井底之蛙

井底之蛙這個概念, 可以很好, 也可以很差。

這個世界上有2種井底之蛙: 有一種知道自己在井底, 於是努力的想學多一點, 接觸多一點, 慢慢的便可以看多一點點外面的一片天; 另一種就是毫不知道自己在井底, 或者以為自己已經脫離井底的蛙, 他們以為自己已經知道很多, 他們的生活圈子就已經包括"一切", 就等於是世界的全部, 因此就固步自封, 認為自己的心態、生活、所思所想就很好很足夠。

自己從來都認為自己是井底之蛙; 這個世界、這個宇宙是這樣的大, 這樣的廣闊, 有太多太多的東西我們不了解; 就算不是這麼深奧的東西, 只是一般平常生活上、工作上、興趣上的事情, 也有很多很多, 一個人根本沒可能全部都知。當然對自己沒用或沒興趣的事情, 大家也就不會去留意去進步, 因此都會在對自己人生、工作, 興趣等等方面的地方去學去想去玩; 一個人所能涉及的圈子其實不大, 即使接觸到幾個圈子的人, 其實也只是世界上社會上佔少部份的人; 如果單以自己廿多年人生所見及所接觸的圈子, 就總括了這個世界, 實在是很愚蠢的事。

比起身邊的朋友, 由於工作的關係, 自己算是接觸得多人(單單只是接觸沒有用, 也要有用心去留意去研究)(當然, 留意了研究了也不代表自己理解得了多少), 而且不同階層、背景、年齡、性別的人也接觸過不少, 自己有時間也經常與這些不同的人去閒聊, 聽聽與自己不同時、空、心態所發生‧所理解的事。而在認識的人當中, 也認識到在各種不同範疇很厲害的人。即使自己有比較擅長的東西, 但也一定有比自己厲害的人; 而也會知道, 即使在自己圈子之中, 有某些東西自己或者某些人是最好的, 但也知道圈子外一定有更厲害, 而且厲害很多的人。

由於這個關係, 我在認真的時候會很"奄尖"(不得不用這個那麼好的白話形容詞)。因為在不同的範疇, 我都認識、見過很多很厲害的人, 而知道了原來可以去到某個程度(也因此從來覺得自己是沒什麼長處的)。當然我見過好的東西, 也不會不喜歡不好的, 畢竟人力有限, 沒可能人人都能去到"厲害"的境界(自己也沒什麼東西可以呀),所以只是認真要"評論"時會奄尖而已, 平時就沒什麼所謂, 能去到某程度就已經可以叫好了。

說了這麼多自己是井底之蛙, 其實卻慶幸自己是肯去上進(當然只限自己想上進的事情啦...)的井底之蛙。

一開始也說過, 有一些人以為自己知道很多, 覺得自己不錯, 很滿足很快樂。當然並不是要否定這些心態, 如果一個人整個人生也能這麼想, 不受其他人及社會的影響, 快快樂樂的生活下去, 到死一刻也不知道有問題, 那也是很幸福的。但這真的有可能嗎? 人慢慢的長大, 慢慢的接觸到多一點東西, 慢慢接觸多一些社會上的事, 為了要在社會上生存, 不被淘汰, 有很多事情也就不可能維持到(當然在政府、教會這些比較大又不太改變的地方就會較易)。

單純與白痴是不同的。一個看過很多、經歷過很多、懂很多事情的人, 也可以保持著赤子之心, 但一個白痴就只是什麼也不知道而已。我不會否定一切的人生觀, 但我不太喜歡在心態上不求進取, 自以為是, 固步自封的生活態度。這樣做對朋友或家人影響不大(當然, 如果要養家的另作別論), 最受影響的只是自己。就算暫時短時間內沒問題, 以後也一定會發生問題, 但到了那時才後悔也就太遲了。

人都是不能接受意見的。如果有人冠冕堂皇的說自己可以接受所有人所有意見, 我會抱持著懷疑的態度(當然我也認識一些人真的很開明), 尤其是被別人說自己不好的一面; 相信大部份人也會覺得很難受, 而且很多人會先築起圍牆, 先覺得自己沒錯的, 然後以自己的標準去考慮別人的意見(但通常也就沒用的了)。其實別人說自己的不是, 不論對與不對, 都一定有其道理, 自己應該以客觀的心去想想(當然很難), 看看是不是對的(當然也不一定對)。而且, 肯去說你"不是"的朋友, 才是真正對你好的朋友, 即使多難堪, 多不舒服, 他們其實沒有必要提點你, 他們使你難堪自己也不見得會快樂; 說真的, 連自己的父母也還教不好(當然, 父母也不一定教得對, 甚至是錯的)(人大了, 總要自己去想想什麼是對什麼是錯), 朋友就更沒有必要去提點你, 大家也只是關心朋友, 希望朋友好一點罷了。每天見到你只是稱讚你祝福你的朋友, 不要也罷。

