雜雜

怒目而視
預想中重建後的觀塘市中心
漂亮的火光
曾經記載過, 在MTR中等得很疲累, 又一臉倔強的姐姐。
大霧的將軍澳

係MTR見到好靚仔的鬼仔。

被困住了的夕陽; 還是人被困住了呢?

以上都是以極低質的手機影相功能拍的照。

悲哀代言人 - 關楚耀; 之前post果時未有full version的MTV, 而家補返; 而家真係o岩晒佢了...
http://www.youtube.com/watch?v=X5hYS7LnCLU

不是我不明白 - 梁靜茹&盧廣仲; 合唱好聽好多, 不過男o既和音多d。
http://www.youtube.com/watch?v=D8NA8amYNYA&feature=related

你的承諾 - +海鳴威+泳兒; 又係之前post果時無呢個version而家補返。
http://www.youtube.com/watch?v=rD2IFLJ8NT0

完

三月一日 -- 雜記

24/2(二) -- 原本約左話劇同學們係佐敦食飯; 當日Crystal突然唔來得, 佢個仔扭親要陪佢睇醫生; 轉左食飯地點去九龍灣, 收工都約左佢一齊搵中醫; 搵得來又未夠鐘, 之後幫佢扶左佢個仔去睇(隻手勁累, 中二都好大個啦...), 扶完等埋睇埋仲攪到8點幾先攪掂(要其地人等), 最後扶埋個仔返屋企之後, 都係拉埋Crystal一齊去食飯; 最終係九龍灣大排檔是但食; 次次同佢地食完都係果句, 即使大家年紀唔同, 經歷唔同, 但係一齊食飯傾偈都好舒服, 佢地都係好有經歷, 好有見解, 而且都好好的長輩呢~ 次次聽佢地講野(尤其呀拔)都會令我有一番諗法, 印證到自己一向o既見解。
25/2(三) -- 同S民Cass食飯, 去左之前去的佐敦King 1, 臨走仲見到Cass的新男友呢。
26/2(四) -- 收工返企。
27/2(五) -- 約左個客7點, 見完返企, 無食飯。
28/2(六) -- 唔想再重蹈之前的覆轍, 所以決定2日都一定要搵d野做同出街!!中午lunch約左Crystal食lunch, 難得佢唔使湊仔(原來佢星期六不嬲都得閒的=.=); 食左SKM車仔麵, 再去佢推介的地方; d野幾好食呢, 尤其喜歡醬爆肉同埋d檸檬水, 不過...原來係佢娘家開的店, 知道左真係超超超唔好意思呢...好似去白吃咁..之後4點幾鐘同貓Maychan唱K, 真係好~~~~耐無同佢地唱呢~~~不愧為我識o既人入面唱得最好的人們之一, 好聽; 自己好一段時間無唱, 係幾乎無開echo的情況之下, 發覺自己唱得超唔得...仲要之前食左辣野...本來都好想唱K, 而家完全唔多想唱咁...(加州窮全星期全時段全單七折...所以好多人...連呀巫都見到..)唱完之後join埋chiu華同佢男友, 去左佢地的飯堂--大角咀晶輝食飯, 食完再去車品品, 食完傾完走都11點了; 呢一班又係一齊傾偈相處好無憂無慮的朋友呢, 好舒服。
1/3(日) -- 落雨無波打, 於是去左葵芳行, 一d收穫都無; 之後係Jordan食左蘋果餐廳一早返到企。

來緊:
7/3(六) -- 同死黨等人民馬Sam伉儷MandyS等人唱K, 早走早著...自己唱唔好, 無咩feel
13/3(五) -- KTG來HK!唱K, 預左唱得晏, 會同S民Cass同佢男友一齊唱; 等大家知道下KTG唱K的厲害!

1. 同話劇同學們食飯, 呀拔提起過人o既"心術"; 幫人睇相/算命果d人, 幾叻都好, 心術不正都係無用; 算命又好, 或者做心理輔導都好, 一樣都係的, 睇到d野、知道d野, 要諗下點先係正面想法, 點先幫到人, 唔係一味同人好直咁講真話; 做人好直係好事, 識得表達得好d先係王道。

2. 明白唔等於接受到, 知道唔等於做到; 成日都講, 一d變態殺人狂魔, 可能細個有經歷令佢地扭曲左性格, 先至變成而家咁, 但係明白佢地點解會咁, 唔等於要接受; 好多小朋友都知道讀書緊要, 但亦唔一定做到咯...

