十二月二十七日 -- 聖誕

20/12(一) -- 一起身超唔掂，請咗病假。10點鬆d落去睇跌打，等到差不多1點先到我。睇完去join阿嫂阿C食飯，去咗將軍澳新開嘅湊湊，食到好貴，又食到好晏。返企沖完涼之後7點島ConnieLoLoPenny買埋嘢食上來開party，9點半島散。

1. 連日嘅王先生其實好厭好厭。其實諗到好多可能性但都係算吧啦。

2. 本來睇完跌打下午想抖下...

3. 香港一年最遲嘅一號風球。

21/12(二) -- 冬至早收3點。返去睇跌打再過天晉食飯。

22/12(三) -- 出site收工返企夜晚C煮。

4. 太攰11點訓左。腰keep住有d痛訓得唔好，仲發夢第二日要考試，仲要係考數學...

23/12(四) -- 收工返企夜晚C煮粉。攰到食完野即訓左個幾鐘，好彩早恰又早醒，夜晚都訓到。

24/12(五) -- 3點收工返企he一陣，等B起身過阿哥度，同哥一家Jason夫婦party。

5. 聖誕老人出場果下小朋友陷入瘋狂尖叫狀態。

25/12(六) -- 中午去坑口食嘢，之後meet edf一家同Eudora買聰嫂同拿蛋糕返去。Rita遲dd上來。夜晚買外賣。

6. Edf B尿整到我張床。

26/12(日) -- Tracy一家臨時放飛機。一早起身去QB射下波，唔知係因為好耐無打定凍定咩原因，完完全全射得好差，射極都無手感。同PierreNorman一齊行返北角散，返去之後落街食飯，食完返企沖涼訓左差不多成個下午(B扭左好耐好耐先訓)。夜晚6點幾7點Penny帶HaileyB來(佢買埋外賣上來)，一齊食玩唱K到9點半10點島走。

27/12(一) -- 中午去坑口食燒肉，之後去遊樂場玩一陣上天晉。夜晚食埋飯走。

7. 幾日呀B都好曳好扭，o趙佢大脾佢痛都係喊2野only，攪唔掂。

8. 呀B第一年有意識過聖誕，應該都好開心。

完

十二月十九日 -- 第一次迪迪尼

13/12(一) -- 收工返企夜晚C煮。買咗蛋糕同B慶祝下佢2歲半生日。

14/12(二) -- 臨時決定下午拿假。去咗SSP行同買聖誕禮物。之後返企放低d嘢同等B醒，夜晚去街食用埋公司派嘅卷。

15/12(三) -- 收工返企夜晚C煮。夜晚太攰9點幾訓著左。

16/12(四) -- 下午放假，同Kenneth一家去西九野餐。坐到差不多6點走。之後一齊去奧海城食埋飯先散。

1. B太晏返企又攰到喊。Lunch wv J。

17/12(五) -- 收工返去，夜晚同C娘家係將軍澳食放題做冬。

18/12(六) -- 中午買野上九座食，之後B唔肯訓，最終都係返企比佢訓。7點島再同哥一家一齊去雍明食飯。

19/12(日) -- 一早起身8點半出門去迪士尼，7點半島走。返來TKO先買外賣返企食。

2.  聽 Raymond講果然啱。一早10點開門就入去，唔使點排就玩得晒呀B可以玩嘅。之後就排隊睇show。呀B都唔算好驚果d黑掹掹嘅show同遊戲。

3. 今日cheap到盡之旅: 公司平飛+搭車唔使錢+華御結10蚊飯糰4個+買二送一蛋糕+之前餐廳食飯送嘅支裝飲品。 

4. 一夠歲數做選民之後，今次係第一次無去投票。

來緊:

20/12(一) -- ConnieLoLoPenny飯@home

21/12(二) -- 屋企做節飯

24/12(五) -- 聖誕party@哥home

25/12(六) -- EdfRita三家三B 聚

26/12(日) -- Tracy一家Penny人約黃昏後

1/1(六) -- 中午Queenie飯@TM之後入龍鼓灘老友s Gathering

完

十二月十二日 -- 唔高興/心情極差

6/12(一) -- 收工返企夜晚C煮。

7/12(二) -- 收C同B下午去咗MOKO玩遊樂場。收工meet佢哋等Natalie食飯，竟然遇到Lolo同Connie，即時約埋一齊食。食完8點半島散。

1。好好哋問前老細嘢，佢似乎有d起鋼。Anyway我都係客氣tone同佢email來回，我點都唔會有事。記得之前係公司試過有嘢唔高興，都係因為呢條友而起。

8/12(三) -- 放假一日。朝早hea咗陣，中午同阿媽去將軍澳醫院檢查。佢一早入咗去我唔陪得，於是出咗官塘買嘢，再去咗街市食飯。返一返屋企擺低d嘢去個廁所，4點零再過醫院。媽4點8搞掂要抖一個鐘，大約6點出到來，陪佢返屋企之後，meetC同B係附近食飯。

2。阿B報嘅K班全收。

9/12(四) -- 收工返企夜晚C煮。

10/12(五) -- 收工返企等B起身再落街食飯。

11/12(六) -- 中午同呀媽一齊去附近食飯，之後上天晉hea。B訓到6點半島。食埋飯返企。

12/12(日) -- 又係唔夠人所以無打波。起身之後食完野就準備出去，到天后meet呀馬一家，食d野再過CWB搭van入赤柱正灘。玩到4點幾走，出返Times食晚飯，再行左一行工展會後散。

3。呢幾日又唔知點解極其鬱悶。好彩今日見下朋友出下去之後，感覺好少少。

4。屋企人之間似乎又有問題(老問題)。雖然做唔到d乜又嚴格來講唔係好關我事，但其實都影響我心情。大家簡簡單單開開心心唔好咩...

5。Jack新婚快樂。可惜join唔到佢婚禮。

完

十二月五日 -- 見朋友Bs

29/11(一) -- 收工去CWB交收再返企夜晚C煮。

1. 之前一晚好攰，10點幾訓著左。今朝一早發惡夢醒。夢到唔知有d咩人定軍隊要捉我參軍, 又唔知好似一係要射死我一係就呀B，之後我又驚變左要射呀B。轉個頭之後趁唔為意叫呀B走, 呀B又真係自己走左，見佢傻傻地咁唔知點但都走得唔見人。跟住我又好怕佢咁細個走就又唔知點，想搵返B, 係街度狂走狂喊叫佢名又搵佢唔到。超崩潰。

30/11(二) -- 收工返企夜晚C煮。

1/12(三) -- 提早收工睇跌打，夜晚C煮。

2. 好耐無睇跌打，一直都冤咗好耐，呢幾日好似嚴重咗，的起心肝睇，啪完lock完感覺好好多。

3. 又10點幾就攰到訓咗。

2/12(四) -- 下午放假去荃灣同源食飯，之後行下同陪佢做新身份證，再落SSP行睇玩具同買聖誕嘢。行完返將軍澳，夜晚C煮，同埋慶祝源生日。佢9點半走。

4. 今日照鏡發現自己多左白頭髮。

5. 同老友2條友食飯行下吹下水感覺實在太好，好輕鬆relax。

3/12(五) -- 收工去寶林食野，再行去坑口睇下野，再行返屋企。

4/12(六) -- 朝早起身食完早餐太攰又訓左一陣。下午約左Kenneth一家去香港公園同動植物公園。6點島散，返天晉食飯。

6. 咁啱個扶手電梯壞左，左轉右轉先上到去。

5/12(日) -- 唔夠人所以無打波。早上係企，中午出去食，跟住Meet Trista一家去觀塘海濱玩。5點島走，一齊返TKO，去海天晉打邊爐後散。

6. 呀B連續2日同朋友仔玩。

完

十一月二十八日 -- 準備聖誕

22/11(一) -- 收工返企夜晚C煮。

23/11(二) -- 下午C同B來左MOKO新開遊樂場玩。我收工落去搵佢地，玩一陣去打邊爐後返企。

24/11(三) -- 收工返企夜晚C煮。

1. 有人出到聲話如果唔買花將個budget放落吊咀度會好d。其實就算唔買花，個吊咀都係買果個，只係見好少買花所以買來開心下，唔存在個budget可以去果度嘅選項。雖然補左句佢都係好開心，不過呢...

25/11(四) -- 收工返企夜晚C煮。

2. 買左d聖誕裝飾，攪下屋企同個位。

26/11(五) -- 收工去油塘同CB食好耐無食嘅日本野，行左下同玩左下冒險樂園後走。遇到呀B細舅公，返到TKO又見到表姨姨丈同表妹。

3. 諗住順便去個許留山點知已經無開了。

4. 多左幾舊。

5. 同同事夾左12月24日lunch聖誕party同埋交換禮物。

27/11(六) -- 早上終於的起心肝貼左電視後面幅牆紙，痴埋聖誕裝飾。中午出去同呀媽食左野之後買埋餸上天晉，大家各自休息左陣，差不多6點B起身落去遊戲室玩一陣再去買野，返天晉食完後返企。

28/11(日) -- 維園8-10，今日無呀馬無Derek，雖然有Tommy但感覺都好似無左d好dominant嘅球員，打起來同平時感覺好唔同。又係同之前一樣，我變左內線球員。打完波返企沖個涼就落街食野，之後去呀馬屋企。係佢企hea下吹下水呀B們玩下夜晚去Times食Pizza後散。

6. 好攰好攰。

完

十一月二十一日 -- 買手機

17/11(三) -- 收工返企夜晚C煮。

18/11(四) -- 收工去SSP行一圈睇聖誕裝飾後返企，夜晚C煮。

19/11(五) -- 收工返去將中食牛扒，之後買左新手機。

1. 一向好怕換手機，因為要retrieve返晒所有野同account好煩。同埋總有一D野係拿唔返。好彩今次都應該基本上拿得返大部份要嘅野。

2. 有人好開心煩少一次送咩比我。

20/11(六) -- 朝早呀B whatsapp facetime面試，估唔到都算係表現得太脫線，算係咁。之後都係屋企hea，我到差不多中午太攰訓著左，起身時B食緊野，食完野C同B又訓，結果B竟然一訓訓左3個鐘。乜都無做又無去玩，到B起身就過去天晉食飯。

3. 夜晚砌模型，狂聽關淑怡。發覺真係認識得佢遲。以前講起佢d歌, 可能都係十首八首，但係佢好聽/正嘅歌，真係唔止十首八首! 聽返佢復出嘅演唱會，雖然已經唔年輕又唔係peak，但把聲同唱同表現仍然都唔差，好可惜佢而家咁樣呀~~

21/11(日) -- 8點維園。都係打到10點島走，上一上呀馬度拿d野再返企。沖個涼呀C執完野，出寶林食譚仔，再meet呀馬一家一齊去寶康公園遊樂場玩。到5點幾散，呀媽收工來寶林一齊行左一陣睇鞋，再返TKO，連埋呀哥一家去雍明食飯。

4. 是日打波，覺得自己反應好慢狀態都唔好，同埋好遺憾嬴唔到街外人果隊。自己打到唔知想點。

完

十一月十六日 -- 結婚紀念/七日連假/壞電話

8/11(一) -- 結婚周年紀念日; 下午放假，落左花墟買花，之後去左SSP行下，再返花墟拿花。拿住花去TST搵Crystal拿買左嘅吊咀，然後返TKO拿扎花去餐廳擺低，再返屋企。夜晚一齊去食飯。

1. 當店員捧住扎花出現時，C瞪大對眼個呆樣好攪笑。

9/11(二) -- 收工返企夜晚C煮。

2. 食左一半飯(其實都OK飽)太攰去恰左大半個鐘。

3. Clubhouse單野雖然我已經唔想理亦無點理但其實睇返都真係幾影響我情緒。明明唔係咩大事。真心唔想再同有關嘅野有咩牽涉到。

10/11(三) -- 放7日大假第一天。放學先臨時決定去Megabox。食Ikea，之後上去付費遊樂場玩。玩完行商場時，臨時約呀娟食飯。等娟收工之後一齊去左德福食飯。食完飯臨走仲遇到Jackie！真係撞都無咁啱。

11/11(四) -- 放假第二天。本來C想去愉景灣，後尾臨時都係改左去佐敦谷公園。放學返企換衫後去彩虹買左好多野食上去。天氣好好，玩到4點幾走。夜晚係屋企簡單整d野食。

12/11(五) -- 放假第三天。本來約左Natalie見面，佢中醫突然轉時間，所以見唔到。中午去左Parkside Foodcourt食野，因為佢好眼訓所以比片佢睇。結果一路到下午去左維園都無訓過。呀B追雀仔追得好開心。4點meet呀馬媽媽，同鳴鳴一齊去中央圖書館嘅Toy Library玩，玩完再一齊去維園入面嘅遊樂場玩一陣先散。呀B上BB車就訓左。買外賣行上C娘家食飯。9點半島走。

13/11(六) -- 呀C自己早上9點去幼稚園家長交流會。10點島帶B出門meet我媽一齊去接C，再去Popwalk 2食早餐。食完呀媽返企先。我地返企呀B訓到4點幾起身，落樓下同佢玩一陣呀媽再過來帶佢上天晉遊戲室玩，我同C去買夜晚打邊爐嘅野。夜晚係天晉打完邊爐9點幾走。

14/11(日) -- 8點維園打波。而家大部份打波嘅中同都住港島，所以反而去維園仲好。加上而家入左秋又唔熱，所以來緊應該都會keep住係維園打。打到大約10點走。沖完涼後C細佬來車我地出觀塘食燒肉，食完入西貢睇狗仔。我太攰係西貢恰左陣。到5點半島C細佬車返我地出將軍澳。上左呀哥屋企(我返企擺低D野同執D野先)meet齊人再一齊過尚德食飯。

4. 去場外執波線到，爭d一字馬之後轉姿勢單腳跪低。膝頭哥損左，好彩無dun親或者真係一字馬，臨急轉到姿

5. 今日呀B係西貢提Brownie，猛問佢係邊。我哋同佢話brownie去咗好遠嘅地方玩，去咗彩虹橋玩。佢仲話唔要佢去咁遠。跟住猛係間屋搵佢，話“唔見嘅？”其實我心好up眼都濕左。

15/11(一) -- 放假第六天。B放學返來換衫即出，去愉景灣。去到買d嘢食去沙灘坐，結果阿B係沙灘玩沙同遊樂場已經好開心，唔捨得走，所以無去教堂果邊了。夜晚食埋嘢先走。

5. 今朝終於的起心肝攪掂份minute。

6. 阿B keep住夜晚都會少少起返敏感，今晚勁dd。

16/11(二) -- 放假第七天最後一日，所以輕鬆少少。上午呀B返學時唱狙一陣K。中午佢返來又癲左陣，之後出門，我上天晉幫呀媽拿野，再一齊過北角meet呀媽飲茶。飲完茶我地自己去行左下街再上呀媽公司坐一下就走。去坑口食壽司郎(4點9島拿飛5點2島就坐低)，呀B全程訓左無份食，我地食完返企(途中跌壞電話)。我沖完涼先呀B食野，到佢沖時(未9點)我攰到訓左(大約12點起身整埋d野訓)。

7. 呀源都話個假好chur。

8. 諗住七日假完美作結，點知夜晚跌壞左個電話芒...睇來今次要換了...

