十二月二十三日 -- 雜記

17/12(一) -- 收工返去買定第日要o既飲品雞翼同醬汁, 之後返企食飯, 食完飯整定d雞翼, 到咁上下Grace打來o岩o岩係TKO做完facial, 一齊去食糖水(下午約左), 之後返企。

18/12(二) -- 收工同一班舊同事(日安盧撈何敏呀儀Carol珊姐呀黃呀衛)係我家開X'mas Party, 飲飲食食同抽獎吹下水講下衰野咁, 到10點半島散。

19/12(三) -- 收工返企再出返去北角Ibis個酒店餐廳同白田同事食飯(PuzzleManWing俠士軒軒); Initiate個飯局o既Spenser又放飛機, 佢叫o既Grace都唔來了; 食到9點半島散。

1. 呢幾日愈來愈凍, 訓覺起身時好唔想出個被竇返工呀~~~

20/12(四) -- 早收工, 行左下MK, 同KTPD同事食雞煲; 本來想去66雞煲, full左, 去左天機棧雞煲(普通啦); 10點半島散。

2. 果套SD Next特別版boxset太~~~貴了...

3. 天日真係世界未日?

4. 個個係度話世界未日, 不如每一日都當係世界未日前夕, 好好地珍惜每一分每一秒同埋身邊o既每一人每一物吧。

21/12(五) -- 公司要有人留, 所以正常6點收工, 所以無煮野食; 收工返企食飯做冬, 呀爸呀媽呀嫂佢地煮。

5. 呢幾日都訓得麻麻地, 日日都好早醒, 好眼訓; 星期一買野時咩住好多野, 加上上星期開始連日行, 所以條腰有d痛...

22/12(六) -- Hea爆到夜晚去臨時叫人博康同呀哥呀嫂呀源Jason呀C打邊邊。

23/12(日) -- Hea爆到下午過左呀哥度一陣, 之後上FF家食飯同Benson玩(我C民仔FF茄), 之後落佢樓下食埋甜品走。

6. 民仔婚期已訂了~~恭喜恭喜~~

來緊:
24/12(一) -- 平安夜
25/12(二) -- 每年例牌BBQ
31/12(一) -- 倒數home gathering
24/1(四)  -- 呀文同綺綺來HK, 約左呢晚帶佢地食飯

完

十二月十六日 -- 雜記

10/12(一) -- 收工返企食飯, 今晚好齊人呀~~

11/12(二) -- 收工過坑口村同Grace食飯, 又試多間野; 今次呢間勝在平同抵食, 但就無上次果間咁好食。食完行左下東港城同埋新都城之後散。

12/12(三) -- 日安收工來KT接我收工XD; 一齊過去鬆弛熊館拿之前幫Penny訂左o既聖誕特別版熊仔, 之後去油塘meet埋盧撈行"大本營", 今次係開幕之後第一次行, d鋪頭開到7788了; 行左個圈(仲有導遊(定伴遊呢XDD))之後佢地返去食飯, 我都返企食飯。

1. 之前果晚一路訓下醒下咁, 唔知咩事, 好辛苦呢~~

2. 是日早餐食之前果晚剩o既pizza蝦餅春卷, 晚餐就食剩落好~~~多o既ribs, 果餐晚餐真抵食~

13/12(四) -- 收工過MK, 自己行左下In's Point同信和, 之後等到8點Tracy到, 同佢去天機棧食飯; 搬左之後第一次去, 大間左好多同埋無咁逼, 不過就好暗, 都幾好坐; menu同價錢就同以前差不多, 都OK抵食o既; 到9點半島就走。

3. 好開心好耐無同Tracy同學食飯見面傾偈啦~~ 仍然都係好好傾o既好友, 佢仲搵左我如果佢結婚要攸佢姊妹添, 難得一次真係要做下呀哈哈哈~~~

4. 今日係公司怒清理個位, 將好多萬年未file o既野同埋未碎o既紙攪掂晒~~

14/12(五) -- 收工過澳門探舅父, 飲飲食食過左2日。

15/12(六) -- 澳門一日遊; 以前去咁多次都無點玩過, 今次真係正正式式咁去左好多應該去o既地方遊覽呢~ 晚上參加呀媽果個巨型同鄉會聚會, 11點船返來。

5. 參加左一次"有錢佬活動", 充分地感受到有錢人同平常人mindset係唔同, 同埋d錢真係唔係錢來的; 另外, 亦都見到人鍾意被稱讚同自我膨脹o既一面。

6. 係威尼斯人好似有明星o既大型宴會, 好多記者, 仲有紅carpet, 入去時見到徐子珊, 真人幾靚; 返HK時係碼頭極近距離見到蔡一智(先見到林珊珊), 佢仲對我笑添~ 同一班船返HK(應該都係出席同一個場合?)。

16/12(日) -- 好累好眼訓, 同中午去睇公司電影"哈比人"(遲左少少入場); 由於坐得偏前, 又3D又有時鏡頭搖又唔夠訓, 睇到好暈; 睇完同日安盧撈Vincent同Vincent女友一齊去蘭芳園食野(起身無食過野), 之後散水; 夜晚返企食飯。噴左少少模型金色, 砌左隻BB。

7. 哈比人: 套戲來講其實唔算係拍得好好睇, 因為係第一部o既關係都係交代下個background人物等等, 出返好多LOTR的人物, 明顯都係有d fans向o既; 劇情都係老掉牙, d驚險位動作位都係expected; 3D來講都算係咁, 好過好多3D戲; 最正當然都係可以係大銀幕見到果類世界o既場面啦~ 對於我呢d有份玩最早期board game RPG的玩家來講, 可以係銀幕重現到咁多野, 自己又清楚好多果個世界觀d野, 一定會加好多分。以戲論戲就普普通通啦~~

8. 今年聖誕唔會好似以前咁買咁多禮物啦, 少行街, 又無咩睇得o岩~~

來緊:
17/12(一) -- 收工返企食飯
18/12(二) -- 好友X'mas Party@我家
19/12(三) -- 白田Gathering
20/12(四) -- 同同事未日雞煲
21/12(五) -- 屋企做冬; 世界未日??
24/1(四)  -- 呀文同綺綺來HK, 約左呢晚帶佢地食飯

完

十二月九日 -- 雜記

3/12(一) -- 收工返企食飯。

1. 最近好鍾意呢個term: 邊際報酬遞減定律。

2. 偶爾夜晚望到幾次J2的節目"音樂工房"; 其實個形式係唔錯, 可惜只係TVB自己班人係度玩(當然我估TVB都會想多d其他歌手, 但係TVB同咁多唱片公司關係唔好, 人地唔來玩), 次次睇親都係關埋門一班友自己係度jam歌或者唱歌, 邊班? 十次有九次都係"巨星幫"...真係唔多掂...

4/12(二) -- 收工返企煮飯食; 呀媽終於都返屋企食飯了~~

3. 呢幾日見到果個鐵達時廣告, 好多人都post上fb, 個人認為係一個"唔得"o既廣告。點解? 因為太出、太陳腔濫調, 個所謂轉折位一d都唔轉折; 無疑件"事"係浪漫(老果對Ok, 後生果對真係唔知咩事又無病呻吟), 但係編劇可以話幾乎等於無編過, 亦拍得唔感人, 個導演好唔掂; 片中角色唔係好做到要拍o既感覺出來, 已經係講緊Full Version 4分幾鐘果個都唔得...講真我覺得個廣告真係麻麻地咯...

4. 之前買落d料, 試整香茅豬扒成功~~

5/12(三) -- 收工返企再出Megabox同美麗Tango呀康唱K, 本來想同Lily食生日飯, 點知佢話想唱K發洩, 於是先叫埋呀康多d人, 結果唱完都無請佢; 過左11點半走。

5. 之前同Tango美麗唱K時都係好多人, 佢地都係玩多, Tango不嬲都唔太好唱K。不過今次得4個人, 大家都OK唱得多喎; 仲有難得有多d機會同埋正正經經聽到佢地唱, 其實如果佢地認真唱都唔太差呢。

6. 今日唱K發現之一係有連詩雅o既歌, 當然包括"到此為止"。

6/12(四) -- 收工返企食飯。

7/12(五) -- 收工同Raymond行過去九龍灣行下, 買左漫畫, 之後同佢散, 我過CWB同CSannyEvaLucy食HiPot, 之後散水返企。

7. 之前DMC爆粗Band友個作者, 完左DMC之後又出新作"戇救世主", 本來以為唔會好好睇, 江郎才盡, 點知上網見人話OK, 於是買左第一本來睇; 好睇喎~ 有返DMC第一期個驚喜度, 好笑得來又有d point; 當然同DMC一樣值得一讚o既係, 個HK翻譯啦, 仍然係好啜核好地道, 好鬼正~~ 好可能會繼續睇落去啦~~

8/12(六) -- 中午係Popcorn土司工房同CSannyJason食飯, 之後呀娟SamEstherJessica到, 佢地坐一陣, 我地4個就去訂定pizza同其他野食, 再join埋去拿蛋糕同買野飲後上企; 玩card game board game到咁上下呀馬同Kathy都來埋, 之後到7點幾呀源同民仔都到, 出去買壽司同拿pizza, 8點島呀哥呀嫂來埋, 一齊食同埋補祝呀源生日, 食完野再玩一陣, 大家陸陸續續分批走, 到12點幾就散晒。

8. 一貫地我雖然都有join d game但係唔係全程join, 其實我好鍾意同一班好友一齊玩同hea, 不過鍾意一齊o既感覺多過真係要一齊玩, 所以有時無join一邊聽住佢地玩, 一邊影下相, 執下野, 整下自己野都好開心。

9/12(日) -- 早上Jenny來HK, 同C一齊睇早場浪客劍心, 睇完呀娟來寶林join我地一齊食牛陣, 之後散。返企睇左陣Wyman演唱會之後入西貢, 食埋晚飯hea一陣走。

9. 浪客劍心 -- 睇得出好有心機拍o既一套片, 係日本漫畫改拍真人版o既戲來講算係好唔錯啦, 都唔會悶同都幾好睇, 每個角色都有d發揮, 當然動作場面都好OK, 真係幾正宗o既日本刀打鬥, 雖然一定有d誇張但又唔會太過份, 表現到主角果種速度感, 同時亦都可以型, 幾正。人物方面, 主角ok型啦, 佢都儘量想做到好似漫畫劍心咁, 但係始終有d難度了, 型多過似女仔。呀薰明顯係一蹶花瓶角色, 不過幾靚女。左之我覺得比漫畫果個更正, 佢真係好做到果d有少少無賴同極度爛仔o既感覺, 不過無咩內心戲齋打而已。呀惠搵蒼井優做, 好交到戲, 又靚又叻, 十分OK。好期待o既江口洋介做齋滕一, 的確係好型同埋做到齋滕一o既感覺, 可惜出得唔多, 出手更唔多, 好唔夠喉呀~~ 刃衛o既角色, 唔需要點交戲, 不過都幾型, 最後一場打都好睇。Overall來講, 如果係睇開漫畫係fans的話, 絕對係值得睇o既戲來o既~~

來緊:
14/12(五) -- 收工過澳門探舅父, 星期六晚返
16/12(日) -- 公司電影
18/12(二) -- 好友X'mas Party@我家
19/12(三) -- 白田Gathering
21/12(五) -- 屋企做冬
24/1(四)  -- 呀文同綺綺來HK, 約左呢晚帶佢地食飯

完

十二月二日 -- 雜記(revised)

26/11(一) -- 差唔多6點係土瓜灣收工, 趕過去SSP買禮物之後再去MK意粉屋食芝士火鍋, 同LD同事慶祝進進生日, 9點半島散。

27/11(二) -- 收工返企煮野食同呀爸撐台腳。

1. 睇左網上o既放火片, d人真係好變態。

28/11(三) -- 收工去上環蓮香樓同中學同學們飯聚; 第一次去, 幾好食呢, 好傳統o既中式酒家~~ 好耐無試過全男班無人帶眷屬參與啦~ 一樣傾得好開心。

29/11(四) -- 收工唔係十分想返企食飯, 又唔係十分搵人食飯, 於是去左寶林行左個圈後返企整野食。

2. 最近聽歌聽個K apps, 成日聽到d卡拉OK版, 有時覺得真係幾正; 無左個vocal聽到首歌好多野呢~~

3. 去左寶林奇趣行, 本來去到想買支gundam marker, 點知行左個圈就唔記得左無買。

30/11(五) -- 下午放假半日同八婆行街, 先去ssp行左福榮街, 佢原來未行過, 估唔到有咁多野睇, 行左好耐佢unexpect咁買左好多野哈哈, 之後佢老公來到, 同我地一齊行左陣, 拿d野返屋企先, 我同八婆過北角天然椰子號, 之後散水, 我過灣仔搵C, 一齊過返北角同呀球呀嫂食飯。

1/12(六) -- 同呀哥呀嫂呀CSannyJason一齊過SZ, 主要係呀哥呀嫂要去買野; 大家先一齊去東門, 食完lunch呀哥呀嫂先去買野, 我地其餘人就行下東門, 佢地買左d野, 之後去之前去開果間書城睇書, 同1呀哥呀嫂集合, 到4點就去另一間新d書城, 睇到6點走, 去"黃記煌"食晚飯, 之後就返HK。

4. 今日行到5點幾開始已經用盡晒所有精神同體力, 條腰痛返同埋超級頂唔住, 個頭發發下, 個人無晒反應, 亦都唔想有咩反應了(累到連聲都唔想出), 超級辛苦。仲有行左一整日完全摧毀左條腰。

5. 2間書城都係得個幾鐘行, 由於我咩書都會睇下, o岩o岩夠我全場係咁咦掃過一次, 都未去睇下想買咩書, 所以最終咩書都無買; 下次要去定一間狂磨一段時間先OK。

2/12(日) -- 呀源生日快樂; 極度疲累, 訓下醒訓下醒下都1點幾先起身, 落去同呀哥呀嫂食飯之後返企, 下午落左樓下同日安傾左陣偈同埋行左下Jusco, 同街坊落樓下行下o既感覺真係正~~ 之後返企hea到夜晚出KT去Man婚禮, 10點幾完後返企。

6. 尋日好明顯令條腰嚴重返, 今日無帶袋兩手fingfing咁行一陣都開始會痛...

來緊:
8/12(六) -- Home Gathering

完

負面+律己/待人以嚴/寬

最近自己諗左/講左唔少, 而家d人諗野好negative, 個世界風氣都好差o既野。今次又再講多少少, 有關"負面"。不過都係長話短說, 稍稍討論幾句啦。

其實我覺得, 人睇野negative, 真係一樣好negative o既野(咬睇呢句真係廢到爆)。何解咁講呢? 第一, 人睇野negative, 自己只會唔開心。唔開心就只會惡性循環, 跟住就愈來愈negative, 愈來愈唔開心。

另外, 實際上所有野都會有兩面, 如果只睇negative的話, 咩野都只會睇到negative果一面, 同我以前講過對人o既印象一樣, 你mindset係要諗到d野negative的話, 所有見到o既野都只會係negative而已。

第三, negative係會傳染o既; 我諗大家都應該會感受到呢樣野, 身邊多negative人、多negative意見o既時候, 會影響到人都變negative的; 而呢樣野正係而家個社會發生緊、但係又係最唔想見到o既野。

講完negative, 就想講下律己/待人以嚴/寬。

講真, 以上講"negative", 絕對係講緊身邊一d識o既人: 同事、朋友、相識, 真係有唔少咁o既人。唔係想責備或者怪呢d人, 因為佢地會咁樣, 唔一定係佢地自己想o既, 好多時都係環境、經歷影響。當然唔係話有理由就值得放pair然後就話自己"就係咁架啦", 我好希望佢地可以改變返個mindset, positive返, 開心返的。

最頂唔順, 就係"律己以寬, 待人以嚴"果d人。逐樣講下以下四類人:

律己以寬, 待人以寬: 呢d人會好相處, 但係太hea, 對人對已都無底線, 唔值得稱讚。

律己以嚴, 待人以寬: 呢d人, 係書本上鼓吹值得稱讚o既人, 不過我覺得未到最好, 因為"待人以寬"係而家o既社會來講, 只會令人愈踩愈過, 變本加厲, 縱壞人而已。

律己以嚴, 待人以嚴: 我覺得OK的一類人, 佢要別人standard高, 而自己做到(或者起碼自己做o既野係要求人地o既standard), 咁可以令人服氣; 甚至如果係一個叻人、討人喜愛o既人的話, 會對附近o既人有好o既影響, 好榜樣。

律己以寬, 待人以嚴: 最頂唔住呢d人, 平時對人奄尖聲悶, 又好高要求(兼諸多要求); 但係自己又唔係咩好野, 或者自己做錯野時只係輕輕帶過, 不加改進...etc etc, 呢d人只會令人覺得煩厭, 不如話, 其實十分討厭, 難以相處。

**********

最後我想講, 大家係睇野(人)、諗野(人)、評論野(人)之前, 有無諗過凡事先反問一下自己, 自己係問心無愧o既時候、自己真係明白事情o既真相之後, 先去客觀咁去睇、諗、評論呢?

寫得長定短都無幾多人睇, 所以user friendly寫短d, 希望逐少逐少, 令身邊、社會、世界再次變得很美。

另外, 今次歡迎大家對號入座, 明白兼發現自已o既問題兼改善啦。

完

十一月二十五日 -- 雜記

19/11(一) -- 收工同呀源陳同學同佢女友唱K; 佢女友果然係K迷, 唱得OK呢~ 最好笑係見到陳同學唔係好like唱但係成日夾硬都要拿咪唱, 哈哈; 到11點幾走。

1. 第一次唱"今晚我靚唔靚", 首歌好攪野好正呀~~; 另, 喉嚨真係今非昔比, 而家真係差過以前。

2. Lunch係間餐廳比冷氣吹正個頭一段時間, 頭赤到夜晚。

3. 今日係好友度聽到d野, 雖然都明白同合理, 但係都唔開心。

20/11(二) -- 收工返企食飯; 呢排返企食飯呀媽都好忙無返, 好似好耐無見過佢...=_=

21/11(三) -- 收工返企食飯。

22/11(四) -- 收工同呀儀同路, 陪佢行左轉銀行中心旅行社, 之後join埋o岩o岩收工o既Connie, 行左下In's Point後一齊同路搭MTR各自返企。

23/11(五) -- 連續幾日返企同呀爸食飯, 今晚返企自己煮自己食。

23/11(六) -- 一早終於睇左早場o既寒戰, 之後返企hea一陣再落返去同佢地食BurgerKing; 之後出MK同C行花園街, 預算行完可以再去SSP或新蒲崗, 點知係果度行左3個半鐘, 行完夠鐘返企食飯了。

寒戰 -- 其實我覺得, 人應該要有望向positive o既目光, 睇人、睇野應該去發掘人好o既一面, 睇下"亮點"係邊; 當然都要識得睇"唔好"o既一面, 但當下下都係negative同批評o既時候, 仲有咩意思呢?
而家d人真係唔識得"睇戲", 睇戲其實可以睇o既野有好多, 當然唔係睇親戲都要好似戲評家咁, 要好識睇, 但係而家d人個個都好"懶叻"咁, 只係去搵人地錯處、搵犯駁位, 有錯o既地方就好似自己好叻咁, 就話人地製作唔認真, 又話無腦; 其實要虛構一個故事出來, 要完全合理係好難, 人地拍片仲要顧好多野, 點先拍得鏡頭好睇、剪接、場境, 仲有演員, 好多好多, 一套戲好唔好睇實在唔係只係睇有無犯駁咯。
有無犯駁, 我成日覺得"建基於套戲本身o既設定"有無犯駁, 有d野設定左係咁, 就無謂再諗果樣野係咪錯, 如果係要咁真實, 邊有戲做? 睇新聞啦各位~ (講真, 而家好多新聞都係虛構架啦~)
講返套戲; 劇情來講, 如果大家要提咩保安局警務署長又咩程序唔o岩, 咁我無咩好講啦; 我就順住佢個劇情來睇, 幾乎全場都好緊湊, 拍得好有逼力呀, 尤其係角色之間o既衝突同埋演員o既演技, 真係好正! 唔使多講, 梁家輝o既演出真係壓晒全場, 呀黃其實我覺得唔太需要交到戲(或者已經比梁家輝掩蓋晒了)。
套戲其實唔係一套平時睇開o既警匪片, 最好睇o既場面跟本就唔係果d鎗戰、動作位, 而係某幾個角色之間果d對話同引發出來成套戲o既張力, 仲緊張過睇動作場面呀!
可惜我覺得好多查o既位同個劇情去到後段開始跳得幾快, 無啦啦就話查左d咩出來, 無啦啦就話查到d人係邊, 個結尾又趕趕地突然知道好多野跟住就完左。但係完得來, 其實又仲留左好多問號係度喎, 有少少我覺得美中不足。
好多人都話好明顯有下集, 我又覺得Open End都OK, 佢最尾果一幕, 反而我覺得係想帶出Poice報告, 話執法人員都拿正來做, 反一反, 究竟呀黃會唔會呢? 而所謂最後大佬, 出唔出都無所謂, 因為彭于晏都話左係有好~~~多人, 跟本個setting就係呢個鬥爭係沒完沒了o既(最合理o既答案當然係梁家輝係最後大佬跟住出下集啦)。
講真, 單以佢拍到全場緊湊同d演員o既演技, 仲有前半場o既懸疑感, 我都覺得呢套係一套好睇o既戲了; 瑕疵、不足之處當然有, 但係瑕不掩瑜, 呢套絕對算係一套值得睇o既好戲了~

24/11(日) -- Lunch同呀哥食飯, 下午自己係企hea一輪執野同打機, 之後出新蒲崗Mikiki同C睇佢鍾意o既Little Twin Star後食埋飯返企。

4. 有時行開街真係無啦啦會睇到朋友鍾意o既野, 禮物唔使一定係要送果時送o既, 有o岩先送, 遲左幾多都無所謂啦~~

來緊:
26/11(一) -- 進進生日飯
28/11(三) -- 中學同學飯
30/11(五) -- 放假半日同八婆行街
2/12(日) -- Man婚禮

完

十一月十八日 -- 雜記

12/11(一) -- 係大角咀早收工, 去行左下信和同In's Point之後返企食飯。

13/11(二) -- 收工返企食飯; 舅父係HK會展有份參展, 表姐同2個工人呢幾日係我家借宿至星期五走。

14/11(三) -- 收工食日安同呀儀生日飯(日安, 盧撈, 珊, Carol, Yee, Amanda, 衛, 衛老婆); 係APM潮樓, 好抵食; 全晚除左聽佢地傾偈之外, 仲要輔導埋K14; 9點幾散。

15/11(四) -- 收工同魷魚食飯, 今次唔係TKO, 去左SSP, 好耐無行過啦; 行左玩具街同福利, 買左d野, 之後去左又係好耐無去o既飛鷹食飯, 食完返企。

16/11(五) -- 收工過灣仔同C, Sanny, Eva食飯, 試左果間台式火鍋, 普通啦; 食完散水。

17/11(六) -- 早上起身同呀哥呀嫂Jason睇寒戰, 竟然機件故障睇唔到, 免費比我地睇南方小羊牧場後再可以退返票錢; 下午係企hea到咁上下出MK同好友們總共12人BBQ, 之後再食埋甜品後散水返企。

1. 好開心, BBQ好多同我最fnd的朋友都來(當然無可能齊晒所有最fnd的人啦, 有d都唔同group的), 不過真係好開心。

2. 南方小羊牧場: Unexpect咁睇左套戲, 挾住台灣偶像之名來HK上, 本身係唔會入戲院睇o既, 陰差陽錯之下睇左; 套戲一開頭好普通, 唔係十分吸引, 不過估唔到個劇情推進落去同個鋪排都幾有心思(幾條枝節o既支線原來都係可以串連埋一齊); 男、女主角相識到愈來愈熟到有感覺, 鋪排得好合理, 唔會好夾硬來(有d戲真係完全sense唔到點解男女主角會鍾意左對方, 好失敗的); 佢地果一份單純(係現實中當然唔會有咁理想, 但係睇戲當然亦都唔會咁現實吧)亦都睇得人好舒服; 套戲o既主旨係講"放開", 一直以為人物都放唔開, 原來最係就係要"放開", 我幾鍾意佢用果隻失狗來帶出呢樣野呢! 男主角可能唔可以擺脫"偶像"呢個路線, 所以全套戲有少少chok o既感覺, 反而女主角好清新脫俗, 而且演活左果種有稀奇古怪諗法而又有少少脫線感覺o既女孩。唯一有少少爭d o既, 係最後男主角見到前女友, 我覺得見唔到仲好: 佢見到個前女友之後, 更加放下左過去, 再見到女主角, 有新舊交替o既心路歷程出來, 但係我覺得, 如果佢見唔到前女友, 都可以放低晒以前o既野, 就可以確認自己係鍾意女主角, 我覺得會更好(純粹個人感覺啦); 套戲好多鏡頭都幾有心機, 而最後動用左好多人果一幕, 都幾營造到高潮o既感覺, Overall來講係好唔錯o既戲。而家HK好少有呢d有心機o既小品戲了~~

18/11(日) -- 下午去先九龍塘, 睇魚魚畢業展; 之後過Poly影4仔畢業相, 最估唔到同驚喜當然係陳同學帶埋佢身邊人出席啦! 影完夜晚一齊係尖東食飯再過K11食雪糕後散。

來緊:
19/11(一) -- 同陳同學同佢女友唱K
2/12(日) -- Man婚禮

完

十一月十一日 -- 雜記

5/11(一) -- Connie生日快樂, PuzzleEsther生日快樂; 出完site direct home睇完醫生返企食飯。

1. 今日出完site返公司, 係巴士見到個呀婆, 係無斑馬線o既地方過馬路; 最型o既係, 佢大喇喇咁係一個交通警身邊行過; 而個交通警都好好笑, 個呀婆係佢身邊行過, 佢見到時明顯地愕然左一下, 之後竟然擰個頭去第二邊扮睇唔到咯~~

6/11(二) -- 本來約左呀儀加埋呀詩佢地食串燒, 呀儀唔得, 之後佢地又唔得, 最後同呀詩去左北角食美麗推介o既上海野, OK喎, 唔貴又好食~~ 之後係北角行左陣就散水返企。

2. 土瓜灣有間Vietnam野, 個老細似乎係勁人, 仲親自將佢個牛骨湯五個層次逐個加上去比我地試, 真係好正同好勁呢~~ 搵日要去試下食餐飯~~

7/11(三) -- 收工返TKO同呀哥係Popcorn板前食飯, 之後返企。

8/11(四) -- 收工去睇跌打之後出返MK同華哥細NatQueenieCheng食飯; Rock Cafe竟然內部裝修, 諗住轉去天機棧, 點知竟然變左"天機棧雞煲", 超騎呢, 最終去左食真心泰國菜; 食完上左朗豪坊頂樓間Cafe坐, 當日駐唱歌手唱得唔錯呢~~ 走果時係MTR見到Queenie Cheng的男友(感覺奇怪, 麻麻地)。

