23/12(一) -- 收工跌打, C煮飯。
24/12(二) -- 平安夜早收; 返去睇跌打, 夜晚去左將中食越南野, 再買野飲同埋行下Aeon之後返企。
25/12(三) -- 聖誕日; 一早被叫起身幫手攪B; 下午同ConnieLoLoAmanda一家珊hi-tea, 都係食氣氛, d野就麻麻地, 不過同fnd一齊hea下過都幾開心。5點幾6點島散, 行左下Aeon同買野返企食。
26/12(四) -- 日頭在家, 一直都攪呀B d野, 呀C太緊張, 每一日每一個時候都nonstop有野要攪...太辛苦; 下午頂唔住恰著左差不多2個鐘, 呢排雖然keep住唔夜訓, 但係可能身體麻麻, 返工又辛苦, 所以一直訓得唔好, 放假都早醒幫手攪野...太累...6點島開始中同開始到我家, 到7點半島有人走先, 剩返人就落屋企附近食飯後散。
27/12(五) -- 收工跌打, C煮飯。
1. 今日叫係清完公司case了。(當然唔計routine立雜野)
28/12(六) -- 一早醒左, 都係決定返公司OT; 返去清左好多立雜野同埋claim錢野, 最終2點島就走; 返去一陣都係想睇跌打; 原來想快睇完去坑口, 點知睇左2個鐘, 又針又整...好痛; 睇完起差不多7點, 再餵呀B先出去; 係坑口行下買野同試左台灣野, 之後返企。
2. 跌打佬話我身體唔好, 所以好得慢...其實我都覺...
29/12(日) -- 約左SamEsther娟源MandyThomasDorothyAda聚; 之前已預左落雨但佢地話照book BBQ, 結果真係落雨; 臨時轉左食lunch之後去會所打一個鐘Bowling, 跟住行下買外賣上我家(ThomasMandy源走先), 食埋坐下先散。
來緊:
31/12(二) -- CSW貓飯聚
18/1(六) -- Cass婚
28/1(二) -- 年初四, BBQ
完
2019年12月29日 星期日
十二月二十九日 -- 聖誕
2019年12月22日 星期日
十二月二十二日 -- 冬至
16/12(一) -- Lunch MCT; 收工跌打, C煮飯。
17/12(二) -- Lunch Linah; 出site見客早d收, 行左下SSP; 早返去睇跌打早少少睇完, C煮飯。
18/12(三) -- 收工跌打; C煮。
1. 是日公司部門Xmas Lunch; 無去竟然都有得抽獎, 仲中左$500, 幫補下呢排狂睇跌打都好...
19/12(四) -- 老細SL, 所以無MA早走睇唔到跌打...收工返天晉clubhouse book左party room, 屋企做冬; 點知大塞車, 7點半先到, 全家等我食飯; 食完唱左幾首歌K, 9點夠鐘返企。
20/12(五) -- 又係無MA早走睇唔到跌打; 收工返企, ConnieLoLoNatPenny買外賣來我家食Gathering慶祝聖誕, 仲交換禮物; 10點半散。
21/12(六) -- 同呀C婆婆(同埋親戚)中午飲茶, 之後行左下北角後返企; 睇左跌打; 夜晚外賣。
22/11(日) -- 冬至; 下午出去行下食野同買野, 夜晚買外賣同食湯丸。
2. 冬至唔凍, 咁即係新年...
來緊:
25/12(三) -- hi-tea@TKO酒店
26/12(四) -- 中同聚
29/12(日) -- Sam etc聖誕聚
完
2019年12月15日 星期日
十二月十五日 -- 半歲
9/12(一) -- 收工返去淋個浴食d野再落去睇跌打; 整完返來都9點幾再食野洗野掉野執野再沖涼...完都差不多1點......
1. 醫師話骨已經差不多移正晒, 應該好得7788; 仲係痛係因為之前夾住壓住傷左條神經元, 所以要時間等佢好返...希望快d好返...
10/12(二) -- 出site早收返去睇跌打, C煮。
11/12(三) -- 返去睇跌打, 我買外賣。
12/12(四) -- 返去睇跌打, C煮。
2. 今日感覺有明顯地好d; 雖然每次睇完返來做完一堆家務之後又差返。
13/12(五) -- 呀B半歲。收工返去無睇跌打, 返企準備完就同呀C呀B出去食放題; 好耐無食過, 好飽。
14/12(六) -- 朝早睇跌打; 中午同CB出去食野同買野; 下午5點零源同娟來, 之後去Beans等埋Cass來佢派帖; 食完Cass走先, 源娟上我家hea多陣先散。
15/11(日) -- 下午落街食野同買野; 夜晚呀哥一家買埋野食上來(同埋佢地去活動整ge燒雞)一齊食飯。
3. 很疲累。
4. 其實有一下我以為有得傾, 不過我真係太天真。
來緊:
21/12(六) -- C家中午飲茶
29/12(日) -- Sam etc聖誕聚
完
2019年12月9日 星期一
十二月八日 -- 仍痛
2/12(一) -- 呀源生日快樂; 早走少少去睇跌打, 睇完好好多; 夜晚C煮。
3/12(二) -- 收工返去睇跌打; C同佢媽食, 我睇完已好晏, 返企是旦食d燒賣算...
4/12(三) -- 早走少少去睇跌打, C煮。
1. 連續地訓到半夜醒, 不過時間有一直推遲; 之前2點幾到4點幾到而家5點幾; 醒得來已痛到痺晒, 個人要爬起身踩落地行起碼半個鐘以上先好d, 5點幾醒如果要訓返到6點幾差不多要起身返工, 索性煮個飯。
5/12(四) -- 收工返去睇跌打; C煮。
2. 連續睇左差不多2個禮拜, 近2日開始有明顯少少ge起色; 起碼可以一覺訓到接近天光。
6/12(五) -- 早走少少去睇跌打, 之後買外賣返去食。
3. 之前果d漫畫又追到update, 早2日又搵左2套來睇; "Chainsaw Man"同埋"咒術回戰"。
4. 部電腦事隔幾個禮拜又chok得著返。
7/12(六) -- 早上起身睇跌打睇到點幾, 買外賣返去食; 下午hea到4點幾差不多5點落去行下買野, 買埋外賣返企食。
5. 玩具模型倉(舖名來)竟然係我家附近開! 正呀~~~
6. 東華籌款節目, 固然無咩吸引力; 唱歌環節無睇晒, 有睇果d好多都係expected得ge得唔得ge唔得, 不過菊梓喬真係差到忍唔住出post爆。
8/12(日) -- 下午同C&B去將中果邊食野同行下影相; 第一次食有火車送ge元氣; 之後再行下屋企附近就返去; 夜晚C煮。
來緊:
14/12(六) -- Cass派帖飯
29/12(日) -- Sam etc聖誕聚
完2
2019年12月4日 星期三
十二月一日 -- 繼續坐骨神經
25/11(一) -- 早走試去睇脊醫, 感覺麻麻地, 好似唔係好有效。之後返企, C煮。
1. Edith收工落左來MK陪我去搭車, 令人感覺安心少少, 最近很軟弱。
2. 企係街度等果時, 有個呀姐走埋來問我"要不要去玩?" 嗚哇我比咯咯撩 T_T
3. 睇脊醫, 比2個姑娘(MK妹)睇到我patpat...
26/11(二) -- 早走去左照X光, 再睇脊醫; 條骨歪左, 下面2節近左壓住左, 睇完又係覺得無咩料到; 睇完返去, C同佢媽剛開始食台灣野, 所以join埋佢地食。
27/11(三) -- 返去睇跌打, 夜晚C煮。
4. 一早入左科學園搵個客, 之後返公司。如果唔係痛, 其實感覺好似去郊遊咁。
28/11(四) -- 睇跌打, 夜晚C煮。
29/11(五) -- 早走返去睇跌打, 之後夜晚PennyConnieLolo來將軍澳一齊食飯, 去左玉子造屋食飯, 補慶埋Connie生日。
5. 今日早上就入左青衣, 如果唔係痛...again
30/11(六) -- 下午娟源SamEstherDorothyAda來TKO, 一齊食飯慶EstherDorothy源生日。夜晚食完散, 呀源上我家hea多輪先走。
1/12(日) -- 無去睇打波, 係企耍廢; Crystal 5點零來, 夜晚同我地食埋飯走。
6. Crystal超錫我, 拿左好多野比我, 希望止痛藥敷左真係止到痛...
7. 上星期講漏左, 係有少少空閒時間時, 搵左漫畫睇。睇左拳愿阿修羅(完左)(同埋續作未完ge拳愿奧米加), 唔使用腦無咩劇情打打打漫畫, 都算幾順暢同睇得清爽開心ge~
8. 今個星期就睇完左高分少女, 都幾得意, 但又未至於超正。可以一睇。
9. 訓左地下幾日, 都幾辛苦...長期訓到半夜醒, 冤痛到要爬起身成個鐘先訓得返...超唔夠訓...
完
2019年11月25日 星期一
十一月二十四日 -- 坐骨神經
18/11(一) -- 早收返去睇跌打; 夜晚C煮。
1. 牛下完左, 新大6劇完全無興趣。
19/11(二) -- 早收返去睇跌打; 夜晚外賣。
2. 真心覺得HK人好低質。
20/11(三) -- 早收返去睇跌打; 夜晚C煮。
3. 之前再試左一次地鐵之後, 都係寧願早起搭巴士返工。
21/11(四) -- 收工返企C煮, 佢表妹同表妹夫來一齊食。
22/11(五) -- 早收返去睇跌打; 夜晚外賣。
4. 條腰骨其實已經無事唔痛, 呢幾日係patpat位對下牽連到腳痛, 尤其係夜晚訓覺。痛到痴線, 例必半夜醒, 好辛苦。
23/11(六) -- 中午一家落樓下食下野行下, 之後我去睇跌打; 夜晚外賣。
24/11(日) -- 一早起身8點落到去票站, 好多人; 之後去Monterey睇佢地打波, 自己都射左幾下波; 買外賣返去食, 攪完呀B野係企執下hea下到5點幾出門, 同呀C去投票已少好多人; 跟住試下早排開ge豚王, 再行左下商場同超市之後返企。
5. 夜晚好痛好痛, 要去睇脊醫了。
6. 半夜訓唔著上網, 見到泛民大勝; 其實一人一票, 除非用好拿渣手段, 否則都仍然係泛民佔優。
完
2019年11月18日 星期一
十一月十七日 -- 亂
1. 由於再上星期電腦瓜左, 所以無出post。一切從簡。
十一月四日(一) -- 腰痛早收返去睇跌打。夜晚C煮。
十一月五日(二) -- 收工返去買外賣。
十一月六日(三) -- 夜晚C煮。
十一月七日(四) -- 之前果晚突然腰好痛, 加上口又痛, 好辛苦; 早d收工返去睇跌打, 叫我第日病假再睇。
十一月八日(五) -- 4周年結婚紀念; 腰好過尋日少少, 病假一天, 睇跌打。一起身就頭痛, 痛左全日; 跌打睇完感覺好左; 下午出去海邊食台灣野, 之後返企, 頭好痛恰左下; 起身好暈, 頂唔住去左睇醫生; 夜晚返左爸媽度食飯; 之後感覺好少少。今日無得慶祝, 之後再補返吧。
十一月九日(六) -- 在家。
十一月十日(日) -- 8-10將軍澳, 好耐無打全場, 過腰痛都無點打...; 之後都係在家。
十一月十一日(一) -- 全港塞, 返唔到工; 夜晚過左呀哥度痴餐。
十一月十二日(二) -- 收工返企, C煮。
十一月十三日(三) -- 全港塞, 返唔到工。
十一月十四日(四) -- 6點半島出門行去調景嶺搭地鐵, 去到彩虹開始被塞, 最終9點鬆d先返到去。收工正常。
十一月十五日(五) -- 6點半島出門有巴士搭, 7點半返到去。收工返去正常, 買外賣。
2. 一早起身時打左舍乞痴chok親條腰, 痛。
3. 牛下女高音 -- 其實都幾好睇, 亮點係果班中年, 尤其係遊子--黑仔--Anita果段。
十一月十六日(六) -- 全日係企, 出左一出去樓下食下野。夜晚外賣。
十一月十七日(日) -- 條腰唔得, 柴灣果邊固然無join, 將軍澳射波都無去了。全日在家, C同B都無出街, 真可憐。我落左超市買野only; 夜晚C煮。
4. 條腰chok親後keep住唔得, 企同行一d事都無, 坐麻麻地, 訓就好唔掂, 所以訓得好差。星期一一定要去睇跌打了。
5. 長時間係屋企除左睇B無咩好做, 又搵左套漫畫來睇; 拳愿阿修羅 -- 齋打嘅漫畫, 睇左一半了, 完全唔使用腦, 消磨下時間都OK xD
完
2019年11月4日 星期一
十一月三日 -- 轉身
28/10(一) -- OT到8點島。之前食左個杯麵, 返企又食左少少野。
29/10(二) -- 收工去將中幫呀嫂拿野, 再拿埋上佢地家; 再返企食飯, C煮。
30/10(三) -- 係SSP收工, 終於約到一個N個月前的交收, 大家都有事好難出到來, 終於交收到; 行左少少SSP, 又係就來有車又晏無行晒; 又去將中幫呀哥拿野, 買外賣返企食。
1. 是日呀B終於靠自己成功轉到身了~~
2. 做錯公司野, 本來諗住好麻煩, 點知又好似唔難攪; 不過雖然補到鑊但自我感覺都唔良好。
31/10(四) -- SSP收工, 又係行左一下之後返企, C煮。
1/11(五) -- 收工返去, 落街食飯。
2/11(六) -- 今日下午去左寶琳再去坑口之後, C同B先返去, 我係坑口買左五國食物返企。
3/11(日) -- 8-10 Monterey, 今日同上星期一樣有DerekVictor馬, 我係team作為第二、三得分人, 算係OK, 有一場無呢三個人對其中兩個輸之外, 我有份隊都贏; 記有一場一直輸好多分, 靠Derek一個入好多波, 再我入一球三分反超, 最後贏。下午出坑口行下, 夜晚C煮。
來緊:
10/11(日) -- 8-10將軍澳運動場
完
2019年10月28日 星期一
十月二十七日 -- 累到爆
21/10(一) -- 收工返企, C煮。
1. 今日呀B打左2針, 夜晚有少少燒。不過佢好乖無扭。
2. 呀B燒到應該好唔舒服, 但係tum下佢佢都會笑, 真係好sweet呀, lum死老豆~~
22/10(二) -- 早少少收工返企, 之後EdfIreneRita來我家買外賣上來慶Rita生, 佢地10點幾走。
23/10(三) -- 收工返企C煮。
3. 事隔多月, 是日NBA開鑼了~~
24/10(四) -- 出site早收返企, C煮。
4. 是日頭赤。
25/10(五) -- 收工返去買外賣。
26/10(六) -- 朝早睇左少少NBA直播, 下午出左去行下海邊同係將中食野, 再買左堆野返來; 夜晚外賣。
27/10(日) -- 8-10 Monterey, 是日又係唔多夠人結果打足nonstop; 返企沖涼老豆打來求救, 咁岩今日呀哥做手術出院、呀嫂同仔去旅行、呀媽返工, 得返老豆一個睇姪女, 竟然唷左魚骨, 即時去果邊幫手睇下, 好彩無事唔使去急症; 返來之後又一路無得抖, 5點幾呀C朋友來, 去買左外賣, 我拿埋去呀哥度同佢食先返。全日無抖過, 累死了。
來緊:
28/10(一) -- OT
完
2019年10月20日 星期日
十月二十日 -- 累
14/10(一) -- 收工返企, C煮。
1. 新果套九半無咩興趣, 好耶可以慳返d時間hea下。
15/10(二) -- 收工返企, C煮。
2. 牛下女高音 -- 做左個幾禮拜, 暫時只係覺得普通。本來都有d期望, 因為一班老戲骨, 幾乎都係like的, 可惜人物多, 一來分薄左時間, 二來性格唔夠突出, 雖然好似個個都有自己特色, 但骨子裡都係老好人; 我覺得應該每人都各自有缺點, 而個缺點係真係要出d同埋真係顯示出個角色雖然係好人但都有佢弱點, 而家就結果係佢地每人都係一個職業, 但性格就唔突出。
16/10(三) -- 出site去海盈有早收, 行左去SSP行下, 結果行左模倉同精品之後差不多有車, 再下一架就要過多20分鐘又太晏, 結果放棄左去福利上車返企。夜晚買外賣。
17/10(四) -- 收工返企。
3. 今晚Edf幫我拿部手機去整好了, 真係唔該晒。除即屋企部電腦瓜左boot唔起了...
