八月二十三日 -- 隱瞞

18/8(二) -- 收工約左花姐姐, 返企食飯; 由於早少少收的關係, 返去買左送先, 到花姐姐來到, 煮2個人噶野炒碟肉"sharp"碟菜攪掂, 飯過左呀媽果邊拿凍飯; 食完就狂睇電視睇到9點幾花姐姐走; 多謝花姐姐陪我成晚呢。

1. 原來唔經唔覺, 係呢間公司做左1年了。呢一年發生左好多事。

19/8(三) -- 最終實行左"半個"密謀計劃; 原本想請全日假, 不過公司唔知多唔多野做, 之後發現原來另一個partner上午又training, 更加廢事請, 於是請左下半日假呢。花姐姐都請左來陪我; 第一站當然係要去下石夾尾噶貓貓車仔麵啦~~呢間野夜晚唔開, 只可以日頭先去, 難得請左假, 又好耐無去食, 雖然熱d但係都去食呢~~ 原來花姐姐未去過架喎。食完之後仲早, 就去行下模型鋪, 最近Bandai勁搵笨, 一出出左好多盒野呢, 仲要明知佢搵笨, 但係都買噶野 =.=就咁比佢掠左2野(仲有幾盒睇下遲d有無平先再買)。之後就決定出MK行街。亦係由於早同無野做, 2個人係SSP行去MK, 都好耐無行過呢。放假行街有個好處: 如果平時閒日收工行或者weekend行街, 會好多人, 又麻煩, 又未必可以好快咁serve到你, 連更衣室都唔一定有位。嘩, 今日只係行左新世紀, 就行左成個下午, 好耐好耐無試過係為左自己而行咁耐商場, 睇左好多衫同試衫, 真係勁耐未試過花咁多時間去睇去試呢, 結果亦都係未試過地一次使左咁多錢去買野呢, 不過反正都好耐無買衫使錢了, 而且使得值得啦~~ 係新世紀順便拿埋副眼鏡去整埋了, 下星期有得拿呢。(眼鏡88, Double Park, Esprit, Bauhaus)

行罷買罷之後, 原來花姐姐有好多野(禮品呀, cert呀等等)都係油麻地拿, 於是就去左YMT拿野, 順手行左圈In's Point, 拿晒可以拿噶野之後已經係佐敦附近, 花姐姐無去過蘋果餐廳, 雖然唔係話好好食, 不過勝在大把位又可以坐又唔貴呢; 食完9點島散了。回程時一去到車站就有車, 可惜係斜路塞車, 遲左預期返企...

雖然花姐姐話佢自己都有睇野, 但係其實根本都係陪我噶呢, 多謝。

20/8(四) -- 小曼姐姐Organize話劇高班幾個熟d噶同學唱K, 未去過Megabox新開果間呢。早左dd收工, 去左戲院買定飛先, 再去Megabox; 去到得小曼姐姐到左, 於是拿d野食(由於係CEO的關係, 所以係d野好食又貴d的version), 唱左幾首歌, 後尾過左差唔多成個鐘小茵同民仔先到, 好耐無見過小曼同小茵姐姐呢; 佢地來左之後點左好多歌, 我都無咩再點同唱了; 到10點島有點累, 先走了。

2. 呀馬家姐生日快樂。

3. 買戲飛時, 買早場飛, 個姐姐仔無啦啦同我講有買一送一優惠, 收左我錢之後佢先發現VIP先有買一送一, 但係我又唔係VIP喎, 佢超瘀呢~~ 由於都已經收左我錢, 所以佢就由同事攪掂左, 最終我用一張早場飛噶價錢買左2張飛呢~~~ 平!

