短篇 -- 刺殺

烈日當空, 在這春天的霉雨季節, 讓人在悶熱之中更增添煩躁的氣氛。

在人來人往的洛陽城大街, 一個穿著厚布長袍, 連頭也蓋至看不清面目的人獨坐在巷邊小店的石階旁; 若不是坐在不起眼的角落, 相信很多人見到他連看也會覺得很熱。

這奇怪的漢子在等待一個時機。

**********

今天, 我誓要刺殺九王爺! 這個禍國殃民的九王爺!

之前已經收到消息他會微服出巡, 他想也想不到消息會走漏, 更想不到他的命中煞星 -- 我! "鬼王"陸淵瓊!會得到消息!哼哼, 我已經步署好一切, 就等你出現的一刻!

別以為我不知道有很多人在暗中保護你! 我已經事先調查過, 知道有什麼高手隱藏在這裡!

在街中一角擺著攤子賣著燒餅的年輕人, 看他手臂如此結實, 蒲扇般大的手掌, 筋脈都突了出來, 一定是外家掌法高手! 莫不是江湖中新一輩, 人稱"開碑手"的黃權? 既然黃權在此, 與他一起同期闖江湖的好兄弟, 十大高手之一的"劍神"葉群的徒弟"書劍生"薜劍亭一定就是在書畫店中那腰懸寶劍, 相貌風雅的公子了。還有在街頭麵檔的伙計, 街尾遊玩著的小姑娘, 應該是忠於朝廷、家族中多人皆是朝中官員的楚家莊的年輕高手"霸槍"楚雲天與"銀鈴雙鈎"楚聲柔; 他們都帶著點貴氣, 要扮平常老百姓有點勉強吧, 嘿嘿。

這些年輕高手還未到火候, 不足一懼。要注意的是今次從大內調出的幾位隨行高手!

在酒樓一樓上座的一桌坐了兩位老者, 一個吹著旱煙管的糟老頭, 眼神閃爍, 一雙長袖把整條手臂都遮蔽住, 一定就是從前幾乎被列為十大高手之一的"斬鐵螳螂"賴勝川, 他在什麼時候重出江湖了? 難道九王府重金禮聘他出山就為了這一次的微服出巡? 在旁邊肥胖矮小的老頭, 就是與他私交甚篤的"百識魔師"陳果皮吧。想不到這兩個當世高手也會為了錢而做九王爺的走狗!

單單要對付這2個十大高手級數的人已經很吃力, 所以一定要在他們未注意到我之前就下手! 不過他們坐在酒樓一樓, 也來不及來阻擋我的突襲吧?

最不為人知而又意想不到的, 應該是會貼身保護九王爺的大內御前侍衛長。全江湖都不知道, 一向在別人眼是閒雲野鶴的十大高手之一的"迅雷刀"謝意, 其實一直在大內皇宮之中辦事! 想不到呀真的想不到, 幸好我一早已經查清楚了所有底細, 如果稍一大意, 恐怕第一招已經命喪迅雷刀下!

最難應付的, 還不是"迅雷刀"、"百識魔師"、"斬鐵螳螂"這些高手之中的高手; 江湖中其中一個武林秘聞, 要算是"皇家秘藉"。當年太祖皇帝也是武林一脈, 登基之後他的其中一個兄長就專門負責精研他家的祖傳武功, 然後一代一代傳予皇族之中有資質之人; 而經過了多代的傳承與研究, 這一套皇家秘藉 -- "朕拳、孤掌、寡人劍"已經被封為"十大高手"; 對了, 這"十大高手"之一並不是一個人, 而是一個"名"; 凡是當代獲傳"皇家秘藉"的皇族一員, 都會被視為十大高手之一。"朕拳、孤掌、寡人劍"在江湖上並沒有多少人見過一招一式, 根本就沒有幾多機會可以一見, 但從前聽過、見過的人也知道其威力是何其大!

最可怕的是, 九王爺就是當代的"皇家秘藉"傳人, 而且被稱為自太祖皇帝兄長以來資質最高的"天才", 更把"皇家秘藉"研究至更上一層樓的一個人。他本來有機會做皇帝, 但為了不被其他政事分心, 於是放棄機會, 全力醉心於武學之上。這個九王爺武功之高必入十大高手之列!

不過既然我已經將所有人的底細查得清清楚楚, 有了防避, 有了詳細的計劃, 這次行動的成功率就大大提升了, 嘿嘿, 嘿嘿, 憑我的身手, 應該可以在所有人未出手之前就把他斃了!

