九月十二日 -- 雜記

1. 9/9(二) -- 日頭返工時, SZ的小妹妹打電話來比我, 第一次同佢傾電話呢(除左網上o既contact, 第一次真正o既contact呢)~ 夜晚同民及Sam食飯, 去呀Sam推介o既日本野"菊"食; d野都有d大件d, 其他有d特價都幾平, 刺身都幾新鮮, 總的來講都OK啦, 唔太差; 好耐無同佢2個咁樣3個佬食飯傾偈, 都幾好呢~ 估唔到大家無睇價錢咁叫野食, 埋單都幾貴(不過叫左好多刺身, 抵死o既), 三個人食七百幾, 好彩今餐擺明我唔比錢, 有人請, 嘿。

2. 10/9(三) -- 早二日突然收到呀sir指令, 晚上要去聽另一個project的俾業主睇o既簡佈會, 叫我地去聽下吸收下; 一行人收工就去SSP聽7點場, 去到hea到完場8點走人返企; 無食飯就返去了...返到去msn竟然down左一段時間...而且到左11點幾...好餓...另外, 好耐無係SSP開始搭296C返屋企, 仍然都係好好feel呢(早2年, 曾經寫過最喜歡o既時刻之一係夜晚搭巴士返企)。

3. 11/9(四) -- Catherine晚上8點要係MK交收, 我又想去MK買鞋墊買電話同配眼鏡; 好快攪掂頭2樣, 之後去左街市食飯(佢好似一星期咁o岩都去左幾次MK, 食左3次街市XD), 好累坐左一陣, 8點交收埋; 由於都係累, 所以放棄去配眼鏡, 8點幾散。

4. 12/9(五) -- 今日係公司終極庇護工場, 終於完成晒所有要出Questionnaire的工作, 只係OT左幾個字; 本來極想去街或者玩, 即使一個人出去hea都好; 不過由於搵唔到人, 而且都累, 所以都係返屋企食飯。......

5. 前幾日好有機會攪到中秋幾日假都要返工, 上面d大sir無啦啦話我地整到七七八八o既野要改, 由頭整過晒, 大家都灰灰地, 好彩後尾上面又話d野唔使改, 一切照常, 先可以星期五o岩o岩攪掂, 睇來三日假都唔使返工了。

6. 而家跟緊o既老細同一齊o既partner其實都唔錯, 尤其個老細好熟d野, 唔會晒時間做多餘o既事, 做野會爽d, 不過始終而家人齊左要執過晒d人同位, 遲d跟果個老細同個partner...唔知係點了...

7. 呢個幾星期由於不停地做庇護工場類型同埋有關紙o既工作, 自己又求其(心情又麻麻), 攪到成手都係俾紙界親o既傷口呢。

8. 呢個星期俾自己o既課題除左配眼鏡之外大致完成。

9. 下星期開始差唔多可以帶飯了。

10. 之前果篇"觀音兵", 應該係尾果度加返首歌"失魂"落去呢; 不過再之前用過了, 算。

11. 好難得地, 今次mp3換歌來聽, 全部都係慢歌, 基本上平時自己咩歌都會聽, 但係真係好少會咁樣全慢歌呢; 不過最近真係一d聽快歌勁歌o既心機都無。

12. 某友o既親戚原來就係澳門車禍過左身果個女司機; 人生苦短, 人身化學, 唔知幾時會發生咩事, 應該儘情地去開心呢(當然又唔好不顧一切後果啦)。

13. 每晚已經嘗試早d訓, 仍然訓唔著, 而且第二朝一早好早就醒左...好累......

14. "工具"永遠只是有需要時才拿出來用, 平時就只是放在箱子裡備用, 問題解決了還理它那麼多呢。

15. 由於雜記太無聊, 試下每次都拿一首歌來講下先; o岩o岩聽緊容祖兒o既"抱抱", 就講下。呢首係佢早期d o既經典歌, 其實佢果期o既歌好多都係因為狂谷而好多人識, 真正好好聽o既我覺得唔係好
多...好多果時覺得OK的歌而家聽返都係麻麻地(好似啜泣呢d一路都係覺得麻麻地); 呢首"抱抱"就幾好聽, 歌詞普普通通啦, 而個melody同首歌都算係幾好聽, 又唔難唱(純以高低音吸氣位等等來講, 其實都幾易架啦); 成首歌最精彩最奧妙最難之處就係唱果2個字---"想抱"。真係好難, 呢2個字一d都唔高音, 但係要唱出個feel出來好難(因為係成首歌o既主旨來呢); 好難掌握呢2個字點唱呢~~ 唱得輕得滯就會好似想死, 唔係想抱; 唱得重又比唔到人蕩氣迴腸o既感覺; 就係因為呢2個字, 我會覺得overall係一首難唱o既歌呢! (即係, 呢2個字唱得無feel的話, 由於成首歌其餘o既地方無咩特別, 就算唱得幾準幾好, 都係等於唔得)