18/10(五) -- 收工同C&B同呀媽一齊去左街食飯。
4. 尋晚都今朝到今晚經過左幾次嘗試, 終於boot得起部機, 即時backup。
19/10(六) -- 是日好累好眼訓, 訓得晏起, 攪完一陣B野我又走左去訓, 真係太累唔係唔想做野; Nat大約6點島到, 攪好呀B後7點島出去, 本來想去海邊不過都無去了; 補慶Nat生日食完飯去將中行左個圈再返企, 佢10點半島走。
20/10(日) -- 8-10 Monterey, 是日又係好似上星期咁係咁cut-in layup入好多, 反而射波一般; 中午全部人過左天晉食飯, 之後去左街市同超市入貨, 預備呀B明天打針之後呢個禮拜唔去街。夜晚食外賣。
來緊:
22/10(二) -- Rita慶生飯@Home
完
2019年10月14日 星期一
十月十三日 -- 雜記
8/10(二) -- 一早起身提早出門, 但係都塞左係TKO好耐, 結果放棄返企, 拿病假一日; 睇埋西醫(眼皮同頸)同埋跌打; 夜晚外賣。
1. 今日將鏢人都追到update; 來緊目標應該係野良神?
9/10(三) -- 腰很痛, 早走返去睇跌打; 夜晚買外賣。
2. 是日C last day, 外母亦都返去娘家。
10/10(四) -- 收工返企, C煮。
11/10(五) -- 收工返去買外賣返企。
12/10(六) -- SamEstherDorothyAda娟MandyThonas下午來TKO, 補慶Mandy同Ada生日, 源臨時唔知咩事來唔到; 本來預2點半島, 結果最後一個4點先到...餓, 去左海邊果d餐廳, 食左台灣野, 之後買左糖水上我家; 6點半7點島散。
3. 原來Thomas之前因為壓力加上太在意最近社會事件, 夾夾埋埋令到精神有唔舒服, 影響吞嚥, 仲瘦左好多; 之後睇返醫生而家食藥就好好多了。我估好多女仔都會想有呢個病 xD
13/10(日) -- 8-10 Monterey, 今日剛夠6個可以3打3, 可能唔係4打4關係, 個場入面無咁密, 鬆動左進攻方壓力低左, 今日反而好多入攝走位roll-in入左好多layup, 射得唔多波, 又打得唔錯, 可惜腰痛, 進攻勉強Ok但防守就差好多了; 打完買外賣返企食早餐沖涼抖, 太累訓到差不多4點, 又出海邊果邊今次試左泰國野。之後返去買外賣返企, 夜d先食。
4. 金宵大廈結局都算係咁, 無驚喜, 我覺得都唔算係爛尾ge~ 唯一係最後回憶太多, 同埋無啦啦林哥仔林老師同時出現無解釋, 又無講究竟靚寶係咩來~~
5. 星期四比左部舊電話Edf幫我拿去整, 跟住呢幾日就完全無左果邊whatsapp了~ 唔知幾時整得返呢?
6. 之前睇左醫生, 隻眼同頸果2撻醫生話應該唔係真菌, 搽左幾日藥之後已經好好多; 腰痛雖然好d但係就仍然未好...
來緊:
19/10(六) -- Nat來?
完
2019年10月8日 星期二
十月七日 -- 見工+TKOTG
30/9(一) -- 收工返去買外賣, 好累好累好眼訓。
1/10(二) -- 公眾假期一天; 本來想中午同呀馬射下波, 最終都無機會; 2點幾出去同呀C呀B呀媽外母呀嫂同姪仔姪女去左將中食tea, 4點幾返去我買野夜晚我煮。
2/10(三) -- 收工去調景嶺等間舖開等左差不多一個鐘, 買呀C急住要ge奶pump, 買埋外賣返去比佢地食, 8點4島返到去。
1. 是日太累, 未11點就訓左。
3/10(四) -- 收工返去買外賣; 我食尋晚剩果d。
4/10(五) -- 放假一天; 早上醒左再訓再醒再訓逼自己訓多少少, 起身hea下又溫少少, 中午出門見工; 見完雖然放鬆左, 不過見就實在覺得自己表現麻麻, 算了; 之後係天后行去北角, 中途do八達通, 搵唔到呀媽所以無上佢度, 行左新開北角奇趣就返TKO; 本來想睇一睇醫生, 點知話醫生六點先到, 開三點六點先到? 返到企外母走, 我睇B; 夜晚外賣。
2. 發左個可怕夢, 又見到佢; 點解咁真實又咁長?
3. Interview來講覺得自己緊張左少少, 所以食左螺絲, 同埋講野快左少少, 有幾下回應都覺得麻麻地; 本來都覺得希望不大, 而家更加算吧啦。
5/10(六) -- 是日全港無地鐵; 下午Trista呀勇Ad-hoc帶埋B來我家hea傾下計同吹水; 夜晚去左尚德買外賣返來食; 佢地10點半島走。
6/10(日) -- 8-10 Monterey, 今日唔夠人, 打左幾場2 on 2, 之後竟然1 on 1, 玩我咩...; 之後返企呀媽同呀哥一家來左一陣, 佢地1點幾走; 下午係企做家務, 夜晚我煮。
4. 條腰痛左幾個禮拜未有機會睇, 仲要打2on2之後再1on1, 加上我skill set從來都打唔到1on1, 真係玩死我; 之後腰酸背痛連腳d肌肉都痛 xDD
7/10(一) -- 重陽節公眾假期一天。今日Popcorn開返, 中午去左將中果邊食野行下再返企; 夜晚我煮。
4. 金宵大廈進入尾聲, 暫時都未有單元係差, 希望唔好爛尾; 牛下女高音有d期待, 第一集介紹下d人出場, 未有驚喜。賓穎原來都幾多戲份。
5. 今晚將軍澳站TG解鎖; 究竟d人要攪到幾時?
6. 呢個星期係等、搭車、hea時間將鬼滅之刃同Beastar都追到update, 都幾癲; 鬼滅之刃劇情都係幾正宗王道漫畫, 雖然未叫好特別, 畫功又唔係十分出眾, 不過節奏明快又唔拖, Overall都算唔錯; Beastar就真係好好睇, 劇情好特別, 又估唔到個走向, 講角色d心理好細緻好真實, 而且都好暗喻現實社會, 好正。
來緊:
12/10(六) -- Mandy BDay @ TKO
完
2019年9月30日 星期一
九月二十九日 -- 有工見
23/9(一) -- 收工返去, 一齊出街食米線陣。
24/9(二) -- 外母有事唔得閒, 我同C放假一日睇B; 本來想中午同馬食飯, 不過就唔到時間; lunch去左食Outback, 之後去調景嶺行個圈, 交埋呀B幼稚園申請表, 返來TKO我自己去買野, 夜晚我煮。
1. 之前報左份工, 是日打來約時間見工; N年無見過工, 點算好。
2. 是日呀B達成去晒4個將軍澳區地鐵站。
25/9(三) -- 放左一日假, 返到公司勁多野; 本來打算OT, 不過都係唔太想, 所以係返工時間狂衝, 叫係控制得住d工作, 最終無O; 收工勁累頭勁實, 又唔夠訓; 返去買外賣。
3. 金宵大廈連續幾個故事都好高質呀~~ 奇幻得來有懸疑成份, 又有d恐怖, 而且仲會有bad end~~ 而每一個故仔又會帶點現實社會問題, 非常貼地, 睇得出係有心思的。最近2個故事sell少少親情同溫情, 睇到我眼濕濕添呀~~
26/9(四) -- 收工返去買外賣。極累。
27/9(五) -- 收工返去買外賣。
4. 是日早上跌左個電話, 壞左mon......
28/9(六) -- 2點島落街食個tea同行下之後返企, 5點島太太太累係sofa訓左; 夜晚我去買外賣返來食。
5. 馬浚偉以前我一向覺得佢所有野都係拿B, 而家唔知係佢進步左定係其他人平均水準下降, 覺得佢幾OK; 今日唱歌節目聽佢唱歌都不錯。
29/9(日) -- 9-11 Monterey, 今日算係打得不錯, 正常, 雖然有d位都衰衰地, 但腰keep住痛無辦法...; 中午同馬一家食lunch, 之後返企hea下; 夜晚買外賣。
來緊:
4/10(五) -- 見工
12/10(六) -- Mandy BDay @ TKO
完
2019年9月23日 星期一
百。日。
老土d講句，呢一百日真係百感交集，要講都講唔晒。不過都想講少少感想。
阿B百日快樂，爸爸love u and ur mum~~
標籤： 個人感受/感想/人生觀
九月二十二日 -- 百日
16/9(一) -- 收工返企, C下午覆診所以早返屋企, 佢煮。
17/9(二) -- 放假一天; 早上同呀B去瑪麗覆診。中午返來買野食, 之後自己出去天晉、買送、返來掃地抹地、煮飯、整左好多野, 累死人。
1. 金宵大廈睇左2集暫時不錯喎。
18/9(三) -- 收工返去買外賣。
2. 金宵大廈ok做到果種陰深氣氛同埋不安感喎~ xDD
19/9(四) -- 出site去竹園, 原來都不錯; 早少少收返去煮飯。
20/9(五) -- 出site去順利; 早少少收; 返去等呀C返來一齊出去將中食拉麵。
3. 是日呀B百日。
21/9(六) -- 早上攪完一輪家務同B後, 中午太太太累同眼訓, 竟然一訓訓左幾個鐘。4點幾同5點幾呀源同Sanny來, 到7點島一齊去食飯, 補慶Sanny生日, 之後散。
4. 是日夜晚開始有d唔舒服狂流鼻水同打乞痴。不過第二日起身就好返d。
22/9(日) -- 9-11 Monterey, 呀B同C一齊去球場之後走, 今日打得普通, 唔太差, 不過硬係覺得爭d, 同埋強烈地覺得好想練下波; 返企之後抖下, 到4點島出去食tea同行下; 夜晚買返賣返去食。
5. 是日累到未10點就訓著左...點幾鐘醒左整下野後2點幾先再訓。
來緊:
24/9(二) -- 放假一天;
完
2019年9月17日 星期二
九月十七日 -- 三個月+中秋
9/9(一) -- 呀C準備明天返工跟住辭工。外母今日開始來住一個月幫手。
1. 咁好彩同時候呀姨姨丈、加拿大返來ge嬸嬸同一時候來HK, 所以最終比錢book酒店比嬸嬸住, 外母同老豆就係我呢邊訓, 我就訓廳。
10/9(二) -- 白田同事來睇BB; 買左外賣返企食。好耐無見, 仍然係果句, 好傾仍然都係好傾呀~~
11/9(三) -- 同C+B+外母出街食, 之後佢地返企, 我去見下呀姨姨丈, 之後一家去見下嬸嬸。
12/9(四) -- 本來夜晚OT, 不過搵左同事頂; 收工去坑口外母拿眼鏡, 之後行返去尚德買外賣返企食。
13/9(五) -- 中秋節早收3點; 返企攪完B之後, 早少少落街食飯, 之後去左海邊行下賞月玩燈籠先返企。
2. 今晚終於有得訓返自己床了~~訓左幾日sofa, 條腰很冤。
14/9(六) -- 係屋企hea左半日, 5點幾一家出去食野行下將中果邊, 再上天晉見下姨丈呀姨佢地, 再返企。
15/9(日) -- 8-10翠林; 是日打得唔好, 不過好耐無打全場, 打得幾開心; 打完返去就一家出去行下, 遇到呀哥所以佢同我地去左將中一齊買野飲; 4點半島返企。夜晚我煮。很累很眼訓, 10點幾訓著左...
