十一月十五日 -- 再見大頭文

1. 用左咁多年電腦, 第一次用女仔相來做Wallpaper, 不過張相感覺幾好, 而且個d空白位又o岩好我用, d icon係晒果邊; 幾鐘意張圖呢。大家估下個model係邊個? OK嗎? (答案係呢篇野後)

2. 14/11(三) -- 同Catherinre去幫戴太個女買NDSL; 由於之前一日買左部, 今次完全係抄足去返同一間買, 選返普通o既色仲平多幾廿蚊, $1350; 好快攪掂; 買NDSL之前去左In's Point買左SD Gundam #14; 買完NDSL連續第二日去街市食燒味飯, 仲撞到呀Mak同George添(呀Mak都係連續2日去果度...); 之後仲早, 走左去金魚街睇魚龜貓狗; 係Q-Pet見到好耐無見o既大頭文!! (雖然唔係好肯定, 但應該係) 仍然都係老貓精咁, 唔怕人又任摸呢~~ 行完條街之後走。

3. 15/11(四) -- TKO羽毛球7-8pm; 之後4人一齊去外野手食飯; 雖然食得比之前都少左, 但係都好飽; 仍然好食, 不過大家都係掛住打孖寶賽車, 打到人收工 :P

4. 由於實在太痛, 長痛不如短痛, 加上晚上要食外野手o既關係, 係星期三晚決定壯士斷臂; 話說個個見我咁痛, 都叫我鹽水"浪"口, 當晚頂唔住之下, 水都唔溝, 直接用d鹽隊落條利度(超勇), 當堂痛到個人靜左(無錯, 係無出到聲的), 對眼紅晒(亦都無標眼水), 即時想像到o既係平時睇d古代片, 要折磨人o既時候, 將燒紅左o既鐵隊落皮膚度果種感覺(或者係諗起酷刑"炮烙"), 之後一段時間麻木到唔多痛; 第日起身居然都未好晒, 仲痛緊, 不過都好左d, 到到打完波, 唔知係咪新陳代謝快左o既關係, 好左唔少, 到食野時再食食下已經少左好多痛, 好野。

5. 今日家昇突然拉夫話有星期五晚(即係天日)海洋公園免費夜場飛, 成班舊同學加佢o既朋友一齊去(6-10pm), 不過無答應到去。差唔多成個星期都無返企食飯, 而且6點幾先收工, 又累, 都係唔去了...海洋公園我都係鐘意海洋館果d地方, 佢地去玩機動遊戲都唔係好o岩我, 而且第日又要BBQ。

6 終於睇完三國演義, 個結局實在令人有點唏噓, 生於亂世真係慘; 個尾d人死晒或許老晒, 都唔係好好睇, 不過都好短姐。之後睇咩好呢?

7. 好奇怪, 成日形住個額頭兩邊脫髮, 我唔係咁快禿頭掛? @@ 驚驚。 另外, 不嬲無咩鬚o既我, 而家又枕住有鬚出(唔係好多, 可能係剃過一次就要剃開...), 攪到而家隔幾日就要剃下。

8. 開估: 係Mandy蔣雅文。

來緊:
16/11(五) -- 無例羽毛球...book唔到場

17/11(六) -- Short Week, 幾條村IIA十幾廿人聯合燒野食@CWB

19/11(一) -- 同ConnieMartinCarol食飯, 補慶生日

20/11(二) -- 返大球場火警演習訓練, 6.30pm

21/11(三) -- 俾NDSL Wendy, 唔食飯

23/11(五) -- 例羽毛球

28/11(三) -- TKO羽毛球

29/11(四) -- 去Art Centre睇廣告!

4/12(二) -- 去Art Centre睇廣告!

6/12(四) -- TKO羽毛球

完