9. 真係好攰好攰好攰。

完

十一月七日 -- 面試/風癩

1/11(一) -- 收工返企夜晚C煮。

2/11(二) -- 收工返企夜晚C煮。

1. Lunch同一班同事同Ida食飯。咁耐無見做左2女之母但都仲係有d細路女feel。 

2. 攰到10點幾訓著左。

3. 最近連好想打波唱K砌模型嘅心情都無(只係唔係“好想”唔係“唔想”)。

3/11(三) -- 收工去寶林食Jolibee行一下返企。

4/11(四) -- 收工返企沖涼後太攰訓左個鐘。夜晚C煮。

4. 感覺很鬱結。

5/11(五) -- 收工返去，同B落單車公園玩左陣，再去Savannah果邊食晚飯。食完行海邊兜去Donki行下先返企。

5. 出街食飯行下心情感覺好似好少少。

6/11(六) -- 本來B有3場面試，朝早果場因為算遠又唔係特別好就放棄左。中午去坑口食d野見第一間，再坐陣後見第二間。雖然我無份入去陪，不過聽返講都算係見得唔太差。見完上天晉，夜晚食埋飯後返企。

6. 半夜B出風癩，又紅又痕訓得唔好好可憐。

7. C買左個唱K機返屋企。歌好update畫面又清。可惜我太攰未有精神試。 

7/11(日) -- 8-10天晉，今日得4個人(加埋Sam個仔叫5個)，半打半練波。打完同B去睇醫生，睇完食飯B訓左，抱佢返屋企佢就醒。但我地2個勁攰，結果比媽媽係廳訓左，我捉左佢入房比佢睇片, 我都斷左片。夜晚我去買外賣返來食。

8. B夜晚又開始出風癩。

完

十月三十一日 -- Halloween

25/10(一) -- 收工返企夜晚C煮。

26/10(二) -- 屋企日頭無水。收工返去買外賣。

1. 是日公司lunchtime有活動整左日曆架。

27/10(三) -- CB下午去海洋公園，我出完site去寶林。食完飯行一陣再行返屋企。

2. 呀B由寶林跑下行下全程無坐BB車無抱過返到富康。

3. 今日7仔推出自護精品，係我猶疑好唔好買嘅時候(通常結果都係唔買嘅)，C幫我買咗。

4. 估唔到天晉單野又來料，不過唔關我事唔理了都理唔到了。

5. NBA開季後，暫時戰果都算預期內。好睇在於有好幾隊有新氣象感覺又唔錯，尤其東岸球隊。今年幾like公牛(砌起咗成team，而家唔止Lavine一個，又有我頗like嘅Ball哥)，紐約人都不錯(十卜Rose)，黃蜂上力(又有個Ball弟)，呢d新d嘅球隊起碼有嘢睇下唔會悶。仍然唔太喜歡網隊，76人比Ben哥搞到淪為鬧劇，Celtics唔太睇好，熱火同鷹隊都不錯。西岸來講，最希望K湯快d出返，另外有d想波波用全無明星嘅球隊以體制打到入playoff。

28/10(四) -- 收工返企。之後落街meet Penny，一齊買外賣上屋企食。C幫佢修頭髮。

29/10(五) -- 收工返企等B訓起身，再行去雍明果邊食飯。

6. Clubhouse單嘢繼續。我唔理了。

30/10(六) -- 起身同阿媽同番茄一齊出去食早餐，之後一齊行去坑口送番茄上跳舞堂。行返富康阿B去遊樂場玩，我同媽買餸，再等媽打流感針後一齊上天晉。夜晚食埋飯返。

7. 網上見到有人問無聊野，之後有個回答笑死我: 頭沾濕...無可避免... ...不如不要。

31/10(日) -- 8-10天晉; 返企沖個涼，呀B訓左覺，我又恰一陣; 1點幾先準備出去。先去北角，行左間精品舖，再搭叮叮過去太古(呀B第一次搭)。食左大戶屋同去買左d衫仔，再搭叮叮去西灣河，行去碼頭搭船過觀塘(呀B第一次搭)。落船B要抱之後瞬間訓著，抱住佢行出去搭地鐵返天晉。夜晚食飯後返企。

8. 是日打波又係得6個人打足，好攰。覺得自己都算打得係咁，最後真係太攰就當然好唔掂了。

9. 打完波再出去行再係咁抱B行真心好攰，頂唔住。

完

十月二十四日 -- 尖東館s

18/10(一) -- 收工返企夜晚C煮。

1. 星期五同今日夾埋，三個未攪掂嘅客無啦啦順攤accept? 希望順利。

19/10(二) -- 收工返企夜晚C煮。

2. 是日又郊遊東涌。

3. 無啦啦回想同面對返以前嘅經歷。

4. 收工撞正地鐵故障。好彩火車轉地鐵時等5分鐘，雖然勁多人但咁啱前面係男人又孭住袋，厚住面皮逼埋入去上到車。之後車就無每站停好耐，正常咁去，只係好多人，所以唔係遲過平時好多返到去。

5. 挑戰咗午餐晚餐都唔食白飯(當然包埋麵果類全部無食)，真係唔覺餓wor。

20/10(三) -- B下午去咗海洋公園。我收工去坑口meet佢哋，食飯再買咗褲同外套先返企。

6. 今日lunch同下午同Rita慶生。

7. 聽到Connie家人情況，雖然sad但真係唔知可以同佢講咩...

8. NBA開鑼！

21/10(四) -- 之前FS補假一天。朝早真係太攰，起身B已出門返學，起身hea陣食完早餐後又太攰恰咗，無接B放學。中午開始落大雨，去Simplylife食飯，之後照出去太空館，好彩好細雨，都影到微笑菠蘿包。同B入太空館玩完4點半島走。去寶林行一陣，同Karmen交收同買外賣返企食。

9. 收到天晉warning letter，唔多高興。明天要打去問下。

22/10(五) -- 收工返企買外賣。

10. 搵咗天晉物管經理，事件暫時叫解決咗。

23/10(六) -- 10點出門約左ConnieMartinPenny係牛頭角cafe食brunch。中午島散左之後我地去左科學館(順便去左歷史博物館同Pixar展)。呀B雖然好多都唔知咩來不過都玩得開心。夜晚返去海天晉同哥一家食任食牛鍋。

11. 當其他方法都求唔到嘅時候，就唯有求神。

24/10(日) -- 8-10天晉，今日咁啱得6個人，打足好攰。返企沖完涼hea一陣過天晉，超攰，呀B訓左好耐，我都恰左。夜晚食埋飯返企。

12. 是日打波都係受腰痛影響，射波個身體balance好差。Overall來講，由於勁同弱嘅人爭好遠，所以都係贏咪贏輸咪輸咯咁。

完

十月十七日 -- 再八號波

11/10(一) -- 收工返企虔晚C煮。

1. 今日因為公事入左東涌好入博覽館再入少少嘅位，搭車搭到傻。

12/10(二) -- 下午5點幾掛8號波; 出完site早d收工返企，買外賣。

13/10(三) -- 估唔到掛8號波全日唔使返工; 夜晚落左波落左去Beans食，食七去左迪卡龍行左陣先返企。

14/10(四) -- 公眾假期天氣好返好多; 早上同呀B落街去運動場同Donki，之後食野時佢已好眼訓。返企訓左陣，落左樓下玩一下，上呀哥度同Jason夫婦say個hi，我地3個自己去左單車公園遊樂場玩。好多人玩左一陣就轉左去尚德對面公園玩。玩完去左桃小品食飯後上一上天晉食哈密瓜再返企。

2. 去運動場呀B號下停下自己跑左2圈(800米)，好犀利。

15/10(五) -- 收工返企夜晚C煮。

3. 是日去左SSP行左圈買左玩具比小朋友，自己都交收左一堆BB戰士，開心嘅。

16/10(六) -- 一早起身同呀媽去食早餐同行下海邊。之後陪呀媽買餸行下先返企。沖個涼呀B就醒左，一齊過天晉。夜晚食埋飯走。

4. 發夢好勞氣話呀B，平時又係咁。起身果下覺得好攰。xDD

17/10(日) -- 8-10天晉，再同Jack朋友打波。打完返企沖個涼，等到1點出門去坑口同呀哥一家食飯，再meet埋Jason夫婦一齊入去銀綫灣同小朋友們玩下沙踢下水，5點半島走，出返Popwalk 2食炸雞後散。

5. 是日天晉clubhouse又捉得好嚴，真係好煩。

6. 同後生仔打波仲要3對3真心攰。不過今日最後一場個matchup，我狂爆對方最細粒果個入好多分贏，真係好耐無試過。

7. Jason佢地入左康城地鐵無限loop，結果係公園等左佢地大半個鐘。原來真係會咁易中招的~~

8. 是日打完波無點抖就再上山下海又抱B，超級極攰。夜晚食完飯小腿同腰已硬崩崩。夜晚B都好攰好早訓，我做完要做嘅家務未執返工野未熄燈10點零就訓著左，訓到第朝。放假仲攰過返工。

完

十月十日 -- 八號波

4/10(一) -- 收工返企夜晚C煮。

1. 記夜晚11點幾FB Whatsapp IG死晒。

5/10(二) -- 收工返企夜晚C煮。

6/10(三) -- 收工去坑口，CB去完海洋公園，來meet埋一齊食壽司郎，行返去時去咗一下運動場。

7/10(四) -- 收工返企夜晚C煮。

8/10(五) -- 收工返去買外賣返企。

9/10(六) -- 原本要做belated survey OT，點知全日八號風球。早上係企hea，中午買飯上天晉食。下午B訓咗我又訓。夜晚食埋飯返企。

10/10(日) -- 8-10天晉，呀Jack叫左佢同事&Co.來，點知佢自己唔知醒無來 xDD; 中午上天晉，夜晚食埋飯返。

2. 是日Jack嘅朋友都係後生仔，都打得唔錯但就未算好好波。我地勁果幾個老鬼完全羸晒佢地(梗係唔係我啦)。今日可能因為腰痛，射波感覺好差，好似唔係好用到力咁。好彩d中距離齋靠手感都入到，仲入左球三分。

十月三日 -- Belated Survey之唱K!

27/9(一) -- 全日做belated survey，攰到痴線。夜晚8點幾就訓著，1點幾醒先執野。

28/9(二) -- 收工返企夜晚C煮。

1. B返學曳嘢又創新猶。係廁所拉晒d廁紙出來，比老師話仲好傷心咁喊。明明係佢自己做錯事...

29/9(三) -- 收工返去夜晚C煮。

30/9(四) -- 全日belated survey，好熱好焗痴立立。不過咁啱就到時間地點，唱到個K lunch！收工返mk，meet CBEdfRita一齊搭的去荃灣，參加EdfB百日宴。9點幾走，差不多11點返到企。

2. 同JessieAngelEudora唱K; Jessie就唱過知一向OK，Angel估唔到唔錯，Eudora都OK。N耐無唱，真心唔掂，唔夠氣高音上唔到把聲又唔得，不過有得唱K真係好開心!

