二零零八年回顧

前年曾經大事回顧過, 零七年無回顧, 今年都來回一回顧啦, 不過就唔係咩大事回顧, 只係記起d咩野就寫低。

**********

零七年係好多野發生o既一年, 當時唔想回顧, 但係都記得吧。零八年睇落好似較為平穩, 但係其實都有好多好大o既改變, 甚至比起之前o既都犀利。

同零六年一樣都係果句, 對於來年o既希望, 都係果d, 所以唔再講啦。睇返當年o既講o既, 都覺得之後呢兩年大家都叫係工作順利身體健康, 而當年特別祝福果位似乎都過得好唔錯, 算係無祝福失敗吧。(今年唔需要我再特別祝福佢啦~~)

今年廢事好似零六年咁懶, 唔回顧下, 都會講少少零八年發生o既事情; 不過, 我又唔會睇返之前發生過d咩, 純粹係靠記憶(其實到最後都有睇睇), 諗到d咩就寫低而已, 所以實漏好多; 不過反正我而家(打緊時)係一月一日元旦返緊工, 大把時間打, 所以慢慢諗下打下。同埋d事件o既時序都係會唔o岩o既。亦都唔係排得前或後就代表邊件事重要d。

**********

舊生聚 -- 今年中學同學們攪左一次大型聚會, 當年同一屆的同學加埋老師有差唔多200人出席, 真係好難得又好開心呢~ 諗起左同好懷念好多野, 真係印象深刻o既一次聚會。

Mak生B -- 計落識左佢10年了, 估唔到都結婚生子了, 總算佢係完成左自己一直想approach的事, 都替佢開心。

民衰左 -- 一次又一次衰...真係得啖笑, 好好努力吧...

Gundam OO -- 今年其中一個regular的娛樂節目; 對於Gundam迷的我來講, 好開心有一套咁高質素o既Gundam出現呢!

淫照事件 -- 好煩; 其實只係人生中的一粒塵; 覺得當事人好慘。

倪生風波 -- 同淫照事件一樣, 好煩; 當事人好慘。

金融海嘯 -- 唔好計對整個社會果d, 人人都有影響o既影響; 單以自己d錢來計, 其實無咩影響, 基金蝕左一筆, 但係當年都係為左收人口先買o既, 唔係我自己意願。對我來講, 真係從來都無咩興趣攪呢d野, 錢真係夠就好開心; 係人地賺果時又好替人開心, 自己又唔會覺得蝕左, 到而家個個蝕, 可能有大部份人倒蝕o既時候, 自己亦無蝕, 相比之下除左"錢"係比其他人賺左之外, 最重要係果份"平安o既心", 自己唔掂呢樣野可以令自己呢幾年o既心都好平安唔使煩又好開心, 只係呢樣已經係好賺了。

借錢 -- 借左一大筆錢俾人, 對象唔講, 唔知拿唔拿得返呢?

轉工 -- 終於又轉工, 第一次做一份唔係contract, 叫係長工o既工, 仲第一次有"福利"呢樣野。份工其實都只係呢幾樣野吸引, 未做之前其實都知工作性質係無之前份工咁o岩我的。老細命仍然係麻麻地。

封閉 -- 經過左上年o既封閉(都唔算十分o既), 今年開始回復返少少, 所以今年都同好多人熟左、或者本來無咩接觸而回復返接觸, 又多左一班好o既朋友呢。

聖誕節 -- 太多野發生, 好難忘, 無論係好定唔好都唔想講啦; 總之一直藏在心底。

寫野 -- 年中開始立志要寫多d野, 下半年真係寫多左好多感想同故仔呢, 年尾仲來左篇超過萬五字o既, 自己好滿足~~ 幾鐘意最近一季自己寫o既野, 變得比較之前一大段時間豐富好多吧。

中國奧運 -- 不得不提; 雖然之前一直宣傳覺得好煩, 但係中國真係攪得好好; 另外, 亦都好好睇, 身邊好多人大家都好投入, 睇得好開心呢。仍然記得, 4年後o既約定。

