當然要學某人咁, 回顧一下05年
由於好可能隨時諗到野update, 所以唔係今年最後一日出
不過唔逐個月份咁講了
一月頭開始, 轉post, 點知轉post唔轉組
工作環境, 性質完全冇改變, 改變o既只係睇o既區同埋老細, 合作o既同事
另外, 讀書方面亦考完試, 等畢業了, 完左一件意料之內o既大事
生日, 印象中真係冇咩特別, 果排實在諗唔起做過d咩特別o既野, 隨左有幾餐飯食之外
年頭好似都冇咩特別野了
春天, 正式畢左業唔使再返學o既我, 同民仔開始工聯會o既上course日子
呢一季一齊報左guitar班, 重操guitar, 當時信誓旦旦即使完course都非要練好不可
不過係完course後慢慢慢慢都係少練左 (題外話, 都係歡喜"鼓")
每星期有一日同老友上下堂, 食下飯, 吹下水, 係好開心o既事
年中, 媽突然重病, 全家都擔心死了
又因為一d少誤會, 屋企人之間又有d問題
煩煩煩煩煩煩煩死了
媽病左2個月, 又到爸病...
好彩到左最後, 2個都好返冇事了
不過2人係疲累左好多就真...
家人有病有煩惱, 令我諗多左好多野...
夏天繼續同民仔工聯, 話劇初階
除左有興趣接觸呢樣野之外, 唔多唔少, 都係想同民仔一齊接觸多d其他人, 識下朋友, 放開自己
又希望我容易同人吹水, 結交o既性格, 可以識到一班朋友, 又可以拉埋民仔入去
結果, 話劇班o既同學係估唔到地好多都好好傾, 好好玩, 識到一班朋友, 又有固定o既gatherings
而民仔係course的過程中, 我覺得係有改變到的, 係有放開到自己的
我自己? 亦有得著呢, 我都可以學到野, 更放開自己之外, 又識到幾個特別熟d o既朋友, 波友
同樣係夏天, 最好o既朋友過去英國讀書了, 離愁別緒又唔多覺, 過去讀一年姐 (不過唔知會做幾耐野之嘛)
係之後o既日子, 先至慢慢感到寂寞左
年尾, 居然冇報一期工聯, 原因係民仔轉工, 未firm新環境
一個咩事都冇發生咁滯o既年尾
慢慢同新識o既話劇班朋友s熟絡
十月, 呢個blog - Y's Place誕生
寫左好多野, 有有聊有無聊, 不過自己幾滿足
暫時都未熱情減退
屋企方面, 爸, 媽, 哥都係為一向煩惱o既野煩惱, 不過06年我有預感會有好的突破
而一堆朋友係全年不同時間為工作, 考試, 愛情, 家庭...etc煩惱
馬, 民, 源, 醫人, 好耐冇見o既翔哥仔, 貓, 麥, MayChan...etc
大家都有同時幾樣o既煩惱, 希望來年都好快迎刃而解啦
愛情, 一句講晒: 心照啦 XDDD =^^=
我都係時候有新攪作了...第一步係密謀轉工
來個cheap cheap slogan先
零六新希望
前路由我創
XDDDDDDDDDDDDDD
Gap仔
完 (隨時再update)
2005年12月29日 星期四
我的零五
心願得償
今年有d咩大事(唔好計d雞毛蒜皮o既小事啦) 係真係心願得償o既呢?
好似成年都冇咩發生過d大事咁, 好平淡o既一年
真正o既心願得償, 可能就係咁樣, 可以一路屋企人, 朋友, 工作...etc各方面都平平穩穩, 冇病冇痛
咁就係最好了
完
鬱悶 + 近況
經常性o既夜半失眠, 加上胡思亂想, 再加埋身體都keep住唔係好好, 令我精神呢排處於非常低o既狀態
狀態低, 又唔舒服, 就更加令到自己鬱悶
平時日頭做野時, 同friends一齊時幸好我又可以忘記到不快o既情緒, 只係臨訓前(經常性訓唔著果段時間)先會咁~ 不過偏偏係臨訓先係咁令我更加覺得辛苦, 究竟我點先可以走出困局呢? >_<
呢排唔想打機, 又唔想成日去街之際, 好彩有keroro軍曹睇
臨訓睇一陣睇到眼訓, 希望可以快d入睡
近來冇咩新衝擊, 希望來緊o既工聯會活動可以識多d新朋友, 同埋都係時候plan定轉工了
如果大家仲有心機繼續睇, 睇到來呢度o既, 就再講下自己d野先
前排有一次, 臨訓前電話同過左外國果位朋友傾左一陣偈
雖然唔係話講左d咩有意義o既野, 又唔係傾左d咩心事, 都係講下廢話, 講下生活, 講下NBA咁
但係傾完之後, 自己係覺得冇咁煩, 開心好多的, 訓之前又唔會諗d咩唔開心o既, 實在係太好了
肉麻都要講句, 地位依然不變呢 :D
Gap
完
2005年12月27日 星期二
聖誕節
聖誕節冇咩特別咁過左了
24/12 hea過
25/12 陪親戚係朗豪坊shopping, 好悶好累的一日, 拿野拿到手同膊頭好痛, 對腳又行+企到痛
26/12 成日係屋企磨o既一日, 睇左d KERORO軍曹, 好好笑
27/12 仲未到, 應該係比較有意義o既一日, 同民仔, Sam同呀勁食飯
聖誕禮物收穫: 同同事交換禮物返來果份垃圾同埋公司抽返來o既杯一隻
2005年12月23日 星期五
講下"眼睛"
- 無靈感, 純粹突然想寫下怪談, 又唔想寫"鬼" (因為真係要好長篇幅先得)
- 篇幅短, 好多野都交代唔得清楚
- 為左怪而怪, 有好幾個地方都好唔合理
- 用字, 分段, 標點都太求其了, 不過係公司寫o既, 又冇時間慢慢斟酌, 係咁上下了
- 下次仲未諗到寫咩題材
- d人名係用速成是但打2個碼, 之後係個堆字入面揀出來的, 係冇諗過的 :D
十二月二十三日
1. 尋日公司X'mas Party (當然唔係公司出錢, 係d攪手屈老細們出錢), for我地果面office的staff only, 不過都有百幾二百人, 去小肥羊, 食任食點心, d野食都OK啦
2. 玩遊戲送禮物玩到點半先開始食野...d攪手都唔知攪乜的
3. cheap cheap地都抽到隻IKEA(宜家)的杯
4. 最後食到3點先返公司 :D, 冇得早放o既補償
5. 放工風風火火趕去沙田新城市買份禮物 (鳴謝呀威專登陪我一齊去), 再趕返屋企食飯, 不過都成家人等緊我 @_@
6. 觀塘塞車, 7點半返到屋企, 都唔算好晏了
7. 今晚同呀Sam, Mandy食飯, 唔知佢地會點呢?
8. 尋日開始, 終於都寫完個故仔了, 冇深思熟慮, 篇幅又短, 唔多得
完
短篇 -- 眼睛
眼睛
"每個人在背後, 都有一對眼睛看著你哦~"
小垙用詭異的語氣說
小垙, 小文, 青煬和鳳艷四人在這暑假一起去渡假營
在夜裡, 他們就關掉了燈圍坐著說恐怖故事
說得最好的可算是小垙, 輪到他說的時候, 總會說得使人頭皮發麻, 聲色俱全, 十分真實
膽小的鳳艷是最大的受害者, 她每每在故事未到高潮就已經怕得不敢再聽
小垙就在這半夜當頭, 卻說了一個不是鬼故的故事
"其實在每個人背後都有一對眼在看著他, 無論你在做什麼, 它都會知道, 永遠逃不掉的"
"不過, "它們"不一定會給你留意到, 也不一定會對你做什麼, 可能就只是這樣靜靜地看...著...你..."
"鳳艷...你...你看!! 你看你後面!! 在看著你呀~~!!" 小文突然大叫
"呀!!~~~~ >.
小垙繼續 "這可不是開玩笑的呀! 剛才那些鬼故都只不過是創作出來的, 但"眼睛"卻不是說笑的呀~"
"那眼睛並不是實體來的, 也不會直接對你做成什麼傷害, 只是看著你做一切事情, 看著你的對錯是非, 一直到死它才不知到哪裡去..."
"不過, 曾經有人做錯事, 被"它"看著, 最後也不得善終呢~"
"哈! 小垙, 你想嚇人就說鬼故啦, 想轉用這種方法是嚇不到我的! 光怪陸離, 不知所謂!" 膽大的小文完全不怕
"不信就算吧! 反正也波有什麼分別啦, 都逃不掉的!"
"小垙你怎麼突然神神化化起來..."
一夜過去...
大家都再沒將昨晚的故事放在心上, 快快樂樂地渡過了最後一天的宿營
小文回到家中, 發現家中無人, 只見桌上留了媽媽的字條 "文: 爸爸媽媽有點事要一起回鄉下, 打電話給你打不通, 你就乖乖的自己在家中幾天吧..."
小文十分高興 "哈~ 爸媽不在, 可自由了~"
他立刻打電話給女友 "鳳艷, 這幾天我家沒有人呀, 快點來吧~~"
"哼, 你常常嚇我, 我可不理你呢~"
"來吧來吧~機會難得呀~~ 最多我呵返你, 好嗎? ^__^"
"嗯...現在很夜了, 今天不好啦, 明天啦..."
"好啦...那你明天要來哦~ 呵呵~"
"女友明天來, 要準備很多東西呀...又要買這買那, 真麻煩...又沒錢...呀!"
小文靈光一閃, 想到反正父母不在...不如...偷偷去找找他們的財物...
一想到就去做, 他走到父母的房中, 開始在抽屜, 床下找他爸媽收著的錢
"啪!" 一聲異響, 嚇了小文一跳
"噓~~~ 嚇死我了, 原來是雜誌跌了下來呀~"
繼續找...
在他心中卻突然一點異樣, 響起了小垙的說話
"每個人在背後, 都有一對眼睛看著你哦~"
"我才不信呢!"
"格!" 又一聲響
"又來?! 這次又跌了什麼?" "哼! 少來! 我只不過拿爸媽的錢用, 有什麼問題?!"
"格!格!" "什麼事?!"
小文開始有點驚慌, 離開了房間
"格!"
"我停手了呀!! 你想怎樣?! 究竟發生什麼事? 又不見有什麼跌了下來呀!"
小文緊張的四處找, 又找不到屋內有什麼異樣
"我就不信你可以做到什麼, 看看看, 看什麼看!"
全屋靜止了...只聽到小文自己的喘息聲...
他冷靜了起來, 覺得自己很傻, 居然會給幾聲聲響嚇到
他想找出"格!"的聲音來源, 以安定自己, 可是卻遍尋不獲
猶豫之際, "格!" "格!" "格!" "格!" "格!" "格!" "格!" "格!"
聲音連續響起! 快而急速, 挑起了小文的恐懼
"在哪裡?!在哪裡?!在哪裡?!" "我要打電話給媽媽! 我要打電話求救!"
"鈴鈴鈴鈴鈴鈴鈴鈴鈴鈴~~~" 電話卻在此時響起
他很怕, 但也拿起了聽筒 "喂? 喂喂? 是誰? 是誰呀? 出聲呀!! 喂?!"
沒有人回答
"呀呀呀呀呀呀呀呀!!!"
小文打電話給媽媽 "你現在打的電話號碼, 暫時未能接通..."
"媽媽回鄉下, 打不通呀! 對! 打給鳳艷!"
"你現在打的電話號碼, 暫時未能接通..."
"為什麼!! 為什麼為什麼為什麼為什麼!!"
就在此時, 門鈴響起 "叮咚!"
小文看一看時鐘, 已經是半夜2時
"叮咚!""叮咚!""叮咚!"
"格!""格!""格!""格!""格!"
"救命呀!!! 不要呀!!!"
小文衝去窗口旁, 看著大門, 怕有什麼會走出來
"叮咚!""叮咚!""叮咚!"
"格!""格!""格!""格!""格!"
"拍!拍!拍!拍!拍!拍!" 拍門聲
"救命呀~~~~~~" 小文一不小心, 向街外一跌而下...
窗外街燈照著屋內媽媽的字條 "文: 爸爸媽媽有點事要一起回鄉下, 打電話給你打不通, 你就乖乖的自己在家中幾天吧, 還有, 要幫手餵舅舅暫託的給我們幾天的貓兒哦~"
大門外...
"可惡的小文! 叫人家來, 來到了卻不來開門, 睡死了嗎! 打電話給你又剛剛沒電...哼!"
每個人在背後, 都有一對眼睛看著你哦~
完
2005年12月22日 星期四
十二月二十二日 -- 雜記
1. 無咩好講, holiday mood, 冇心機做野, 但係月尾前要交份大report (CMBS), 不過應該做得設o既....