**********

中午時分已過, 天氣仍然炎熱。奇怪的漢子仍然一動不動地坐於石階旁, 等待著某一刻的來臨; 突然, 他長袍微微一抖, 在袍中雙眼直射向從街頭走過來的人們。

一個衣著華貴的人帶著一班隨從慢慢的在大街中閒逛, 悠閒地感受著大街的熱鬧, 彷彿平民百姓的勞苦都與他無關, 從來不用憂愁衣食住行。

賣燒餅的仍然賣著燒餅, 欣賞書畫的仍然欣賞著書畫, 麵檔伙計仍然忙著端盤端碟, 小姑娘仍然滿街遊走, 酒樓上的老者仍然喝著茶聊天, 隨從們都精神奕奕地跟隨著主子, 偶爾對街上的女性指指點點。

**********

衣著華貴的一行人行至大街中段, 到了比較接近巷邊小店的石階; 長袍怪人站起來, 慢慢的, 慢慢的, 一步一步走向大街中心, 不動聲色, 著向那貴人慢慢走去。就在大家開始注意到他的時候, 他已經走近了他的目標人物! 他單手把大袍一脫一揮, 擲在其中一個精悍的隨從身上, 另一手亮起一柄短刀, 直刺對方心臟!

**********

"刺死人呀~~!"
"來人呀~~!"
"陸瘋子刺死了人呀!"
"王員外被刺死了呀~~!"
"救命呀~~"
"快來捉住他呀!!"

"嘿嘿嘿嘿嘿嘿!! 我成功了! 成功了!!"

完

**********

後記

用返白話先。

唔知有無人有心機睇到尾。基本上前面都係一大堆無咩用o既廢話來o既。成篇野其實就係想用果堆野營造個大戰氣氛, 之後一個高潮即刻完結。不過, 大家應該估唔到寫左咁多, 原來只係一個痴線佬o既故事。哈哈哈。

又唔知有無人心機睇埋呢個後記。其實心底裡寫呢篇野出來, 係有d諗法先會咁寫的, 不過眼低手更低, 總之都寫左自己想寫o既野, 表達d咩野、表唔表達到, 唔重要。以下係一d自己對呢篇野o既感想。

1. 諗左好多人名、綽號 -- 有d係咪好似好響呢, 嘿嘿。其實係比自己有機會將自己以前諗o既人呀、事呀、物呀出下場, 哈哈。不過呢篇野入面出場或者提過o既人、綽號同背境同"原著"(所謂原著, 即係自己諗o既故仔入面, haha)係有dd出入o既。仲有, d名老土d先切合現實, 古時候邊會有d好複雜或者好in噶名呀。

2. 不論係古代定係現代, "名堂"都係"做"出來, "傳"出來o既; 事實有無料到? 唔知。不過到而家資訊發達左, 都仍然仲有好多好識宣傳o既混水摸魚之輩存在。

3. 係現實之中, 有好多野、好多人都係準備左好耐, 投放左好多資源(人力金錢時間)落去一樣野度, 為o既就係好短時間、或者一剎那而已。果一剎那間o既成功、快感, 就係去努力o既泉源。好似京奧o既開幕禮、好多大公司o既project、一個舊區o既發展、一段經營好多年o既愛情等等。

4. 最後最想講o既, 亦都係呢篇野一開始想寫o既主旨, 就係想講, 一個人自己o既認知唔代表係"o岩"o既, "對"o既; 不論自己諗到幾完美, 幾算無遺策, 都唔一定是o岩o既、無錯o既; 可能一開始個方向就錯左, 可能根本有d好重要o既野就係錯o既, 可能個根本concept係錯o既; 呢個idea我唔係好識講出來; 簡單來講, 就係唔好太自以為是, 更加唔好將自己o既諗法強加係任何人身上。

而再進一步想講o既, 係"大部份人o既諗法"都唔代表係"對"o既; 當年伽里略話地球係圓o既, 全世界都話佢係痴線, 但係咁代唔代表佢係錯呢?