其實除了多聽聽別人的意見, 也應該去擴闊自己的圈子, 認識多一點不同的人, 尤其是"級數"比自己高的人, 那樣可以令自己的目光更大更遠; 當然, 也不可忽略一些比自己低的人(其實也不一定是低, 而且自己也不見得很高), 因為他們也有他們的一套生存方法及看法, 一樣有值得學習或借鏡的地方呢。

但願大家可以做一隻好的井底之蛙。

完

雜談歌曲2

一向都係聽歌唔聽人, 只要首歌好聽, 就算個歌手差, 或者唱得唔好, 都會鐘意聽首歌。好耐之前係"雜談歌曲"http://shiritoriex.blogspot.com/2008/04/blog-post_07.html曾經推介一堆自己覺得好聽o既歌, 不過其實大部份都係經典之作, 相信好多人都會覺得好聽, 今次推介一d可能無咁多人識, 又或者係冷門d o既歌, 而我又覺得好聽o既; 由於d歌手本身可能唱得差, 或者唔太出名, 因此大家聽起來未必會覺得好聽o既。另外可能有一d係內地同台灣多人識, Hk又唔多人識o既歌手o既歌。以下o既歌, 儘量搵到youtube link就搵出來比大家聽下啦; 另, 排名當然不分先後:

情難控 -- 當然好聽, 因為其實本來係韓國電影"醜女大翻身"入面o既插曲"星"(鐘意呢首多過"Maria"), 亦都當然, 原版係好聽過HK版o既; 廣東話版由HK性感整容女子組合Freeze成員石詠莉獨唱o既一首歌; 相信有好多人都唔鐘意呢隊野, 亦都未必會留意佢地o既歌; 石詠莉仲要係三個之中我最唔欣賞o既一個...不過首歌就好聽, 佢亦唱得唔錯(當然唔知有無執過啦)。個MV不知所謂...

情難控 by 石詠莉@ Freeze
http://www.youtube.com/watch?v=GosK24fOBmk
星星 by 金亞中
http://www.youtube.com/watch?v=v634wbehNkA&feature=related

玩味 -- 可能係我孤陋寡聞, 自問都幾鐘意陳慧嫻, 但係之前完全唔識呢首歌; 到左好後期先聽過, 覺得好好聽呢!
http://www.youtube.com/watch?v=-ZuDkzSwbKM

認真的雪 -- 內地歌手薛之謙既歌; 幾好聽, 不過個人唔係好鐘意佢o既咬字同唱腔。
http://www.youtube.com/watch?v=VNJWonALAqU

戒不掉 -- 庾澄慶, 以佢o既歌同實力來講, 唔算難唱, 連我都唱到o既一首。
MV Version
http://www.youtube.com/watch?v=a2PLdbCpUJo
Live by 周筆暢&庾澄慶, 哈林唱Live當然係勁, 但係以女仔key來講, 周筆暢唱得好低音呀~
http://www.youtube.com/watch?v=iP4d_V3Ito8

月牙灣 -- 都一段時間之前, 第一次聽唔係原唱FIR, 而係我朋友KTG, 果時聽覺得首歌都幾好, 但係爭d野, 聽返原唱發覺, 原來KTG唱歌雖然好勁, 而且一向都唱得又有味道, 但係就唱唔到呢首歌o既味道呢~ haha~ 不過, 都係一首難唱o既歌。
MV version
http://www.youtube.com/watch?v=LXmQE5nKVOw
Live version
http://www.youtube.com/watch?v=tMT1iugobVA&feature=related

寂寞考 -- 台灣歌手盧廣仲o既一首歌; 又係勁人一個(雖然個樣好薯)...睇過佢一段扮Vitas片, 痴痴地o既都係...呢首歌o既音唔算係好~~難, 但係feel就好難唱...MV Version
http://www.youtube.com/watch?v=w4gvsZPadJ4
Live version by 盧廣仲
http://www.youtube.com/watch?v=Yi9KvZTvskQ
扮Vitas
http://www.youtube.com/swf/l.swf?video_id=IUDZK-iVITc&rel=1&eurl=http%3A//www.hkflash.com/diary/read.asp%3Fid%3Dzoefriend%26aid%3D17852878&iurl=http%3A//i2.ytimg.com/vi/IUDZK-iVITc/default.jpg&t=OEgsToPDskKDx2qjoFcaTdBnGM5qYzNZ&use_get_video_info=1&load_modules=1&fs=1&hl=en

