22/6(一) -- 晚上同花白去北角再戰福建家鄉小菜; 終於比花姐姐試到咸飯了, 今次仲叫埋以前佢地未食過的"土荀凍", 真係好地道o既食品, 大家唔知係咩呢~ 其實係----沙蟲, 真係蟲來呢, 我好細個就係鄉下食過, 估唔到佢地都敢食呢~ 不過HK真係無咩地方有得食, 而且d食物o既風味真係幾地道呢~ 之後去埋以前舊居樓下o既湯圓, 湯圓果然好食過丸子呢~
23/6(二) -- 收工返企。
1. 剪髮again and again; 係咁剪係咁剪, 一唔舒服就剪。
2. 煩惱, 家, 父, 兄。
3. 睇左畢打自己人, 好耐無睇鄭子誠做戲(因為自己少睇電視), 今集睇佢做返佢o既拿手好戲, 真係好正, 實在太正了! 佢做呢d實在係駕輕就熟呢!
24/6(三) -- Crystal個仔o岩考完試, 下星期佢自己又要開學, 所以唯一係呢日可以一齊食飯呢, 同佢同民仔去左禾輋陳根記, 之後行去沙角食糖水之後散; 同好傾o既人食飯就係開心呢。
4. 無要求的人最難滿足。
5. 蔡瀾o既"色情男女"值得一睇, 唔係講色情野, 而係講男女兩性關係o既, 好現實呢; 當然唔會全世界都係咁, 但係真係好現實同埋好人性真面目; 就算自己唔係咁, 知多d野都係好的。
6. 星期五六日本來要去做Freezing Survey, 點知原來我做Belated Survey Team, 即係唔使。
25/6(四) -- 收工同花姐去左行SKM SSP睇玩具無收穫, 之後去左飛鷹食扒之後返企, 好早呢。
7. 惡耗, 星期五六日雖然唔使做FS, 但係要返公司OT...攪到我約左人又推又約返又再堆返... =.=
26/6(五) -- 呀強調村, 調左來尚德, 哈哈哈, 估唔到來我家附近返工; 收工約左佢係尚德食飯吹水; 同佢雖然唔多見但係都係o岩傾之人呢~
8. 好多野, 都係習慣左硬食, 硬吞。
27/6(六) -- OT了一天, 晚上又係同民SCass 4個人2個月一次的唱K馬拉松; 唱到4點島5點返到企沖完涼訓都差唔多6點, 天光了。
28/6(日) -- 夜訓+天氣唔好, 當然無波打; 成日就幾乎訓訓訓, 極低狀態。
29/6(一) -- 夜晚要OT見客, 之後返企食飯。
9. 想睇G Gundam好耐, 終於的起心肝睇, 睇左一集, 果然係同其他所有Gundam系列唔同呢! (星期三睇到第10集) Shininnnnnnnngggggg Fingeeeeeeeeeeeeeerrrrr!!!!
30/6(二) -- 第二日唔使返工, 同花姐姐食飯; 晚上又返睇Gundam 0080口袋裡的戰爭, 次次睇都眼濕濕; 又係幾另類o既一套, 以另一個角度去睇戰爭; 第一集交代背景, 第二集營造故事, 第三集開始入肉, 第四集o既震驚, 面對到戰爭o既殘酷, 第五集對於"人生"同"是非"o既迷茫, 第六集最後一集o既結局同成長, 好鐘意呢套呢。
1/7(三) -- 全日在家hea一天, 徹底休息, 好辛苦...
10. 又睇左畢打自己人, 今次又係出鄭子誠, 太好了~~ 不過都係上集正d呢~~ 社長 vs Ryan, 呢個故事發展都好睇呢~~
11. 公司個project開始左半年了, 唔覺唔覺就半年了。
12. 而家愈出愈多十幾廿歲o既"o靚模", 唔知係我年紀大定咩原因, 真係唔多識欣賞; 睇女仔雖然都會睇樣睇身材, 但係氣質都會差好遠, 果d"o靚模"真係咩都唔識, 一d知性都無, 細細個只係識拋個胸出來, sell青春, 遲早好快就玩完, 講真, 佢地呢d演藝壽命唔方會長, 而且都唔係會釣到金龜果種, 最多都係比人玩完收d錢(其實d人捧佢地出來都係想增加supply姐); 就算講樣講身材, 有好多真係得個胸, 連個樣都唔多得(得果d都係靠妝)...有d就係鏡頭前OK, 但係實際上瘦到得返排骨...總之真係...慘不忍睹。
12. 成日都好累, 又懶打, 應該之前有好多野想打無記底就miss左。
歌:
Everything for You -- 卡通片"不思議遊戲"o既插曲; 大家唔好諗住係卡通片就唔好聽, 只係HK only, 其他地方d片通卡歌都係認真製作的; 呢一首歌係其中一首卡通歌All Time Favourite, 一般來講喜歡高亢d的歌o既我, 都好喜歡呢首, 因為唱得好好好柔情, 好溫柔, 唱尾果句"Everything for You...Stay with you tonite..."實在係唱得太好了; 不過, 背後意思好似有點點點色情成份呢。(首歌好似都係係男女主角...的時候播的)
完