9/11(五) -- 收工返企食飯; 呀馬因為佢家姐第日結婚, 所以佢要來我家過夜。

10/11(六) -- 一早6點9起身, 同呀哥呀嫂加呀C上SZ體檢, 11點幾完, 之後去KTG屋企探佢個B, 係佢企食佢老爺奶奶煮o既餃子(正宗東北餃子, 個皮都係自己整架, 好味道), 之後同KTG同佢老公6個人一齊去唱K, 好耐無同佢唱K啦, 好開心呀, 佢仍然都係好唱得呢~~ 唱完去食SZ出名o既雞煲, 食完去左東門行左下同買左大量老翻, 之後再去埋書城到10點關門先走, 返HK。

3. 次次個腰好到差唔多都有d野攪到佢又差返。

11/11(日) -- 訓到好晏起身, 同呀哥呀嫂去左坑口食飯, 夜晚都係返企食飯, hea hea地的一日。

來緊:
14/11(三) -- Connie呀儀生日飯
17/11(六) -- 好友BBQ
18/11(日) -- 4仔畢業相
2/12(日) -- Man婚禮

完

十一月四日 -- 雜記

29/10(一) -- 收工返企之後再出KT同MayChan食飯, 係重建區內o既蛇王兄, 好耐無見佢呢~~ 食完去埋葫蘆館食糖水後散。同佢傾呀貓呀、唱k呀好多野, 講開第日唱K可以叫埋佢, 好耐無同佢唱K啦~~ 佢係我識o既人入面唱K三大好聽o既人之一呢~~

1. 腰有返痛o既跡象, 上星期真係辛苦左d了。

2. 有韓國手信, 好開心呀, d泡菜好香呀~~~(之後食左, 好正呀~~~)

30/10(二) -- MayChan生日快樂; 係大角咀收工, 同呀儀行左信和同In's Point之後散水, 返企食飯。

3. D3第一次痴d勁人打左3場王, d人真係好勁~ @@"

31/10(三) -- 早d收工返企hea一陣, 再出返北角中間界同白田舊同事食飯(Puzzle軒軒呀Wing呀Man同埋俠士, 好耐無見了), 呀Man派帖同埋慶祝Puzzle生日。

4. NBA開鑼啦~~~

1/11(四) -- 公司開Briefing, OT到9點半收工; 同唔到呀叔佢地食飯, 佢地第日就返加拿大了, 無幾可可以見到, 返到來打過去話佢地訓左, 所以都無上去了~

2/11(五) -- 收工返企食飯, 幫呀媽set埋個printer。

5. 早上起身去左車站送呀叔走。

3/11(六) -- 係屋企hea抖左日, 整晒所有SD Next o既扭蛋, 手指好痛呀~~

4/11(日) -- 一早起身睇早場, 好耐無睇戲啦~~~ 睇左好想睇o既"Intouchables", 好好睇呀~ 下午同C同佢媽細佬入西貢之後食埋晚返出來坑口食Saiseriya之後返企。

來緊:
6/11(二) -- 同CAmySannyYee去食串燒
10/11(六) -- SZ體檢+探KTG
17/11(六) -- 好友BBQ
18/11(日) -- 4仔畢業相
2/12(日) -- Man婚禮

完

十月二十八日 -- 雜記

22/10(一) -- Offer今日無啦啦唔出住, 星期六返去OT d野晒左, 仲要做多d功夫, 真係得啖笑。收工去北角同C食飯。

1. Gordon send比我o既K歌apps, 令我普通聽歌都加晒我download的歌; 音質差d, 最攪笑係會播無人唱o既卡拉OK版; 不過我記得幾年前打blog都有講過, 其實我都幾鍾意聽d歌的卡拉OK版, 因為除左平時個vocal, 我都好鍾意聽成首歌o既component, 尤其係打鼓同和音果d位, 卡拉OK版就可以聽清楚呢d野好多呢~

23/10(二) -- 下午出去同C去左油塘, 行左果個新o既商場(見到日安話我知的奇趣), 夜晚係果度食左Euro go go, 之後走。

24/10(三) -- 同Connie盧撈Carol呀珊Amanda呀儀係公司樓下聘珍樓食飯慶祝呀衛生日; 有個餐好平好抵食, 相比起其他野同埋間野平時o既價位實在係平好多呢~ 而且都幾好食~~ 食完傾到9點半島散。

25/10(四) -- 收工返企食飯。

26/10(五) -- 收工過灣仔同C食飯。

27/10(六) -- 好累hea左大半日, 下午同C入西貢同佢家打邊爐。

2. 好耐無試過好眼訓又累又頭暈眼花腳仔軟咁。

28/10(日) -- 下午係屋企hea, 的起心肝拿返以前d扭蛋出來, 最鍾意o既BB戰士扭蛋太多, 無位放得晒, 所以都係無拿出來, 將SOG系列砌好晒放左係架上, 買左咁耐總算有得display下呢~ 夜晚返企食飯。

來緊:

29/10(一) -- 收工同MayChan食飯, 好耐無見佢呢~~
30/10(二) -- MayChan生日快樂
31/10(三) -- 同白田舊同事食飯, 呀Man派帖
1/11(四) -- 公司Briefing OT
17/11(六) -- 大埔單車BBQ樂

完

爛

唔知有幾多人有心機睇晒呢又? 尤其係後半段, 我真係覺得不吐不快呀~~

**********

成日都覺得, 世界係真係會愈來愈差o既。點解呢? 因為只要有一個人玩爛, 就會引致某d人照做, 到開始多人做o既時候, 就會變成"好似"不得不做咁, 好得人驚。睇下香港, 好多好多好多現象都係咁。以下舉一d唔使點諗, 一諗就諗到o既例子。

就由BB、小朋友開始講呀。以前我地細個時, 邊有而家d小朋友咁多野? 細個咩都玩一餐, 又唔使學呢樣學果樣, 可能同一年紀比較, 無而家d小朋友識咁多野, 但係同時都無咁大壓力。而家呢? 由BB開始已經話要點教點教, 又成日去咩班咩班學野(幼稚園/小學interview時如果真係無識咁多野, 係真係會比人差架喎), 攪到個個家長就算唔係怪獸家長都逼住要比d小朋友去咩學前班呀, 學d咩呀咁; 早排見好多朋友或識o既人, 個小朋友明明仲係BB咁, 已經話去咩班學野(歲幾就話學畫畫陶藝手工?!); 痴線架, 咁細個學得到d咩呀, 咪又係比錢人賺~ 最慘係好多家長都係人有我有, 或者係個BB識少樣野, 搵幼稚園或小學都蝕底咁, 真係好辛苦呀; 我覺得咁o既童年真係好慘呀! 何況比咁多錢, 入到間好少少少少o既地方, 真係同以後o既發展唔係好~~~~大關係咯。比我寧願比佢有個舒服開心o既童年, 只要教識佢"諗野", 識分是非就已經好夠啦~~

到大少少讀書都係一樣; 咩補習班呀、興趣班呀, 一個星期七日唔係返學就係學野, weekend果2日有時一日走幾場添。係咪痴線架, 講真, 一個人識咁多野讀書又叻, 都唔代表大個會成功、唔行差踏錯、會有錢或者會理你咯。我覺得真係好變態好反感。

到再大少少, 拍拖啦。都係果句, 呢個世界上o既standard只會愈來愈爛(唔係高, 只係爛)。其實人又點會唔容易被洗腦? 電影劇、電影、書...等等都渲染左人o既思想, 令好多人覺得拍拖就係"應該"點點點, 好多野變左例行公事, 無論有理無理都變左"老奉", 男o既成日都係"如果你愛我點解唔同我做愛?", 男人好色咸濕想攪野變左係理所當然(但係同時又會比人話賤格), 而女人就會係"如果你愛我你會想我開心/關心我/擔心我, 所以你要比錢/送我返屋企/尊重我/M到奉旨比我黑面...etc, 總之就係雙方都一副歪理。其實兩個人相處o既野, 有咩野係"一定"o既呢? 根本樣樣野都應該係睇情況case by case。有無錢、應唔應該使果d錢、有無時間、應唔應該用果d時間、有無精神體力、應唔應該用果d精神體力, 點樣先係efficient而大家都開心呢? 無人諗, 個個都只係諗"自己", 其實愛對方, 唔係應該"想大家都開心"咩?

婚禮都係不知所謂。講真, 結婚係兩個人o既事, 婚禮喜宴都係一d儀式, 同埋一個聚會, 大家開開心心就好; 我個人來講其實唔係好介意人地個婚禮喜宴攪成點, 因為佢地自己開心就好。有d人對自己o既婚禮喜宴好有心機, 當然會好正好appreciate(有個好友真係好有心機, 攪到每個細節都好正), 但係有d人可能無咁豐富, 我都唔覺得有咩問題。細個果時去飲, 都係簡簡單單開席前講幾句就上菜, 食到咁上下敬酒, 之後就埋尾散水。而家多過以前好~~~~多野; 擺酒每個位都有小禮物啦、要請婚禮司儀啦、影結婚相啦、成長片段啦...etc, 其實有固然係好, 有時間有心機有錢整係會開心d, 但係我最唔鍾意o既感覺就係"老奉一定要有"。想要咪有, 唔想要咪唔好咯~ 有時見到有d人, 真係為左有而有, 又唔係整得好(最明顯o既例子係小禮物), 我覺得好無謂, 不如慳返d時間心機好過啦~ 何必人有我有?

其實最想講同埋可以講得最多o既係而家個樓市、社會、經濟。雖然自己有睇開同埋有自己o既見解, 但係我唔係呢行o既人, 唔識講, 同埋亦都唔識得d terms同埋點去解釋一d現象。所以唯有長話短說。

早係我出來做野唔係好耐, 我已經覺得"樓市、社會、經濟"係愈來愈唔健康的。不論係政治經濟甚至係文化同人o既質素都係愈來愈"難頂"。都係因為有人玩爛, 所以愈來愈"利字當頭"。但係咁樣只會令所有野愈來愈差。

我記得當年領匯上市, 有個呀婆(sorry我真係唔記得咩名)反對, 攪左好耐; 好多人都鬧佢, 阻住晒阻人發達阻人買股票(我可以大聲話我無), 而家呢? 唔使講都知領匯係咩一回事啦, 係咁加租, 整死晒d鋪頭仔, 開來開去都係見慣果d鋪頭, 個個商場都係見到果d鋪頭咯, 仲要都係貴野咯。

仲有, 當年邊個話超市平、方便、乾淨衛生, 於是就連買送都去超市? 好多士多執左, 好多小鋪執左, d大公司財力雄厚, 整死晒d小鋪之後, 剩返佢地果時, 點加都得啦。唔知大家知唔知價錢, 但係你地知唔知其實而家超市d野係好貴o既? 呢個真係地產霸權o既一角。而家d野愈來愈貴, 人工就算加都加唔設, 其實個cost去左邊? 好多都係"租"咯。租係咁加, 小本經營做唔到, 死晒, 剩返晒d大集團。大集團加價, 消費者無得選擇之下局住買貴野, 哈哈, 其實都係自己抵死咋!大家又知唔知, 其實而家好多飲食集團、超市商鋪等等, 其實來來去去都係果幾間大集團o既分支? 賺來賺去都係果d人咋!

點解d地產佬又夠膽係咁加租樓價係咁升呢? 因為多左好多大陸人。大陸果堆有錢佬大把錢, 佢地使d錢好多都係黑錢來o既, 除左因為佢地洗得起, 仲因為佢地要將d錢轉為"正當o既錢"。咪落來HK使錢咯。你以為大陸d人好有錢咩? 其實七、八成財富都係係一、二成人手上咋(個百份比唔係好記得, 大約啦), 同香港一樣, 貧富懸殊咋。當年話放寬內地人來港, 好多人都話"好", 仲話可以促進香港經濟(我又可以大聲話我無), 而家咩情況? 係呀, 好多資金落左來香港, 但係d錢全部都係比地產商同大集團賺晒之嘛! 抬高晒所有野o既價錢, 但係本地人比唔起, 生活愈來愈辛苦咯! 咁叫好? 唔好話我有bias, 而家香港入面人o既質素都低左好多咯, 唔使我多講, 只係講公德心大家都明啦!

我又記得, 有個好友講過, 自由經濟社會就係咁, 弱肉強食; 其實我而家想問下佢係咪仲係咁諗? 大集團同有錢人只會諗自己點賺多d, 無d社會責任, 壓榨得就壓榨, 賺到盡(即係玩爛), 愈有錢就愈容易壟斷成個市場, 你真係覺得咁樣係應該? 生存唔到o既人就唔好係度生存? 如果係咁o既話, 只不過係用"錢"來"蝦人", 而唔係用"暴力"來蝦人咋! 無法律就孔武有力有o既人贏, 有法律就係有錢o既人贏, 法律仲唔係只保護有錢o既人??

要講仲有好多野想講, 不過我諗都係差唔多係度停好了。講真, 所有野, 只會愈來愈"爛", 睇下幾時爆而已。有時呢個世界的確係要reset下的。

完

p.s. 其實以上o既野, 我好多野都唔知點講又唔識講, 係大約係心中o既諗法, 不過只係升斗小民o既膚淺見解; 堅係想大家留comment講下對唔同野o既睇法或者講下咩野o岩同唔o岩, 不喜照插可也!

再p.s. 而家真係生活艱難, 眼見有好多人都好浪費, 真係好心痛。可以安定生活o既人真係要珍惜呀。

十月二十一日 -- 雜記

15/10(一) -- 收工返企一家人齊人食飯。

1. 今日收到個陌生電話o既whatsapp; 原來有個人之前有我電話(應該係N年前), 又唔記得我係邊個, 於是咁o岩得閒就問下我, 結果大家傾左一陣, 都諗唔起對方係邊個, 哈哈。最奇係佢有我電話仲要打o岩我個"瑛"字, 真係一個迷呢~ 雖然到最後都係解唔到迷, 亦都唔會再聯絡, 不過曾經有個咁o既相識, 又無啦啦咁問左傾左幾句, 好得意~

16/10(二) -- 收工返企之後出返去坑口村同Grace食飯慶佢生日; 講左好~~~耐終於同佢試埋坑口村另一間西餐, 好食喎~~ 食完行過寶林行左下後散。

17/10(三) -- 收工返企, 自己整野食。

18/10(四) -- 收工返企食飯。

19/10(五) -- 收工返企煮野食。

20/10(六) -- 中午返公司OT, 諗住可以好快點知上面o既人未簽, 逐d簽出來; 我負責果d一早攪掂, 但大家都唔走住, 最終係一齊留到最後走, 5點幾; 中間有d時間同呀強Raymond佢地打機, 都幾開心; 收工join埋呀詩入沙田Gordon家hot pot(同Lands舊同事), 到11點幾走。

2. Gordon推介左個apps, 幾正喎; 可以download都幾齊下o既歌o既MV(或者演唱會版); 可以聽歌仲可以較卡拉OK版仲可以自己唱來錄音添~

21/10(日) -- 下午同C入西貢去佢細佬度探下d狗狗, 之後夜晚(食6點場)出TST大喜屋食Esther生日飯(我詩EstherSam娟民MandyThomas), 之後轉場去M記玩隻新o既board game喪屍商場, 都好玩喎~~ 下次叫佢地幫我買先~~ 到9點幾好累就散。

3. 最近食任食都無暴飲暴食, OK呢~

來緊:

24/10(三) -- 同ConnieCarol呀珊魏好友食飯
29/10(一) -- 公司Briefing OT
31/10(三) -- 同白田舊同事食飯, 呀Man派帖
17/11(六) -- 大埔單車BBQ樂

完

十月十四日 -- 雜記

8/10(一) -- 收工返企食飯, 早早返企沖涼可以抖真係好。

9/10(二) -- 收工返企食飯。

1. 終於花左一晚轉左手機入面o既mp3, 次次都好大工程因為次次都會聽下歌慢慢揀下~

10/10(三) -- 早收工去左MK行左In's Point信和之後見左Kenneth一下, 之後返企食飯。

2. 呢幾日個腰覺得緊同痛痛地, 之前成日唔感亂咁扭, 今日試一試拉腰扭一扭, 鬆左舒服左好多呢~

11/10(四) -- 收工返企食飯。

3. 是晚(之前果晚)不停扎醒, 醒好多次好累呢~

4. D3玩到呢個階段到樽頸位, 上又上唔到幾多, 重覆又重覆有d悶了~

12/10(五) -- 約左係美國返來o既中學同學Nike食飯, 收工返企出返來, 同Nike, 呀馬民仔Kathy呀C係CWB住家菜食飯, 都OK喎; 之後大家去涼茶鋪食d野, 再去左行誠品(我係第一次去呢), 都幾多野睇, 值得去下(而且而家少返人了), 行到12點幾散返企。

5. 是晚(之前果晚)無不停醒, 但係有一下扎醒, 仲要有個好奇怪o既感覺: 就係明顯地感覺到自己係半夢半醒之間(呢下已經好奇怪), 突然個腦醒左, 但係個身體好明顯未醒, 對眼張開左但係咩都睇唔到(唔係因為暗, 而係個身體機能未啟動, 張開眼黑色一片), 之後先突然又見到野(腦同身體都正常function返), 個感覺好得意~~ (同之前布一次明顯地個腦清醒但係全身郁唔到"比鬼責"o既感覺一樣咁得意)

13/10(六) -- 起身同食味吉, 之後同呀C去行海邊, 終於都行過啦, 都幾好行; 行到康城上去行左一下, 無咩好行o既; 返企再出返去博康同Jenny棉花呀娟Cass民民FF打邊邊, Jenny棉花走先, 我地去M記坐傾一陣後再去食埋甜品後返企。

14/10(日) -- 起身同呀哥呀嫂Jason係自家烏冬, 之後下午一齊玩下card game, 三國殺雖然係抄, 但係經過refine, 係好玩過Bang!!o既~ 夜晚呀嫂同我煮野食, 加埋呀爸一齊食飯後玩多陣散。

6. 呢晚同個小朋友朋友傾偈, 真係覺得而家咩人都有, 好得人驚。

來緊:
16/10(二) -- 同Grace食飯慶佢生日
20/10(六) -- 同Lands舊同事去Gordon家打邊邊
21/10(日) -- 同呀Sam等人食飯
17/11(六) -- 大埔單車BBQ樂
完

十月七日 -- 雜記

3/10(三) -- 放左一大輪假第一日返返工; 收工去醫院。

1. 最近天氣涼左好多, 夜晚訓覺開風扇好舒服; 自然涼舒服過冷氣好多呢~

4/10(四) -- Angel生日快樂; 收工返企食飯, 一家人家呀叔呀嬸; 可以一早係企食飯真係好呢, 多好多時間hea同休息。

2. C終於都出院了, 辛苦o既日子開始可以結束啦...

5/10(五) -- 同喪強TaylorKenny呀娟食飯; Taylor個女同事想識呀強, 不過呀強係澳門收唔到工所以無來, 佢應該好失望XD; Taylor同事無佢講得咁有自信地好咯, 好普通姐~~ 勁耐無見Kenny, 見到佢好開心呀, 佢仍然都係好好呢~ 係MK Rock's Cafe食到10點半島散。

6/10(六) -- 本來去探Joyce的BB, 不過因為之前有白事唔去得, 所以無份去。好累好累, 訓到中午起身, 頭赤眼痛, 煮完麵食太累再訓..下午5點幾先過去C屋企夠佢, 好累。

7/10(日) -- 中午出去同民娟源Cass進唱K, 唱到7點半去蘋果食完飯散。試左個wasabi汁好難食。

3. 呃飯食猛車邊痴住d勁人過左Inferno...仲一場打到一件橙一件綠@@

來緊:
21/10(日) -- 同呀Sam食飯

完

十月二日 -- 雜記

24/9(一) -- 下午去C屋企hea同埋食晚飯, 預祝佢爸爸生日, 之後大雨中佢細佬車我返企。

1. D3五人全破Hell

25/9(二) -- 中午睇完醫生係TKO join埋C同佢媽一齊入西貢佢細佬度hea; 夜晚佢細佬返來一齊去坑口村食合時之後車我返企。

26/9(三) -- 在家hea足一日。5點幾去左坑口拿月餅, 之後去行下同係Jusco掃左d貨; 夜晚返企食飯, 加拿大o既呀叔同嬸嬸尋日返左來(明天白事); 食完飯傾到9點幾返企。

27/9(四) -- 起身hea一陣, 下午去KT幫呀媽整完d野之後join返佢地就去QuarryBay攪呀麻o既白事, 都無咩做, 跟住晒個flow之後到夜晚10點幾就返企。

2. 真係一個好晒紙o既活動, 成疊成疊紙燒呀燒呀燒...

3. 諗起以前睇d中國/外國神怪傳說o既野, 其中一樣係講火係一個媒介, 可以送d野去另一個界度...

4. 仲諗到好多野, 但記唔晒; 咁長時間諗左好多無謂野。

28/9(五) -- 一早起身一齊去QuarryBay, 做完晒d儀式後就上山火化, 中午一堆人一齊食左解穢酒就散水。返到屋企好累, 但C又入左院, 沖完涼執完野都無咩時間訓, 唔訓hea一陣就過醫院探佢, KTG今日來左HK, 呀哥呀嫂同佢食飯我都無join了; 到8點走, 自己食完再興返企。

29/9(六) -- C要住多幾日院; 超累訓到中午先起, 中午果轉去唔到探佢, 又係我問題; 係家hea到4點幾出門, 探5-8(實際佔用時間4-9); 咩都無做過又一日。

30/9(日) -- 八婆飛鵝山賞月團由於私人理由關係, 佢地11點o既打bowling我無join, 去左醫院; 之後去左九龍城join佢地lunch, 食越南野, 之後行左下後, 就日頭上去飛鵝山, 睇左下日落之後, 佢地就車我落去MTR, 佢地去食飯, 我又返醫院; 到8點走, 搵到Lily陪我係北角食左個糖水傾左陣, 佢就返企食飯散水。

5. 放假個幾星期以來, 今日終於有幾個鐘叫係真係有"玩耍"過...

6. 奔波勞碌, 腰部毫無進境, 唉...

1/10(一) -- 一早起身再去醫院; 之後係NP join埋民仔上我家, 下午同馬、民、馬女友Katherine、娟、Cass、Jason玩card/board game, 好好玩; 之後Kathy民同馬走先, 剩返4人, 我整野食食完再過聰嫂食埋甜品後散水。

7. 我有狼心及狗肺

8. 已經幾日無打機了, D3真係無D2咁好玩

9. 估唔到HK會出咁得人驚o既船難, 希望少d人有事啦...

2/10(二) -- 起身hea到4點幾出門去醫院, 係灣仔join埋呀哥去探C, 到7點島走, 返去同呀哥呀嫂Jason食飯。

10. 天日要返工了............

來緊:
5/10(五) -- 同喪強Taylor食飯
6/10(六) -- 探JoyceLi BB(未firm得唔得)
7/10(日) -- 同民Cass娟FF唱K(唔知去唔去到)
13or14/10 -- 同白田同事食飯, 拿帖?
21/10(日) -- 同呀Sam等人食飯

完

九月二十三日 -- 雜記

17/9(一) -- 早d收工去睇醫生之後同細Nat華哥Terence去TSTRedMR唱K, 之間同台灣租車果度聯絡同傾左行程, 總算8899攪掂了; 之後突然女友唔舒服去左急症, 同人傾完行程後走人去左搵佢, 之後送埋佢返屋企後返企, 幾夜。

1. RedMR雖然少過Neway某d歌, 但係又有好多Neway無o既歌呢~ 好彩早段都唱左好幾首想唱Neway無o既歌~

18/9(二) -- 詩一早入左院, 結果係盲腸, 要做手術, 做左微創, 收工去醫院探佢之後返企食飯。

2. 成晚都扎醒, 早上又好早醒, 訓得超唔好。

19/9(三) -- 收工去探呀詩, 之後同佢呀媽, Sanny同Eva食飯, 食完飯佢呀媽返企, 我地三個去CWB搬左果間聰嫂食埋甜水先散。

3. 大家都叫我一個人照去, 不過其實又真係無咩心機去, 最終決定唔去了。實在真係無辦法, 亦都無人錯, 但總係覺得唔開心, 無啖1癮, 好無心機; 不過由之前要諗行程同安排, 到之後出左小小事, 又要攪好多野, 再到之後要諗下自己去唔去, 自己都好煩好累, 決定左之後, 總算係鬆左少少...不過我估唔到我呢一世竟然會試過咁o既事呢~

20/9-25/9 -- 高雄墾丁遊CANCELLED

20/9(四) -- 放假第一天; 屋企->醫院->陪伯母買送->佢屋企->自己屋企->醫院->接返佢屋企->食飯->返自己屋企。極累。

4. 打電話搵台灣朋友, 打電話聯絡租車司機, 打電話、上網、出email cancel bookings; 探病, 搭車xN, 訓得唔好, 各樣事前+善後安排, 好累, 累過返工; 腰少少酸, hip少少冤, 腳少少痛; 身心俱疲。

21/9(五) -- 放假第二天; 好累好累, 一訓訓到1點幾(9點幾醒過再訓), 起身之後仲成日都好疲累; 食完公仔麵就hea打下機, 今日呀哥返HK, 夜晚一家係企食飯。之後去左寶林同Grace食聰嫂同行左陣之後散返企。

22/9(六) -- 放假第三天; 仍然好累, 10點幾起身, 係屋企hea到下午4點幾5點同Sanny一齊上C屋企, 夜晚係佢家食飯(Sanny一早走先)之後9點幾返企。

23/9(日) -- 放假第三天; 起身之後中午去左寶林同Angel, KT, Angel大學同學(亦都係呀馬大學同學)呀宗去魚之味食飯, 之後散, 我同KT慢慢吹水行返去TKL, 之後散水返企。之後全日係家hea同休息。

來緊:
27/9-28/9 -- 屋企事
30/9(日) -- 八婆大帽山賞月團
5/10(五) -- 同喪強Taylor食飯
9or7/10 -- 同呀Sam食飯
13or14/10 -- 同白田同事食飯, 拿帖?

完

九月十六日 -- 雜記

10/9(一) -- 早d收工睇醫生返企食飯, 之後同K14去左寶林食聰嫂吹水同行下, 10點散。

11/9(二) -- 收工去TST Baby Cafe同白田同事gathering, 10點島散。又係一班又好又o岩傾o既朋友。

1. 終於都試左Baby cafe; 其實咁樣主題o既餐廳我真係麻麻地想試, 不過聽到好多朋友都話好食, 又多人食過, 於是都試下啦; 有得選o既款唔多, 份量唔算大, 不過以個價錢同質素來講算係唔錯; 裝修都OK。

12/9(三) -- 收工去北角同呀媽睇野食飯, 之後拿野返屋企; 呀媽有活動好早散, 臨時約Lily食糖水, 到9點幾散。

2. 聽呀媽講, 北角間福建野執左了.....