3. 由於性格問題, 鐘意留意好多事物同埋人, 於是都會一定程度地睇得到、估得到人地諗d野、做d咩; 當然, 官場同商場果d爾虞我詐勾心鬥角我就緊係無果d level, 但係一般來講果d, 應該都ok吧; 當一個人有心去睇、去感受、去觀察o既時候, 其實可以學到、感受到好多野, 人地講野做野少少事, 自然就會妁9之前見o既野睇過o既野所有經驗想法來分析、印證, 當個database愈來愈大時, 就可以愈來愈準咁睇野, 亦都可以對好多"人"o既野有理解; 其實, 有時都好唔想去了解其他人, 去明白其他人, 知道得愈多, 只會愈唔開心; 不過, 好多時都係自然而然地會感覺到吧。人都是不好的思想比好的多, 或者可以講, "人"都係衰o既, 因此先至會好多野都睇得好淡; 好多時心底入面諗咩野, 都估到理解到, 就算係好似呃到我, 只不過係我唔出聲而已; 所以亦唔會有好多我接受唔到o既事, 或者比起一般人我會接受得多d吧; 因此好多時我都無所謂, 係真係無所謂, 反正都差唔多, 大家想點就點咯...當然, 自己不會做到老子的"無為", 沒可能的; 每次見到醜陋的事情事, 都會感到悲哀吧, 最後, 理智上接受了 然後就會去控制自己的情感, 跟它說: "不過如此, 別發瘋, 你一早知道的吧"當習慣了, 忍受能力、接受能力就會不斷地提高; 慢慢地, 可以好了解其他人, 又接受到人地o既一切, 就好容易做到人朋友, 做到"了解佢地, 幫到佢地解決事情"o既朋友, 然後有事啟奏, 無事退朝, 係咁byebye; 不過咁樣做人其實好累, 好唔開心, 我都唔想明白咁多野呢(我呢d係好低層次o既野而已, 而且都唔係話好多)(對於d識好多野o既人來講, 究竟係會開心定唔開心, 定係高層次時根本就唔會有煩惱?)全無章法不知所謂無spellcheck亂晒籠係咁多。

4. 發了一個不要得的夢。

5. 好似有好多野要打, 又有好多野諗, 但係又唔知點打同諗左d咩, 又亂, 所以都係就咁。

完

My First Kiss -- 日文版係奇天烈白科全書o既片尾曲, 呢首英文版我係打鼓機時識的, 都係打鼓機個version好聽d呢~~ 好鐘意呢種咁o既style, 感覺好真摰, 有機會要比大家聽下鼓機version呢。
http://www.youtube.com/watch?v=mLCxHAbfZF0

又愛又恨 -- 草蜢; 好多歌都鐘意, 呢首係期中一首; 唔知點解好有feel, 不過呢個version舊左d...
http://www.youtube.com/watch?v=740hY84BcOI

對一個人愛錯 -- 草蜢; all time favourite之一!
http://www.youtube.com/watch?v=L2Fy0kUPB4Q&feature=related

夜夜夜夜 -- 齊秦; 佢真係有好多好聽o既歌, 仲好有feel添, 個樣當年又型, 難怪果時咁紅。

夜夜夜夜

作詞：熊天平　
作曲：熊天平

想問天你在哪裡　我想問問我自己
一開始我聰明　結束我聰明　聰明得幾乎的毀掉了我自己

想問天問大地　或者是迷信問問宿命
放棄所有　拋下所有　讓我漂流在安靜的夜夜空裡

我不願被情作弄　作弄到我無法大步走路
也不願再多說　靈魂也有道了裂縫

你也不必牽強再說愛我　
反正我的靈魂已片片凋落
慢慢的拼湊　慢慢的拼湊　
拼湊成一個完全不屬於真正的我

我不願再放縱　我不願每天每夜每秒漂流
也不願再多問再多說再多求我的夢

完