1/10(五) -- 公眾假期。9點幾起身，朝早同B係企玩，食完飯又訓。5點幾先起身，同佢落樓下玩一陣，再上哥度，2家一齊去雍明果邊食嘢。食完去行下Donki先返企。

2/10(六) -- 一早起身，9點幾同CB去官塘海濱公園。玩下跑下又係噴水池玩到濕晒，到11點幾走。去食晏中途B訓咗，但一放低又醒。食完去行下裕民square同市集，行完搭巴士返去，B係車訓著，一訓就訓到6點幾。我哋返企後沖涼休息，到6點幾過天晉食飯。

3/10(日) -- 0800-0945維園，約左一班中同打波(馬昇BenHermanNormanPierre)。好彩打果時無雨仲出太陽，要走果時先開始落。打完返企沖個涼，同媽CB一齊去寶康公園遊樂場玩，之後join呀哥同姪仔一齊去寶林食飯。食完返天晉，B訓著。我都斷斷續續訓左2個鐘。夜晚食埋飯返。

3. 同呀B出去玩真夠運動量，又跑又追又流汗又抱，超攰。不過佢開心又可以放電，都好嘅。

完

九月二十六日 -- FS

20/9(一) -- 收工返企夜晚C煮。

21/9(二) -- 中秋節早收，去咗SSP快行咗一轉，之後返去。夜晚去天晉早食飯，再一齊落去行下海邊玩燈籠賞月。

22/9(三) -- 公眾假期。一早起身同媽姪仔去食早餐，再去海邊行下玩同行Donki。中午返企休息下，下午去天晉夜晚食埋飯返企。

23/9(四) -- 收工返企夜晚C煮。

1。連續好多晚都發夢，訓得唔好。

2。太攰又9點幾訓著咗，12點島先醒執嘢再訓。

24/9(五) -- 公司FS Day 1。7點半島走得，食埋飯返企。

3。是日阿B發燒無返學。

4。仍然都係最早搞掂最早走到嘅team。

25/9(六) -- 公司FS Day 2。8點先走得。

5。B燒仍未退。

26/9(日) -- 公司FS Day 3。4點走。

6。竟然因為FS食到壽司郎。食幾好食，主要係性價比高。

7。中午食完飯係等下隻appointment中間竟然有時間同Nathan射左一陣波。

8。破天荒連續第二次FS派嘅case完成度100%，值得紀念。

完

九月二十日 -- 病?

13/9(一) -- 一早起身頭痛口痛腰痛，頂唔住拿左SL。訓多左陣，之後一齊去接B放學。返企換個衫去坑口交表同食飯，行一陣返去，我睇醫生。夜晚C煮。8點幾訓著左，差不多11點起身食藥hea一陣再訓。

1. 個醫生講得好嚴重喎。

14/9(二) -- 全日都覺攰。收工返去夜晚C煮。

15/9(三) -- 係上環收工，買左皮蛋。夜晚C煮。

16/9(四) -- 收工返企夜晚C煮。

2. 收工返企搭地鐵時，隔離果2個人左右護法咁2個都訓著左，係我旁邊搖來搖去...

17/9(五) -- 天后收工，買咗拿破崙(結果第日先食)。夜晚係將軍澳酒樓同C娘家食飯，慶祝佢爸生日+做節。

18/9(六) -- 中午出太古，參加JasonPeggy結婚觀禮。散咗之後係Aeon行個圈返天晉，夜晚食埋飯返。

3. 是日下午開始頭勁赤，係天晉攰到恰左陣都仲有唔舒服...

19/9(日) -- 磨到中午出門買野上天晉食，之後全日係天晉，B又係磨好耐先訓著。佢6點幾先起身，同哥一家出去食飯。

4. 是日狀態都係好低。

5. 連續三個星期book唔到場，下星期book到我又打唔到。

6. 過咗個event先講。呢早2日見到好多page好多人同埋論壇etc都討論2個人打交，又好多人話2個人都不知所謂。其實呢，如果覺得不知所謂就唔應該出post唔reply唔理先係最好。一有人睇有人應，佢哋咪成功咗咯。而家個世界資訊越來越發達，人就越來越反智，只要有noise就有人支持，我真係接受唔到。當你見到之前韓梓亮到而家嘅薛影儀都有人談論，就知個世界幾痴線。另外，佢最後請左尹光來表演仲唱埋"少理呀爸"就真係好正嘅。

7. 發夢見到過左身好耐嘅舅父(同一個唔太熟嘅同事)。

完

九月十二日 -- 繼續無波打

6/9(一) -- 收工返企，C同B落去玩，我先沖涼。佢地返來沖涼，我煮飯。

7/9(二) -- 收工返企夜晚C煮。

1. 今日收工後諗住睇下醫生，點知診所原來改咗時間，6點就收舖...

2. 是日幫同事Mo仔補慶生，幾個人係pantry切蛋糕。好耐都無試過了~

8/9(三) -- 收工返企夜晚C煮。

3. 11點訓，但係第二日起身仲好眼訓。

9/9(四) -- 收工去寶林。行一陣meet埋C&B之後食飯，食完返企。

4. 買咗對皮鞋。終於波鞋Crocs皮鞋二樣個底都磨平晒嘅鞋都買晒新了。

10/9(五) -- 收工先返企，再同cb去海天晉新商場食飯。之後行咗下海邊Donki同超市後返企。

11/9(六) -- 突發呀馬約食晏，過左寶林食晏。之後返天晉(B訓左)，晏少少同CB姪女一齊去左遊樂場玩。夜晚係天晉食埋飯。

12/9(日) -- 又無波打，早上游水(CB嫂茄)。中午買外賣返企食，B恰一陣，佢舅父來TKO車我地入西貢。夜晚出官塘打邊爐，之後車返我地返企。

完

九月五日 -- 極疲累

30/8(一) -- 收工返企，等B起身再去坑口食飯，食完行一下返。

31/8(二) -- 極度黑仔。早上同B去瑪麗複診，遇著有緊急事故大部分醫生都不在。由11點幾等到點幾，都仲睇緊10點appointment果d。問姑娘前面仲有幾十人...B開始扭，結果唔再等，改期後即走。落返去街市食d嘢，毛毛雨C都想去動植物公園。搭的上去行咗大約半個鐘走。返TKO食咗老麥。

1。牙肉有開始好dd，但進展緩慢。

1/9(三) -- 繼續放假。B第一次返學！陪佢返學，不過得阿媽入得去陪，我就去交表再返去等放學。接佢之後返企休息一陣(但我勁攰)再落街食嘢。點知佢訓著咗，我哋食完上天晉，等佢醒再食少少。係天晉hea一陣之後就落遊樂場玩，再去尚德行下同行迪卡龍。食埋嘢返企。

2。呢2日抱咗阿B好多時間。

2/9(四) -- 收工返企夜晚C煮。

3。唔知係咪因為之前抱太多壓到條腰再扯到下盤，今朝膝頭痛。返到公司後更痛，中午幾乎唔係好行到。好彩臨放工開始好少少，行得慢同gut住都行到。

4。牙肉都未好晒，膝頭又來料...

3/9(五) -- 收工去寶林meet C&B再食飯，行一圈(遇到Karmen)再返企。

5。膝頭好好多，不過仲有少少痛，入面應該仲有d腫。

4/9(六) -- 朝早同呀B玩，無食早餐。等人整完野之後已經好攰，恰著左。佢地買埋野食上天晉。我醒左自己買野食上去。夜晚食埋飯走。

5/9(日) -- 無波打。早上同CB+嫂+2個小朋友游水。中午係天晉食完野訓唔到(小朋友好嘈)，之後B醒同佢去左遊樂場玩一陣返去，食埋飯返。

6。竟然因為幾十蚊蛋糕

7。膝頭無乜大問題，不過都feel到腰同膝頭入面少少都係緊。牙肉仍然未好晒...

完

八月二十九日 -- 牙肉痛

23/8(一) -- 收工返企夜晚C煮。

1. 呀B又磨到10點幾都未訓。我頂唔住訓左先，房燈著住，電話無叉電，未刷牙。半夜好似醒過，最終接近6點醒就無再訓。

24/8(二) -- 下午臨時件左假自己行街，夜晚返天晉全家同衡衡慶生。

2. 是日精神狀態同心情都麻麻地，臨時拿左假。好耐無試過行晒信和->廣華->In's Point->SSP模型舖-->玩具街。買左都幾多野，漫畫扭蛋模型燈籠水泡螢光棒..etcetc

25/8(三) -- 收工返企夜晚C煮。

3. 收工見apps仲有4分鐘+烏雲密佈+起風，狂奔追到車+上車先開始大雨。返到將軍澳天晴。

4. 又攰到未11點訓咗。

5. 終於剷返短個頭，好舒服。

26/8(四) -- 收工返企夜晚C煮。

6. 今日公司又一單嘢搞到好激氣。覺得近年修為真係無以前咁好，雖然最近係攰精神身體狀態係唔好，不過真係易咗動氣。(當然無對客對屋企人對朋友發)

7. 牙肉發炎一段時間唔都好，keep住無胃口。

27/8(五) -- 收工返去之後去天晉同我媽慶祝生日。

8. 為左區分2個仆街客，之前果個叫仆街，呢個叫賤種啦。今日又見佢。

9. 今日因利成便去左信和In'sPoint同果欄，可惜落雨影響果欄購買意欲。

28/8(六) -- 中午落街食，之後上左一下天晉，再返屋企比B訓。B訓左勁耐。夜晚EdfRita來一齊去食放題，食完再上我家坐一陣先走。

29/8(日) -- 8-10天晉。之後同波友食早餐，散左返企沖涼執野先再出門幫佢地買午餐上天晉。下午同媽嫂C同3個小朋友一齊出海邊行左圈再返天晉。勁攰恰左下(不過勁嘈所以唔淋)。夜晚食埋飯返企。

10. 是日波友Perry移民前最後一戰。Derek無打無Victor同呀馬，幾個特別難打嘅都無。自己打得普普通通，又有一場18-18時入二分KO對方，哈。

11. 連日牙肉痛，星期六日更嚴重。嚴重影響睡眠(半夜有痛醒)同食欲。

完

八月二十二日 -- 團圓!

16/8(一) -- 收工去坑口meet C&B，食飯行街後返TKO買波鞋再返企。

17/8(二) -- 收工返企夜晚C煮。

1. 連續2日見個仆街地舖。

2. 星期一晚B 11點島訓我整完野11點幾即訓著。今晚B早D入去我整完野10點幾又即訓著。好攰。

3. 終於轉左電話入面mp3。雖然今次有d求其所以好快。

18/8(三) -- 收工返企夜晚C煮。

4. 繼續11點幾訓。

19/8(四) -- 收工返去同B係遊樂場玩一陣，第一次見子母鞦韆。之後係尚德食飯再返企。

5. B aside。

20/8(五) -- 公司慶祝20周年典禮+抽獎，攪左成個晏晝(我當然抽唔中)，好彩有得準時收工。夜晚返去係將中食飯後返企。

21/8(六) -- 早上陪左B成朝，中午出去食完野B就訓左，擺上天晉後同C去寶林meet馬拿平衡板同平衡車返返天晉。夜晚食埋飯走。

22/8(日) -- 早上打波天晉8-10; 之後返企沖涼就上天晉，終於見到姪仔姪女! 年半無見啦~~ 中午落去同哥嫂買野食上來。下午一齊去左寶林陪佢地買鞋。夜晚係天晉食埋飯返企。

6. 是日打波啱好6人，打足2個鐘好攰。今日有d攰腰又有d冤加上著新鞋，所以狀態麻麻。有幾球入攝半openlook layup炒...打左唔少場有贏有輸，如果打好d應該可以贏多一場半場...特別一球值得記嘅，係唔記得18-18定係落後緊18-20，射入一球正面三分取勝。

7. 終於團圓!

8. 好攰好攰好攰。休息天無休息。

完

八月十五日 -- 很疲累的三日半假期

9/8(一) -- 收工返企夜晚C煮。

1. 幾個禮拜以來係屋企都係睇奧運，咩項目都睇。而家完咗，無嘢睇有d失落。

10/8(二) -- 收工返企夜晚C煮。

2. 原來石田西瓜出咗新作！似乎近年出版社已經少咗干涉作家嘅內容，而家幾套紅嘅作品d劇情比起以前d漫畫都去得盡好多。好似個個都食咗藥咁~

3. 落雨先特別覺，原來著開對皮鞋同crocs個底已經磨平咗，很線。

4. 尋晚發咗個好悲傷嘅夢(梅姐&Dad)，夢入面仲喊咗。

11/8(三) -- 收工返企夜晚C煮。呀嫂whatsapp我呀哥有d唔舒服，於是9點去左屈人寺(好彩前面關左側門未關)買左d藥再過去。同佢吹左陣水返企。

12/8(四) -- 原來諗住中午個site老細同partner出，但老細叫我出。下午拿左假。出完site係石蔭，好隔涉，搭巴士出SSP行左玩具舖，再同Edith去左石硤尾食車仔麵，陪佢交左表之後再行福利先散。突然醒起要幫呀哥買電視盒子，於是行左一轉鴨寮街買埋。之後去太古呀C姨屋企睇佢表妹個B。5點零走，去左康怡行吉之島，食埋Cowbean後返企。

5. 記: Mario Kart 150cc time trial全破。終於拿齊晒蘋金配件。200cc好難...

13/8(五) -- 放假一天。中午係樓下食完野去灣仔鄧志昂同呀B覆診，之後買金西南上外母屋企hea到6點零，搭的士去Herman跑馬地家(仲有馬一家家昇一家同Norman)。好熱鬧好開心好耐無聚。9點零走。

6. 同Herman傾左少少Ben嘅野，有少少唏噓...

7. 呀哥話個盒子有問題有d野唔得。超擔心自己係咪比人呃...

14/8(六) -- 上午係企hea。中午過寶林食晏同睇B水樽飲管(但無)。行左下商場後返將軍澳上天晉。夜晚食埋飯返企。

8. 呀哥去左SSP舖頭，結果reset左個盒子就無事了，好彩。

9. 是日七夕。

15/8(日) -- 8-10天晉。是日射沒好唔準，入攝layup又炒，其餘無乜特別，算係打得麻麻地。贏波是因Derek或呀馬。唯一值得一提係有一場馬+Jack+Norman+我贏左Derek+家俊+ Sam+James。打完C同B來左搵我，一齊去超市街市買野，返屋企放低後上左呀哥度。hea左一陣我落去買飯比大家，食完抖一陣就上天晉。夜晚食埋飯返企。

10. 呢幾日假期出門都無帶BB車(B唔肯坐)，結果係好多時候佢行一陣又要抱。幾日都抱左佢好耐，有時係街又熱咁。所以超攰。

11. 是日大新聞!! 之前一直好唔開心又唔打算生B嘅好友意外大肚!! 應該開心返掛?