2. 聖誕都係唔知d時間點
3. 今日係呢排最凍o既一日, 唔多怕凍o既我都覺得凍呢~~
4. 冇咩講了
Reminder
1. 星期五同Sam, Mandy食飯
2. 31/12 BBQ with colleagues B group
3. 俾野呀貓同上佢屋企hea~ (遙遙無期)
4. 聖誕禮物籌備 <------completed 90%
5. 27/12 gathering with 民, Sam, King, Carmen; Law仔 and Ken not firmed
6. 24/12 - 26/12 未sure
完
2005年12月21日 星期三
醫生與我
最近自己的身體keep住不妥, 不過某d好友又剩係會留意另外的好友, 冇留意我 :D
個自己o既健康都唔好, 經常性睇醫生, 中西醫, 物理治療, 仲有其他各種類型o既醫生都睇過
又係藥罐一名, 不過又唔會唔鐘意食藥
因為成日食, 所以食藥食得好慣, 可以唔使用水就咁吞幾粒藥添
至於心病, 有o既都好難解決, 唔多關事了
完
十二月二十日
今日上whole day seminar, 不用返office做野, hea了一日
今日同同事夜晚打邊爐順便慶祝聖誕, 係MK打邊爐任食$60位, 好抵
不過就污糟d, 冇咁乾淨
交換禮物, 抽中左一份係人都唔想要佢份禮物o既人果份禮物 :D
我俾人果份都OK, 唔差呢~
完
2005年12月19日 星期一
賭 2
人生好多野都好似係賭一鋪, 尤其係一般o既小市民, 小人物
其實好多野, 都係係某d人o既控制之內
不過係度我無意討論政治經濟
作為普通人, 好多野都好似係賭一鋪咁
除左買股票, 六合彩; 有好多日常生活o既決定其實都有少少似
搭地鐵一定唔會塞車, 但係巴士舒服d, 博唔博下搭巴士呢?
ABC餐唔知邊樣好食, 叫焗飯會唔會穩陣過炒飯呢?
交波俾邊個好呢? 2個都唔係俾人mark得緊, 呀A會唔會準d呢?
只不過, 呢d野唔係純粹50%估, 可以有information支持, 幫你揀一個大機會OK的選擇
係戀愛上, 又似唔似賭博呢?
究竟對方愛唔愛自己呢?
佢知唔知自己係鐘意佢o既呢?
同佢一齊左, 會唔會開心呢?
告唔告白好呢?
......諸如似類
呢d野, 一樣都係會有d information去幫助諗下是或否
不過身在局中者好難分析到咁解姐
不過, 既然係愛對方o既, 又何必諗咁多對方愛唔愛你?
佢愛唔愛你, 你應該都係愛佢架啦? 唔會因為話佢唔鐘意你你就唔鐘意佢啦?
你去買大細, 未開之前都唔知大定細架啦, 咪一樣係要落注知後先知自己係輸定嬴
話唔定圍骰通吃呢?
完
賭
澳門行, 少不免賭場一遊
我地一行人都冇賭一手, 只係作壁上觀, 我自己見到d人賭則有一番感受
果日行過幾個賭場, 係"金沙"逗留得最耐; 幾大, 裝修幾靚, 又冇咩煙味
係d賭桌睇人地賭, 廿一點, 大細, 百家樂等等
好大部份都係內地客, 出手闊綽
即使係最低果層落注最少o既區域, 一出手就掉幾千蚊出去
有時一局一萬, 十幾廿秒就冇晒了~ =.=
我地一個月辛辛苦苦賺o既錢, d人可以十數秒就全不介意豪左去, 太可怕了
賭錢呢樣野真係好得人驚
有時諗, d內地人咁有錢, 如果口才有返咁上下, 巴結下佢地, 掂佢地
一萬幾千係佢地眼中又跟本就唔係d咩野
佢地俾d貼士或者零頭, 可能已經可以有排使了...
打工真辛苦 一_一"
完
行情﹒閒情
對我來講, 一向都冇咩閒情去睇d咩行情
金融, 股票, 政治...等等, 我全部都會睇同留意下新聞
但係真係無意討論同研究
反而一路有閒情去留意o既行情, 就係某幾位朋友(尤其係K君)係某d方面o既行情
K君呢隻股, 自從上市呢幾年來, 波幅上落好細
冇咩水食, 而且就係因為波幅細, 愈來愈令人灰心
不過, 我又未睇淡佢, 因為係同業入面, 又冇咩競爭
會唔會遲d因為有競爭或者有外圍因素影響
對呢隻股有突破性o既影響呢?
完
又到聖誕
今年聖誕唔知會點過
澳門同內地o既親戚都會來幾日, 又會去四圍行+購物, 要同佢地買圍磨, 唔知要陪邊幾日
屋企會多左人訓, 熱鬧左好多
反而friends果面就唔知點...
中學同學睇個勢冇野攪...(冇左d key人)
呀貓果面未有聲氣 (唔知佢地點, 好似話25號正日食飯? =.= 即係我join唔到)
話劇同學更加唔似會有野攪 (打邊爐應該攪唔成)
不過點都要好好地咁抖下, 同埋唔多想去街同人逼了
前幾日係街見到Gundam資料集4本, 詳細過一大本o既MS大全集(有彩圖又有d內部mechanics)
買左來當係自己聖誕禮物算了
澳門行
由於舅父一家住澳門, 所以好細個開始都已經成日去澳門, 都冇咩地方冇去過
(年中澳門果面o既表親同我地都會去對方屋企幾次)
反而就好多野未食過, 賭場又冇點去過 (剩係去過一次葡京)
今次去澳門, 食左好多野, 豬扒麵, 葡撻, 大菜榚, 燉奶, 燉蛋, 芒果豆腐花...etc
又去埋金沙, 水晶宮, 葡京, 法老王, 不過一手都冇賭過 :D
澳門美食+賭場之旅, 星期六開始, 星期日晚10點半返到屋企, 完了~
另外, 今次的其他收穫, 除左玩呀B之外, 就係見到表哥的女朋友同表妹的男朋友
表妹同佢男友拍左都唔係好耐拖, 但係2個月後結婚了~~~
(係奉父母之命, 唔係攪出左人命, 大家唔好亂諗野)
完
好味
2005年12月16日 星期五
十二月十六日 -- 數日雜記
1. 星期三果晚8個人但係氣氛幾熱烈, 好開心, 可惜我狀態低左d
2. 呢排幾好訓...不過朝朝都唔想起身 :D
3. 健康真係好重要...btw, 源...你媽無事o既 ~~~ >﹏< ~~~
4. 再度感興: 識到多一堆friends真係高興
5. 鼓V2 打左首新的long version, 第一次打就過左~ 首歌唔錯呢~ ^^v
6. 三國無雙間唔時都仲有玩下~ 咩話? 模型? 呀...哈哈哈... :D
7. 星期六日決定左係去Macau, 又可以見到個肥B了 :D
8. 唔知Macau凍唔凍
9. 今晚同呀源食米線 :D
完
2005年12月14日 星期三
Mood
Mood係一樣好主觀o既野, 但係好容易俾好多客觀因素影響
Mood都有好多種, 基本上, 好多野都要有mood先做
不過好多人就濫用左呢樣野, 咩都要mood
係mood之餘, 係咪應該仲有好多野要考慮呢?
可行性? 承諾? 需唔需要? 別人感受?
做人太依本子辦事唔好, 但係太過俾情感控制亦都唔好
又係老調重彈: 中庸之道
今晚好多人放飛機, 我都冇mood去了
當然, 我會去
完
十三號晚臨訓前的"靈感"
事先聲明, 由於個topic牽涉好多野, 而且我果時個思路又好複雜, 我儘量以我有限o既表達能力去講, 睇唔明就算啦, 仲有, 如果睇開唔該睇晒去, 唔好對我有任何誤會
尋晚臨訓前, 又突然諗到好多唔開心野, 冇得解決o既野來o既 (有d係好人生o既野)
我個人衰就衰在平時好難訓著, 而且訓係度等訓著o既時候就算係累同眼訓都好, 個腦都會逼我係咁轉係咁諗野
阻止唔到...
話說係度唔知做乜諗野,好煩o既時候, 冇信仰o既我突然諗
"如果真係有神, 如果我有信仰, 信神o既話, 咁我係咪唔會煩, 而且會平安喜樂呢?"
當時, 我可能係迷糊之間突然有一野係嘗試去"信"左, 或者係嘗試去"接受"左
唔係講笑, 果下突然之間係平靜左好多, 唔再煩果樣野...
原來人o既精神係好脆弱, 好容易有事就會要"精神寄託", 好容易就會賴"神"
一依賴左, 就會慣性依賴, 有事起來個心靈都有樣底線頂住
而且有d野, 一信左, 就會好自然將一切o既野牽涉晒去果樣野度
但係永遠講出來, 唔信o既人就點同佢地講都覺得冇說服力~
打個比喻, 有樣野又係大部分人都係咁的:
你覺得一個人OK, 佢做d咩野, 都會OK, 反之亦然
一個有好感o既人, 佢做左樣o岩o既野, 你會話"我都話佢好架啦~"
佢衰左, 或者係做d錯o既野, 都會話"佢咁o岩今次姐" "佢唔小心姐"
相反, 一個你不嬲都唔順超o既人, 佢做好野, 大家都可以話"車, 扮好心!" "都唔知有咩意圖"
做錯野就更加唔使講啦...
(講樣唔關主topic事o既野, "第一印象"真係好緊要...)
講返個比喻, 當你信o既時候, 好多野, 你都可以話係"安排"
好事發生, 可以覺得係"佢"俾你o既恩澤
唔好o既事, 可以係"挑戰", "考驗"
同時, 有好多野都可以係早有安排, 早有定數, 不要問, 只要信
我並唔覺得個宗教有任何問題, 而且係某程度來講係好添
而且的而且確好多人o既"心"係平安好多, 開心好多, 係好值得appreciate的
不過, 始終"信" "唔信" 呢樣野太過難令人妥協, 信則信, 信唔到都冇辦法
呢d野冇可能用實證來俾到人睇, 全憑個人一剎那體驗only...
如果我從此信左教, 從此返教會, 相信我尋晚果一剎那o既平安喜樂同"感覺"絕對可以拿來做分享
可惜
完
仲有, 有機會, 真係要講下"假道學" (又係以我o既組織能力好難講...)
十二月十四日
1. 返工o既時間一樣都係做做做, routine野, 好悶
2. 今晚又少2件, 除左呀寶之外, Albert同Susanna都來唔到, 另, coupon印了, 仲要buffer左, 2張 (彩色 :D)
3. 尋晚訓覺發生左件得意o既事
4. 原來我真係幾鐘意打d唔使點用腦打打打殺殺殺o既game =.=
5. 鼓機新一代Drummania V2出左, 貴d都打一鋪, choose左果幾首歌幾好玩! o岩我feel! 正呢~
6. 講返起, 已經有幾代鼓機o既OST買唔到了,好好好好好好好好想要!! >__<
7. 自從幾代前開始(即係返工之後 =.=), 打少左好多, 不過發覺自己仍然係鐘意打o既, 同埋少打但都有進步呢~
8. 下午...low mood...呀...放工之後又要磨時間...今日絕對絕對絕對絕對絕對唔會留係公司! (除非真係有野攪)
9. 世貿會議...俾我o既感覺同d貧窮農民o既意見一樣, 美國同歐盟o既人都係(*&^$*^#%(*^%$%$$%$###&!!!
10. 真真真係要寫下文章
11. 大家都真真真係唔會留comments..................
完
十二月十三日
1. 今日同friend食飯 (舊同事來的), 傾開好多好多野, 傾下公司野, 傾下朋友野, 傾下朋友d煩惱咁, 傾左好耐, 幾開心~ 不過有d死結(朋友o既死結)大家都發覺好難解開~
2. 幾開心, 因為幫carol姐 (即係個friend)解決左件煩事 (希望之後OK啦~ ^^)
3. 煲仔飯好好味, 木糠布甸好好味, 芒果pancake好好味~ :D~
4. 明天gathering, 愈來愈少人來了...
5. 估唔到尋日早訓, 今朝起身都仲有d頭痛
6. 之前print的coupon好似唔見左, 明天記得再print過
Previous Reminder:
1. 星期二同呀寶 & Carmen食lunch @ 東大門, 好彩記得 @_@ <----completed
2. 俾野呀貓同上佢屋企hea~ (遙遙無期) <----------繼續遙遙無期
3. 星期一/二同Crsytal姐食殘忍飯 (睇下搵唔搵到人一齊去) <---completed
4. 十二月之星on 13/12 at Kowloon Bay Ruby Tuesday (記住print coupon出來) <----tmr
5. 18/12 BBQ with Drama Classmates (攪唔攪得成??) <---攪唔成
6. 等呀源考完試(9/12)慶生 (9/12 or 10/12) <--------completed
7. 聖誕禮物籌備 (有d了) <------completed 90%
8. 過澳門 (遙遙無期x2) <----coming Saturday
9 . 星期四............ <----completed
10. 一堆模型要交收 (終於要賣d俾人了) <-----completed 90%
11. 突然收到電話, 來緊星期六無啦啦有個飲野聚會, 10.00pm-3.00am, 不過我唔知得唔得 <---end
New Reminder
1. 十二月之星on 13/12 at Kowloon Bay Ruby Tuesday (記住print coupon出來) <----tmr
2. 再搵呀源食飯 <----Friday
3. 下星期一同Cyrus食飯
4. 20/12 hot pot with colleagues A group
5. 31/12 BBQ with colleagues B group
6. 俾野呀貓同上佢屋企hea~ (遙遙無期)
7. 聖誕禮物籌備 <------completed 90%
8. 過澳門 <----coming Saturday
9. 一堆模型要交收 (終於要賣d俾人了) <-----completed 90% (欠一)
2005年12月13日 星期二
宿命
前排忙完幫人考牌, 忙完senior臨放假清野, 忙完上堂, 總之忙完一輪之後, 零五年完前呢幾個星期又可以閒返少少
又開始接觸返d friends的戀愛煩惱~
原來我接觸到o既煩惱都算幾多, (當然已經唔計網上見到人講果d)真係咩都有~
有長年苦戀無結果, 有一時意氣攪唔成, 有timing唔o岩惹誤會, 有痴惘心想想唔到, 有單方面委屈無怨無悔, 有拖拖拉拉, 有廿幾歲仔/女未拍過拖, 有拍拖多年分手, 有長年異地相戀, 有les, 有gay... (未能盡錄)
(大家唔好對號入座, 好可能唔係講你)
有d人有問題發生, 就成日都話"唉, 我係咁架啦..." "我呢世都係咁架啦..." "冇得救架..." "我預左係咁架啦..." etc etc...
