1. 連續第3日收工返企! 天日同同事唱K, yeah! 未同過Iris唱K, 佢都係舊歌人, 應該會好玩呢~ 而且佢仲話一定要唱"你最珍貴", 仲以為會成絕唱, 正呀~~
2. 今晚想開工, 希望打完野會砌野! (我估未必得...星期六或日要開工!)
3. 砌埋剩返果2隻水中三寶先定Spenser俾我果隻紅渣先呢?
4. 匿名人可以俾d hints係邊位嗎?
5. 上返屋企個磅, 雖然個數唔準, 但係重左定輕左應該都o岩o既; 結果係輕左! yeah~~
6. 不嬲對腳都係弱點, 成日都痛, 一行得多就痛(但係以前都係成日行, 仲行好遠路都行); 呢排成日行樓, 又無lift, 居然唔痛! 對腳好似強左咁, 雖然都累, 但係行極都唔太痛, 太好了。
7. 好眼訓...都係去訓...
暫完
2007年7月18日 星期三
七月十八日 -- 雜記
訂閱：
張貼留言 (Atom)
8 意見:
我同你相交一段好深既人羅﹗
Y: 我睇完你個BLOG之後, 對你有些失望，我以為我認識既你係好樂觀, 但原來當有事發生時你會選擇做逃避果個人,你樣皮野都諗到咁灰, 點會開心架~你自己反省一下啦~我真係忍夠你, 你唔好怪我係一個好直接既人呀~ 可能我講既野會HURT到你, 你亦有權唔同我做朋友或者當我呢D係廢話, 我亦都唔介意, 因我是你朋友, 我覺得有責任要去講D野~你聽唔聽係你自由, 所以唔會影響我, 明白嗎？講真果句我好唔鍾意你個人拖泥帶水，有D野你唔做過就唔會知結果~但你呢個行為令我太失望啦~ 我係度諗係咪我幾年前做錯左~ (鼓勵你的事)唉~~幾年啦~ 人的表春有限架~ 你自己諗清楚啦~ 我知道你身邊有好多朋友, 而且會講難聽既說話又或者將你鬧醒既又有幾多個呢？我深信大家都想你好, 其實可能有D野你已經俾左答案你自己, 但係你唔識去面對或處理, 又選擇左逃避，我卹講既野是憑我見到的和感覺到的, 一概唔關其他人事，可能你會覺得我多事, 或者我係, 但我只是唔忍心見到呢個地步~你不停同朋友分享呢件事, 你又有咩得著呢？總之你唔好再浪費時間, 有時我覺得你性格問題, 因為你是一個 堅持己見的人 (即是固執)呢個性格都幾影響你架~ 但如果你想改, 無話改唔到, 只有就是你願唔願意去改變，做人唔可以一成不變架~有時有D野需要變通先得, 一切你自己諗清楚啦~ 仲有你真係要休息多D, 唔好出咁多街呀~對身體都會好D架~ TAKE CARE啦 睇下大家仲有無機會見面啦~
又係我呀~我諗起太多野想同你講啦~
我想問你一個問題, 就是你需要伴侶嗎？你為咩而拍拖呢？有無諗過將來？呢D問題你可以唔駛答我, 問下你自己啦~
感情唔係玩泥沙~ 而是要建立同付出，由愛情變為感情, 由感情變為婚姻, 呢一切都需要階段，雙方面如果想維繫係好需要大家的犧牲和付出和投入架, 不是只靠方面去做的~明白嗎~如果你想維繫就做D野啦~ 否則....恕我直言~ 我覺得你係一個唔適合戀愛既人, 做人男朋友係好多野需要承擔架~而唔係只靠關係~因為你想拍拖都會諗住結婚~往後既路都會一齊行, 如果唔係咁諗你為咩拍拖呢？你自己好好問下自己啦~ 再見~
(P.S 純粹個人意見)
文迪: 你講果d野我都知, 不過問題唔只係係我度, 你似乎淨係企左係一邊來睇
匿名: 即係無講過 @@
再:
匿名:
估還估, 真係知還真係知嘛...
Y:我都不是企在一面睇, 而是我感受到的~我唔係有心想話你, 只是我當你係我朋友, 我先想你好架~可能你地兩者都出現左問題，而感情的事當然只有你地自己先最清楚, 我只是以旁觀者的心態去睇~其實有D野你係咪真係要執著呢？有時有問題發生, 咪2個人直接D講清楚, 就算結果係點都無悔呀~ 因為至少有盡力挽留過~有人最緊要係無悔呀~我都知道你為左呢件煩架啦~不過有D野及早解決對雙方都好~希望你諗清楚啦~ 我都想同你繼續做朋友架~我唔想因為呢件事而影響大家識左幾年的友情~你自己想想吧~
"有問題發生, 2個人直接D講清楚"<---我不嬲都有做, 無做果個唔係我!
我知道以前我係有問題，但依家我會改。就睇下你俾唔俾基會我。
張貼留言