來緊:
17/9(二) -- 放假一天; 呀B去瑪麗覆診。
24/9(二) -- 放假一天;
完
2019年9月9日 星期一
九月八日 -- 雜記
2/9(一) -- 一早起身落大雨, 又話有人攪事, 所以遲d出門返工; 下午去荔枝角聽bfing, 早少少收工, 係果邊所以順便落MK買扭蛋先返企; 出左一段時間, 幾乎行晒d舖都話賣晒, 好彩最後最後一間仲有! 今次呢套除左儲開個系列之外, 仲有愛機, 所以唔可以miss呀~~
3/9(二) -- 收工返去上天晉全家人一齊食飯。
4/9(三) -- 放假一日; 中午一齊去寶林行同食tea, 再返TKO行左下, 差不多4個鐘先返企, 呀B仍很乖; 夜晚C煮。
1. 呀B今晚喊左野好勁, 有d嚇到。
5/9(四) -- 收工返企, C煮。
2. 是日公司我地部門一人派一部小米。
6/9(五) -- KC 6個projects一齊resumption, 痴線。收工返去買外賣食。
3. 之前清左唔少case, 今次resumption我要處理ge case唔算好多wor~
4. 她她她的少女時代, 真係一套好劇; 雖然只係短短20集(做到15集), 但係中間講ge人情(父母、父女、母女、母子、老夫老妻、離婚、少男少女、少男少女對年長男女...etc etc各種各樣)同埋有d基本道德觀念、理想、仇恨、寬恕...好多野好豐富, 但又唔會好夾硬, 全部都鋪排得幾好, 又唔會太淺。劇情同對白之間又滲透左好多人生道理同埋正確道德觀, 個人認為幾高質。而係帶出咁多人情同道理之外, 劇情又唔會悶, 演員發揮得又好好(我覺得勁在佢地做得好自然好生活化, 完全無一個人係浮誇或者想突出自己), 雖然今次無特別靚仔演員但有靚女, overall來講係一套unexpected好劇, 有機會係我今年最like。
7/9(六) -- 中午一家出去, 食左呀C好耐無食好想食ge邊爐(將中牛氣), 之後行下街5點島返企; 夜晚買外賣。
8/9(日) -- 9-11 Parkside, 打得幾盡興; 中午同ConnieLoLo一齊去寶林食lunch同行街, 買左返工shirt衫, 5點島返到企; 夜晚我煮。
5. 來緊呢個月係最難捱日子之一, 呀C返工一個月; 來緊呢個星期仲嚴峻, 咁岩呀姨佢地來, 老豆要過來訓, 外母又要幫手, 又係過來住; 唔...
來緊:
10/9(二) -- 白田同事來
12/9(四) -- 夜晚OT
完
2019年9月2日 星期一
九月一日 -- 行街街
26/8(一) -- 收工返企, 買左d外賣同埋C煮左一樣野夾埋來食同埋帶飯。
27/8(二) -- 收工上天晉食飯, 補祝媽生日。
28/8(三) -- 收工返去買野, C煮, 我煮d。
29/8(四) -- 收工返企。
30/8(五) -- 收工返TKO買外賣返屋企食。花姐姐來睇BB。
1. 今日Summer Intern last day了, 真係一個好幫得手同好乖ge妹妹。適逢呢段時間屋企睇B又累, 公司又勁多野做(要清case同埋之後出offer再加埋d後續工作), 好好彩我team果個summer醒目又肯做野, 真係幫到好多。
31/8(六) -- 中午同馬一家食晏, 行左下街先散; 夜晚去尚德買泰國野返來食。
1/9(日) -- 10-12 Parkside, 今日好多中同都來打, 我又可以去, 所以好開心~~ 打得ok啦無特別, 不過都唔重要了~~ 下午我地一家去坑口行, 一人配左副眼鏡(好平), 一人買左對鞋(我對皮鞋已穿), 我仲買左條短褲, 之後再食個tea先返企, 呀B份程無叫好乖, 太好了; 夜晚食左外賣。睇左好耐電視仲砌起隻模型。
2. 香港已瘋狂; 香港人好低質。
來緊:
3/9(二) -- 白田同事來
完
2019年8月25日 星期日
八月二十五日 -- 有得打波+Turn A
19/8(一) -- 收工返去買外賣。
20/8(二) -- 收工返去煮飯。
21/8(三) -- 收工買外賣食; Penny, Yee同ConnieLoLo來睇B, 8點半島走。
1. 她她她的少月時代暫時很不錯; TVB果然係拍小品最好睇。主打果班演員都算係有演技果堆, 所以好容易就撞晒d火花出來(李國麟、呀田、李思捷、呀廉等等, 林凱恩係年輕果堆來講都算幾好, 而做小三ge梁芷珮雖然唔年輕但係好索喎~)
22/8(四) -- 是日下午出site, 快閃左SSP後去平田, 早少少收工; 返去睇左好耐無睇ge跌打, 雖然比佢拖左好耐, 不過最近條腰好緊好冤, 都真係要睇一睇; 夜晚C煮飯。
23/8(五) -- 是日下午出site, 好耐無去過蘇屋, 拆左起返第一次去, 已經唔同晒; 估唔到又真係係附近撞到周天恩; 睇完樓之後去左搵Crystal傾偈, 好耐無見, 之後行下SSP後返企; 夜晚帶埋B落街食飯。
24/8(六) -- 好累好眼訓訓到好晏先起; 中午同CB落街食飯買野, 返企抖一下; 夜晚去天晉clubhouse番薯生日party, 9點走。
2. 是日砌起左隻HG Turn A Gundam, 可惜對翼斷左。
25/8(日) -- 9-11 Monterey, 是日嚴重唔夠訓同腰痛咁打, 不過都打得不錯; 有一場比果個好勁ge高佬炒左我同Derek一隊0分, 太可怕; 有得打波真係好開心, 打完個人都精神好多~~ 走果時落大雨, 不過都怕屋企C同B等, 照行, 有遮都濕晒, 鞋入面都濕埋; 下午4點幾自己落去買野返來煮飯。
3. 呢個世界，一來就give it all係件蠢事。
當你以為一開始已經做到最好，別人都只會覺得呢個standard係理所當然。然後當你覺得自己已經做得好好，有時想抖抖/要求d野ge時候，人地就會覺得你做得唔好。
難怪咁多人平時都係hea做...間唔時做好d就比人讚。
來緊:
3/9(二) -- 白田同事來
完
2019年8月19日 星期一
八月十八日 -- 累+眼訓
12/8(一) -- 收工返去超市買野, 煮日頭外母來果時買果d野來食。
13/8(二) -- 本來周天恩來睇B, 不過佢臨時話記錯有野做, 所以cancel; 收工返去買外賣食。
14/8(三) -- 周天恩真係來睇B; 收工係TKO meet佢再買外賣返去食; 好耐無見, 果然係中學老友, 雖然少左聯絡, 但係仍然係好傾。9點半島走。
15/8(四) -- 收工返企, 呀C煮左飯。
16/8(五) -- 收工一齊去買野同買外賣, 之後上天晉拿野, 再返企食飯。夜晚3點幾4點先訓。
1. 十二傳說大結局, 都算係唔錯, 一直鋪陳?劇情同人物關係係最後一個故事出晒來, 雖然之前每個故事都唔長, 不過2個主角一直陪養ge感情都唔錯; 雖然比我會揀呀Moon xDD
2. 仍舊係做咩都係應份, 佢就做咩都係付出。
17/8(六) -- 全日睇B, 下午落左去食左個tea同買野。夜晚哥一家上左來一陣; 又3點幾訓。
3. 其實第日唔使返工都唔係咁夜訓, 因為個身體要adjust...同埋夜訓一晚第日訓晏d都補唔返。玩完。
18/8(日) -- 早上無得打波; 中午Rita同老公帶埋B來, Edf幫買lunch上埋來; 4點島走晒; C舅母來, 我落去買野; 夜晚太累恰著左, C煮。
4. 818和理非大遊行, 令我擔心係行完和平解散之後, 預左政府繼續無回應, 然後激進果班就更加因為咁而更激進。
來緊:
3/9(二) -- 白田同事來
完
2019年8月12日 星期一
八月十一日 -- 混亂
5/8(一) -- 是日全港大罷工, 返工時間長左好多, 遲左差不多一個鐘; 大約4點半公司放人, 返去買野煮飯。
1. 少少唔同理念、反過份暴力就被人叫偽黃比深藍可恥? 真係好笑。
6/8(二) -- 遲返工; 收工返去, 因為架車遲+塞, 無咩野買, 用左之前買定ge野hea煮。
2. MD出埋d講唔清楚msg, d中級管理層又點會夠膽叫人唔好返工; 結果當然係照返工, 不過其實都寧願返去清野, 而且又有site約左要出。
7/8(三) -- 是日七夕; 收工返去星期三Jusco買野, 煮唔到飯所以買外賣返去食。
8/8(四) -- 收工返企, 日頭外母來過買左野, 我煮。
3. 一直唔想攪多樣野, 無奈搵唔到出口, 所以最終開左個IG, 算係多樣野攪下。
9/8(五) -- 收工Cass進源來睇B, 大約9點走。我收工返來買左外賣。
10/8(六) -- 是日中午ConnieLoLo ad-hoc來睇B, 跟住一齊落街, 佢地去睇書飲咖啡, 我同C帶埋B去將中食野, 試左果間老媽拌麵, 又貴質素又一般份量又細; 夜晚買外賣食。
11/8(日) -- 8-10 Monterey, 今日都打得幾好, 仲贏波多; 下午3點幾同C&B出去尚德食野同買d野, 夜晚煮少少加埋呀媽整ge野。
4. 今晚HK人真係痴晒線...
來緊:
13/8(二) -- 周天恩來睇B
完
2019年8月5日 星期一
八月四日 -- 外母返歸
30/7(一) -- 收工返企。
31/7(二) -- 收工返去TKO附近買野再上天晉拿野再返企食飯。
1. 洛克人X5已經差不多打左唔同打法了。
1/8(三) -- 估唔到下午8號波, 收工返企下半身連鞋襪都濕晒; 外母出街夜晚自己煮。
2. 終於轉左手機歌list。
1/8(四) -- 收工返去買野煮飯。外母返左去, 要整更多野, 又更夜先有得訓。
2/8(五) -- 收工返企, 買外賣。
3/8(六) -- 全日睇B, 下午一齊落左去樓下食tea, 好彩呀B無扭無點喊; 夜晚呀媽係果邊煮左野, 我過去拿。
4/8(日) -- 呀馬生日快樂! 8-10Monterey, 之前果日同呢日盡力幫手, 所以拿到2個鐘去打波; 好累好眼訓, 不過都算係打得OK; 打完買早餐返去, 再落街買米買野; 夜晚自己煮。
來緊:
9/8(五) -- Cass進源來睇B。
完
2019年7月30日 星期二
七月二十八日 -- 不忿
22/7(一) -- 收工返企。
1. 是日呀C有發炎發燒, 訓左大半日已好好多。
23/7(二) -- 收工URA舊同事來睇B(CarolAmandaMandyWai), 估唔到一來傾到10點幾先走, 仲要無食到飯; 我送左佢地落去之後先買左KFC食。
2. 可惜最熟ge Connie同LoLo無來...其他又無咁熟。
24/7(三) -- 收工源同Kenneth來睇B; 原來諗住佢地來坐一陣就同佢地落去食個飯, 點知唔知點解佢地一坐就到9點幾10點, 又係無食飯就走(不過佢地食左薑醋又飲湯都唔餓)。我就是但整左個撈麵食。
3. 一早有人無啦啦send左張相來, 睇完茫然左一段時間
25/7(四) -- 本來Nat同Yee來, 不過Nat媽整親, 所以cancel, 希望佢早日康復; 收工返企食飯。
26/7(五) -- 收工上一上天晉之後再返企食飯。
27/7(六) -- 中午同C落街食野同買野, 娟等人下午來, 大約5點走; Sanny等人5點半島來, 7黠島走; 夜晚係企食野。
4. 今日得知Connie驗血結果可以做手術, 希望佢順順利利, 快d好返, 身體健康。
28/7(日) -- 8-10柴灣, 今日好眼訓又累又腰痛, 打左幾場好似入得一粒波咋~ 不過都算係一球關鍵, 14-14時tie breaker到17-14, 之後仲贏埋Derek隊添~~ 另一場雖然進攻都無咩貢獻, 但都贏到, 所以都打得開心ge~ 中午同C同B係樓下買d野, 之後EdfIrene同Jessie一家上來坐左個幾鐘; 3點島C呀爸來左, 夜晚一齊食飯。
5. C呀媽無啦啦講開, 原來滿月食飯果日, 佢地果邊唔係好滿意; 話叫餐又唔夠食, 又話人地比d禮我地, 比d咁野人食wo; 其實當日叫左2個餐+散叫左一堆野, 因佢地要book房有最低消費已經狂叫野, 都唔知佢地唔夠食; 另外TKO星期六日d肆好難book位, 要就佢呀婆輪椅+舅父早走, 得一間有得book 6點(其他一係無位一係8點); 當日都有問過佢地使唔使再叫多d; 重點係其實決定權都係C度, 基本上我都無咩say(但係負責比錢啦當然)...很無奈。其實一早只係想2家人core family百日食個簡單飯, 都係因為要就佢呀姨先食滿月, 到最後佢呀婆又無來...算吧啦。
來緊:
完
2019年7月23日 星期二
七月二十一日 -- 暴亂
15/7(一) -- 下午放假去金鐘拿出世紙, 之後去灣仔專科排期。
1. 原來灣仔果間唔係齋皮膚專科, 所以係無儀器的。不過就可以排快d, 到時有需要再轉去第間, 又唔當新症, 所以可能仲快過直接去專果d度。
2. 灣仔果間係會睇埋性病; 本來我都無咩野, 又唔係特別歧視, 不過見到有幾個真係好似雞蟲呀叔同埋又有似灣仔酒吧菲律賓女之後, 感覺唔多好...