4. 晚上一通電話, 又再度了解、明白好多野。

21/8(五) -- 約左Cass食飯, 諗住食完去打波o岩o岩好; 但係佢打算準時收工, 即係我收工就要即join佢; 自己又唔想帶定d衫褲鞋襪出來, 但係收工又返唔設屋企去拿喎; 再者, 今日係長沙灣, 打完返企又會幾遠返到屋企會好晏, 星期六早pig2pure又會早來, 所以最終決定齋食飯, 唔打波了。一路諗唔到去邊, 最後近近地去左大盛。傾左好多野呢, 仲傾左好多佢私人噶野添, 哈哈。知多左某一方面噶知識。

22/8(六) -- 一輪波折之後, pig2pure最終都來到睇麥兜; 下午返左企先, 哥哥都收工返左企呢; 之後出左MK買佢要幫人買噶藥油同2部手機。

5. 麥兜; 總評來講, 覺得之前果d好d, 不過其實呢套係後段同個尾爭d, 前半都好正; 一樣都係覺得小朋友係唔會明噶; 尹光一開始唱果首"The Tennessee Waltz"唱得好正, 仲有吳君如同個女高音唱噶更年期口服液都好正, 最欣賞當然係太極拳口訣, 實在太正了!後面就好明顯迎合左內地口味, 唔怪得係內地咁收得。個尾仲要好睇到訓著呢~

6. 梅燕, 水飛。

7. 第一次試下著其中一對新鞋, 都幾好著呢~ 著慣波鞋, 呢對真係幾輕呢。

23/8(日) -- 本來諗住唔打波? 最終都去左打, 又係去到實際多人過email有覆話要去果d, 好彩夠多人, 輪住打, 好熱好累呢; 之後同呀馬食飯, 好耐無試過同佢2個人食飯了; 佢始終都係好d好叻好高瞻遠觸果種人, 胸中有好多想法, 有遠見又有行動力, 一定會成功, 而且唔會後悔自己過噶人生果種, 好慶幸身邊會有呢種人, 就算自己唔係咁噶人, 都可以接觸到、感受到呢種世界, 唔會好似大部份人咁, 只係渾渾噩噩地打下工, 個世界係點都唔知咁就過一世(我雖然都唔係知好多, 不過起碼都知多一點點吧?其實, 也不用知得多, 知道自己想要什麼就夠了); 食完返企剪髮沖涼休息, 晚上無飯食, 出左坑口拿左條褲去改食埋飯行個圈食埋糖水回家。

8. 牽手了, 要祝福?

9. 3個月學成外語都好快噶啦, 3個月唔使上埋床就真係好犀利。話時話, 靈格風都執左了。

10. 謊話不會停, 只要說過, 就會一直說下去。

11. 磨砂玻璃好過刮花了的玻璃吧。

來緊:
25/8(二) -- MayChan放假, 會請假同佢唱下午K?晚上同Puzzle呀WingSpenser呀Man食飯, 又係好耐無見了!
26/8(三) -- 眼鏡同褲都拿得噶日子。當時又話係KT拿都可以星期一...係唔係要投訴下88呢。
28/8(五) -- 羽毛球。

**********

明知故犯 -- 許美靜; 佢噶首本名曲, 好聽呢。成日都覺得d唔咸唔淡噶廣東話唱腔都會覺得好有好感, 除左呢首, 好似蘇慧倫噶"我不是一個人住"都係咁, 哈哈。
http://www.youtube.com/watch?v=5mDTQs7LVT4&feature=related

明知故犯 -- 張燊悅+余文樂; 呢個version真係好唔得, 哈哈。
http://www.youtube.com/watch?v=ZL-SS9WDyxw&feature=related


歌手：許美靜
作曲：陳佳明
填詞：林夕
編曲：Joshua Wan

為何要落淚　落淚仍要一個面對
無謂的負累　怎麼不忍失去
其實我不怪誰　在你掌心裡
偏偏我要孤單的寄居

＊為何要恐懼　寂寞時欠一個伴侶
　甜蜜中受罪　怎麼講都不對
　無論你想愛誰　在你掌握裡
　我熱情隨時在手裡＊

＃誰也知　夜夜與她那內情
　可惜我瞎了眼睛　真相　那須說明
　而我卻哼不出半聲
　誰也知　夜夜與她那內情
　甘心去做你佈景　得到　你的愛情
　還要再得到你任性＃

REPEAT＊＃＃

一切　原是注定　因我跟你都任性

完