離人節 -- 台灣天后蔡依林; 其實我覺得佢有d似容祖兒(當然唔係講個樣啦); 其實不論佢有無整過容隆個胸都好, 佢其實係唱得o既, 而且好多種唔同o既歌, 慢歌快歌跳舞都得, 好唔錯呢...大家支持下d有實力o既歌手, 唔好留心睇人牙肉G奶啦...呢首都幾standard幾好聽, 不過其實佢都有好多類似o既歌。
MV version
http://www.youtube.com/watch?v=fHkDA2aC9gs

下一個天亮 -- 郭靜; 個意境好舒服, 好聽
MV version
http://www.youtube.com/watch?v=yYicBVVGMt0
Live version 唱到同CD差唔多, ok呢
http://www.youtube.com/watch?v=qAs8XKyS3k8
Live version 2 with lyrics -- "其實唔需要好高超o既技巧, 第一步穩穩定定地唱到就好了"的例
http://www.youtube.com/watch?v=gRqhmPepgMc&feature=related

旅行的意義 -- 陳綺貞果隻碟入面最鐘意o既歌, 唔知點解就係覺得好聽; HK o既K無得唱, 係SZ見到有即點, 而且朋友亦都唱得好好聽, 很開心。
MV version
http://www.youtube.com/watch?v=LIxeYGCsPc4

拯救 -- 內地超班實力歌手孫楠為某內地劇集唱o既主題曲; 一個字: 勁。
MV version
http://www.youtube.com/watch?v=V8uMG2WiV8Q

懶醒 -- 某年C.A.S.H.大賽o既得獎歌曲; 雖然由二流歌手蔣雅文同李逸朗唱出, 不過其實幾鐘意首歌(鐘意音樂多過d詞)。
MV version (蔣雅文好靚女 :P)
http://www.youtube.com/watch?v=whUySvY4A-0
Live version, 好似就係C.A.S.H.入面第一次聽o既版本; 難得幾難唱都唱到啦~~
http://www.youtube.com/watch?v=HJpGUQkj-bE

傾偈 -- 又係蔣雅文同李逸朗o既歌; 其實佢地果隻合唱碟好多歌都唔太差, 可能因為HK少真正o既合唱歌(唔係一人一句, 而係有二重或者和音位o既歌)吧? 呢首原本係泰文歌, 改篇左做廣東話, 2首o既味道好唔同呢。
居然係youtube有好多佢地其他o既歌, 居然無佢地o既歌入面我最鐘意o既呢一首...

醫生的悲哀 -- 新進(實力派)歌手陳柏宇, 唔記得係咪第一隻碟o既歌; 由於佢知名度唔算好高, 加上呢首唔係派台歌, 因此我諗唔太多人留意到吧...覺得個melody唔差過派台o既幾首歌。
可惜, 都係無youtube link。

Mad about u -- 容祖兒好幾年前, 好似都試過派台(?)o既歌; 唔知係咪因為太難唱, 做唔成K歌, 所以無咩人講? 其實幾鐘意呢d別有風味o既歌, 唔好下下都standard情歌好唔好?
另外, 唱K以來, 好似得我自己點過來唱, 哈哈哈, 仲懶姣咁, 好開心~~嘻嘻。
MTV version
http://www.youtube.com/watch?v=Va8sut17ndc
Live version 佢自己都唱得幾辛苦, 好難唱 =.=
http://www.youtube.com/watch?v=8hpTRreQYhY&feature=related

獨照 -- 又係容祖兒o既歌; 呢首應該就多人識, 不過可能又係唔易唱而且又係普通話, 唔多人係K度點來唱; 不過一提, 記得當年唱K, 係走廊行返去自己間房o既時候, 經過另一間房, o岩o岩又開左門, 聽到入面有個女仔唱呢首歌, 仲要係唱到chorus"記...憶...是照片..."果句, 好得! 勁想睇下係咩人呢!睇左youtube好多link好多人唱過(歌唱比賽, show等等), 都係得容祖兒最得。

MV version
http://www.youtube.com/watch?v=zQqqHfccNjk
Live version by Joey
http://www.youtube.com/watch?v=5alWdSe5N30
作者自己唱
http://www.youtube.com/watch?v=LB0GZZtyy9c

司機 -- 偶像派男歌手余文樂(而家主打拍戲了)係佢有份主演o既電影"下一站天后"入面o既插曲; 其實呢一套戲o既幾首主題曲同插曲都幾好聽呢。
MV version
http://www.youtube.com/watch?v=_CNBK6XHEAQ

