雜歌s

屋企極度得閒又貼下d雜雜o既歌先; 唔一定係經典或者好好聽o既歌, 只係自己喜歡聽的歌罷了, 或者有d特別野o既歌。

**********

天涯孤客 -- 巫奇; 大家一見到呢首歌, 就算識o既最多都係諗起鄭少秋o既果個version(好好聽, d歌詞都填得好正), 不過今次貼o既係同一首o既翻唱版, 成個arrangement改晒, 哈哈, 都幾得意; 段片最正o既係播返ATV做o既林正英做主角o既僵屍片, 經典!

http://www.youtube.com/watch?v=z0raT80n_wk

Termination -- 一首鼓機o既原作歌曲, 不過唔係最favourite的一首, 可惜網上d人upload得唔多, 所以貼首比較喜歡o既啦; 呢首打唔到, 最難。
http://www.youtube.com/watch?v=uYeNHz3qfic

知我無情有情 -- 馮寶寶當年主演"武則天"o既主題曲, 超正, d歌詞好貼題, 好似唱緊主角o既心聲咁; 唱果個都唱到好有味道; 難為我咁多年來一直以為係馮寶寶添...
http://www.youtube.com/watch?v=nn6FUmcjvY8

耿耿於懷 -- 麥浚龍; Juno其中一首首本名曲, 好鐘意d鋼琴伴奏, 唔只係頭尾, 而係一路伴住o既果d伴奏都好聽呢。個MV都好特別, 一take過, 而且同"扯線風箏"係有關連的。

http://www.youtube.com/watch?v=cEwNvopot-E

扯線風箏 -- 吳日言; 吳日言的首本名曲, 都係好聽的一首, 提左"耿耿於懷", 不得不提呢首啦。
http://www.youtube.com/watch?v=ruSokbPrzNE

沒有人 -- 麥浚龍; 怨念之歌, 唔再多提了, 以前都講過。
http://www.youtube.com/watch?v=D_G5csKUP9M

忠孝東路走九遍 -- 動力火車; 好聽之外, 不得不提個MV入面o既男主角係當年仲非常後生o既陳鍵鋒, 個樣仲好後生好"o靚", 無而家咁殘呢。
http://www.youtube.com/watch?v=7dtJl7Y_Vmg

濤聲依舊 -- 毛寧; 經典歌, 經典到呢一代o既人應該覺得好"娘"同埋好老土; 不過其實係幾好聽, 毛寧把聲都好聽。
http://www.youtube.com/watch?v=0BUKY2Mj4Hc&feature=related

想家 -- 卓文萱; 好似係佢o既出道歌? 當年得15歲而已, 把聲都好有力量呢; 15歲唱得唔差得過Kary, 樣唔醜過Stephy, 不過到而家一直都係2-3線歌手...
http://www.youtube.com/watch?v=lBjhjgMLE0I

不要離我太遠 -- 鄧麗欣; 點解會貼呢首歌呢? 因為d歌詞...有種"萌"o既感覺哈哈哈。
http://www.youtube.com/watch?v=x0GvNHSlrbo

心痛 -- 陳潔儀; 經典中o既經典, 都無咩好講; 期待去到個演唱會, 聽到Live。
http://www.youtube.com/watch?v=V6KujYYP61s

歲月無聲 -- 太極; 原本係Beyond的歌, 太極Live演唱; 唱就普通啦, 最有feel係Live的結他、鼓、唱...等等, 好有power, 好正。
http://www.youtube.com/watch?v=K2DOszhqPqE&feature=related

紅色跑車MV -- 太極; 首歌經典, 但係最經典係個MV! 吳君如! 無錯! 係吳君如呀!! 即時變笑片!!!
http://www.youtube.com/watch?v=gaBWlADhcLg

每一句說話 -- 太極; 太極的All Time Favourite。
http://www.youtube.com/watch?v=Xes4KcLDnvE

Medley: L.O.V.E. Love/豈有此理/紅色跑車/歲月無聲 -- 翡翠歌星賀台慶2008入面的演出, 實在係好少有好少有機會呢, 成班都好勁; 當年最紅最正o既Band友都係呢幾隊的了~~~
http://www.youtube.com/watch?v=MWgMSz00CBk&feature=related

Haru ~Spring~春 -- Hysteric blue; 好聽, 好難唱。
http://www.youtube.com/watch?v=Fh1eZhGp6o8&feature=related

naze -- hysteric blue; p.s.俊平你好o既唔記得主題定片尾曲; 好好聽, 又係好難唱
MV
http://www.youtube.com/watch?v=ReTedz--UMM&feature=related
Live
http://www.youtube.com/watch?v=5fkySMoS1Es&feature=related