16/7(二) -- 收工返企食飯。
17/7(三) -- 收工去觀塘拿孕照相薄, 之後先返企食飯。
18/7(四) -- 收工返企食飯。
3. 呢幾日好熱好焗, 今日更加係尤其特別誇張。
4. 但係連呢幾日咁熱, 我夜晚訓都唔使開冷氣, 又真係唔覺熱喎...
19/7(五) -- 下午過上環總部, 之後同AnselCandyCharlie仔一齊上我家睇B。無同佢地食飯。
20/7(六) -- 無返公司OT, 難得訓到10點。11點幾同C落街食飯同行下, 佢終於可以出關了。下午係企, 夜晚係企食飯。夜晚上海表姨來左一下睇B。
21/7(日) -- 8-10翠林, 雖然累, 但都打得唔錯, 走果時痴車走行過商場時仲撞到呀Grace; 返去買d野食, 3點幾C有2個朋友來, 到到6點幾先走; 夜晚係企食飯。
5. 今日講起, 佢媽先話比我地知原來西貢佢細佬屋企其中一隻狗仔Curry走左...
6. 是晚元朗果班人痴左線, 睇到個人好難受...
來緊:
23/7(二) -- Connie等人收工後來
24/7(三) -- 源Kenneth來
25/7(四) -- Nat同Yee來
27/7(六) -- 娟等人下午來; Sanny等人5點幾來
28/7(日) -- CSW同事來
完
2019年7月15日 星期一
七月十四日 -- 滿月
9/7(二) -- 收工返企食飯。
10/7(三) -- 收工返企食飯。
11/7(四) -- 收工返企食飯。
12/7(五) -- 收工返企食飯。
13/7(六) -- BB滿月; 一早起身去坑口健康院打針; 夜晚滿月飯。
1. 是晚頂更到4點先訓, 要一個平時要返工ge人頂是咪有d辛苦 X_X
14/7(日) -- 8-10翠林, 之前果晚4點訓, 好眼訓, 雖然表現一般般, 都唔算差, 連續2場對住強隊(Derek+勁人), 贏一場僅輸一場, 算係咁(之後幾場都係拍勁人所以無咩好提); 之後返企, 夜晚係企食飯。
2. 最近hide左好多fb page同某d朋友, 已睇到好爾好厭; d人已經痴線, 變左紅衛兵文革咁, 同埋只有立場無是非對錯, 好得人驚。
來緊:
15/7(一) -- 下午放假去金鐘拿出世紙同埋去灣仔專科排期
20/7(六) -- AnnieSarah下午來(好似又未必得)
23/7(二) -- Connie等人收工後來
27/7(六) -- Sanny等人5點幾來
完
2019年7月8日 星期一
七月八日 -- 繼續BB
2/7(二) -- 出site收工, 第一次由海盈總站搭296C返尚德總站, 好長途~~ 結果都唔係早好多返到企, 不過總算係早離開左office。夜晚同C係樓下診所睇醫生, 佢擔心左好耐點解咁耐傷口都好似未好, 結果醫生睇過都唔係大問題; 好彩無去急症室。
3/7(三) -- 收工返企食飯。
4/7(四) -- 收工返企食飯。
5/7(五) -- 收工返企食飯。
1. 好似第一次, 半夜突然小腿抽筋好痛, 仲叫左出來, 不過好彩好似無嘈到佢地。
6/7(六) -- OT一天, 夜晚仲幫佢頂左4個鐘。發現左佢問題: 無planning, 諗野+手腳慢, 又唔可以multi-tasking, 唔怪得。
7/7(日) -- 8-10 Monterey, 都打得唔錯, 不過比Derek炒左一場0分...之後係企睇B同休息。
2. 星期六晚睇左TVB播Spiderman Homecoming, 都OK; 星期日X-Men Apocalypse就唔多得。
8/7(一) -- C媽有事要做, 我放假一天頂更; 下午同C去瑪麗覆診, 佢呀姨來幫手睇B。夜晚我煮。
來緊:
13/7(六) -- BB滿月
完
2019年7月2日 星期二
七月一日 -- 返工+放工都疲累
24/6(一) -- 下午請假去瑪麗Book期BB覆診, 千辛萬苦搭車去到, 唔使一分鐘就完事。夜晚屋企食。
25/6(二) -- 收工返企食飯, 食完落街買野。
26/6(三) -- 出site早收, 行左一下SSP, 係樂富同八妹傾左一陣, 恭喜佢有左~~~ 夜晚返企食飯, 之後落街買野; 是日病病地, 日頭返工好忙唔多舒服夜晚仲頂左一更, 本來想早訓, 好辛苦。
1. 是日咳、頭暈、流鼻水、肚痛、眼訓、腰痛。
27/6(四) -- 收工返企。是日病, 一返去就沖涼入房訓, 10點半醒, 先食野。
28/6(五) -- 下午外母返一返去外家, 我請假返屋企幫手睇B。夜晚自己煮。
29/6(六) -- 一早返公司OT到6點, 清左唔少野感覺良好; 夜晚返企食飯。
2. 臨走公司同事搵著個痴線客, 差d收唔到科, 好彩最後攪得掂。
30/6(日) -- 8-10 Monterey, 今日覺得自己都打得幾好。返企沖涼hea到差不多4點落去買野, 隻腳腕開始痛(之前一晚都有少少, 但唔犀利, 打波都覺得無咩野, 又無腫); 夜晚係企食飯, 9點島頂唔住訓左, 1點幾先醒。
3. 落街買野時meet左一下ConnieLoLo, 雖然好短時間不過都係好開心的。
1/7(一) -- 公眾假期一天。全日在家。
4. 雖然我都係屬於黃果邊, 但我真係好唔鍾意激進派。另外, 同N年前聽到社工講理念一樣, 咩野"即使高牆有幾對, 雞蛋有幾錯, 都會企雞蛋果邊", on9的嗎?
5. 是日NBA的FA Market好精彩~~
來緊:
完
2019年6月24日 星期一
六月二十三日 -- 繼續B
17/6(一) -- 請假一天, 係屋企幫下手咁; 好累。
1. 一如預期, 佢都係好緊張又騰雞, 好彩暫時未點有脾氣。
18/6(二) -- 收工返去, 落車臨時去坑口搬個巨型燉煲返屋企。
19/6(三) -- 收工返去, 落街添置野, 再返去食飯。
2. 是日返工做好多最唔擅長野 -- 計數; OMG。
20/6(四) -- 收工返企。
21/6(五) -- 收工返企。
22/6(六) -- 早上同B去健康院。下午自己出佐敦買BB野, 返來再去Jusco買(呀哥係TKO meet我一齊行同上屋企), 夜晚食完飯呀媽來睇B, 之後同佢再落去買野同上天晉拿野, 最後陪佢等埋個租客來簽約先返去。
23/6(日) -- 早上起身去拿場同埋hea左一陣射左下波; 之後返企。食完lunch再去屋企附近買BB野, 返來hea左陣太累, 沖個涼入左去訓, 訓到6點幾。
3. 雖然夜晚叫有得訓, 但係日頭返工好忙好累, 返來都會幫手, 半夜同清早其實有時又會聽到聲醒, 其實都係好唔夠訓同累。
來緊:
完
2019年6月18日 星期二
六月十六日 -- 出世
10/6(一) -- 下午臨時約收工去油塘同ConnieLoLoPenny食飯; 8點半島散。
11/6(二) -- 收工返天晉食飯。
12/6(三) -- 呀C尋晚開始有少少痛, 到下午就入院, 所以要過一晚; 出site早收, 過左去醫院陪佢到8點, 走時勁累同餓。
1. 今日香港又來料...睇新聞同網上消息睇到心up...
13/6(四) -- C之前果晚穿水; 放假一天, 一早起身入院陪佢, 總算順利6點幾出世。
14/6(五) -- 早dd收工去醫院探老婆&B; 之後同哥一齊走+食飯。
2. 是日NBA Finals Game 6, 勇士終敵不過傷患輸左; 雖然都唔會唔like Raptors, 但覺得好可惜...
15/6(六) -- 一早返公司OT(830-1700), 之後去醫院探C&B, 走又hea食M記再返企。呀哥個工人下午來左幫手清潔, 到11點先走, 真係唔該晒, 清過ge地方都好徹底(雖然時間唔夠清唔晒); 之後我再reinstate返野再沖涼, 累。
16/6(日) -- 8-10 Parkside, 是日好累好眼訓, 有段時間射得唔準(不過都份到d波), 反而最後段連入多球; 打完即返企沖涼就去醫院, 準備接C&B出院, 結果都唔太晏, 3點島走得, 佢細佬臨時得閒渣車來接; 去一去佢娘家拿野再返企。返到去執野買野整野就一日, 超累超眼訓。
來緊:
完
2019年6月10日 星期一
六月九日 -- 終點在望
3/6(一) -- 是日公司office停電一天, 老細只係叫我地自己安排工作; 早上返左CSW office, 中午同team一齊過返去紅磡食牛鍋, 之後一齊落site睇下野, 再hea一下4點半就閃。夜晚過左坑口食飯同買煲。
1. 是日同Charlie傾開, 原來佢開齋拍拖了, 恭喜恭喜~~
4/6(二) -- C開始放產假, 下午過去娘家住到生了。收工返去買垃圾飯食。
2. 樓下街市買西瓜。賣20蚊舊，剩返2舊。阿姐話30蚊2舊賣比我, 但一個食唔晒就話唔要, 點知佢就話買一送一2舊比晒我...
5/6(三) -- 收工返天晉食飯。
6/6(四) -- 收工搭巴士去北角meet呀源之後上民仔屋企同佢媽傾下計(之後有排唔得閒出來了), 傾到8點半島走, 同源食紅星傾計到10點島散。
7/6(五) -- 端午節公眾假期一天; 8-11堅離地, 今日可能係短期暫別賽了; 打得幾好, 入左好多三分, 有6,7球, 二分射唔多, 都入到下; 之後同佢地食沙爹牛, 再同Derek去CWB陪佢買手機; 返企沖涼抖一陣夜晚去C娘家食飯做節。
8/6(六) -- 一早返公司OT, 3點半走; 去SSP meet Edf, 行下玩具舖, 之後去埋MK行; 一直搵唔到Rita, 本來諗住係MK是但食就散, 最後Rita原來訓左個下午, 起身搵左我地; 我地搭巴士去西灣河meet佢, 去Soho東食野, 食完散。
3. 終於都爆埋Rockman X3, X-X6都爆晒了~~(X7X8應該唔會玩了)
9/6(日) -- 訓左一朝, 呀源中午來, 去尚德食lunch同買野, 係企hea左個下午, 呀哥來砌左張床, 夜晚我煮。源10點半島走。
4. 今日全港極多人大遊行, 好犀利。
來緊:
完
2019年6月3日 星期一
六月二日 -- 入直路
27/5(一) -- 收工返去買野煮飯。
1. 早上突然收到消息, 姑媽突然走左。一向佢都無病無痛(有高血壓果d但無發過又無咩其他病), 又未到80而家來講唔算好老, 點知一早表姐就發現佢已經走左...真係好突然, 唔係好接受到; 由細到大見咁多人, 姑媽係其中一個我見過最溫柔最好脾氣ge人, 估唔到新年同佢拜完年之後就再見唔到佢...不過自己都諗到+朋友話齋, 佢無痛苦咁去左其實都唔係壞事來...
28/5(二) -- 收工返TKO無煮飯食茶記。
29/5(三) -- 收工本來想返去煮, 不過C見到KFC有$99三人桶餐, 結果買左呢個外賣返企食。
30/5(四) -- 收工返去買野煮飯。
31/5(五) -- 收工去油塘食日本野再行左陣返TKO再行左陣再返企。
1/6(六) -- 早上醒左, hea一陣又再訓; 中午食少少尋晚剩ge野再hea, 下午去北角同Rita食個tea。之後上左Norman屋企坐一陣, 夜晚一齊去跑馬地同Herman夫婦食大排檔, 再上佢家坐吹水到10點島走。
2/6(日) -- 8-10 Monterey, 唔知係咪唔夠訓同累, 頭果個鐘仲可以打得唔錯, 中間停一停再出返來已經覺得勁累, 無晒力; 打完波返企hea到中午, 同爸媽哥嫂全家去左新開近海邊餐廳食飯, 食左間日本野, 正常; 食完返企hea抖到6點幾, 落街食飯再行左下超市返企。
來緊:
4/6(二) -- C開始放產假, 可能過去娘家住到生了。
完
2019年5月27日 星期一
五月二十六日 -- 唔OT
20/5(一) -- 收工返企, C是日產檢放假買左野, 我返去煮。
21/5(二) -- 收工返去買野煮飯。
22/5(三) -- 收工唔煮, 食樓下米線陣後返企。
23/5(四) -- 收工買外賣返企食。
24/5(五) -- 收工去將中試食台灣野, 幾貴又唔算好好食。
25/5(六) -- 一早醒左, hea一陣再訓返, 好耐無試過訓咁多; 中午出KT同ConnieJessie唱K lunch(新開OPC Neway), 唱到3點完Jessie走, Martin來同我地一齊去左間Cafe坐傾計(仲遇到豹哥豹嫂坐我地隔離台), 之後夜晚叫埋Penny來一齊食晚飯@APM, 食完順便去問下竟然有得拿埋眼鏡。返TKO呀媽叫我同呀哥傾左陣, 講下屋企野同呀爸d野...