完

八月八日 -- 奧運閉幕

2/8(一) -- 收工返去夜晚C煮。

3/8(二) -- 收工返去夜晚C煮。

4/8(三) -- 馬生日快樂! 收工返去夜晚C煮。

1. 拿左B新校服同書包了~

5/8(四) -- 收工返企夜晚C煮。

2. 是日返到屋企B無啦啦話唔要媽媽幫佢沖涼，要我幫佢沖。結果我第一次幫佢沖左涼~

3. 香港今日一日拿到2面奧運獎牌，好勁呀~~

4. 男籃可惜Luka輸波，場波好精彩，法國都勁~

5. 是日等唔到磨到呀B夜訓，9點幾就入房訓著左。仲要好似半夜無醒，唔知係咪天光醒左一下再訓返。真係好攰。

6/8(五) -- 收工去坑口同cb食春水堂。第一次食乜都叫下叫咗好多嘢所以有d貴。

6. 第一次轉車無留意入咗康城。

7/8(六) -- 早上起身，比C係屋企抖，我同B落樓下玩，之後呀媽來join，一齊去左海邊同Donki，total出左街2個鐘，回程B訓著。返企放低B比佢訓左段時間。佢醒之後我去買野食上呀哥度, 食完抖一陣，帶呀B去康城睇下Lego同行下超市後返天晉。食完晚飯走。

8/8/(日) -- 9-11天晉，今日都算打得唔錯，而且(又)有球corner 3。打完波買埋餸返企沖涼準備出去買野食，B就開始癲(因為太攰)，癲左成個鐘最終落到樓，一落樓就訓著左。買完野食上天晉食，B由1點9訓到接近5點，飯都無食，唔知咩事超攰。夜晚食埋飯返企。

7. 奧運終於閉幕。今年香港運動員好犀利。呢幾個禮拜係屋企就開住電視咩項目都睇下，幾開心。而家完左，又唔知有咩好睇了。

8. 留意到76台，成日播d冷門項目，手球、水球咁，成日播球類又冷門，唔知想點 xD

完

八月一日 -- 第二針

26/7(一) -- 收工返企夜晚C煮。

1. 今晚一早做好晒家務坐定定睇花劍決賽，好緊張好好睇，香港奪金!

2. Edf單野真係唔知講咩好... =_=

3. 沖涼時洗咗個浴室。

27/7(二) -- 收工返企夜晚C煮。

4. 又攰到9點幾就訓著咗。

28/7(三) -- 收工返去買外賣。

29/7(四) -- 朝早一家一齊去將軍澳體育館，我打第二針，佢哋去圖書館。之後去寶康公園比B係遊樂場完，再去寶林行陣。中午同阿馬食飯。之後再行咗下就返去。上天晉夜晚食埋飯返企。

5. 下午晏少少開始打針位有d扯住。夜晚個人其實又無咩唔舒服但有d囉囉攣唔知點咁。再晏dd個人有d散。

30/7(五) -- 病假一天。今日無發燒，無周身骨痛，針位都唔特別痛。不過人就散散哋同好攰。中午落咗附近食晏，之後上天晉。夜晚食埋飯走。

6. 今日可能本來已經攰，再比B激到，情緒爆咗下好勁嘅。之後更覺攰。(不過B完全唔怕唔驚唔喊無感覺)

31/7(六) -- 一早起身想出下街但無出，陪阿B聽歌睇片成朝。中午先出去，B係車瞬間訓著。買外賣上天晉食。夜晚食埋飯返去。

7. 是日打針位已經得返好少好少感覺，個人少少攰不過比尋日已好好多(而且d攰都唔知關唔關針事)。

1/8(日) -- Monterey 8-10; 好開心又有波打，雖然啱打完針。結果都唔算太過chur盡自己去打。都算係得唔錯(雖然感覺手感唔太好但係d波都OK入)，對住Derek都叫贏過。打完之後返去沖個涼，再落街同馬一家食飯。食完馬返企先，我地同Cathy鳴鳴一齊行Donki同商場，散左之後上天晉，夜晚食飯後返企。 

8. 是日同B玩板車佢已經識識地轉彎。

完

七月二十五日 -- NBA完、奧運開幕。

19/7(一) -- 收工返企C煮。

1. 藤本樹新短篇Look Back好正。

20/7(二) -- 收工返企C煮。

2. 食完飯未8點太攰，想恰一陣，一訓訓到11點半。C已整埋家務。之後訓唔著到2點幾先訓返，仲食左個宵夜。

21/7(三) -- 收工返企C煮。

3. 公鹿冠軍。其實今年本來都無特別話想邊隊champ，主要係唔想Nets嬴。決賽2隊就比較想太陽多少少，不過公鹿都OK嘅。

22/4(四) -- 收工返企C煮。

4. 電話怪魔重出江湖，仲要一日2單。

23/4(五) -- 收工返去，同C、B、C媽同C細佬食飯(翡翠)，之後返企。

5. 搭返巴士返工。可能由於放暑假少左學生，條路又暢通返少少。係開心嘅~

6. C同佢媽打左第二針。

7. 是日奧運開幕。個開幕式幾特別丫。

8. Fable漫畫第二部連載開始! 終於!

24/4(六) -- C打完針第二日唔舒服+腰痛。早上執好野大約中午就去天晉。夜晚食埋飯返。

25/4(日) -- C已好好多。早上起身家務完，等到11點幾C細佬車埋佢媽出來，車埋我地去觀塘飲茶。之後行左下美亞後車我地返TKO散。我地去買完菜果d之後返企。家昇一家來左TKO，所以去Donki meet一meet佢地再上天晉，夜晚食埋飯返。

9. 美國隊係奧運籃球輸波。其實真係打得麻麻地，抵輸嘅。

10. 聽C講，B去左做學前檢查，話佢講野同手腳協調各方面都不錯。最令我surprise嘅係出世時係細粒B嘅佢而家係偏高喎。

完

說於大叔的愛(港版)大結局之後

說於大結局之後。

利申，有睇晒全套劇每一集，覺得幾好笑幾好睇，之前要讚嘅都讚過，網上都大把人討論過。所以想講下有咩唔好/不足。

首先，其實想講睇呢套劇時，真係主要為左睇笑料，同埋係唔同情況之下各個人擦出來嘅火花，撞出來嘅點。尤其係前半部比較多。相對之下，後半部叫係入主線，已經無乜呢d碰撞，所以無咁精彩。咁應該大部份人都會繼續鍾意睇後部劇情，因為講主角們嘅心態同轉變，可惜我就睇得比較出戲了。

唔關係咪同性戀事，主要係有以下幾點。

1. 其實對於入面角色邊個鍾意邊個，我個人覺得唔係營造得好夠。只係講出來因為咁>所以就鍾意，只係交代，唔係好做到個氣氛出來。另外，之後幾個角色嘅轉變 i.e. 田轉Gay鍾意牧、KK鍾意田、Darren放下牧、甚至Francesca鍾意Louis etc，都係流於就咁表現"因為佢地為佢做左好多野所以鍾意左"嘅感覺。

2. 最令我出戲嘅，其實係入面人物嘅"仆街"。唔好同我講"現實就係咁啦"、"好多人都係咁啦"，唔接受。有幾仆街? 20年婚姻因為見到一個心動嘅就離婚、小朋友都有埋因為鍾意又離婚、唔爹唔吊唔知自己想點人地鍾意你就同人一齊之後比人飛左另一個人對佢好就又一齊仲打算結婚點知臨尾走佬...如果係現實見到，只會鬧佢地一聲仆街而已。

為免太長，講少少演員算。

其實我真心唔覺得主角們好戲(再利申唔係覺得唔好睇)。只係劇中人物對佢地來講唔算難表現，爆點係劇情度多演員需要表現。Edan主辰搶妥嘅表現係卡通式誇張笮作表情、AL基本上木口木面只係個角色行為好暖男(不過有一場戲崩潰喊就幾好)、黃德斌其實都係一貫少少唔使點表情做個成熟男人樣間唔時無啦啦做d(其實生硬)嘅扮可愛表情顯示反差萌。真係好戲咩? 唔係話唔好戲，只係唔覺得好好戲。

簡慕華真係做得好自然，不過未感覺同Stanely好有火花。陳子豐唔知點解覺得好型好有魅力喎。娟姐幾吸引，呢d少少傻大姐角色一向討人歡喜。鬼妹其實做得幾好，可惜太殘xD。Stanley其實做得幾好，個人覺得佢係劇入面做到幾舍層次同改變喎。

少少對劇嘅感覺，紀錄一下。

七月十八日 -- 完成相簿

12/7(一) -- 收工返企夜晚C煮。

1. 勁眼訓。11點幾未搽藥未貼野無開冷氣就訓著左。

13/7(二) -- 收工返企夜晚C煮。

14/7(三) -- 收工返企夜晚C煮。

15/7(四) -- 收工返去(中途交收)食左點心後返企。

16/7(五) -- 收工去觀塘同2年無見嘅白田老友們食飯，C同B都join。可惜分開前後2枱坐。

2. 是日呀B早上低燒，不過都仲係好精神同百厭。睇完醫生食左藥訓左下，C話佢可以照出，所以夜晚照出去食飯。

17/7(六) -- B仍然間唔時有少少低燒，所以無活動。下午過天晉，夜晚食埋飯返企。

3. 之前幾日開始真係著手整本BB相簿。今日日頭就真係幾乎揀好晒d相同開始整。時間有少少趕。整開所謂夜晚繼續整, 又見差不多完，所以最後攪到2點幾先upload完晒所有相同埋整好排版，只係爭d字未打。

18/7(日) -- 8-10天晉; 隔左3個禮拜無打波，超開心。今日表現覺得還不錯，雖然全場條腰都痛痛地幾影響移動。好彩嘅係今日主要係防呀澤同Jack(2個都唔算好主力進攻)，所以防守唔太辛苦，因此進攻都算OK(仲入左球 Corner 3添)。無奈打左幾場都係同Derek+Victor同隊，所以即使贏波其實又唔係真係算好關我事(唯一一場同呀馬一隊對Derek+Victor輸少少，可惜)...打完之後買野食返去，食完沖完涼就出去街市買餸，再上天晉。夜晚食埋飯走。

4.  今日太陽輸Game 5，係有d失望...似乎冠軍窄窄地...唉。

5. 今日終於完成左本相簿，之後就拜託呀嫂幫我比錢同埋安排收貨了。總算完成左個大project，其實都幾消耗精神同心機。不過了左件事係開心嘅。

完

七月十一日 -- 終再Gathering

5/7(一) -- 收工返企夜晚C煮。

1. 的起心肝出post賣埋最後一水模型。暫時好彩都賣到大半出去，想清嘅都7788了~

6/7(二) -- 收工返企夜晚C煮。

7/7(三) -- 屋企果座下午突然停食水。無得煮飯，即刻叫C同B出街食飯算。食完我去油塘交收模型，再去寶林同Karman交收。之後去坑口出，買埋聰嫂返企。夜晚已經有返水可以沖涼了。

8/7(四) -- 早少少收工返去打針。唔知係咪因為下午，都多人。4點到，差不多4點9先打。夜晚返企C煮。

2. 夜晚打針位開始有少少少少痛。

9/7(五) -- 收工返企換衫再同CB一齊去啟德(搭屯馬線)Mandy新屋。一班人(前ACD同事們)好難得齊人，2年幾伙聚過，今次同Carol慶生。10點島我走先。

3. Mandy仔余柳包好乖好有manner，呀B係咁攪住佢佢都仲好有耐性。

4. 隻手打針位痛過第一日，不過都唔係好痛，仲遞得起，亦抱到B。

10/7(六) -- 中午我地一家同呀媽去寶林佢朋友餐廳食野，之後行一陣先返天晉。B訓起都6點，落去玩一陣就走，買外賣上呀哥度食飯。

5. 手已經無咩大感覺。

11/7(日) -- 中午買野上呀哥度食，之後B訓。4點島我同媽一齊去買野之後上天晉。C同B去買野之後先上來。6點落去玩一陣再返上天晉，食埋飯返企。

6.  早一日開始條脷痛，今日最痛，攪到無咩胃口。

完

七月四日 -- 熱

28/6(一) -- 收工返企夜晚C煮。

1. 大叔的愛港版都不錯，幾好笑。

29/6(二) -- 收工返企夜晚C煮。

2. 夜晚較剪呃左呀B，嚇到佢喊，有少少覺得內疚嘅(雖然好笑)。

30/6(三) -- C打針，佢打完就上天晉。收工上天晉，同B係遊戲室玩左陣，夜晚食埋飯走。

7/1(四) -- 公假一天。早上同呀媽CB去左Donki行下，跟住叫埋哥係附近食野。之後去天晉遊戲室玩完再上天晉。夜晚食埋飯先返。

3. “小太郎一個人生活”真人劇集版第10集就完結咗了。比起漫畫來講，由於集數有限，劇情cut咗好多枝節，主sell最大果條主線+每個房客各自少少背景，已經夠咗10集。平淡得來幾溫馨，不過漫畫真係好睇好多，建議睇漫畫。

4. “大叔的愛”做咗4集，仍然keep到好笑。本身個劇情同人物嘅矛盾同火花已經碰撞得好激烈，所以其他演技什麼的其實都已經唔太重要。暫時個節奏都掌握得幾好，無浪費到個劇本呀。

5. 波叔終於打到入NBA Finals。從好耐之前一直都覺得佢勁嘅，雖然佢好奸狗又賤賤哋，不過真心好波IQ又好高，縱然唔係佢fans但都覺得佢值得贏嘅。今季NBA傷患太勁，基本上係鬥唔傷。來緊決賽，如果球員無乜再變動，佢champ嘅機會都唔低。

6. 今晚比B激到，之後有一下佢(似乎)埋來想示好，比我話佢好似嚇咗嚇。(雖然之後佢好似無乜嘢但)爸爸內疚中。

2/7(五) -- 收工去寶林買野食返TKO，再meet返CB一齊返企。

3/7(六) -- 早上去天晉泳池同媽CB玩水，lunch買外賣上天晉食。之後係果度hea到5點幾(B訓左2個半鐘)呀B醒左之後走。買左少少野同埋返企整d菜食。

7. 呀B呢晚無啦啦要我(或佢媽)唱Little Twinkle Star同埋打鈴鼓，之後佢自己就無啦啦唱rainbow...rainbow... =_=

4/7(日) -- Monterey個場未整好，又無波打...早上睇左場波。跟住出門買野食上天晉食lunch。下午恰左陣，呀B攪左個幾2個鐘先訓，我都醒埋。之後繼續完成埋隻RG。6點幾B先醒，我地落一落去meet Mandy Thomas後順便去買d菜先返天晉。夜晚食埋飯走。

8. 公鹿對鷹隊 -- 睇左場鷹隊全場好似無form咁，只係不停1 on 1，公鹿無左字母哥反而成隊好平均，抵佢地贏嘅。來緊總決賽太陽對公鹿，希望太陽羸!