3. 最近都唔多想講條腰, 因為之前次次講親好d, 之後又痛返少少, 所以最近唔講個progress住啦~~

13/9(四) -- 下午約左公司provide的洗牙, 勁快咯3-4個字就完左, 係咪証明我d牙好乾淨呢? 收工約左Grace; 自己去左行下東廣場等佢, 原來有間玩具鋪喎; join左佢之後去左熊仔館幫Penny訂聖誕版hea熊, 之後去APM食飯, 間"一杯"OK喎! 好唔錯~~ 之後再去寶林食聰嫂之後散。

14/9(五) -- 返工爆塞車無位坐, 企4左成個鐘+遲大到......收工同Cass同呀進係SSP買左第日比呀嫂o既畢業公仔之後就掃街, 好耐無食過山東餃子, 之後呀娟來join埋食糖水後散。

4. 呢幾日真係feel到涼左, 無咁熱了~

15/9(六) -- 早上去浸大呀嫂畢業典禮, 影下相之後去九龍城食路邊雞, 之後散水, 同呀詩傾旅行d野, 夜晚入西貢佢細佬屋企, 睇到佢地發狂打交o既一幕, 攪到要好夜先走。

16/9(日) -- 全日在家休息, 打下機同攪旅行d野; 覺得有d壓力, 明明諗好晒d野但係都覺得總係爭喧d野咁, 成日好驚到時有咩唔妥; 如果係自己去就應該唔會有呢d感覺~

來緊:
17/9(一) -- 同華哥佢地K?未firm
20/9-25/9 -- 高雄墾丁遊
27/9-28/9 -- 屋企事
30/9(日) -- 八婆大帽山賞月團
13or14/10 -- 同白田同事食飯, 拿帖?

完

九月九日-- 雜記

3/9(一) -- 臨時約到4仔食飯, 收工去睇完醫生再去九龍灣Pokka, 又係等醫生耐左所以晏左d, 最後民仔因為公司走唔到又來唔到, 食完飯傾到10點幾散。

4/9(二) -- C呀姨就返加拿大, join左佢地2家係鵝頸街市榮記食飯, 食完再去CWB聰嫂食糖水後散。

5/9(三) -- 收工睇醫生返企食飯; 呀媽農曆生日快樂。

6/9(四) -- 收工過灣仔食吉野家後上C細佬家睇下5隻狗仔後返企。

1. 今日返企漏左把自動開關遮係巴士...-_-

2. 其實我覺得, 跟本個社會已經走左去一個錯o既方向, 無論係邊一方做d咩野, 我覺得都係錯o既; 只不過, 係一個社會入面, 都係會/要有唔同o既野互相制衡, 保持平衡而已。

7/9(五) -- 收工睇唔設醫生, 出site又好熱又去完間好污糟o既屋, 返企沖個涼換個衫出返TST諾士佛臺EL CID同C姑姑八妹呀進食飯。竟然係店內出現蜈蚣, 引起左一陣少少o既亂子(不過我地親眼見唔到); 食完hea左去尖東, 順便探埋忌廉哥; 佢地坐低食左恭和之後散水。

8/9(六) -- 約左呀馬! 早上起身hea一陣去睇醫生買"食送"整定野, 下午3點幾民仔上來, 之後呀馬同女友到, 隨即呀詩都到(可惜FF來唔到), 大家一齊吹水玩card game, 到8點幾食飯, 食完再玩card game到11點島散。

3. 第一次玩一鋪"Bang!"玩左咁~~~~~耐(超過一個鐘), 真係咁o岩大家拿上手card的combination攪到膠著狀態, 大家係玩到好悶再到覺得好好笑咯 XD

9/9(日) -- 今日好累好累好累, 訓到差唔多中午先起身, 炒左尋晚剩返o既白飯食完, 下午幾乎係再訓訓到天黑; 之後出左去投票(雖然真係無咩人想投), 再入西貢同C, 佢大細佬同佢呀媽食旺泰(要戒口所以好就住來食, 不過戒唔清...), 食完佢大細佬車我地去佢新搬o既村屋度, 玩下5隻狗, 到11點幾佢車我地出TKO散水。

4. Queenie返左來, 呀儀又返左來, 不過d野本來都清得7788啦, 所以呢個星期係公司開始無之前咁忙, 有時仲hea hea地添; 同埋, Queenie返左來真係太好了~ 有個同channel的好友係度真係開心好多呀~

來緊:
11/9(二) -- 白田gathering
13/9(四) -- 同Grace食飯同埋去觀塘熊仔館幫Penny訂聖誕版hea熊
15/9(六) -- 呀嫂畢業典禮
20/9-25/9 -- 高雄墾丁遊
27/9-28/9 -- 屋企事
30/9(日) -- 八婆大帽山賞月團

完

九月二日 -- 雜記

27/8(一) -- Queenie生日快樂!! 夜晚o靚史同事呀Ka生日飯, 收工睇完醫生, 等左好耐, 之後去MK新世紀老富昌食飯, 遲大到(本來預遲少少), 到9點半島散。

28/8(二) -- 一早5點幾收到電話, 呀麻走左, 全家人起身去東區醫院, 不過已經走左; 之後返工, 下午請左假返企休息; 夜晚本來約左C小雲SannyAmy食飯, 不過唔去了, 在家食飯休息。

1. 呀麻走左了; 好多野想講, 又唔知點講。

29/8(三) -- 收工睇醫生返企食飯。

2. Queenie強勢回歸!

30/8(四) -- 一早起身覺得個腰好唔對路, 請左病假, 再睇醫生; 睇完好返d; 究竟仲要拖幾耐先好呢? 全日係屋企休息, 希望會好d; 夜晚本來之前約左食大張生日飯, 不過佢地後尾話七月十四, 唔出, 而且我都正想抖, o岩晒; 係企食飯。

31/8(五) -- 今日感覺好少少, 收工無睇醫生返企食飯。

1/9(六) -- 呀馬返來o既日子!! 下午同C去探何敏B(仲有日安盧撈呀衛呀Yo鵬鯉), 之後夜晚去Helen家食飯, 好味又好飽呀~ 之後散水返企。有節目又唔使點行, 條腰都OK的一日。

3. 今日係翔龍灣商場(第一次去呢度)見到N年前係將軍澳屋企附近o既"明儀"文具玩具鋪, 以前成日都會入去行個圈, 估唔到原來執左搬左來呢度~~

2/9(日) -- 係屋企休息同hea抖到夜晚出去TST同C呀進姑姑小翠食飯(德國野), 之後去The One食埋Yogurt後散。

來緊:
4/9(二) -- 同C姨食飯
7/9(五) -- 同C姑姑八妹呀進食飯
20/9-25/9 -- 高雄墾丁遊
27/9-28/9 -- 屋企事
30/9(日) -- 八婆大帽山賞月團

完

八月二十六日 -- 雜記

20/8(一) -- 收工睇醫生返企食飯, 清返之前果日剩返d野。

1. 新teammate來左個月, 都無點講過佢添; 係一個好直又好多野講又會發癲玩o既人, 個感覺仲有d似呀八婆添, 都幾好傾; 同佢唱左次K Lunch, 佢都係K精一個, 仲要又係識好多舊歌o既人添~

21/8(二) -- 收工睇醫生返企食飯。

2. 醫生話天日唔好去睇, 睇下個情況會點, 哦。

3. 其實應該一早就睇醫生拿病假長期唔返工休息多d睇好佢 -_-

22/8(三) -- 由於唔使睇醫生, 出完site收工返企沖個涼抖下, 好累超眼訓, 訓左陣再出返去TST同CSannyAmy團購左果間順億食魚生飯, 超級麻麻地, 仲要唔飽, 於是過左The One食yogurt, 再過紅磡食串燒, 好滿足, 最後過埋土瓜灣飲涼茶後散。

23/8(四) -- 收工睇醫生後返企訓覺, 到9點出返灣仔同C食飯, 之後散。

4. 祝大家七夕快樂。

24/8(五) -- 醫生又話隔日, 但我又唔覺得好好多; 收工返企沖涼hea一陣, 出返去Popcorn同呀哥呀嫂Jason同女友食飯(Pokka), 之後散水, 我上左上呀哥屋企hea左陣先返企。

25/8(六) -- 呀媽生日快樂; 早上睇完醫生, 呀詩都來埋連埋一家人仲有Jason一齊飲茶, 之後散水, 我返屋企hea; 夜晚呀嫂煮飯, 我煮一碟, 一家人除左呀媽係屋企食飯, 之後返企。

5. 努力地去成為一個唔正常o既人。

26/8(日) -- 早上起身, 等呀哥呀嫂一齊食飯時, 呀爸無啦啦打個電話來, 以為佢有事, 嚇死人又唔講清楚; 好彩無咩大野, 之後過呀哥度食埋lunch, 好晏先食好肚餓, 之後代呀爸拿d野過去灣仔律敦治醫院比呀麻; 本來想抖下條腰, 超唔想出街, 不過無辦法啦...去到灣仔join埋C, 拿左野上去, 唔係探病時間唔入得去, 交低比姑娘就走, 之後行下灣仔, 最後去左CWB大戶屋食飯之後散。

6. 今日估唔到要行咁多路, 雖然唔係話好痛, 但係好累, 同真係好想抖下...

7. 其實一直都有諗到d野可以打, 討論野同故事, 但最近返工無時間打, 係屋企又唔會打, 所以無晒了~

來緊:
27/8(一) -- Queenie生日快樂!! LD gathering Erika生日飯
28/8(二) -- 同小雲食飯
30/8(四) -- 大張生日飯?
1/9(六) -- 探何敏B, 夜晚Helen家食飯
20/9-25/9 -- 高雄墾丁遊
30/9(日) -- 八婆大帽山賞月團
完

八月十九日 -- 雜記

13/8(一) -- 收工睇醫生返企食飯。

14/8(二) -- 由於都有幾多假要清, 因此請假一天, 主要係想去睇想睇好耐o既Batman; 中午出到去Element, 買左戲飛同拿左hi-tea的位, 1點join女友係Element行下同hea, 之後3點係102/F食hi-tea, 好hea的一個下午, 到到5點幾走, 去The Grand睇Batman, 好睇呢, 睇完都8點半, 搭車去灣仔買左DVD比老豆, 之後係意蠔站食埋晚飯散, 返到去過左五座見左下呀姨同姨丈先返企。

1. 今集Batman雖然都好睇, 但係上集真係太勁, 所以都係爭d啦; 另外都有d幾怪怪o既位令人覺得爭d, Overall來講都幾好啦~

15/8(三) -- 收工睇醫生返企食飯。

16/8(四) -- 收工睇完醫生去九龍灣同Cass食飯, 食左果間好似快餐店o既齋, 之後雖然話會打風, 但係佢好想食聰嫂, 於是去左寶林食埋聰嫂先散。

17/8(五) -- 當然係打唔成風正常返工; 收工無睇醫生直接過灣仔同C食飯, 芝士撈公仔麵; 食完坐左陣散。

2. 農曆七月, 今年都係自己一個在家過了~

18/8(六) -- 一早起身睇醫生(呢排反反覆覆...=_=), 跟住係屋企hea, 下午好累係屋企訓左陣, 5點出去左join C去佢婆婆家食飯, 之後返企。

19/8(日) -- 中午呀源民仔娟Cass詩來一齊食lunch, 之後買送, 返企後整野食同玩, AngelK14擇茄後join, 呀源同民仔走先, Amy呀Pat同另一個人再夜d到, 一齊食晚飯, 到11點島散晒。

3. 呢個weekend好似無抖夠玩夠咁, 好想放多日假。

來緊:
22/8(三) -- 團購飯
27/8(一) -- LD gathering Erika生日飯
28/8(二) -- 同小雲食飯
1/9(六) -- 探何敏B, 夜晚Helen家食飯
20/9-25/9 -- 高雄墾丁遊
30/9(日) -- 八婆大帽山賞月團

完

八月十二日 -- 雜記

6/8(一) -- 收工返去睇醫生後返企食飯。

1. 個腰keep住有progress。

7/8(二) -- 收工係土瓜灣返去都晏, 睇完醫生都8點幾同呀哥係屋企附近食飯。同呀哥2個人撐台腳先會傾好多雜談呢~ d宗教歷史軼聞...etc

8/8(三) -- 收工同Nat同Joyce係MK老富昌食飯, 傾到10點島散。佢地除左講佢地KTPD果d野之外, 仲一齊傾左好多結婚生仔o既野呢。

9/8(四) -- 收工睇完醫生返企食飯。

2. 打爆左Normal的D3了~

10/8(五) -- 收工睇醫生返企食飯, 今日睇醫生果下發現特別地好左好多(好似咁樣講好多次了), 但次次都唔穩定, 希望今次堅係好返。

11/8(六) -- 全日在家休息一日; 11點幾先起身, 中午同呀哥呀嫂食, 夜晚本來全家同呀姨姨丈食, 不過佢地班機delay, 結果只係一家人食飯; 其餘時間就係打機同埋睇左醫生。

12/8(日) -- 下午同C進Cass娟唱K, 1:30-8:00pm, 之後加埋Amy係Pink Salmon食飯之後散。

來緊:
14/8(二) -- 請假一天, 清假hea+睇Batman
16/8(四) -- 同Cass食飯
1/9(六) -- Helen家食飯
20/9-25/9 -- 高雄墾丁遊
30/9(日) -- 八婆大帽山賞月團

完

八月五日-- 雜記

30/7(一) -- 出site收工direct home睇完醫生返企食飯。

1. 公司繼多名舊將離巢之後, 又多一員猛將呀儀因傷暫時休養, 預算一個月...

2. 夜晚係廚房發現極大強一隻, 從來未係家居見過咁大隻, 救命呀...望左佢好耐, 最終都係唔敢攻擊佢, 關左廚房門走去訓...第日叫Papa買左小強藥放廚房...不過一日未見屍體一日都難以心安...

31/7(二) -- 睇完醫生約左同Grace係Pokka cafe食飯, 佢有張coupon就到期可以用埋呢~~ On車車地走左去坑口Pokka Cafe, 點知原來張野係只係for Popcorn果間, 自己無問清楚真係超低能。食到10點幾散。

1/8(三) -- 本來約左同Nat儀C食飯, 不過呀儀星期日拗柴所以來唔到, C又唔得閒, 呀Nat突然又要開會, 結果cancel; 睇完醫生後join左C同佢最好朋友同中學同學食飯@ CWB滿屋, 10點幾散。
3. 原來我係人心目中係一個為$20計較o既人, 咁我之前做o既野都係一d用都無。講真個心係會淡的; 一次又一次被人睇得好低, 奚落, 定位咁低, 仲會有咩信心? 慢慢地消磨, 幾時會消磨到無晒呢?

4. 隔左一日, 今晚又見到隻巨強, 真係好大隻...

2/8(四) -- 6點幾係土瓜灣收工, 返去早食左個快飯先, 再去睇醫生, 今日因為我問開少少野, 佢就同我講左好~~~多有關中西醫理o既野, 真係學唔少野呢~ 仲攪到佢遲左好多收工食飯呀(9點幾走)。之後返企。

5. 今日呀爸來放左小強藥; 另外呀哥食完飯都過左來幫我打開晒、攪晒成個廚房, 竟然搵唔到隻巨強...死啦, 走左去邊呢? 不過最後佢比左個稍為安慰o既消息: 係其中一兜小強藥度, 見到應該係果隻巨強、同佢成正比o既巨型小型屎, 好有理由相佢佢係有食過d藥o既...

6. 百無聊賴之際, 突然諗點解當年細個英文名唔改做"Shawn"呢? 不過果時唔多興; 咁不如呢個名就由下一代來繼承?

7. 今日出site真係熱到癲...

3/8(五) -- 收工睇完醫生返企食飯。

4/8(六) -- 呀馬生日快樂; 好累, 難得訓到11點幾, 係屋企hea, 下午同呀源打D3, 同人一齊打機真係開心好多呢~ 夜晚出SKW同C婆婆同佢d親戚食飯, 睇左DVD的Ringo(果時戲院上想睇無睇到), 之後到10點島散。

5/8(日) -- 全日在家hea, 夜晚同呀哥呀嫂食飯。

8. 重溫埋草蜢06演唱會, 正呀~ 勁想唱K唱佢地d歌~

9. 事隔4年睇奧運, 仍然覺得好好睇, 有好多賽事比起未睇過時真係會比想像中好睇好多; 今日晚係popcorn大電視睇羽毛球男單, 全場勁多人一齊睇一齊嘆息一齊嗌一齊拍手, 感覺好正。

10. 近幾日都無再見到隻巨強了...

來緊:
8/8(三) -- dine wv Nat & Joyce
20/9-25/9 -- 高雄墾丁遊
30/9(日) -- 八婆大帽山賞月團

完

七月二十九日 -- 雜記

23/7(一) -- 竟然又係收工時間打風, 不過本來都去睇醫生, 無咩影響, 反而約左同呀Nat食飯又要postpone了...夜晚返企食飯。

1. 睇返之前覺得OK果個跌打, 果然係OK好多, 整完真係舒服好~~多; 另外, 佢睇左X光片話其實又唔係十分嚴重喎。

24/7(二) -- 收工睇完跌打之後出返KT食Carol生日飯; 間野好OK喎。

2. 相比起其他人係慢左好多好多好多年...不過, 總算Diablo II爆左Hell難度啦~~~Necro萬歲~~~對於Summoning Necro來講, 最難打o既只係卒仔, 無一隻大佬係好難打o既~~ 太可怕了~~~

25/7(三) -- 收工睇完醫生返企食飯。

26/7(四) -- 收工睇完醫生出返灣仔同女友食吉野家邊邊之後散。

27/7(五) -- 收工睇完醫生返企後出返MK同c同呀Nat食飯, 約左佢好多次, 次次都有事(病、忙、打風...etc)要postpone, 終於都約到一次啦~~ 去左近期MK新寵Rock Cafe, 真係一個唔多人又好坐性價比又OK的地方呢; 傾到10點幾散。

3. 今日睇跌打有新突破, 整左痛果個位, 之後真係覺得好好多無咁痛同壓住, 希望之後都有呢個progress啦~

4. 仲記得4年前o既約定, 今年原班人馬一齊睇奧運...

28/7(六) -- 起身睇醫生, 之後出觀塘同女友&呀儀食新境界, 之後去屯門join埋Stanley去Wendy屋企參觀下, 佢買左咁耐終於有機會去下啦, OK呢, 係一個幾舒適的家; 之後一齊過去QQ度探B, 好得意呀~~ 到6點幾出返去季季紅食飯, 個乳豬同個湯真係好正呀~ 其他野就只係普普通通姐; 食完之後同佢地散, 仲早8點幾本來想去KT睇戲或買定第日飛睇戲, 但係屯門行行下耐左, 結果放棄睇戲返企。

5. 今日算幾叻啦~ 平時咁細個個幾月o既B我唔多敢掂的, 今日都主動去抱佢啦~~ 不過個B都好乖呀, 個個抱都唔喊o既~

6. 好耐無睇返, 重溫返草蜢05演唱會, 真係好正, 05同06係佢地最正果2次演唱會呢~~

29/7(日) -- 下午同C同佢加拿大呀姨一家去九龍灣拿眼鏡, 之後係果度行下, 之後去北角新和富食飯, 之後散水。

7. 今日個腰又惡化返...好彩唔係惡化到之前咁。

來緊:

31/7(二) -- 同Grace食飯
1/8(三) -- 同Nat儀C食飯
4/8(六) -- 馬生日
20/9-25/9 -- 高雄墾丁遊
30/9(日) -- 八婆大帽山賞月團

完

七月二十二日 -- 雜記

16/7(一) -- 約左小雲同呀So同女友食飯, 本來想同佢地去King 1, 點知去到發現竟然執左(仲係果條街遇到陳同學添!), 之後佢地竟然就話不如去唱K啦~ 結果就去左隔離唱K, 到11點島走。

17/7(二) -- 今日去照左X光; 收工同Cass去左好耐無去o既廣福宮, 都係平平地抵食之選, 水準都係keep住, 仍然都係普普通通啦。8點就夠鐘仲早, 於是搭van入寶林, 行左個圈, 再行去坑口食聰嫂, 之後行去尚德佢搭巴士出後就返企。

18/7(三) -- K14生日快樂; 今日早收d去睇跌打, 連續幾日針灸, 我都算捱得痛, 但都痛呀~ 拮完仲要攢幾野入d, 好難頂; 之後返企沖個涼出返TST i-Square Panash Bakery & Cafe, 同女友FF擇茄同呀C表妹食飯, 食完去左機鋪睇佢地打機, 我去跟左陣機諗住打鼓, 點知未跟到就要走了...之後散水返企。

19/7(四) -- 早d收工睇跌打, 之後返企食飯。

20/7(五) -- 收工又去被拮拮; 之後同C係TKO食個飯散。

1. 今日睇到個X-ray, 原來情況比想像中嚴重...-_-, 唉......

21/7(六) -- 中午出太子, 同C家族十幾廿個人一齊去警察遊樂會BBQ, 好熱鬧佢地都好nice, 果度d野都幾好食, 仲有K唱添(不過我無唱), 自己去燒左幾野之後頂唔住, 都係等d staff燒完拿入來冷氣房先食算了。4點半走, 有d人走, 十零個人去九龍灣, 有幾個去配眼鏡, 之後一齊去Mega Box行下, 之後行返出九龍灣, 8點幾散水返企。今日個天氣真係好焗好熱呢~

2. 今日終於都比我見到彩虹了~

22/7(日) -- 一早起身9點到九龍超參與C屋企大族一日遊; 上午去濕地公園, 之後係流浮山食飯, 跟住去錦田果邊睇香港古蹟, 不過落雨改左行另一條路, 睇少dd, 之後睇樹屋, 最正係呢個, 睇完樹屋之後去恆香老餅家o既廠, 試食左個老婆餅, 之後就返九龍塘完trip; 之後去城大o既城軒全部人一齊食飯, 食完之後散水。

來緊:

23/7(一) -- 同呀Nat食飯
24/7(二) -- Carol生日飯
28/7(六) -- 探QQBB團

完

七月十五日 -- 雜記

1. 呢排訓覺成日發夢, 仲要成日發埋d好累或者環境好差或者唔多好o既夢, 好累...

9/7(一) -- 係土瓜灣收工, 去左灣仔行下, 之後去食擇茄生日飯 @ CWB Pokka; 成班中學同學好齊人(我民FF猩猩皇帝Pierre家昇一家同Ben一家), 好開心; 食完飯就返企。

10/7(二) -- 收工食KT生日飯@CWB的EL CID; 都係食下野吹下水, 之後上左世貿同主腳影2X歲青春留倩影大合照貼紙相, 之後就散。

11/7(三) -- 今日幾乎全日都係site, 所以頂唔住著左casual wear返工, 舒服好多呢~~ 本來同華哥細Nat食飯cancel, 收工返企食飯。

12/7(四) -- 約左Crystal食飯, 好耐無見呢~~ 收工返企煮d簡單野食, 同佢食飯同傾左好耐; 傾左好多佢同佢ex的野, 同埋好多大家o既心理、情感、同人o既關係...等等好多o既野, 咁多年來真係都係好o岩傾呢! 佢亦都有好豐富o既人生經驗, 同佢傾偈亦都令我知多好多野, 認清自己好多野, 真係一個良師益友! 大家次次都傾到唔知時間呢~ 到10點半發現晏晏地佢就走了。

2. 同Crystal傾開, 大家都係好相似o既人; 佢話我好多時都無所謂, 係咪真係無所謂呢? 究竟自己係想要d咩呢? 其實佢自己都係咁, 其實佢係有所謂, 不過著緊o既唔係平時想做d咩人地要就佢d咩, 而係需要被concern、被留意、被愛、甚至係需要"被需要"o既感覺; 唔需要人地好關心照顧自己, 但係想人地好愛自己, 好需要自己。或許我真係似Crystal吧。

3. 做左100樣好野都好, 做唔好1樣野, 一樣都係無用, 即使果樣野唔係好大o既錯, 或者果樣野係因為做果100樣野而產生。

13/7(五) -- 早收工返企沖個涼訓左個靚覺, 之後出返北角同女友食中間界, 之後散水。

4. 今早Crystal打來喊, 唉...

5. 今日個新同事last day了~

6. 今日全日好多時間都出site, 仲要好多時都係要企; 而家我真係寧願行跑都唔好企, 會好~~~辛苦。

14/7(六) -- 本來今日想去一轉好耐無去o既屯門置樂果邊行下, 於是同C去左葵芳行下先, 行完之後諗諗下而家屯門果邊好似都無咩睇, 都係無謂入去, 臨時改左去本來諗住星期日去o既MK行, 行左旺中, 行完去上次同呀進食o既Rock Cafe食飯, 食完坐巴士過海, 行左下維園同CWB IKEA, 之後返企。

7. 今日又係有好~~多時間要企; 其實我企唔係累唔係痛, 係會有d痛有d痺同好辛苦(唔知點形容o既辛苦), 基本上我企耐少少, 我全個人o既五感加上精神狀態同各方面o既感覺會下降超過50%(無誇張, 真係對其他野無晒感覺), 果種"辛苦"o既感覺充斥左整個感受器官, 真係好唔企得。

15/7(日) -- 一早起身, 個腰麻麻地, 無出街; C來左TKO, 落左去食飯同hea, 到到6點島佢去CWB食飯, 我返企食飯; 晚上約左KT出來, 同佢坐左陣食左d野, 比左禮物佢, 同佢行左日本城後散水返企。

8. 間房o既窗簾布好薄, 朝朝早間房都好光, 懷疑因為呢個原因成日早醒; 尋晚搵左張厚o既布遮左個窗, 睇下會唔會好d, 不過今早都係早醒~ 措施失敗~

來緊:

16/7(一) -- 同C小雲呀So食飯
17/7(二) -- 同Cass食飯
18/7(三) -- K14生日; 同C民仔FF擇茄C表妹
21/7(六) -- BBQ
22/7(日) -- HK一日遊

24/7(二) -- Carol生日飯
28/7(六) -- 探QQBB團

完

七月八日 -- 雜記

3/7(二) -- 收工返企食飯。

1. 今日做野遇到個遇到好好, 好開心o既人; 係"感恩"一文提到。

2. 今日食完飯後K14 whatsapp + Cass同時打來講電話, 同時要consult 2個朋友, 當堂用盡左個ram, 覺得好勁呀~~ 本來想自己係屋企整d野, 不過結果傾到10點幾先完, 未沖涼, 所以無lu~

3. 今日係網上見到o既like句: 風吹屋簷瓦，瓦落破我頭，我不怪此瓦，此瓦不自由。

4/7(三) -- 收工臨時約呀進行下MK, 之後食飯; 買左好多野, 自己同送比人o既; 食果間野(Rock's Cafe)都OK, 唔太差。

5/7(四) -- 收工同華哥細NatTerence打毛毛球, 7-9, 但之前唔記得左日子, double約左, 結果打到8點幾走先, 之後去CWB同Sanny慶祝生日, 食滿屋(日式放題)。

6/7(五) -- 收工同Bad-End人係SSP行左陣同食飯, 九點幾散; 原本有好多野想係屋企攪, 不過最後都無攪到, 個身體同精神都好十分極之累...

