1/8(一) -- 收工返企夜晚C煮。
1。長期對住精神病或痴線個人真係會好辛苦。今日症狀係頭痛，心口頂住，胃頂住。好辛苦。
2。鬱結。
3。CCTBB拍小品或搞笑片一向唔差，近年亦少拍武俠。痞子殿下第一集暫時都算係咁，嘻嘻哈哈輕輕鬆鬆都ok。
2/8(二) -- 收工返企夜晚C煮。
4。本來今日Direct Site可以晏d起晏dd出門，點知6點幾醒左訓唔返，結果洗左機衫食d野睇完一集日劇睇左陣書晾埋衫再出門都有早...
5。近來睇嘅書，有好多值得講嘅體會，其實好值得買。其中一part想講下嘅係：孤獨其實係中性嘅事情，人總有孤獨嘅時間，係呢d時間先有機會靜落來，聽下自己嘅心聲，面對下自己，清洗下自己。孤獨並唔代表寂寞，只不過好多時人係孤獨嘅時候倍覺寂寞，先會覺得孤獨等於寂寞。其實如果係寂寞嘅話，有幾多人係身邊都會覺得寂寞。
6。7月開始嘅戒戒戒計劃，雖然到月尾有少少鬆懈，但對比未戒之前都係少做好多。Keep it up啦。
7。今日公司竟然係pantry裝咗部足球機，不過d Q裝錯左。
3/8(三) -- 收工返去買外賣。
8。夜晚攰到B入去訓覺時我已經好眼訓(9點半至10點島)，然後怕自己太早訓逼自己睇左陣書到接近11點超眼訓就訓左。
4/8(四) -- 收工返企夜晚C煮。
9。比B激到好早訓咗。
5/8(五) -- 朝早睇骨科，講d野都幾廢。下午大雨出site早收，去咗寶林買外賣返去。
10。最近買左好幾盒模型，無論價錢定質素都好滿意。
6/8(六) -- 朝早去坑口買校服，之後返天晉試。再過寶林睇鞋，再join阿媽阿哥一家一齊食晏。食完返天晉hea，我返企執吓嘢再過天晉。夜晚我哋同哥一家去海天晉食Red Chicken，都幾好食。之後行海邊返屋企，B怒跑。
11。放不下，先放好。
12。量產型璃子愈來愈好睇喎。今集有一段覺得好真實(一直都覺得嘅) -- 變成大人之後的時間，感覺一直是同樣的風景，轉瞬即逝。
7/8(日) -- 一早自然醒可以起身7點半到維園打下波，9點零走返企沖涼後，出去meet埋阿媽阿嫂小朋友同悉悉一家一齊去銅鑼灣睇屁屁偵探。睇完食飯後嫂佢哋走先，我哋去Toyrus行下，仲見咗下鳴鳴哥哥。行完之後行咗下衫舖就返天晉。夜晚食埋飯返。去左運動場同呀嫂番茄跑左陣先返屋企。
13。屁屁偵探 -- 無乜特別卡通片一套。小朋友睇得開心嘅。
完