完

六月二十七日 -- 剷頭

21/6(一) -- 唔舒服早左少少收工。夜晚C煮。

22/6(二) -- 收工返企夜晚C煮。

1. Edith個B出世了~~

23/6(三) -- 收工返企夜晚C煮。

2. 想講好耐一路都唔記得，一release就聽左，謝安琪首新歌聽落一般般。

3. 睇左d寶寶大過天同埋欺詐劇團。寶寶大過天原本expect係講下而家社會風氣果d痴線野+攪笑+溫馨(再誇張化)，雖然實際上都係，不過d角色實在太癲同埋誇大嘅野都係negative野人物性格又negative仲要集集都不停嘈交，過份negative，令人睇得唔舒服。欺詐劇團見佢做一個禮拜就完，見人腳同介紹+短篇可以玩盡d有d期望，暫時都只係覺得OK，未到好好睇。

4. 太陽最後果球開波傳波Alley-oop Dunk真係好精彩。

24/6(四) -- 收工返企夜晚C煮。

25/6(五) -- 收工返將軍澳同CB係屋企附近食飯再返企。

26/6(六) -- 朝早睇左陣波，CB出左去遊戲室玩，我係企睇波砌模型。11點零出去meet佢地，一齊去九龍灣Megabox食野行街，4點幾走。上天晉食晚飯。

27/6(日) -- 本來早上有波打，點知早一日收到通知個場水浸無得打...; 朝早9點幾起身，C同B出左去排遊戲室。我hea一陣出門拿野買餸，返企放低之後再推埋車出門meet佢地。買野食上天晉食完之後抖一陣，3點落去酒店餐廳同C朋友Step同Kitty食tea。5點幾散左之後上返天晉，夜晚食飯。

5. 欺詐劇團 -- 整體都不錯，不過可能集數偏短，有d位營造得未係好夠，同埋反正短篇又覺得佢玩得唔夠盡。不過各個人演出都幾好嘅。

6. 剷左頭髮，今次真係最短仲短過上次，爽呀。

六月二十日 -- 父親節

15/6(二) -- 收工返去夜晚C煮。

1. 夜晚差不多10點落街交收一點絕，街上好多大強出沒...

16/6(三) -- 收工返去夜晚C煮。

17/6(四) -- 收工返去夜晚C煮。

18/6(五) -- 收工去九龍灣同CBEdfRita食飯+甜品。

2. 唔覺唔覺Edf就來要生了~~ 

19/6(六) -- 中午C媽來同我哋食晏，之後一齊入西貢佢細佬度同狗仔玩下。之後van出寶林再地鐵返TKO，上天晉食晚飯。

20/6(日) -- 8-10 Monterey; 之後買野食返去沖涼同食; B又唔肯訓，所以2點島就落街買野，一落到去佢就訓著左; 夜晚天晉食。買左個蛋糕輕鬆慶祝下父親節。

3. 今日開波前有少少時間練下射波adjust下，所以感覺射得好左。幾場波勝負都唔太關我事，尤其同Derek Victor同一隊真係唔使做乜就贏到波。係最後一場同馬家俊Sam一隊對Derek + Victor + Perry + James苦戰之下贏波，好有滿足感。另外值得一提，今日斷續射罸球有10投9中(定9投8中)好過 Ben Simmons xD

4. Weekend仍然係超攰...

5. 同呀哥傾過下佢去留問題; 8月嫂B們返來之後，似乎又好似無咁快會走。係開心嘅，希望佢地留返幾年先再算，睇定d先啦。

完

六月十四日 -- 呀B兩歲

7/6(一) -- 收工返企夜晚C煮。

8/6(二) -- 收工返企夜晚C煮。

9/6(三) -- 收工返企夜晚C煮。

1. 確定嫂姪8月返港。雖然好似係開心事，但有可能代表之後佢地去更裹嘅地方...開心唔落。

2. 呢幾日轉鐵返工，真心覺得討厭。之前有次講話出門口感到果陣厭惡感，係切切實實地感受到。入面有位d人頂係門口、轉車月臺狂奔、爭位坐...真心好痴線。今日轉車上車好好哋都比人夾硬狂撞...不過時間真係爭太遠...

3. 轉咗隻貼，即時見到效果。前晚新果隻貼咗成晚都唔濕，尋晚用返之前果隻，又濕晒。同埋唔知關唔關事，真係好早就勁眼瞓，係攰到睇下圖都無精神，眼都擘唔開。

10/6(四) -- 收工返企夜晚C煮。

11/6(五) -- 下午放半日假，行咗ssp同wc，買咗d小朋友玩具。夜晚上C娘家食飯，預祝B同佢舅父生日。之後舅父車我哋返去。

12/6(六) -- 上午睇咗陣波，中午去咗寶林同馬2公婆食晏。之後散咗行一陣就返天晉。夜晚食埋飯返。

13/6(日) -- 阿B生日。中午出去食飯，之後去天晉遊樂場玩(室內都開咗)。返去之後係屋企浴缸玩水。夜晚食飯食埋蛋糕後返企。

4. 真係唔覺唔覺，一眨眼阿B就兩歲。最近有時望住阿B，會無啦啦有陣陌生嘅感覺。明明係自己個囡，無啦啦好陌生，係因為佢大得快變得快？其實對比起我父母死黨老婆個個識咗幾十年/十年以上，我又的確識咗佢只係短短兩年時間嘅。雖然係重複又重複咁講，因為有咗自己嘅B，先會感受到好多從未感受過嘅感受，對生命嘅體會亦都多咗好多、好唔同。而呢d感受、體會有幾唔同/幾美好，係真係解釋唔到，自己未試過係感受唔到嘅。(再度重申我並無鼓吹生育，有有有嘅好，無有無嘅好) 不過又真真真係要講句，父母嘅愛係好離奇嘅，無論自己個B係如何，都會好愛好愛佢，係眼中亦好好好可愛。(當然並唔係必然，新聞都見唔少例外) 而我呢，又真係好好好愛阿B，亦都好愛同埋多謝老婆咁辛苦生佢出來同凑佢。阿B大個女啦，最多做埋呢年BB，下年三歲就係小朋友，唔係BB啦。希望你身體健康，開開心心。

14/6(一) -- 早上打波天晉8-10。之後同馬一家一齊游水，游完一齊食埋飯先散。跟住去買菜買嘢返屋企擺低晒d嘢後上天晉。夜晚食埋綜後返企。

5. 是日打波，幾乎來嘅人都係勁好多(無左d大家都退化左嘅中同xD)。雖然贏波唔太關我事，不過覺得自己都儘量做好左自己可以做嘅事，算係咁。另外，微調自己嘅射波form之後，都未有機會練波，所以暫時不倫不類。真係要搵機會練下波。

6. 咁就完左3日(其實係3日半)假期，好攰 X_X

完

六月六日 -- 擊中鳥

31/5(一) -- 收工返企夜晚C煮。

1. 用開個backpack爛咗。

1/6(二) -- 收工返去，同CB係樓下超市行咗陣。夜晚我煮C準備嘅嘢。

2. 連續2日都好攰好早訓。

2/6(三) -- 收工返企夜晚C煮。

3. SM坐正請食lunch。

4. 突發新聞見到燒船搞到d煙籠罩九龍西，都幾嚴重咁。仲有fnd係屋企見到現場添。

5. B間唔時隔幾日癲一次真係好難頂。收工已經好攰。

6. 今日開始試玩下吸濕貼，反正唔貴，睇下會唔會改善到經常攰同眼瞓嘅情況。當然會繼續盡量少甜少凍嘢(盡量啦...)。

7. 今日返工終於放棄巴士。實在爭太遠，一個鐘同半個鐘嘅分別...仲要貴d。

3/6(四) -- 收工返企夜晚C煮。

8. 連續好幾晚都係好攰無電頂唔住好早訓...

4/6(五) -- 收工直接去寶林，C同B來埋一齊食飯，之後行返屋企。中間去左圖書館還書。

5/6(六) -- 早上睇波，中午B訓左(我又恰左下)。3點同ConniePenny去將軍澳酒店食tea buffet。之前買一送一優惠book到，圍返一人大約125(包埋加一)，呀B又唔使錢，好抵~~ 開頭以為tea應該係多甜品，點知都好多其他野食，同lunch都無大分別~~食完散水之後去左圖書館，再上天晉。好飽所以只係食少少野。

6/6(日) -- 8-10天晉。是日頭幾場難打但係都僅勝，雖然唔係主將亦都起好少手，不過覺得自己都打得算係咁，做到該做嘅野。之後幾場因為攰所以就爭好多了。另外想改射波form但未有機會練。再另外，係場邊追波比Pierre用波一野直擊下面，痛。打完波買早餐返去食，之後沖涼。B訓左(我又訓)。佢由1點幾訓到差不多接近4點，先出門口買菜買野再上天晉，夜晚食埋飯走。

完

五月三十日 -- 呀B下水禮

24/5(一) -- 收工返企C煮。夜晚唔舒服發冷，無開冷氣好早訓。半夜熱醒先開返。

1. 流血喎。

2. 想試下戒甜。

25/5(二) -- 收工返企C煮。是日好d但都係覺得好攰。

26/5(三) -- 收工返企C煮。

27/5(四) -- lunch同Karmen食素。收工返企C煮。

2. 晚上同民民Zoom傾左個幾鐘，開心。

28/5(五) -- 收工係土瓜灣搭van去寶林買外賣返去食。

29/5(六) -- 中午娟來，一齊出去附近食飯。之後去圖書館還書同行下，4點島SamEstherDorothyAda來到，一齊返企。夜晚買外賣同蛋糕返去食，慶祝5月之星(娟Sam)生日。9點幾散。

30/5(日) -- 之前果個禮拜book唔到場，所以無波打; 早上同C&B去天晉游水，呀B第一次下水禮，佢似乎未習慣，主要都係淺水位玩下水。中午買外賣上天晉食，夜晚食埋飯返。

3. 呀B又黑左。

完

五月二十三日 -- 熱到痴線

17/5(一) -- 收工返企夜晚C煮。

1. 是日之前summer intern朋友仔回歸day 1。仲有機會多個賽車機友，是開心的。

2. 本來明天參與收皮行動，不過今日已解決。仲諗住以前曾經做過嘅project，可以參與最後嘅收皮行動添。

3. 想搵時間睇下“小太郎一個人生活”真人版。漫畫好好睇，劇版有好友話都ok。難得有劇想睇下。(已好耐無睇d咩劇集)

18/5(二) -- 出site早收返去meet CB同外母，外母返去，我地行一陣 TKO同買外賣返去食。

4. 半夜睇左下“小太郎一個人生活”真人版，睇左幾集暫時都不錯。個節奏慢少少，不過我覺得係有心機營造每一個角色嘅背景同關係。另外因為睇過漫畫，亦見到佢有擺左d伏筆入去。希望之後可以繼續keep到漫畫水準~~

19/5(三) -- 佛誕假期。早上我起身C就補眠。到中午同埋呀媽呀哥一齊出去食飯，再一齊過坑口同佢地去配眼鏡。行左下就返TKO。Meet Rita一家去天晉遊樂場玩左一陣，再meet Edf couples買野飲上我家。Hea一陣之後叫外賣返來食。9點零散。

5. 是日不覺又全日，好攰~~

20/5(四) -- 收工返企夜晚C煮。

6. 好耐無試過，又睇返籃球教學片。

21/5(五) -- 收工返去meet C同B(佢媽返去)，買外賣返去食。

7. 季初甚至到季中都以為巫師入唔到playoff。之後Westbrook加入都覺得唔掂。估唔到季尾打得咁好，仲闖埋入playoff添。雖然從來都唔鍾意Westbrook打法，不過佢永遠都好熱情比盡100%去打嘅心態，仲帶領隊廢廢哋嘅隊打入playoff，真係值得敬佩。

8. 咒術迴戰最近一直超展開。涉谷事變之後嘅後續反而仲癲...