26/5(日) -- 8-10天晉, 今日難得Q來~~ Derek傷左無來; 呢排上樓上得多腳好累, 不過打波感覺唔太差, 腰無咩痛, 同埋無左Derek係中間大家走位鏟籃流動性高左, overall覺得自己打得正常; 打完同JackSam係手機睇波, 忍唔住睇到完場, close game好緊張, Raptors竟然4-0反cup公鹿晉級, 真係估唔到。之後同C去寶林同馬一家食飯, 食完行左下搭shuttle返TKO, 再買野返企。下午係企hea抖。夜晚本來我煮, 結果C煮。
來緊:
完
2019年5月19日 星期日
五月十九日 -- 倒數一個月
14/5(二) -- 收工去尖東食放題exURA同事生日飯; 呢排返工好忙是日都唔例外, nonstop一天所以收工已很累, 無咩胃口食唔係好多, 完全無食到脹(都係好事來)。
1. 之前都講過, 近幾年食任食已經會識得食到唔太飽, 今次都唔例外食完覺得自己跑步都得。雖然諗諗下有少少想再食多dd劍魚刺身。
15/5(三) -- 係灣仔收工(當然有行太原街仲買左玩具); 去北角媽公司坐一下, 再同媽呀C係北角食飯。
16/5(四) -- 收工返TKO, Edf來一齊食飯(外賣)同埋借宿一宵(佢星期五一早要出觀塘做野)。
17/5(五) -- C公司夜晚食飯; 收工好累, 工作好多又唔順; 搵左呀源一齊食飯; 收工去左信和INsPoint同果欄行, meet呀源之後再兜左一下信和, 不過咩都無買(應該話無買玩具漫畫只係果欄買左生果), 之後去女人街食hea日本野, 再hea行波鞋街後散。
18/5(六) -- 太多野要清, 一早返公司OT, 5點零走, 超累; 去寶林同C行一陣竟然遇到馬一家, 一齊食飯; 散左之後再行左一陣返企。
2. 星期六無人disturb真係專心好多同埋可以清好多野; 雖然我都係好唔想OT。
19/5(日) -- 8-10 Monterey, 是日應該叫中規中距? 打完同佢地食埋野, 再買野返去比C食, 之後沖涼就hea同訓; 夜晚出APM間Jins C去較個眼鏡, 我就睇睇下配左副, 不過本來都有想配的。之後7點同SamEsther娟源DorothyAdaMandyThomas食5月之星生日飯。間工廠泰國野哇道正常不過算大碟, 都不錯。
來緊:
完
2019年5月13日 星期一
五月十三日 -- 很累
6/5(一) -- 收工好累, 返去買外賣食。
7/5(二) -- 收工好累; 返去煮飯。
8/5(三) -- 收工返TKO食桂花小幸, 之後返企睇電視。
9/5(四) -- OT開Bfing, 9點半島收。
10/5(五) -- 下午趕去產前運動班, 完左再趕返去OT Briefing, 無時間食野, 完場返到去又餓又累。
11/5(六) -- 朝早起身返公司OT(930-1500), 之後返企; C呀媽呀姨姨丈都來左, 之後一齊去將中佢表妹度, 夜晚2家一齊食飯。
1. 2家人一齊慶祝母親節, 雖說佢地2邊父母下午來左我家幫手整薑醋, 但係佢細佬表妹表妹夫一堆人來食左幾千蚊我比感覺有點吃不消。另外, 平時我屋企出去食果d(佢都無份比錢)就會睇住計住, 佢果邊食飯10個人佢就會叫個12人餐, 唔知咩玩法。
12/5(日) -- 之前果晚訓得少, 所以訓到好晏, 無join到C果邊一早飲茶; 結果係屋企廢左大半日(下午又訓左幾個鐘), 4點幾出去食個tea買d野, 返企煮左一碟, 拿埋蛋糕過天晉食飯, 簡單慶祝母親節。
13/5(一) -- 公眾假期一天; 8-10石塘咀, 呢幾日都好累, 今日打波覺得個身體balance好差, 所以射失幾多波, 好彩part住勁人多, 而且防守無咩大失, 總算贏波多。返TKO後同C食完野行過去TKL再出海邊再兜返TKO, 買埋野返企; 下午係企hea, 夜晚我去幫呀哥搬sofa x2呀C就煮飯。
2. 放左三日假, 但係仍然好累...
3. NBA playoff來講, 2邊岸都好精彩; 尤其Leonard game 7最後一擊真係經典。
來緊:
14/5(二) -- exURA生日飯
15/5(三) -- 同媽出街食飯
19/5(日) -- 5月之星生日飯
完
2019年5月6日 星期一
五月五日 -- 累
29/4(一) -- 臨時OT到9點, 返企食d野睇電視。
30/4(二) -- 上環收工, 去灣仔等C收工, 同佢食5 Guys後返企睇電視。
1/5(三) -- 公眾假期一天。一早醒左再訓, 11點零去到寶林同馬一家食Satay王; 之後同馬去練下波到2點幾, 再同C係寶林行一下返TKO, 買d野整個粟米肉粒, 夜晚拿埋去天晉食飯。
1. 之前睇好多片預想中動作, 原因自己落到場係做唔到的。無論因為係身體質素、控球力、練習量, 全缺。似乎我可以做都只係射射射波, 雖然我都知只係得射波係唔夠...
2/5(四) -- 今日係公司狂衝摩打手將offer letter整好晒, 連filing都整完晒, 相信係全場最快; 為左唔OT可以去到幾盡...? 收工返去好累買外賣返企食。
3/5(五) -- 收工返TKO, 樓下foodcourt開左, 食左米線陣。
4/5(六) -- 一早醒左, 都係返左公司OT, 星期六效率真係高好多, 做左好多野; 12點走, 下午源來一齊hea, 夜晚一齊過西灣河同RitaEdf一齊食飯。泰國野都唔錯, 之後仲食埋燒賣再食甜品先散。
2. 是晚有d作病, 早訓。
5/5(日) -- 8-10 Monterey, 起身已無咩唔舒服, 不過仍然好累, 打就無咩特別, 無咩表現; 之後同佢地食早餐再買返來比C食, 攤左係地下hea左一段時間又恰著左; 下午3點幾出去食d野再買野返企C煮。
來緊:
9/5(四) -- OT
10/5(五) -- 下午運動班, 晚上OT
14/5(二) -- exURA生日飯
完
2019年4月28日 星期日
四月二十八日 -- AVG4
23/4(二) -- 收工返企煮飯。
1. 今日公司安排再分配d工作, 引起我果個M team同事極大不滿; 其實由好多年前做觀塘時已經係咁, 做得快果d只會食埋做得慢果d人的case。
24/4(三) -- 收工去坑口食桃園之後返企睇電視。
2. 是日網上極多AVG4劇透post~~
25/4(四) -- 好好彩今日下午幫同事帶人去睇樓, 所以有得早收工; 返企沖個涼訓左2個鐘, 起身hea到8點幾先出去食飯, 夜晚睇10點場AVG4。
3. 睇戲初段見到隻超大強, 攪到成場都唔敢捱住坐又驚......
26/4(五) -- 下午AL, 運動班要同C一齊上。5點幾完, 之後決定都係趁未多人快d返TKO, 買外賣返企食同睇電視。
27/4(六) -- 一早8點返到去OT, 12點半走; 下午源來一齊去食tea, 再行坑口, 之後返企hea到9點蜃再落去食野後佢返去。
28/4(日) -- 10-12將軍澳; 今日猜左幾隊都係入左較弱隊, 好快就輸波, 所以唔算打得多, 不過呢排條腰狀況好少少, 所以都keep住唔係話打得差, 算係咁; 中午同C同埋呀澤一齊食飯, 再上天晉佢問呀爸有關體檢ge野, 之後散; 買野返企夜晚C煮。
來緊:
完
2019年4月23日 星期二
四月二十二日 -- 復活節假期
15/4(一) -- 出site早收工; 今日出site搭小輪去灣仔, 機會難得, 感覺良好; 係灣仔見完個客收工, 行左出去行埋188同太原街, 先返TKO買野, 夜晚煮飯。
1. 睇左倚天第一集, 又唔太差喎。
16/4(二) -- 收工返天晉食飯。
2. 是日早上巴黎聖母院大火, 瞬間比稍後老鼠安黃心穎事件淹沒。
17/4(三) -- ex-URA生日飯, 臨時又有人唔來, 所以最終cancel; Connie本來預左出來食飯, 所以我地私低下約照食飯(ConnieLoLoAmandaC); 去左觀塘新匯聚食; 食完返企剛好睇鐵探。
18/4(四) -- 收工去寶林等C收工, 佢到時剛好號碼叫到我地, 食Satay王; 之後返企睇電視。
19/4(五) -- 復活節假第一天, 趁住內地唔係假期, 同源上SZ體檢, 超快10點4已完, 同源行左一圈東門(未點開無野睇)再買左d老翻DVD後就返HK; 1點島返到同C食晏返企沖涼抖。訓左個幾2個鐘, 7點島起身我落街買外賣返企食。
20/4(六) -- 朝早睇左半場波, 跟住同C落樓下食個早餐再去觀塘影大肚相(11-2), 第一個鐘化妝set頭, 影就2個鐘; 之後天好黑, 返TKO之後開始落好大雨, 係尚德食個tea之後返企, hea到6點零去將中同ConnieLoLo一齊同Penny慶祝生日食飯, 食完8點島再上我家hea睇SammiConcertDVD到10點島散。
21/4(日) -- 8-10柴灣, 好耐無打過全場了~~ 今日無之前2次打得咁sharp, 不過都係打得唔錯, 覺得自己呢排射波都算穩定? 不過好值得記低一下, 有一場對住Derek, 劣勢之中落後緊16-20時, 入左一球關鍵ge三分波追到19-20, 之後再加上隊友一球快攻反勝, 感覺滿足; 打完之後去左財記買什撈返企同C食, 之後就沖涼hea抖訓覺, 到3點零同C去坑口越南野食tea(個乳鴿雖然仲OK但已經無之前咁好食了), 再行下商場之後返去; 食屋企附近買左外賣, C剪頭髮; 夜晚係企hea睇電視同砌模型又一day。
22/4(一) -- 復活節假last一日; 早2日買定飛早場睇Corgi, 又唔覺得好好笑, 不過輕輕鬆鬆個半鐘。中午去天晉度食"潤餅", hea左一陣去買"食送"返企, 係企hea到爆攤係地下好耐; 6點半C去煮飯; 夜晚繼續睇電視。
3. 咁就完左4日假期...
來緊:
25/4(四) -- 買左夜場睇AVG4
26/4(五) -- 下午AL, 運動班要同C一齊上。
完
2019年4月15日 星期一
四月十四日 -- 雜記
8/4(一) -- 收工返去買外賣返企食。
1. 無啦啦又轉左個老細。
9/4(二) -- 收工返天晉食飯, 呀叔呀嬸都在。
10/4(三) -- 收工好眼訓, 返去附近茶記食完返企。
11/4(四) -- 收工約左AnselFawnia去CWB食金西南, 之後去左Hysan坐低飲野一陣先散。
12/4(五) -- C約左人, 我收工去青衣交收(未夠鐘之前去左SSP行左下先)。本來好累交收完應該都係返企抖下好d, 不過難得去青衣梗係約呀Ben食飯啦~~ 同佢係Mr. Steak食到9點半島走。無特野傾d咩都係輕輕鬆鬆吹下水咁。
2. 今日係公司印晒要印ge野, 所以星期六唔使返去OT了。
13/4(六) -- 太累, 訓到11點幾先醒, 12點幾先起身整d野食, 源2點幾來到, 一齊hea到夜晚, 幫呀哥幫野去垃圾站, 再去天晉見下呀叔(佢星期日飛返加拿大), 再去坑口(C同源)食野(間野偏貴又唔算好好食)。之後買杯Comebuy行返TKO, 再hea一輪呀源11點走。
14/4(日) -- 8-10天晉, 今日前大半都打得普普通通, 一落場就開波, 無熱身無射波所以唔太準, 最後一場終於爆發狂入波, 總算打左場好波; 打完波同Derek食個早餐再買外賣返去比C食, 之後就沖涼hea訓, 到4點幾5點落去買野返去, C煮。夜晚睇左香港金像獎。
3. 本來想7點幾去送呀叔上車, 點知佢7點零幾分車, 我去唔切了。
4. 呢2日部腦神神地, 仲開唔到機; 終於的起心肝清理左電腦同個位d塵, 即時又無事。
來緊:
17/4(三) -- ex-URA生日飯
完
2019年4月8日 星期一
四月七日 -- 叔叔+拜山
1/4(一) -- 出site早dddd收工, 返去好累腰又痛, 不過都係買左d野hea煮。
1. "鐵探"第一集暫時不錯, 年頭睇介紹時都覺得吸引, 希望睇落去都OK。
2/4(二) -- 收工去調景嶺食飯, 無咩新餐廳吸引, 結果食左間麻麻ge茶記; 之後行返企。
3/4(三) -- 收工返TKO買野煮飯。
2. 出左Joker trailer, 好吸引。
3. 係某FB群組出post, 之前有幾個6-700 like, 今日有個過1000 like; 雖然我自認唔係attention whore, 不過第一次有post過場like感覺幾得意。
4/4(四) -- 上星期二訂, 問左幾次, 今日終於有得拿; 收工抬左部鐵葉風扇返企, 有d重, 好彩要抬ge每程都係~5分鐘, 勉強頂到; 改左玩具交收時間, 7點->7半九龍灣, 抬左風扇返企再出去交收, 再返企7點9島, 都唔太晏; 同C去坑口食飯。
5/4(五) -- 清明假一天。中午同C食添好運, 下午同媽同蕃薯去Megabox Ikea行; 5點幾返到企, hea到8點半去買外賣返企食, 繼續睇電視。
4. "鐵探"睇左一個禮拜, 每一集都緊張喎~
6/4(六) -- 早上係企hea, 睇左半場NBA; 1點半同爸媽加拿大返來ge叔嬸哥同B仔一齊去柴灣拜山; 4點幾島返到企hea到6點出去一齊食飯。
4. 呀叔因病老左好多, 狀態都低左好多; 今次返HK之後應該之後都唔多機會會再返來了。
7/4(日) -- 8-10天晉, 繼續打得唔錯; 之後同DerekJames快食早餐+買外賣返去比C食; 食完沖涼heaheahea到4點幾出去食tea同買野, 夜晚煮飯。
來緊:
17/4(三) -- ex-URA生日飯
完
2019年4月1日 星期一
三月三十一日 -- 好多朋友Gathering
25/3(一) -- 收工返TKO係尚德食飯。
1. 是日下巴同牙骹痛, 入面唔知有無發炎, 完全唔想食野講野。
26/3(二) -- 收工返TKO想買野煮, 但係竟然連佳寶都收; 結果買左一盒飯返去C食; 我仍然口痛唔想食野, 食少少佢剩飯同生果就算。
2. 係土瓜灣發現一間平電器舖, 適逢要買風扇, 所以訂左; 雖然網上見有人話黑店, 不過呢d平野應該無事掛?