就等我地睇下Joey的演繹啦:

抱抱live in 2002季選, 佢果時好多野仍然好幼嫩呢(都已經好過而家好多人o既...)
http://www.youtube.com/watch?v=a-GVWbJKlIo&watch_response

抱抱live in 2003 concert, 無咩點執過o既效果, 所以聽到d瑕疵, 不過各方面都好左呢~~
http://www.youtube.com/watch?v=VQFkXvhUjXI&watch_response

完

觀音兵

不知道是從什麼時候, 從那裡開始的。大概男人本身也是犯賤的(其實應該是人類不論男女也一樣犯賤), 就出現了"觀音兵"這種東西(女的就不知叫什麼了)。

其實在歷史中, 也出現過不少類似情況; 男人為了一個女人, 可以做出很多很"厲害"的事, 規模可以大得很可怕; 只是簡單的舉烽火戲諸侯和木馬屠城記為例, 就可以看到古今中外男人的腦袋其實也差不多。

不過, 這些男人做了這麼多東西, 他們卻能"得到"他們心愛的女人(當然, 這與女人在當時的自主權及地位有關)。但到了現代, 情況卻有很大的不同了。

男與女不同。一個花心又"溝"到很多女的男性, 充其量也只是承認自己花心, 但通常也不會對自己的女人承認自己有第二個, 而且他們也會確確實實地去得到不同的女人; 受歡迎的女性卻不一樣, 她們知道自己的優點, 又或者知道自己追求者眾, 於是就儘情去享受被愛被寵的感覺, 亦享受著之間所帶來的方便, 但也不與這些"觀音兵"拍拖, 只是間中給一些甜頭, 對他們好一點, 使他們如癡如醉就夠了。

在現代, 可能大家對愛情都不認真, 有些人雖然做了某人的觀音兵, 但其實也在追著第二個; 大家當是一場遊戲, 不太認真, 都是機會主義者, 有機會追就追, 沒機會就找第二個; 有著一個, 就先收一些觀音兵, 當水泡, 必要時就可拿來用。反正人都喜歡多些人愛自己, 寵自己的。

觀音兵真的非常"好使好用"。為了要討好對方, 他們都很少會做使對方不高興的事, 而且會提供大量的方便, 多有多送, 少有少送(在此的"送"並不是指禮物而已, 還包括大量的服務與精神時間), 總之就是務求得到對方的青睞。而他們都是自願的, 大家只是明買明賣, 不用背負罪名, 不用負責任, 實在是太方便了。

可惜世上總有傻瓜, 亦有些不能自拔的人。即使知道自己的機會渺茫, 但只要有一點點曙光, 他們也會繼續做著他們勇敢士兵的角色, 略為嘗到甜頭, 就會欣喜若狂, 不能自已。可能, 這些不離不棄, 終生不渝的才稍似真正的愛情, 即使別人不會愛自己, 也會去對對方好; 但對方又是抱持著什麼態度? 只是當你是傻子? 水泡? 奴隸? 還是"好朋友"?嘿嘿。

在此希望各位觀音大士行行好, 救贖他們, 把手放開, 鬆開緊箍咒還他們一個自由吧。好果真的當對方是好朋友, 就更應該好好珍惜他們(當然, 已經做了這一步, 對方仍然執迷不悟的話, 就由得他們阿彌陀佛吧)。

p.s. 因感某朋友身為觀音兵多年的行為, 特此撰文悼之。

完

九月八日 -- 下雨天

1. 收到風萬傳過華富, 慘呀~~ 仍然覺得好彩, 自己係情況愈來愈差之前走左...