塞車 -- 謝霆鋒某碟o既主打歌, 首歌幾好聽之餘, 歌詞o既比喻都幾好。
MV version 1
http://www.youtube.com/watch?v=4iPNMIsofPY
MV version 2
http://www.youtube.com/watch?v=C8gdzzJ14UM
Live version
http://www.youtube.com/watch?v=z4uPIXMRACs

沒有人 -- 麥浚龍早期o既一首歌; 雖然而家都唔係好多人鐘意, 但係果時直頭個個都唔鐘意佢o既; 仍然都要講多次, 好記得當年唱K點來唱, 比人笑唱佢o既歌, 呢樣果樣, 但係後尾佢有少少口啤後, 我又點來唱, 同一班人, 佢地話首歌好...另外, 佢而家d歌有style d。
MV version
http://www.youtube.com/watch?v=D_G5csKUP9M

一生想你 -- 李克勤無咁出名(雖然都係累年主打之一)o既舊歌一首, 估唔到係譚校長作o既曲添。居然無咩link, 得一條好朦o既live...

以上o既歌大家有聽過/無聽過, 有咩心水同意見, 都re下我啦~~ 或者有d咩大家鐘意又唔多人識o既歌, 都可以提出來呢!

p.s. 下次有機會再出一篇自己鐘意o既合唱歌先(其實已經打左好多, 不過搵youtube link會搵好耐, 因為自己會狂聽, 愈link愈遠哈哈)。

完

自己清算自己

死黨係佢blog post左篇野, 由於以下內容都牽涉一樣o既野, 所以請大家睇睇佢寫o既野先,:
死黨篇野:http://kmw2005.blogspot.com/2008/09/blog-post.html

另外, 佢入面條link袁彌明果篇野"http://ericayuen.blogspot.com/2008/08/2_31.html"都係要睇左先

以下係我o既答覆:
數一數自己有幾多分…(10分為滿分)

邏輯思維：計數o既邏輯極差, 因為我計數唔叻o既, 諗野o既邏輯...er...懶客觀(其實即係主觀), 又好受感情影響...不過叫睇得多書拉返d分數, 5分, 勉強合格啦。

語言能力：讀書同出到來做野, 一向都係語文科好過計數好多; 話晒都叫識普通話同福建話, 英文好耐無掂唔好得去邊, 勉強溝通到掛? 日文程度連初級都未達; 寫blog好明顯見到表達技巧一般。總而言之勝在"多", 6分。

外觀、談吐：外觀一定係差; 談吐算係有禮貌, 唔會叫人討厭, 拉返勻應該勉強合格。5分。

創造力：從來都覺得呢個世界愈過得耐, 愈難創新, 諗到d咩所謂新野, 其實都係已有o既野, 因此應該都唔算高...4分啦。

交際能力：呢個應該係我o既最後防線? 話晒都claim自己好多朋友, 亦都好了解好多朋友, 亦都好重視朋友; 不過由於自己當人係朋友, 人地有好多都當我係七友, 又未必了解返我, 唔係雙方面o既; 而且, 我唔算係好social果種, 係人都social到果d人, 做唔到出晒生意招牌笑容果d, 只係對自己喜歡o既人會好, 因此要減分, 6分。

勤力：搵最簡單快捷o既方法去完成一件事, 絕對唔算係勤力, 只不過efficiency又唔會好低, 但係都唔算係勤力, 所以6分。

總結：自己評估的總分為32分，平均分為5.33分。勉強合格, 仍然值得生存於世上。

係度極度希望大家可以比d意見我, 我係大家眼中o既分數係如何, 有咩o岩有咩唔o岩, 鞭策下我, 多謝。如有不便, 唔出名都好呀...(自己希望都有6-7個人回我啦...實際應該...2-3個, haha)

完

八月三十日 -- 雜記

1. 28/8(四) -- 由於膝痛o既關係, 收工返企休養。

2. 29/8(五) -- 收工約左PuzzleSpenserWing, 去左北角食我鄉下福建o既地道食物, 好彩大家都接受到; 呀Wing部機壞壞地, 所以打得唔多機; 基本上大家都係傾偈吹水多, 好開心, 同do岩傾o既朋友一齊食飯, 咩都唔攪只係傾下偈就好開心啦~~