執blog -- 年中做左執blog的大工程, 好開心好滿意, 將d野分晒類, 真係好唔錯呢。

咩其 -- 不得不提下, 過多幾日佢就要去外國讀書了, 之後唔知會唔會返來呢? 祝佢順順利利, 開開心心。

重遊舊地一天 -- 有一日自己好輕鬆地自己四圍去, 返返細個屋企附近o既地方, 斤印象深刻的一天。

說過的話 -- 之前轉工前講過o既一句話: "想唔想做一份工, 工作性質/環境/人工/前途/同事/老細都係考慮因素, 之前只係工作環境同前途唔得, 而家同事又無之前咁好, 環境(講緊個氣氛, 同辦事處o既關係等等...)仲差左, 真係愈來愈唔想做。工作性質就一向都ok鐘意做呢類o既, 人工同老細都好, 但係真係無得長遠, 而且最夾最好o既同事幾乎走晒, 新來o既又麻麻地...真係無咩心機" 而家都係一樣, 都係果d criteria, 不過好同唔好o既野唔如左...不過應該唔會走住吧。

OT -- 經歷左幾次的OT日子, 其實自己並不介意做野忙返工時間長定係點樣, 只要同同事相處開開心心, 就非常OK了

諗唔起有d咩, 又好似有好多野, 算啦, 係咁多先。

**********

當年有“二零零六年我的“最”之選舉”, 今年都少少啦。

二零零八年點播/點唱率最高歌曲: 諗唔起了...一期期o既...應該可能係...蔡一傑o既"愛比我重要"? 都唔係好似之前囝首咁成日聽/唱。

二零零八年最滿意貼文: 唔分敘事定故仔啦, 一定係"終極童話", 心機分贏晒。

二零零八年出的最想要Gunpla: 少買好多了, 又諗唔起出左d咩, 新出果d好多都好靚o既。

二零零八年混熟左的朋友: 好多啦~~ 義城, SZ小妹妹, 澤安花姐姐, Cass, Wendy等等, 都係今年熟左o既。

二零零八年最奢侈行為: 肯定係中左馬之後同Spenser請Hopes食飯啦, 每位幾百蚊~~

二零零八年最忙: OT的日子。

二零零八年最大得著: 朋友們。我愛的人們。

二零零八年最期待零九年的TV GAME: Street Fighter 4! 見到街機, 好靚! 同埋似乎角色平衡做得好好! 雖然自己唔點打機, 更加好少打格鬥game, 但係都覺得好正。

二零零八年最鐘意玩的Game - Soma Bringer靈光守護者, 好玩, 故事、人物、晝面、系純各方面都係NDS Game修面來講好好o既; 另外忍者龍劍傳同Assasin's Creed都好唔錯。

二零零八年自己最騎呢事件: 唔只騎呢, 亦係印象極深刻o既事件! 唔想多講, 大家自己睇返blog!

二零零八年最鐘意電影: 睇得唔多, 其實有好多都OK, 不過欣賞價值同各方面總合最好都應該係Batman吧? 另外, 保持通話其實都唔錯, Be Kind Rewind都好正! 畫皮就好欣賞d演員同營造出來o既戲味。

二零零八年最難忘食品: 好有用, 見效極好但又陣味好難頂o既柑桔! 好多謝朋友送比我呢~~ (話口未完lunchtime又拿左一大樽返來)

又係"諗唔起有d咩, 又好似有好多野, 算啦, 係咁多先。"

完

十二月三十日 -- 雜記

1. 22/12(一) -- 開始忙, OT到8點, 之後返企。

2. 23/12(二) -- 收工一家人同陳惠玲食飯, join之前meet左Crystal; 係APM利苑食, 未去過呢。d野都幾好食, 貴少少但係食完飽飽個價錢又無想像中貴。恭喜陳惠玲出嫁呢。

3. 24/12(三) -- 又玩d突然改野, 因此都要OT到7點半; 當晚返企蒸丸丸同腸腸食, 好難食。平安渡過。

4. 25/12(四) -- 同SZ好友去左飲飲食食; 去左SKM貓貓車仔麵, 之後又去左公和豆腐, 又係街掃左好多野, 好飽; 行好耐無行過o既西九龍, 同以前差唔多...晚上在家係電腦睇左電影"畫皮"。

5. 26/12(五) -- 要返工OT, 到7點半島, 之後返企同呀哥落街汶萊食飯。

6. 27/12(六) -- 亦要返工OT, 到1點半就走。返左屋企先, 約左澤安花姐姐食tea, 之後返企; 呀馬7點幾來到, 一齊hea等其他人到9點幾先到(本來約左7點幾島), 之後hea玩下UNO, Cass 12點島走, Sam同Esther1點島走, 之後呀馬同哥傾野, 我同民+S睇謝安琪, 到睇完時3點島全部一齊走晒, 訓。

7. 28/12(日) -- 在家幾乎訓了一日; 蝕晒, 並唔係因為訓左, 而係有極多電話打來, 幾個鐘之內久唔久一個, 因此全日玩又無玩過, 訓又訓唔好, 抖都係等於唔夠抖。晚上落街食汶萊, 發現佢d西餐野唔得, 但係中餐野幾OK...