2. 觀塘 咯 山唔多衣遲 花V Cheap的是!之前買開係十幾蚊連野飲, 咁貴一個早餐都唔多捨得買來食, 點知今日去買開果檔, 齋買治唔要野飲, 只收七蚊, 好抵買呀~~去美心買個垃圾包都要五、六蚊啦, 果度即整o既好食又平呢!可能之後日日都買來做早餐了~~

3. 今日跟人落site睇野; 睇自己最灑家o既building defects; 發覺自己完全係熟呢d野多過某d呀sir哈哈, 不論係行上九層樓梯、睇石屎剝落定係同d居民溝通, 都係呢幾年幾份工都會做而且係做到熟o既事情呢~

4. 有一個好友發生好大問題; 其實做人應該認清自己o既心係諗咩野, 不論個決定係o岩定錯, 不論之後短時間內係會開心定唔開心, 最緊要就係做一個好o既決定, 有d咩事儘快解決就最好; 朋友永遠都會支持你o既。

5. 自己都諗多左, 心情如下雨天。

6. 提下自己, 今個星期的課題:
買鞋墊
買電話
買禮物
買眼鏡
換床單枕頭套

**********

下雨天:
一向很喜歡Blue Jeans的"下雨天", 好好聽, 又有feel, 尤其是與林憶蓮合唱的版本; 不過梁詠琪+Swing的版本都好唔錯(主要係編曲o既感覺唔同左)(而且唯一呢個版本K有得唱 :P)
最近南拳媽媽都有一首同名o既歌出左, 都幾好聽呢; 不嬲都幾鐘意個主音Lara(雖然把聲雞左d); 2首下雨天完全係唔同o既野來呢~

下雨天

曲：黃良昇 詞：小美 編：黃良昇

又獨行舊地 遇著攔路雨灑遍地
路靜人寂寞 這痛哭的雨途人懶去作躲避
這雨中失意空間 點點雨似滲出眼淚
我置身失意空間 盼雨水沖去彷惶愁懷愁思心碎滋味
對昨天心已死 只想不記起 遺忘眼裡暗帶著希冀

在某雨夜我心愛別離 置身雨中哭泣作逃避
仍然情深我淡忘 看見雨點假想她在旁
風急雨下假裝上路忙 那知我心沒法可釋放
仍懷念你一再往後看

愛已碰灰 雨也變灰
深宵雨裡陌路徘回
孤單的心開著舞會
這個雨天 無言流了淚
急風送陌路人 雨中歸去
( 夜雨催促歸去 )
( 傷心小雨繞心裡 )

比較似原版, 好好feel的梁詠琪+Snowman(即係Swing)版本
http://www.youtube.com/watch?v=HAFVkn-GC9s&feature=related

下雨天
作詞：梁心頤(Lara)作曲：張傑

下雨天了 怎麼辦 我好想你
我不敢打給你 我找不到原因
為什麼失眠的聲音 變得好熟悉
沈默的場景 做你的代替 陪我等雨停

＊期待讓人越來越沉溺(疲憊)
誰和我一樣 等不到他的誰
愛上你我總在學會 寂寞的滋味
一個人撐傘 一個人擦淚 一個人好累＊

＃怎樣的雨 怎樣的夜 怎樣的我 能讓你更想念
雨要多大 天要多黑 才能夠有你的體貼
其實沒有我你分不出哪些差別
結局那還能多明顯
別說你會難過 別說你想改變
被愛的人不用道歉＃

repeat(＊),＃,＃

南拳媽媽同名作品, MV版本, 都好聽
http://www.youtube.com/watch?v=aTkchibZaLc&feature=related

完

重遊舊地 -- 雜記

由於星期六悶了一整天, 今天決定無論如何都要出去走走。約了死黨馬出來吃午飯, 由於他和另一死黨民及其妹下午一起游泳而我又不去, 因此就在就近他們游的灣仔吃, 開始了一個下午的舊地重遊旅程。

以前住在對面海(港島), 經常出沒的地方從鰂魚浦到灣仔都有; 先去了駱克道街市吃飯, 吃完想去看看電話(房間的電話幾乎要壽終正寢了), 見ACL的都不錯(不過沒買), 之後差不多夠鐘, 帶了馬去摩記泳池會合了民他們之後, 就自己去行街了。

先去"188", 不過由於只是2點多, 太早, 玩具店都還沒開很多, 只是隨便的逛了一圈(畢竟以前有一段時間經常放學來), 之後當然就去太原街看玩具模型啦~ 葵芳比較便宜, 沒收穫; 沿途經過了好幾個市區重建局收了的地方, 包括上星期剛剛被封的灣仔街市啦, 太原街啦, 利東街(囍帖街)等等的地方, 作為市局重建局的一員, 其實我也一向對其政策不以為的呢...一路經過這些地方, 都很感慨~ 以後都沒有了, 會不見了, 取而代之的都是為了賺錢的發展商所發展出來的東西, 而承諾會做什麼保育, 什麼維持舊風貌的鬼話, 相信也沒有人會相信吧。

慢慢的走到最後一間會看的店, 都已經差不多到金鐘了, 時間多的是, 走出去乘坐很久很久沒坐過的叮叮(電車), 雖然天氣熱了一點, 但其實坐叮叮真的很有feel, 很寫意, 慢慢的在發達的市區中走過, 又便宜, 在有時間的時候, 真的有"在鬧市中嘆茶笑看人生"的感覺呢。

用了超過地鐵一倍的時間, 去到我極之熟悉的地方--炮台山, 是我一出生就生活了18年的地方(之後才搬到現在的地方)。很懷念地到處走走(可惜不能回舊居看看了), 去了以前樓下很久沒去, 又有點名氣的書店"森記"。好懷念森記的店面, 四眼的靚姐姐, 還有超過廿隻的貓貓了!