有一樣野我好唔鐘意o既就係"宿命論", 平時拿來講下玩就好, (好似我o既"等車魔咒"咁), 但係一有咩唔得就賴"宿命", 真係係好唔要得o既做法, 完全係唔積極o既諗法
如果係跛o既, 唔跑得好正常; 如果係有智障o既, 諗唔到野都好正常;
行得走得食得訓得, 有咩係唔得架啦? 最多都係"冇咁叻"姐~
能力上o既野係其次, 好似話計數, 工藝, 運動呢d, 都有天資o既差距 (但係都有得努力)
"戀愛"呢樣野, 更加係冇得講; 冇錯, 條件差d, 係機會低d~
但係有冇試過努力? 有冇行到適當o既步伐? 有冇後悔過之前有/冇做到某d action?
而家d歌好興"慘情", 話劇呀Sir Jason問過我地 "知唔知點解人會對呢d野多d共鳴?"
唔係因為人係負面d, 唔係因為唔開心會傳染, 係因為"唔開心o既人多過開心o既人", "多"容易影響"少"
有時d野明明個情況唔係咁差, 點解要諗到咁差咁慘? 點解"被害意識"要咁重? 諗野做咩要咁唔開心?
另一話劇Miss"圈圈"亦都講過, 平時咁多唔開心野, 點解仲要聽唔開心o既歌? 好認同!
總之, 大家應該好好地諗下自己o既位置, 自己所擁有o既野, 企出自己個身處o既地方少少(呢個好抽象 :D), 就會睇到, 自己有幾幸福~
另, 戀愛並唔係人生o既唯一
希望我可以帶俾我身邊o既人"開心"
p.s. 下次有機會, 再講下我其中一樣最最最唔鐘意o既野---假道學
2005年12月12日 星期一
十二月十二日
1. 奶野了, 頭痛了
2. 掙扎緊返7座叫外賣/自己煮d野食, 定係過5座食, 都係過5座算
3. 今日係senior大假最後一日了~
4. 今日返到去, 都係唔多想望住個mon, 正好砌模型
5. Heat贏波~~ Shaq出得返了~~
6. 好想搵日食快富早餐~ 好味呢~~~~~~
7. So far呢度仍然冇攪作...
完
十二月十日 + 十二月十一日
1. 星期五呀源考完試, 難得約齊呀葵, 呀隆同婷婷5個人一齊慶呀源生, 去左唱K, 埋單婷婷請我地...
2. 星期六long week, 一放工就返TKO買"食送", 返屋企煮完食, 再"業"埋晚餐, 3點幾突然狀態暴跌, 一訓訓到7點幾...星期四開始已經狀態麻麻了
3. 煮返好耐冇整o既肉餅, 原來之前整來整去都硬硬地, 係有秘訣攪掂的, 就係: 蒸之前加少少凍滾水
4. 晚飯再戰雞! 又係有秘訣: 原來臨尾加水關鑊蓋煮一陣就會熟透, 再來炒菜+滾湯, 呢d咁易冇問題啦~
5. 聽返好~~耐冇聽o既"櫻通信Original Sound Track", 真係好好聽! d純音樂好正~~ 果時唔知係咩來, 是但買左呢隻碟, 估唔到係好野~~ (究竟"櫻通信"係咪咸野? @_@)
6. 食完晚飯, hea, 訓
7. 星期日, 抖+打機o既一日 (又冇砌模型... =.=)
8. 星期六+日, HARD MODE, 用貂嬋爆呂布傳 + 用祝融爆南蠻傳, 來緊想用甄宓或者月英
9. 明天係最後一日Senior放伯3大假, 最後一日free day了~ (仲要下午同事出site, 哈)
10. 又係時候................訓!
完
2005年12月9日 星期五
健康
健康真係好重要
一個人年紀仲後生, 好多野都可以捱到, 唔代表過左三十歲都仲得
而且而家捱壞左個底, 以後就好麻煩
唔好話三十歲啦...而家o既狀態同讀書果陣都差好遠了
以前夜訓, 四圍行行幾粒鐘, 連走幾場都仲好精神
而家? 冇呢回事了...
身體同精神都差左了, 身體易累唔在講, 精神都經常性唔係100%, 諗野都差左好多...
真係要小心d生活習慣, 起居飲食了...
好可惜, 有d野逼到我一定唔掂的 e.g. 訓唔到...etc
十二月八日
1. 順利過骨, 冇咩特別 (不過終於都要"手禁"錢了, 雖然唔一定用得著, 不過有備無患)
2. 呢排放工成日都要等人...等等等...好鬼慘, 最驚就係冇野做, 仲要一個人磨, 完全係:
天色已漸沉, 落日如暮燈, 深深深
天色繼續沉, 誰人在放工, 等等等 =.=
3. 活動陸續有來...放工經常性係咁唔得掂
4. 原來完全冇考慮過買聖誕禮物俾自己, 買野好唔好呢? 不過...買左都係擺姐... =.= =.=
5. 我要裝real player, 係屋企睇軍曹~~~!!
6. 今日晏左d...要訓了
完
2005年12月7日 星期三
shiritori
講下我係email或者網上點解經常性用"shiritori"呢個字
shiritori係日文來o既, 個字本身係日本一種遊戲來o既
個遊戲類似係中文o既"接龍" (曾經唔記得邊個老點我話係劃鬼腳)
即係好似咁: 肥貓, 貓仔, 仔女...etc 用返上一個詞語尾果個字來接落去
而日文就當然係以音來續啦~~
以下係英文解釋:Shiritori (しりとり) is a Japanese word game in which the players are required to say a word which begins with the final kana of the previous word. No distinction is made between hiragana, katakana and kanji. "Shiritori" literally means "taking the bottom" as Japanese language is written vertically.
個字o既解釋講完，其實同我點解用佢都唔係好關事
主要原因，係打鼓機入面有首歌名就係shiritori
本身好鐘意首歌，好聽，ｄ歌詞好正，次次聽到都會覺得開心，而且打落都好玩(有ｄ難．．．累)
亦都因為呢個原因，係網上就經常會用到呢個字了
好過用ｄ成日會見到又冇咩意思ｏ既字，好似Zaku, GM, Seraph...等等以前用過ｏ既字咁
講返起，都好耐冇打同聽過隻歌了~
完
自私
人都係自私的
無論有幾好人, 幾寬大為懷, 幾冇所謂都好, 人唔多唔少都係自私o既
呢樣野好正常
講到最難聽, 有d人o既論調係可以令人覺得對"人"灰到爆的, 例如話:
"其實人對人好, 人要施捨, 都係因為"自私"咋嘛, 佢地要滿足自己o既心, 所以做呢d野, 令自己覺得舒服"
"到你就來死o既時候, 你仲會唔會理到人地o既感受? 你就來浸死, 會唔會救埋旁邊d人?"
"你會唔會俾你女朋友俾人分享呀?"
諸如此類o既說話...
我係呢度唔想批判呢d人o岩唔o岩, 或者批評呢d說話有冇道理;
每個人都有自己o既經歷, 自己o既體驗, 而會有自己o既道理, 冇話咩係絕對錯的
有d人覺得, "人不為已, 天誅地滅", 所以一切o既野都以自己行先, 我都唔覺得有咩大問題
最緊要係貫徹始終咁行自己o既路
咁, 究竟幾自私先係最好呢? 點樣先做到最唔乞人憎又可以維持到自己o既利益呢?
呢樣野又係中國古人講o既一大課題: 中庸之道, 相信好難有人做到perfect的
我自己覺得, 人就算以自己行先, 但儘量唔好對其他人有壞影響, 咁就OK了
不過, 最抵死係, 如果做自私又對其他人有影響o既行為又俾其他人知道你的動機同原因, 就真係樣衰了
2005年12月6日 星期二
十二月六日
1. 班話劇同學開始冇點覆email, 唯有遂個打電話問同約...
2. lunch同呀寶同Carmen食飯, 哈哈, 食到好晏... :D
3. 夜晚同Crystal姐去觀塘食煲仔飯, 好耐冇食呢~~~ 好味呀~
4. 又賣左幾盒模型, 繼續唔使"手禁"錢...
5. 星期四...
6. 聽到個消息...星期六應該唔會去孖星果度了
7. 早知剪短d頭髮
8. 明天又上堂, 差唔多last了~~
9. 返工繼續無聊, 明天可能要係度寫下小說了
10. 訓
完
2005年12月5日 星期一
十二月五日
1. 雖然眼訓, 不過都update下
2. 個blog真係要搵d攪作, 攪咩好呢?
3. 開始賣咁d仔了...來緊仲有...砌唔晒都冇辦法, 又唔夠位擺...
4. 好一段時間冇"手禁"錢了, 個銀包又keep到有錢使噃, 點解? 並唔係因為我用EPS或碌咭(熟我o既都知我好少用) 原因係呢2個星期以來, 一路都有人還錢俾我, 一係就賣左d模型等等, 一路都唔使去櫃員機, 都有錢入袋~ 哈~
5. 呢個星期延續放工多野攪, 不過原來諗諗下都係因為要上堂, 先至好似令到d唔返屋企o既時間多左, 上堂係呢個星期last了~
6. 下個星期開始應該會空閒d砌下模型啦掛?
7. 星期六晚唔知會點, 究竟孖星想攪咩呢?
8. 星期四究竟又點o既呢?? =.=
9. 明天繼續唔想返工, 而家每一日返工時間都係以"放工有野攪"來支持住來捱到放工
10. 要訓了
完
2005年12月4日 星期日
桃園三只豬3
欲知前文，請看http://kmw2005.blogspot.com/
另一方面，大豬，二豬和三豬都為了自己的未來而努力搭建自己的安樂窩～
但因為他們都沒有經驗，所以不知道應該如何搭建～
大豬選擇在農莊打工，進行建設工事，二豬選擇到外地闖闖，而三豬則從事研究工作
三只豬都努力邁向自己的目標，但他們都各自遇到困難
三豬最大的問題就是傳宗接代，他的家對他各方面寄予厚望，但他雖然在工作上順利
但卻得不到心頭所好 (無敵是最寂寞～最是痛苦......願得知心愛伴～忘劍道～～)
他的心頭好--小G是一頭很吸引的母豬，她雖然和三豬十分熟稔，但卻遲遲未能與她傳宗接代～
使三豬很著急～～
恰巧地，甲獸也認識小G，也唾涎她的美色，正計劃著如何把一眾美女弄到手...
欲知後事如何，請看http://ohmygap.blogspot.com
家長日
相信大家讀書時年年都有家長日, 唔知大家o既心態係點呢?
由於我成績一向普普通通, 係學校又唔會好曳, 所以次次家長日都好廢
老師都係例牌果幾句, 冇咩特別comment~
所以都唔點會有緊張o既感覺, 係派成績表果下會緊張d
由細到大都好少見家長(除左家長日之外), 因為都好少犯事
雖然都有試過, 不過真係唔多, 而且都冇咩大鑊野
突然要見家長, 係一件令人十分洧底o既事
完
十二月四日
1. 呀源明天考試努力! 同埋你媽無野o既!
2. 今日打波, 唔知係咪呢排少打, 好快冇氣, 不過打得OK啦
3. 打完波如常同民民去食飯, 之後磨一輪再齊齊搭MTR返企
4. 打完波時一個電話打來...=.=
5. 同民仔磨完出TKO MTR, 見到外面有組織攪"05西貢才藝出頭teen"<--something like that, 令我注足左成個鐘, 因為有Live Band表演
6. 睇Live Band實在係好正, 雖然係d十幾廿歲o既年輕人, 但係佢地玩得好好, 好有水準, 有好多人圍觀呢~ 睇到完場, 返屋企時, 有所感慨, 原來自己都唔係年輕人teenager了 =.=
7. 睇Live Band, 我最留意o既當然係鼓啦~ 好正! 不過, 平時睇其他人d表演或作品, 無論係結他, 琴, 或者唔係樂器係手工藝, 運動, 模型...等等, 都會覺得自己無可能/好難去到果d境界, 反而今日睇Band, 覺得自己如果去學去練, 我係有能力打到鼓的, 雖然仲差好遠, 但係發覺自己好多野都跟到, 睇得明~
8. 天氣開始凍了, 係我o既天下了, 哈哈哈 (Just Gap Talk)
9. 星期五請病假冇左件事, 唔記得打俾OO睇駱駝男...sorry OO <---冇出reminder唔記得左...
10. 返到屋企先發覺左手有d問題, 一用力即刻軟晒, 用唔到力
又來Reminder:
1. 星期二同呀寶 & Carmen食lunch @ 東大門, 好彩記得 @_@
2. 俾野呀貓同上佢屋企hea~ (遙遙無期)
3. 星期一/二同Crsytal姐食殘忍飯 (睇下搵唔搵到人一齊去)
4. 十二月之星on 13/12 at Kowloon Bay Ruby Tuesday (記住print coupon出來)
5. 18/12 BBQ with Drama Classmates (攪唔攪得成??)
6. 等呀源考完試(9/12)慶生 (9/12 or 10/12)
7. 聖誕禮物籌備 (有d了)
8. 過澳門 (遙遙無期x2)
9 . 星期四............
