發生好多事, 所以遲遲都未貼雜記。
**********
24/8(一) -- 收工返企同呀媽食飯; 由於我早所以我煮, 呀媽居然比起平時食多好多野, 仲話好味添~ 之後睇畢打自己人, 呢幾集都好睇呢~~ 呀媽無睇開, 睇少少都覺得OK, 哈哈。之後好想鏟頭, 不過都無, 未拿得定主意鏟唔鏟; 又上唔到網, 好早就訓了。
1. 老細由上星期五開始放假, 放到星期三返, 好開心呢。
2. 最近屋企每日上網都好唔穩定, 一時得一時唔得咁。
25/8(二) -- 收工同PuzzleSpenserMan同呀Wing去紫荊食飯, 好耐無去過紫荊了; 大家都無咩點變, 呀Man讀完個心理學了呢~~ 好想讀...佢而家已經可以part time咁做心理噶野了~~ 同幾個熟噶舊同事食飯都幾開心呢, 吹水吹到9點幾(間酒樓來多碟野諗住佢唔知, 點知都係計左錢哈哈, 不過埋單都唔貴, 果然係紫荊), 去左義順好快咁食完燉奶之後就走。
3. 聽到消息老細放多日假, 星期四先返工, hehehe :D
26/8(三) -- 終於都完結晒好多任務, 整返、拿返眼鏡, 改左、拿左牛仔褲; 呀爸同呀姨姨丈返HK, 都未見過呢, 於是晚上就過左去見一見佢地, 姨丈果次病之後都無見過佢呢, 大家都探過佢, 得我果期忙無去見佢呢~~肥仔仍然係超高大超肥, 好勁呀~~
3. 七夕快樂。
4. 我剪, 我剪, 我剪剪剪。
27/8(四) -- 原本約左呀哥同佢去買衫, 點知佢約左人, 即係放飛機。還是歸家吧。
5. 這個世界上, 其實做錯事真的可以沒什麼的, 事情過了之後還不是像什麼也沒發生過, 之前講過, 現在講過的說話, 隨時也可以變得沒效, 那其實所有人說的所有話, 一點用也沒有。
28/8(五) -- 本來同姨丈食飯, 不過延左去星期六, 過左去見左下佢之後返屋企, 到咁上下時間去九龍灣打羽毛球, 個體育館都幾隔涉呢。
6. 老細: S, 我: Y
S: 你係咪有d咩咩咩未做呀 (咩咩咩stand for公司某d工作)
Y: 係呀, 整緊啦
S: 咁耐噶? 好快d整好佢啦喎
Y: 有好多野做呀, 果樣野又複雜又唔urgent
S: 咁...咁咪更加要快d做埋咯
Y: 哦。
Y(心諗): 都話左好多其他野做又唔urgent咯...
29/8(六) -- 早上一家人同姨丈呀姨表妹表妹男友飲茶, 之後陪呀哥係又一城行街買野, 再去時新, 食完返一返企再去坑口買野; 買左好多呢, 好累呢。自己當然係無買野啦。
7. 睇來唔算十分好。不過應該完全在表妹手上掌握到吧。嘿嘿。
30/8(日) -- 一早5點幾爺爺過身了; 一知道即刻趕去果度, 整理左下d野, 我家人真係...之後到中午島就散; 唔使爽約, lunch同ConnieCarol食APM的牛陣, 連星期六日放假噶lunch都有平版, 一定唔會夜晚去呢~~ 之後同佢地行左下IT, 好好好抵呢~ 不過當然係無咩o岩我噶野啦。之後再去左我睇果幢野樓下食左龜苓膏就散。回家又見到呀爸係度up野, 唉。
8. 1 KLT KT 29X。
9. 你今日做咩成日沖紅燈姐!!
31/8(一) -- 收工同呀強食飯; 本來諗住試下食南豐果間意粉, 點知成個坑口d餐廳幾乎都唔會多人, 係呢間超多人等位! 於是去返食雞雞, 食完行左下UNIQLO同玩具店之後8點半返到企了。
10. 哥由呢日開始一連七日不在家, 記得上年都係七月十四果個星期自己一個在家呢~~!
