流星雨

某同事朋友比左呢個題目我, 不過今次都係唔合常理咁寫, 睇完應該係會覺得好無奈噶, 哈哈哈。

**********

篤!篤!篤!
報更的聲音響起。

夜半三更, 在城鎮中, 總還有一些人未睡: 在酒家喝酒的、在恰紅院找樂子的、在家中不知在幹什麼的。
羅因侯正是其中一人。

他在跟蹤著一個穿著黑袍的人。

**********

行走江湖, 除了要人緣好, 廣交四方好友之外, 最重要的還是要有一技傍身。始終生活在刀口上, 自己的命就懸於自己的技藝能否罩得住。對於一般人來說, 武藝的成就可能只是一般水平, 可是在江湖上也混得一口飯吃, 為什麼呢? 因為還有"神兵利器"。

好的武器能夠使人的武功提昇好幾成的威力, 因此江湖中人都一直在尋找、或者爭奪一些寶刀、寶劍之類的東西。
羅因侯自問武功雖不算一流高手, 但在江湖中也可算是一把好手。可是要闖出名堂, 還是欠了一些什麼, 而這次他找到了成名的機會。

他確定他在跟蹤的人懷著"流星雨"。

**********

"流星雨究竟是什麼呢? 是否一把削鐵如泥的寶劍?"
"有人曾經推斷過, 寶劍加上使用者的劍法, 就如流星雨一樣無堅不摧連綿不斷, 把對方的武器連肢體還有命都卸下來。"
"這麼厲害?"
"對。但其實有很多不同的傳說。有人說它是一把槍頭可以一分為幾的長槍, 有人說它是雕刻得很精緻的單刀, 而當中最合理的, 我覺得要算是"暗器"。"
"暗器?"
"對。單單聽名字, 我就覺得是暗器了。根據我的估計, 很可能是可以連珠發射的特殊暗器裝置, 才可以稱得上"流星雨", 而因為使用者不想讓人知道那究竟是什麼, 因此都把屍體處理掉了。"
"哦...原來是這樣! 但難保其實它的名字只是煙幕, 事實又是另一回事, 讓人意想不到, 毫無準備之下遭到突襲呢!"
"也有這可能。不過事實上根本就沒有人知道呢..."

眾說紛紜, 江湖上像這樣的傳說多的是。
"流星雨"是傳說中十大兵器之一, 也是最神秘的兵器。神兵利器總不外乎一些寶刀寶劍之類的東西, 但"流星雨"卻是神秘得沒有人知道究竟是什麼, 因為除了製造者和使用者之外, 沒有人見過、接觸過這"十大兵器"之一。曾與之交鋒的人全都死了, 而且連屍體都被處理掉, 因此人們連一點點有關"它"的線索都找不到。甚至有人懷疑它是否真的存在。

羅因侯卻肯定它就在黑袍人身上。

**********

他一直在追尋著神兵利器, 在一次機緣巧合下, 他得到線索, 終於讓他追查到"流星雨"的去向。幾天前, 他見到有幾個漢子在跟蹤著那黑袍人, 那黑袍人正正就是他的目標人物。他有留意過黑袍人的身形、腳步等等, 武功似乎也不怎麼樣, 絕非那幾個漢子聯手之敵; 但就只隔了一晚, 那幾個漢子就像完全消失了一樣, 再也沒有出現。因此他肯定那黑袍人以"流星雨"擊殺了他們。

**********

黑袍人一直走到了郊外。這晚的月光明亮, 那黑袍人快速地向郊外一直走去。羅因侯不想走丟了他, 因此也一直緊隨在後, 其實他也不介意對方留意到他, 因為他本就來意不善!

黑袍人終於停了下來, 轉過身來。
"來者何人。"
"哼! 我是什麼人根本就沒關係, 你還是乖乖的把"流星雨"交給我吧, 我答應讓你死得痛快點!"
"你明知我身懷"流星雨"也硬來找我碴, 好大膽子呀! 嘿嘿嘿。"
"我已經對它有心理準備, 不論是什麼我也應付得了!看招!"