22/5(六) -- 早上睇波，中午出去同媽哥係飯，之後上天晉。夜晚食埋飯走。

9. Warriors輸波是有d唔開心，可惜。

10. 呀B今年第一次浴缸下水禮~~

23/5(日) -- 8-10 Monterey。之後返企執下野沖涼再去寶林同馬一家食Ruby Tuesday。食完一齊行一陣散，我地再行一下後返天晉。抖一陣同呀B落去玩一陣再玩水。夜晚食埋飯走。

11. 今日錄得最高氣溫36.1度...5月咋...

12. 今日打波，由於馬DerekVictor都係度，基本上勝負關鍵都唔係我度。自己表現覺得一般，射波入d唔入d，有幾場好努力防守都OK但都有幾場有少少hea左。感覺好想再打唔多夠喉。

13. 早幾日溫左書睇左輪片同refresh左有關射波技術嘅認知之後，今日落場實踐下，又有得著同感覺。個射波form又有少少改善左。而家用力好左好多(尤其3分)，不過瞄準就需要練習適應返果d adjustment。

14. 除左打波唱K，因為上網見到同傾開，有少少想打下鼓機。

完

五月十六日 -- 熱

10/5(一) -- 收工返企夜晚c煮。

11/5(二) -- 娟生日快樂。收工返企夜晚c煮。

12/5(三) -- 收工返企夜晚c煮。

1. Connie Amanda來搵我同Yee食lunch。

13/5(四) -- 收工返企夜晚c煮。

14/5(五) -- 收工去寶林買外賣返去。

2. KC009我所有case都拿晒possession，算係完左一個benchmark了。

15/5(六) -- 好熱。中午出去買外賣上天晉食。夜晚食埋飯走。

3. 多年無剪，今晚終於剷短左頭髮! 雖然唔係3mm但感覺好舒服好爽! 下次要3mm了!

16/5(日) -- Monterey 9-11，之後返企煮麵食。下午B 2點半訓到差不多5點，C訓左陣，我上陣網又訓左個鐘。5點島出去，我同B係樓下遊樂場玩一陣，C去買餸，之後一齊上天晉。夜晚食飯後走。

4. 是日沖左今年第一個凍水涼。

5. 呢個禮拜天氣好熱好攰好辛苦。

6. 買左個碌面機比呀媽。

7. 有2晚都好眼訓好攰好早訓左，但係半夜會醒。又無咁快訓著，磨一陣先再訓得返。其實仲攰。

8. 呢個世界總有d 傻佬/痴線佬/衰人係度放負/發狖/攪事。呢排心情都好差。

9. 上網睇得多，由以前嘅板\newsgroup\fb page，難得會有d氣氛同板友都好好嘅地方，耐咗人多咗就會有老鼠屎，總有d人會搞串個party，搞壞個地方。即使只係佔好少數，但係都會搞到返唔到轉頭，到最後散band。雖然可惜，不過睇得多歷史，見得多嘢，就會明白呢個世界好多嘢都係一個循環，所以嘢都會由興轉衰，天下無不散之筵席。只要接受無常，就容易d睇得開。

10. 連續2個禮拜有一場波以弱勝強。我+Pierre+Sam對Derek+Tommy+會進攻嘅Jack。

11. 接連聽到好多親人朋友要移民嘅消息，其實好唔開心...

完

五月九日 -- 母親節

3/5(一) -- 收工返企夜晚C煮。

4/5(二) -- 收工返去睇跌打，夜晚C煮。

5/5(三) -- 收工返去夜晚C煮。

6/5(四) -- 收工返去睇跌打，阿媽都睇。夜晚返企食飯C煮。

7/5(五) -- 收工去C娘家食飯。

8/5(六) -- 呀麥生日快樂。中午出左將中食飯，跟住搭地鐵去坑口行同整C眼鏡，之後閒逛時遇到呀馬夫婦，一齊行左陣同一田之後散。去左常寧公園個遊樂場同B玩左成個鐘，之後都係返坑口食左間西餐後返企。

1. 之前一晚上網睇左篇野，係一個sad end嘅真人真事。幾有感慨。其中比較深刻嘅，係有時對人對感情(唔只係愛情)真係要斷捨離，過左去就唔好再諗再留戀。

9/5(日) -- 早上8-10，幾個人之前果晚同今朝臨時放飛機，結果得返5個人，波都唔夠開，於是keep住打2 on 2，當然都係有我果隊就輸，除左其中一場我拍家俊同Victor+Perry，因為好努力防守+進攻有走位有單擋，竟然贏左一場，最後一球仲要係18分時我射三分game波。打完買野返去，沖涼食完呀B又係唔肯休息，出街meet呀媽跟住去買野同買餸返天晉。夜晚我煮，慶祝母親節。

2. 原來折現係最開心。睇來我咁多年來都做左好無謂嘅事。以後唔使煩。

完

五月二日 -- 飲宴

26/4(一) -- 收工返企夜晚C煮。

1. 記: 呀B唔要我拖我入房之後出返廳。

27/4(二) -- 收工返企夜晚C煮。

28/4(三) -- 收工返企夜晚C煮。7點島落返地鐵站拿幫佢係MK買嘅玩具比佢，傾左陣計。    

29/4(四) -- 收工返企夜晚C煮。

2. 試左Nuttea，幾好飲不過好飽肚。可以試下飲一杯然後skip lunch。

3. 呢排一口氣dl一堆新人新歌來聽。

4. 最近訓得好麻麻，已經唔遲訓，但係狂發夢又早醒。訓得好差。起身超眼訓。

30/4(五) -- 收工去寶林買外賣返去。自己兜左一輪想食好d但又無咩啱，結果都係買左垃圾燒味飯。

5. 9點幾太攰一攤落床就訓著。12點幾先醒，又磨左一段時間先訓返...

1/5(六) -- 上午睇左陣波之後同CB出去寶康公園遊樂場，玩左一個鐘島。之後去寶林買外賣返企食同沖涼。中午C呀媽呀爸都來左，下午一齊出發去紅磡海逸，夜晚參加C表妹婚宴。

6. 限聚令之下分左一個area 20人4張枱，我地係hall果邊勁闊落。

2/5(日) -- 朝早天晉打波9-11，進攻方面好唔掂射極唔入，防守有一段時間唔係好專心麻麻地，其他時間都算係咁，overall都係打得麻麻。打完好攰買野返企食沖涼，呀B又扭又癲又唔肯坐唔肯訓，出街買野一輪終於肯坐車即時訓著，買完上天晉。夜晚食埋飯走。

完

四月二十五日 -- 打波!

19/4(一) -- 收工返去買d野係街meet埋C&B再買d野返企，夜晚C煮。

20/4(二) -- 收工返去夜晚C煮。

1. 之前一直想講，呢排食早餐有時會買點心食。有時買雞扎，食食下有次發覺，原來之前分開每樣野食係無乜意思嘅，一啖將所有野都一齊咬一齊食，不來d味夾埋好味d喎~

21/4(三) -- 收工返去夜晚C煮。

22/4(四) -- 收工去夜晚C煮。

3. 是日B又發癲。其實我真係無嬲，不過返工真係好攰，又好多唔順利野同負能量產生，唔想再增加，所以避開左一下。就算佢之後已經無事，我都唔想增加自己負能量。

23/4(五) -- 早收工返去屋企, C同B去左海馬公園仲未返。佢地返到我出去meet佢地去將中食東南亞野。

24/4(六) -- 姑姑同八妹同佢個仔下午來。出去meet佢地買外賣返來食。係企hea玩一陣之後，一齊出去，呀B係車一落去即訓左。去天晉clubhouse遊樂場玩，之後去Donki(呀B係途中醒)。行完Donki再買外賣返企食。佢地9點半島走。

25/4(日) -- 早上天晉打波8-10; 超開心可以打波，仲要有晒DerekTommyJamesJackPierreNorman佢地(可惜呀馬唔得); 頭2場都打得唔好，之後2場打得好好多，打21分一場拿8分一場拿10分仲有球極清脆穿針三分，感覺很好(防守因為唔係防勁人所以算係無點失波同失籃板)。打完波買外賣返去比佢地食之後沖涼。中午Penny去單車公園，出去meet佢比野佢之後同B係果度遊樂場玩。玩完上車好快B就訓左，我地去街市買野後上天晉。夜晚食埋飯走。

4. 打完波真係好攰，不過有得打波真係好開心。 

完

四月十八日 -- 攰

12/4(一) -- 收工返企夜晚C煮。

1. 仲有一隻煩case終於accept埋，太好了。

13/4(二) -- 收工返企夜晚C煮。

2. 第2堆(2隻)麻煩case攪唔掂。

3. 近排都算早瞓但頻頻發夢又早醒...好攰。最奇怪d夢係日常來，地點係認得嘅但係個樣同結構3就麒麟怪怪。

4. 只要我不尷尬，尷尬的就是別人。

14/4(三) -- 收工返企夜晚C煮。

5. 夜晚同民民傾咗好耐facetime，雖然夜咗不過係開心嘅。

6. 最近搭巴士返工越來越多人多車，越來越遲落車，睇來又要搭返鐵...不過一諗起就覺得辛苦...

7. 通常下站落車趁住停燈時就落下層。尋日準備落時前面個阿叔唔知咩事係度慢慢落，又飄下飄下咁，阻住晒，到我落緊時就開車，chok到隻手指撞到條柱...(p.s. 之後痛左幾日都未好晒)

15/4(四) -- 收工返企夜晚C煮。

16/4(五) -- 收工去寶林買外賣返企。係地鐵站同Karmen say左個hi添。

17/4(六) -- ConnieLoLoPenny中午來TKO，一齊買外賣上我家食。補慶Penny生日。佢地4點半島走。之後執野清理完夜晚過天晉食飯。

8. 係夢中爆煲大爆發，睇來我負能量真係好大。夢中被爆人係一走了之。

9. 無啦啦C幫Penny剪頭髮。最攪笑係以前呀B都呂鍾意剪, 次次剪親都fing來fing去，今次佢睇住Penny比佢mama剪之後，再即時幫佢剪，佢乖乖地坐定定 xDDD

18/4(日) -- 早上去九龍灣拿C朋友比嘅滑板車，之後過Megabox，先去Ikea食野，呀B食食下訓左。食完行AeonToyrusIkea後返去。上天晉到夜晚食埋飯返。

10. 繼續放假攰過返工嘅日子。點算。

完

四月十一日 -- 返三日又weekend之有d想OT

7/4(三) -- 收工返去夜晚C煮。

8/4(四) -- C媽來左TKO。收工返去，同佢去坑口拿電話，佢再買外賣返來我家食。我地夜晚就C煮左。

9/4(五) -- 收工去C娘家食飯。

1. 進撃的巨人完結。自己都算係早期開始追。其實咁多人話爛唔爛尾，有時好多野好難諗好難寫好難控制嘅。

2. 約好左個客諗住攪掂埋去點知佢放飛機，星期一再戰...

3. 緊要關頭上case上面不斷係無謂嘅野度撩來撩去...

10/4(六) -- 下午去天晉食飯，同呀B去左遊樂場玩，夜晚食埋飯返。

11/4(日) -- 一早8點出門口，8半到坑口meet馬一家，一齊行去銀線灣。呀B好叻成條上斜樓梯自己行晒行到去沙灘度。玩到11點幾走，一齊返坑口食Pizza再散。返屋企執下野再同B出去(佢訓著)，買完野我拎返企佢地上天晉，我就啱好呀媽搵我，我同媽買完野再上天晉。同呀B落左遊樂場玩一陣。食埋晚飯返企。

4. 好攰，攰到傻。 

完

四月六日 -- 五日長假

29/3(一) -- 收工返企夜晚C煮。

30/3(二) -- 補假一天。上午睇左跌打。下午同C&B去中環摩天輪，4點零走。之後返TKO食Outback。

1. 呀B唔怕高，係摩天輪上面唔使痴住我地都可以趴係玻璃邊望下面。旋轉木馬佢就似乎無乜感覺。

31/3(三) -- 收工返去夜晚C煮。食完飯之後去左睇跌打。

2. 好耐無試過/機會連睇2次跌打。

1/4(四) -- 收工返去買外賣。

2/4(五) -- 復活節假第一日。hea左日，上午去Donki，之後上天晉，夜晚食埋飯走。

3. 台鐵單嘢真係好得人驚好慘好震撼好心up，希望多d人無事...

4. 睇咗杜汶澤搵Mandy做嘉賓嘅片。有2樣嘢非常之認同。

2.1 經過過好介意人哋點睇之後變成嘅唔介意，先係真正嘅睇得開唔介意。呢樣嘢自己一直由以前都學習緊，亦都其實自己一直都唔係好介意人哋點睇/明唔明白我嘅😆而家更加係連解釋都費事。呢方面好認同佢哋。

2.2 我行我素/自我/真唔等於無禮貌。呢個更加認同。絕對係修養嘅分別。

3/4(六) -- 中午食完飯入馬鞍山阿Sam新居。第一次係鑽石山轉馬鐵，都好方便。叫咗外賣生蠔同刺身，好正又抵食。食完我哋早d走先。

5. 呀B第一次同貓貓玩，當然係完全唔驚...