只是見到那麼多貓貓圍著我就夠高興了, 也很久沒有打書釘(即是在書店駐足慢慢的找書看書); 在書店輕柔的音樂及香薰味之下慢慢的找書看書, 逐個逐個書架慢慢的找, 其實也是一件賞心樂事, 手機網絡失靈, 連電話也不會收到, mp3機關掉, 就只是沉醉在書的世界中, 很快樂~ 誰說去街一定要找人陪? 自己一個也很寫意呢!

終於!(就算文法錯也要這樣一次!)新書舊書二手書架都找過, 給我找到了十多年來想找的書, 就是何紫先生寫的小說! 小時候看過他的小說, 是寫給兒童看的, 雖然很簡單, 但很直接, 很率真, 而且帶給讀者很正面的信息, 絕對是對小朋友有益的讀物呢! 由於從小就很喜歡他的書(也擁有一本已經很破舊的!), 我又記得曾經好像在森記看到有過, 於是! 終於! 皇天不負有心人, 給我找到了2本。雖然我已經長大了, 而且書中的時代及內容也有些過時了, 但意義仍在呢! 很久沒試過因為找到了想找的東西而喜悅, 毫不猶豫就買下了, 很開心呢。

原來在書店中呆了個半小時, 友人應該也差不多游完了, 出來街上, 彷彿去了塵世以外走了一遭; 再乘叮叮到銅鑼灣會合友人, 再看了另一間店(DSH)的電話(可惜想買的都沒貨), 吃了點東西, 慢慢行到天后, 就乘地鐵回家了, 完結了很寫意很懷念的, 很有感覺的一天。

寂寞考 -- 盧廣仲

結束十頁的筆記　記不住那一種感覺
桌上煩人的考題　怎麼算也都是無解
誰了解我　救得了我
空氣裡有個聲音　偷偷說你
沒有用

你關心我的最近　說你也有同樣心情
面對這類的問題　我們總是沒有力氣
鐘聲響起　怎麼繼續
我跳不出相同邏輯
不斷追著我　一整個學期

沒有意外 一直重來
也許簡單還是一樣的難

說過的那些話　還是不明白
在諜對諜之間徘徊

沒有意外　又要重來
只好在圖書館找回一點浪漫
幽默的安慰著我然後笑著說
可能是寂寞它考倒了我

這是意外　我好想重來
只好在圖書館找回一點浪漫
幽默的安慰著我然後笑著說
就讓我
寂寞考寂寞的過　寂寞的過
寂寞它考倒了我

結束十頁的筆記　寂寞還在我身邊

完

九月七日 -- 雜記

1. 1/9(一) -- 開學日, Taylor生日快樂。收工返企。

2. 2/9(二) -- 連續2日係公司做庇護工場o既工作, 不停重複做一樣o既動作(痴野), 真係好悶同都幾累, 而且因為都唔多夠訓o既關係, 幾眼訓呢。收工同Cass民S去葵芳配眼鏡; 由於自己比較偏向有機會會轉眼鏡同埋會打波o既關係, 因此想配平d的, 所以無配了~ 麻煩左呀cass呢~ (好彩Cass自己都有配)。之後諗唔到食咩, 葵芳返屋企又麻煩, 於是索性一齊搭車入禾輋食"陳根記"。好耐無去過了~~ 大排檔之中算係又平又好味呀~~食完傾左陣偈就走, 唔想太晏; 點知掛住同民傾偈, 完全無留意之下, 上錯左車=.= 唯有等架車出左深水埔先落車搭地鐵返企...2個算係認路搭車能力強o既人居然犯左咁白痴o既錯誤, 真係汗顏...攪到遲左好多11點幾先返到屋企...

