四月五日 -- 雜雜雜記

1/4(三) -- 收工同澤安及白田食飯; 去左Jordan King 1; 試左個豬手, 好好味! 食完返企。多謝白田DL左Gundam OO 大結局。MidN Cry。
2/4(四) -- 晚上約左見客, 又要OT; OT完8點幾返企, 食樓下鳳爪排骨飯, 無去join中學同學係北角的飯局; 返到屋企發現終於上得返網。
3/4(五) -- 幾個月前講開, 澤安花姐姐要考試, 仲"話"自己唔知識唔識唔知合唔合格; 於是就提起如果合格就佢請食飯, 唔合格就我請(其實都唔係好記得係咩情況邊個請); 點知某人100分考左93分 =.=; 呢餐要食大佢先得; 去太子禾花亭(近年好似來來去去都係果幾個地方)。
4/4(六) -- 兒童節+清明節, 都唔係好關我事, 事關我已經唔係兒童, 而且咁多年來都唔使拜山o既; 最緊要o既係2個星期以來, 終於有假放! 放晚係屋企食飯, 食我家鄉逢清明食o既唔知叫咩餅o既野; 之後同呀媽呀哥落街行下吹水行到去坑口食糖水再返屋企。
5/4(日) -- Spenser生日快樂; 係企到下午呀哥同d朋友上來打牌出左去行TKO; 無Gundam睇的日子開始了...

1. Gundam OO 完滿結束, 係近幾套Gundam來講, 算係好唔錯o既一套, 個結局都叫Ok啦, 打鬥場面仲做得好好添, 不過完左之後以後星期日少左個節目了...

2. 星期六日都返工之後果個星期o既閒日返工實在係會累d同狀態低d呢...好彩我team有三個SO, 幫輕好多...

3. 上唔到網o既日子完結, 其實都唔係差好多; 最主要係Gundam大結局無得係當晚睇, 又無得係當日睇newsgroup的人私熱烈討論。

4. 上唔到網, hea係屋企o既時間, 居然大好機會都係無心機砌模型, 對唔住呀我d可愛o既模型...有幾次拿左出來打開左拿埋把刀, 都係收返埋...=.=

5. 上唔到網, 訓覺o既時間多左...其實都好, 因為星期六日返左工, 個人精神差d, 之後果幾日上唔到網係企無咩做, 早左訓, 對閒日返工無咁大影響。

6. 爆左DQ5, 由頭玩過; 知道左之後劇情玩返前面, 發現有伏線有關係o既地方, 覺得好正呢~ 而且今次知道點樣打有效率d同勁d, 會有另一番好玩呢。

7. 諗左dd人生o既野; 雖然自己唔會涉足到好有錢果一個層次o既野, 亦都唔係目光遠大睇得通個世界o既人, 不過都有諗過人生係追求咩野; 同以前一樣, 自己唔係追求好大目標o既人, 亦都唔係闖一番事業果種, 但係亦都唔想係渾渾噩噩過生活果d人; 自己著眼o既野, 係生活o既小處, 同埋人o既關係同埋思想, 平凡安定o既生活; 無人敢話邊種生活方式係o岩定錯, 只要係自己追求o既野, 到最後無後悔, 得到自己想要o既野就OK。好過有d人唔知自己做咩咁hea過, 亦好過有d人唔知點解要好搏咁做野, 到最後都唔知自己想要d咩。比起好多人, 我地有得食有得住無戰爭唔使擔心條命有手有腳五官端正可以去諗人生要d咩, 已經好幸福。

8. 當諗起令到人唔開心, 傷心或者流淚o既時候, 自己都好唔開心, 好想喊。

9. 世上o既野就係由好多控制到、控制唔到o既事加上巧合組成, 好多野都係 -- 無辦法。

10. 期待來緊o既復活節假期, 期待咩野? 唔係期待有咩玩, 而係期待唔使返工...不過都係好難講... 一.一

11. 同家人行去坑口途中, 見到螢火蟲, 點點星火, 好靚呢。

12. 講開先留意到, 原來媽媽呢個土像o既處女座人, 對住老公同2個仔加埋3個風像水瓶座怪人, 真係辛苦左佢幾廿年呢, 哈哈。

13. 前排都貼好少野, 今次一次貼多d先~~

繼上次講完最近聽返以前聽o既日文歌同卡通歌, 貼一堆出來先, 有d好難搵架~~~
有d好聽o既我以前貼過, 唔再貼了~

不是傘子/約定 -- Love Hina
Love Hina入面角色o既配音員唱o既歌, 呢條link有2首, 都係好聽o既歌, 尤其喜歡第一首, 係Love Hina修面最鐘意聽o既歌呢~ 雖然係配音員, 但係Live都唱得好唔錯呢~~
http://www.youtube.com/watch?v=jQXjvsAmrPA&feature=related

日曜日(星期日) -- 龍珠GT
呢首係GT入面其中一首最鐘意聽o既, 不過鐘意原來個version多過呢個live version
http://www.youtube.com/watch?v=vHvfVdtcBhY&feature=PlayList&p=0DF17F913DA491F1&playnext=1&playnext_from=PL&index=40

hitorijanai -- 龍珠GT
節奏輕快開開心心o既歌呢~
http://www.youtube.com/watch?v=Y0oW7oBQYsU&feature=PlayList&p=0DF17F913DA491F1&playnext=1&playnext_from=PL&index=27

嵐の中で輝いて -- 機動戦士ガンダム 第08MS小隊
08小隊係其中一套好多人覺得最好睇o既Gundam系列之一, 呢首歌亦係all time favourite。
http://www.youtube.com/watch?v=YECCVGBVcwc&feature=related

In my dream -- 個歌手痴線o既, 個喉嚨唔會爆? 好快好爽好癲o既一首歌。
http://www.youtube.com/watch?v=8NqFO9PeOIQ

B'coz I LOVE YOU -- 矢井田瞳; 唱腔幾特別, 同埋幾鐘意首歌o既感覺; 又係d節奏明快o既歌。
http://www.youtube.com/watch?v=r1kAhfuiOeI

My sweet darlin' -- 矢井田瞳; 同上一首都係果類。
http://www.youtube.com/watch?v=hIzxrBeKzLA&feature=related

Blue Velvet -- 工藤静香
又係龍珠GT的歌, 好正~~ 今次貼o既都係d節奏快d的歌呢~~ 當年同好姊妹酒井法子一齊紅透半邊天, 係幾有魅力o既。
MV version
http://www.youtube.com/watch?v=Vs7nj8FEn9g&feature=related
Live
http://www.youtube.com/watch?v=R_8CfQ0W304

SAILOR STAR SONG -- 美少女戰士o既主題曲
其實好多卡通歌都好好聽, 而且d種類咩都有, 唔會好似某d地芳o既流行曲咁, 永遠都係差唔多果d feel。
http://www.youtube.com/watch?v=jTa1o_3T6AM

遠い記憶 -- Gundam ポケットの中の戦争片尾曲
貼左一堆快歌, 來返一首慢; 呢首係好聽之中特別鐘意o既一首呢~ 好慢好有味道, 如果配埋個結局仲正; 順帶一提, 係套Gundam係另一套被好多人認為最好睇o既一套之一, 包括我呢。
http://www.youtube.com/watch?v=EFzxRfP8PJY&feature=related

好聽o既卡通歌又回止呢d? 仲有大把歌而且種類都仲有好多, 不過, 暫時係咁先啦。

完