10. 一堆模型要交收 (終於要賣d俾人了)
11. 突然收到電話, 來緊星期六無啦啦有個飲野聚會, 10.00pm-3.00am, 不過我唔知得唔得
完
2005年12月3日 星期六
十二月三日
1. 今日又係hae的一日, 冇咩點打機, 成朝係度同民民開ICQ一齊睇NBA, Heat作客贏Kings, yeah~
2. 個blog好似愈來愈無聊了, 變左日記咁, 要搵d攪作先
3. 今日下午去左坑口同尚德行左2轉, 又買"食送"返屋企煮
4. 今日炒雞, 買左半隻冰鮮雞斬件返來炒, 加d白酒炒掂呀~ :D~ 不過好似再炒熟好d...
5. 今日完全冇掂模型, 反而又買左... @_@
6. 明天打波打波打波!! 打完波有咩攪呢?
完
2005年12月2日 星期五
十二月二日
1. 呀源生日快樂!!
2. 今日請左病假一天, 近來訓得比較夠同有精神係今日了~
3. 係屋企抖, 冇咩做, 又發覺真係唔係好想打機, 於是開工噴模型
4. 噴左一隻近來覺得好唔得o既一隻...唉...好難攪呢...不過總算又清一隻
5. 來緊幾日似乎都係繼續模型大業最好呢~~
6. 聽左好多陌生o既歌(今次係日文歌), 有d都幾好聽呢 :D
7. 來緊天氣轉涼了, 大家小心啦~~ yeah~~ 最怕熱~ :D :p
完
2005年12月1日 星期四
戲評 -- Oliver Twist
呢排睇戲真係睇得好密
今日睇左Oliver Twist (港譯: 孤雛淚, 難得一套港譯得唔太差, 亦都幾對題)
個故事唔算十分特別, 不過結構幾嚴謹, 而且都幾有說服力, 亦可以牽引住觀眾
要讚o既係導演, 如果是但搵個導演來拍, 要將呢個故事拍2個鐘, 可能會拍得好悶
套戲o既製作都好認真, 無論係d景, 戲服, 人物講野O既語氣, 高等,低下階層唔同人o既用語
都令人覺得好似完全睇緊果個時代o既野咁
d演員演得好自然, 做主角Oliver果個o靚仔做得幾好呢~~
總的來講, 呢套戲幾好睇~
完
十二月一日
1. 又到新o既一個月, 不過完全冇新氣象
2. 都係想寫下故仔, 唔知大家有咩提議呢? (種類, 長短, 認唔認真的...etc)
3. 有人提議我寫攪笑短篇武俠小說...如果真係寫, 我絕對會寫武俠奇人黃確雲o既故仔 :D
4. 我晨早都話, 12月仲可以著短袖衫出街... =.=
5. 星期五要返屋企食飯...近期真係好少返...
6. 聖誕禮物完全未prepare過, 唔知想點, 要諗下會送俾咩人先
Reminder: 未做要做的事 (updated)
1. 星期五lunch同呀寶姐食飯 <---------------------------------食唔成
2. 星期五上堂<----------------------------------------------上左
3. 搵時間睇NANA<--------------------------------------------睇唔成, 不過都睇左
4. 剪頭髮<--------------------------------------------------剪左, 想再剪
5. 星期日影畢業相+唔知dinner點<-------------------------------影左, 飯...叫係食唔成...
6. 下星期一晚同同事Rudy Tuesday Dinner<-----------------------食左
7. 搵時間同貓, MayChan等唱K+補慶生+一齊hae+俾d野佢地<-----------K唱左, 剩係俾左野MayChan
8. 話劇同學BBQ Gathering (順便12月之星?)<---------------------未知點
9. 等呀源考完2份paper(5/12, 9/12)食飯+慶生(2/12)<--------------等
10. 又到聖誕~ 又到聖誕~ 又要買好多禮物~~~<----------------------未
11. 過澳門<--------------------------------------------------遙遙無期
完
2005年11月30日 星期三
龜兔賽跑最終章 之 真.龜兔賽跑
一次過寫晒三個version出來, 大家鐘意邊個做結尾就揀邊個啦~
Version 1.0
在森林中, 有一隻兔子和一隻烏龜, 他們要比賽跑步
比賽開始了, 他們一起開跑, 很快兔子便遠遠拋離了烏龜
驕傲而自滿的兔子眼看自己勝券在握, 回頭看也看不見烏龜的蹤影, 於是便躺下來午睡一回
烏龜雖然慢, 但他很努力, 鍥而不捨地一步一步慢慢向前走, 終於超越了兔子, 還勝出了這次的比賽
兔子醒了後, 急急忙忙跑到終點, 但發覺自己已經輸了, 後悔也沒有用了
完
Version 2.0
在森林中, 有一隻兔子和一隻烏龜, 他們要比賽跑步
比賽開始了, 他們一起開跑, 很快兔子便遠遠拋離了烏龜
跑呀跑呀, 兔子跑到了終點, 贏了
兔子跑得實在比烏龜快得多了~
完
Version 3.0
在森林中, 有一隻兔子和一隻烏龜
他們一隻在游泳, 一隻在吃紅蘿蔔, 快快樂樂的生活著, 各不相干
完
~ 全完 ~
十一月二十九日
1. 今日終於睇左NANA!! 就我自己來講, 覺得部戲好睇! 入戲院睇係抵o既~~~
2. 感謝Angel姐send NANA movie original soundtrack 俾我~~ 多謝!!
3. 並唔係想話d咩唔好, 不過呀中島美嘉個樣好似劉曉彤~ :D 我覺得無線惡攪應該搵佢來反下野 :D
4. 果個"蘭"好樣衰, 唔中意 >_<, 個樣好似雷頌德~~ (並唔係話雷頌德好樣衰)
5. 其餘幾個人都幾型呀 (包括另外果隊band o既人)
6. 天日又要返學了...
7. 後日睇戲 :D
8. 大後日食飯? XDDDDD
2005年11月29日 星期二
承諾
隨著年紀漸長, 對於"承諾"一詞愈加重視
在下每一個"承諾"之前, 都儘量考慮自己是否可行, 而"承諾"之後, 也會儘量履行
從而, 一個人的credit會漸漸增加, 會得到人的信任
就算從利益角度看, 以後很多事做起來也會愈方便 (這和credit card同樣道理吧?)
當然, 由以前到現在, 也一定有未實行的"承諾", 但希望在我有生之年都能完成吧~!
有時, "承諾"也真是一個沉重的負擔
龜兔賽跑 之 草草了事
(大家請睇晒佢先...)
一對小情侶在郊外露營
女孩玩得累了, 就躺在柔軟的草上睡了起來
男孩為了生火, 就到外面打柴去了
這時候, 一個外來者偷偷的, 偷偷的爬到了附近...
他望著帳篷裡的女孩 "好美呀~~ 很久沒碰到那麼美的呀~~! 我連口水也差不多要流出來了呀~!!"
他慢慢的, 慢慢的爬到了女孩身旁, 仔細的欣賞眼前完美無瑕的肉體...
那柔軟而豐腴的嬌躺, 白皙的肌膚, 嫩如青蔥的小手臂, 纖幼的小腰...
身體的每一部份都足以使這外來者食指大動!
外來者咬緊牙齦, 強忍著自己的衝動, 他知道, 絕不可以把女孩嚇到, 否則便功虧一簣...
外來者慢慢地接近女孩, 只見她睡得正香~
看著美人春睡, 她無邪的面孔, 嬌艷欲滴, 更激起了外來者的獸性!
他忍不住伸手去輕撫女孩的身體, 好一個溫香軟玉, 柔若無骨的嬌軀...
女孩在睡夢中以為是愛郎的輕撫, 也睡得更香更甜~
外來者見女孩沒有醒過來, 膽子更大了, 他已經忍不住了, 他撥開了女孩那柔軟的毛, 就要...
"你這食肉龜!! 你在幹什麼?!" 男孩剛好回來, 一聲怒吼~
外來者見自己事敗, 立刻便逃走, 他恨自己沒快些下手!
"下次!下次!我一定要吃到兔子肉! 可惡!"
男孩大叫著 "別走呀!!!"
口中叫著, 腳步卻放慢了下來, 因為他要安撫剛被嚇醒的女孩~
"不用怕~ 沒事了~~ 小乖乖~~"
"好哥哥~ 你好英勇哦~~ 剛才的氣勢好厲害唷~~"
"當然啦~ 我怎捨得你給別人吃掉呢~~"
"為什麼呀?"
"因為我才要吃掉你呢~ 呵呵呵~~"
"你好壞唷~~~"
色情版龜兔賽跑正式開始,
不過, 大家自己想像想像吧~
完
食色性也, 大家...阿彌陀佛~
談天說地
1. 個blog好似愈來愈少人, 我寫ｄ野反而愈來愈多 XDD D人唔回下posts真係好靜 XDD
2. 有個提議, 各位有寫blog或冇寫blog但係有睇ｏ既人們, 有冇興趣一人寫一篇故仔, 用同一個題目, 然後抽籤來抽大家寫咩類型ｏ既故仔, 再約一定一日大家一定會寫完ｏ既日子post出來? 如果有興趣, 寫咩題目好? K先生提議"三隻小豬", 大家有咩踴躍ｄ啦~~~~
3. 龜兔系列係色情version之後將會步入尾聲, 有個final version, 大家唔使掛住佢地 XDDDD
4. 呢排要調節返自己生活習慣, 嗯嗯
5. 打波打波打波!!
6. 可能大家會有ｄ奇怪, 我個blog都唔點提屋企人, 原因並唔係我唔重視佢地, 而係冇咩好講, 有亦都唔會點講, 唔預左係度講; 而且佢地都唔睇呢度的(哥好似有睇), 所以我個blog都係講ｄ好個人ｏ既野, 朋友ｏ既野, 公司ｏ既野...etc
總之我愛我爸爸, 愛我媽媽, 愛我哥哥, and其他親人啦~
十一月二十八日
1. 好想好想好想好想好想睇NANA!~~~
2. 今晚Ruby Tuesday Gathering都OK呀, 佢地成日係度講笑, 雖然好衰, 不過係幾好笑, 唔悶呀~ 份量, 質素, 價錢都OK呢~
3. 色情龜兔賽跑, 有d想投降添 XDDDD
4. 我要砌模型!!~~ 我要清貨!!~~
5. 周生唔係今日返咩?
6. 期待星期五晚食飯...kakaka
暫完
2005年11月28日 星期一
龜兔賽跑 之 真相
在森林之中, 有一間連動物們也不敢靠近的大屋
這間大屋在密林之中, 即使是白天, 陽光也很難照射到附近一帶...
這大屋不知什麼時候已經存在, 也不知道為何人擁有
大家只知道, 會在大屋附近徘徊的, 只有什麼也不怕的烏鴉
連附近的樹木, 看來也陰陰森森的
曾經有大膽的嘗試過到大屋探險, 但都從來沒有回來過...
話說在森林中, 有一對鄰居 - 龜與兔, 他們平常也不愁吃喝, 生活也不忙什麼, 平常就只會互相比賽
老實的龜經常都輸, 也會給對方恥笑, 因為兔常常要求賽跑
他表面上也沒什所謂, 但內心有時也會很不快
有一天, 龜提出不要再賽跑, 他要比賽別的東西
兔提議 "那麼, 不如試試我們的膽量吧! 我們一起去那林中大屋探險!"
其實他心想 "哈! 有什麼事, 我跑也跑得比你快呢~~"
龜不虞有詐, 也就答應了
他們就在第二天的晚上出發了
來到大屋門口, 只見屋內燈火全無, 而且十分殘舊, 還聽到烏鴉在叫囂著
他們倆內心其實也很驚慌, 但也硬起頭皮, 推開了門口的大木門
"丫~~~~~" 大門已經很殘破, 推開之時的怪聲, 令人頭皮發麻
他們倆點起了蠟燭, 只見屋內凌亂不堪, 而且還傳出一陣陣異味
但奇怪的是, 屋內雖亂, 卻不覺得積聚了很多灰塵及蛛網, 難道...
"有人嗎?" "是不是有人住在這裡?"
"砰!!" 突然有東西從上面跌下來!
龜與兔可給這突如其來的聲響嚇壞了, 正想轉身就逃, 比較細心的烏龜叫著了兔
"喂喂, 只是一塊木板跌了下來而已!"
他們倆繼續深入大屋, 但已經給胥剛才一嚇而使得疑心很大了
他們行上殘破的樓梯, "咯!咯!咯!咯!..." 隨了屋外烏鴉的叫囂聲, 就只聽到他們自己踏上木製樓梯的腳步聲...
去到二樓, 只見有多間房間, 門都緊閉著
龜說 "不如我們看完二樓的房間就走吧, 我們回到去就夠聲名大噪了..."
兔也很害怕, 心裡也恨不得立刻走, 但也答應了提議
第一間房沒什麼, 只是一些普通的傢俱, 如衣櫃, 床等等, 只不過有些孩子氣
第二間房有點像實驗室, 到處都是實驗物品, 但看來荒廢已久...
第三間...一開門, 只見骸骨處處!
"那...那不是一年前說要來的熊嗎? "
"呀~~這是猴...這是猴呀!! 腦被開了的猴呀~~!!"
"這不是...嗚嘔...快走呀!!~~~~~"
他驚慌到了極點, 就在此時, 他們見到黑暗中閃出了一道光, 一道可怕的目光!
"走呀呀呀呀呀呀呀!!!"
兔子不理會龜, 直奔下樓梯, 一溜煙般逃走而去
"等等我呀~~~ 不要丟下我呀!!~~"
龜走得慢, 絕望的叫著~
說時遲那時快, 一隻手捉著了龜!
龜嚇得縮起了全身手腳頭尾, 閉著目等著自己的結局...
"真背, 怎麼今次只捉到了隻烏龜?!"
人? 一個人?
