1. 今天公司辦事處有個主任無啦啦入來發癲, 不過我覺得我自己lunch time, 仲要lunch果段時間係無人工的, 我要做咩唔關你事; 我地係唔係客都唔想講, 我只係知道我地幫佢食左唔少一路留落來o既屎; 既然係咁, 有d咩以後都撐行佢咯。
2. 收工同同事唱K! 連續幾日返屋企又早訓, 今日緊係想cher行d啦~~ 同PizzaSpenserIris凱琪唱K, 之前同過大家唱, 係未同過Iris唱; Iris唱K好不錯呢, 明顯係唱慣o既人啦~~仲要同我一樣係舊歌人, 哇卡卡; 最犀利係佢會唱"你最珍貴", 實在太厲害, 太滿足了。另外, 原來格蘭中心仍然係無限時間, 果然係主場呀。再另外, 由於Joyce七日內生日, 減左個人頭費, 抵呢。
3. 10點幾凱琪住TuenMun要走先, 因此大家都有去意, 叫埋單到真係走都只係10點9, 有d俾預期早; 之後除左Joyce(凱琪)之外4個人一齊搭MTR走人, 11點幾返到企, 早。明明前幾日都早訓, 不過走時有d頭赤。
4. 昨晚早訓, 今朝一早醒, 好早返到公司, 上去幾個人都話得的"合記"買沙爹牛肉麵做早餐; 麵+飽+凍飲, 好耐無食過咁大份早餐; 個麵OK啦, 又唔係真係話好好食; 由於早上太飽, lunch只係食左3粒牛肉丸就飽了。
5. 明天去Spenser屋企玩佢2隻新o既貓貓, 好野~ 星期六short week, 可以玩得盡興d, 不過人地屋企, 始終都無得夜o既。
6. 係社會上, 男性一方責任一向較大, 從來都不是平等的; 不過有好多野, 都係應該男性孭o既, 咁咪孭咯。
7. 我拖泥帶水嗎? 由真正發生果日到而家過左好耐了嗎? 咁大件事真係可以係短短幾個星期就下定決心嗎? 係咪要涼薄d, 一有問題發生就好快解決就叫好? 唔可以考慮一下? 唔可以感受一下自己o既心意? 我咁樣叫逃避嗎? 我一早知好多人諗左好多難聽o既說話啦, 咁又點呢?
8. 我不需要伴侶嗎? 我都覺得我自己不似一個適合拍拖o既人, 所以我先更加會係度諗究竟自己想點。建立同付出係雙方的, 拍拖亦當然一定係想結婚, 但係係問題發生o既時候, 究竟係邊個諗住修補先呢? 係邊個作出好多努力而不得解決其問題呢?
9. 自己絕對唔係一個兒戲o既人, 從來都諗得好長遠, 短視o既究竟係邊個? 我係完全單方面有問題我係逃避我係固執我係無維繫我係衰人的話就唔係係咁, 事情就好簡單了。
10. 自己係好坦白o既人, 我自己o既野從來都係9成9俾得人知o既野, 但係當一d牽涉到唔係只係自己o既野時, 當然唔會隨便話人知(自己唔介意, 唔代表人地唔介意)。係全部家人朋友等等咩事都以為無發生過野時, 究竟發生過d咩野, 大家係唔會知的, 有好多問題亦唔係突然發生; 因此好多人可能覺得好突然(某匿名亦提到:一下子就話唔得), 或者有好多想像o既野, 或者猜度、估計o既野; 係blog度唔想講一d一面之詞o既野, 大家知道d唔知道d我都無所謂, 亦都唔想解釋咁多, 反正我都唔介意背負d咩野, 總之大家要點諗, 舒服o既就好; 已經不想再同任何人交代, 有太多野不足為外人道了; 其實時間唔係過左好耐, 我一向亦唔想拖, 而既然大家都覺得我拖又或者覺得點o既, 咁我就唔再拖咯。
完
2007年7月20日 星期五
七月十九日 -- 雜記
訂閱：
張貼留言 (Atom)
5 意見:
我都算係了解成件事既少數人之一嘅…
評語：做人，對得住天地良心便可~
點解你一給別人這樣一說“拖泥帶水”，你就說不再拖呢？這件事是兩個人的事嘛!如果因為這樣而決定值得嗎？
你之前都說過“即使人有幾理智都好, 人都係會被感情所影響。”你這樣說証明你依段時間是給感情所煩，即是話你不是不愛她。依件事我一直都不覺得你是自私，因為你不會一下子就話“分手”，你現在只是好迷茫，前面有兩條路你去選擇，你不知選擇那條路好。
你之前亦講過，過不到自己心理那關。你試想想，你去到一處玩笨豬跳的地方，在地上見到人玩，覺得好好玩，咁你就走上去試，當你上到去發覺原來好高你好驚，想不玩，但一場到來，又想玩喎，經一輪掙扎後，你決定玩，玩完原來你發覺自己是可以玩到。這個原理與心理既一樣，你不玩心理上覺得好驚，自己實不行，這樣跳下去實死。當你刻服到這關卡，你下次玩就不會這樣。
人是需要愛情的生物，而且人是無話不適合拍拖既，只是你可能不懂得怎樣處理，有時有些事情，你用B的方法處理好過用A的方法。你與朋友或同事相處(性格不一)，你都懂得怎樣處理(經這教訓，這點相信她也明白的)。是嗎？愛情真令人變得盲目。
對方有做一些事情想修補可能你不知呢？你當時可能給忿怒沖昏了。她有否主動給你通訊之類？你給她的反應如何？或者你是否說了一些話，令她不敢再找你？她害怕再找你，會令你討厭她？
你可以說未發生這件事時，你己主動“乙水”她，只是她不受理。她也是給忿怒沖昏頭腦吧!什麼都聽不進耳。你想想你現在何嘗不是？
我都說過，如之後風平浪靜，我相信你可以做得比以前好。加油吧!
請不要因不想給別人煩著，做出這舉動。
Kman: 你覺得我對得住嗎?
匿名: 我不是因為給人說就決定的啦, 其實自己也想解決事情; 而也有經過長時間的考慮(每一天每一分也在想呀), 快些解決事情, 對大家也有好處呢...
我開始唔係好懂得點同人相處了...
其實沖昏頭腦應該就無咩啦...我都唔嬲又唔係有d咩唔高興, 亦都無咩怨恨...只不過睇清左好多問題, 亦有諗過點解決問題, 解決唔到而已...對住佢, 我一d唔開心/唔鐘意/討厭o既感覺都無, 好似係一個好朋友, 或者重要o既親人咁, 但係個感覺...係唔同了...
有d野, 過左去, 我都想試下返轉頭, 但係可以嗎?
問題是解決到的，這就要看你怎樣做了？其實是可反轉頭的，只不過是你過不了自己那關而已。 你自己都問“我都想試下返轉頭, 但係可以嗎？”，即是說你想嘗試，但你害怕一些東西。其實這件事，是否那麼大件事呢(對於你說是大事)？我個人來看，這事不是因為出現第三者弄到這樣，可以兩個人坐下慢慢說清楚，重新來過。
你話對她的感覺不同了，你想想是否因為這件事而影響呢？你對她的愛只是埋沒在深處，可能這點你沒有發覺。
補充一句，“你都想試下返轉頭”，你知不知道對方有何想法？她是不是與你一樣都想返轉頭？如是，那可以嘗試。
張貼留言