1/9(二) -- 收工返企終於鏟左個頭, 好舒服, 唔係鏟做最短果隻呢; 即上網睇左畢打自己人上一集, o岩o岩好睇埋呢集呢。
11. Taylor生日快樂!
12. 連續三個星期睇左"流金頌"; 都好睇呢。係一個講老人家噶港台節目, d故事都好有意思, 今集吳耀漢都OK; 不過今次呢集有d幫拆牛頭角村講野, 哈哈, 畢竟係政府節目。最鐘意係上集白茵姐做噶, 一向都超鐘意白茵姐~~果集仲要係有講貓添~~如果有機會, 每個星期都想睇呢個節目呢。
2/9(三) -- 農曆七月十四, 緊係收工返企。
13. 屋企幾日都係間唔時上唔到網, 成日無啦啦無得online, 或者睇電視果時on到, 要on時on唔到...
14. 由於13的原因, 呀馬佢地攪去旅行噶野佢地全權負責, 本來諗住無咁快, 點知一攪就話九月中! 來唔切做護照!! 我好多年無出國啦~~ 唉, 呢排真係發生好多事同自己都狀態低, 咩都諗唔到...咩都做唔好, 唉。
3/9(四) -- 早上去左入境處辦理申請特區護照噶手續...希望今次趕得設啦。之後返工, 收工返企。
15. 呢排好多野, 好似係短時間發生好多野好煩好煩好辛苦。其實真係好累。身邊d朋友, 真係証明到好多野。平時好多野我都唔會demand人d咩野, 一向都係人地demand或者要我幫要我就多d; 之前都話過, 縱慣左人, 人就會覺得係老奉, 個個都對我有要求, 但係無人覺得, 人人都會有煩同唔開心噶時候, 就算自己幾煩都好, 想要人就定點都好, 人地都唔一定就到你的。平時就到你平時對你好, 應該諗下係應該好開心的, 唔係老奉的。我爺爺過左身, 雖然年紀好大, 都預左, 而且我睇落好似無咩野咁, 其實自己都好down的, 之前又有好多野煩緊, 好煩好累, 真係無人覺得一個人唔開心時, 心情係真係會唔好, 好多野都唔想諗唔想煩住; 最近可能狀態咁樣, 真係咩都諗唔到, 而家可能連旅行都影響埋...無人當我唔開心係一回事, 大家自己唔開心就係事, 我果d唔係, 無人理我的。我唔係要人幫, 只係想人唔好再加深我噶煩惱而已。
16. 如果去到噶話, 17-20號台灣。
17. 畢打自己人"大丈夫日記", 太完美噶人同事, 無咩說服力呢。現實邊有可能咁好, 尤其係女仔。
18. 總要在我最辛苦最煩最唔想諗野o既時候, d野就逼埋來, 好煩呀~~~
19. 呢個月支出大左好多呢。
來緊:
8/9(二) -- 同Puzzle等舊同事etc K, 不過好似話會叫埋而家佢地d同事來, 又係十幾廿個人...
9/9(三) -- 記得早上公司Body Check。
**********
特別嘉賓 -- 容祖兒; 比較早期d噶作品, 覺得好好聽呢, 而且副歌有幾句覺得簡單直接又好好; 記得以前噶日安妹妹唱K都會唱呢, 不過呢首比起其他Joey舊d噶歌, 而家無咩人提, Joey係近年演唱會都無唱了。
http://www.youtube.com/watch?v=XXGIqW-oHqM
歌手：容祖兒
作曲：BARRY CHUNG
填詞：林夕
編曲：BARRY CHUNG
想無論甚麼都也不想
甜品使我心癢
亦期待你共我愉快分享
如果甜蜜是最後才出場
情感多少筆帳全部等壓軸那位登場
＊無論甚麼東西使我痛快開心
仍期待你是我特別嘉賓
＃當我最快樂時替我高興
當我要放任時賜我反應
有你陪伴氣氛總有保證娛樂我是你本領
唯獨你當我最快樂時替我高興
如像將恭喜變作鈴聲
不算天大事情難道你忍心不去贈慶
請前來做我壓軸的人
無需約會別人娛樂一晚扮慶祝生辰
Repeat ＊＃
我能被你拿著愛扶著吻
我難道要預備嘉賓
唯獨你
Repeat ＃
不算天大事情仍期待你贈我掌聲
完