烏龜一看是什麼捉著他, 原來是一個人, 身旁還有一隻在黑暗中, 目光還是那麼明亮的黑喵
後來他們一談, 烏龜才只道那人是被派來這裡的森林保護員, 後來突然與本隊失去聯絡, 又無法自己離開森林, 於是就在大屋落腳, 平時就依靠打魚和植物維生, 有時也會把來探險的動物捕捉及吃掉, 怎知這次就捉了一隻吃不得的烏龜
人說 "哈...你常常都賽跑輸給兔嗎? 不如...我教你一些方法去贏他吧...哈哈哈..."
龜一聽到就很高興, 心內積壓的恨爆發出來了
"不過, 我吃魚和菜都悶了, 要靠你引多些笨動物來呀~"
於是, 森林中的動物慢慢減少,
而龜兔賽跑系列亦由此而生...
必勝?
世上有沒有必勝的法門? 不知道
其實, 有很多時候, 最動人的是在爭取, 在比賽的過程, 而不是結果
當然, 如果結果是勝利了, 得到了就更好
但其過程中所得到的, 學到的和所享受的卻更珍貴
有幾多人能明白?
而明白的, 有幾多人能達到這心態?
2005年11月27日 星期日
十一月二十六日 + 十一月二十七日
1. 星期六long week, 返工冇咩特別, Heat輸波 =.=, 放工返屋企
2. 剪左頭髮, 嚴格來講係修左少少位, 剪短左少少, 耳仔C服左
3. 夜晚唔想過五座食飯, 又唔想落街食/叫外賣, 於是自己煮, 賣相一般, 不過其實自己手勢都OK, 見得下人
4. 口內大量"飛滋"好返好多, 對於中意講野又中意食野o既我來講, 太好了
5. 星期日K lunch, 俾我講中左, 呀邊個唔係車程耐唔耐o既問題, 係出左門口未o既問題 XDD (又係我等人 XDDDDD)
6. 平時同其他人唱K, 都係我唱下和音多, 同貓Maychan咪咪Renee唱K, 我係唔會有咩機會唱; 一來因為我係唯一男仔, 有d歌實係我唱主音, 二來, 佢地太可怕了, 佢地真係可以未聽過首歌, 聽一陣就和左出來...
7. NANA 遙遙無期, 睇怕都就來落畫了...
8. Heat又輸波... =.= Rockets明仔又傷, 加埋TMac同Rafer Alston, 三個正選傷了, 唔使打啦~
9. 同孖昇係Poly影畢業相, 影得一陣就完了, 又話食埋飯, 最後得我同民仔2條友食... (馬同翔都來唔到影...唉...)
10. 由於晨早就散(~5.00pm...), 同民去左MK報工聯course, 之後一齊慢慢熬巴士入將軍澳坑口食飯...間野冇介紹佢錯呢~
11. City同學擺酒, 竟然擺31/12...而家大家都可能諗住唔去...
12. 要加快返砌模型o既進度了, 反正機打到差唔多了 (真.三國無雙張角都爆埋機了)
13. 天日好唔想返工... =.=
14. 天晚同同事食飯...九龍灣Ruby Tuesday, 唯一好處就係返屋企方便
15. Dororo出左了, 又要破財, 好彩呢排係咁出Gundam Seed同Gundam Seed Destiny d野, 我唔多o岩, 慳返唔少~~
16. 話雖如此, 前排新出果隻MG Gundam MK II Version 2.0 實在太正了~~~~~ >_< 炒得好貴!唔買唔買唔買! (不過如果平o既話...)
17. 龜兔...係時候來個了結了, 不過點都要有恐怖version同色情version! : D
18. 砌夠20points先!
19. 明天好似周賓賓返來...
20. 夠數!!
完
2005年11月25日 星期五
龜兔賽跑 之 男兒當入"罐"
一場激烈的籃球賽
青春與汗水交織的籃球場上
比賽時間, 只剩下半分鐘
龜隊領先兩分
兔控著球, 他知道時間尚有半分鐘, 仍有機會追到對方分數的機會
"今天一定要嬴!! 無論如何都要嬴!! 我不想再敗! 實在不愛敗的感覺了!" (?) (笑)
"今晚, 可愛的女友在等著我跟她慶祝呢~ 今晚一定要..."
猶豫之際, 龜從後打甩了兔手上的球! 球被偷走了!
"這球絕不可失! 要不就追不到了!"
"快攻!" 龜控著球向前衝, 誓要擊潰兔隊!
兔急起直追, 就在龜上籃之時, 兔追到了上來, 從後拍到了球, 成功阻截了龜!
"咇~~~~~~~~~~~~~~~~~~~~" "防守犯規!"
兔在拍到球的同時犯了規...
"哼..."
第一球罰球...一個漂亮的拋物線...入!
第二球罰球...手感偏差...不入!
"好!" 兔的隊友搶到防守籃板, 時間所餘不多, 兔已然奔前!
"快攻呀呀!!" 兔大叫! 隊友一個棒球式長傳傳到他手中, 他向前直奔, 前面無對方防守球員!
"呀呀呀呀呀!!" 現場氣氛高漲至極點! 兔知道以龜的速度, 是追不到他的!
"我要入~~~~~樽~~~~~!!" "吼~~~~~~~~~~~~!!"
在如此緊逼的時間, 看著如此緊張的畫面, 觀眾反而靜到極點, 而且都站了起來!
"兔~~~~~~~~~!!" "呀~~~~~~~~!!" 時間到啦!!~~~~~~~~"兔的隊友們及教練也叫在叫著
"砰!" 一記清脆的扣籃聲, 在完場的哨子聲前, 響徹全場!
"咇~~~~~~~~~~~~~~~~~~~~"
"兔隊兩分算~~~入!完場!"
"龜隊勝!!"
"呀! 我們都叫不住你呀, 剛才落後兩分, 龜二罰中一, 我們仍輸三分呀!"
"你個人主義, 要入樽不要緊, 但我們輸了呀!"
"你剛才應該回傳給隊友射三分球博一博的!"
"呀~~~~~~~~~~~~~~!!!"
完
十一月二十五日 -- 雜記
黃巾統一天下!!
太平道治世!!
終極奧義 轟火神杖 取得!!
張角萬歲~~~~!!
幾喜歡聽陳慧嫻o既歌, 都有唔少歌好聽, 佢把聲亦都正
以下呢首, 係佢o既歌入面又唔算真係好聽
不過突然諗到, 就post下啦
我寂寞
*一起高歌吃喝玩樂 一把聲音說我寂寞
一分半秒只想跌進幻覺 一生當中與你遇著
一顆痴心作個段落 一些挫折只因太過自覺*
離別你 換上他 一邊笑 淚流落
曾屬我 是你麼 是你麼
懷念你 熱愛他 新感覺 又尋獲
原諒我 沒法可 再寂寞
是每日背著這平凡的軀殼
得到所有都仍然不快樂
找到新愛都不可抑制 沒法停住失落
**
是每日揹著這沉淪的感覺
心裡掙扎想逃離這角落
找我心愛的不可終結 越愛才越失落
**
回味你 夢與想 似幻覺
懷念你 樂與悲 各自各
2005年11月24日 星期四
十一月二十四日 -- 雜記
1. 不知不覺變了每日update, 真的像diary了...不過都唔guarantee一定會日日的, 呵~
2. 原本真的寫了75%一個很長很認真的非龜兔系列的愛情故事, 不過實在不是我style, 不打算post了, file也deleted了
3. 仍然好想睇NANA, OST downloaded but 未到手, 星期五睇唔睇到NANA呢?
4. 明天記得帶Z gundam animation + 0079 劇場版俾呀威
5. Computer Game 仍然係玩緊真.三國無雙, 唔計自創人物, 已經玩過周泰, 黃忠, 張郃
爆晒魏, 蜀, 吳, 呂布, 董卓, 南蠻, 袁紹傳, 終於拿到最後o既"黃巾傳"
一定要用下張角來爆機! 黃巾統一天下!
Reminder: 未做要做的事
1. 星期五lunch同呀寶姐食飯
2. 星期五上堂
3. 搵時間睇NANA
4. 剪頭髮
5. 星期日影畢業相+唔知dinner點
6. 下星期一晚同同事Rudy Tuesday Dinner
7. 搵時間同貓, MayChan等唱K+補慶生+一齊hae+俾d野佢地
8. 話劇同學BBQ Gathering (順便12月之星?)
9. 等呀源考完2份paper(5/12, 9/12)食飯+慶生(2/12)
10. 又到聖誕~ 又到聖誕~ 又要買好多禮物~~~
龜兔賽跑 之 愛的故事 之 梁祝 第世傳奇
龜與兔是多年好友, 但是他們之間出現了一個美麗女子
這個女子使他們的關係大大改變
"龜...你喜歡她嗎?"
"兔...別亂想吧...我跟她什麼關係也沒有"
"我也知道...她很美麗, 而且又端莊嫻熟, 是很吸引的"
"別這樣說...每個人也有其吸引人的地方呀~"
"我明白...但...我實在..."
"人是有感情的, 即使外在和內在都美麗, 但感情是時間培養出來, 無可取締的呀..."
"人...很容易貪新厭舊的..."
"她是一個很好的女孩...即使大家都喜歡她, 也沒問題呀, 朋友而已"
"問題不在她...問題在我呀~~!"
"什麼?!"
"不...不要再逼我了... >.< 忘記一切吧! 大家永遠都是好朋友呀!~~"
"兔! 不要走呀~~你別走! 等我呀~~~"
龜一直追...他要追到兔為止, 因為他不可以失去這個好朋友! 在他心中, 兔的地位也是無可代替的!
完
後記
究竟龜愛美麗女子還是兔?
究竟兔愛美麗女子還是龜?
究竟龜是雄?是雌?
究竟兔是雄?是雌?
一雄一雌? 兩者皆雄? 兩者皆雌?
現代的愛情故事太多曖昧, 又太過混亂了~
後記 完
p.s. 龜與兔就算真的會賽跑, 也不會相愛和交配的
2005年11月23日 星期三
測試人氣+問
唔好諗會唔會睇, 好唔好睇,
有冇意見--龜兔賽跑仲要寫邊類型o既故仔呢?
I write just for my fun, please help me if anyone 有 idea, thx a lot!
K先生要求寫love story with serious ending~
Seems not my style...but I will consider it, thx~
好似有d頭緒了~
十一月二十三日 -- 論blog
1. 其實龜兔賽跑真係幾無聊
2. 其實有時寫d野都幾無聊
3. 其實我d感興都係幾無聊
4. 其實個blog的起因同存在都幾無聊
5. 不過我都係因為無聊先開姐, 冇問題o既
6. 我又冇諗過摺左佢
7. 開始有點兒喜歡上呢個冇咩人來冇咩人嘈o既自我天地 -- Y's Place
完
十一月二十三日 -- 一週雜記
星皮一同班話劇同學仔gathering
雖然唔係識左好耐, 但係真係好熱鬧, 個感覺好正!
希望可以一路keep到, 同埋同d同學仔再熟d啦~
星皮二電影馬拉松, 冇咩好講, 要講o既都係之前講過了~
星皮三上堂, 睇個勢睇唔到NANA~
星皮四要返下屋企食飯了...
星皮五...我諗我今次唔好意思再放飛機啦...
星皮六long week, 例牌冇咩攪, 冬天想留長返少少頭髮(凍), 不過都要修下了
星皮日2.30pm @ Poly 影畢業相, 唔知有幾多人呢? 唔知翔哥仔到唔到呢? 唔知食唔食埋晚飯呢?
十一月二十二日
今日同3個friends(總共4個佬)電影馬拉松
6.00pm 睇Z Gundam, ~7.35pm散場落街去KFC食d野
8.10pm 睇殺破狼, ~9.45pm散場, 返到企都係10點幾~
由於呢排有"麥提莎吉包UA $30戲飛優惠", 所以睇左2埸戲連麥提莎都唔使$80 ^.^
明天仲可能睇埋NANA
Z Gundam係 for fans睇的, 冇睇過animation或者唔知背景o既人根本就唔會知講咩
始終50集animation濃縮成3套戲, cut得太多了
重畫片段好正!!
殺破狼OK啦, 之前d人煲得太勁, 太大期望, 所以有好多人都失望(不過話失望佢地都都覺得好睇o既)
自己就覺得都幾緊湊, 打得都幾好睇, 都係果句: OK啦~
上星期睇左Tim Burton's Corpse Bride, 自己都係中意呢類多d呢~~
d音樂好正, 好想買/download OST返來聽~!
來緊好期待NANA, d歌好正! 好o岩我feel~~~
個故事都係o岩我睇果d~
希望天日睇得成啦~~~
好耐冇試過睇戲睇得咁密了~~~
完
2005年11月22日 星期二
龜兔賽跑 之 華山論劍
龜兔賽跑 之 華山論劍
係華山之顛, 兩名武林膠手正在作出生死對決
左手邊白雪雪o既一位, 正是江湖上以"快"見稱o既"快兔門"嫡傳大弟子"西門吹兔"!
右手邊, 就係被稱為"江湖奇葩", 冇人知道姓什名誰, 一招"龜縮功!"走遍天下o既"烏龜"!
順帶一提, 在旁作出裁判及旁述o既係黑喵人
(嚴正聲明: 雖然"黑"同"烏"有d相似, 但係完全冇關係的! 並唔係親戚! 亦唔會影響是次比賽o既公平!)
話說回頭...嘩! 原來比武以經開始啦!
不愧係快兔門o既傳人, 吹兔以絕快o既身法, 展開左漫天腿影, 籠罩左烏龜o既頭頂及上三路!
呢招正係吹兔o既得意絕技"快兔腿"! 此招極度飄忽, 九虛一實, 而且內含七七四十九變!