所以, 誰知道其實係故事入面果個長袍怪客諗o既野唔係真o既呢?

p.s. 如果大家expect係一篇精彩o既打鬥短篇, 就真係唔好意思了; 不過, 應該都另有一番"精彩"吧?
諗左要寫好耐, 係四月一日愚人節出呢篇野唔係專登o既, 不過又幾有意思幾應節。

完

四月一日 -- 愚人節雜記

23/3(一) -- OT到830pm; 返企食樓下的鳳爪排骨飯。
24/3(二) -- OT到7pm; 返企食尚德街市燒味; 睇左畢打自己人"味之天使"; 自己覺得都有d感動喎。
25/3(三) -- OT到730pm; C因為好多原因晏左收工, 所以來Kt搵我食飯; 大盛。由呢晚開始上唔到網。
26/3(四) -- 唔想OT, 無同Mak佢地食飯; 搵左民仔食坑口雞, 之後返屋企一齊打Winning。
27/3(五) -- 陪同事上樓因此OT到7pm, 之後返企同老豆食飯。
28/3(六) -- OT; 1030am-7:00pm; 好累; 同Crystal去左KT印尼野食飯, 之後行去KLB食糖水; 佢個仔係扭親之後過幾日已經走去打波了 =.= 年輕人d回復力真係犀利。
29/3(日) -- OT; 1100am-330pm; 之後去左葵芳行, 見到有Slam Dunk入面球隊o既球衣, 仲有三井壽添! 諗住好耐無返企食同見呀媽, 於是返去食, 點知呀媽打牌到8點先返, 仲要頹食...由於上唔到網, 當日的Gundam OO大結局睇唔到...
30/3(一) -- 市建局KTTCproject收購期完; OT到8pm; 食左野先返企。
31/3(二) -- OT到7pm; 陪呀哥買埋晚飯返屋企。

1. 返屋企食飯盒時, 有時睇左d大冬瓜; 兒童向o既節目, 所以唔會complaind劇情無謂; 不過要提o既係casting, 成班演員不論主角配角定大咖, 唔係老戲骨就係演藝出身o既有演技人士, 睇佢地做呢d戲好似有少少少少晒左; 不過係咁唔好睇o既劇本(以大人來講啦)之下都可以做到咁自然, 真係好演技。

2. 見到soler翻唱"風的季節", 個感覺係同見到佢地唱"咀香園"一樣咁嘔心...

3. 最近又聽返以前聽開o既好多卡通歌, 真係好好聽呢~ 可惜屋企上唔到網, 唔方便搵一堆links出來了。

4. 由上星期開始連續好多日都而家屋企都仲係上唔到網; 返到屋企有d悶(NDS DQ5都打爆左又暫時無咩想玩), 星期六日又OT, 好累, 因此最近都好早訓, 10點幾11點就訓呢; 生活習慣好唔同, 發覺(其實一早就知)早d訓個人係真係精神d狀態好d (雖然我都係訓得差)。

5. 又係心理測驗, 姑且貼自己o既結果出來。

付出型（和藹慷慨，富同情心）

您是外向、快樂、活力充沛、友善、自信、討人歡心，尤其是樂於助人。
您自願為他人提供時間、精力及物質，而且您所贈送的禮物總是經過精心挑選。
您的世界是以人際關係為主，面對別人的需要和感覺有天生的同理心，能調整自己以迎合他人的需要。甚至更徹底地成為別人想要認識的那種人。
您會因應不同的人而有不同的表玩，卻不帶任何欺騙成分。

優點：
您會給他人無條件的愛，讓人覺得溫暖。對別人和善，並且經常給別人鼓勵。

缺點：
當人們對您的不斷付出不以為意，或是視而不見時，您會表達出強度足以震驚他人的情緒或憤怒。

愛情：
專注於一對一的關係，一旦選定和某個人交往，會以精心設計又而深具誘惑的手段攻擊目標，直至「追到手」為止。

您對自己能讓人人都想和您成為情人的能力感到洋洋得意。
「我能讓每個男人感覺自己就像個國王，即使只是共處一夜。我能讓他因為我拿酒杯的特定方式，就永遠都忘不了我。若這是一段較為長期的關係，我會深入調查他所喜歡的一切，驅使這個人上癮。」

安定方位：自我型
在安定的狀態下您會增強情緒的一面，有從親密關係中抽身而出的傾向。

壓力方位：挑戰型
當面對感情的壓力或情緒對抗時，您會變得專制、易怒，最後勃然大怒。
不願遭受控制的慾望會擴大至對自由的渴望，為了維護自己的立場，以平常不曾表現過的方式去抗拒他人的要求。

建意：
注意個人的成就及價值
告訴別人您的需要，並讓他們為您而做
注意「多重人格」的衝突

最渴望：被愛，被別人需要
最恐懼：孤獨，不被喜愛
最難達到的美德：謙卑 (Humility)
最難克服的執念：奉承 (Flattery)

完

由於唔多方便, 今次唔貼歌同link了。

完