羅因侯抽起單刀, 進步一招直劈下去。想不到黑袍人用的也是單刀, 更想不到他原來一直隱藏自己實力, 刀法也使得很好。兩人刀來刀往, 在月光中刀光飛舞。
"想不到他的武功也不賴! 看來我要出絕招了!"
"看招!!"
羅因侯斷喝一聲, 一招"咄咄逼人"直砍黑袍人, 這招既快且狠, 黑袍人險險擋住了, 說時遲那時快, 羅因侯竟然刀中有劍, 突然從刀中抽出一把細長的劍直取對方咽喉!

黑袍人已經擋不開、避不了羅因侯的這一絕招, 只見他左手從懷中一探, 然後----

(畫面一黑)

**********

從此也再沒有人見到羅因侯了。

完

**********

1. 某朋友比噶題目, 本來應該係充滿fantasy噶題目, 我就偏偏寫d九唔搭八噶野, 嘿嘿。
2. 寫左篇, 睇完個結局發覺係無內容噶故仔, 嘿嘿嘿。其實我係為左大家生命安全先至唔比大家知係咩來噶咋~~~ 因為唔會有人知噶嘛 XDDDD
3. 羅因侯的確係我諗噶大故仔入面噶人物, 不過個設定、事件、性格等等完全唔係咁, 只係用左個名而已; 刀中有劍都係跟返噶。
4. 原故事入面暫時未有咩"十大兵器"噶設定, 呢個故仔基本上係齋吹水而已, 嘿嘿嘿嘿。
5. 一篇咁噶野竟然有千五字, 嘿嘿嘿嘿嘿。

完

十二月十二日 -- 雜記

7/12(二) -- 放假休息一日, 本來想出去搵Crystal食Lunch、練下車、執下相、砌下模型、打下遊記, 咩都好, 全部都無, 結果係屋企訓左一日; 晚上同魷魚食樓下拉麵, 睇左個幾鐘相(睇來之後仲要同另外噶朋友講多幾次XDD), 之後去埋嚐糖食糖水後同佢過坑口散。

1. 好耐都無試過用Keyboard打字噶感覺! 好唔慣, 打慢左, 又成日打錯字~ XD (Sunday p.s., 返左來了XD)

2. 舊好廢噶相機後備電終於有用: 睇睇下相無電, 用左舊電來講埋下半段, 竟然頂到睇晒, 哈哈。

3. 發現現在的自己很眼淺, 不過都是好事。

4. 要提一提, 係元朗買果盒HG Gouf Custom真係超靚! 真係要快d砌左去~~

5. 係旅行途中一直有自己寫低個遊記, 反而好似無咩心機打返出來, 敝~

6. 又做違心事?

7. 失望。

8/12(三) -- 收工返企食飯; 之後上Drama堂。

8. 好耐無返過工, 開心見返朋友同同事呢。

9. 急就章係全無準備之下, 臨上堂之前背左台詞去, 好彩係幾組入面我地組算係評價較好噶一組呢。

10. 上堂唔記得帶八達通, 係車度同人唱散紙搭車。

11. 之前呀媽幫我過錢比Crystal, 今日我比返晒d錢呀媽, 終於清左2條去旅行噶大數。XDD

9/12(四) -- Bad-end人又攪K, 又要我鄧腳。之後又打來話唔使我去, 好彩。收工前同叻姐傾開佢d野, 於是收工同佢去左附近茶記繼續傾, 到7點幾散, 間茶記個酸辣又ok喎; 返到屋企附近想預約明早睇跌打, 人地都就收工, 佢竟然話幫我做埋, 就做埋啦; Hopes打來, 又要借錢, 算啦, 上次都還到, 今次再信佢, 借。之後同關十四傾左一段時間佢個case, 其實對個男仔感覺麻麻, 不過鐘意就去馬啦, 哈哈; 本來諗住收工可以早返屋企打埋個遊記, 整埋d相, 點知攪攪下自己d野無整過...結果夜一夜先打完post上去, 同埋only整左Day 3噶相...

12. 今日同好幾個人傾偈, 第日真係要收consultant fee =.=; 一直傾人地噶野, 自己呢?