究竟烏龜會點破呢一招呢?
"龜縮功!"!
砰砰砰砰砰砰砰砰砰砰砰砰砰!!
一連串o既爆響此起彼落, 但都被"龜縮功"o既絕對防禦通通擋下!
吹兔一怔"想不到有人能接我此招而面不改容!"
眼見得意絕技未能奏效, 吹兔心念一轉! 念隨意到, 意隨心行, 雙腿突然變招!
只見吹兔由飄忽o既身法變返沉實o既步伐, 起勢不跌反升! 現場已經俾吹兔o既氣勢所籠罩!
吹兔知道虛招對烏龜唔會有用, 於是就想改為出石破天驚, 以最強破壞力之矛來對付最強之盾o既攻擊!
吹兔儲足力度, 身形一晃, 帶著雷霆萬鈞之勢衝向烏龜!
左腳"咖哩腳"!!
右腳"酸辣腳"!!
"龜縮功!"!
o彭!!o彭!!
嘩! 烏龜只係被震至退開數步! 但係面上仍然如老僧入定, 鎮定非常!
吹兔見自己的得意技都未能傷到對手分毫, 內心開始焦躁
畢竟吹兔入世修為尚淺, 未能達到劍心通明o既境界...
"哼! 你只一味防禦, 但也不能擊倒我呀!" 吹兔向烏龜出嘲諷之言~
"好, 就讓我來一招吧!" 烏龜見自己氣勢上已然稍勝吹兔, 便隨之出擊!
只見烏龜向著吹兔直奔而去, 但似乎並無作出任何架式?
然而, 剛才吹兔受信心之打擊, 氣機牽引之下, 面對著直奔而來o既對手, 竟然猶豫不決!
"他...他...為何只直奔過來? 他是否有其後著? 我...該當如何? 他難得不用"龜縮功!", 我...應不應該趁虛而入? 我..."
猶豫之際, 烏龜已經奔至!
"龜縮功!"!
原來烏龜打算以堅硬的身體作出全身攻擊, 由於全身被"氣"所包圍, 攻擊角度全方位, 好凌厲的一招!
"閃閃!!" 不愧為以快見稱o既"快兔門", 縱使係心緒憫亂之間, 面對著危險仍能本能地使出身法避開!
就因為此招, 激起了快兔的鬥志, 連番快攻!
"快兔腿"!"咖哩腳"!"酸辣腳"!"咖哩腳"!"快兔腿"!"快兔腿"!"快兔腿"!"兔拳"!"兔兔拳"!"兔兔兔拳"!
"龜縮功!"!"龜縮功!"!"龜縮功!"!"龜縮功!"!"龜縮功!"!"龜縮功!"!"龜縮功!"!"龜縮功!"!"龜縮功!"!"龜縮功!"!
砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰!!!!
良久...
日落西山, 兩大膠手始終未能傷對手分毫, 更遑論分出勝負...
吹兔其實已經信心盡失, 不過恃著對手亦未能傷害到他, 亦能酣戰至今
此時, 烏龜開腔"吹兔老弟, 今日再如此下去, 我們亦不能分出勝負, 不如我們改變決戰方式吧!"
"好! 你想鬥什麼?"
"不如就鬥你最自豪的速度吧!"
吹兔一呆, 暗忖" 為什麼反而會開出對我有利的條件?"
烏龜繼續說 "你放心, 我並沒有事先準備什麼陷阱及隱藏秘道, 我們以黑喵在旁跟隨為公證(喵都跑得好快的, yeah~~ =^^=), 大家從這條大路鬥快下山, 堂堂正正分勝負如何? 先到山下杉木者為勝!"
吹兔見對自己如此有利, 一口答應~
大家站在起點處, 凝息以待, 就等黑喵一聲令下...
預備...一...二...二個半...三!
吹兔身形拔起, 以畢生最快速度展開"快兔身法"向前直奔, 心忖烏龜沒有可能追到他!
"龜縮功!"!
只見烏龜施展"龜縮功!", 隨即就直滾下山!
跑又點及"碌"落去o既速度呢?
只見烏龜以磅礡之勢"碌碌碌碌碌碌碌碌碌碌碌碌碌碌碌碌碌碌碌碌"下山!
不久就已經到達終點了!
烏龜勝!
吹兔因是次比賽, 信心盡失
從此, 江湖上就少了"西門吹兔"這一號人物了...
完
註:
1. 今次我專登唔想用書面語寫的
2. "龜縮功!", 呢招招名係連埋"!"的, 所以係篇文入面係冇錯的
3. 冇錯, 兔係註定要輸的
2005年11月21日 星期一
龜兔賽跑 之 警察故事
在一個烏雲滿佈, 絕對看不見星星月亮的天氣, 一條漆黑的, 沒有街燈的路上,
有一隻烏龜正在慢慢爬行回家
他流著冷汗, 害怕有人會搶他身上剛剛從銀行提取的大量現金~
說時遲那時快, 一隻黑色的兔子從旁跳出, 夾手就把龜的皮包拿下
立刻拔腿就跑
"搶野呀~~~~~~~~~~~~咪走呀~~~~~~~~~~~~~~~~~"
烏龜很焦急, 雖然步伐很慢, 但也拼命追上去
"哼哼, 我"黑色盲炳"雖然盲, 不過跑得比你這笨龜快, 而且很熟悉這一帶的路...咦?
怪不得怪不得, 果然聰明; 這兒只有一條直路, 無論我怎走, 也會被你看見呀...對了...哼~"
黑色盲炳靈光一閃, 知道自己的身體與這沒有街燈的路的顏色十分相似,
於是便就地伏在路上失修的陷下位置, 打算等烏龜走過後才安然離去~
良久...兔子躺下不多久...
"就是他了! 快逮捕他!"
兔子很快就被烏龜及剛巧路過事發現場的黑喵喵警找到了
他不明白...
"為何你們找到我, 這裡沒有燈, 而且我也知道天氣不好, 沒理由的!"
"死笨賊! 告訴你吧! 理由有三:
第一 喵的眼睛很厲害的
第二 汪的鼻子也很靈的
第三 亦是最重要的理由:
大白天你躲什麼躲!"
完
十一月二十一日
是日公告:
To whom it may concern
今日上ICQ之際"撞"到久未露面o既"周賓賓先生"
據聞浸"咸水"已久o既"周賓賓先生"將會於28/11未學成先歸來~
到下年2月先會返"袋鼠邦"
大家有咩想問佢, 想搵佢, 想俾佢, 想問佢拿返錢, 想打佢... etc o既,
就要密切留意啦~~~
完
名曲滿天星
呢幾年好少睇電視, 睇親o既都絕少係劇集
睇o既, 好多時都同舊野有關: 之前o既Uncle Ray, 而家o既名曲滿天星...etc etc
話返轉頭, 名曲滿天星經常請返d老牌歌手來, 而且仲有時有d TVB綠葉來唱下
都幾正呢~~
d嘉賓們唱Live有水準, 有技巧, 又可以有style, 有感情, 實在係正~
加埋個live band (仲有周啟生o既Keyboard), 好有feel~
每次都睇得好投入
20/11果集, 娥姐(商天娥)唱"明日話今天", 都唱得幾好~~
周生唱就一般啦, 反而好失望o既係呂方實在似乎冇練開...唔多得了 >__<
呀姐就...不嬲唔好提啦...
完
2005年11月20日 星期日
龜兔賽跑 之 總有你鼓勵
多年前的酒吧
年少不更事的龜與兔各在吧檯獨飲
"兔兄, 我們都畢業了, 要向外闖呢~"
"對呀, 我對未來可是充滿著憧憬哦! 我要大展拳腳, 我要交女朋友~~~"
"你是高材生, 前途是一片光明的啦! 不過, 女就要看緣份啦..."
"哈～不如來個打賭吧, 我們就比一比賽, 事業就不提了, 看誰在情場上得意吧?"
"也好, 大家老友也就不要比事業了~"
"好!"
多年後的酒吧
"龜, 看來事業得意, 愛情也不一定得意呀, 我雖然外在條件都比你好, 但...她就是不愛我..."
"對呢...當初也說過, 這是看有沒緣份的啦, 不過, 你現在也不見得沒機會呀~"
"我...不知道...哈...那年說的比賽...是我輸了吧?"
"哈!大家一場好兄弟, 有什麼輸不輸的? 有不見得快樂, 沒有也不一定以後都得不到, 我們的人生還很長, 有很多東西等著我們呢! 多講無謂, 今晚就不要談這些, 喝吧!"
完
我們都寂寞
最近, 有很多朋友(來自不同圈子的朋友)為了愛情而不快樂
各種各類的問題, 解決不了的死結, 徒增煩惱
有人為了得不到而失落
有人為了失去了而悲傷
有人為永沒結果而神傷
有人為相處不順利而憂
有人卻因為得到而煩惱
形形式式...
始終愛情是2個人的事, 作為旁觀者, 個中的感受和情況, 是不能明白的
不過有些事情, 不試過/不努力/不失去是不知道的, 總之大家曾真心付出過, 也就無悔了吧...
有人說, 貧窮以上的不算是真煩惱
的確, 人的一生中有很多事物需要我們去發掘, 去努力
一個人餓的時候, 就不會想其他事情了
不過, 說是一套, 做是一套
人, 總是會被情感牽著鼻子走
即使是實事求事的山羊座也是如此吧?
你寂寞嗎?
是日金曲
情憑誰來定錯對 4:15
曲: Oh Tae Ho 詞: 譚詠麟 編：盧東尼
情憑誰來定錯對 我始終不想去追
寂寞路上遇痴心 相戀也有過痛苦一堆
如能從頭遇見你 我始終不會後退
將傷心收於記憶中 仍沒法去剪碎
濃情蜜意盡過去 凍好比一杯冷水
獨自默默望蒼天 心底裡滿載往昔唏噓
迷霧已漸漸散退 過去的經已逝去
前路漫漫顯得崎嶇 還是要我去面對
回憶起當天的歡笑 是光陰沖洗不去
在這一生中 這一生中沉醉
＊（但）寂寞憔悴 這世界可有誰
逝去了的愛情 陪孤單寄居
寂寞憔悴 人痛心因你別去
我已不懂得哭笑 望著你身影遠去
難得當天的相愛 是你我傾出的所有
令這一生中 這一生中無悔
重唱 ＊
我已不懂得哭笑 就讓我消失告退
我已不懂得哭笑 就讓我消失告退
我已不懂得哭笑 就讓我風中告退
2005年11月17日 星期四
龜兔賽跑 之 晚餐
龜兔賽跑 之 晚餐
森林小動物中跑得快的, 其中一種就要數兔子了, 他經常炫耀自己靈活的步法及嬌小的身形, 連老虎及蒼鷹都對他沒奈何...
有一天, 兔子又在一堆狐朋狗友面前炫耀自己的時候, 一隻陌生的老烏龜來到了森林。
他對兔子說: 我和你打個賭吧, 我們擬定一條路線, 來一場賽跑, 輸的便要請客, 結勝利的一頓豐富的晚餐, 好不好?
兔子心裡暗想: 我慢慢走也不會輸給你這笨縮頭烏龜吧?
於是便答應了這場賽事。
擬定了的賽道很平坦, 既不用游泳, 亦不用上山下坡, 對兔子來說是輕而易舉的一條賽道。
唯一不同的, 是賽事要再晚上進行。
"哼, 即使是晚上, 我比你的視力也差不了多少, 不會影響賽果的!"
兔子並不懶惰, 他在比賽之前一天, 已經預先到賽道走了一次, 確保不會迷路。
在路上還遇見氣喘吁吁滿頭大汗的烏龜。
"哈!只不過探路使這麼累, 我準備充足, 絕對不會輕敵的, 即使你找到捷徑也絕不會是我的對手!"
到了晚上, 他們倆在起點集合。
"喂~老烏龜, 你準備了大量紅蘿蔔了沒有? 想不到你還真慷慨呀~!"
"你要再晚上賽跑是不是不希望其他動物們知道賽果呢? 哈哈哈!"
烏龜二話不說, 只是全神貫注, 專心準備起跑。
時間到了, 兔子一兔當先向前就奔, 他內心知道, 烏龜提出比賽總有原因。
因此他不敢怠慢, 全力直奔終點。
兔子跑了一段距離, 正在專心於自己的腳步及呼吸之際, 突然雙腳所到之處向下一墜, 他一腳踏空, 跌在陷阱之中...陷阱之中還有很多尖刺, 兔子受重傷了。
良久, 兔子在意識迷糊之中, 見到烏龜爬到了自己身旁, 兔子很不忿, 他恨烏龜, 他臨死盯著烏龜, 但卻沒氣力說一句話...
烏龜說: 我知道你有很多問題想問我, 讓我告訴你答案吧...
"我選在晚上, 當然不是不讓他們知道賽果, 而是晚上比較難察覺到陷阱呀, 而且我也不想其他動物知道我殺了你呢..."
"昨天你遇見我時, 氣喘吁吁滿頭大汗的, 當然就是在設陷阱, 不知是我隱藏得好, 還是你蠢, 才沒被留意到吧?"
兔子不明白 "我...我輸...就算了...我...我...平常雖然愛炫耀...但..你嬴了就算...也不至於要...這樣...這樣吧...?"
"你也太攪不清楚狀況了吧? 勝負對我來說從來都不重要, 我一早說過, 這次的獎品是什麼吧?"
"你...?"
"我是食肉龜呀......再見了...多謝你呢...哈..."
森林中, 又少了一隻兔子了...