7/7(六) -- 中午過TW八婆家, 同佢一家C同娟食lunch, 佢樓下新開果間飯博士都OK喎; 之後上佢家hea, 呀源Gordon同呀進之後到; 本來想好似上次咁食榴槤, 不過街市竟然無, 但都食左黃肉西瓜同哈蜜瓜, 仲有呀娟同八婆整的蛋糕; 食到好飽, 本來book左金田(日式放題), 不過大家下午食蛋糕同生果都好飽, 所以cancel左(都好彩, 幾日前先食過放題來); 夜晚落左佢家附近o既東江大飯店食飯, 普通啦; 之後上返佢家一齊hea, 到11點幾散。個人好累。

4. 原來今日係我第一次睇卡通片"麵包超人" @@"

5. TVB o既節目歌星紅白鬥, 有好多歌手真係唔多掂; 同時請左d老牌o既出來, 真係好正~~

8/7(日) -- 下午出去TST i-Square睇公司o既電影GG人, 我覺得都幾好睇呀, 排個劇情都唔錯, 原來個導演係心跳五百天個導演, 所以d文戲都拍得唔錯呢~ Uncle Ben果段雖然短左d同快左d, 不過佢造佢教主角d位都幾好, 同個演員都好正。Overall來講都幾好睇, 不過3D就好流, 專登拿開個3D眼鏡竟然係清楚唔係矇o既~ 睇完之後同日安盧撈呀Yee同佢老公6個人去左蘭芳園食tea, 吹下水, 之後5點半島散水, 返企食飯。

6. 今日睇戲, 羊生竟然坐正係我隔離, 真係好攪笑咯~~~

7. 付出並不奢求有回報, 卻連認同也沒有得到。

8. 身心俱疲。

來緊:

9/7(一) -- 擇茄生日飯 @ CWB Pokka
10/7(二) -- KT生日飯 @ CWB EL CID
11/7(三) -- 約左左華哥佢地唱K or 食飯(depends on Joyce來唔來)
12/7(四) -- 約左Crystal食飯, 好耐無見呢~~

21/7(六) -- BBQ
22/7(日) -- HK一日遊
24/7(二) -- Carol生日飯
28/7(六) -- 探QQBB團

完

感恩

最近做野, 又遇到一個"開心"o既人。先講下個人: 嚴格來講佢係一個婆婆來o既, 已經七十幾歲。不過佢o既狀態同面上o既痕跡, 睇落最多只係五十幾, keep得勁好。同佢傾偈, 會覺得佢好斯文好有氣質, 好有修養。閒談之間, 真係覺得佢係果種樂天知命, 唔會好強求好多野, 隨遇而安o既人。好明顯係心境開心酬令自己身體狀態keep住好好。

自己做左咁多年野, 其實一直都有遇到呢種人, 而每逢見到呢種人, 都會令我有深刻o既感受, 亦都一直影響住我自己做人o既方向。亦幸而我比起好多人, 都係比較可以用呢一種心態去生活。

我覺得而家o既香港人(其他地方唔知啦, 不過我覺得係世界, 或者起碼係中國人o既發展方向)愈來愈物質化、勢利、負面化。因為"商人"o既關係, 而家所有商店、服務...總之係要來賺錢o既野, 都一定係要賺到盡, 盡量比minimum o既野比消費者; 而消費者、平民、打工仔...等等所有人, 而家已經慣左有著數一定要拿、走捷徑、賺盡, 個心態係"拿唔盡就等於蝕左"。

當然我無任何o既位置同身份去話人不是、去話人o既人生觀同睇法唔o岩。不過我真係覺得咁o既風氣好差, 咁樣落去只係累鬥累, 最後除左本身好有錢果d人之外, 對其他所有人都無好處。社會愈來愈唔和諧, 有錢人同窮人分化得愈來愈犀利, 而有錢人佔o既比率只係好少。

睇新聞, d輿論對d公眾人物(政治人物又好, 藝人又好)總係鐘意挖d唔好o既野來講。講真有咩意思呢? 個個人都有好同唔好, 個個都有做o岩同做錯o既野。果d人真係咁差? 真係只係幾樣錯o既野就証明佢地唔係好人? 証明佢地唔做得野、唔叻? 大家可唔可以睇遠d深入d呢?

所以好多人都話呢個社會愈來愈唔和諧, 成個社會o既氣氛, 不論係上層人士、普通平民、打公仔、輿論所造出來o既新聞, 都係充滿負面。其實呢d野好多都係造出來架咋, "河蟹"並唔完全係一件壞事, 大家生活係呢個充滿怨氣o既城市, 真係會開心咩? 如果話所謂"獨裁"、"不自由"係唔好, 咁大家又點解唔去否定新加坡o既政治呢?

係六七十年代, 香港經濟仲未係咁好o既時候, 好多人都好窮, 但係人同人之間o既關係唔係咁o既。守望相助、鄰里之間o既關係、唔計較、肯蝕底少少幫多d人...呢d野而家真係少見左好多, 但係係以前o既劇集、電影、書本入面, 經常都可以見到呢d情況的。香港都還好, 最可悲可憐可嘆o既係見內地o既文化修養各方面追唔上經濟o既發展(HK都漸漸被影響啦), 人o既質素毫無疑問係愈來愈差。

其實呢樣野, 唔單止係講社會、金錢o既。即使係人與人之間o既關係: 家人、朋友、戀人、夫妻、過路人...咩都好, 都係一樣。寬容d、關心對方體諒對方、唔好過份執著、甚至肯蝕底多少少, 自己同身邊o既人都會舒服好多。不過呢樣野其實要大家一齊做先做到, 只要有人玩爛, 其他人都唔會肯蝕底, 所以好難實行。不過係一個咁o既文化同風氣之下, 要改變真係一件好難o既事...

早排係報紙見到李純恩先生o既一篇文, 講"感恩"。帶出來o既信息都係同一樣野。其實大家應該去睇、去諗自己得到左d咩野, 而唔係失去左d咩野, 更加唔應該諗自己得唔到d咩野。慾望係無止境o既, 成日去諗得唔到d咩野, 只會唔開心。點解唔去睇下自己手頭上有d咩野, 唔去用正面o既角度睇下自己係幾咁值得開心? 人生只得短短幾十年, 日日係度諗住無d咩、唔開心, 就真係蝕啦。物質上蝕少少野, 但係心境上開心好多, 其實先係真正o既"賺"。

愿我身邊o既親人同朋友都開開心心。

完

六親不認外傳2 -- 姦殺人魔

荒廢的郊外小屋中, 一點點的血跡殘留在屋中的暗角, 其餘的地方明顯地經過處理, 沒有再留下任何其他痕跡, 不過可能由於時間倉促, 還是遺留了那一點點的血跡。

阮中由細細的察看那點血跡, 從其乾涸後的顏色及附近所堆積的灰塵計算, 目標人物應該離開了此地不久。而最令他鼓舞的, 是屋內似乎曾經同時有三、四人同時待過, 而這很可能就是他事先經過計算而使他們聚在一起的結果。他很可能快要追蹤到他們的所在, 了結案件了。

好幾年沒有如此"大"的案件, 而這件"大"案卻不能大肆宣揚總動員去偵查, 原因是 -- "京城總捕頭之女被擄"。想到這裡阮中由不由得嘆一口氣。總捕頭之女江亦芙的大名, 相信江湖中沒有多少人沒聽過。雖然他也沒有見過她, 但有關她的傳聞卻實在不少。她從小就不愛有關女兒家的興趣, 卻愛舞刀弄劍, 嚷著要繼承父業, 成為捕快。她武功並不十分高, 卻事事身先士卒, 過份熱心, 又愛管閒事, 總是鬧出麻煩來。總算她是"京城總捕頭之女", 大家都讓她三分, 又多派人保護她, 她才一直沒事。

這次卻讓她惹著了大麻煩, 因為擄走她的是"姦殺人魔"田向嶸。此人武功高強狡猾過人, 卻偏偏心理變態, 喜歡"姦、殺"。江總捕頭不敢打草驚蛇, 更不敢把這醜事宣揚出去, 悄悄的交託案件給阮中由 -- 人稱"六親不認"的名捕, 暗暗了結。

阮中由事前正同時處理幾起案件, 其中一名要追查的正是"姦殺人魔"田向嶸。他暗暗的把三起大案的疑犯 -- "姦殺人魔"田向嶸、"殺人鬼"葉華、"姦人狂"計吉虎聚在一起。他追蹤著他們, 同時又令他們知道自己被追逼著, 慢慢的引導他們集合於同一處, 而他們各人的興趣使他們會聯合起來犯案。雖然三人都是武功好手, 但阮中由深信自己可以一網打盡這幾個變態狂魔。他們都有心癮, 隔一段時間都非得姦、殺人才可平息心中的火焰。而他們被阮中由一直苦苦追逼, 相信沒有多大機會再輕鬆犯案, 最後一定會導致阮中由的計劃成功。怎料中途殺出一個江亦芙來, 現在恐怕要被她壞了大事。

阮中由一個人口中絮絮唸, 一邊察看屋外地上的痕跡, 他有慢慢的追蹤著難以發現的各種痕跡, 對於精通追蹤術的他來說, 似乎不出三個時辰就可找到他們的所在了。

**********

夜已深, 荒山中的另一小屋仍有燈火。阮中由悄悄掩到窗邊。只聽得屋內發出了一陣的血腥味, 還有一個女性呻吟的聲音。那叫聲像無力、又痛苦, 氣若游絲。難道已經遲了? 還是他的計劃成功?

"呯!!"
阮中由一腳踢開了門。

屋內景象一如他所料, 雖然不知所謂兼殘忍變態, 但他卻不禁鬆了口氣。
一名捕快裝束少女被五花大綁吊在牆邊, 咀被一團爛布塞著, 看來還未被"享用"。
"呼...那就好了..."

只見門邊躺著了一具腸穿肚爛, 破碎不堪的軀體。是"姦人狂"計吉虎。瞪大了雙眼, 滿臉鮮血, 身體被殘虐至體無完膚。看來另外二人耐不住變態的心癮, 一起把他殘殺了。

而發出呻吟聲的女性, 正是"殺人鬼"葉華。明顯地武功最高強的"姦殺人魔"田向嶸也耐不住他的心癮, 又怕自己姦殺江大小姐時會遭"殺人鬼"葉華毒手, 於是反把她先姦後殺, 再慢慢"享用"江大小姐。葉華身上被插著幾把刀子, 脖子被田向嶸緊緊的掐住, 一邊被他從後強姦, 雙眼都幾乎突了出來, 眼鼻口水都一起流了出來, 看來不行了。

這一剎那的景象並沒有嚇到阮中由, 反而在他意料之內, 否則他怎有可能同時對付三名好手? 他冷冷的道, "田向嶸, 束手就擒吧。沒有了兩名幫手, 你沒有勝算的。"

田向嶸慢慢的拉開已經沒有反應的葉華, 一腳踢開了她, 從身邊抽出了他的雙刀。

"嘿嘿嘿! 阮中由! 我可要謝謝你啦! 你以為你的計劃成功了嗎? 把我們三人聚在一起, 再使我們自相殘殺? 你想得太美了! 我倒要多謝你! 虐殺計吉虎這變態淫賊實在太妙了, 他臨死的反應實在很精彩, 嘿嘿! 嘿嘿! 而葉華這騷貨也是一大美味, 她想不到我連她也姦殺了! 哈哈哈哈! 阮中由! 我真的要多謝你送了我兩件禮物! 你以為我需要他們的幫忙嗎? 你以為我的級數跟他們差不多嗎? 大錯特錯了!"

田向嶸一聲斷喝, 直奔阮中由。雙刀施展出幾個刀花, 刀勢突變! 他竟然左手使五門八卦刀, 右手使羅漢伏魔刀, 竟然可以雙手使出兩種刀法! 兩種刀法一道一佛, 五門八卦刀著重步法走位, 羅漢伏魔刀則力道至剛, 雙刀使出來的是刁鑽又強橫, 田向嶸武功幾達高手之列! 怪不得葉華完全不是他的對手。

阮中由急急退開幾步, 他使長棍, 擅長攻遠卻難抵短打, 因此要儘量拉開距離。怎料田向嶸步法奇異, 三步兩轉就給欺近身來, 加上雙刀攻勢凌厲, 阮中由一時招架得手忙腳亂。

"你個淫賊, 褲子也不穿就來打, 這般難看卻來丟人現眼! 著!" 阮中由竟一棍向田向嶸那話兒直劈下去。田向嶸急急停步, 一個轉身避開攻擊, 卻想不到阮中由承機從懷中掏出幾鏢來, "中!" 田向嶸剛剛急停轉身, 下盤已然難以再移動, 上身輕搖加上雙刀揮舞, 把幾鏢避開、擋下, 下腹卻難再避禍, "呀!!"的一聲, 中鏢劇痛倒地。

阮中由承勢而上, 怎料田向嶸忍痛突然彈起, 左手一招"乾坤逆卦"、右手一招"大承降魔"反擊, 阮中由想不到對方反撲如此突然又如此凌厲, 左肩一沉右手橫掃一棍, 連消帶打直擊得田向嶸向後飛出, 自己也硬受了對方一刀。田向嶸受了一記重招, 知道自己已敵不過阮中由, 見江大小姐就正在身旁, 立刻揮刀割斷吊著的繩索, 另一刀架於她頸邊。

"嘿嘿! 我...還...還有皇牌在手! 阮中由! 你敢再踏前半步我就殺了她! 哼! 你敢嗎?! 她出什麼事你可擔當不起呀! 嘿嘿嘿嘿嘿!"

阮中由嘆了一口氣, "呼~ 你呀, 似乎你沒有聽過我的名號吧? 我叫"六親不認", 你不會不知道怎麼解釋吧? 這女娃兒跟我非親非故, 連一面也沒見過, 她是誰的女兒跟我一點關係也沒有。我的任務是把你緝拿歸案, 生死不問, 如果你把她殺了, 我一樣可以完成任務。至於她嘛, 被你擄走過也沒有被你姦污, 總算是以清白之軀去見閻羅王, 無憾了吧? 嗯嗯, 我警告你, 你還是快點束手就擒, 你沒有勝算的。

阮中由口中一直碎碎唸, 腳步卻是慢慢的逼近田向嶸, 田向嶸拉著江亦芙一直後退, 江亦芙咀巴被封著, 雙眼卻直瞪, 一直發出唔唔聲, 似乎想破口大罵阮中由不理自己生死。田向嶸卻暗忖自己如何打算, 似乎人質沒有用, "六親不認"的大名他也是聽過的, 傳聞他以前為了案子連自己妻兒也不理, 結果都慘死犯人之手。連妻兒都不理的無情漢子怎會去理會一個素未謀面的娃兒?
就在田向嶸思忖之際, 阮中由突然一聲"中!"田向嶸大驚, 立刻向橫一避, 突然背心一痛, 一把刀卻從後刺入。

原來"殺人鬼"葉華仍未斷氣, 阮中由見她爬了起來, 於是一直說話及步步進逼, 引田向嶸退到她身邊, 再大喝一聲分散他的注意力, 使他突遭葉華暗算。

阮中由就在刀子刺中田向嶸那一刻衝前, 丟掉手中長棍, 一手硬推開架於江亦芙頸上的刀, 一手把她擁過來, 以免她受到了攻擊。在那一剎那, 田向嶸這才知道人質其實有用, 他知道自己已被逼入絕路, 當冒死一拚才有機會逃生。雖背心被刺, 卻沒傷及內臟要害, 隨即反手一刀砍了葉華。他見阮中由棄棍護江亦芙, 單手推開那一刀亦受了重傷, 知道自己仍有勝算, 再踏八卦步直攻阮中由!

阮中由摔開江亦芙, 雙手再掏飛鏢, 直射田向嶸。田向嶸使出渾身力量、畢生的功力和經驗, 施展雙刀連劈飛鏢再順勢直砍阮中由, 突然一直劇痛, "呀!!!!" 雙目反白向後直倒。原來阮中由一腳直踹他下腹, 本來中鏢再加上那一腳, 使他痛不欲生, 再無力爬起來。

阮中由總算了結了三起案子, 並安全的救了江亦芙。
"唔唔唔唔唔!!" 江亦芙被摔在一旁, 怒瞪著阮中由。
"唉呀唉呀, 這個似乎比三大重犯更麻煩, 我還是別幫她鬆綁, 就這樣封著口扛她回去交差好了...嗯嗯, 似乎大家還是對我的名號有點誤解嘛...不過倒挺方便的, 嚇到不少人哪...嗯嗯...就由得它吧..."

阮中由一邊碎碎唸, 一邊包紮起受傷的手, 一邊準備回去交差。而在一旁的江大小姐, 也只能唔唔唔的亂叫到回家了吧。

完

七月二日-- 雜記

25/6(一) -- 收工返企, 之後出返MK, 食LD同事Wendy同Connie的生日飯, 去左MK家樂果間California Pizza Kitchen; 大家食下野傾到10點幾散。
1. 唔記得講, 沖左凍水涼幾日了~

26/6(二) -- 收工過WC join C, 之後過CWB試左豚王; 都OK不過覺得之前食過果間"魂"好味d; 其實拉麵雖然有d係好味, 不過呢個價錢來講真係幾貴。

27/6(三) -- 早少少係土瓜灣收工, 返企食飯。好累於是食完飯訓左2個鐘, 之後起身hea一下後再訓。

2. 呢幾日真係好熱又焗呀~~~

3. 最近突然湧起好大o既感覺, 覺得好驚; 好怕好似之前咁, 同埋覺得世上o既人都係無咩安全感, 咩都可能發生, 太可怕了。

28/6(四) -- 早d收工睇醫生返企食飯。

4. 呀馬返來啦! 長留HK唔返去呀~~~

29/6(五) -- 早d收工睇醫生, 之後原本約左Bad End人食飯, 不過晚上打風, 於是cancel返企, 自己整左d野食, 睇左心戰大結局。

5. Bonnie都走了~

30/6(六) -- 一早起身, 個風走左。因為之前果晚好夜訓, 所以訓到中午, 原來想早d出去, 不過太累, 所以下午又恰左下。6點半係CWB的"凡高廚房"食FF生日飯(FF, 民仔, 擇茄, 皇帝, 皇帝女友Priscilla, BenChoi一家, 家昇一家); 食完6個人(3 pair)再去唱K; 皇帝o既女朋友唱得OK喎, 把聲同唱都幾好, 而且又唱到合唱歌o既和音part, 堅OK呢~

6. 發生了不開心的事情, 都是因為我吧。

7. 世上大概有75%的人只會從自己的角度去看事物, 24.XX%的人會以"自己的角度"去從"別人的角度"看, 而這24.XX%的人是最麻煩的, 因為他們以為自己很considerate。不過1不是2, 1又怎麼知道2是不是真的是不是可以從他人角度去看呢? 但這樣一來, 也就沒什麼可以爭論的了。反正, 真的可以諒解人、感同身受的人很少。

1/7(日) -- 天氣好OK, 大澳遊成行(C, K14, Angel, JA, Tango Hong); 都係果個行程, 東涌->寶蓮寺->大澳, 今次又有搭船仔出去, 見到中華白海豚, 仲好近添呀~ 夜晚係大澳食埋飯先出返來散。

8. 今日見到某人狀態好唔掂呢~

2/7(一) -- 下午去順利參加公司工商盃比賽, 出左一陣; 最後輸少少真可惜呢~ 個腰都OK喎~ 之後返企食飯。

來緊:

5/7(四) -- 同Sanny慶祝生日
7/7(六) -- 八婆Gathering
8/7(日) -- 公司電影GG人
15/7(日) -- Cass K團未confirm
21/7(六) -- BBQ
22/7(日) -- HK一日遊

完

六月二十四日 -- 雜記

1. 星期日執左d漫畫過去, 先發覺有幾套完左o既漫畫, 竟然唔見左中間幾期... =_=

18/6(一) -- 係土瓜灣OT到8點幾(之前6點幾同同事食左d野), 走車所以搭van去寶林, 之後行左下奇趣就返企。

2. 漫畫暗黑破壞神出到27期, 呢套出左廿幾年o既漫畫, 原來我都無睇之前好幾期, 見到個漫畫網update左最新果期, 好快咁追返晒...個感想係: 畫左咁多期, 都無講過d咩野, 超誇張, 真係唔知佢想點...

19/6(二) -- 又要係土瓜灣OT, 竟然要到差唔多8點半 =_=; 之前同Grace傾開又係差唔多果個時間係坑口做完野, 於是約左大家攪掂夾到時間就一齊食飯; 結果係9點幾係坑口食和花亭, 食完10點島散。

3. Bad-End人竟然返左來HK, 仲話又攪活動, 又要搵我鄧腳添, 不過真係唔多大興趣去了~~

4. 今日QQ生左啦~~~~~~~恭喜晒佢, 好開心呀~~~ (後按: 第二日睇到FB相, 個B好似呀Joe呀~~~)

20/6(三) -- 報左公司個商廈o既包粽班, 收工同呀儀, 呀儀個fnd, 日安, 呀嫂同關十四一齊上堂, 都未到七點半就完了走得, 不過真係幾難包呢~ 之後同呀嫂關十四連埋來join我地o既呀C一齊食飯, 去左觀塘另一間印尼野, 食完再去葫蘆館食埋甜品就返企。

5. 裝左Diablo3, 用左個trial帳號試下, 部腦run得幾順喎~ 究竟買唔買返來玩好呢?

21/6(四) -- 出site土瓜灣早少少收工, 返來睇完跌打, 過去呀哥果邊食飯, 食粽; 食左隻自己包o既粽, 都幾好味喎~ 不過都唔關包果個事, 本身d料o既味來o既姐, 不過都包得ok, 無爛無漏出來呀~ 食完飯就返企。

6. 雖然試玩過覺得幾好玩, 而且幾百蚊而家來講唔係貴, 不過諗諗下自己又唔係成日打, 買左返來都唔多抵, 都係未必會買Diablo3了~

22/6(五) -- 收工返去睇跌打後返企; 無食飯係屋企呆坐左幾個鐘, 又餓又悶。

7. Heats終於贏左總冠軍了; 上年拿唔到其實都好樣衰的了, 今年其實都唔多鍾意佢地, 不過覺得Thunders更唔值得拿Champ, 所以到Finals無得揀o既情況下都係支持Heats; 都有睇到少少, 其實今年Heats真係成熟左好多, 發揮得好好, 尤其係Finals呀Lebron James真係堅勁, 所以都抵佢地拿Champs o既~

8. 世上有d人係習慣以奚落人或者說人不是為樂, 縱使只係講笑或者唔係認真, 但係大部份都係以呢種方式來尋開心, 人地會覺得點呢?

9. 以前做慣活動攪手o既我, 真係好怕d人舉棋不定, 或者遲遲唔confirm, 或者無啦啦無合理理由放飛機; 呢d情況真係會令人無癮, 同埋以後唔敢再約佢(地)。

23/6(六) -- 約左一班左lung右lung的朋友一齊去南丫島玩~ 本來想去探險同埋BBQ的, 不過最終有人想玩水有人想行街, 無去探險, 而亦因為天氣好似唔多好怕落雨, 所以無BBQ; 一早10點同C同Lily同Lily姪女Nicole食早餐, 之後11點大家係碼頭集合(我, 詩, Amy, Amy朋友Doreen, Lily, Nicole, Tango, Tango話帶朋友來原來係URA同事呀康同Ellen, 仲有Tango朋友Roy; Eva 4點島入來搵我地); 入左去我地先去海灘玩左一輪水(我地叫係游過龍舟水呢~), 之後分批, Tango Roy 康同Ellen留係度玩水, 我地其餘人就行出去行下街, 同埋諗住行完就買埋BBQ野返去沙灘, 點知行完覺得好陰, 驚落雨, 於是決定唔BBQ, 叫佢地出返來, 離開南丫島出去食晚飯; 出到去呀康離隊先(返企做節), 我地就去北角新和富食小菜, 都幾好味呀~ 大家全日吹水, 雖然有幾批人大家本來互不相識, 但係都傾得埋, 同好好笑, 玩得開心o既一日呢~ 食完之後就散。

10. 今日個腰ok喎, 都無咩大問題, 係有少少少少冤姐, good progress。

24/6(日) -- 11點幾同事打來先醒, 好累; 腰雖然唔痛, 但係行落都好~~~冤, 落一落樓下行左幾步都覺得麻麻地, 今日真係狀態麻麻; 係Jusco買左pack壽司當lunch食, 之後點幾鍾出KLB同C同佢媽睇眼鏡, 之後行下KLB。夜晚是但食魚米家。

11. 今日公司第一場公商杯o既籃球賽, 可惜我join唔到了...

12. 諗返起, 實在有好多人, 包括一d自己o既朋友, 都十分以貌取人(即使有d人話自己唔係, 但係明顯地都係); 係呢一方面, 自己真係唔係一個以貌取人o既人呢~

13. 係有理由之下, 自己係幾強烈地可以強逼自己做自己唔想做o既野或者唔做自己想做o既野; 之後就會慢慢的變得真係想或者唔想做了。係有需要o既情況之下, 其實可以咁都幾好。

14. 又發現多一套好正o既漫畫 -- 深夜食堂; 終於明白自己最近鐘意睇果d漫畫, 點解會鐘意: 戰國妖狐、東京食屍鬼、羅馬浴場、深夜食堂, 四本都唔係d畫畫得好靚o既漫畫, 但係佢地o既共通點係 -- 人情味; 入面最吸引到我o既就係好人性化同好有人情味o既劇情, 唔係只係打打打或者無聊攪下笑就算, 真係好正呢~

來緊:

25/6(一) -- LD同事Wendy生日飯
30/6(六) -- FF生日飯
5/7(四) -- 毛毛球wv華哥etc
7/7(六) -- 八婆Gathering

完

六月十七日 -- 雜記

11/6(一) -- 好累又唔多想返企食飯, 收工去睇完跌打後, 去北角同C食榮式燒雞扒, 之後返企。

1. 好開心好友訂左婚期! 一定要儲定錢去飲啦~~

12/6(二) -- 本來約左K14食飯, 點知佢突然唔舒服cancel; 臨時去灣仔同C食飯, 之後亦提早上佢屋企睇個水箱, 不過睇過應該要換野先整到了。

2. 最近睇左套好變態o既漫畫, 好得人驚; 不過個作者好識得營造個氣氛同懸疑感, 令人好想睇落去; 希望佢快d出完, 等我知道個結果跟住唔使再睇啦~~~

13/6(三) -- 早少少收工去睇跌打, 之後返企休息一陣, 夜晚出返去寶林同C食飯同行下之後散; 之後過五座幫姨丈攪佢果部新買的S3攪到11點幾先返企。S3好似都幾OK喎, 不過自己應該一段時間唔會換機住了。

3. 最近個腰背反反覆覆, 之前好少少, 雖然都有戒口, 但唔係好嚴厲, 睇來真係要嚴厲戒口到好晒啦; 都唔知係咪因為呢個原因最近都訓得唔多好。

4. 套變態漫畫終於完左, 終於唔使再睇了~~ >_<

14/6(四) -- LD同事Wendy生日飯cancel; 收工要OT, 7點幾係土瓜灣收工, 之後過新蒲崗同Cass食飯, 食左間日本野, 又平又好食呢; 多謝台灣o既手信; 傾到10點半睇完套心戰先走, 之後同佢行到鑽石山散水。

5. Wendy竟然因為好少野就唔高興, 我地幾個都真係流汗, 真係算吧啦~

15/6(五) -- 同Nat食飯cancel; Queenie返埋今日開始放產假啦~~ 原本想早d走去睇醫生, 點知今日下午忙d, 做到5點幾先整完d野, 結果無去睇了; 夜晚同FF民仔C食飯, 爭佢一餐今日請埋啦, 原本想去The One果間食吉豬o既日本野食飯, 點知好多人, 之後轉左去同一層o既鈴木咖啡店, d野食都ok啦, 又唔太貴; 之後上去糖百府食埋甜品散, FF想早d返企休息; 仲幾早8點幾未到9點, 於是hea行TST去到碼頭, 搭船過左海再搭架兜路車上山, 之後散。

16/6(六) -- 中午同CAmySannyPat去石夾尾, 食左好味貓貓車仔麵之後去賽馬會創意藝術中心三個月一次o既手作市集, 都幾多野睇, d野都幾靚又唔算貴, 不過大家都無咩收獲; 行晒成棟野, 上面都有好多其他野睇, 不過我竟然無帶相機! 換袋唔記得拿呀~~ 全日都落住幾大o既雨, 睇完之後仲早, 落左SSP一齊食左d雜食, 到左4點幾5點大家都諗唔到去邊, 又落大雨, 結果就散水了。

6. 呀嫂都玩Diablo 3了~~

17/6(日) -- 父親節本來一早約左一家人去長洲, 但係由於天氣唔好加上呀媽去唔到, 所以cancel; 中午C過左來同呀哥呀嫂一齊食晏, 夜晚呀嫂煮野食, 一齊同呀爸食飯(呀媽去左深圳); 今次我又整牛尾, 佢地無食過, 今次批准用呀哥d紅酒, 一開聞到陣味真係唔同d, 整出來個感覺真係好味d呀~

7. 今日執左d漫畫過隔離房了~

8. 其實一個人住真係有d寂寞; 自己一直都唔介意爸媽返來住(佢地亦都應該係要返來住的), 而且亦都會想架~

來緊:
18/6(一) -- 要係土瓜灣OT到估計8點幾
20/6(三) -- 包粽班@KT, wv嫂&KT
23/6(六) -- 南丫島BBQ
25/6(一) -- LD同事Wendy生日飯
30/6(六) -- FF生日飯
5/7(四) -- 毛毛球wv華哥etc
7/7(六) -- 八婆Gathering

完

六月十日 -- 雜記

4/6(一) -- 收工返去睇完跌打返企食飯。

1. 仲記得廿幾年前o既今日, 自己仲係一個On Quark Quark o既小學雞仔, 但係都覺得好震撼, 咁多人可以為左一樣野而做到咁o既程度, 而當權者又竟然會對人做d咁o既野; 即使事隔廿幾年, 自己長大左, 無咩作為, 亦改變唔到個世界都好, 都唔會忘記呢件事, 亦都唔會忘記當年係彼方同埋係此地人們o既果份熱心、熱情。

2. 由早幾個星期開始差唔多日日都發夢, 似乎真係訓得唔多好; 發d夢都真係同日頭見過d咩講過d咩諗過d咩有關添 @@"

5/6(二) -- 早d收工去睇跌打, 之後同華哥Terrence細Nat去坑口打羽毛球, 第一次去呢個體育館, 應該新o既~ 好耐無打波, 不過要就住個背, 所以都係hea打, 4個人打左2個鐘(7-9), 打完都OK喎, 無痛; 之後去左TKO出名o既三姐食飯, 知左好耐但係未去過, 可惜出名o既豉油雞因為晏o既關係無lu~ 食完之後行返企。

3. 最近個背感覺好d喎, 就住來打波之後都唔會覺得好大問題。

6/6(三) -- 收工同一班同事同Penny farewell, 係觀塘食圍菜, 食完傾到10點幾散。

4. 呢個世界真係無秘密o既...