27/3(三) -- 是日起身頭赤+口痛, 病假一天; 全日都極眼訓, 訓完又訓, 咩都無做過, 唔好話諗過去射下波, 連砌模型, 揀歌都無, 總之就係攤; 全日係10點幾食左個撈麵同4點食左d燒賣, 夜晚先去左呀哥度食飯。下午去睇左跌打(終於), 條腰都痛左好耐, 睇完好好多。
28/3(四) -- 收工返去日本城呀哥幫手搬個膠櫃返企(都幾重); 之後同C出返附近茶記食飯; 下午媽叫我夜晚幫手, 結果等到親戚個親戚差不多11點到北角, 我就11點幾到北角比d野佢再返企, 12點島到, 仲要沖涼之後先訓。
29/3(五) -- 收工過CWB同CEdfRita食大戶屋, 之後行左下Hysan後散。
3. 是日C比老細激親, 一早都話唔好咁上心, 輕輕鬆鬆咪好lo~~ 可憐~~
30/3(六) -- C一早出門去瑪麗檢查; 我可訓晏d, 8點幾佢出門後佢鬧鐘係隔離房響, 結果都係要爬起身熄左佢, 醒到訓唔返。hea到10點幾整d野食同睇左半場NBA, 之後出門去TST食Natalie Post婚lunch(仲有ConnieLoLoPennyYee), 食完3點幾散, 同ConnieLoLoPenny去睇左果間Lego店, 之後同LoLo 2個人一齊搭巴士返TKO, 佢去剪髮, 我就返企抖; 5點幾又唔會沖涼, 攤左係地下恰左半個鐘, 真係太眼訓太累, 到6點幾同C出門去觀塘食貝菜(SamEsther娟源MandyAdaDorothyJessica), 補祝我同C生日, 多謝晒~~
6. 唔記得左, 後補; 今日幾surprise(雖然之前有少少估到)又開心, 一個好熟ge老友拍拖, 真係戥佢開心。希望係真命天子長長久久開開心心。
31/3(日) -- 8-10天晉, 今日無好刻意去射三分, 反而做返以前走位射中距離, 入攝拿波上籃, 覺得打得幾好, 尤其中距離很準, 三分射左幾球, 都入左一球; 之後返企好累, 整少少野食沖完涼之後就攤, 訓左幾個鐘(以前都係訓個幾鐘就醒), 真係太累; 夜晚同哥嫂Bs去Parkside果邊本來想食大家樂, 點知好多人, 所以食左翠河。
4. 係fb一個幾好又幾和諧ge專頁留左個言, 好似令人唔高興, 仲刪左post; 由於自己好怕誤會又好怕conflict, 忍唔住自己search左post主pm佢, 解釋返; 之後佢都reply返我話唔關我事, 係另一人留言令佢唔高興, 大家取得諒解; 感覺良好。好多時有d野真係要take a step去做, 起碼係自己果part做好左先, 咁事情就更有機會走向好果一面~~(其實呢樣野自己以前都會咁)
5. 係fb另一專頁同自己wall都會post下街上見到d得意野; 有時唔係想話嘩眾取寵定諗d咩邪野, 而係覺得人(或者自己)唔好忘記左細個果種對各樣野都有好奇ge心, 同埋對唔同事物ge聯想力同想像力; 對於現實中真正有用ge事情, 聯想力同想像力一樣會好有用。話說果個page好多post都幾高質, 好有趣。
來緊:
完
2019年3月24日 星期日
三月二十四日 -- 累痛睏
18/3(一) -- 收工返TKO食泰巷後返企; 呀哥上來拿野, 蕃薯都上埋來, 用左成個鐘教左佢幾句野, 嚴重地覺得佢專注力有問題。
19/3(二) -- 下午出site去富榮花園再去樂富, 中間行左下SSP同埋係SKM交收, 條友遲; 早少少返到TKO買野煮飯。
20/3(三) -- 收工返TKO食譚仔之後採購BB用品後返企。
21/3(四) -- 是日Ballot差不多全日做唔到d咩; 下午同鵬鯉一齊帶客去睇茵怡花園, 睇到4點半散; 行左一下寶林返企沖涼hea一陣, C收工返來再落街食飯。
22/3(五) -- 之前FS返左星期日補假一天; 11點去呀馬度搬左個BB洗衣機返來, 之後再過去同佢lunch再射波, 射左2下落少少雨, 走果時又唔落, 最終都打到2點幾; 返企幫老豆整個電視之後呀源來, 一齊hea到5點幾我先沖涼, 等C收工過坑口(想買個風扇點知間野下午開始盤點)食飯再返企hea多陣, 源10點3島走。
23/3(六) -- 早上又去瑪麗聽talk; 之後食左間頹茶記, 再去藍田meet Pierre比d野我; 返TKO訂個膠櫃返企; 本來想恰一下, 點知好多野攪住我最終訓唔到, 好累好累; 6點島同Crystal夫婦去Beans食野, 再上我家拿男仔BB野, 坐一陣散。
1. 其實真係好累好想有個時間可以休息一下, 唔好下下都要chur住或者跟住一個人的schedule去做野; 平時唔使攪d咩可以抖可以hea, 倒返轉比d時間我抖下好d?? 仲要係咁同人講我唔理d野?
24/3(日) -- 天晉8-10, 好耐無正正經經打個波, 今日都打得唔錯; 之後返企又幫老豆整個電視, 再等到Rita同佢老公來拿野走, 先沖涼; 沖完涼就夠鐘出黃埔, 同ConnieLoLo食野後睇戲(Captain Marvel); 睇完行左下奇趣後返坑口, 點知今次又無個風扇(話要四月), 買左堆立雜野食返企。
2. 好累好痛好辛苦。
3. 今日打波比人用膊頭直擊下巴訓低左; 之後整日個口/較/下巴感覺都麻麻地。
4. Captain Marvel -- 普普通通; 無一個好強大或者勢均力敵ge敵人真係爭d, 主角太勁; 隻貓係好得意; 我覺得如果要講"唔好", 問題都唔係女主個樣或者身型, 而係佢跑步/出招感覺唔到果種好打得好powerful的感覺, 無果種架勢。
來緊:
完
2019年3月18日 星期一
三月十七日 -- 疲累的Weekend
11/3(一) -- 出site樂富收工返去買野煮飯。
12/3(二) -- 收工搭van去寶林, 中途C先話有TB野拿, 於是好快係寶林食個車仔麵就返TKO(8點前)拿野返企; 7點半就拿完。
13/3(三) -- 收工搭van去寶林, C今日產檢早d返到, 佢終於唔使等位食到沙爹王了~
14/3(四) -- 全日Belated Survey; 自己安排返d時間, 中午做三隻, 6點做2隻(6點9果隻無得改時間, 仲要7點幾先做); 做完返企; C下午產檢完早, 返去買野佢煮埋飯。
15/3(五) -- 好累; 收工返TKO食茶記, 草草食完返企睇完愛回家就沖涼等訓。
16/3(六) -- 早醒左, 少少心掛掛都係返左公司OT; 9點半O到2點半, 之後去城門谷運動場同公司同事打波4-6; 之後去坑口同C食新果間牛扒後再行左下先返企。
1. 是日無點食野又打波non-stop最後時抽筋落地整損埋個膝頭。
2. 今日打波都無咩話打得好唔好, 都係做下運動, 大部份人都唔係打開/無咩sense/年紀大, 所以都無得好認真。
17/3(日) -- 早上又BB Talk, 打左一個鐘波; 之後去瑪麗10-12, 聽完去寶林同馬couples食飯後返企。沖完涼上網hea一陣就極疲累訓左個幾鐘, 到Cass打來先醒, 佢7點幾來拿走d紅酒後, 我同C8點島去join姪女2歲生日飯(第一次見Jason女友), 再上天晉食埋蛋糕先返企。
3. 疲累的Weekend; 星期六OT+打波+愛傷, 星期日打左下波+搭車來回, 其實好累。
4. 呢個月以來斷斷續續打波, 又無點正正式式連續咁打, 手感無晒又無狀態, 來緊星期三放假希望天氣OK可以練下波。
來緊:
20/3(三) -- 之前FS返左星期日補假一天
24/3(日) -- 公司戲
完
2019年3月10日 星期日
三月十日 -- 生日禮物
4/3(一) -- 收工返去買外賣食。
5/3(二) -- 是日全日Belate Survey; 打比客安排時間, 早一場2隻午一場2隻, 中間時間返TKO買野晾衫煲湯醃定晒野; 5點幾做完晒之後返去煮埋夜晚食飯。
1. 好累。
6/3(三) -- 收工返TKO食魚米家再行左Aeon後返企。
2. 之前一晚訓得好差, 又發夢(但唔記得發咩), 總之好累好眼訓...
7/3(四) -- 出site早d收返去買野煮飯。
8/3(五) -- 突發出site去慈雲山, 收工後去C娘家食飯。竟然咁岩係CWB轉車轉到同C同車。
3. 睇來我幾好腳頭, 好多次一陪見麻煩客就settle到~~
9/3(六) -- 8點幾醒, hea一陣又再訓返, 11點半C叫醒我要出去; 中午同Rita食Jordon食飯之後再戰Jordon護協, 買左一堆野。買完就返企hea到夜晚, 過寶林食飯。
4. C買左之前我睇到覺得都OK件褸比我, 多謝。雖然佢話當3月14禮物, 不過我都當係生日禮物算了~
10/3(日) -- 8-10 Monterey, 2個星期無打, 打得都算係咁, 得6個人, 梗左2team無再轉人, 對住Derek贏左頭2場之後輸返4場(2場輸少少), 都算係咁; 之後同佢地食埋野先返企沖涼抖下; 下午3,4點去食個tea, 之後買野返企C煮飯。
來緊:
16/3(六) -- 公司同事波
17/3(日) -- 早上又BB Talk, 無得打波
24/3(日) -- 公司戲
完
2019年3月3日 星期日
三月三日 -- 探監Again
25/2(一) -- 是日全日Belated Survey, 之前case同deputy問題總算攪掂, 最後係LoLo同我一team, 仲好; 早上做完3隻之後中間2個幾鐘, 反而係LoLo提議去唱K lunch喎, haha~~ 唱完做埋最後一隻後散, 我買左鹽燒魚同富豪東方cake返去, 再買埋野返企煮飯。
1. 2條友唱K又熟人, 覺得好輕鬆, 果種狀態好舒服, 可以好hea無咩包伏咁唱 haha
26/2(二) -- 出site早收返去買野夜晚煮飯。
27/2(三) -- 收工去寶林食南記, 之後返TKO Jusco同樓下惠康買野。
28/2(四) -- 出site係寶林早收工, 返去天晉同呀媽吹左陣水再同佢去買"食送", 之後返企hea一陣到7點島再過去食。
1/3(五) -- 收工去寶林試食新果間"喇沙", 價錢OK, 食物普通都OK。之後行左下先返企。
2. 是日因為工作關係, 去左羅湖懲教所, 又係一個特別經驗; 值得一提係呢個係女子監獄, 都幾新(比起上次去赤柱), 令外係外面counter果個上左年紀Madam好霸氣, 氣場好勁。之後去左SSP行左下同食野, 仲買左玩具。
3. 之前睇到GU有件褸OK可惜無碼, UNIQLO有件都OK但有d貴, 今日係寶林見到件都唔錯, 不過未到心水價, 同埋主要其實我唔缺褸, 所以最後當然係無買。
2/3(六) -- 早上起身之後再訓, 11點幾睇NBA+砌模型; 下午出觀塘工廈睇BB野, 夜晚返TKO食完飯再去Aeon買BB野後返企。
3/3(日) -- 天晉8點拿場, 打左一陣走, 一開頭唔夠人打左陣2打2, 之後打左一場3打3, 2個禮拜無打波即時無晒手感, 好彩都入到d波又入到d籃底, 又贏波(無入三分); 10點到瑪麗聽講座, 聽完食d野, 下午出Jordon同Rita couple去護協睇BB野, 點知原來星期日無開, 白行一轉; 行左Miramar商務GU同UNIQLO後返企; 沖個涼抖一陣, 夜晚源入TKO幫手拿左d野來同埋同佢食飯。11點走。
4. 結果星期六日都無完整休息過, 加上兩日都係咁行+拿野, 腰好痛。
來緊:
24/3(日) -- 公司戲
完
2019年2月24日 星期日
二月二十四日 -- FS
18/2(一) -- C生日生日快樂; 收工同C係Popwalk2食牛鍋, 之後返企晏dd食係公司附近2刷買ge cake, 幾好食。
19/2(二) -- 收工買外賣返企食。夜晚整左少少湯圓慶元宵。
20/2(三) -- 收工去官塘同CEdfRita食開年飯。
21/2(四) -- 之前果晚訓得好差, 收工時已好累; 返TKO食薩利亞後返企。
22/2(五) -- 公司FS, 9點收, 算係預期之中, 其實都算早。
23/2(六) -- 公司FS, 本來6點走得, 不過時間咁岩接近晚飯, 廢事同C出街食又廢事佢煮, 所以同同事食埋(泰國野)(仲有錢賺)先返, 8點走。下午中間時間去唱左個K(JessieNathanDerekCathyCarolOn), 呢d突然唱ge真係反而有feel唱d喎, 唔知點解次次事先約果d去到果時反面唔知唱咩。
24/2(日) -- 公司FS, 接近4點走。返企沖涼太累訓左, 8點醒C煮左飯。
1. 真係好累
來緊:
3/3(日) -- 早上聽講座
24/3(日) -- 公司戲
完
2019年2月17日 星期日
二月十七日 -- 迷茫
11/2(一) -- 下午送信去CSW順便快行左SSP; 收工買外賣返去食。
12/2(二) -- 下午4點出車幫手搬野去上環URS, 咁岩5pm私家照結構@中環, 搬完野行過去剛剛差不多5點; 照完去北角meet埋呀源上民仔家拜年; 之後去左紅星食埋飯先散。
1. 上年同今年特別覺, 爸媽都老左; 今日去探民仔媽媽, 一樣有呢個感覺; 並唔(只)係因為少見, 而係可能真係到左某d年紀狀態跌得快左...