4/4(日) -- 清明+復活+兒童節。朝早上阿哥度，中午買外賣上天晉。夜晚食埋飯返企。

5/4(一) -- 早上同中同去維園打波！好耐無打！超開心！大家輕鬆打都無話打得好唔好，叫係入到波入到三分贏到波咁。之後買外賣返企。下午入康城勇同Trista屋企，夜晚打邊爐。9點島走。

6. 一開始悉悉有d生保，不過之後玩熟咗2個就好fnd，見到2個小朋友d互動覺得好得意好搞笑。

7. 不意外，夜晚開始冤。第日開始全身痠痛。

6/4(二) -- 一早同呀馬一家入西貢食brunch同行下，2點幾出返來。係坑口行左下一田，之後上天晉放低呀B，再落去買菜買d野上七座，再過返天晉。食埋晚飯走。

8. 人地放假叉電，我就放假用盡埋d後備電。攰死了。

完

三月二十八日 -- 六角星

22/3(一) -- 收工返企C煮。

1. 半夜又抽筋痛到痴線叫左，第二日keep住痛。

23/3(二) -- 收工返企C煮。

2. 隻因為同事整錯野而麻煩嘅case，好彩個客好而解決了。

24/3(三) -- 收工返企C煮。

25/3(四) -- 收工返企C煮。

3. C&B日頭去左海洋公園。

4. 呢個禮拜好似第二次10點幾就眼訓+攰到10點幾就熄燈訓。即係話除左返工放工做家務睇B之外就無任何其他野。雖然好想整下其他野，但真係無精神。

5. NBA trading deadline，好多trade。成隊Magic拆左 lol。幾隊強隊再補強...

26/3(五) -- Lunchtime要去荃灣見客，即刻約阿源食飯。之後同佢行去佢公司先走，兜一兜知源再搵van落土瓜灣。出完site早收工返去買外賣。

6. 阿源達成六角星單嘢真係好勁。

27/3(六) -- 中午買外賣上天晉食。跟住同B落街行咗個幾鐘都唔訓，返天晉夾佢上床都唔訓，搞到我都無訓，好攰。夜晚食飯B先斷電，比佢訓咗陣我哋食完飯先再比佢醒同食。之後返企。

7. 今日聽到阿媽講佢有個fnd嘅相識食鮑魚整甩假牙骾死單嘢好surprise。

28/3(日) -- 中午買外賣上天晉食，跟住我哋一家同嫲嫲入西貢行下。4點幾返到天晉。夜晚食埋飯返企。

8. 早2日先話病，點知今日就88咗了。RIP智叔。

9. 過完weekend攰過未過已成日常。

10. 聖誕節都過左3個月了，嘿。

完

三月二十一日 -- 凍薪

15/3(一) -- 收工返企夜晚C煮。

16/3(二) -- 收工返企夜晚C煮。

17/3(三) -- 收工返去買外賣。夜晚Zoom開蕃茄生日會。

1. 呢幾日返工好辛苦好攰又唔係好順利。

18/3(四) -- 收工返企夜晚C煮。

19/3(五) -- 收工去寶林買外賣。

2. 一個高層咁講嘢，真係好唔掂。

20/3(六) -- 上午睇咗阿B一朝。中午買外賣上天晉食。下午恰咗陣。夜晚食埋飯返企。

3. 失憶24小時不錯說。

4. 返咗一個禮拜工，好攰。慣早醒，被發現，抄醒睇B。然後佢瞓咗成朝。

21/3(日) -- 太攰，朝早醒咗整完嘢一輪後再恰咗下。中午買外賣上天晉。下午講開Derek係MK佢幫我買咗玩具，然後係樓下交收。夜晚食埋飯走。

5. 中午好神奇。係街上時腦海突然彈咗Amanda佢哋一家出來。隔咗一陣真係撞到佢哋。好驚訝。

6. 最近攰到9點幾10點阿B瞓咗之後終於有自己時間嘅時候覺得好攰到無精神乜都做唔到跟住11點幾有時10點幾點就瞓咗。

完

三月十四日 -- FS後之攰

8/3(一) -- 收工返企夜晚C煮。

9/3(二) -- 出site早收返去睇跌打，之後買外賣返企食。

1. "懷念證明曾經的記憶無白廢"。

10/3(三) -- 放假; 早上同B去聯合復診, 竟然無乜人所以好快攪掂走得; 搭車落油塘係地鐵Meet呀媽，一齊去黃大仙拜個神。拜完中午島，呀媽返公司。我地返將軍澳食晏再返企沖涼休息。下午訓左個覺。夜晚C煮。

11/3(四) -- 收工返企文晚C煮。

12/3(五) -- 收工返去買外賣。

13/3(六) -- 終於捱到Weekend。之前果晚半夜B又喪喊，之後佢地訓左我訓唔到、朦朦朧朧到天光。8點幾起身，hea一陣就準備出去。去Donki行左陣竟然遇到呀馬say左個hi。之後呀媽來join一齊去左海邊行下，再去尚德買餸同外賣，上天晉食。我攰到恰左陣，呀B嘈住要去街，同佢落到平台佢就訓著左，返天晉hea。到呀B訓左個半鐘島醒後同呀媽一齊再落街買d野。夜晚返天晉食。

2. 有時d嘢一廂情願想分享或者給與其實係無意思。倒不如自己開心咗好過，唔好浪費。

14/3(日) -- 早上同呀B去左圖書館，佢都幾興奮好彩無大叫，不過係咁拿d書落來揭兩揭又拿第二本咁。之後去TKL果邊買野同買外賣，再上天晉食野。食完呀B訓著，我又恰左陣。醒晒之後呀媽睇住呀B，我同C去買餸同買野，之後拿返7座再返天晉，夜晚食埋飯走。

完

三月七日 -- 又 Freezing Survey

1/3(一) -- 收工返企夜晚C煮。

1. 唔啱食其實都係好事，食少d。已經好少運動，唯有減食。

2. 新manager來咗。暫時除咗第一句hello之後都無交流。

2/3(二) -- 收工返企夜晚C煮。

3. 估唔到Gary Tong突然走咗。

3/3(三) -- 收工返企夜晚C煮。

4/3(四) -- 收工返企夜晚C煮。

5/3(五) -- FS Day 1，做咗10隻，7點半收，好攰。夜晚腳痛。

4. 半夜腳痛到醒咗。

6/3(六) -- FS Day 2，6點半收。

5. 九龍城塞完上官塘繞道遇到3單嘢塞過咗之後仲繼續塞塞塞。

7/3(日) -- FS Day 3，4點8收。本來明明可以早d，d老細攪埋d無聊野...

6. 今次應該係第一次無refusal嘅100%，好難得~~

完

二月二十八日 -- 又完一新年+Resumption

22/2(一) -- 出site收工返企夜晚C煮。

23/2(二) -- 出site收工返企夜晚C煮。

1. 最近幾晚阿B瞓咗之後，花咗d時間執下d舊玩具。結果又掉咗幾袋爛殘舊嘅。

24/2(三) -- 出site收工返企夜晚C煮。

25/2(四) -- 收工返企夜晚C煮。

26/2(五) -- KC014 Resumption。收工去寶林買外賣返去。

2. 終於Resumption。希望清case順順利利。

27/2(六) -- 中午幫呀媽開門比人睇樓，之後買野上天晉食。下午hea同埋恰左陣，再同呀媽落去買餸。夜晚食埋飯返企。

3. 吳孟達傳死訊。RIP

4. 當年Kobe打嘅最後幾年輸波擺爛pick返來果堆新人，估唔到各自都有不錯嘅發展。Russell，Ingram，Randle各自做過All-Star；Clarkson，Nance Jr.，Kuzma，Ball哥都做到好稱職嘅Starter或者板凳暴徒。雖然，都不及換一個AD返來直接拿Champ...

28/2(日) -- 中午買飯上呀哥度食。之後去買野。呀B係街訓左50分鐘。買完野返企沖涼。夜晚C煮。

5. 好攰。佢有休息日，我無。

6. 盡力同埋做得好/做得快係2回事，但係無得講。

完

二月二十一日 -- C生日

16/2(二) -- 年初五，開工大吉。收工返企C煮。

1. 夜晚同中同Zoom咗2個幾鐘，幾開心。

17/2(三) -- 收工返企C煮。

18/2(四) -- 老婆生日快樂; 請左一日假，早上帶埋B去天晉，玩一陣到中午放低佢，我同C去附近食放題。之後返天晉呀B差不多訓，比佢訓著一齊係天晉hea到佢起身，之後去買野返企。夜晚唔肚餓無食飯。

19/2(五) -- 收工返企C煮。

2. 早上約咗Kenneth交收，中午約咗Karmen交收。見下朋友係開心嘅。

3. 夜晚用咗幾個鐘執咗下d舊模型。掉就唔係掉咗好多，不過整理同執位進度都不錯。

20/2(六) -- 早上同cb去咗Donki買嘢，之後買外賣返企食。娟同源隨後到。下午係企hea坐同傾計。差不多5點一齊落街，我去同哥陪媽收樓後join返佢哋，再買外賣返企食。夜晚阿B攰9點訓咗，佢哋hea到10點島走。

4. 雖然無玩d乜，齋坐，但同好友齋hea齋吹水已經好開心。

5. 本來Edf都想來Sanny都話來，不過edf最後都唔來Sanny是日胃痛+肚痾來唔到。

21/2(日) -- B11點零訓咗，起身先去九座，我買外賣上去。之後同媽一齊去街市買嘢再上天晉。夜晚食埋飯走。

6. 夜晚又用咗幾個鐘執玩具。

完

二月十五日 -- 農曆新年

8/2(一) -- WFH；早上出去Donki同海邊行一陣，再係將中食日本嘢再返企。下午B訓後我又訓一陣，夜晚Dalbino。

9/2(二) -- 收工返將軍澳同阿媽順利行街市返；夜晚C煮。

1. 年廿八，夜晚洗咗下廁所，抹下廚房。

10/2(三) -- 收工返企C煮。

2. 公司突發單麻煩嘢真係好痴線，浪費咗大半日，搞到遲返企，仲要再加落雨塞車...(第二日發現自己唔記得拿智能櫃嘢添)

11/2(四) -- 年三十晚；公司早收3點，同Raymond強打咗陣機先返。夜晚去天晉食團年飯。

3. 單麻煩野總算攪掂，浪費我時間。

12/2(五) -- 年初一。呀哥新曆生日。早上就過天晉。食完晏頂唔住訓咗陣。之後同B落去行咗個圈買咗個tea返天晉。夜晚食飯同阿哥慶祝埋生日後返企。

13/2(六) -- 年初二。B食完晏就過娘家，結果佢只係路上恰咗一陣。夜晚食完飯舅父車我哋返。

4. 連續2日係長老屋企砌模型砌咗2隻。

5. 係車因為前面dc9突然dub停chok到少少條腰。

14/2(日) -- 初三赤口情人節。日頭係企hea同恰咗陣，5點出門入康城同Connie夫婦Nat夫婦去Penny新居housewarming同慶祝我生日。之後大家一齊行返將軍澳。

6. 多謝一班好友同我慶生，今年除左屋企食蛋糕就無其他慶祝活動。FB關左個info同留言就更加好少人記得。另外，個蛋糕好勁好surprise好正。

7. 夜晚發夢係街場打波打全場，感覺好開心。好想打波呀~

8. 打咗二十幾年嘅初三赤口賀歲波斷纜。

15/2(一) -- 年初四；新年假最後一日。係企hea到下午，B唔肯訓，出去買d嘢後上天晉(佢恰左半個鐘島only)。夜晚食埋飯返。

完

二月七日 -- 農曆生日

1/2(一) -- WFH；下午同CB去寶林拿嘢食嘢同行下，之後行返去尚德再買d嘢返企。夜晚我煮。

2/2(二) -- 收工返企夜晚C煮。

1. B夜晚早訓本來想執嘢，點知太攰自己都10點訓咗。

3/2(三) -- WFH；上午睇跌打，太耐無睇，超緊，扭唔晒；下午去咗彩明買嘢，B訓咗所以食個tea返企。夜晚我煮。

4/2(四) -- 收工返去C煮，之後再去睇跌打。

5/2(五) -- 收工去C娘家提早食團年飯同婆婆慶生。

6/2(六) -- 農曆生日。下午過天晉，食完嘢太攰想抖，B叫要去街，點知搞一輪一出門口lift都未搭佢就訓著咗。即返去大家都訓咗一下。4點幾醒，再落街買嘢再返天晉，夜晚食飯。

7/2(日) -- 中午買野上天晉食，跟住同呀爸切蛋糕慶生(農曆)。(呀哥夜晚去娘家團年)。下午係天晉hea，B又一落街就訓著。夜晚食埋飯返企。

完

一月三十一日 -- 4字頭

25/1(一) -- 收工返企，C準備咗嘢，我煮。

1. B好似越來越似情緒有問題咁... ...我都頂唔到。

26/1(二) -- 收工返去買外賣。

2. 拍拖紀念日。

3. 夜晚狂發夢又係d走來走去一係就好緊張果d夢，起身好攰。

27/1(三) -- WFH; 下午同CB去寶林行下，B係地鐵已訓，去到食左個安樂lunch，C送左銀包比我; 之後行去坑口，C配左眼鏡，再買外賣返企食。

4. 半夜B爆喊; 我醒左。佢訓返之後，我成晚訓下醒下到天光。超攰超眼訓。

28/1(四) -- 收工返去買外賣好似(唔記得)。

29/1(五) -- WFH; 下午同CB去左Donki同海邊，食埋野再係商場行左圈先返企。夜晚C煮。

5. 夜晚勁攰勁眼訓，10點就訓左。

30/1(六) -- 生日; 早上本來想早d出去天晉，但B發癲成朝唔肯換衫; 下午先出到去買野食上天晉; 攰到又恰左下。夜晚食埋飯返企。

6. 4字頭了。

31/1(日) -- 早上出去街市超市買野(Sanny來左TKO同呀B見左佢一下), 之後買野食上呀哥度, 食完hea多陣返企。夜晚Edf同老公上來拿BB野，買外賣一齊食埋先散。