3. 3/9(三) -- 收工返企; 連日o既重複唔使用腦工作實在又悶又累, 不過呢d係預左要做o既, 所以叫我做絕對OK; 好彩係完全唔使用腦, 不停地搵唔同朋友電話吹水(不過第日就唔可以成日咁用電話lu)。

4. 4/9(四) -- 本來諗住約Sam食飯, 由於各種關係, 變左係我民EstherRachel 4個人去左KT大盛食飯, 呀馬後join, 食完8點幾就散, 之後同馬民2個死黨到M記坐, 傾到9點半走, 再同民又係係MTR月台傾到10點半先散。

5. 5/9(五) -- 上年同Lands同事入圍村食盤菜, 今年又攪, 所以當然要趁熱鬧一齊去啦~ 好彩係星期五晚, 第二日又唔使返工, 晏d都唔驚; 可惜八婆要湊女唔去...最熟o既人無去始終都係爭d呢。6點收工, 仲要係上環, 但係佢地居然要6點9至7點係太和集合...7點3去到仲有人未來...之後入去, 坐底食野唔夠一個鐘, 開始有少少雨, 大家好快都食飽左, 見有雨, 於是就話走, 其實都無點傾偈哈哈, 反正自己都想早d返企(最熟數落去八婆, 呀進, Erica等等都唔去...), 所以就走; Maggie姐o既細佬(當然都大我好多年啦haha)電單車出葵涌, 我就緊係唔怕啦, 於是就跟電單車, 係荃灣放低我。聽住歌係電單車後座一路去, 好爽好舒服好正!! 其實以前都有過學電單車o既念頭(鐘意過普通車), 不過由於自己再次印證自己係極唔專心(專心歌多過路面情況), 唔係撞死人就自己死, 所以都係打消學任何車o既念頭了。其實一路好想唱歌, 不過唔熟對方, 一定嚇親人, 所以忍住唔放聲高歌, 哈哈; 一路向南聽住周董o既"一路向北", 好爽但係有d奇怪...哈哈。

6. 6/9(六) -- 之前果晚對腳又累又痛痛地, 又夜訓, 因此係屋企抖足一日, 幾乎訓左一日, 雖然抖得好夠但係好悶。

7. 7/9(日) -- 詳情請睇下一篇雜記。

8. 好悶, 好想唱K!加州紅逢星期三用恆生卡埋單全單七折!

9. 有機會中秋節果幾日假期唔使返工! 好野!

10. 本來諗左個故仔"A4紙", 不過都係唔多想寫了, 好似諗唔到個效果出來。(而且唔想再寫d唔開心o既愛情故事, 又老土)

11. 覺得自己很傻, 夢都係要醒了。

好links推介:

台灣歌手庾澄慶係節目show野, 超勁, 而且對音樂真係好有原則同堅持, 而且都有分享少少心得呢~~勁正!!
http://www.youtube.com/watch?v=p0rUu5obQ5U&feature=related

Eason+克勤唱歌, 幾有feel
http://www.youtube.com/watch?v=RUUhk7ifXC8&feature=related

笑死我o既Link(必睇)(都幾耐之前了)
友誼的光彩-張如城 (Live原版), 呢條友真係唔多掂, 但係我建議大家睇左原版, 睇下本來歌詞係點o既
http://www.youtube.com/watch?v=Oz1gVYMGYLE&feature=related
章魚城 有耳的棺材 (第4版), 大家留意, 係佢原版唱o既, d歌詞無改過, 同原版比較下啦!http://www.youtube.com/watch?v=-Dmhacdx6vY

來緊:
由於工作時間日子唔穩定, 暫時無點約人...
9/9(二) -- 同民Sam三條佬食飯, 聽下佢地d男人野。
17/9 questionnaire out
23/9, 24/9 briefing session
19-21/9 freezing survey
all these days busy...

失魂

歌手：原唱: Soler(當然比較鐘意草蜢唱o既)
作曲：夏健龍
填詞：黃貫中, 胡家兆
編曲：Lupo Groinig
監製：Skot Suyama, Lupo Groinig

我未死心　死守在附近
去等你轉身　是否太天真
從此再不分　不分年月日
到斷氣都甘心　為0左一個人

可以認識你　算今生我走運
等一世都等　願為你等
不知道怎麼去　安守我本份
因我已經失魂

為討你歡心　儘管要犧牲
我唱到失聲音　完全為0左一個人

可以認識你　算今生我走運
等一世都等　願為你等
不知道怎麼去　安守我本份

我靈魂已失指引
我失魂因你屬別人
我靈魂喪失指引
到夜深繼續又去等

可以認識你　算今生我走運
等一世都等　願為你等
不知道怎麼去　安守我本份

可以認識你　算今生我走運
忍一世都忍　願為你忍
不知道怎麼去　安守我本份
因我已經失魂

完