流行曲 -- 林海峰; 超抵死, d歌詞真係太太太太得了! 填得太好了, 講盡左HK的流行曲o既特點, 超爛, 最正係首歌本身就係用晒入面佢講o既"流行曲"元素, 真係太抵死了!!

http://www.youtube.com/watch?v=pwzHT_c_06w

完

五月三日 -- 雜記

22/4(三) -- 收工同呀Sam食飯; 由於佢早收工, 佢係尖咀機鋪等我; 我去到join佢, 一齊打左陣, 好耐無去過機鋪打機呢; 之後去左佐敦食飯, 佢原來之後約左人, 我同佢好趕咁食 =.= 食完佢就走了, 好早返到企呢; 多謝佢請我食飯, 補返數呢, 哈哈。
23/4(四) -- 收工約左花姐姐食飯; 佢早過我收工, 於是話來KT食; 都唔知食咩好, 佢未去過間車仔麵, 於是就同佢食車仔麵; 食完仲係超早(7點島?), 於是行去九龍灣食糖水, 之後仲食埋果度o既炭爐格仔餅添(好多人排隊, 但係我覺得都係因為就來拆比人煲大左, 其實又唔係話好食幾多)食完都係早, 就上左德福hea行傾偈; 行行下上左德福二期o既機鋪(連續2日去機鋪?), 不過今次係打鼓機(可能悶左花姐姐要睇我打機了); 真係好耐無打過鼓機了! 退步晒, 部機又細聲聽唔清楚歌同個beat, 不過都好開心, 真係好耐無打啦~~ 其實我都幾鐘意的; 打完之後就落返去, 之後都無咩地方好行, 返企了(都仲幾早)。
24/4(五) -- 終於捱到收工, 同C去左沙田試間日本野, OK啦; 之後過左博康問S拿返把傘, 順便食個糖水, 可惜見唔到貓婆婆。
25/4(六) -- 極累; 平時返工振起精神, 仲狂做野, 一放假就發晒出來; 當日在家好累好累好累, 食完晏在家睇電視時, 突然極累, 由於我訓左係地下睇電視, 果下疲累湧埋來, 我個精神唔好話起身行去間房, 連爬上個梳化都唔得, 就咁係地下就摺左; 之後其實都唔係訓得好好, 因為地下硬, 訓訓下又凍, 訓得唔淋, 但係又真係cher唔起個精神起身或者去床訓, 最終就係地下訓到5點幾=.=; 之後約左澤安花姐姐同白田妹妹食飯, 於是6點出門口去左大圍食飯; 去到果間野都係叫小菜, 但係佢話有雞粥食, 於是都試左一碗, 都唔知係唔係人地講果間沙田雞粥來o既, 由於自己唔多好粥, 因此對我來講都唔係話好吸引, 不過感覺係落左味精咯...d小菜反而都唔錯, 但係始終係禾輋好d; 之後食左附近o既糖水, 見都有d西式比較好o既甜品, 不過由於飽, 無試; 食完就返企了。
26/4(日) -- 一早起身睇波, 連續2次睇波都係一早放開比數; 之後睇左內地電視劇"潛伏"大結局, 食完晏, 本來諗住睇下TVB話播o既"新不了情", 點知臨時改左做"逃學威龍2"...個tone爭咁遠...; 照睇, 睇完睇左陣星光三, 再睇埋另一套內地劇"婚變"o既結局; 晚上在家食飯。
27/4(一) -- 晚上同Cyrus食飯; 極耐無見, 一如以往都係聽佢呻, 同埋比我話; 由於佢無野做, 於是就我係坑口食飯, 之後行去寶琳睇玩具, 食埋糖水返企, 都唔晏。
28/4(二) -- 之前果日Carol臨時約我地食飯, 於是同CarolConnieMartin去果間新o既印尼野食飯; 估唔到Martin可以唔使點OT早走來一齊食呢~ 食完之後無咩攪又無地方行, 返企。
29/4(三) -- 收工返企。
30/4(四) -- 收工返企等花姐姐, 之後出返來食飯; 當日最大收獲係終於試過時新o既漢堡包, 真係好味呢~~ 多謝花姐姐專登買來比我食, 仲要等我~~ 大家係北角等, 去食我家鄉o既野; 雖然唔係話d咩美食, 不過好地道o既; 之後去左以前舊屋果頭o既樓下, 試左死黨2推介o既酒饟丸子(不過唔多得...)之後行返去媽公司果邊, 仲見到呀媽添。之後返企。
1/5(五) -- 其實心情唔多好, 在家hea一日, 之前果晚好夜訓, 下午諗住訓下, 點知不停地有電話, 結果係無點訓過, 極累...晚上煮左下野食。
2/5(六) -- 同哥同SZ Fnd係Kt食華苑, 之後由於又熱又多人又無咩行的關係, 返返屋企睇佢買的梁靜茹演唱會; 比較少聽佢live, 其實佢唱歌真係幾好, 不過由於d歌真係來來去去都差唔多果款, 雖然好聽, 但係自己都有少少頂唔住呢(但係都係覺得好聽o既, 只不過自己唔可以幾個鐘一路聽住佢d歌姐)(另, 同蔡健雅合唱果度好正); 晚上又去佐敦食, 之後自己返屋企, 呀Sam佢地燒完野食上來我企打winning, 到好夜走我先訓(本來諗住自己早d訓由得佢地打機)。
3/5(日) -- 晏起, 下午係葵芳行, 總算買左d玩具, 之後同澤安白田去左土瓜灣食上海野; 今次佢地話想食上海野同食我未去過o既地方, 於是我都唔知好唔好食呢; 結果覺得都唔錯, 雖然其實我唔識分點先算係好定唔好, 不過預左上海野又油又濃, 食落都OK, 好難得飲自己喜歡o既有火腿味o既湯呢。食完就返企了。