-完-
2005年11月16日 星期三
連載
反正有個blog係度, 又唔會又咩人睇
突然想寫下d無聊連載故仔
反正諗野隨時諗到一堆
打下字又可以唔使成日打機
打錯左又可以改返
幾好~
咁個故仔題材應該係咩呢?
用書面定口語呢?
我會唔會出完呢篇野就冇左件事呢?
唔知點解, 想寫下鬼故
15.35 16.11.2005
突然諗到, 學畢華流, 一個故事寫幾個題材先
呢期想寫"龜兔賽跑"
題材包括愛情, 恐怖, 科幻, 武俠, 勵志, 懸疑, 攪笑, 色情...仲有d咩呢?
updated by 16.01 16.11.2005
2005年11月15日 星期二
十一月十五日之今日金曲
霧之空凳
天邊一顆閃星星 海邊一顆閃星星
或睡或現 閃爍不停
似要悄悄告訴這世界
現實實在是幻象 你要看始終看不清
海邊一顆閃星星 天邊一顆閃星星
默默靜臥著閃爍不停
似要暗暗告訴我與你
愛意也會像霧幻 轉眼間會失去
你會說你愛我 永遠永遠愛我
默默落著淚永不改變
似怕我要說再見 我怕終於一天
再也不 不會再想你
* 如霧起 暗暗蓋掩身邊你
像霧裡 面前幻化不定
無法記起以往那刻
你怎闖進我心裡
還是愛著你 曾話愛著你
你永在我心 *
曾懶說半句我愛他 懶說半句我愛他
過去我說我最是要緊 今天發覺最愛他
呼叫永遠也愛他 聽我叫喊只得一張空凳
repeat *
曾懶說半句我愛他 懶說半句我愛他
過去我說我最是要緊 今天發覺最愛他
呼叫永遠也愛他 聽我叫喊只得一張空凳
過去懶說我愛他 懶說半句我愛他
過去我說我最是要緊 今天發覺最愛他
呼叫永遠也愛他 聽我叫喊只得一張空凳~~~~~~~~~~~~~~
拉近距離
十分喜歡"朋友"o既感覺
識得多左朋友, 會令我好開心
能夠同朋友拉近距離, 更加令我開心
呢幾個月因為上堂o既關係識左好多朋友仔
有d仲幾friend添, 對我來講係一件開心o既事
同公司某幾同事亦因某d原因熟絡左
不過, 遲d一定會有drawback的時候...
當我諗到, 大家拍拖更或成家o既時候, 就會慢慢疏遠
就會覺得好唔開心, 好寂寞...
雖然, 呢樣野係不爭o既事實, 我亦都知道亦接受...
咁...拉近距離...係好定唔好呢?
十一月十四日
幾日冇update, 又唔覺有咩可惜
反正都係自己吹下水, 冇咩講就冇咩講
都冇咩人睇o既~
原來唔覺唔覺下星期一就係每月之星gathering了
今次d禮物一早準備好, 唔使臨時臨急煩了~
要記得打俾OO,問下佢來唔來得
Just to remind myself~
呢排...實在冇咩好講...
個mood麻麻地, 不過我睇上去永遠都唔會有d咩o既
2005年11月12日 星期六
十一月十一日
今日仍然好累
晏晝呀強突然打俾我, 話放工來旺角行下同買野
買完佢要買o既野, 行埋皆旺, 冇收獲
去左好耐冇去o既信和
完全唔信自己眼睛, 同之前完全唔同
以前係冇咩女仔行o既, 而家唔係了
冇晒老翻同豉油碟賣,
有衫賣, 有玩具模型漫畫賣, 仲係平o既添~
好開心~~好耐冇買咁多玩具了~~~~ :D
明天, 究竟我捱唔捱到呢?
下面張圖唔知點解係度唔會郁...
大家請download落來, drag去IE Explorer
就會見到佢郁了
2005年11月10日 星期四
十一月十日
呢排狀態低沉, 實在寫唔到d咩出來
不過而家攪掂左d野, 可以抖返了...
今日雞脾打來, 話present得OK, 真係辛苦得值得呀~
星期一開始senior放一個月大假, 返工做野會free好多, 太好了~
星期六唱K!星期日公聯同打波!
吼~~~~
呀呀呀呀呀呀呀呀呀!!!
我要玩同訓呀呀呀呀呀呀!!!
十一月九日
今日冇請假幫手,而且進度OK,放左工o既時間都應該攪掂了
諗住放左學就返屋企早d訓啦
點知一個電話打來,都走左去幫手埋尾
雖然冇前2日咁晏走,但係今日要返工,明天都要返工,又要朝早出site
死硬硬硬...
不過都值得幫o既,一定掂o既!
努力!
眼訓,
完
2005年11月9日 星期三
十一月八日
唔夠訓+食無定時+做到天昏地暗
累死了~
今日我o既involvement多過尋日好多
尋日太多野都係design同諗o既stage
今日落手落腳做+幫手諗d野, 好充實o既一日
充實到唔知時間過
欣慰o既係, 我幫o既人本來準備充足, 又有料到
d野幾乎都on schedule, 今日差唔多finished晒要攪o既野, 掂
2日假完結了, 明天又要返工... ... =.= =.= =.=
死硬...
完全冇準備過天晚o既野...
天晚放學都係早早返企訓...
2005年11月8日 星期二
2005年11月4日 星期五
十一月三日
今日懶, copy一篇文來分享了事, 幾有趣的
我o既comment: 我彩我不嬲都唔man, 我亦都唔想man
呀man man唔man, man? man! man man man!
完
小時候看過一齣赤味頗濃的紀錄片，一名大漢雙手舉著一個大啞鈴一級一級地跑上泰山，感覺很 Man，內地經濟開放後，發覺 Man 並不能當飯食，外地遊客只需花上幾十塊錢，便可以雇用一名壯男揹他上山，Man 一下子被資本主義從新定型，似乎不比那幾十塊錢重要。數年前去過北京的萬里長城一遊，很想感受一下當好漢的滋味，可惜那時候體力較差，走不了五分之一的路程便氣力不繼，深感當好漢需要付出性命的代價，開始有不想當好漢的傾向。
年紀大了，Man 有了新的定義，話說門前的電燈壞了，屋主L拿了一個新的電燈泡，要求幫忙更換，這原本並非租客的責任，正想以一頓晚飯來討價還價之際，便被揶揄道：『做小小野都推三推四，係咪男人o黎o架。』Man 就是要負責任何女人不願意承擔的職務，不論責任跟男人有沒有關係。爬上褶梯並裝了新的電燈泡，但燈還是打不著，再一次被揶揄道：『小小野都搞唔掂，係咪男人o黎o架。』Man 就是要『成功地』負責任何女人不願意承擔的職務，不論成敗跟男人是否有關。
另一則事故發生於聖誕前夕，因我館的基督徒團契正值女權當道，一致決定向每位同事分派一隻心型褶紙，褶紙工作由我督導及製作並限時交七隻『有翼的心』，天！身為Man的一份子，竟然又要褶心又要送心。但皇天不負有心人，已婚的同事 A 收到這聖誕禮物時，先是一臉奇怪，然後讚道：『你褶o架？好 Man 噢。』Man 就是需要在適當時候做一點不 Man 的行為。在廿一世紀，做一個 Man 的男人其實不易。
2005年11月2日 星期三
十一月二日
曾與某blog當家戲言:
君張貼文於彼blog, 吾則以相同或相反之意亦對一文於此
現戲言終能兌現
Therefore, if anyone want to get more information about the essay I post today,
please check them out from the link below:
http://kmw2005.blogspot.com/
完
寬恕
待人寬恕, 待人溫柔
是否是好事呢?
人性惡與善, 我不願在此下定論, 不過,
小孩子犯錯你寬恕就會變本加厲
情人出軌偷情寬恕就會心癢再犯
罪犯殺人越貨寬恕令更多人受害
寬恕真的好嗎?
溫柔待人, 人的第一感覺會很舒服
時間久了, 就會變成老奉
時間久了, 就會寵壞別人
時間久了, 就會被人欺負
對你溫柔點, 好嗎?
不應該
很多人常常說應該怎樣應該怎樣應該怎樣應該怎樣
有沒有想過做了"應該怎樣"的事之後
其實已經pay了很多effort, 又不一定efficient呢?
不如想想, 不應該做什麼
你應該去追她, 應該送她禮物, 應該約她去街, 應該送她回家...
其實, 你不應該工作散慢, 不應與其他女孩調情, 不應忘記不該忘記的事...
你要孝順, 你要在節日生日大時大節請父母吃飯...
其實, 你不應該做讓兩老擔心的事...
老闆覺得應該...政客覺得應該...情人覺得應該...
有很多事情, 想想自己不應該做什麼之後, 才做應該做的事情吧!
你又看到了多少?
如果我一個人去閒逛, 或者去一個目的地
我一定會聽著歌
從小開始, 就會聽著walkman, discman到玩在的mp3機在街上車上lift中搖頭晃腦
沉醉在自己的世界
不過由於我又不喜歡有些東西閒著沒事干, 所以耳朵在聽, 手在打節拍, 腦在雲遊四方, 眼也同時會四處觀察
尤其在街上, 什麼都會留意: 街上馬路上的狀況, 如何行才可以較為有效率, 如何避開即將面臨的人群, 有什麼有趣的事情, 有沒有靚仔靚女, 見不見到熟人...etc etc
實在有太多東西可以看, 可以留意了
留意與否, 在乎心, 不在乎是否聽著mp3
天長地久, 在乎雙方, 不是一廂情願的
茶
老實說, 我不喜歡喝咖啡
我已經睡得不好了, 不需要提神了
更不喜歡苦, 人生短短數十年, 又不是含著金銀匙出世
為何仍然要拿苦上身?
所以我例牌要檸茶, 奶茶
檸茶酸, 但程度可以自己調整, 更可以酸到很"苦"
不過, 最要緊的是可以稍為消滯
奶茶就很滯, 飽的時候不想再喝奶茶了
一向在外喝的奶茶, 奶都偏向加得多
不是太甜就是太滑
太滑了, 一切都太順利好嗎?
雖然不愛苦, 但事事順風, 順暢到毫無進步就不好了
喝奶茶, 都是愛茶味較濃的
不過, 最愛的始終是最原始以茶葉泡的茶
為何我又不常喝呢?
因為我怕熱
冬天吧, 冬天就是我的天下了
2005年11月1日 星期二
又介----夕陽醉了
真係非常好聽~~!! 作詞作曲編曲都好正~!
細心聽每一個component...真係是但聽一d野都好有feel~~
而最正o既, 並唔係呀學友, 而係係後面和佢音果個女音!!
唱得好好聽同好有感情~~超正呢~~~~~~~~~~~
次次聽呢首歌唔係聽音樂就係聽把女聲
從來都唔會聽學友 (雖然佢都唱得好聽)
XDDDDDDDDDDDDDDD
希望大家留意下啦~ ^_*
夕陽醉了
作詞：小美 作曲：童安格 編曲：杜自持
夕陽醉了落霞醉了任誰都掩飾不了
因我的心因我的心早醉掉
是誰帶笑是誰帶俏
默然將心偷取了
酒醉的心酒醉的心被燃燒
唯願心底一個夢變真
交低美麗唇印下情深故事更動人
回來步入我的心好嗎
回來別剩我一個人
尋尋覓覓這一生跟你
尋尋覓覓這緣份接近
斜陽別讓我分心好嗎
斜陽浪漫可惜放任
紅紅乏著酒窩的淺笑
何時願讓我靠近
好歌推介--曖昧
唔講歌詞, 我覺得好聽
計埋歌詞, 我諗呢排我身邊都有唔少人睇左會有d feel
我唔理你地啦, 總之首歌好聽啦~~~
不過, 我諗唔會有人對號入座re我呢個post...掛...
哇卡卡卡 XDDDD
大家唔使估係咩人, 因為我唔同堆friends都有幾個係呢d case...
曖昧
詞︰姜憶萱/顏璽軒 曲︰小冷 編曲：屠穎
曖昧讓人受盡委屈
找不到相愛的證據
何時該前進 何時該放棄
連擁抱都沒有勇氣
只能陪你到這裡 畢竟有些事不可以
超過了友情 還不到愛情
遠方就要下雨的風景
到底該不該哭泣 想太多是我還是你
我很不服氣 也開始懷疑
眼前的人 是不是同一個 真實的你
＊曖昧讓人受盡委屈
找不到相愛的證據
何時該前進 何時該放棄
連擁抱都沒有勇氣
曖昧讓人變得貪心
直到等待失去意義
無奈我和你 寫不出結局
放遺憾的美麗 停在這裡＊
repeat ＊
果然係無可替代...
剛剛用電腦software "skype"同係英國o既"動物男"傾偈(用microphone實時傾, 好似電話咁傾)...發生左一樣野...
話說由於唔係用電話, 有時係broadband用家o既peak hour的時候會出現delay的情況
有時會得幾秒...有時就會十幾廿零秒不等, 今日就delay得好勁
咁我為左試驗delay幾耐, 就同佢講"喂, 你聽到我講呢句, 就講1, 2, 3, 4啦"
點知係我講完呢句之後一陣, 聽到佢講EXACTLY同我同一句(連用字都九成一樣, 仲要唔係ABCD甲乙丙丁, 係1234)
好明顯佢講o既時候, 係未聽到我講果句o既
實在太得人驚了...呢d默契我同佢不時都會出現o既...果然係無可替代...
好得人驚...
2005年10月31日 星期一
十月三十一日
1. 隔來blog個blog主三分鐘熱度, 似乎冇咩熱誠係blog度"同人溝通"...又係o既, 睇o既人唔多, re既人更少 : D
2. 公司o既同事們愈來愈冇心機做野了...