7/6(四) -- 早少少收工去睇跌打, 最近都好得7788了; 之後返企換個衫出返灣仔同女友食飯飯; 試左2間平民野, 漢堡包同芝士撈丁, 都OK喎; 個漢堡包overall來講我鍾意時新多少少(而且芝士同牛肉我都唔食得, 只係淺嚐左), 芝士撈丁就好芝士, 好味, 同埋好滯胃, 好彩個包食得唔多, 碟野又唔係好大碟o岩o岩好, 食完o岩o岩飽~ 食完之後返企。

8/6(五) -- 收工返企同呀姨姨丈食飯, 之後陪呀姨行左下Popcorn後返企。

9/6(六) -- 早上起身同屋企人同呀姨姨丈飲茶, 下午出MK同C同Tracy同佢男友Alan唱K, 第一次同Alan唱呢; 唱完4點半, 趕返去APM(係KTAPM附近竟然遇到Penny)睇"What to expect when you're expecting", 睇完行左下APM, 唔想係KT食飯, 去左行祥華(XD), 之後搭巴士去新蒲崗, 諗住食果間海灣餐廳, 點知無開, 見到人係入面打麻將=_=, 於是食馬來棧, 唔知係今次叫d野無咁好定真係退步左, 麻麻地。食完之後行左譽港灣個商場Mikiki, 之後10點幾散。

5. What to expect when you're expecting -- 唔見得人地咁講到好溫馨, 不過講左唔少家庭、親子、愛侶之間o既野, 當然亦都唔少得講懷孕、生仔甚至領養o既野啦~ 4 pair人各有唔同諗法、難處, Overall套戲都唔錯o既, 我覺得都好o岩couples同埋有左/生左小朋友o既人睇。

6. 鬼叫你係男仔咩: 最近聽唔少朋友講開香港男仔難做, 而家好多人都係一句"鬼叫你係男仔咩"就要男仔咩都做晒, 以前都討論過好多次男女平等, 唔再多講; 好啦, 咁叫平等? OKOKOK, 男仔"應該"要港式gentleman呀嘛, 送女仔返屋企、去邊玩食d咩做咩都好都決定晒、錢比晒...etc 咁女仔"應該"要做咩呢? 洗衫? 煮飯? 持家有道? 生仔? 似乎而家d女仔都唔興。咁男仔"應該"做左咁多野, 女仔"應該"做d咩呢? 好疑慮。其實都幾同情HK男仔, 尤其係好果d。如果係衰男仔, 都話鬥衰, 睇下大家拿到幾多著數啦; 好果d男仔似乎係付出遠大於得到; 雖然愛情係無計付唔付出幾多o既, 不過單方面付出都幾可憐; 有時見到呢d情況都真係覺得佢地幾可憐, 既然可以做得咁好, 何必要受呢d野呢?

7. 個背又開始有d痛 @@", 病情有d反覆, 唉...

10/6(日) -- 一大早起身去皇帝女友屋企, 一班中學同學一齊睇NBA; CWB比華利山, 成千呎, 應該都幾有錢 @@"; 場波幾好睇, 賽果都唔驚訝; 睇完幾個人落返CWB, join埋C一齊食晏; 下午返企買送整野食, 本來話姨丈呀姨食, 之後又話唔食, 之後又話呀姨食, 之後又話二姨都來埋, 總之唔知點; 最終煮左幾個新舊菜式, 當埋係父親節飯; 覺得今次效果都OK, 仲難得蒸左條魚, 都OK添~ 不過似乎d野唔o岩佢地胃口(感覺上), 不過有時真係唔知整咩好, 其實根據佢地講法, 係香港除左白飯之外係咩都唔食得的。

6. 連續幾個星期訓得麻麻地+背痛+就算累都照去街+一早起身睇波, 今日實在係有d狀態低。

來緊:
12/6(二) -- 同K14食飯
14/6(四) -- LD同事Wendy生日飯
16/6(六) -- SKM
17/6(日) -- 父親節一家人去長洲

23/6(六) -- 南丫島BBQ
30/6(六) -- FF生日飯
5/7(四) -- 毛毛球wv華哥etc

完

六月三日 -- 雜記

28/5(一) -- 八婆生日快樂! 收工睇跌打, 之後由於晏就唔返企食; 自己買送煮野。

1. 最近都比較想多d煮返野, 唔煮開的話煮果時個感覺都係差d, 之前好幾次煮比朋友食果時都係好少煮o既時間, 所以都麻麻地呢; 來緊父親節諗住又煮, 今次要整得好少少啦~

29/5(二) -- 臨時約, 收工同CAmySanny去CWB的Ruby Tuesday食飯, 有6折coupon, 食完一齊去樓下打左陣機之後散水。

2. 呢埋一邊打左鋪鼓機, N耐無打鼓機啦, 好爽呀~~ 可惜只係打左一鋪, 唔夠喉呢~ 之後又打左鋪街霸IV, 第一次打, 可惜無揀到蘇聯佬呀~~ 哈哈, 打到第4-5隻輸左了~

30/5(三) -- 臨時收工約左CAmySanny食飯, 係灣仔各自做左陣自己野(C上細佬家, 我行太原街+188, AmySanny去電腦廣場)之後join埋, 一齊去北角試新野"中間界餐廳"。d野算係好食喎, d工作人員態度幾好, 間野又唔趕人, 最得人驚係個性價比贏晒, 4個人食左好多野叫埋甜品, 每人都唔使100蚊, 好抵呀~

31/5(四) -- 小翠生日快樂! 收工同姑姑呀進同魷魚幫小翠慶祝生日, 去TST大喜屋; 由於要戒口o既關係, 所以好多野都無食啦~ 而且都唔係食左好多野; 11點島散。

3. 今日收工去睇完跌打先去食飯, 比個醫生話無理由咁耐都未好, 叫我一定要戒口, 而且係儘量少少都唔好食到; 呢期要提高自己o既精神力同自制力, 要嚴守啦!

1/6(五) -- 收工同Penny去聽演奏會; 分開幾段, 都係交響樂, 中間有2段請左個國際知名o既長笛演奏家同個樂團合奏; 完左10點幾走返企。

4. 算係第一次現場聽交響樂團; 並唔係因為自己有文化而去聽, 而係因為無先去聽, 聽完當然唔會變得有文化左啦。不過真係好勁, 實在係好多野要"留意", 一次過太多information要個腦處理呢~ 成個樂團每一part分開一浸浸咁聽, 同時又聽唔同part夾埋一齊果種harmony, 或是聽其中一part某一d特野o既效果, 又因為某d位覺得好聽同好似好正咁又要睇果d樂師演奏o既手法同身體果種郁動...etc etc, 好多野; 同時又有睇個指揮o既表演, Live睇又真係覺得個指揮真係指揮緊, 係樂團o既中心來喎, 由佢帶起一幕幕o既樂章, 係真係係佢o既控制之下, 唔係各自為政o既; 而吹長笛o既嘉賓亦都表現到佢勁果面, 真係好聽同好勁呀~~作為一個門外漢, 真係唔知點樣欣賞, 不過自己可以得到自己想知o既野, 又可以開心, 咁都值得呀~~

2/6(六) -- 今日無啦啦係一個好緊張o既日子, 去同C同佢屋企人飲早茶; 一早起身第左下波就去CWB(拿左位先), 同佢婆婆、呀媽、舅父、呀姨姨丈一家飲茶, 好彩佢地都係好隨和o既人, 無風無浪就飲完茶散水; 個背痛痛地, 行左下灣仔之後(多謝隻BB AGE1 :D)就返TKO, 去左寶琳買左第日o既戲飛, 之後返去睇左跌打(o岩時間唔多人), 之後食左屋企附近o既正村日本野, 有東亞信用卡套餐都幾抵~

?5. 2012年6月2日(Midnight), 香港入面有其中一片地方o既版圖突然轉左色, 主權突然轉移了; 見證左我地一班前任+現任同事幾年來o既努力...

6. 始終有d一早約左o既飯局, 雖然盡戒但係都好難避免; 過埋來緊星期三就真係要幾乎100%戒口了~~ 順便當減肥!!

3/6(日) -- 同C睇左MIB3, 好好睇, 之後行左下寶琳同坑口。

7. MIB3 -- 好睇呀~ 玩個時間軸都玩得幾好, 加上回到過去+預言未來2樣野夾埋都好得意; 個尾都有d估唔到呢~ 成場戲無悶場, 後半都睇到幾緊張, 不過3D都係流流地, 其實唔需要呢~~

8. 係TKOMTR入八達通時, 個職員無啦啦叫左句"瑛哥!", 估唔到係相識呀~~ 之前都知佢做MTR, 原來佢做呢條線, 有時會坐呢站呢~~ 趁無人傾左幾句; 真係偶遇呀~~~

來緊:
5/6(二) -- 同華哥等人打羽毛球@坑口
6/6(三) -- Penny farewell飯
16/17/6 -- SKM(未定邊日)
23/6(六) -- 南丫島BBQ

完

五月二十七日 -- 雜記

21/5(一) -- 係土瓜灣收工, 返去同平時差唔多時間, 睇完跌打8點幾, 返企食飯。

22/5(二) -- 本來約左星期三, 但因為Amy突然有事, 臨時改為今日; 收工同CSannyAmy去紅磡食時新漢堡包+美味佳燒烤; d燒烤好食喎, 仲要唔貴, 好正呀~ 之後行去祟潔街諗住食糖水, 點知執左, 於是就散了。

1. 唔知點解左眼好"夾", 又好累。

23/5(三) -- 收工返企食飯。

2. 隻左眼仲係夾; 今早好早醒, 又發惡夢, 訓得唔好, 仲係好累。

24/5(四) -- 收工返去睇跌打, 之後返企是但食d野。

3. 今日仍然累。

25/5(五) -- 最近心情都麻麻地, 又累又訓得唔好; 下午過總部聽talk, 早d收工, 同KennethPennyRaymondStanley係M記坐, 我地3個就一路打Mario Kart一路5個人傾, 到6點島走; 同Kenneth一齊搭叮叮, 我係灣仔落車join左呀C, 佢知我心情麻麻陪我hea行左太原街同188(只係睇幾間鋪), 之後過左CWB試果間韓國小食"韓點", 之後請我食雪糕tum我開心; 行左去維園行下, 好耐無行過, 之後沿住另一個出口行去炮台山, 行左好~耐無行過o既城市花園, 再過北角走; 係北角見到呀珊夫婦(仲真係諗緊會唔會見到), 真係巧遇呢~ 係北角散。

4. 經過一輪反覆掙扎, 今日陳同學終於決定遞信了。

26/5(六) -- 落雨的一天, 又覺得好累; 留係屋企休息同埋試菜整野食。

5. 食早餐時睇左少少新果套高達Gundam Age, 之前第一集都睇左d, 事隔數月再睇, 仍然覺得 -- 不知所謂。

6. 意志堅定; 其實有時有d野我真係ok意志堅定, 同埋珍惜人事物o既一個人。

27/5(日) -- 早上起身睇左半場波, 之後heahea地到下午, 恰左陣2點幾起身出發去觀塘呀衛屋企; 成班識左好耐o既舊同事(珊, 珊老公健, 日安, 盧撈, Carol, Yolanda, 呀衛, 呀衛老婆呀姐, Mandy, Amanda)一齊(補)慶祝珊姐生日, 大家吹下水, 打下我果d card game board game, 打下麻將, 打下機, 食下野(有人整野食, 又買左d野食), 到大約9點散。

7. 雖然今次我覺得麻麻地, 但係大家都仍然覺得d紅酒汁ok, 狂撈意粉食喎。

來緊:

1/6(五) -- 收工同Penny去聽flute演奏會
5/6(二) -- 同華哥等人打羽毛球@坑口
6/6(三) -- Penny farewell飯

完

梁家輝：我覺得我太太越來越美了

當年他們結婚時，香港雜誌封面標題是《梁家輝娶了個人人稱讚的老婆》，照片上的江嘉年很美，但人人稱羨的老婆也會變老。若干年後，梁家輝拖著線條眉眼已走樣的老婆逛街的照片讓粉絲們大跌眼鏡。梁家輝笑瞇瞇地說：“我覺得我太太越來越美了。”

三年前梁家輝對媒體宣布：今後將大幅度減少拍戲時間，將更多時間投入家庭、陪伴太太。一直以來，外界對梁家輝太太江嘉年都有點負面的評價，認為她體態臃腫，打扮土氣，外型跟梁家輝完全不相襯。然而，梁多次公開對媒體表示：我太太是世上最好的女人，是她的好激發了我的好。

當年兩人戀愛期間，因為經濟拮据，拍拖活動就是在家下棋。某年江嘉年生日，梁家輝決定請她去喝咖啡。結賬時意外地發現價格非常便宜，這讓梁家輝很高興，之後便經常帶江嘉年光顧，還將這家咖啡店推薦給同事。同事們去了之後，回來紛紛責怪他，“丁點也不便宜啊，騙人。”梁家輝挺奇怪，跑去問店裡的服務生，對方支支吾吾地告訴他，是江嘉年擔心他沒錢，又不願傷他的面子，事先給店裡打過招呼：凡是梁家輝來消費，一律五折結賬，剩下的錢由她補上。得知真相後，梁家輝內心所受的震動難以形容，他更確信自己遇到了值得一生珍重的好女人。

新婚之夜，身家只有$8,000的梁家輝擁著她，站在酒店的陽台上，問她：“嫁給我覺得委屈嗎？”“不覺得，我相信你以後是不會讓我傷心的。”就是這樣一句簡單的對話，讓梁家輝刻骨銘心，他深知妻子對自己的信任、期許。他發誓：不管以後境遇如何，永遠不能辜負身邊的這個女人。

1993年，梁家輝在越南參加法國影片《情人》的拍攝，江嘉年也陪同前往。

一天凌晨，他們房間的門被人撞開，兩名荷槍實彈、穿著迷彩服的壯漢噩夢一般出現在面前。其中一個用槍指著梁家輝的腦袋，命令他起床跟他們走。這一次，梁家輝被帶去了菲律賓拍戲，獨自留下的江嘉年也被人軟禁。

危急關頭，江嘉年表現得非常鎮定、勇敢，她打電話給梁家輝，安慰他不要害怕不要緊張。梁家輝回憶起當時的情景，至今仍很感慨：“都說男人比女人堅強，關鍵時刻卻總是女人最先鎮定下來，男人有時真的是不能沒有女人。”另一方面，江嘉年說服了監視她的人，帶她去見幕後的黑社會頭目，與其進行了艱難的談判。面對對方的威脅，她說：“我既然來了，就不怕死，可我死了，對你們也沒好處。你們是生意人，無非想自己拍片子多掙些錢。《情人》是一部受矚目的大片，我敢說這部片子會讓輝仔的知名度有一個質的飛躍，你們讓他安心將這片子拍完了，再去拍你們的，對你們的票房只會有好處。你們採取這樣的行為，大家心裡都不痛快，他即使去演，也演不好，又何必呢？”

這番說話打動了黑社會的頭目，梁家輝得以返回香港。飛機抵達香港機場上空時，又遇颱風，在空中盤旋了將近一個小時，還是遲遲不能降落，情況非常危險。飛機最終安全降落，在機場，梁家輝看見來接機的江嘉年，一把抱住她，放聲痛哭……這是他唯一一次在公眾場合如此失態。

經歷了那麼多風雨，梁家輝就此意識到作為一個男人，娶一個好女人，有一個好家庭是多麼重要。

三年前，是梁家輝和妻子結婚二十週年，當初結婚的時候，他們就約定，每過去十年，就要舉行一次“婚禮”，紀念一起走過的路，也是把下一個十年當作全新的起點。

這個十年，他準備送給妻子一枚大的鑽戒，朋友打趣：“誰會買這麼大的鑽戒送老婆？那是用來取悅情人的。”梁家輝說：“對我來說，這樣的鑽石只有我太太才當得起。她是我心目中的鑽石女人———隨著時間的流逝，依然美麗，不斷升值。

對於愛情，梁家輝的見解是：一對戀人，頭一兩年拍拖，那是戀情；之後的十年八年，是感情；如果三十年後你仍會拉她的手上街，那才是真正的愛情。

梁家輝：“其實我能夠努力奮鬥到今天的唯一原因，就是當年我對太太發過誓言，今生一定讓她們母女成為世界上最幸福的人！

原文摘自:
http://magazine.sina.com.hk/southernpeopleweekly/2010002/2010-01-19/ba82648.shtml

主宰

香煙被擱在一旁, 煙灰一點一點的落下。

餐廳內人多得很, 伙計忙碌的四處奔走, 食客話聲嘈雜, 還有掛在牆上的電視, 正在播放著新進歌手的流行曲。但在這餐廳角落的桌子旁坐著那人, 沒說半句話, 只是靜靜地看著那抽煙的食客使餐廳的空氣愈來愈污濁。沉默, 彷彿讓那空氣好像凝固了一樣, 也使得他身旁的氣氛沉重。然而他身處的空間好像被獨立分開了一般, 跟嘈雜的餐廳形成了對比。

煙灰繼續一點一點的落下。

"先生, 我們是控煙辦, 你在室內公眾地方抽煙, 請你..."
話未說完, 那抽煙的人"拍"的一聲, 一手拍了桌子一下, 站起來。
"你哪隻眼睛見到我抽煙? 這煙放在這兒就一定是我的嗎? 你有証據說是我的嗎?"
"先生, 請你冷靜點..."

餐廳開始嘈雜, 那點煙的食客向控煙辦的職員大聲無理的理論。惹來一陣側目之後, 其他人繼續著他們本來做的事: 有的人繼續吃飯, 有的人注意著那邊的情況, 伙計繼續忙碌。食客們對身邊的一切也不太關心, 只專注著自己的事, 或者匆忙地想趕著離開這個生命中毫不重要, 卻又經常流連的地方。

沒有人關心身邊的陌生人, 也沒有人留意到那一點一點落下的煙灰。那些煙灰慢慢的、逐點的落下, 香煙愈燒愈短, 就像思念一個人一樣, 一點一點的消磨著記憶。而那煙灰帶著點點殘餘的星火, 接觸到了放在餐廳暗角的布料, 然後慢慢的伸延開去, 像把一堆互不相識的人串連起來一樣。

餐廳角落坐著的人, 他一直注視著那一點點的煙灰, 看著他(它)們落下、燃點、蔓延, 仍像渾然不覺即將引起的火災般, 就只是默默地看著, 反倒像守護著那星星之火, 等待他(它)成為燎原之勢。火在暗角快速的燃燒起來, 沿著地毯蔓延開去, 瞬間令擱在餐廳一旁的一堆雜物、貨品都燃燒了起來。

終於火光熊熊, 人們開始留意到了。然後變得驚慌, 開始走避。不論男女、大小, 人們爭先恐後的湧向大門, 然而餐廳內通道並不暢通, 他們卻毫無秩序。有些人一直在推前面的人, 有些人竟然拉開別的人, 有些人給推倒在地, 有人給別人踏在身上, 情況一片混亂。

"別推! 別推呀!"
"喂喂! 我跌倒了! 別踩呀, 別...呀!!"
"嗚...嘩嘩嘩~~!"
"救命呀!!"

火勢愈來愈大, 終於易燃物品也受到了影響, "砰!!" 一聲爆炸。

**********

坐在角落的人卻已經不在餐廳裡了。他走在這繁華都市中車水馬龍的街道, 剛才發生的慘劇, 甚至身旁一切彷彿都像跟他沒有關係一樣。

"這個世界果然還是應該被毀滅掉。"

他 -- 或者"衪", 對人來說是絕對的存在。沒有人知道他是從什麼地方來, 有什麼力量, 是怎樣的"人。"但他可以被稱呼為神、佛、天使、菩薩、天尊等等 -- 反正是對於人類來說, 絕對的主宰者。

他在人世經過了一段時間的觀察, 發覺這個星球真的很美麗, 一切一切的大自然、植物、動物、山水天海等等都是美好的。唯獨是這星球上的所謂高智慧生物 -- 人類, 最為醜惡。他在這被稱為世上最繁榮的都市之一, 落腳了一陣子, 已經發覺人類是多麼的醜惡。欺騙、隱瞞、壓榨、暴力...數不盡的負面行為, 不論是當權者、富裕者、中層階級、低下階層、老闆、上司、職員、執教者、學生、父母、子女、戀人、朋友, 人類作為不同的身份, 也不停地在做著、發生著在每一個角落。

就只看剛剛那一場小火災, 只要餐廳老闆/伙計/客人隨便一個做好自己的本份, 關心一下身邊的事物, 就不致會發展成有人傷亡的慘劇。反正, 人類就是應該滅亡。

華燈初上。他坐在一條小巷旁, 想像著這個世界沒有人類之後會怎樣, 想像著當初的人類是如何純樸, 甚至只是數十年前, 有很多地方的人類也是何等的善良。在短短的時間中, 人類腐化得何其迅速, 金錢、物質是那麼的容易讓人墮落。即使"衪"是一切的主宰、即使人類的生死也跟"衪"無關, 這一切也讓"衪"覺得很無力, 頹然地坐在地上, 想著究竟為什麼"高智慧"反而會使美麗的世界愈來愈污煙瘴氣。

"你...你...肚子餓...嗎?"
一名很骯髒、像是乞丐的小孩站在他身旁。
"你餓了吧? 要吃餅乾嗎?"
"喏, 不要客氣, 你很生面孔, 是新來的吧?"
"這兒很少人經過, 很少乞丐會住在這兒的呢。不過這兒卻很清靜, 我和幾個同伴也很喜歡這兒的。餅乾分一半給你吧! 看你這麼高大, 要去找個工作隨便賺個錢糊口應該不難吧? 加油哦!"
"衪"站起來, 摸一摸那小孩的頭, 沒有留下半句話, 沒有拿那半塊餅乾, 就這樣走了。

"或許, 只是很少數。或許, 他以後也會變成壞人。但人類也還有一點點是善良的吧? 就只為了這一點點的人, 我就暫時不毀滅人類, 暫時什麼都不做吧! 反正再這樣下去, 人類也會讓自己滅亡掉的。就讓那一天自己來臨吧!"

一陣涼風吹過, 使人覺得很舒服、很乾爽。"衪"對這個罪孽深重的世界手下留情, 然而人類會不會愚蠢的使自己滅亡呢? 起碼這一刻, "牠們"都避過了一劫。主宰著"牠們"命運的, 是自己。

完

五月二十日 -- 雜記

14/5(一) -- 要係土瓜灣OT到7點幾8點, 同同事Joan食左野先開工, 好彩食左野, 結果做到差唔多9點先收工返企。

1. 最近其實一直都仲有好多靈感、感想, 可以打好多野, 不過而家無咩時間同機會打了~

2. 自從之前破除左心理障礙之後, 唔會執著要整模型時要好好好仔細, 接受貼貼紙之後, 而家好輕鬆咁砌模型, 都幾開心呢~ 反而可以增產, 又可以清下貨, 幾好呢~

3. 又一次感覺, 自己好多鍾意o既野都無做啦~ 打鼓, 唱K, 打籃球、羽毛球, 砌模型...等等, 係咪人年紀愈大就會咁呢?

15/5(二) -- 收工同C去左MK Pigpack Cafe用左果張groupon, 幾好味, 好飽食唔晒~ 之後行左下MK後散。

16/5(三) -- 臨時拉夫, 收工去左北角, 終於第一次去左"天然椰子號", 買左堆香料返屋企(果然平喎~~), 遲d可以試整好多野啦! 之後同呀CAmy同Sanny去食福建野, 食完再去福元湯圓之後散。

17/5(四) -- 收工返企食飯。

18/5(五) -- 收工去睇完跌打, 出灣仔同白田舊同事(Puzzle, 仔仔軒軒, Man, Wing)食飯; 食完散左join呀C同Sanny, Helen, Eva去左聰嫂, 坐左陣散。


4. 今日好開心聽到個消息: 呀Wing諗住向佢女友求婚啦~ 拍左8年拖, 相識10年, 終於都求婚~ 不過未有plan幾時結, 哈哈; 佢仲好捨得咁買左幾支總共幾千蚊o既紅酒添~


19/5(六) -- 今日好累, 早上放棄睇波去睇跌打(打算日日去)之後全日係屋企抖。

20/5(日) -- 早上睇左場唔高興o既波, 下午同Cass娟C唱K(好耐無同大家唱啦, 最衰民仔唔得啦), 慶埋呀Cass生日, 之後同娟民EstherC一齊慶祝呀Sam生日, 去左食TST噶金田, 食完返企。

來緊:
23/5(三) -- 同AmySannyC去紅磡時新
27/5(日) -- 珊姐生日Gathering, 未confirm去唔去
1/6(五) -- 收工同Penny去聽flute演奏會

完

五月十四日 -- 雜記

7/5(一) -- C同同事去尖沙咀漢城, 本來想join不過突然諗起要戒口, d韓國辣野唔食得, 所以都係返企食飯...