來緊:
6/5(三) -- 同SpencerCatherine係大盛食飯。
8/5(五) -- 約左taylor呀強同S食飯; 好耐無見了。
10/5(日) -- 突然記起, 老細約左見個客同社工, 要返工OT...不過估計我見完個客會即走, 唔會返office做野。

1. 由於之前上唔到網o既關係, 今次一次過打一大堆野。

2. 大家聽歌的時候, 會先聽音樂定係留意歌詞先呢? 其實到最後, 我都係2樣都會留意, 不過我好似係會比較聽左音樂果部份先?

3. 多謝C果d翻版Lego, 又平又靚。

4. DQ5全破; 主角Lv99了...果2隻野都過左60Lv, 果然之後開始勁得好快。

5. 腳版底比我"meet"爛左面果層皮, 之後現真皮又無整理佢, 個傷口發炎左幾日, 行路都痛, 不過應該無咩人留意到。

6. 之前係家一日之內睇左2套內地電視劇o既結局, 由於有時係屋企都有睇少少, 因此都知講咩; 本來諗住係度講下, 不過已經好長, 又過左成個星期, 無咩心機講, 係度提左就算了。

7. 好少睇星光三, 難得睇左一集, 終於見到第一名徐佳瑩o既表現; 真係唱得呢。

8. Spenser終於都同佢女友散左; 客觀來睇, 係好事呢; 之前大家都係覺得, 睇下幾時散。嗯...客觀來講, 恭喜佢。

9. 公司做野好累; 多野做、多duel date、老細麻煩、俾客鬧都無咩所謂, 但係當做噶野同自己o既理念、人性唔同, 不認同o既時候, 就覺得尤其辛苦; 精神、身體狀態都已經好差, 仲要攪埋d咁o既野, 心情keep住不太好。

10. 三日假期亂晒籠; 由之前o既預算開始, 之前話去BBQ, 邊日得邊日唔得, 到有野改日子, 又有野唔改日子, 又得, 又唔得, 又出, 又唔出, 又病, 又累(之前o既所有"又"都係講緊唔同o既人事物, 唔係講緊同一樣野), 總之就係好亂又無癮又煩; 本來自己o既狀態已經係唔想煩的了, 所以更煩; 其實3日都唔多想見到人。

11. 某死黨終於考完試, 閉關閉左咁耐, 終於可以出山; 雖然呢次可能係你一生中考得最差o既一次(對於一個以前由細都大, 未入去考試已經知道掂硬, 連A-Level某d科都拿硬A o既人來講), 不過向好果方面諗, 你今年係考咁多試以來第一次追, 話唔定今年亦係咁多年無女朋友以來第一次有呢。

12. 條腰好左9成9, 可能仲好過之前, 要出山了。

13. 豬流感, 而家應該叫咩H1N1, 同能仲煩過SARS, 不過我都係唔帶口罩, 煩。(除非我有病防止傳比其他人咯)

14. 心情不好, 自制能力低左; 令到各位唔開心, 唔好意思; 另, 應該都唔會好多人覺得。其實呢幾日心情真係好差。差, 唔係只係話唔開心, 只係唔開心都唔可以話係好差, 係有好多野好多野唔開心、煩、諗等等, 其實唔應該係度打出來, 不過呢度係for自己睇(雖然亦都知有人會睇, 亦都要對睇o既人負責), 總之, 都係要打出來自己記錄低。

15. 人都會唔接受自己ｏ既過去，於是繼續抹黑自己ｏ既現在，摧毀自己ｏ既將來嗎?