3. 30/8(六) -- 很頻撲的一日; 早上起身去新蒲崗還晒IIA o既野同埋拿埋最後o既糧(無瓜葛了), 之後中午約左死黨1,2食飯, 去到QC發現個場無得打...於是過左維園打波; 由於太熱太曬o既關係, 無咩人打, d自己人又無來, 3條友赤膊打左2個鐘先有人來, 4點幾開始先有得鬥波, 真係好好好熱同曬! 太耐無打波, d手感同體能都麻麻地(仲要個膝有少少痛, 打緊o既時候仲比人撞到痛果個位), 有贏有輸, 最後亦都贏到街外人隊。(不過膝痛亦嚴重返...) 晚上返QC, 有成差唔多100人, 而且仲請左好多老師返來, 有d都調左去第度教o既; 當晚都好開心呀~~ 除左一堆平時熟開見開打開波o既朋友之外, 仲有好多好多好多年無見o既同學同老師, 真係好開心呢~~ 最開心當然係見到最喜歡o既老師古老師啦~~~之後大家影下相, 食下飯, 吹下水, 就過左成晚, 比起預期中遲左好多呢~~(而自己同死黨都唔想太晏, 早左走了)

4. 31/8(日) -- 由於膝痛同背痕o既關係, 成晚都訓得唔好...一早起身hea到下午, 訓左陣之後出左去葵芳同觀塘, 一d收穫都無...仲諗住買下野同玩具...累左一日; 膝蓋仍然痛...

5. 做野做得耐左, 係咪真係會無左以前果個心? 會無晒以前初初出來做野之前o既感覺? 同朋友都會玩唔到? 無晒幽默感? 定係唔夠熟呢? 好奇怪。

6. 呢排其中一個令人驚訝, 突然而又開心o既消息, 就係話劇老師圈圈結婚! 原來佢上年就結左啦~~一路都唔出聲, 而家係台灣會攪個performance有關佢結婚o既, 先同我講, 哈哈~~ 真係恭喜晒呢!

7. 星期六打波, 唔著衫因此曬到紅曬, 個背又痕又有d痛...慘...

8. 房個電話真係唔多得, 真真真係要買過個電話...

9. 中學同學聚餐真係好開心, 不過呢d野成日攪又會無咩意思呢; 居然坐薜老師旁邊, 可能大部份人都唔太欣賞佢啦, 於是成晚大部份時間都係我同佢傾偈; 都聽左好多野返來, 佢呢幾年都幾慘呢...另外, 都唔止佢一個話我, 以前都有人咁覺得: 佢話大部份人咁多年來個樣同氣質都好似無咩唔同, 但係我就變得好犀利, 同以前好唔同, 我都覺得自己同以前讀書時o既我好唔同呢~(究竟係變好左定變壞左呢?)

來緊:
搵日同Wendy食飯
仍然等呀源打來食飯Sam飯局
2/9(二) -- 配眼鏡
20/9(六) -- Puzzle etc 飯?
17/9(三) -- Wing同Catherine不約而同地係果日book到SKM場打羽毛球。

又post下d無聊youtube先, 大家來睇睇專業歌手同埋非專業歌手o既分別啦:
以下幾條link係專業歌手Stephy同埋非專業歌手TVB演員胡杏兒o既Live演出, 大家都係唱好心好報, 大家應該可以聽得出佢地o既分別
Stephy version
http://www.youtube.com/watch?v=YmiAAb1h8_Y&feature=related
胡杏兒version
http://www.youtube.com/watch?v=UNbEwPUadVI&feature=related
大家有無留意到佢地唱成點呢? 專業歌手同埋非專業歌手係咪有好大分別呢? 大家又比較鐘意邊一個多d呢?大家留意下女仔最難果句"彼此也是沉迷盲目控制不到"就聽得出最大o既分別啦~~

以下係2位藝人LIVE唱返自己o既首本名曲, 2首都幾好聽而且唔易唱架:
"幸而"Live by 胡杏兒(順便地大家都可以睇下佢Live唱醜得漂亮o既link, 都唱到架)
http://www.youtube.com/watch?v=V2KoOdGEero&feature=related
"電燈膽"Live by Stephy
http://www.youtube.com/watch?v=HLf6k6MorsQ&feature=related
比多次機會佢
http://www.youtube.com/watch?v=P6t4ZglwCsc&feature=related

相信睇完呢d link之後, 大家都對HK樂壇有無限o既憧憬。

令外附加一d幾好聽o既link
電燈膽Live by 泳兒
http://www.youtube.com/watch?v=FiC3_tAuqT4&feature=related

守望Live by 謝安琪+張敬軒, 個人覺得好聽過Ivana呢...
http://hk.youtube.com/watch?v=bkTrG4Y_7HE&feature=related

完