十月二十六日 -- 飛滋

19/10(一) -- 發燒了; 頭暈身興, 腳浮浮成身無力, 頭都痛痛地, 再加上飛滋又多又痛, 連醫生都"嘩"我咁多; 病假一天。

20/10(二) -- 之前一早約左收工食飯, 所以身體狀態麻麻唔多得都照去。同Bad-End人, Cass民娟食飯。當日BE人好少出聲, 但係佢一身打扮, 講o既好少數野同埋佢噶笑聲同眼神已經令Cass比佢極低評價了。當日我搭車到Jordan行埋到蘋果餐廳時已經無力, 坐係度休息一下先恢復返d, 之後自己(同大家)都覺得仲起左少少燒添; 最大問題仍然係飛滋, 就算以前不嬲生得幾嚴厲都好, 我覺得今次真係一生之中最勁果次, 好辛苦, 好痛苦; 口腔、唇入邊、利底、喉嚨、左右上下都有, 超痛, 仲要係成日都痛住, 吞口水、飲水、食野, 總之一郁就極痛, 加上病又未好, 狀態真係好低呢。食完飯就散, BE人走左之後我地4個再到松記食左個糖水先散。

21/10(三) -- 飛滋持續極痛, 一起身去睇一睇醫生先返工, 醫生都好似無咩乎, 佢話我生飛滋得來, 喉嚨又有飛滋又發炎所以咁痛, 但係食消炎藥又會令飛滋好唔返, 唯有...等佢地好 =.=; 買左個麵包, 諗住食d野先好食藥, 食左幾啖痛到唔想再食; lunchtime食埋果大半個麵包算; 晚上原訂返屋企, 但係唔多想, 於是去行下, 點知係MTR遇到呀Cass, 原來佢等緊呀娟食飯, 同佢傾左幾句(都係講返佢最近果單野啦, 佢約呀娟食飯都係想有人陪佢), 之後我就走先, 去SSP, 食左半個蝦子麵, 痛到食唔落, 諗住流質野好d, 去綠林食西米露, 都係食左一半...之後去左MK, 又遇到熟人, 見到貓姐, 同佢傾左一段時間, 原來佢就來過澳門長做了~~不過好近姐, 隨時見得。之後去Shatin, 再返屋企。遊蕩左咁多地方, 返到屋企都係11點左右, 即刻沖完涼都係11點半前。

22/10(四) -- 仍然同之前一樣, 極痛, 唔再形容了。總之幾日來無好轉過。返屋企, 忍唔住再睇醫生。今次都唔係第一次了, 醫生第一次見我生到咁誇張時, 都"嘩", 仲用好唔專業噶字眼"淒涼"來形容我噶"病況"。佢話唔係因為手足口病又唔係熱氣定咩, 係病毒來噶, 因為抵抗力低, 所以爆出來, 應該係因為之前發燒順便爆左, 不過爆得好誇張; 由於太痛太犀利影響得生活太大, 醫生幫我打左支針, 頂左一晚唔多痛...又第三次換左d唔同噶藥比我了; 信箱收到了, 不過應該唔多關事, 又唔想有d野係口, 多謝了; 過左呀爸度食飯, 好耐無食粥了, 幾日來好耐無試過正正常常食到餐飯了, 真係好, 第一次感覺粥係好食噶~~(其實唔係第一次噶), 難得真係有餐食得夠又唔多痛呢...是晚cass打左來傾, 到半夜佢又發生d野, 又打來...=.= 另外, 唔好意思放左同事飛機無去踢波了...

23/10(五) -- 支針藥效果然係唔會頂到第二日, 好痛; 有d位嚴重左; 中午帶左粥食, 終於有返餐lunch叫正常噶晏食呢。連日噶飛滋折磨, 已經唔單止令我狀態低, 精神不振, 連意志都消磨到無了。今日連條利都痛, 野都唔想講了, 雖然今日成個口來講應該唔係最痛噶一日一但係係最辛苦噶一日。好累。晚上返企繼續食粥。

24/10(六) -- 飛滋繼續困擾, 我噶身體、精神、意志、心情、所有野, 好似都比d野消磨晒, 真係好辛苦好辛苦; 今日左邊口開始好少少了, 右邊好似愈來愈嚴重, 睇醫生原來連d牙肉都開始發炎, 爛了, 好辛苦, 今次醫生開埋抗生素比我食了; 唔記得幾時睇過定聽過, 如果生飛滋生得好勁, 可能係唔知咩癌, 不過而家都無諗呢d了, 只係覺得好辛苦, 好辛苦; 呢日都係好累, 之前果晚好似無訓過咁, 結果全日咩都無做過; 呀cass又打來話好down, 想搵人陪, 又驚係街喊, 結果叫埋民仔上來我家; 呀娟行完山返屋企沖完涼之後亦上埋來, 大家一齊係度睇金雞, 都幾好睇, 睇緊中途哥哥幫呀Cass打左段sms, send左過去個男仔度, 了結件事, 呀Cass又喊; 之後睇完金雞, 都唔早了, 呀娟同民仔就走先了, 呀Cass完全脫力, 話走唔到, 就係梳化訓。好彩有呀哥同佢傾住偈, 我沖完涼躲入房鎖埋門訓了。(後尾Cass好似入左大房訓)是日糧食當然都只係粥。