8/5(二) -- 呀Mak生日快樂~ 收工返企食飯。

9/5(三) -- 約左好耐同姑姑去SSP食野, 好耐無見過佢啦~ 本來想叫埋呀進, 點知佢竟然唔得閒~~ 最終係我同呀C姑姑同小翠4個人食飯; 因為要做belated survey所以係大角咀收工, 由於要等姑姑佢地收工所以行MK, 記起日安而家係Mk返工, 即刻搵佢啦~ o岩o岩佢又收工, 於是同佢一齊行左下信和, 之後自己行埋In's Point就過SSP; 結果去左SSP間上海野食, 好耐無去過啦, 又抵又好食; 食完之後去西九龍行, 行完再返返綠林食埋糖水散。返到TKO幫呀So交收埋3本漫畫。

1. 最近出site出到爆; 今日好~~~熱呀~~~ 救命呀~~ 好怕熱, 最唔鍾意夏天; 天呀~~ 比幾多短褲仔短裙仔背心仔比我睇都無用, 我寧願唔要咁熱呀~~~ (反正天氣凍都有短裙+boots :P:P XDD)

10/5(四) -- 收工過左北角, 同珊姐去左北角碼頭hea一陣同送左份生日禮物比佢, 仲見到有人釣到條幾大o既魚添! 之後到7點就過去北角三德素食館, 我家同呀嫂家兩家人一齊食飯, 慶祝埋母親節, 果然好味喎~~ 食完之後散水返企。

2. 聽到個消息, 可惜自己竟然miss左。

11/5(五) -- 呀娟生日快樂! 公司又開Briefing要OT, 到9點幾散。之後過左又一城join呀Cass民仔同呀源同呀娟慶祝生日, 佢地食完飯係cafe坐, 我就去食d野同同佢地吹水, 到10點半島散。

3. 續上一個消息, 今日有更好o既消息, 但係對我來講可能係唔太好o既消息。

12/5(六) -- 應早2日催時同學之邀, 同佢bf去南丫島。一早就醒左, 緊係睇NBA啦, 睇左場好波, 好緊湊。睇完o岩o岩好出門口, 不過都係最早到, 不過有人遲左, 所以要等下一班船入去, 好彩無阻延人地o既行程。第一次上風車位, 同埋原來自己都係第一次由榕樹灣行到索古灣, 以前次次都係到洪聖爺灘就完。今次因為一段跑步整痛左個舊患, 所以後面三份二o既路程行得幾辛苦, 尤其係落斜。仲有, 竟然除左係一間鋪頭之外, 無見到貓貓咯。行完之後就同Tracy佢地散, 我同C就去左寶琳第日買飛睇戲(終於用埋coupon), 之後食魚之味個三文魚橙~~

4. 因為喜歡, 所以珍惜。

13/5(日) -- 由於星期六OK累o既關係, 所以一覺訓到11點。好彩預晏買左2點50分o既飛, 大家各自係屋企食左野(我睇埋場波添)先約係寶琳(屋企樓下果間真係好多人, 反而扯到寶琳果間好多位~~), 睇Tim Burton+Johnny Depp果套Dark Shadows; 睇完之後就行下寶琳。夜晚返企食飯。

5. Dark Shadows -- Tim Burton + Johnny Depp, 佢地d奇奇怪怪野都係拍慣架啦。今次呢套好似係base on 一個TV series來拍, 所以睇果時有好多野都好似草草交代出來, 同埋唔多明白點解無啦啦會彈左d人、事出來, 好奇怪, 有好多野真係唔多清楚(不過唔會唔明個故仔咯); 至於套戲來講, 都幾拍得出Tim Burton一向o既黑暗tone, 不過感覺上好多野都玩得唔夠盡, 成套只係中規中距而已~~

來緊:
14/5(一) -- 要係土瓜灣OT到7點幾8點
18/5(五) -- 同白田同事食飯
20/5(日) -- Esther攪呀Sam生日Gathering, 未confirm去唔去
27/5(日) -- 珊姐生日Gathering, 未confirm去唔去
1/6(五) -- 收工同Penny去聽flute演奏會
2/6(六) -- 去火炭津津食飯, 未confirm去唔去

完

五月六日 -- 雜記

30/4(一) -- 收工頭赤赤地, 即刻返企整野食, LD舊同事們(呀進, Gordon, Ruby, Wendy, Connie, Erica)上來我家gathering; 食完野之後玩下board games, 到11點半島散水。

1/5(二) -- 勞動節公眾假期; BBQ唔夠人攪唔成, 本來改約去南丫島, 點知臨尾一日先好多人話唔來放飛機。中學同學們約左一齊去呀Ben屋企探BB, 於是同C民仔同家昇一家(OO都有份)一齊去, 一大一細B都好得意呢。到5點幾就同C走先(之後皇帝同擇茄來join佢地食晚飯我無join), 佢家無人睇狗仔於是要早d返去睇狗仔, 同佢地沖左涼同幫手吹左下乾, 之後就返企。

1. 其實我真係好怕阻住人, 又好怕令人唔高興, 又好怕人就我, 又好怕講自己想點。

2/5(三) -- 今日去試睇樓下另一個出名o既跌打, 覺得好OK喎~ 不過好攪笑, 間野開10點, 佢地竟然11點先返到來 -O- 收工返企食飯。

2. 觀塘重建區內果間華苑終於比本公司收左!! 仲話唔會再開, 光榮結業!!! 執之前去唔到多一次添!!!!

3/5(四) -- 一延再延, 終於再約到同KTPD同事唱K; 收工同Wacoal細Nat同Joyce媽去APM唱K, 好耐無唱K啦~~ 唔知點解到左今日又無咩mood唱K喎, 同埋完全不在狀態呢, 真係好耐無唱啦; 好彩唱唱下都好返d, 亦都有返mood。第一次同細Nat唱K, 佢果然係K魔呢! 咩歌都唱, 又會唱好多騎呢同攪笑o既歌, 會用唔同o既腔唱又玩得, 絕對係一個好o既K腳~~ 佢正經唱時都OK呢~~ 不過唔知點解感覺佢有d唔開心? 10點幾就準備, 11點就走了~

3. 細Nat唱左好多攪野o既歌之中, 其中除左唱到菊姐o既感覺, 同埋艾粒o既歌之外, 佢連"嗶嗶嗶"都可以好順口咁唱到出來 XD

4/5(五) -- 繼續睇樓下另一個出名o既跌打~ 個男o既仍然11點都未返到來 XD 收工返企食飯。

5/5(六) -- 一早起身天氣麻麻, 但係大家(C, Amy, Sanny, 小暈)都決定照去石崗河背遊, 結果去到天氣OK喎; 係荃灣集合, hea食少少爭鮮壽司, 之後就搭車入石崗軍營, 開始行啦; 個農場燉奶同牛奶仍然好味, 第一次試左個餐蛋麵ok喎~ 行完都仲早, 一齊出返元朗, join埋呀So, 去食元朗大榮華原店~ 食完小暈同呀So走先, 我地再行左陣先走。

6/5(日) -- 同呀詩睇早場Avengers, 辛苦佢咁早入TKO XD; 睇完之後係Carnifornia Pizz Kitchen食野; 下午同呀哥呀嫂入左布袋澳, 第一次入去呢~ 不過入面無野行, 只係食海鮮; 都唔係好貴, 好早食完出返坑口, 行左下後就散水返企。

4. 叻唔叻只係相對o既姐~

5. Avengers: 個人認為無咩必要3D, 不過真係打到飛起, d電腦特技亦都好得, 成套片都好精彩, 又有d好笑o既位, 作為商業娛樂片來講真係好睇有突啦~

來緊:
7/5(一) -- 尖沙咀漢城, 未confirm去唔去
10/5(四) -- 同白田同事食飯
11/5(五) -- 公司可能要OT, 又Briefing
13/5(日) -- 慶祝母親節飯
20/5(日) -- Esther攪呀Sam生日Gathering, 未confirm去唔去
27/5(日) -- 珊姐生日Gathering, 未confirm去唔去
1/6(五) -- 收工同Penny去聽flute演奏會
2/6(六) -- 去火炭津津食飯, 未confirm去唔去

完

四月二十九日 -- 雜記

23/4(一) -- 收工返企食飯, 好累。除左因為連踩, 仲有副眼鏡唔o岩度數, 對眼睇野好辛苦, 令對眼好累。

1. 今日聽到個消息, 其實唔關我事, 亦都唔想知, 何必同我講呢? 多謝催時小妹講o既一句安慰說話: "你一定會幸福過佢。"

2. 今日收工竟然係MTR TKL站遇到Connie, 仲要佢唔係入TKO, 係搭過站添, 真係偶遇呀~~~ XD

24/4(二) -- 收工返企煮d簡單野同Amy食飯, 聽下佢講佢o既開心野同d side track野, 9點幾就走。

3. 成日要出site加都ok多野要整, 加埋副眼鏡同直踩o既原因, 都好累下。

25/4(三) -- 下午去土瓜灣做野, 做完direct走, 過海後仲係好早, 行左188同太原街, 終於買左BB騎士Gundam! 之後同C食飯, 唔想係CWB同WC於是去左北角, 是但搵間野食, 食左"韓食家"(之後聽返QQ講原來就係佢之前食豆腐好味果間), 食完再去北角出名o既糖水"王記", 以前去親都多人, 未試過, 今次8點幾去唔多人, 終於試左, 佢只係賣傳統o既中式糖水, 好足料又唔貴呢~ 不過果個粥就無機會試啦~ 食完返企。

4. 返到企頂唔住剪左頭髮。

5. 好戇居地好晏訓, 好耐無試過上網hea睇個幾鐘漫畫, 本來呢個星期都好累, 更累。

26/4(四) -- 呀源同Kenneth終於考完試, 四仔re-U飯! 收工去九龍灣拿左眼鏡先! 終於有得望返清楚啦! 之後去左想試好耐o既"宮", 個價錢比個質素, 性價比唔太差呀, 有d野係普普通通但都有d野唔錯~ 我地4個狂吹水, 咩都傾下, 之後再轉場去Starbucks(仲要一杯野都無買)傾到差唔多11點先散水, 好開心。

27/4(五) -- 幫手公司Briefing, 9點收工。累到爆。終於放假了。

28/4(六) -- 一早起身, 執下野之後去沙田, 同女友行下沙田到咁上下, 再去葵芳行, 好耐無行過呢, 買左個新貓貓電話殼, 總算有收獲。7點幾就走好早8點幾就返到企了。

6. 夜晚趁有d時間噴左銀油, 之後砌左果隻BB騎士, 好靚呀~~~

29/4(日) -- 一早起身, 睇左場好波(可惜臨尾Mavs輸左), 之後同女友係TKO食野行同hea左一日。

來緊:
30/4(一) -- LD舊同事gathering@屋企
1/5(二) -- BBQ唔夠人攪唔成, 可能去南丫島, 如果落雨就改為屋企玩或K
3/5(四) -- 一延再延, 終於再約同KTPD同事唱K
5/5(六) -- 石崗河背遊
10/5(四) -- 同白田同事食飯

完

四月二十二日 -- 雜記

16/4(一) -- 下午去土瓜灣做野, 到5點幾先走, 收工放學時間加上落雨濕濕, 搭車返到去同平時收工差唔多。

1. 好友Q二手價比左本書我 -- 父後七日; 上年睇噶一套戲噶原著, 果時好鍾意套戲, 所以就要埋本書來睇了。返到屋企一口氣睇完佢了~

2. 夏天已至, 滿街o既短褲仔少女; 誠然, 賞心悅目。

3. 今日聽到一個好消息, Amy恭喜晒哇卡卡卡~~~~~

17/4(二) -- 公司同事們打波(係坑口有人book左會所o既場), 已經無join幾次, 最近個背都OK, 又好耐無做運動同打波, 決定去join(其實好想打波); 下午落左土瓜灣, 做完野返企6點幾, 換個衫過去坑口o岩o岩好7點島(開始打), 打2個鐘到9點, 好耐無打, 好爽呀~ 自己都有就住唔好咁搏來打, 打完個背都痺痺地但都OK, 而且打得唔太差啦。可惜整爛左副眼鏡, 要去配過啦, 都尚算好彩自己有副士啤, 同埋本來副野都開始有d朦朦地。p.s. 眼鏡爛左之後繼續打, 想懶型咁學流川睇唔到野照射波, 緊係唔入啦, 哈哈~

4. 睇TVB劇集, 劉江真係好正呀; TVB最正o既都係果堆綠葉。

18/4(三) -- 收工去灣仔同C食飯; 諗住去之前同Penny睇林一峰之前食飯o既地方食意粉, 點知執左, 於是去左Times foodcourt食飯, 之後就散。

5. 幽遊白書"完全版"出啦; 其實所謂完全版只不過係重新包裝靚靚再出過...不過身為幽白頭號fans噶我, 好難唔買咯...

19/4(四) -- 收工返企食飯, 由於太累10點幾就訓左。

20/4(五) -- 公司Freezing Survey @ 大角咀, 9點半收工。今日個partner個感覺(樣同動作語氣神態等待夾埋)好似呀叻呢~~

6. 食左間原來出名o既車仔麵, 好味喎~~~

21/4(六) -- 本來要FS, 點知星期日先要返星期六唔使, 所以又可以做返呀SamEsther佢地結婚o既兄弟。一早起身就去, 都係一般流程, 不過佢攪下午tea buffet(一如所料同K buffet差唔多), 所以早好多就完。我就係儀式完晒之後食d野走先。同C去九龍灣(四左幽白完全版)去佢配開眼鏡果度配, 配完去左Megabox(買左遮)食Ikea, 之後行下Ikea同H&M之後就散水返企。今日真係好疲累呀~

7. 原來我需要人地就得好多咩?

22/4(日) -- 公司Freezing Survey @ 大角咀; 好少野要做, 但係又要等, 詳情唔多想講, 總之差唔多6點收工。之後同C食飯。今日真係好累呀。

8. 今日係fb見到, 貓姐訂婚啦~~~!

9. 某年某月某日, 同陳同學睇左場早場"Battleship"; 其實我覺得呢d戲真係唔使咁認真諗合唔合理的(其實建基於個設定之後, 其餘都無咩好唔合理噶野啦), 成套戲d特技真係交足功課, 又緊張刺激, 劇情就無咩特別架啦~ 但係以呢類片來講真係算好, 我同陳同學都覺得好睇呢。

10. 終於都正式吧。

來緊:
24/4(二) -- Dine wv Amy
26/4(四) -- 呀源同Kenneth終於考完試, 四仔re-U飯!
27/4(五) -- 幫手公司Briefing

30/4(一) -- LD舊同事gathering
1/5(二) -- 暫定BBQ
5/5(六) -- 石崗河背遊

完

七十五元的"父後七日"

這兩年來看了很多電影, 有很多也算很精彩, 很好看。談起來的時候也會覺得很不錯, 值得推介的也有不少。可是會讓我突然想起或者印象深刻的, 不是很多。其中一套, 是2010年尾看的台灣電影 -- 父後七日(當時也還未有"那些年)。以下為當時對它的感覺:

"一個人的電影: 父後七日: 相對於"告白"噶變態同無情, "父後七日"拍出左好深厚、濃濃噶人情味; 並無刻意煽情、催淚, 但係感受到人同人之間各種唔同噶愛, 淡淡地係生活之中滲透出來。大家覺得自己同父母或者身邊噶人關係疏遠了嗎? 推介: "父後七日"。
有少少台灣味道, 不過應該唔影響HK人睇噶感覺。
覺得自己同個女主角係感性上係幾相似。"

記得當時看的是早場, 即使不是早場, 也不會價值七十五元, 為什麼題目會是 - 七十五元的"父後七日" - 呢? 因為昨天向好友Q要了一本書, 正正是同名的文集"父後七日"。三十五元的早場電影加上三十元的二手書價, 總共七十五元。

昨晚回家便一口氣看完了書。書本的"父後七日"大概算是一本散文集, 除了第一篇作者以四千多字寫成以及得獎的短文"父後七日"之外, 還有很多她自己對於該改篇同名電影的感想、她自己的兒時經歷、與家人朋友的記憶, 還有她失戀之後的旅行、經歷等等。而最令人感動的, 還是那四千多字的"父後七日"。

短文的內容在電影中都有包括到, 而看了整本書之後, 知道文中的事都幾乎是真人真事, 不過她只把她重點的感覺寫了出來。而電影為了要達成某些效果, 當然會作出了一定的改動, 卻也能也把好多事、物形象化了出來。到現在我仍然覺得, 雖然電影拍出來的感覺很鄉土、很台灣, 但當中所描述的情感很真摰。而那"七日"發生的事, 可能我小時候有回鄉參加過外公的後事, 也有不少相同之處, 因此會令我更有深刻的感受。

作為相互的"補完", "父後七日"一文令我對電影"父後七日"有更深一層體會, 也更加感受到作者/主角對父親、對家人的思念。同時, 在某些方面也讓我更加覺得, 自己跟作者在感性上有一定程度的相似呢。

七十五元的"父後七日"電影+文, 花費了年半前的一個早上及昨天的一個晚上, 划算得很。

完

四月十五日 -- 雜記

10/4(二) -- 收工返企食飯。

11/4(三) -- 唔記得下午要過上環, 諗住過開去約C食飯, 點知4點就完要返KT, 不過約左所以收工都過去食飯, 食左板長壽司之後返企。

12/4(四) -- 今日早返出門口, 但係竟然唔記得帶八達通+公司staff card; 收工約左K14食飯, 由於大家都可以早, 所以去試Popcorn果間麵屋一平安, 好普通麻麻地; 之後同佢吹水行下, 由Popcorn行去坑口行埋文曲里個公園再去食聰嫂, 之後同佢行返去TKL再返企, 前後行左2-3個鐘, 對腳有d累呢~~

1. 同K14傾左好多野, 當然好多都係關於佢o既野, 但係都交換左好多大家o既各自o既經驗同人地o既經驗, 大家都可以從對方學習到野, 都幾好呀; 傾左好多同人、同另一半相處o既野, 幾好呢。(不嬲都係好傾o既朋友~)

13/4(五) -- 由於朋友o既關係, 有機會拿到茶果嶺天后寶誕搭戲棚大戲o既飛, 一直都好想去試下呢d傳統中國文化o既野, 仲要咁有風味, 緊係要試一試啦, 又估唔到舊同事呀Wing有興趣一齊去; 收工同佢係藍田食d野, 就搭van去茶果嶺。嘩, 真係好正, 個戲棚好大, 全個都係用竹搭成, 加上個頂用野罩住, 落雨都無漏水, 個地板都係砌出來, 用木o既, 聽講只係呢個棚都應該使左起碼七、八十萬, 好勁呀。至於套粵劇, 主角係蓋鳴暉, 都算係識o既人, 做o既戲碼係"三笑姻緣", 就咁講出來可能好多人唔識, 但係只要講星爺o既"唐伯虎點秋香", 大家就會知係講邊一段故事啦~ 其實粵劇並唔係好深, 同音樂劇一樣, 並唔係一d難明o既野, 今次睇都覺得唔會好悶喎, 入面d對白同劇情仲好update, 會加d而家o既野添! 另外, 其實粵劇都係一門Live o既表演, 只係睇佢成場live演、造手、唱、戲服、化妝、Live band...等等, 其實都係好勁o既野來架~~ 現場o既氣氛都好熱鬧。由8點睇到9點, 套劇未完(中場休息), 無啦啦暫停, 開始個event天后寶誕o既少少儀式同頒獎(即係一班人出來講下野嗚謝下), 由於聽講要睇晒套戲要到11-12點, 又唔想睇到咁晏, 於是就趁呢個機會走了。其實如果佢一直做落去唔中途暫停, 好可能會睇晒先走呢~~ 仲有, 如果唔計d小朋友, 我圩個係全場最後生o既呢, 都引來好多人注目呀哈哈。d人估唔到有後生仔有興趣來睇大戲呀~~

2. 今日嘗試沖凍水涼, 都沖到但係覺得凍凍地, 雖然得, 但係都放棄左。

14/4(六) -- 結果早上好累, 咩都無做係屋企hea爆, 中午出門口去荃灣八婆家(同娟+呀進)。去到同佢地食lunch(八婆煮左粥, 我買左d立雜野, 呀娟帶左潮州O既菜埔), 之後同八婆+娟去街市即開即食個榴槤, 八婆係熟客所以個老闆娘揀左個靚o既金枕頭比我地, 好食呀~~! 之後去買蝦蟹同魚, 果檔聽聞幾出名又唔係貴, 個老闆同老闆娘好有要求, 一定會切到好好地同埋洗到好乾淨, 雖然要等但係個功夫真係好得, 同埋自己返到去唔使再整呢! 返到去等到食飯, 八婆手勢都唔係第一次試, OK呢, 加上d料得, 好味呀~ 食完一齊玩左陣card game到10點島走。

3. 今日嘗試沖凍水涼, 都沖到但係覺得凍凍地, 雖然得, 但係都放棄左。2

15/4(日) -- 下午去左灣仔C細佬屋企幫手(其實都無點幫到手)剪毛剪甲沖涼同吹乾三隻野, 晚上去左西環加拿大餐廳食飯, 之後返企。

4. 早上睇J2撻成一塊音樂會, 好正~

5. 今日嘗試沖凍水涼, 都沖到但係覺得凍凍地, 雖然得, 但係都放棄左。3

6. 睇左金像獎頒獎典禮, 今次都算係大路賽果; 不過男女主角o既頒獎嘉賓好似對其他提名人唔太禮貌咯~

來緊:
20-22/4 -- 公司唔比請假, 會OT的日子, 本來係早一個星期, 而家突然改遲左!! 即係我做唔到呀Sam兄弟?!
30/4(一) -- LD舊同事gathering
5/5(六) -- 石崗河背遊

完

四月九日 -- 雜記

2/4(一) -- Penny生日快樂~~ 同KTPD同事唱K因為Nat唔舒服而再度cancel; 經過前個星期發燒, 上個星期成個星期喉嚨痛之後, 今日開始除左喉嚨痛之外, 個口仲生左好多飛滋; 今次肯定左點解了: 記得早2年有次都係咁, 都係發完燒之後開始係咁生到成口都係(好彩今次唔係), 醫生同我都肯定係因為食d消炎藥同抗生素令我生咁多飛滋, 所以即時就停左了。而家個口好多飛滋, 雖然無之前果次咁犀利, 但係都好痛呀~~~

續: 當晚開始覺得好唔舒服, 個口又痛, 人又凍又無力又暈, 好似又發燒了; 其實係病果時, 好想精神上有支持同人有人陪多d, 因為真係好辛苦同好悶。

3/4(二) -- 之前果晚成晚都訓唔到, 好辛苦, 發住燒係床度碌來碌去, 個口又痛; 一早起身去睇醫生, 連坐都覺得辛苦, 原來發燒發到39.2度; 全日係屋企渾渾噩噩咁過左; 日安屋企House Warming round II去唔到了。

1. 之前先講話好彩痛唔影響講野, 點知即刻就個口生飛滋, 仲要生好多又好大粒, 好得人驚, 救命呀...

2. 係屋企悶爆又無精神之下, 上網睇左套戲"喜愛夜蒲"; 之前宣傳講到好似以前套晚九朝五咁, 但係完全唔係果回事, 入面完全係講d去蒲噶人亂攪男女關係, 係每一個角色都係咁, 鋪噶愛情線又好牽強, 完全唔深刻, 總之就係麻麻地; 總的來講只係一套賣肉又唔到三級o既戲; 不過戲入面連詩雅、DaDa、Jeana果d又真係著得好sexy同索的。

4/4(三) -- 清明節公眾假期; 都係繼續係屋企休息。一早起身個口仍然好痛, 其他野應該都好得七七八八; 個口痛到用左幾個字先飲得完個豆漿同埋一塊瑞士卷, 仲要間唔時hi到d痛處痛到標眼水; 食完果時呀媽來左, 真係救星, 幫手係個口度搽左同整左d野, 無咁痛, 都係呀爸呀媽最好(呀爸雖然囉嗦同煩d, 我個口痛唔想講野仲係咁問@@); 食晏同晚餐過左去呀媽果邊同呀哥果邊各2次, 總算有離開過下屋企呀; 屋企一如以往整左福建傳統清明食品, 唔知點打個字, 個口好返少少, 雖然最大粒果粒都仲係好犀利, 但係利尖好左, 所以到夾硬食左一舊仔。之後仲好勇咁搵鹽水浪左次口, 真係痛到不得了, 淚水都標埋出來。

3. 全日係屋企砌左隻RG量產型Zaku II, 第一次砌RG, 真係不同凡響呀, 係HG噶大細, MG噶detail, 不過d件真係細左d咯~~

4. 慶幸: 慶幸自己係大部份事件上都無點亂來亂選擇過, 而亦都証明左自己好多野都無錯。(當然, 錯點都有試過但係都無後悔o既)

5/4(四) -- 返工很忙, 收工返企食飯, 同呀爸傾開, 佢呢期上網聽返d英文舊歌, 難得佢喜歡, 即時返屋企copy左一堆拿返去比佢。

5. Sorry: 那麼多次的sorry, 其實我應該一早就明白, 一個人如果一直以來只會不斷說sorry, 也不說為什麼sorry, 其實他跟本就沒有想過, 也不會改變; 那也就不過那樣吧了, 算了吧。

6/4(五) -- 一連四日復活節假期第一天; 上午返公司OT, 到2點幾走, 總算又清左d野; C同S去左APM睇DC同買左, join埋佢地返企, 佢地有佢地勾野同研究相機, 我有我砌模型; 之後夜晚同佢地去左汶萊食飯後散。

6. 講不出聲: "真的"從來都說不出口? 說得出口的就是假的?

7/4(六) -- 中午同呀哥呀嫂係樓下食飯, 之後出發去大埔Helen屋企Gathering(Helen一家Rachel同老公AmySannyC); Helen煮左好多野比我地食又好味呀~~ 好犀利~~ 到10點幾11點走。

8/4(日) -- Easter Esther派帖Gathering; SamEstherDorothy娟C呀哥呀嫂下午一齊玩card game(我中途好眼訓去訓左陣), 夜晚呀哥呀嫂走, 我地買左外賣野食返來食, 之後再玩到11點島散。

9/4(一) -- 中午出左去同C係皇室堡買左飛先, 之後經開突然就去試左果間話好好食o既拉麵店"魂", 又真係好食喎, 個湯濃得來唔咸(係2樣野來), 食完仲完全唔口渴, 真係好食(之後陣味仲維持左係口好耐)。Mirror Mirror比起想像中無咁好睇, 好笑又未至於好好笑, 顛覆童話又未算顛得好勁, fantasy又未係十分fantasy, 緊張刺激就更加唔算好緊張刺激, 公主王子都幾靚, 最浪費係Julia Roberts, 搵佢來做王后應該好正好奸氣派好犀利, 但係完全唔多得, 個角色又唔多出, 好浪費; Overall來講套戲不過不失, 普普通通唔錯啦。睇完之後散。

來緊:

20-22/4 -- 公司唔比請假, 會OT的日子, 本來係早一個星期, 而家突然改遲左!! 即係我做唔到呀Sam兄弟?!