7. 是日坐落地下輕輕地dun左一下，加上本來未好，再加上搬下野，腰背痛。

完

一月二十四日 -- 再戰鄧志昂

18/1(一) -- 請假一天; 一早5點幾起身出門6點前係官塘上車去TM幫手; 2點係荃灣簽完字影完相再食野先散，跟車到SSP再搭巴士返企。夜晚C煮。

1. 係街市被騙買左發霉士多啤梨。太攰。

19/1(二) -- 收工返企夜晚C煮。

2. 連續2晚早d訓都覺得補唔返咁，好睏。

20/1(三) -- 收工返企夜晚C煮。

3. 同Nat食lunch。借左2本書比我。

21/1(四) -- 收工去坑口拿嘢，夜晚C煮。

4. 半夜小腿抽筋勁痛。

22/1(五) -- WFH；下午同B去灣仔睇皮膚科，醫院有關衛生果科停咗，所以唔多人，亦都感覺安心d。睇完上娘家，夜晚食埋飯返企。

5. 今日難得去灣仔，去咗鉅利買咗生抽老抽同義記蠔油。

23/1(六) -- 上午去左呀哥度，執左堆衫仔同買外賣係果邊食lunch; 下午去天晉，夜晚食埋飯走。

6. 攰到係呀哥度食完飯恰左下，係天晉又恰。

7. 半夜醒，勁辛苦頂住。去個廁所，跟住頂唔住嘔，但嘔唔到野出來。之後返房

24/1(日) -- 中午落街買外賣上天晉食; 之後呀B攪極都唔訓，勁喊勁叫。最終帶埋佢落去街市超市etc買野，仲諗住佢係車會訓，點知完全唔訓。之後返天晉夜晚食埋飯走。

8. 呀B超鍾意個煮飯仔。

完

一月十七日 -- 突然醒起

11/1(一) -- 本來WFH，不過自己返公司，低過10度都起身返真係佩服自己。收工返企C煮。

12/1(二) -- 收工同Penny飲杯嘢，surprise Connie都來join。之後返企夜晚c煮。

1。難得同好友可以輕鬆坐一陣，很開心。

2. 今日佢地提起我生日，我先意識到我就來生日。今年真係完全無為意...(後按: 原來就來奔4......)

13/1(三) -- WFH；早上一家落街買嘢，係街食埋中午飯。夜晚c煮。

3. 尋日係公司同今日係街同c都被靜電啪咗幾嘢。

14/1(四) -- 收工返去夜晚c煮。

4. 本來lunch約咗Nat，不過佢臨時唔得。

15/1(五) -- WFH；下午同cb落街買嘢同行下海邊，夜晚食係Donki買嘅嘢。

16/1(六) -- 中午同呀哥買外賣上天晉食; 之後放低B，同C去坑口拿野同行一陣再返天晉，夜晚食埋飯返。

17/1(日) -- 中午買外賣上天晉食; 之後放低B，同C去附近買野同行一陣再返天晉，夜晚食埋飯返。

5. Harden個surprise trade完，今日第一場係Nets打竟然triple double兼贏波...不如Nets將K榮換埋Westbrook啦 xDD

6. 繼續希望resumption再postpone~~

完

一月十日 -- 天氣寒冷

4/1(一) -- WFH; 下午一家去左附近Donki街市超市藥房買野; 夜晚C煮。

1. 夜晚B食完野到我地要食時，太攰頂唔住去訓左個鐘，再起身食野同做埋d家務。

5/1(二) -- 收工返企夜晚C煮。

6/1(三) -- (自己返公司); 收工返企夜晚C煮。

7/1(四) -- 收工返企夜晚C煮。

2. 之前果晚都未12點訓，呢晚直頭做完家務後未10點就訓，太攰太眼訓。都無精神做下自己嘢。

8/1(五) -- WFH；全日係企hea，乜都無搞。夜晚出去買外賣。

9/1(六) -- 又凍又唔想郁係企hea一日，差不多6點先過天晉夜晚食飯。

10/1(日) -- 中午B食完野上呀哥度hea，我同媽買外賣上去一齊食; hea左一輪我同媽去街市買野再上天晉。夜晚係天晉食飯。

3. 天氣凍又係屋企嘅時間動力真係好低，唔想郁乜都唔想做...

4. 好想唱K同打波...

完

[無責任+非專業叱吒頒獎禮表現評]

 [無責任+非專業叱吒頒獎禮表現評]

(將會又係一路諗一路打，唔好捉我文口唔通順同捉錯字了，應該會打唔少字我唔會proof read了)

話說在頭，一向好鍾意聽歌，更鍾意聽Live。所以逢係歌唱節目尤其有live嘅都會想睇。而每年嘅樂壇頒獎禮更加係會儘量搵機會睇晒。(雖然我對音樂舊無深嘅認識)

一直都唔想成為以前後生果時見到嘅“老屎忽”。永遠沉醉係以前嘅世界，永遠覺得自己行開果套行之有效就唔接受改變，永遠覺得自己果套係啱。其實世界一直係度變，而且因為資訊流通得太快所以變得好快。本來都想講下呢幾年新人新歌，不過離題了，都係講返叱吒。

話說直播果日睇唔晒，不過呢2日上youtube搵返晒d表演片段來睇(official有upload)，所以真係好想講幾句。

首先要講一堆前設先。

現今樂壇，唱功水平一定係差過以前，唔使多討論嘅，跟本當年果堆經驗值同面對嘅環境都唔同。而且而家市場唔同左需求亦唔同左，面對住國際化嘅社會加上本土咁細嘅市場，青黃不接同萎縮係正常不過。不過一句就話未聽過/香港樂壇已死…etc果d可以唔使睇落去，無咩好同你地講。其實經過好多年比“純偶像派”洗禮左之後，近年已經多返好多唔錯嘅音樂人同歌手，亦都見到唔少好有heart嘅歌手，我覺得應該支持下本地嘅音樂嘅。不過以下評論之中講嘅“唱功好壞”，真係唔好同舊年代果d比較，我全部都用返而家average來講(當然最起碼都唔好走音無氣啦)。

另外呢，我發覺而家好多人聽歌原來係唔識分live唔live。最基本應該都知CD版係執過晒d聲掛? 其實even大家睇concert果d碟，或者電視上嘅唔係live嘅歌唱節目，唔多唔少都後期執過，同埋即使現場有tune都唔出奇。但係好多人好似耳仔被縱壞…類似叱吒呢d真係即場live仲要無乜和音無tune無遮無掩嘅演出，好多人就現形炒晒車。係網上見到好多人講excuse話佢地無ear mon無盛，其實無意思嘅。同場比較，點解有d歌手完全無事無問題仲唱得好好? 今次真係可以聽得出實力分野。

以下講返叱吒入面歌手嘅表現(有部份我聽過其他live，不過今次主打講叱吒入面嘅表現)

(排名不分先後)

莫文蔚 – 網上竟然都有彈。其實“呼吸有害”唔易唱，佢handle得好好，明顯有練過。因為無練過有d位係會好易上錯/轉錯聲嘅。更加值得一提嘅係佢表演果段Medley，畢竟係前輩級，不論係唱定台風都表現得好淡定大方，重新編曲加上連接各年嘅金曲都做得好流暢(呢個唔關佢事嘅)，我自己尤其鍾意尾二果首 “我們都是這樣長大的”，佢唱得好正喎。唯一我覺得唔好嘅，係佢把聲有老態，唔係咁“悅耳”了。不過佢一直唔係sell巨肺型，要唱晒十幾分鐘前、後輩嘅歌+有高有低音+記晒歌詞，以佢而家地位(算係咁啦)真係好俾面好有心了。

Per Se (featuring樹妮妮) – 我覺得Per Se嘅音樂幾特別(sorry我無乜音樂造詣，只係識講特別)，一開場2人演奏果段音頭都幾正，但係唱呢，就不敢恭維了(唔多講了)。Serrini近年都多人吹奏，我覺得“唔靚+sell唱功”唔代表唱功真係好勁，雖然佢唔係唱得差，不過我唔係覺得好好。暫時只係覺得佢d歌係幾有趣，走另類路線係得意嘅。

JUDE – 呢個一向都係知唔唱得的了。“零分”係好易上口好易入腦嘅歌，亦都因此傳唱度同cover數量都好高，而且幾乎翻唱嘅人都好過原唱… 當晚佢仲好明顯騰騰震勁緊張，全首歌都唱都唔穩…好大鑊…唱完見佢都知奶野。不過歌曲獎，主要係比首歌嘅…(不如都係比連詩雅唱啦)

陳廣偉 – 網上好多人鬧佢炒車。又有人護航，話佢學緊唱歌同埋轉緊唱腔。佢唱之前亦講左佢湊女辛苦亦都未開聲。好啦。我聽完覺得，佢走果粒音係炒得勁左，咁當然專業歌手真係唔好走音嘅。如果真係有眾多原因，一次半次我覺得可以接受。不過重點係，除左果幾粒音，佢全首歌其他位都好穩d聲好靚，屌打當晚好多歌手喎，咁又點計呢? 我偏向認為佢只係一時炒車only。雖然佢有少少李克勤2.0，唱歌sell技巧多過感情，但係我仍然比佢算高分嘅。

關智斌 – 今次sell佢出道17年第一次拿歌曲獎喎。Well，聽CD版首歌係不錯嘅，Live呢，炒到七彩，算吧啦。唱左17年都係咁就算啦，繼續sell你個樣啦。

馮允謙 – 之前一直對佢無感，係上年開始有聽多左佢d歌同埋有睇過佢演出，覺得原來都唔差喎。當晚演出，係眾多歌手炒車情況下，佢反而算係幾穩定，始終都唱左好幾年儲到d經驗值。前段好似未太入局，到第一次chorus之後開始穩定左落來就一直都不錯了。個人來講對佢評價有提升。

許廷鏗 – 果2屆嘅巨聲幫質素係較高，始終都係過五關斬六將出來，加上跳出comfort zone轉公司之後又有新衝擊，個人認為佢呢2年表現更加成熟。係當晚咁多表現嘅歌手，佢算係top果幾個了。有網上討論話其他歌手炒車因為音響問題因為無ear mon乜乜乜，不如睇下佢唱，再問下點解有d歌手(好似佢咁)係同一setting又無炒車?

MIRROR – 新一代歌手，雖然新(其實都出左道2年)，不過我覺得佢地經歷同表演機會算多，本身有潛力又勤力嘅話，其實係好有前景嘅。“IGNITED”都係走返典型近年男團路線，跳唱+rap，成隊跌舞練得好熟，邊唱邊跳無大問題，rap都無走算係清清楚楚，我覺得成場表演OK喎~ 好完滿又炒熱到氣氛嘅演出。千祈唔好話新一代不如一代丫~~

Dear Jane – 穩穩陣陣，Tim唱歌一直唔算係好top，以前仲有少少甩，近2年已經穩定左好多(雖然Howie寫比佢d歌一直都唔難唱)。Tim有佬味算係顏值擔當又唱得算OK+樂隊重心Howie有料+公司幫佢地包裝同拍MV拍得好，所以成功都非僥倖嘅。

柳應廷 – MIRROR其中一員。現場表現我覺得不過不失啦(穩定度有待改善)。MIRROR成班其實都算唔錯了，又後生又新，有前途。

姜B – 老實講，我呢個年紀嘅大叔，欣賞嘅男性外型都會係man果款，唇紅齒白類呢就唔係我杯茶了。不過靚唔靚仔從來好主觀，亦都跟當時大眾口味，的確而家好多妹妹仔或者呀姨就係鍾意佢呢type喎。講返佢表現，其實佢係表現得好唔錯嘅。以佢出道唔算長時間又咁年輕，雖然上台果時好似呆呆咁，又蝦碌攪笑，但係一唱歌就入晒局，睇得出佢身體語言都投入左係演出度。唱來講呢已經算係咁啦，穩穩陣陣唱晒成首歌無甩轆，對比其他人已經算係唔錯。講真，一個人紅可能有玩gimmick，但係好似佢咁紅就一定佢過人之處同原因嘅。

AGA – 如果以拿女獎嘅standard來講，佢真係唔合格。唱到吊吊下，又無氣，真心覺得佢Live唔掂。其實我一直對某堆歌手都有一個category係“Cam前唱cover唱得好好嘅歌手”。有好多而家所謂歌手，係studio/facebook/IG Live/Busking果類唱就好聽，但上呢d大台真係好唔同，唔得果d就會現形…AGA來講佢寫歌都不錯，可唱可作，不過唱就真係要再努力下了…講真，個人覺得唱來講Gin Lee高佢唔止一班。

二汶 – 呢個唔多講啦，好耐之前已經話佢係被低估嘅歌手，本身把聲好聽又有唱功嘅。雖然當晚表現只算係佢嘅平平。

RB – 又係果句，網上講其他歌因為音響呀Ear Mon呀有問題果d，睇下RB呀6號唱，你就會分別到咩叫唱得咩叫唔唱得。其實同場比較，真係無得避無得賴嘅。又要講多次，當年果期一堆band，我一來最鍾意就已經係RB了。無令我失望呀~~

好眼訓，主觀感覺，係咁多。

完