出了好幾篇文, 又長又悶, 今次來個簡短的; 因為本來就沒什麼好說, 而且自己的意見也不太多。最想的就是大家回答, 看看有什麼意見。
其實, 究竟拍拖是為了什麼的呢? 一個人, 就是為了找一個懂得自己、了解自己、識得欣賞自己的人; 與喜歡的人, 最重要是心靈上交流, 當大家不用言語都能溝通到, 那種滿足感是滿瀉的; 拍拖只是一種形式? 拍不拍拖, 其實好像沒有什麼不同, 還不是吃飯, 睇戲而已。只要是關心對方, 明白對方, 即使分隔千里, 即使一年一聚, 那好像也沒有什麼不同的。
而最終, 大家相處過後, 覺得可以了, 就結婚(結婚當然就很不同了)。
那究竟為什麼要拍拖呢? 要一個名份? 多了很多義務?
希望大家回一回覆吧。(其實出這個題目, 又寫得短, 還不是為了呃下你地回下文...)
完
2008年8月28日 星期四
為什麼要拍拖?
於 10:32 下午
標籤: 個人感受/感想/人生觀
訂閱:
張貼留言 (Atom)
4 意見:
好似系因为...
不得不,,
拍拖是一種俾大家便互相了解既橋樑,可以話係一種形式,一個名份或給對方一個肯定。
有左依個名份,有好多野就會唔同左,對方既真性格亦會表露(有些人可能到結婚才會),做任何事都不需要掩飾。
「拍拖」的意思是指男女拖著手而行(一種形式)。那與伴侶行街、睇戲、吃飯…,兩個拍(走)在一起,而又不是「拖」著手。那與他/她是究竟是否在拍拖?其實拍得拖都是對對方有濃濃既愛意才會做,這種形式是甜蜜的。
做朋友都會關心對方,明白對方,正如你所講即使分隔千里, 即使一年一聚, 那好像也沒有什麼不同。做伴侶的是多了一份牽腸掛肚既思念,會擔心一擔心二,而且還會多了親密接觸既關係。
拍拖其實都是為與自己鐘意既人一起吧!沒有實質既原因呢。
講左一堆費話 :P
當然,我好似無咩資格講呢個話題…
其實呢個話題既潛台詞係「做朋友同做情侶有咩唔同」
1. 你唔會諗住要氹你既朋友開心 (唔係唔理你朋友,只不過你唔會無端端話要令佢開心),但係你會好願意氹你另一半開心
2. 你會想成日見到你既另一半;至於朋友,大家都好似會理解唔可以成日陪住你
3. 朋友係獨立個體,佢有事,你會幫手,但好少會孭上身,或者攪到瞓唔著;但係另一半有麻煩,你真係會瞓身幫佢 (當然只係概括而言,要睇事情性質本身)
4. 你諗起你既朋友,會感恩;你諗起你既另一半,會甜笑、傻笑
如果你發現你對某人已有上述徵狀,那麼就提出給予對方名份的邀約吧!如果你愛一個人的話,你是會願意承擔這些伴隨而來的責任的。
匿名: 你o既情況有點兒...不同
大貓: 我連埋Kman一齊答
Kman: 而家o既問題同所謂潛台詞, 就係我好似真係對好多人, 男男女女都係咁...(隨左傻笑之外), 其餘1-3都好似唔係差好遠咯...你明白個重點所在啦?
張貼留言