三月十日 -- 雜記

2/3(一) -- 收工OT一個鐘返企。
3/3(二) -- 收工返企。
4/3(三) -- 收工返企。
5/3(四) -- 收工約左花姐姐食飯, 諗唔到去邊食, 於是就想到去食聰嫂甜品; 入左TKO, 食完飯傾偈到咁上下再去聰嫂, 食完好飽呢~~果日行左好多好耐無行o既路, 坑口啦, 寶琳啦, 返TKO啦等等~~ 好開心有個可以完全放鬆心情o既時間呢。
6/3(五) -- 自己都唔記得有羽毛球打; 睇來係最後一次了, 馮生調左去好遠, 睇怕以後都無咩機會佢再book場一齊打了~~
7/3(六) -- 突然要出信, 大圍返去OT, 仲要又係等多過做o既...(雖然等果時可以做返平時公司野...但係好累又無咩心機呢...)OT到7點, 無同媽去wTS; 晚上同Smandy民Sam伉儷唱K仲有幾個唔識o既人唱K(Terence, Angel, Jessica仲有個唔記得咩水), 一早就約左的了; 9個人唱K, 佢地點得多, 我地又廢事點插歌, 之後佢地好早開始劈酒同玩骰盅, 見佢地玩得好開心, 叫到連拿咪唱歌o既聲都蓋晒呢; 我同S同民3個唔飲, hea唱下一輪之後, 由於無咩feel唱, 又唔飲酒同唔多o岩玩, 所以好早12點島就走, 好早1點未到就返到企了。
8/3(日) -- 一早呀馬打來話打波, 之後打去民度話無落雨, 但係屋企呢度就落緊, 係又凍又落雨的情況之下, 唔多想搏, 結果同馬決定唔去打波; 係屋企hea足一日, 好累又好悶, 返工好累, 返完咩都唔想做咁; 早上一早醒左但係無再訓, 到下午想砌模型, 但係拿左出來cut左三塊件, 砌左個膊頭就停工, 真係咩心機都無...好無聊地睇電視, 其實無野好睇, d節目好悶, 但係係度hea睇睇到晚上...都唔知自己睇左d咩野...之前都試過係屋企一日悶爆, 好彩晚上出左去食個飯行左圈, 好少少...
9/3(一) -- 收工返企。
10/3(二) -- 唔多想返屋企食飯, 約左花姐姐食飯。無啦啦去左沙田任飲任食打邊邊, 估唔到今年仲打到一次, 難得天氣仲凍凍地呢...不過好飽, 我已經食少左, 係臨尾唔覺唔覺食食下多左...好飽呢~ 之後發下神經入左馬鞍山先再搭巴士出來, 都好快呢~~~10點半就返到企; 80X同89C都好快, 係80好耐... =.= 超唔好意思同佢食飯時有人打來講左好耐電話...唔好意思...

來緊:
13/3(五) -- K w/ KTG!

**********

1. 草蜢開演唱會! 不過無買飛...亦都無咩fnd睇啦。

2. 由以前開始, 睇過好多人o既個案, 發現拍拖、結婚真係唔係二個人o既事; 身邊o既所有人、野、事情、環境都會影響; 最怕就係會有好多唔同o既人說三道四, 仲要係唔知道整個情況, 或者係對2個人o既感覺說三道四; 其實呢d野關你地咩事呢? 講得o岩都還好, 講錯左, 或者自己都做錯o既, 唔該同我彈開彈得遠遠的!

3. 差不多連續一星期訓覺都發夢, 又訓得好差, 成日發埋d奇奇怪怪o既夢, 好可怕; 好得人驚的夢...真的好可怕。

4. 2009年, 貼文數目新低...唔計雜記, 幾乎係零...得一篇轉貼同一篇貼下相...

5. d娛樂新聞真係好煩, 一向都好唔鐘意聽; 而家d人的價值觀又係有d問題, 究竟同人有性關係, d私人照片無辜地被人發放出來有錯, 定係吸毒有錯? 但係前者居然由"受害者"o既角色比人講到係"做錯事"o既角色, 仲要講成年; 而後早呢d犯罪o既事情, 講2句就算, 真係咩世界?

6. 撇開與親人或者愛的人, 其實人與人的關係都像一種角力比賽, 在適當的時候做適當的進退; 再就著不同的性格作不同的調整, 就容易"雙贏", 就算不是開心, 起碼也是求仁得仁, 有其中一邊開心...

7. 人總係做不想做的事, 不做想做的事。或者係做不到吧。

8. 無啦啦又知多幾個人的秘密同麻煩事, 最近身邊朋友好似又發生多左事呢...大家又係開始搵鐘無艷的時候了。

9. 喉嚨痛左幾日, 又係飲柑桔攪掂。

10. 連續好多日都訓得唔多, 發夢, 又唔多舒服; 喉嚨痛, 鼻塞勁流鼻水, 肚唔舒服, 又累又眼訓...訓著之後醒, 一係就半夜起身滲鼻水...狀態好差...

11. 返工好忙好累, d野又亂, 樣樣都有due date, 但係唔同時期o既野夾埋一齊就會好亂, 又無一個地方或者system有show d critical時間出來...好彩自己個control做得OK...個excel表真係命脈...

12. 星期日港台做左個節目, 果集專講"港女"; 下集講"港男"呢~ 不過時間短, 變左探討得唔多夠...而且好易走左向其中一邊, 令人有d以偏概全o既感覺; 不過現實係, 的確有好多人們口中的"港女", 但係, "港男"一樣唔見得好好多, 基本上係新一代o既人o既質素都係低左吧...真係唔多想見到果個節目果d人講果d野, 感覺好差...佢地咁樣諗野都得?

13. 食咩野好? <---呢個唔多想講返了, 要打返都好煩; 總之係同12有關o既野呢~

**********

話題 -- 周蕙; 大家一來唔好睇畫面, 只係聽歌先; 好有感情, 把聲都OK呢, 唔好比歌手o既樣影響到!
http://www.youtube.com/watch?v=BD-QMI31QzQ

詞：徐培年 曲：畢曉笛

面對面坐著的是不是你
愛情還在不在進行
想問你是不是想要放棄
卻害怕你也在問自己
分手是我們唯一的話題
卻沒有人愿意提起
如果一開口便成了結局
我的心就會離開身體 活在過去
愛不愛 結果都教人傷心
我不知道該怎么作決定
分手應該是要先哭泣 還是先忘記
你是否也有相同的難題
你的勇氣里有我的命運
我不知道你會不會決定
我想我現在還不夠清醒
該愛著你 該離開你
還是繼續逃避

完