完

四月一日 -- 雜記

26/3(一) -- 收工返企, 個喉嚨仲好痛, 於是去左睇醫生; 最近真係好多人病, 平時都要排十個八個, 竟然要排十幾廿個, 七點幾登記左, 返去沖完涼食埋飯坐一陣再落來, o岩o岩差唔多到我, 前後隔左個幾鐘 =_=; 之後同呀媽去左逛超市, 竟然比我見到高鈞賢, 好高同幾型仔呢~~

27/3(二) -- 喉嚨仍痛, 收工返企食飯。

28/3(三) -- 已經小心飲食, 又定時食藥, 但係仍然喉嚨痛; 收工返企食飯, 之後同呀媽去行下附近, 行個大圈到去坑口再返來, 之後上一上呀哥度先返企。返來勁早訓左。

29/3(四) -- 喉嚨仲係痛; 又係出site早少少收工, 返去睇左醫生, 話仲係發炎同腫, 叫我食野等無咁熱先食, 飲凍野...約左Nat食飯, 本來想入沙田, 但係佢都準時走, 我出返來再入沙田佢就要等, 反正大家都唔食得熱氣野, 加上醫生叫我食凍野喎, 想食好d但係又喉嚨痛, 好極感覺上都有限, 於是諗起, 不如cheap cheap地食九龍城日本放題啦~~ 雖然比唔起$250果d好食, 但係唔比MK$200果d差好多, 埋單每位都係$150, o岩晒啦~~ 同呀Nat食下吹下水, 之後好飽, 由九龍城行返過黃大仙, 中途行左下新開果個商場Mikiki, 不過已經9點幾收左好多鋪(即使未收都好似唔多野行咁), 再經過果時同佢一齊上德文果頭(新蒲崗), 最後行到黃大仙佢有巴士o既地方就散水。返企覺得d頭髮都係長, 剪左下。

30/3(五) -- 喉嚨仲有痛; 下午又係出site, 見左個客講左好耐, 都有得早少少少少返到去。覆診跌打等緊果時竟然見到呀嫂同呀哥都來左呢間, 哈哈。返企後補剪左幾野頭髮。

1. 好慶幸今次喉嚨痛雖然持續左好耐, 不過影響食野多過講野。不過都係好痛苦~~ 真係好痛。

2. 最近都好累好眼訓, 早返屋企, 成日都好早恰。

3. 好想睇Mirror Mirror, 大追捕, 春嬌與志明。之前已經miss左星光伴我心, 鐵娘子...etc...

31/3(六) -- 一早就醒左, 於是去睇早場, 睇左"大追捕", 睇完出來, 3個字後有場, 於是買埋飛睇"春嬌與志明"; 睇完出來就同屋企人會合去柴灣拜呀爺; 應該係咁大個仔第一次正式拜山呢~ 拜完之後仲早早地於是去左灣仔後再返企食飯。

4. 戲評請另見早一篇blog。

5. 睇來我個人o既淚腺比較脆弱, 比較眼淺; 反而笑點比較高。

1/4(日) -- 訓到幾晏先起身, 覺得身體狀態麻麻地(頭少少赤, 喉嚨仲有痛, 肚有d唔舒服, 個背都係痺痺地), 不過天氣好好, 下午去左美孚噶荔枝角公園, 以前都去過, 但都係經過同打波, 無試過成個行晒, 原來入面個嶺南之風無去過, 都幾靚; 有好多o靚模、Cosplayer係度影相, 仲有人影婚紗相添。晚上去行左下屋企隔離新開噶商場, 多左好多食肆, 第日可以多d選擇呢~ 最正係開左間MCL, 以後去睇戲睇早場實在係太~~~方便啦~~~!!

來緊:
2/4(一) -- 同KTPD同事唱K
3/4(二) -- 日安屋企House Warming round II
7/4(六) -- Helen家gathering
20-22/4 -- 公司唔比請假, 會OT的日子, 本來係早一個星期, 而家突然改遲左!! 即係我做唔到呀Sam兄弟?!

完

桃姐大追捕春嬌

以下乃個人觀感, 對3套戲極度主觀o既評論, 有興趣可以參考下, 不喜勿插。另外, 文中內容嚴重劇透, 如果大家想去睇o既, 就最好唔好睇住啦。

前言

話說在頭既, 港片真係唔係差, 而小本製作亦唔一定差得過大製作。如果人人都要Hollywood大製作先入戲院睇, 要睇好多budget都放左係d聲光特技效果但係劇情演技欠奉o既戲, 咁電影業就真係會愈來愈差; 好o既電影, 就要入場睇!

"桃姐"

首先要講下桃姐。

唔理大家細個有無睇過華Dee同Deanie姐合作過o既戲都好, 佢地2個配埋真係絕配。有時d野真係唔係只係劇情演技咁簡單, 單單就"說服力", 佢2個角色搵過第二pair人都做唔到呢個效果, 佢地演呢d母子主僕o既情懷已經上晒腦入晒屋, 所以真係特別有說服力同感染力。

Deanie姐雖然都唔後生六十有幾, 但係佢個人o既狀態都仲保養得好好, 係戲中佢卻係演活左一個七十幾歲o既人, 由健康演到老態龍鐘, 到病到死, 超自然。華Dee今次都好驚喜, 之前睇佢d戲, 雖然角色唔同, 但係套套都有d"劉華"o既影子, 唔多唔少有d chok, 但係今次真係演得好平民好自然, 真係值得一讚。

許鞍華導演o既戲其實我睇得唔多。佢一向都係好寫實, 又唔會催淚。今次拍左老人院o既生活出來, 刻劃左好多老人問題同老人院入面o既人生百態, 拿捏得好準確。有好多位都好細膩, 又一d都唔造作。抄網上有人講o既評語: 文藝片既情懷，拍得細膩含蓄舒服得黎又不失笑位和幽默感。可能好多人都會覺得悶, 但係我覺得真係一套好戲。

"大追捕"

一開始可能大家會覺得呢套係一套懸疑片、警匪片、動作片, 但係其實唔係。嚴格來講應該算係一套"親情片"。

講真, 套戲大半都營造左一個懸疑o既氣氛同佈局: 究竟事實o既真相係點呢? 究竟同廿年前o既案件有咩關係呢? 究竟...好多好多。不過我相信稍為有腦o既人, 睇到一半都已經知道發生咩事, 估到個劇情係點樣。但係咁樣並唔係佢失敗, 我覺得根本就係想比觀眾知咩事而繼續睇落去。

成套戲實在有好多亮點, 但係最正o既一定係張家輝。真係要講句對唔住先, 我仲記得我無耐之前仲係度講, 張家輝演技係好, 但係感覺唔似係可以擔正大旗出大場面o既。當時都有睇過唔少佢o既戲, 但係睇左呢套, 我真係要收回前話, 簡稱收皮。只係睇佢做個啞巴, 冇對白純表情既演技, 睇佢用眼神來做戲, 睇佢欲言又止o既表情, 睇佢內心痛苦面容抽搐, 睇佢放下一切最後一笑...只係睇佢都已經值回票價。

任達華華哥做o既警探實在無咩complain, 謝安琪o既角色純粹為成套戲緊張o既氣氛做一個緩衝, Janice Man中規中距, 反而有一個可能大家漏左o既亮點(可能有人留意到, 但係網上唔多見人有提), 就係出場唔多o既余安安。以前甚少睇佢做戲, 不過佢有份出場做主o既幾場戲, 都超交到戲。

2個鐘o既戲, 完全交待到劇中人物之間唔同o既感情, 張力亦由頭去到落尾, 一幕接一幕, 即使去到一半大家都已經知道"點解", 仍然都會好緊張之後究竟會發生咩事。去到尾段, 播返張家輝望住Janice Man眼淚係度打滾, 同埋最後, 張家輝跳樓前想講野果度, 真係頂唔住, 自己o既眼淚都標左出來。王遠揚到最後一個人都無殺到, 只係殺左自己, 但係佢救贖到身邊幾個人, 包括一直追查佢o既林Sir, 真係無得頂。

"春嬌與志明"

上一集o既志明與春嬌, 個人覺得好好睇。今次"春嬌與志明"網上都好多人話好好睇, 我呢, 就覺得都好睇, 但又未到d人講到咁正(不過都係好睇o既)。

今次無左麥曦茵, 少左女性角度, 但係彭浩翔既招牌黑色幽默及譁眾取寵竟然自我抑制到, 保留到上集果種好平淡舒服o既味道喎。最開心o既係雖然今次想打入國內市場, 大部份都係發生係內地北京, 主打o既除左千Fa同余文樂另外兩個徐崢同楊冪都係內地演員, 但係仍然堅持到港式粗口同男女關係, 無大陸味, 值得一讚。

故事講一對三十歲島o既HK情侶, 過左熱戀期之後開始熱情冷卻, 好多相處之間o既問題出現, 到分手到分道揚鑣, 再係北京重遇, 各自搵到另一半, 重新認清自己而認定對方再一齊, 一層一層好有條理好流暢。

戲入面亦都拍到一貫港男港女o既情態。不得不讚下余文樂同千Fa: 近年都睇左唔少余文樂o既戲, 覺得佢又真係不斷有充進步, 好自然順眼, 演技唔會好方塊; 千Fa就更加放低晒, 演活左春嬌呢個HK中女, 都唔知係咪應該話佢做返自己(其實佢自己應該已經唔係咁o既情況啦~)定係話佢演技好好啦。

上次以"煲煙"來做串連, 今集已經講少左好多, 不過港式粗口健在, 而且係講得好自然攪笑, 唔會覺得過份粗俗(事實上, 有好多野用粗口講出來o既感覺真係會強烈d同表達到某d意思)。

網上好多人都話好唔現實, 有咩理由志明會揀中女唔揀個又索又正o既空姐呢? 講真呢d人應該都未係好明白愛情、婚姻同埋相處。衰d咁講, 學網上果d人話齋, 上床攪野開波, 緊係楊冪正啦。但係結婚係對一世, "色相"究竟係咁長o既時間入面可以有幾重要呢? 志明當然係會揀返了解自己、同自己背景相近(都係HK人)、相處得舒服o既春嬌啦, 呢個先係現實來呢。戲入面都有講, 志明係鐘意食7仔o既肉醬意粉, 鐘意就係鍾意咯~

不得不提o既, 就係最後出字幕後果段片, 余文樂做返當年王馨平o既"別問我是誰"MV, 不論場景、服飾、鏡頭、拍攝, 最緊要係佢連表情都學足埋, 真係笑到X街(不得不出一句粗口向套戲致敬啦!), 大家睇果時千祈唔好睇漏呀~~

完

人治, 法治

不論是國家、社會也好, 公司、家庭也好, 總會有一些"rules"去規範著人們的行為。這些"法例"、"條例"的目的, 是為了令人有一定的秩序, 或者防止某些壞事的發生。如果沒有的話, 大概會天下大亂。所有人都是不一樣的, 每個人的性格、長處、偏好、領悟能力、自制能力...等等都不同, 因此不會有一套完美無瑕的條例, 可以適當地維持秩序, 而又令所有人都覺得舒服。

就以學校為例。一般在上課時也不准私自談話吧? 目的是為了讓學生專心聽講, 或者不致影響別人上課。不過總有一些聰明的學生, 會有問題出現或者覺得有討論的必要, 因而與同學作出討論吧? 如果人人也是聰明的、自律的人, 其實在課堂上有適當的討論並不是壞事, 這些學生應該也算是"乖"的吧? 不過總亦會存在著不喜歡上課, 喜歡玩、竊竊私語的學生, 亦由於這些學生, 不得不一律"上課時不准私自談話"。

自己的性格是屬於"人治"派的。不喜歡任何事情都太過硬性的規限, 也算是比較喜歡協調各種不同的情況。在一個組織中, 第一把交椅應該要是絕對的執法者, 而我大概就會比較適合當協調者, 細微的去觀察、協調不同人不同的情況, 因應情況去決定不同的做法。

如果從要最"舒服"的角度去看, 當然是每一個不同的人case by case去看是最好, 但當權者、執法機構、管理人沒可能有時間去逐個個案去分析評估, 也沒有時間去跟進每一個個案隨著時間的變化。因此, 條例總是"硬"的, "死"的, 而條例和執法之間總有一些空隙去使人可以有點彈性處理。

"人治"是很困難的事。要每一個人就著其不同情況去評估, 就會使人覺得不公平(本來世界就是不公平的嘛), 也沒可能會有一個全部人也認同有公信力的人可以做這個角色。以剛才的例子來說, 如果老師讓某些同學討論課題, 同時又不讓其餘同學私自談話, 只會惹人詬病, 被認為不公平。

另外, 人總是有很醜陋的一面。看看現在香港的法例和執法, 只要有一點空隙, 人們便會去鑽, 在空隙邊緣中去尋找利益。現在的人總是過份地強調法律不外乎人情, 或者就著一點點漏洞去化大事件, 其實我覺得應該要有一個強勢的執政當局, 去嚴守著法律, 社會才可以安定。我並不是支持極權統治或者獨裁統治, 需要的是"有能力去嚴格執行"的當局罷了。

大自然世界, 從來就是弱肉強食的世界。人類也一樣。難聽點講句, 法律最保護到的是有錢人。如果沒有法律, 恐怕罪案會不斷發生, 強而有力和有錢的人會掌握了世界; 因此無論如何總要有一套法律, 即使那些"有錢人"受的保護較多, 社會也能維持一定的秩序。

就以現在的情況來說, 雖然自己是人治派, 喜歡case by case, 而我國先賢所提出的"中庸之道", 取其平衡也會很好; 但若愈來愈多人玩爛, 我也會支持絕對的法治: 始終條例訂下就是要來守的, 不想守的, 覺得不舒服的, 就別選擇這個國家、社會、公司、家庭算了。

完

三月二十五日 -- 雜記

19/3(一) -- 收工返企食飯。

1. 好耐無試過咁唔高興同埋咁嬲, 無錯, 我真係N耐無真係"嬲"過了!

20/3(二) -- 收工返企食飯。

21/3(三) -- 本來同KTPD唱K改左做呢日, 但係一早起身就覺得自己病, 由於要direct site同得我準備左野o既關係, 夾硬出左去做野, 之後勁辛苦, 結果上半晝做完野之後下午請病假, 去睇醫生, 發燒發到38.9度; 全日都好暈好暈, 四肢勁軟無力, 又覺得好凍, 好辛苦 :(

22/3(四) -- 身體狀態仍然好差, 所以都係頂唔住, 請左病假。係屋企訓左2日, 都仲係覺得暈, 好辛苦, 又超悶。幾餐都係呀爸帶野來比我食, 夜晚果餐就我自己過去食, 有落去行過下2步都好呀。

2. 雖然之前都有病同發燒, 但係真係好似好耐無試過病都咁甘, 真係好辛苦同超暈, 係連訓係度都暈, 暈到訓唔到, 勁辛苦。

23/3(五) -- 下午出site早少少收工, 返企食飯; 晚上八婆gathering因為我o岩病完所以暫時postpone去四月。

3. 由於病o既關係, 今個星期達成左"5日閒日都返企食飯"。 =_=

24/3(六) -- 早上返左公司OT, 病左2日, 有好多立雜野要做同要清(其實唔病都清唔設), 終於都清左tray入面好多要filing噶野同開左resumption噶file; 做到點幾鐘走, 去日安盧撈新居入伙house warming大食會, 我先去到整定牛尾同埋玩Wii, 第一次玩晒Wii Mario Kart所有賽道(亦都係第三次玩呢隻game), 雖然係新手但係都係玩manual drift o岩我。之後d人係6點開始陸續到左(除左屋主盧撈日安, 仲有何敏、癲姐、Alex、Amanda、呀儀、Carol、呀衛伉儷), 大家食野同吹水好熱鬧, 我自己只係食左一小舊牛尾肉, 煲野煮成點其實我都未試真d味~ 當日因為狀態都低低地, 好彩係人地屋企gathering, 唔會累, d熱氣野完全無食, 不過個喉嚨都有d痛; 到10點幾散水。

4. 雖然星期六要返工感覺好似累好多, 不過返左個早上清左好多野都係好d~

25/3(日) -- 下午去左睇花展, 好多人(包括好多賓賓同強國人), d花已經殘殘地, 見到好多人(包括本地人)做d無公德心o既事, 唔怪得d花殘成咁; 因為無食lunch, 所以睇完花展去點心皇食左d野, 之後仲早, 所以臨時去赤柱行下, 行完出來食CWB出名o既新記車仔麵(又幾好食喎), 之後hea行左陣返企。

5. 全日喉嚨好痛, 背部痺痺地, 狀態麻麻。

6. CY LEUNG當選特首, 其實比我真係要選一個, 唔好話投白票或者唔選啦, 真係要選一個我都係選佢, 起碼我覺得佢手段硬d, 壓到場, HK會比較需要一個有力執行到政策o既人吧...至於係咩政策, 真係關個特首事?

來緊:

7/4(六) -- Helen家gathering
20-22/4 -- 公司唔比請假, 會OT的日子, 本來係早一個星期, 而家突然改遲左!! 即係我做唔到呀Sam兄弟?!

完

三月十八日 -- 雜記

12/3(一) -- 同而家同事食飯cancelled; 收工返企食飯。

13/3(二) -- 之前約左星期一同同事食飯, 改做今日; 同Penny呀強Marco去西灣河食恆河; 個combination好奇怪, 不過主要係Penny想再去食左好耐, 於是搵到幾個人就照去了; 食完再食埋明記之後九點幾返企。

14/3(三) -- 收工過左灣仔同C食飯, Sanny同Amy上堂, 早知搵Amy坐住hea等啦~

1. 今天的感覺很糟糕, 不過我真的很累很累...

15/3(四) -- 收工返企食飯, 之後幫手搬左少少野過呀哥度跟住係果邊傾左陣偈返企。

2. 好耐無剪頭髮, 又長又不知所謂, 頂唔住剪左。

16/3(五) --收工返企食飯。

17/3(六) -- 一早起身同關十四去apm諗住睇鐵娘子, 排緊隊果時有個女人無啦啦隊左2張票來, 話係"失戀33天"噶換票証, 跟住我地連反應都未有佢就走左; 結果唔使錢就睇左戲~~ 睇完同佢食左麵屋武藏之後返企(係戲院唔見左銀包搵得返XD); 下午呀SamEsther同佢地噶兄弟姊妹一齊上我家(仲有呀娟同民仔), 傾下佢結婚噶野同埋玩board game card game(呀Sam帶左隻新噶card game來玩都幾得意), 係樓下食埋晚飯走。

3. 失戀33天 -- 預期會好睇, 睇完覺得比起預期中好睇; 本來以為係講d現代人扭曲左噶愛情觀, 原來都唔係喎, 講返好多有關愛情、關係、相處...等等噶觀念, 我覺得佢從唔同噶事件同人物之間噶互動都可以表達到佢想表達噶野; 另外, 唔單止失戀, 就算係相戀中或者無拍緊拖噶人都值得一睇; 戲中女主角係當年內地熱播劇"我的青春誰做主"(我都有睇)噶女主角, 男主角係文章, 2個都好交到戲, 尤其套戲個女主角係主導, 超多位比佢發揮, 而佢都好交到戲, 好正呢~

18/3(日) -- 下午睇公司包場噶"桃姐", 之後去左睇"神禽異獸展", 夜晚同Amy佢地去左King 1食飯, 之後散。

4. 桃姐 -- 一如所料, 係好平淡噶戲, 不過有幾多位都幾細膩; Deanie姐演技好得呀, 佢好做到老人家果種狀態同感覺呢~

5. 今日得知Nat一樣好開心噶野呀~~

來緊:

21or22/3 -- dine wv KTPD
23/3(五) -- 八婆gathering
24/3(六) -- 日安新居入伙house warming大食會
7/4(六) -- Helen家gathering
13-15/4 -- 公司唔比請假, 會OT的日子

完

雪地夜戰

又係純粹滿足下打打打噶欲望, 同埋又係果個好長故事噶一段仔。

**********

劉福澤從酒館之中走出來, 背著個包袱, 右手還拿著個酒瓶, 似乎在館中意猶未盡, 還要一直飲到回家。天色已晚, 街上沒有人, 他看一看天上的雪慢慢的飄下來, 呵出一口暖氣, 卻不感到寒冷。剛剛才跟九州巡撫打交道, 吃飽喝足, 穿著上等的皮裘, 胖胖的身體還暖洋洋的。

向前走著, 剛走過第一條巷口, 感到有點不妥。他立刻挪動了身體, 背上突然一痛, 幸好卸去了點力道, 避免了受嚴重的傷害。他立刻向橫連跳兩三步, 雖然他的身體胖胖的像很笨重, 但步履矯健敏捷, 身法快速, 避開了接二連三的"暗器"。

奔到了十字街頭的路口, 全神戒備, 凝神以待。大概敵方也知道難以再暗算他, 於是一一現身, 從巷中、屋頂上、各隱閉處出來。一、二、三、四、五、六、七、八, 一共八人。

"怪不得從酒館出來時就覺得奇怪, 雖然已經很晚, 但街上總不見得連一個人影也沒有, 原來你們一早已經佈下了陷阱。那狗官應該也是跟你們一伙的吧?"

"嘿嘿嘿, 劉福澤, 廢話少說, 今天是你的死期了!"
"四海幫沒有了你這護幫元老在陣, 實力勢必大減! 哈哈哈哈哈! 想不到你這麼輕率, 半夜三更還自己在街上流連呀!"

"三山五嶽盟倒瞧得起我哪~ 區區在下一個胖子就請來了江湖上有名堂的八個高手一起來夾擊我, 看來真的是勢在必得, 今晚必殺我這個胖子啦。可是哪, 一個組織可不是靠我一個人撐著的, 我們還有很多新培育年青一輩的好手, 長江後浪推前浪, 遲早..."

劉福澤身型肥胖, 臉上一團和氣, 就像個有錢的商賈。說話舉止也很有禮貌周到, 但話未說完, 突然發難! 他認得這八個人, 來頭全都不簡單, 雖然有幾個非絕頂一流高手之列, 但也是有名氣的好手。單拳難敵四手, 何況現在是以一對八, 就算自己多厲害也沒可能同時可以打倒八人, 唯有以奇制勝才有機會逃出生天。

他早有準備, 手上酒瓶直投向自己最近的敵人, 同時也直撲過去。該敵猝不及防, 舉手剛打開酒瓶之際, 劉福澤已經和身撲到。那人硬著頭皮雙臂齊擋, 劉福澤卻已經鼓動了全身內力, 簡單的雙掌直推, 一招簡單的"雙龍出海", "呯!!" "咯!!" 那人雙臂骨盡碎, 連胸前肋骨也都給打碎, 身體被打至直飛出去, 撞到了牆壁上就軟攤不起了。

好可怕的破壞力! "龍掌"劉福澤正是要以第一擊來立威, 氣勢上先贏了對手。在這以命相搏的決鬥之中, 對方以多勝少, 自己也只能以突襲先解決一個得一個。

其餘七人見狀也不禁愕然, 劉福澤卻不停手, 就直奔向第二個最接近的敵人。那人手上握著判官筆, 擅長點穴打穴, 正是"點綴聖手"伍齊。如果被打穴高手攻擊到可就麻煩極了。劉福澤趁他這一愕然, 單掌直劈過去, 總算敵方有點反應, 舉起判官筆想打他曲池穴。劉福澤武功, 反應和心理狀態也比對方優勝很多, 一招"迥龍爪"反手一奪就奪去了判官筆, 再反手一插, 筆頭深深地從伍齊眼中穿了過去。瞬間便放倒了兩人。

敵方也非弱手, 情勢已顧不得重傷的同伴, 反正本來也就不是什麼好友, 只是效力於同一組織的江湖人士, 於是大家都一起發動攻擊! 一開始先暗算劉福澤的好手 -- "彈指殺人"饒宗光八指連彈, 以內力激發無形的氣彈攻擊。同時另一劍手 -- "泛旗劍首"范一旗則揮出一浪又一浪的大片劍氣直攻過來!

"嘿嘿嘿, 八大高手, 有近有遠有點穴有強攻有快攻, 真不簡單。如果你們早有計算過如何攻如何守, 老子一早便掛掉了。可是你們一點默契也沒有, 看來你們不但完成不了任務, 還要賠上自己的性命!!"

江湖上並不多能以氣遠距攻擊的好手, 饒宗光和范一旗的遠距攻擊卻十分凌厲, 是罕有的高手。不過大量的氣彈和劍氣卻使其餘同伴們無法接近劉福澤。縱是這樣, 彈指加劍氣也極難應付。

劉福澤毫無懼色。
"嘿嘿嘿, 饒宗光! 剛才中過你的彈指攻擊, 幸好遠距氣團不是暗器, 不能下毒, 你那彈指的氣團攻擊力太弱了, 我受你幾發攻擊, 你以命去換吧!!"
劉福澤避過了所有劍氣攻擊, 以掌擋住了幾發彈指, 硬受了剩餘擋不下連番的彈指攻勢, 以內力避免受致命的攻擊, 硬生生的直撲到饒宗光處。饒宗光身法不及劉福澤快。他一向慣了在遠處發出攻擊, 因此不擅長近身戰, 速度也不快。劉福澤殺到他身前, 再也無法回避, 連擋的時間也沒有, 唯有垂死對劉福澤發出致命攻擊, 劉福澤卻雙掌直劈過來, 又是一招簡單的"雙龍出海", 瓦解一切攻勢, 連消帶打, 雙掌一拍, 把他打得口噴鮮血軟倒。

劉福澤立刻轉身直衝向范一旗處, 沒有了氣彈攻擊, 其他高手也都立刻行動, 準備合圍劉福澤。劉福澤知道現在開始會愈來愈兇險, 因為其他人都是近戰高手, 他以一敵幾一定十分吃力。他突然轉方向, 本來正衝向范一旗, 突然轉向離自己最近的另一名劍手 -- "萬紫千紅"花千雄處。劉福澤盡量不想被同時夾擊, 因此利用敵人還未合圍的時間差突襲向單一敵人。

花千雄是江湖聞名的快劍, 他的劍一動就像灑出千百朵盛放的花朵。劉福澤把手上的包袱直拋過去, 花千雄暗自留心, 避免自己像饒宗光那樣被分了神。他泛起了千百朵劍花, 劍光閃閃, 在包袱拋至之前把它摧毀。"嗤嗤嗤!!"包袱被削爛, 裡面竟然是一顆人頭 -- 剛才和劉福澤"應酬"的九州巡撫! 難道劉福澤一早就料到九州巡撫和三山五嶽盟勾結, 一早知道會被伏擊?