13/2(三) -- 公司有人請食tea, 所以收工仲有d飽; C買外賣, 我就煮左個秦國船麵(份量細細地又差不多要到期)。呢排好似個口同肚都唔太舒服(又未到有咩事發出來), 所以飲食都係清淡返d好d。
14/2(四) -- 情人節, 收工返TKO, 普通食茶記; 返企再食係公司附近買ge蛋糕, 又幾好食。
15/2(五) -- 本來CSW貓谷團拜, 不過Rita臨時唔得, cancel; 出site早收, 同呀媽去黃大仙, 之後返企, 太累連涼都無沖就係sofa恰左個鐘, C收工去寶林食飯, 試左間新茶記, 之後返企。
2. 榮總今日正式走了, 無左個好AM, 前路茫茫...我先剛剛開始適應少少ACD生活...
16/2(六) -- 之前果晚夜少少訓, 訓得晏d到10點島先起, 食d野hea下到下午又訓; C朋友下午4點島來; 我躲入房又訓左個鐘; 夜晚去Popwalk2食韓國野後散; 同C行左出海邊兜左個圈返企。
3. 而家真係唔夜訓得, 一夜訓第日就好累, 攪到d時間又亂晒。
4. 之前果晚因為翻睇"銃夢"所以夜左訓; 呢套野第一次睇果時仲係學生哥, 帶比我好大衝擊; 而家再睇, 仍然都覺得佢有好多理念同隱喻好正(當然細個果時無明白咁多), 而畫面處理、劇情、戰鬥同而家新果d比仍然都係好正。
17/2(日) -- 8-10柴灣, 雖然都係有贏有輸, 但係都打得幾好, 之前練完射波到今日仍然有作用, 入左幾球三分; 返企後hea一陣1點到寶林同馬couples食飯, 再上佢家拿BB野; 返企之後再出尚德呀C朋友比BB野佢, 買埋野返企夜晚煮飯食。
來緊:
18/2(一) -- C生日
20/2(三) -- CSW貓開年飯
22/2-24/2 -- FS
24/3(日) -- 公司戲
完
2019年2月10日 星期日
二月十日 -- 農曆新年
4/2(一) -- 返工無心機, 3點收工; 返企hea到6點島過天晉, 我家團年飯。
5/2(二) -- 大年初一; 早上起身heahea下, 中午呀哥一家來; 2個小朋友又嘈又百厭; 食完野上天晉同爸媽拜年, 之後一齊去北角(遇到家昇一家)姑媽度拜年(見到好耐無見表姐個仔, 好大個了), 之後返天晉hea到食飯, 食埋飯返企。夜晚係企見到千尋有好多新戲, 睇左Bumblebee, 幾好睇。
1. 是日差不多全日同小朋友搏鬥, 又嘈又累。
6/2(三) -- 今年初二無野做, free; C婆婆去左老人院, 所以無左每年下午上佢婆婆家磨到夜晚ge戲碼; 一早起身食d野又再訓, 咁就半日; 下午係企睇上年聖誕電影NutCracker, 普普通通兒童向; 邊睇邊砌完隻SDCS元祖Gundam, 今次連埋長骨架; 睇完砌完hea下到6點幾ConnieLoLo上來拜年, 之後一齊去Popwalk2食炸雞後散; 去吉之島行左個圈返企。
7/2(四) -- 初三中同賀歲波(馬澤BenHerman家昇朱), 雖然人唔多不過都打得幾開心, 臨走我同家昇Ben對一隊後生仔, 贏波添~~ 返去買d野食, 下午hea抖到5點幾出CWB同C一家同瑕姐食飯。
8/2(五) -- 收工返企, 再出官塘食Cass公佈婚訊飯。之前果晚訓得好差, 下午開始極累極眼訓。晚上上網睇左"新喜劇之王"。
9/2(六) -- 早上起身hea, 到中午食d野再恰左半個鐘, 出觀塘同CConnieLoLoPennyJessie唱K; 5點半完, 散左之後同C去坑口食左青越, 個燒乳鴿好味喎~~~ 之後行下一田同GU後返企。
2. 次次好耐無唱K/好想唱K, 約左人之後, 去到K就會唔知唱咩好, 加上好耐無唱又無咩狀態...
10/2(日) -- 8-10柴灣, 之前練完波真係唔同d, 初三果日有準左, 今日都準, 入左唔少波(當然有三分波), 而且都贏到波, 打得幾開心; 返企沖個涼, 唔join lunch 3點去跑馬地Herman屋企中同賀年聚; 5點幾走, 夜晚C家開年飯@灣仔。
來緊:
12/2(二) -- 5pm私家照結構
16/2(六) -- C朋友下午來
完
新喜劇之王
話說在頭, 我對大陸片/大陸演員/大陸味完全無bias, 我係一向完全無反感的, 所以應該算持平。另外, 我亦無當呢套片係所謂"賀歲片"或者"笑片"來睇, 只係想睇一套好戲。好, 咁正式開始講。
網上都幾多人話唔好睇, 我個人來講就覺得未至於唔好睇, 只係普普通通。
睇完, 亦都終於知道問題係邊 -- 編劇同導演(即是星爺)。
成個故仔個套路真係好大路, 亦太平淡。
好多經典電影個故仔都係好老土, 但係一個好編劇同導演係可以令老土都變得好睇(好似新不了情咁), 而呢套片真係太過平鋪直敘, 故事一開始已經知道晒成條故事線點走, 起承轉合好似無左個"轉", 咁好難會令人覺得好睇。
講下故事入面幾條線同人物。
入面除左王寶強同主角父母之外, 另外幾個配角都太過功能性甚至可有可無。
果個所謂"閨密"出來只係為左講人情冷暖, 無鋪排。(出四場, 第一場話佢地係識ge, 第二場無啦啦被選女主角即時變左唔理佢, 第三場嫌佢丟假, 第四場見佢成功即時想hi返佢, 但係全部都係好短幾分鐘, 無鋪排)
果個"賤人男友"鋪左幾幕, 就只係為左鋪女主角最後成功原因。(聽講係內地網紅, 做戲有d誇張, 個角色亦好似需要咁誇張, 但無咩味道)
果個"鍾意主角的有錢男仔"直頭好似可有可無, 出完一輪到最後都無用, 唔知做乜。
王寶強好好戲, 做果個角色都好有說服力, 而佢亦係戲中唯一有鋪排有轉折同埋帶起後面劇情ge角色(因為自己ge轉折而去鼓勵女主角), 已經叫戲中最好果個(然而佢做果d唔知係咪笑位唔好笑, 唯一好笑(亦幾乎係全場唯一笑位)就係嚇鬼果場)。
口不對心父同埋慈母, 角色太typical, 又唔覺好好戲, 果場叫佢去試鏡ge戲應該可以拍得好感動, 但實際麻麻地...浪費左。
至於主角, 睇trailer時覺得好戲亦好有期待, 但係全場戲來睇, 佢個角色好似好需要好多發揮, 但佢真係太自然定係佢根本就真係太過要做一個咖哩啡? 前面大半其實去到尾都只係做一個認真做人ge受害者, 然後故事去到尾, 突然間就"成功"左, 真係好快好突然, 之前一直講主角好努力, 但係又唔係鋪左好多/講左好多野令人覺得佢好好演技喎? 只係話佢遇到一個機會, 跟住最後果幾分鐘就成功左, 下?
呢套片似係星爺"有一個故仔/一個諗頭"就拍呢套片。中心思想似係 -- even係一個小人物, 有實力的話只要努力堅持就可成功, 但係其實成套戲走向只係令人覺得都係要好彩(遇到機會)先可以成功(雖然, 現實係咁!)。
的而且確, 現實又係好多人(其實真係有好多人)發夢又唔係真係有實力(或者係望唔清自己有幾多實力), 一味覺得自己掂, 或者覺得"努力就可以成功", 又或者更甚係覺得"青春要試過要搏過先無悔", 呢d諗法害左幾多人! 現實見到果d成功人士叫人努力, 或者睇戲見人成功, 究竟失敗左/死左幾多人先成功呢? 又有幾多人知呢?
另外, 都有野突兀野要提。就係歌。
成個故事係內地發生、幾乎全部內地演員, 無問題。用陳百強ge"疾風"串連個故仔, 雖然係廣東歌, 但都OK, 因為歌詞relevant。但係個大陸仔唱lum歌lum女主角用"分分鐘需要你"真係勁違和咯~~ 真係好唔夾個背景同d人喎? 佢咁樣係想拉少少香港人票定係想點? 唔得咯~~
總的來講, 我覺得呢套應該叫係一套"小人物勵志片"。但係由於劇情無大轉折, 所謂高潮位(最後一幕試鏡)拍得唔精彩, 而個結局更加太突然, 所以算係強差人意...
完
2019年2月3日 星期日
二月三日 -- 生日
28/1(一) -- 收工返TKO附近食野。
29/1(二) -- 收工去觀塘同Nat食我生日飯。雖然間野麻麻地好食, 不過main point係見人同傾計, 所以都無所謂了~ 傾計傾得好開心~
1. 最近經常無咩胃口; 仲要唔知點解呢排對酸野有dd反感(唔開呀C事), 同埋d濃味ge野聞到都覺得有d辛苦, 很抗拒。
30/1(三) -- 生日放假一天; 一早就醒左, 落去打波, 點知寶康同坑口個場呀馬話close左, 再去尚德2個場又係無開, 結果返返自己屋苑, 射左2個半鐘波; 無食過野, 11點9島好肚餓, 去買左KFC返來食, 沖埋涼就出門; 去瑪麗睇照結構, 照完3點島, 同C同佢媽去左食沙爹牛麵, 之後返企; 沖個涼太累訓左2個鐘, 8點零先落街食野。
2. 好耐無試過自己一個人練波; 之前睇條channel講打波, 一直係星期日打波都有慢慢改自己個射波form, 但都無好好地自己一個練; 有好多野真係要一個人狂射狂練先感覺到; 射左2個半鐘波, 慢係慢d但感覺到果種唔同, 不過仲未完全習慣到。不過有form射, 練慣左會穩定d好d的。
3. 其實都預左比錢去私家照, 公立呢度我會選擇改期; 另外, 一如所料係無idea臨時諗食咩, 我本來都無咩胃口所以都無打算去, 是但食好過, 亦都唔特別想被無咩心地慶祝。
31/1(四) -- 收工返天晉食飯, 慶祝爸爸生日; 澳門表姐同佢大仔因有事都來左, 一齊慶祝。
4. 雖然講過好多次, 但係真係好怕d人咩都驚咩都要riskfree, 我覺得太誇張果d可以叫係有"精神病"。
5. 連續射波2個半鐘後遺症係, 比平時打完波更累同酸痛, 因為不停重複同一個動作。
1/2(五) -- 早少少返去食team早餐; 收工去K11同ex-URA同事食我同Amanda生日飯。
2/2(六) -- 早上瑪麗BB Talk 10點, 11點半島完, 又去誠記食野, 之後返企; 沖個涼訓左陣, 呀源3點島來, 吹水hea, 我就順便一路吹一路抹地/抹窗/抹廚房, 叫係基本清潔左屋企(不過有d位清唔到, 算了)(上次已經洗左廁所); 7點島3個人去坑口桃源食飯(同呀源食個圍年飯), 之後返企無聊睇下電視, 呀源10點半島走。
6. 保險大結局 -- 無追開, 平時有時係企開見到先望下; 劇名改得衰, 劇情又衰, 演技主角又無咩top人(配角當然有), 個結局更加不知所謂, 真係唔知想點; 唯一可讚係歌, 但係臨尾呢2集狂狂狂播, 令人反感; 呢套野實在太差了。另外, 三哥果下"你做咩殺左葉子"有當年"嘩四條A"感覺, 多年不變演技仍然膠。
7. 打波有d擔心, 同佢打有壓力...(後記: 是日無conflict出現, 心安了)
3/2(日) -- 9-11天晉, 是日有贏有輸有三分, 早幾日練波亦有成果, 是開心的; 打完買野返來比C食, 我沖涼就訓到3點幾; hea左個下午, 本來夜晚唔想煮, 最終都落左去買野返去煮; 再落多轉同呀媽行左下街市買野(for年三十晚), 之後返去煮飯。
來緊:
4/2(一) -- 我家團年飯
7/2(四) -- 初三中同賀歲波
8/2(五) -- Cass公佈婚訊飯
10/2(日) -- 下午中同賀年聚, 夜晚C家開年飯
12/2(二) -- 5pm私家照結構
完
2019年1月27日 星期日
一月二十七日 -- 累到爆
21/1(一) -- 出site早少少返去買野煮飯。
1. 感到自己情緒低落。
22/1(二) -- 收工返去洗機衫, C7點先收, 返來去食附近茶記。
2. 我只係比意見都"痴線"?