13. 其實今日心情真的麻麻地。

10/12(五) -- 之前簽左簿早上覆診, 可以訓晏d同晏d返; 臨時約左同事Nat姐同JoyceLi唱K Lunch, 估唔到Joyce好唱得! 把聲同唱都OK(聽聞佢老公好靚仔 :D)! 掂呀~~ 晚上肥Pat來, 同佢同呀娟威威食飯; Fontane無飯食, 臨時加入, 仲要收工之後臨時再加埋好同事Kenneth, 六個人一齊去左博康大排檔食飯, 好開心呢; 都係主要講下我個台灣Trip, 講左好多次, 仲要大聲講, 把聲有d累(返到屋企喉嚨痛), 哈哈。

14. Thx Fat Pat for give me iPhone case and also the jeans, haha~

11/12(六) -- 由於人數爆滿噶關係, 今次佢地去Disney我join唔到, 所以無野做。之前果晚食飯, 同Fondue傾開, 約左今日出去hea。先去好耐無去噶SKM貓貓車仔麵食野, 水準keep住, 唔見貓貓。之後去SKM一個攝影節, 係個場抖留左幾個鐘, 感覺好OK呢~~ 自己雖然唔係攝影噶人, 亦都無架生, 但係都覺得好正, 用iPhone影左d相呢。之後係馬會買左張六合彩, 再帶左佢過左SSP食公和豆腐, 再行左模型鋪(敗左家), 再去左綠林食糖水, 大家都累了(來到呢度iPhone無電, 不過返到去睇返好似都無人搵過我哈哈)。6點幾, 本來有d想唱K, 但係2個人唱K又唔多抵, 臨時決定去睇戲, 去左鑽石山(大家都近返屋企), 去到戲院先決定睇咩戲(事先一d idea都無呢), 結果睇"The Town"。事前對套戲一d認知都無, 剩係識Ben Affleck, 係非常之估唔到地好睇, 除左係一般警匪片之外, 好多支節位都做得好好, 同埋成套戲都keep到緊張感, 仲有佢竟然可以營造到我會擔心班賊(佢地係真係壞人來噶), 哈哈哈; 尤其好鐘意個女主角, 好交到戲呢。睇完戲去M記食完野就返企。

15. 今日噶感覺真係好輕鬆, 好耐無試過有一種咁輕鬆同寫意噶感覺。really feel very good, 值得記底噶一日同感覺呢。

16. 今日有一刻感覺好似最好噶自己返左來, 個腦、個心係幾咁清新, 覺得自己好好, 係一個好得噶人, 哈哈哈。What a waste。

17. 今日精選: 今日帶著中左六合彩噶心情食M記。:D

18. 返屋企時係鑽石山MTR站見到有個阿佰扶住另一個阿佰, 好似企唔穩, 過去幫手扶, 即時仲有另一個男仔都埋來幫手呢~ 睇來HK人都唔係真係好唔得姐~~個阿佰好似係飲醉左企唔穩, 之後有站務員來幫手就走了。Feel Good。

19. 好悠閒、無目標、無定向, 無事先plan定噶星期六, 但係又好順利同開心; weekend應該係咁噶嘛~

20. 好耐無睇戲了~~~好開心random咁睇左一套好戲。

21. The Town女主角個感覺好似催時同學呢! 尤其係笑果時~~一路睇有少少一路當係佢, 哈哈哈。

12/12(日) -- BBQ取消左。同usual gang唱K, 到8點, 今日好似無咩氣氛, heahea地咁; 之後去左KT噶印尼野食飯(唔係華苑), 之後散。幾舒服噶一日。

22. 思想上的流氓, 生活上的乖仔, 外形上的斯文男生, 心理上的變形金剛。

23. I suddenly found I lost my destiny, target, and my position.

24. 今日結果都係無去呀源呀爸...果度; 其實我覺得好似唔知應唔應該去呢。

25. 好耐無打雜記(遊記就有), 所以今次好長呢。

來緊:
13/12(一) -- 同魷魚去睇我公司交換禮物果件禮物, 真係麻煩晒。
15/12(三) -- 話劇; 想係之前去醫院探一探呀Mak。
16/12(四) -- 練車
17/12(五) -- 考車 @ 3 p.m., 之後會唔會要搵人安慰下呢? haha...
18/12(六) -- 早上QC Ball Game, 晚上KTG擺酒
5/1(五) -- 毛毛球

完