縱然一早預料到會有突發事情發生, 花千雄也想不到會是個人頭, 而且是九州巡撫的人頭! 身經百戰的他雖然錯愕, 手上劍花仍然不經思考地揮灑出千百美麗的花朵。劉福澤當然會把握那一剎的錯愕 -- 即使對手劍花仍在, 卻已經成為了沒有生氣的劍花, 只是公式化、沒有生命的花。劉福澤輕易的看到了劍花的弱點, 身後強敵已經掩至, 他沒有時間一一化解, 硬拚著身上吃幾朵劍花, 左手"龍擒手"夾手夾斷花千雄手上長劍, 身型已欺近花千雄 -- 右手一掌印在花千雄胸膛上, 花千雄身體如敗絮般直飛出去。

在此一刻, "大鐵鎚"任剛和"破碑手"湯時六已掩到身後。任剛力大無窮, 雙方拿著巨大鐵鎚仍然可以揮舞如鴻毛, 勢如破竹, 攻擊力極大, 絕不能硬撼其鋒。湯時六卻是八人中武功最高者, 江湖聞名的"破碑手", 憑一雙肉掌一對鐵拳, 打敗過無數高手, 劉福澤單對單也未見得佔對方多少便宜。

劉福澤打倒了好幾個高手, 身上已然掛了點彩, 也耗掉不少內力。他開始感到吃力。可是他仍然不能倒下。首先要對付的, 是在遠處靜候機會就放出劍氣的范一旗。
"哼! 難道只有你才懂得遠距離攻擊嗎!"
劉福澤突然身型向上拔起, 避開了任剛和湯時六的夾擊, 雙掌凝聚了大量的內力, 大喝一聲直推出去! "龍王破!"
"呯!!" 於屋頂的范一旗想不到劉福澤可以隔遠攻擊他, 而掌力也不比直接攻擊弱, 把他的劍氣都擊散, 掌力繼續直擊過來, 猝不及防之下面孔被直擊一下, 整個面孔被打得稀爛了結。

劉福澤落地旋即被任剛和湯時六纏上。放出了強大的遠距攻擊, 他開始後勁不繼。但再纏鬥下去他也必敗無疑, 唯有以身再硬受幾招去攻擊對方破綻。湯時六拳掌齊發, 劉福澤聚力以單掌直劈, 總算把湯時六的拳掌擋住, 但單掌擋對方雙拳掌, 自己被震得頭昏腦脹。大鐵鎚在此時迎頭直擊, 既快且狠, 眼看劉福澤避無可避, 他突然斜身以肩膀硬受一記, 在大鐵鎚觸及身體那一刻盡量卸去力道, 但也被打得狂吐鮮血。

任剛想不到劉福澤敢以身體去硬受大鐵鎚一擊, 能憑著豐富的經驗與極靈巧纖細的身體移動卸去致命的衝擊。自己的這一鎚承著湯時六之前的拳掌攻擊, 因此盡全力直錘下來。想不到劉福澤以身受鐵鎚, 反而自己破綻大開。劉福澤單掌擋湯時六, 以身受鐵鎚, 就是為了把右手空出來。任剛在那短短一刻知道自己大難臨頭, 腦中浮起了許多點點滴滴...突然眼前一黑。

劉福澤一掌劈在任剛頭上, 血肉飛散。突然腹中劇痛, 被刺了一下, 原來是剩下未出手的第八人 -- "過街鼠"劉麻子。劉麻子輕功卓絕, 最擅長偷襲, 得手後立即逃走。他看準了劉福澤那一刻再無法兼顧其他攻擊, 剩機快速地閃至以短劍刺了劉福澤一下!劉福澤向著他暴喝一聲"鼠輩!!"那一喝包含了內力, 把劉麻子嚇得震了一下, 而短劍亦被劉福澤以身體夾住, 一時不能得脫。他正想放手逃離, 卻已經被劉福澤一掌劈至, 掌力把他頭顱打得開花。

劉福澤連敗七大高手, 終於剩下"破碑手"湯時六。即使他完好無傷, 他也自忖自己只能勉強打敗對方, 何況現在自己已經身受重傷, 後力不繼, 難道今晚要死於此地? 湯時六知道合八人之力, 不論如何卑鄙無恥也要殺掉劉福澤。他知道劉福澤武功極高, 不論掌力、技巧各方面都是一流高手的境界。現在他已經快油盡燈枯, 任何花巧招數也沒有用, 反而一對鐵拳鐵掌狂轟過去, 要劉福澤抵擋不住。

劉福澤的龍掌雖然以強悍聞名, 但其實剛柔並濟, 他雖然力竭, 但仍然不斷以"卷龍手"化去對方猛烈的攻擊。久守必失, 對方也是一流的高手, 終於守不住, "?! 呯! 啪!" 連吃三記, 身體直向後飛跌。其實他不是被打飛, 只是向後跳卸去對方的力道, 順便暫緩對方攻勢。

湯時六正想乘勝追擊, 卻見劉福澤站定之後突然擺出架式全力儲氣, 身上發出無比的殺氣。他雖然一向自負, 但這一刻卻深深感受到自己不及劉福澤, 而且永遠也不能到達對方的境界。幸好對方已經身受重傷, 自己仍絲毫未損, 打持久戰的話對自己有利。

劉福澤突向他直撲過來, 湯時六知道劉福澤的掌力強得可怕, 對方不停出掌, 自己連擋也不敢擋, 不停走避。劉福澤不停追著湯時六, 一掌又一掌的打過來, 湯時六連番躲避, 卻感覺到有點不妥: 劉福澤出的掌力道極弱, 原來他一直只是出虛招, 之前連敗七大高手的威勢及掌力令自己害怕, 其實已經油盡燈枯。看來劉福澤在找機會逃走!

湯時六假裝躲避, 實質雙掌暗暗凝聚力量, 要在劉福澤想逃走之時擊殺他。湯時六賣個破綻, 劉福澤見狀猛然後退, 轉身便逃。湯時六早有預備, 雙足一蹬, 和身直衝向劉福澤, 一招雙鐵拳雙拳齊出! 劉福澤突然停下轉身, 只見他七孔流血, 似乎過份催谷了自己, 雙掌又是一招"雙龍出海"劈過來, 掌未劈到, 掌力的勁道已經撲面而來! 其實卻是另一招殺著 -- "轟龍掌", 掌勢比之前的雙龍出海稍慢, 但掌力像雪球般愈滾愈大, 每一寸累積起來的力道, 到了掌到時已有如萬馬奔騰!! 湯時六和身撲過去, 其勢已如箭在弦, 雙拳緊握, 亦運起畢生功力, 一招"拳毀萬軍", 絕無花巧, 直擊過去!

雙拳雙掌相交!!

"呯!!!"
強大的拳力掌力相交。一陣氣向外擴散, 附近有不少東西被震碎、震倒, 兩人身型都停了下來。
"好...可...怕..."
湯時六一對鐵拳被硬生生轟爛, 雙臂、連上半身的骨也幾乎被震碎。他被打得直吐鮮血, 看來也活不久了。他想不到自己跟對方的差距如此之遠, 想不到集合江湖上有名堂的八大高手也殺不死劉福澤, 只留下了"太可怕"三個字。

**********

劉福澤經過"雪地夜戰八大高手"一役, 確立了其"當世十大高手之一"的地位。從此卻也再沒有人見過他出手。有傳他經此一役, 武功已被廢, 只是擺出來嚇嚇人, 其實已經是凡人一個; 也有人認為他假裝武功盡失, 其實實力仍在, 只是要人疏於防範。孰真孰假, 江湖上爾虞我詐, 又有誰會知道真相呢?

完

2012三月十一日 -- 換電話+長洲

5/3(一) -- 收工返企食飯。

1. 換新電話, 要做d功夫, 過返少量新加噶電話號碼; 係執噶過程之中, 睇返呢年幾以來新識左d咩朋友, 又有d咩朋友fade out左, 又因為執個電話簿而delete左d多餘、好耐都無搵又唔會搵噶電話; 突然對"朋友"呢樣野有少少唏噓; 有d人即使曾經幾熟都好, 都會因為好多唔同噶原因, 而在生命之中消失, 慢慢連痕跡都無埋; 有d人即使相識日子唔長, 但係都可以係生命中留下好深刻噶印記。

6/3(二) -- 公司開業主/租客大會, 要OT; 由於要做野所以提早食飯, 去左係土瓜灣屹立好多年噶哥登堡餐廳食, 雖然大家都叫茶餐, 但係我都係叫左正常噶晚飯鐵板餐, 叫左個羊扒好味, 仲要有4舊, 好多呢~~ 之後OT到9點半收工。

7/3(三) -- 返工好多野做, OT到7點; 之後過灣仔去換個有問題噶叉電器, 之後同C, Sanny, Amy食飯。

2. 無話可說

3. 一直習慣一個人, 即使有時軟弱需要倚靠, 還是發現沒有東西靠得住。還好, 還是習慣一個人了。

8/3(四) -- 返工仍然好忙, 做唔晒d野, 下午落土瓜灣見客, 傾左好耐, 早少少收工(不過其實無著數); 本來Tracy早一日約我食飯仲話比手信我, 話去MK, 點知今日一直都無confirm, 最後仲話唔知點, 於是收工返企先; 點知佢突然6點幾又收工, 話好多野想講, 又唔想多人, 於是上左我家, 食公仔麵當晚餐; 佢係咁呻自己d野主要係公司野, 終於都忍唔住, 爆左, 喊左出來, 希望佢有舒服d啦。到8點幾佢走, 要返返公司繼續做野。(之後見佢fb去左飲野 =O=)

4. 從過往所見與經驗所得, 一開始已經這樣, 往後並不樂觀。

9/3(五) -- 收工返企食飯後執野準備第日去長洲。

5. 最怕阻住人, 最怕比人話阻住人, 所以盡量都令自己對人無要求, 亦都盡量避免自己阻住人。

10/3-11/3 -- 長洲之旅; 好耐無試過同fnd去過夜啦~~ 食左好多野, 想食噶都食左, 好開心呀~~

6. 呀爸呀媽應該之後會搬返來住, 咁我地家就唔使有人住係一地度啦~

來緊:

12/3(一) -- 同而家同事食飯cancelled
17/3(六) -- 早上可能同關老B睇早場鐵娘子, 下午呀Sam兄弟姊妹gathering
18/3(日) -- 桃姐; 夜晚同Amy佢地食飯
23/3(五) -- 八婆gathering
24/3(六) -- 屋企人夜晚食飯
7/4(六) -- Helen家gathering
13-15/4 -- 公司唔比請假, 會OT的日子

完

拍拖

有時見到好多人拍拖, 會覺得"愛"同"拍拖"係咩呢? 以前自己都有係blog度講過好多呢個話題。不過而家講返少少最近見到同埋感受到噶野。

而家d人點先會"拍拖"呢? 有好多人真係憑少少感覺覺得鍾意就拍拖, 有d人睇條件OK(靚仔/女, 有錢)就拍拖, 有d人覺得悶、想要身邊有個人就拍拖; 而家仲有無人真係覺得拍拖係一件緊要噶事呢? 拍拖除左相愛(有感覺)之外, 仲要係負起一份責任(不論男方定女方都一樣呀, 責任亦都包括左好多野係入面), 會互相扶持, 亦都會因為鍾意對方、緊張對方、掛住對方而做唔同噶野; 就算唔係認定係對方, 都會以長久關係為前提。以上噶野難道係唔o岩, 係不合時宜?

唔係話一定要犧牲d咩野, 或者付出好多野, 但係點解有咁多人真係話拍拖就得個拍字, 或者就只係大家一齊開心下就叫係拍拖呢? 唔好話"為對方付出", 連"被對方倚靠"都唔會(或者好多時係HK都係女仔盲目咩都倚靠個男仔)。(其實拍拖或者兩個人係埋一齊, 不論男定女都會對對方有一定噶倚靠, 唔係話實質上物理上金錢上噶倚靠, 而係精神上噶倚靠; 如果唔係鍾意對方, 想同對方一齊, 想有個安心舒服噶"心靈"可以慰藉, 又點叫"鍾意", 點叫"拍拖"呢?

更多噶時候, 唔好話付出、倚靠、責任, 係無呢d野噶情況之下, 好多人仲要係對對方有"要求"(甚至係好多要求)。不斷地要求對方做或者唔做某d野、達到某d要求、達成某d條件。有好多女性可能要男性做到好多野(係呢度唔再多講, 無幾耐之前提過), 而男性可能就係需要女性噶身體滿足自己慾望。無論咩都好, 總之就係"需要", 以自己為中心(當然, 呢個世界所有人都係以自己為中心, 不過程度上有所不同), 唔會理會對方噶感受, 而係要求對方之餘, 又唔會有義務去令對方開心、滿足(當然, 愛情唔係交換快樂咁簡單)。呢樣野唔止係有關愛情, 對家庭對社會對朋友都一樣, 其實已經係人噶質素問題了。

有權利、無義務之外, 更甚者, 就係諸多要求, 奄尖聲悶, 仲要不斷投訴、怨懟。一段關係攪到咁為咩呢? 連最基本噶支持同開心都無, 我認為實在無咩必要繼續落去。咁樣落去好難可以行到長久, 根本就係浪費緊時間。如果係咁又何必要一齊呢? 唔長久, 其實已經無意思。有d人覺得尋下開心都可以, 唔一定要長久, 但係起碼都要開心呀? 如果連開心都無, 實在無咩理由應該繼續拍拖落去咯。

其實呢個世界無話永遠噶無私奉獻同付出, 即使係父母噶愛幾咁無償都好, 都會希望仔女對自己孝順, 對自己好d。何況係兩個無血緣關係噶人呢? 如果只係得一方付出, 另一方只係不斷咁接收, 無回報、支持或者鼓勵, 會心淡、會疏離、會逃走在所難免。一段努力經營噶關係到左好多年之後都尚且有機會出問題, 何況連一點經營都無噶呢? (不過似乎仍然有好多人生存係呢d fantasy之中, 亦都有好少數噶傻仔/傻女係度傻更更為對方付出, 到最後, 嘿嘿)

有時都不得不成日重覆講一句, 一段關係有問題發生, "一定"雙方都有問題, 但係問題亦都有分嚴重與否; 出左事並唔會只係一個人噶責任, 但係亦都有可能係其中一方要負起比較大部份噶責任。不過既然都出左事, 追究責任又有咩用呢? 又, 如果從一開始已經無負過責任, 咁又有咩好講呢? 拍拖? 分手? 算吧啦。

完

p.s. 而家係公司無時間寫野, 好耐無試過係屋企寫野呢。(除左雜記)

三月四日 -- 雜記

27/2(一) -- 早d收工去覆診跌打, 都七七八八了; 之後返企食飯。

28/2(二) -- 收工返企食飯; 之後自己試整紅酒燴牛尾~~

1. 最終紅酒燴牛尾試整成功, 下次應該可以再好d, 下次落茄膏可以再多d。

29/2(三) -- 收工去信和book長洲團噶渡假屋, Sanny同Amy都唔得閒; 同C去左book完之後去Magic Cafe食飯之後行左陣返企。

1/3(四) -- 今日好唔想返企食飯, 收工前臨時約左呀進; 去左SSP行左下福利同黃金, 之後食飯; 試左間未食過噶餐廳, 又唔錯喎, 個雞最厚果舊肉都唔太"鞋", 其餘果d位都嫩, 又幾入味, 個皮都幾香, 可惜係焦左少少同埋個汁咸左少少, overall都OK呢; 食完仲早, 同佢去左MK行信和同兆萬, 之後返企。

2. 感覺自己正從以前的咒縛之中解脫, 希望可以順利地繼續下去...

2/3(五) -- 公司resumption survey, 唔太辛苦, 7點鐘收得工; 呀Nat二話不說, 我之前問過佢價之後, 今日打來就話幫我買左Samsung Galaxy SII, 仲好平$4200添! 真係唔該晒! (佢叫我唔好揚出去因為係友情價) 佢放假下午拿左來KT比我; 我收工後就去左灣仔298買埋後備電、叉座、殼, 仲買埋router, 之後返企。

3. Survey同KTPD果邊噶新同事Natalie(又係叫Natalie, 仲要係呀Nat噶下手, 個中文名又似噶)一team; 估唔到佢都係多野講, 又幾好傾噶人; 最開心係佢都鐘意玩pictionary, 有download apps玩, 而且又係鐘意snapshot, 最緊要係超鐘意唱K噶人, 哈哈。

4. 當好肚餓同好眼訓到一個極限噶程度, 而又再過左噶時候, 就會突然間2樣野都唔覺得了。

3/3(六) -- 公司resumption survey, 今日都要返, 雖然會hea d, 人工又x1.5, 不過其實都唔太想返...不過o岩買左部新電話, 當係幫補下啦。六點收工返企。

5. 今日因為做野關係入左麻將館呢~

4/3(日) -- 早上11點半島同Penny係APM睇早場噶Hugo; 之後返企整個router同攪部新電話, 終於攪掂; 呀哥尋晚公幹返來, 今日全家在家一起食飯。

6. Hugo: 劇情來講, 係一套向電影致敬噶電影, 唔係fantasy歷險噶野; 套戲噶場景、拍攝各方面都好正好靚, 3D都做得好, 不愧佢拿左五個技術大獎; 不過又難怪好多人叫悶, 因為應該有好多人唔係expect呢d野了。

來緊:

6/3(二) -- 公司開業主/租客大會, 要OT
10/3-11/3 -- 長洲
12/3(一) -- 同而家同事食飯
17/3(六) -- 呀Sam兄弟姊妹gathering
18/3(日) -- 桃姐
23/3(五) -- 八婆gathering
24/3(六) -- 屋企人夜晚食飯
7/4(六) -- Helen家gathering
13-15/4 -- 公司唔比請假, 會OT的日子

完

男昏、女價

近幾年有很多很多朋友結婚, 適逢最近星期二檔案的主題是"婚價"(談有關香港人結婚的事情, 尤其是使費), 引起了很多討論和話題。不論作為出席的賓客, 或者作為有份幫忙的工作人員也好, 自己也有一點點的經驗和感受。其實要說起來, 自己想說的是"香港有很多東西已經愈來愈扭曲"(不只結婚吧), 不過現在只就著這題目來說吧。

見到身邊有很多人結婚或正在籌備結婚, 大部份都會說"沒錢"、"很貴"。但口中一直說沒錢, 卻又樣樣什麼都要有、什麼都要好, 或者一定要滿足別人的期望(例如雙方家長的期望, 同輩之間的眼光等等)。沒錢為什麼要充大頭? 明明沒有錢, 卻"左度右度"也要用一堆錢在婚禮上? 花的這些錢, 只是用在"那一日"之中。"一生人只有一次"只是商家騙人用錢的方法罷了。

兩人相愛、結婚, 是一輩子的事, 那些錢卻用在了"那一日"之中, 以後的生活也不用計較了嗎? 知否那十多二十萬是多麼難才可以儲起來? 如果沒有投資(即使投資也不一定是賺了), 就算每個月儲到幾千元(相信我身邊的朋友並不多月入數萬, 可以每月儲到過萬的), 也要儲好一段時間才儲到(有很多人甚至每個月連幾千也儲不到)。

二十萬這個數目(其實要做到現在結婚所謂的"標準", 又何止二十萬?), 如果不是於"那一日"燒掉了, 對於以後生活, 或者對於買樓, 是有很大很大的分別的。就說最重要的"住"吧? 如果沒有首期又不想跟家人同住, 就只可以租住地方; 但租住地方等於幫別人供樓, 自己很難可以儲到錢, 而租金付了也是白白的付了出去, 不能儲起或者像供樓一樣是自己的東西。偏偏香港不論買樓或者租樓都很昂貴, 作為一對年輕的新人, 負擔實在太大了。

記得以前所有人、甚至現在世界大部份人的婚禮, 其實都是普普通通的。不知從何時開始, 一些有錢、有心思的人"攪花臣", 令婚禮生色不少。慢慢的不知為何, 很多東西都變得"standard", 變得一定要有。成長片段、婚紗照、開場白、什麼什麼儀式...大都是"人有我有"的心態之下才要有, 很沒有意思; 尤其近年參加不少婚禮, 大部份人也一模一樣, 有多少是會令人留下深刻印象的?

就算有深刻印象又如何? 最重要的還是以後兩人的生活吧? 如何才可以幸福, 如何才過得有意義? 如何兩人一起努力互相扶持走下去直到最後? 如果之後的生活不快樂, 甚至吵架, 更或離婚收場(現在的離婚率也高), 那當初那一場豪華的婚禮有何意義? 是否有特別的婚禮就保證以後會有美好的家庭?

當然, 如果有閒錢, 要花多少錢也沒問題。即使我自己也認為要攪婚禮的話也不會太隨便。但令人深刻、不隨便也不等於豪華。我也認識朋友並不富有, 但該朋友真的很期待自己的婚禮, 每樣細節都會自己籌備, 很花心思, 最後的結果也令人覺得很好。這樣的情況當然值得欣賞。但一般來說, 婚禮盛宴過後, 留下的就只是一點點的回憶, 甚至覺得浪費了大量金錢...

誠言, 現在大部份人對"婚禮"都有一定的期望, 婚禮不是兩個人的事, 起碼也是六個人(或者更多)的事。只要六個人之中有一、兩個有期望, 那些錢就不得不去花了。大家究竟有沒有想過為什麼、值不值得去花呢? 如果認真考量過, 而又覺得真的很想很想要的話, 那就不妨努力籌備吧。

**********

聽到朋友談論有關"婚價", 又不得不說一下"男女平等"。聽到男家要支付大部份婚禮婚宴的開支, 如果因為沒錢要女方付, 大家就會覺得"很有問題"。為什麼會這樣呢?

從以前開始就覺得香港是最不男女平等的城市。現代女性抬頭, 女性的學歷、薪水等等各樣也比以前提高了很多。很多女性在呼叫著"男女平等"。沒錯, 我也很同意男女應該平等, 但去到什麼程度呢? 男與女的身體構造不同, 女性會有很多的不方便, 因此很多時候, 男性應該gentleman一點, 做多一點, 或者要去保護對方多一點, 照顧多一點。但女性的"腦袋"總不會比男性差一點吧? 現在賺錢也不比男性少吧?

在西方國家, 所謂的男女平等, 並不像香港那樣。有風度的男性會有紳士風度, 為女性拉門挽袋樓梯走下邊...等等, 而有風度的女性也會像淑女, 做女性該做的事(也別提所有單也要男性賣這些歪風了)。在香港呢? 實不怪不得人說"港女"這一個詞語(還好, 不是真的有極多"港女", 起碼自己的圈子之中較少)。真的聽到、見到有女生什麼也不做, 一點也不付出, 盲目的撒嬌, 盲目的享受男方付出的一切。認為男生應該做什麼做什麼。女生又應該做什麼呢? 女生只是要男生的疼愛, 自己就一點也不需要付出或者關心對方?

古時候男性地位較高, 也因此男性需要去賺錢養家, 成為一家之主, "話事權"在男性手上, 而女性在家中雖沒話事權, 但不用出去辛苦賺錢, 在家中相夫教子, 煮煮飯做做家務; (在香港)現在明明已經不同了, 要男女平等, 為什麼男性現在一點話事權也沒有, 卻要被繼續勞役呢? 而女性就連煮飯做家務也不做(甚至不懂), 又不溫柔賢淑, 又對男性諸多挑剔。以前的義務沒有了, 但利益仍然在接受, 這樣真的是男女平等嗎?

最近又聽到人說: 現在的男人很少會養老婆了。噢, 真可怕。仍然是那一句: 現在的女性如果肯乖乖待在家中煮飯洗衫做家務肯生個寶寶, 也真的不介意去養。可是現在有多少個懂得煮飯, 又肯煮飯, 又肯在家做家務, 再加上肯生寶寶的? 時代不同了, 女性要有不同待遇, 男性也應該有不同待遇吧?

再者, 如果男性養得起一個女人, 倒不如找一個知識沒那麼高, 聽話又溫柔, 甚至年輕貌美的女孩好了(很現實, 不過女性又何嘗不現實?)。現代的男女應該是要一起承擔起一個家庭的吧? 如果女性懷孕了, 當然男性就應該負起更多的責任。但像現在很多"港女"那樣, 像是騙飲騙食, 到了自己年紀開始大才定下來找個老公, 我會非常看不起。有人說, 她們浪費了青春在男人身上。什麼? 青春就只會懂得在男人身邊嗎? 那當然就是浪費了。人生不只是為了跟異性在一起的, 還有很多有意義的事情可以做。再者, 如果那樣說的話, 其實跟做妓女有什麼分別?

香港在男少女多的情況之下, 想不到男士們仍然會這樣, 甚至有點"卑躬屈膝"; 香港女性也就別怪男性不長進, 只因有很多也認為不值得為妳長進而已; 也別怨男人不找妳, 因為去找年輕漂亮又溫柔體貼的女孩, 總比要求高又多難聽說話的女孩來得吸引多了。女性(或者男性也一樣)的"價值"應該怎樣去衡量? 我想大家也不覺得應該以貌取人, 而是應該以品性去評價吧?

完

二月二十六日 -- 雜記

20/2(一) -- 收工返企煮飯, 同白田同事(Puzzle同仔仔軒軒, 呀Man, 呀Wing)食飯, 10點幾散。

1. 個嘴唇勁乾, 成個冬天都無, 今日竟然爆擦了。

21/2(二) -- 同SannyBarryAmy食呀C生日飯; 收工去CWB噶"金羅寶韓國餐廳", d野食都OK同唔貴呢; 之後大家仲食左Helen的handmade蛋糕, 好味, 超飽~ 食完大約10點散。

2. 似乎又慢慢遺忘左要加強自己噶意志力同自制力, 要加油努力了。

22/2(三) -- 返工要OT, O完返到去, 索性去埋跌打度覆診; 之後返企是但食d野。

3. 公司d野愈來愈煩。

23/2(四) -- 下午出site KC006, 早少少收, 搭van去寶琳行左下奇趣之後返企。

24/2(五) -- OT到8點收工; 本來話煮全蛋宴比Amy食, 由於要OT就無煮了, 佢地來左APM一齊試左"麵屋武藏", 都幾好食。之後一齊睇左台灣電影"愛Love", 睇完12點幾, 返企。

4. "愛Love" -- 一如所料, 好鬆散, 不過都好睇過之前噶"新天生一對"; 一班男角反而似係"花瓶", 靚仔大隻又露肉, d女角比較交到戲, 當然尤其係舒淇同趙薇。戲入面都有d位營造到個效果, 不過始終同自己噶觀念唔太同, 唔算睇得好投入呢。

25/2(六) -- 在家休息一天, 唔使OT真好。裝左PPStream, 係屋企睇左好耐無睇噶Love Actually(真的戀愛了), 事隔多年翻睇都覺得好好睇呀~~

5. 記: 今日係屋企煮公仔麵, 掉左個麵落去發現包野竟然無湯料包...結果個齋麵我要落豉油同沙爹醬先食到; 之後覺得好寡又覺得唔多夠食, 於是整雞翼食, 點知係房唔記得, 煲"火農"左, 唔食得之餘個器皿仲有排洗...另外, 今日終於買左花灑條喉, 唔再漏水了~~

6. 好期待天日好友結婚噶日子呀!! 希望一切順順利利開開心心!! 仲有希望放晴啦!! 日安千祁唔好喊呀~~ 如果唔係我驚我忍唔住都會喊架~~~~

26/2(日) -- 日安同盧撈結婚大日子! 今日無落雨, 真係天公造美呀~~ 似乎一切都好順利, 希望佢地2個以後永遠幸福! 之後返企, 夜晚煮之前話會煮比Amy食噶全蛋宴, 同CSannyAmy食, 呀Pat來唔到。11點幾散。

來緊:
2-4/3, 13-15/4 -- 公司唔比請假, 會OT的日子
10/3-11/3 -- 長洲
18/3(日) -- 桃姐
23/3(五) -- 八婆gathering

完