8. 29/12(一) -- 收工返企, 成個假期都好似無同家中老爺同老佛野食過飯。

9. 30/12(二) -- 收工約左呀源食飯; 佢入TKO, 所以可以返屋企慢慢等佢來再食, 又近屋企, 又可以還返堆漫畫比佢呢。8點島同佢係魚米家食, 傾到10點半島, 好耐無同佢傾呢~~ 之前佢太忙都無咩機會見下, 之後應該多d機會o既。

10. 放4日假, 但係感覺仲放得少過平時星期六日連續2日...

11. 過了一個有開心有唔開心o既聖誕; 好多野諗, 有好值得開心o既事, 有好迷茫o既事, 有唔開心o既事, 總之係百感交集, 好唔知點。

12. 曾經有好友說過, 水瓶座都是刺蝟, 都會傷害到身邊的人; 我又是否其中之一?

13. 連續地好多日訓得唔多好, 又要早起返工, 成個假期基本上係唔夠訓, 好累。

14. 畫皮, 自己來講, 其實覺得幾好睇。覺得戲入面d好多野都好好, 劇情唔錯, 最正係人物刻劃同d演員(主要係趙薇同周迅)做得好好, 演技好得, 好做到d深入o既感覺同內心戲出來。不過覺得個導演好唔得, 好多位都處理得唔多好...連帶剪接都麻麻地...Overall都覺得幾好o既, 係我喜歡睇o既一類, 換左個導演可能會再好d呢。

15. 見得太多case; 有好多野, 真係覺得關係一有改變就唔同左好多...講野傾野諗野都唔同左, 係好自然地就會有唔同的, 而對對方o既期望亦都會大大地唔同左...好似係一定變唔返係初初係朋友關係的時候, 大家開開心心吹下水, 咩都講, 笑下寸下對方果d。而佔有慾亦都會大左好多...總之就係好唔同, 令人覺得好害怕o既改變...

16. 觀塘收購第一單accept case, 居然係我o既case... =.=, 最怕做呢d出風頭野。

17. 返工感覺麻麻, 好多野...不過收工後唔多想講返工野, 所以算。

18. 覺得自己有好多的改變...變變變...究竟係好定唔好?

來緊:怕忙, 因此無約會。零九年第一天, 亦即係元旦, 要返工。

歌:

關楚耀 - 悲哀代言人; 個歌手普普通通, 不過不失, 首歌都係; 不過d歌詞並唔係如歌名般又係d爛晒o既慘歌, 雖然都係唔開心, 但係其實內容頗為積極, 算係咁啦。

http://hk.youtube.com/watch?v=QQ-X0KODtzM

作曲：Ben Tsang填詞：黃偉文編曲：謝國維監製：謝國維/張敬軒

寧願 什麼都不要 就是別煩我而我
已經不想再 霸著這寶座
讓我走 我已經唱悶了
對角色入座 談失戀的怨歌

寧願 什麼都不愛 為著別難過
何況 再表演心痛 也沒有幫助
做到的 我已經也做過
每晚出席陪坐 而你心中亦無我

明知苦得很 何必犧牲到那樣深
做個悲慘世界的代言人 如何能自命榮幸
泥足這麼深 何不早一秒來解困
再別看 誰人與你 熱吻

人家 或者很喜愛 為浪漫而錯
而我 徹底的知錯 拒絕再飛墮
若你所 賜我的眼淚 未能榮耀我
何妨冷靜下台 泡沫自行敲破

明知苦得很 何必犧牲到那樣深
做個悲慘世界的代言人 如何能自命榮幸
泥足這麼深 何不早一秒來解困
脫下這名銜 再另尋合襯
誰說訂了合約 為你傷心

明知苦得很 何必犧牲到那樣深
做了悲慘世界的代言人 還懷疑被鍍了金
泥足這麼深 何不早一秒來解困
放下你 猶如 戒了 毒癮

完