25/10(日) -- 情況無咩好轉。又唔見得左邊愈來愈好, 已經唔想再打咁多字去表達有幾唔舒服了。其實真係各方面都好差, 不過覺得自己都尚算控制到脾氣了; 仲要照顧呀Cass, 一早又喊一大輪...好似好耐無試過比女仔where住來喊 =.=, 對於唔鐘意身體接觸噶我同埋唔鐘意人地接觸我張床噶我來講真係一個唔多愉快噶經驗(當然都唔多咩身體接觸); 中午Cass同呀哥食飯, 我都係過左去隔離食粥; 下午約左呀Cass呀頭, Cass民娟5個人去左港晶唱K; 其實口痛唱真係比喉嚨痛唱仲辛苦呢...好耐無見過呀Cass呀頭, 好耐無聽佢唱K, 仍然都係得呢; 5個人3點半唱到7點3島, 用埋呀Cass的學生證, 每人一杯野飲送一份茶餐, 埋單$55, 都好抵呢。雖然唔舒服, 但係真係唔多想3日都留係屋企, 都叫出過下街咯。唱完返企8點島都係過去食粥。

26/10(一) -- 放假先來病, 其實都唔係唔好, 好過捱住病返工; 當發覺自己意志愈來愈軟弱噶時候, 放假真係一件好事。究竟今日係好左定係差唔多, 我都已經感覺唔到了。還好, 放假一天。唔舒服再全日係屋企hea, 真係好悶好悶, 好辛苦的, 好彩星期六有幾個朋友陪下我(當然其實主要都係大家陪呀Cass), 星期日又有出下去唱K(當然亦係大家陪下Cass), 如果唔係三日係屋企我諗我會頹爆, 只係今日係屋企一日唔知做咩已經好辛苦了。好辛苦......

1. 今次唯一有好處噶, 可能就係食少左野同清淡左好多, 當減肥; 唔知會維持幾耐呢? 不過我寧願快d好了。

2. 食食下粥, 已經開始習慣, 無以前咁抗拒食粥了, 都OK啦。

3. 話時話, NBA就來開季了。

來緊:
28/10(三) -- 家昇婚禮rehearsal。未必join到了。
29/10(四) -- 同CarolMartin慶Connie生日。Postponed。
31/10(六) -- KTG來HK, 不過唔使夠佢。
1/11(日) -- 家昇結婚, 要做兄弟。
2/11(一) -- Connie生日飯改左呢日。

**********

無眠 -- 蘇打綠; 又係"夏。狂熱"入面噶歌; 成隻碟幾乎都係快歌或者輕快感覺o既歌, 但係收錄左呢隻好唔同噶台語歌; 好簡單噶結他伴奏, 同成隻碟o既style都唔同, 講一個等待者噶心聲, 好聽呢, 有少少以前post過玉置浩二唱"嘲笑"噶果類感覺(當然把聲同feel係唔同噶); 好耐無新歌會聽到我覺得感動呢, 除左首歌好聽同d歌詞之外, 青峰噶演唱都好有關係呢。

http://www.youtube.com/watch?v=qXv7POo5MNI

(後面噶係翻譯噶歌詞)

歌名： 無眠 (失眠)
歌手： 蘇打綠
作曲： 史俊威
填詞： 林暐哲, 吳青峰
編曲： 林暐哲, 蘇打綠
監製： 林暐哲

今阿日月娘那這呢光 (今天月亮怎麼這麼亮)
照著阮歸暝攏未凍睏 (照到我整夜都無法入睡)
連頭毛都沒休睏 (連頭髮都沒得歇息)

你甘知阮對你的思念 (你可知我對你的思念)
希望你有同款的夢 (希望你有同樣的夢)
咱兩人做陣返來那一天 (咱兩人一起返來那一天)
互相依偎的情愛 (互相依偎的情愛)

底你的心肝內 (在你的心坎裡)
是不是還有我的存在 (是不是還有我的存在)
永遠攏底等 (永遠都在等)
有時陣嘛會不甘願 (有時候也會不甘願)

想講要作伙飛 (想說要一塊兒飛)
去一個心中美麗的所在 (去一個心中美麗的地方)
所有的一切 (所有的一切)
攏總尬你放作夥 (全部跟你放在一起)
希望你 會當了解 (希望你　能夠了解)

今阿日月娘那這呢光 (今天月亮怎麼這麼亮)
照著阮歸暝攏未凍睏 (照到我整夜都無法入睡)
親像魚死底花園 (就像魚死在花園)

你甘知阮對你的思念 (你可知我對你的思念)
希望你有同款的夢 (希望你有同樣的夢)
咱兩人做陣返來那一天 (咱兩人一起返來那一天)
互相依偎的情愛 (互相依偎的情愛)

底你的心肝內 (在你的心坎裡)
是不是還有我的存在 (是不是還有我的存在)
永遠攏底等 (永遠都在等)
有時陣嘛會不甘願 (有時候也會不甘願)

想講要作伙飛 (想說要一塊兒飛)
去一個心中美麗的所在 (去一個心中美麗的地方)
所有的一切 (所有的一切)
攏總尬你放作夥 (全部跟你放在一起)
希望你 會當了解 (希望你　能夠了解)

我不管多少時間多少目屎多少失望來忍耐 (我不管多少時間多少眼淚多少失望來忍耐)
我不管你當時會返來 (我不管你何時會返來)
其實我嘛不知影為怎樣為怎樣憨憨等待 (其實我也不知道為甚麼為甚麼傻傻等待)

你 是我唯一的愛 (你　是我唯一的愛)

底你的心肝內 (在你的心坎裡)
是不是還有我的存在 (是不是還有我的存在)
永遠攏底等 (永遠都在等)
有時陣嘛會不甘願 (有時候也會不甘願)

想講要作伙飛 (想說要一塊兒飛)
去一個心中美麗的所在 (去一個心中美麗的地方)
所有的一切 (所有的一切)
攏總尬你放作夥 (全部跟你放在一起)
希望你 會當了解 (希望你　能夠了解)

為著你 我一定等 (為了你　我一定等)

完