3. 三連音三連音三連音三連音三連音三連音音 XDD
4. 身邊好多人都為情情塔塔野煩惱...呢樣野真係煩死了人唔少腦細胞~ 唔想煩, 咪同人講"我拍緊拖"咪得咯~~
5. 條件差d既人, 冇得拍拖就恨拍拖, 有得拍更大把野煩, 不如唔好拍, 唔好煩到人啦 (一係就主動d努力啦)
6. 人可以keep係廿五歲前真係好, 身體條件最好, 工作仲有未來, 又唔洗為將來組織家庭煩惱
7. 呢排聽得朋友, 同學, 同事太多情情塔塔野, 引至我寫呢篇野了
8. 奧拉祖民: 快d介紹G小姐來識, 冇理由個個見過我都未見過~~你愈遲我就係佢面前爆多d你大鑊野 XDDDD
2005年10月30日 星期日
十月三十日
1. Maychan生日快樂 : D
2. 星期五晚o既會雖然明知開左都係廢o既, 不過都好多人去開, 到最後當然一無所獲啦
得到d咩? 做夠３年ｏ既，下個contract會多２日假，真係皇恩浩蕩
3. 打波打波打波打波打波打波打波!!!!
4. KeroKeroKeroKeroKeroKeroKeroKero!!!!
完
2005年10月28日 星期五
十月二十八日
1. 今日係我一個係外國o既朋友生日...生日快樂!
2. 尋日上堂, 我選擇個角色-->"讀書讀到個人有問題o既應屆會考生", 我讀完篇稿, 呀sir對我話左句"你都痴線o既"
3. 上一堂冇返o既果位同學今堂出現, 佢o既演技實在犀利, 睇到我O晒咀
4. 公司o既contract staff怨氣愈來愈大, 士氣愈來愈低, 而家開始有人組織起來, 希望可以同高層果堆垃圾傾下
5. 唔止本身BD高層, 我地Section同Team的高層都係好多人公認o既PKs, 跟住呢d人做野有時真係好難做, 唔知想點
6. 有咩工可以轉...
7. 終於儲齊"光之七人眾"!! 不過...我幾時先攪得完呢?
8. 尋晚拿左"象"之後, 今日終於拿到"赤兔"!!
9. 係hard mode好辛苦靠一班卒+幾個武將一齊圍剿之後, 終於擊破呂布, 拿到戟之奧義!!
諗唔到有咩講+要訓了
完
2005年10月27日 星期四
真空期
發覺自己進入了"真空期"
見到有條荗炳係自己個blog入面嘰嘰趷趷, 又話咩冇目標又話能力發展到盡頭
你做多廿年都未到呢個階段啦大佬, 到果時又有第二d目標啦~
反而係我...真係唔知而家自己o既status係點
書? 半年前讀完, 暫時nothing worth to study
工? 冇前途, 唔長遠
行業? 係HK摺得最犀利o既行業, 最冇前景o既行業
轉行? 咁易咩?
健康? 愈來愈少運動...個人愈來愈累...
家庭? 爸媽可以享受下, 唔使再供養我地...但係我唔知有咩可以俾到佢地, 令佢地開心...仲要睇住佢地身體慢慢冇咁好...
興趣? 以前玩開o既野愈來愈少玩, 愈來愈冇機會玩...
愛情? 冇咩特別好講...
究竟我要點?
完
2005年10月25日 星期二
十月二十四日
病左幾日...雖然係小病, 不過都磨左我幾日
今日返工, 冇唔舒服, 不過覺得累...
天晚仲要走2場...
呢幾日沉醉於呀源copy俾我的"真.三國無雙3"入面~
殺呀~~~~
孟獲統一天下!!~~~
YEAH~~~!!
2005年10月22日 星期六
2005年10月20日 星期四
十月十九日
沉悶工作的一天, 似乎就是為了下班後所未知的第一天上課, 那一剎的精彩而蘊釀
上課的人數極少, 形式不同, 意料之外
不過新的形式, 新的衝擊, 對喜歡有新嘗試的我來說, 是好事
導師似乎具資深的經驗~
人數太少了吧?不過相對地表現的時間增多, 有利有弊吧?
如果舊話劇班的同學也能一起參與, 一定很有趣, 可惜...
太累了, 不能再寫了, 早點睡吧...
另, 為何我仍在用書面語?
再, 做咩仲係咁??
又, tune返來了, 早抖
完
家昇incident 感想
既然大家不用白話, 那我便用書面語吧
上班方面, 我也沒什麼好說了, 總之努力吧~
忙, 也是好事, 起碼可以學習到上班的事情, 也可以學習到雖然考試知識上的事情, 更可以忘卻不快樂的事情...
愛情方面, 也沒什麼好說吧? 你也明白該明白的事情了~
喜歡就喜歡, 不喜歡就不喜歡, 無論對方是什麼原因...
愛情路上, 誰沒有遺憾? 人人都能兩情相悅, 這個世界也不會有那麼多淒美的愛情故事了...
日後回頭一看, 今天的大事也只不過是小事吧了...
家庭方面, 我也真的不知道你的情況(當然看了你的日記就知道了啦)
其實, 和人溝通是存在很多技巧, 尤其是與熟悉的人!
愈熟悉的人, 愈存在很多"理所當然"! "理所當然"是使很多家庭/戀人/好朋友破裂的原因呢~
君不見大家與不熟悉的人反而更客氣, 更不直接地說話嗎?
我也曾經有過你現在對家人的感覺, 不過這些感覺只是一時之氣而已(即使現在你認為不是, 但日後你會明白的)
一家人的關係始終是一家人, 不會那麼惡劣的, 除非真的是殺人放火姦淫擄掠的事情吧?
當初我的境況也差不多呀~ 我之前跟你通電時, 說明白你的感覺, 不單止是明白沒有工作時的壓力及頹廢呢~
家庭方面我也一樣, 同樣是有受那種壓力!
但當你明白, 他們的動機是為何, 他們那些刻薄的語句是出自什麼的心, 他們在心底裏對你的期望...
甚至, 當你面對他們的憂心, 面對他們的經歷, 面對他們年紀開始漸老, 面對不健康的身體, 面對不再青春的未來...
你便不會再有任何不快...
即使怎樣, 他們是父母! 即使怎樣, 他們仍每日為你洗衣煮飯!即使怎樣, 他們在心底也為你而痛!
你要明白...樹欲靜而風不止...不要後悔你曾做過什麼, 更不要後悔你不曾做過什麼!
所幸, 你有宗教信仰所給與的支持, 你有"神"給與你的安慰, 希望你重新振作, 回復那昔日的你吧~
之後, 你將會明白今天的煩憂, 亦能吸取今天的經驗, 作為明天的寶貴財產~~
思緒較為雜亂, 未能有結構上之編輯, 更沒時間慢慢斟酌字句, 想到就打, 仍望能與君(及大家)共勉之~
2005年10月18日 星期二
最享受的時刻/感覺 (零五年十月VERSION)
由以前到而家, 我都有一d ALL TIME覺得開心/亨受o既時候
(唔計同人一齊, 係only自己一個人o既時候)
不過隨住年齡, 環境o既改變, 當然都有d有改變啦
亦都有d係長時期唔會被篩出去o既
以下不分排名先後 (同埋係我而家諗到果d only):
1. 深夜搭巴士返屋企, 架巴士冇咩人, 唔嘈, 仲要最好係金色果隻巴士(因為金色最前果排坐位係冇燈o既, 暗暗地, 而我最favourite的座位係最前最左果個位), 一路聽住mp3, 一路望街
2. 投入地打波時 (如果同d 9唔搭8人/獨食人/打起來冇心機o既人等, 我唔會投入的)
3. similar to 2, 好專心咁做一d自己中意o既野時 ("野"包括畫公仔, 砌模型, 打鼓等)
(第3點<--個個人都會, 因為專心-->忘記其他野)
4. 大便, 唔好話我核突, 大便絕對係人類生理上其中一種最舒服o既感覺, 而我隨左呢樣野, 通常同時地都會正在睇書/睇漫畫/唱歌...etc, 係由以前到而家都係all-time favourite o既時間之一
5. 屋企冇人, 一路聽歌一路大聲跟住唱, 勁free
6. 未諗到
總括來講, 都係一d我覺得自由o既時間, 有得釋放o既時間
咁...究竟我係中意一個人o既時候, 定係同朋友一齊o既時候呢?
完
無聊...
覺得愈來愈無聊...生活無聊...返工無聊...放工無聊...樣樣野都無聊...
樣樣野都好悶...又提唔起興趣做...前途一片白茫茫...
唔想打機... 唔想砌模型... 唔想畫公仔... 唔想講電話...
唯一會開心d...就係同朋友/家人一齊o既感覺...
食飯又好...吹水又好...打波又好...唱K都好
我應該轉工嗎? 我應該學下新o既野嗎? 我應該轉行嗎? 我應該作反嗎?
定係...我應該... ...
... ...?
不過有一樣肯定o既, 就係我唔會尋死
生存本身就係一種樂趣, 生存o既感覺太美好了
完
不得不提...
1. 原本我register個blog, 係為左reply民民個blog的posts (因為果時佢個setting set左要blogger先回得)
誰不知而家我仲寫得多野過佢...
有冇搞錯...不過我寫d野又冇咩意義o既 : D
2. 最近好中意用" : D"
多過用" ^_^"
唔知點解
3. 原來我真係好多野諗同好多野寫o既人, 我係咪應該唔好用口語化來寫呢?
第日集埋一堆出書 XDDDD
不過算啦~ 黃霑自己寫d書信同筆記都係用廣東話白話的, 我就更加唔好同佢相提並論啦~~~
話時話, 遲d亞洲文化中心好似會有"黃霑書房"<---唔係好記得個名
展覽, 好想去睇呀~~~霑叔正呀~~~
2005年10月17日 星期一
十月十七日
如果冇咩主題, 都係用返日子來做標題最好...
1. 基本上, 我都係一個好脾氣o既人, 近年都應該好少人見我發火掛? (成日俾人話我冇火) 不過, 有d時候的而且確又會令我有少少"興"o既感覺(都係少少咋...)~ 例如咩時候呢?
...
...
我都唔知點講~ @﹏@
不過大致上, 都係果幾樣o既...例如有d咩呢? 嗯...嗯...熟我果d人一定知o既...嗯嗯 ^o^
總之, 今日係有dd不爽o既感覺
2. 細個o既時候o既感覺真開心!~~~ 今日有一剎那拾回細個時o既感覺~~
話說今日換床單, 被套同枕頭套, 坐係張床度換~ 咁呢...張被同張床單都幾大張, 換緊果陣時好似自己細個果陣時咁, 慢慢張張被套o既膽"攝"入張被套度, 又整埋張床單~~~嗯嗯...總之好得意~好似細個果時咁~
而且呢set野係我最中意o既果set呀~~因為張床單,被套同枕頭套都好滑呀~~訓覺時好C服呀~~~~~而且個圖案係好靚o既"車車"圖案 : D 而且仲有"工車"呢~~
3. 有d雜亂, 睇得明就睇得明, 睇唔明唔關我事~~ ^^v
完
星期一...+ Reminder
1. 今日小民民第一日返新工, 唔知點呢
2. 尋日打完波o既疲累, 又唔係真係好影響今日o既精神, 不過都係麻麻地
3. 今日要出site呀~~~ >_<
4. 今晚or天晚要搵Law仔confirm日子了
5. 冇心機做野
6. 呢幾日要搵下Mari-an
Reminder for myself:
1. 呢2weeks內搵一晚搵呀源食飯
2. 逢星期三上堂
3. 慶祝家昇搵到工
4. 十月之星
5. 遙遙無期OO唱K大會
6. 個個星期起碼一日打波, 日日係屋企做運動
7. 十一月頭有3日幫雞脾考牌
8. 暫時諗唔到
完
2005年10月16日 星期日
今日打波
ok滿足, 運動量夠呢~~
雖然係為左運動多d, 不過手感退步左咁多都真係...(雖然我射唔準都win到波)
好彩d籃板, 防守o既基本功都還OK
我要keep住每個星期打到一次波呀~~~
如果呀馬一齊打就好了 @_@
2005年10月15日 星期六
陳綺貞 旅行的意義
陳綺貞 旅行的意義
你看過了許多美景
你看過了許多美女
你迷失在地圖上每一道短暫的光陰
你品嚐了夜的巴黎
你踏過下雪的北京
你熟記書本裡每一句你最愛的真理
卻說不出你愛我的原因
卻說不出你欣賞我哪一種表情
卻說不出在什麼場合我曾讓你動心
說不出離開的原因
你累計了許多飛行
你用心挑選紀念品
你搜集了地圖上每一次的風和日麗
你擁抱熱情的島嶼你埋葬記憶的土耳其
你流連電影裡美麗的不真實的場景
卻說不出你愛我的原因
卻說不出你欣賞我哪一種表情
卻說不出在什麼場合我曾讓你分心
說不出旅行的意義
勉強說出你為我寄出的每一封信
都是你離開的原因
你離開我就是旅行的意義
...
1. 好多時...都係女仔歌o岩我feel, o岩我心態多d...
2. 陳綺貞<--少女標本果4個一向最OK佢
3. 就來同小民民食飯lu, 食咩好呢 :D
4. 好野, 天日打波
5. 我要趁天氣轉涼做多d運動~~~~~~
2005年10月14日 星期五
既然申請左, 咁就都不定期寫下野啦
今日發生o既特別小小o既事:
1. 打電話俾個complainant, 俾佢鬧左一輪, 但係又唔係鬧我噃~
2. 今日俾人放個大飛機, 不過"女"係緊要d既~~~可?
3. 好似冇咩特別野講了
