我係咪玩野, 所以最終都係去; 家樂greenbox, 居然唔係話無限時間, 只係到9.30pm, 不過最後都係無人, 所以都係到好晏先走; 由於我晏左去, 所以7個人收左6個人錢, 呵。
4/7(三) -- 收工返企, 極累
來緊:
5/7(四) -- 同Carol食飯, 不過由於下星期可能連埋ConnieMartin食, 所以可能cancel
6/7(五) -- Spenser日本歸來第一天返工; 另, 收工同好耐無見的八婆同呀B等人食飯+睇玩具, 機會難逢, 唯有放棄一星期羽毛球了...
7/7(六) -- long week, 白田同事們的星期六返工終於正常返了
8/7(日) -- 好耐無打波了, 唔知有無得打?
12/7(四) -- 4人食飯, 慶祝Carol生日?
15/7(日) -- 同Lands同事(八婆等人)去流浮山(咁大個仔都未去過), 之後去呀進新居
完