16. 太多太長, 又係唔check唔執了。

17. 記錄一d自己o既感覺, 超亂, 不過唔想執好佢了; 但係好得人驚, 可能亦都會令睇天o既人不安, 甚至覺得我好可怕。
"有時有d野要認真d講
會比較有效果
好多時講o既野, 做o既野
都係計算過時做出來
文字運用好重要
係咪突然覺得我好假?
我又唔係專登呃人定點樣
只係運用技巧做出我想要令人覺得o既效果
不過, 其實都無用好多時間去諗
係自然去做
點講呢
有d似, 你同BB講野就會用得意話
同老人家講野就自然會尊敬d
果種感覺
係適當o既時候採取適當行動, 講o岩o既野
其實同有心計又真係只係一線之差...
我只係表達自己想表達o既野
而用比較有效令人感受到o既方法
但係有時又覺得自己好得人驚
又唔覺得自己係呃人或者做作
但係自己又感覺到果種, 自己企左係外一圈, 睇返自己做o既野
知道會有咩效果果d感覺
即係都係為左做到某種效果而做一d事, 講一d野
咁係唔係即係都等於, 為左達到自己想要o既野, 而作o既"權謀"呢
即係都係"假"
都唔知自己係唔係"假"
就算係出於好意, 我都唔係好接受到
(因此, 我都唔算好認同基督教o既做法)
簡單來講, 係教會所做o既野
係個方法o既問題
唔係佢地做o既野係好定壞o既問題
都係捉一般人o既心理來做o既
就好似我頭先講我自己咁
唔係做壞事, 甚至係想人好
但係用o既方法, 係容易令人相信我或者覺得我o岩
總之, 如果一個唔妥我o既人, 知我係咁
可以覺得我好有問題, 而完全唔信任我因為我頭先講o既野, 可以理解為:
我每講一句說話, 每做一樣野, 都係有目的o既"

歌:

沒鎖門, 好開心好輕快好自由奔放o既一首歌, 聽左應該會開心一點吧; 歌手係星光大道三o既第一名, 都好唱得呢。雖然唔靚, 但係大家只係聽把聲係好靚o既, 歌手就係要唱得為先嘛~

歌曲：沒鎖門(MSN精彩十年主題歌曲)
歌手：徐佳瑩

網上收聽version, 有歌詞。
http://www.youmaker.com/video/sv?id=e17b3e0c8e47487fa76ac825b929c07b001

Live Version, 都OK呢。
http://www.youtube.com/watch?v=WWV8zgt1wo4

我們約好狀態常更新 保持kuso也要變美麗
有個model穿得好有型 我mail給你
喜歡他有千百種表情 不必下跪也能orz
星座運勢耍點小心機 偵測愛情
搞定天下事 快樂不設限
從房間飛到外太空 從太空鑽到小指頭
搭拉搭拉拉～
登登登 誰敲我 登登登 沒鎖門
從房間飛到外太空 從太空鑽到小指頭
搭拉搭拉拉～
登登登 誰敲我 登登登 沒鎖門
不管你有彩色的蝴蝶 還是一閃一閃的飛碟
我們劈腿白天和黑夜 綁架時間
厭倦吵吵鬧鬧的大街 逃開沒有靈感的床沿
我們騎著滑鼠的左鍵 環遊世界
搞定天下事 快樂不設限
從房間飛到外太空 從太空鑽到小指頭
搭拉搭拉拉～
登登登 誰敲我 登登登 沒鎖門
從房間飛到外太空 從太空鑽到小指頭
搭拉搭拉拉～
登登登 誰敲我 登登登 沒鎖門
從房間飛到外太空 從太空鑽到小指頭
搭拉搭拉拉～
登登登 誰敲我 登登登 沒鎖門
我們發現善變的瞬間 我們分享習慣的宣泄
手拉著手打開的世界 永遠新鮮

完