23/1(三) -- 公司Annual Dinner; 拿十年老人牌。
3. 是晚公司節目評: MD唱歌無特別, 但將"月亮"改成"市建"令人覺得好嘔心; Licole同另一個PLD同事唱小幸運, 正常, 估計佢地唱K唔錯; YT唱英文老歌My Way, 一貫作風走特異路線, 我行我素, 雖然唔係話唱得好好, 但其實幾有大將之風(即係做唔到朋友, 但係以後有機會發圍ge似係呢類人); Candy同Derek唱你最珍貴, 2個都唱唔到唱K時水準ge一半, 甩beat走音和錯音, 對於有期望ge來講係慘不忍睹...不過由於相比之下又唔係好差, 結果高層投票都係比左冠軍佢地~
24/1(四) -- 喪強生日快樂; 收工超累, 返去屋企附近食飯。
25/1(五) -- 收工去SSP買返支模型刀, 見到Derek想要ge IJ, 幫佢買埋; 之後去TST食燒肉, 波友們同我食生日飯(DerekTommy輝Pierre)。11點島走, 同Derek搭巴士去坑口, 佢meet人拿野, 之後散, 我行返去。
26/1(六) -- 休息一天; 源中午上一齊食飯hea同埋幫搬野整野。夜晚EdfRita來埋一齊食晚飯, 再上屋企hea, 11點島散。
4. 有時真係幾難受。
27/1(日) -- 8-10柴灣, 是日進攻無特別表現, 不過防守都無點失, 有一球corner 3 swish; 返企食d野沖涼之後就累到訓, 訓左3個幾鐘差不多5點先起; 晚上C家團年@灣仔。
5. 真係好累。
來緊:
29/1(二) -- 同Nat食飯
30/1(三) -- 放假一天
1/2(五) -- ex-URA生日飯
2/2(六) -- 早上瑪麗BB Talk
12/2(二) -- 5pm私家照結構
完
2019年1月21日 星期一
一月二十日 -- 很累
14/1(一) -- 收工返去已無野買到, 所以買大家樂外賣返企食。
15/1(二) -- 收工返...again(同上), 食左泰國野。
16/1(三) -- 收工先去Jordon交收, 再返天晉食飯。
1. 是日証明收工搭地鐵返屋企係唔得的; 行去地鐵站都要2個字多d, 之後如果行上線就有排兜(但有得坐), 下線係金鐘又超多人, 而且又唔係快; 好明顯一定係搭巴士返企最好(仲要好好多)。
17/1(四) -- 花姐姐生日快樂。收工返TKO食魚米家。
18/1(五) -- Jenny生日快樂。收工第一次試搭van去寶林, 都快; 食上海野。
19/1(六) -- 無節目, 公司又真係好多野做, 結果選擇左返去OT; 本來諗住O半日到2,3點, 結果O到6點先走; 返去買外賣返企食。累到爆。
20/1(日) -- 8-10天晉, 是日打得正常, 有入3ball; 之後買d野返去比C食, hea到點半出去同呀哥一家食野, 食完散, 去街市買野返企整; 準備完又唔想沖涼住, 免得之後又要再沖, 自己落街行左下, 去佳寶超市行左個圈, 自己行感覺好好多, 跟返自己節奏; 返來hea多陣就煮飯, 7點零食; 之後洗碗晾衫沖涼, 洗開洗埋個廁所攪左好耐, 不過廢事咩都等到臨新年前一個禮拜先整了。超累, 手都"巢"晒。
2. 打波來講, 其實有時都幾怕同佢打, 唔知點講; anyway, 係我身體質素唔好, 係我技術唔夠, 係我sense不足, 不過我都無辦法, 起碼我每次都盡力打有盡諗有儘量係射波方面進步, 咁我跟唔上都無辦法, 最多真係唔打咯; 有d無癮。
3. 辛苦做晒所有家務, 洗埋廁所, 一句"其實都無人會上來唔緊要啦", 都唔緊要; 之後叫我幫佢拿紙巾入房, 我仲有好多野要整手又濕, 拿左係門口掉入床上, 仲好差聲氣話要佢擒上床拿? 你可以之後上床先拿返整返姐? 我仲有好多野要整要執喎? 我手濕喎? 我幫你拿左唔係好方便所以掉上床上都唔係好麻煩到你姐??
4. 結果星期六日都無訓得晏過, 又無午睡過, 抖唔夠...
來緊:
23/1(三) -- 公司Annual Dinner
25/1(五) -- 波友生日飯
30/1(三) -- 放假一天; C下午產檢, 不過我應該唔去; 預定行程: 早上練波, 中午搵Connie lunch? 下午自己行SSP, 夜晚可能煮飯?
1/2(五) -- ex-URA生日飯
2/2(六) -- 早上瑪麗BB Talk
12/2(二) -- 5pm私家照結構
完
2019年1月13日 星期日
一月十三日 -- 雜記
7/1(一) -- 收工去西環Tracy度拿衫返TKO, 是但飲左幾日前剩湯同整左個撈麵食。
1. 晚上同民民傾左個鐘; 雖然係講Ben件事同自己在公在私d辛苦事(未來得設問佢點就斷左線), 不過都好開心。
8/1(二) -- 收工返TKO交收同茶記食飯。
9/1(三) -- 收工返TKO買野煮飯, 8點幾先煮完; 如果6點收工, 果日唔使洗衫, 都勉強可以煮飯ge...
10/1(四) -- 條腰一直都未好好耐, 今日終於忍唔住早收工返去睇呎跌打; 返到去未夠鐘開門, 買左野返企先, 再開一機洗, 落去睇, 又係等左幾耐, 睇完返去煮飯。
2. 就算今日早煮早食, 但次次要等食完洗完, 佢又要等一陣先沖涼, 同我ready時間差不多結果又係等, 都係要等到好晏, 跟住到我整完得來又係晏, 都幾累。
11/1(五) -- 收工返TKO食食堂21(遇到Victor買外賣)之後返企。睇左大帥哥大結局。
3. 大帥哥 -- 其實無追開, 係間唔時睇下; 普普通通, 唔算特別精彩, 不過總算同一般TBB劇個format唔同; 另外, 固然有一堆綠葉OK, 張衛健又真係有一股氣場企出來係唔同d。
12/1(六) -- 全日無野做, 又約唔到人/出唔到街, 好悶。之前果晚太累一早訓左咩都未整, 半夜2點半島起身晾埋衫整完一堆野之後又訓唔到, 攪到4點幾先訓; 第日訓到10點幾11點先起身, 食少少野hea到2點幾先出去食tea, 再行個圈(超市佳寶etc)先返企。6點島去Aeon買熟食返來加之前剩湯同佳寶買ge菜又一餐; 夜晚出post賣模竟然有2單即晚都交收到(係TKO), 最後一單差不多10點半先交收, 返到來hea下睇下電視(Taken3)好晏先沖涼。
13/1(日) -- 8-10柴灣, 是日多人打得唔算多, 我亦無咩表現, 總算入左一球三分; 返企hea下食少少野, 中午同C出MK聽BB Talk, 之後去食好耐無食ge生力, 仍然一樣味道; 食完就返TKO, 行左超市x2同買野食返企(係將廣遇到Connie)。是日超累。
4. 最近打波射波表現都麻麻; 雖然如此, 一直refine緊自己射波mechanic同手法, 今日又覺得有d改進, 就算唔入都feel到d野, 希望之後有時間可以練下波, 再有進步。(其他走位、防守果d當然都有需要, 但係自己有得練同唔係限於身體質素ge野就只有射波呀~)
5. 是日發現用開支模型刀唔見左, 懷疑砌完latest果盒模型之後放左係個盒度掉埋...
來緊:
23/1(三) -- 公司Annual Dinner
25/1(五) -- 波友生日飯
30/1(三) -- 放假一天; C下午產檢, 不過我應該唔去; 預定行程: 早上練波, 中午搵Connie lunch? 下午自己行SSP, 夜晚可能煮飯?
1/2(五) -- ex-URA生日飯
2/2(六) -- 早上瑪麗BB Talk
12/2(二) -- 5pm私家照結構
完
2019年1月7日 星期一
一月六日 -- 新一年
1/1(二) -- 公眾假期一天; 早上起身食d野之後又訓返, 2點幾起身先出去尚德食野; 之後行下再係樓下街市買野返去, 夜晚煮飯。
1. 是日又出post賣模型, 賣左一半島。
2/1(三) -- 出site係街收工, 去左上環拿之前訂ge熱水壺, 之後返企放低再落去買野夜晚煮飯。
2. 是日早上開始頭痛, lunchtime訓過龍比老細拍醒(不過佢無咩野); 下午去樂富->大坑->上環, 係咁吹風又累, 所以最後無去灣仔等收工, 而係返TKO算了。
3/1(四) -- 收工返TKO食茶木, 之後係街meet呀媽呀姨姨丈行左陣, 之後散左再買d野先返企。
3. 茶木真係一間性價比低ge餐廳, 最奇係唔知點解又唔係平但係又間間/日日都見到要排隊, 痴Q線。
4/1(五) -- 收工返企煮飯, 整完晒野之後9點出門去CWBCCC同Ben馬IanHerman飲野傾計, 11點幾走, 返企晾完衫Edf打來講左好耐, 2點先沖涼...
4. 早一日Ben突然開個細group搵我地幾個話出來傾下計; 全部無人feel到, 得我一早覺得佢地有問題, 可惜Ben佢地2個都係唔出聲ge人, 而家已經太遲...真可惜。希望佢地都可以go forward啦。
5. 是日咩事個個都發癲? 敵半夜打來情緒起伏極大又狂喊, 又講左自己一個秘密(?)出來; 其實一直都唔太sure, 聽到仍然有d驚訝; 不過好彩佢已經走左出來(真的嗎?), 感覺上已經好左d, 希望佢唔好鍾返個頭埋去啦。
5/1(六) -- C早上產檢, 搵左佢媽陪佢; 由於公司d野太癲, 萬分不情愿都返左去OT...10點O到5點, 之後搭101去西環Tracy度搬左個hi-chair返企, 再過呀哥度食飯。累到爆。
6/1(日) -- TKO 1115交收, 之後11半睇Aquaman; 睇完行下TKO再去坑口, 行完返來都5點幾; 6點半去Popcorn彩雲軒同呀姨姨丈同佢d fnd食飯, 9點島走先。
6. Aquaman -- 劇情就預左老土無特別, 不過係拍得好睇, 同埋d特技/場面都正, 尤其個海底世界。估計睇I-Max個場面應該會仲正。
7. 2019第一個禮拜就好刺激; 中同出事, Edf原來之前出事, 逼不得已星期六OT...希望今年各樣野順順利利...
來緊:
7/1(一) -- TKO 730pm交收
9/1(三) -- TKO 7pm交收
完
2019年1月1日 星期二
十二月三十一日 -- 2018完
24/12(一) -- 平安夜早收3點; 收工返企, EdfRita上來, 等到C收工一齊去將中食越南野, 之後上我家坐一陣散。
25/12(二) -- 聖誕節; 早上8點半已起身, 食左少少野, hea到11點幾同爸媽哥嫂一家去飲茶; 之後哥嫂一家上來我家hea, 到2點半島源來一齊食聖誕蛋糕後哥佢地返去先; 同源係企hea到5點半島去Popcorn金滿庭食飯(娟SamEstherDorthyAda), 再去食糖水後上我家, 玩左一陣牛頭人到10點島散。
1. 今年無得去BBQ, 不過仍然可以同一班老友玩, 簡單相聚, 好開心。
26/12(三) -- 8-11堅尼地城, 是日打成一pat屎; 返企沖涼之後太累就訓左, 3點幾先起身出去食野(C係我返來前係屋企食左野, 我只係一早7點幾食左d燒賣), 食完野行下超市買野返企, 夜晚煲白飯食超市同街市買ge雞。
27/12(四) -- 收工返TKO食飯。
2. 今日係街食飯見到個好似呀橙ge呀媽, 同佢呀媽同個仔(大B來)食飯, 本來仲有講有笑, 突然佢呀媽唔知講咩辣著佢, 佢情緒突然爆上即時好激動+爆粗+講野內容好mean+好大聲; 有時呢d人真係唔知算唔算有情緒病?
28/12(五) -- 收工返TKO Parkside食翠河。
3. 今日下午我部腦server死左, 全個下午都用唔到電腦, 反而有時間睇file; 結果睇晒所有file, 終於都知道d case點, 爭d咩, 想要咩...etc, 個心對d case有晒底, 定好多; 之後仲有時間對埋圖。覺得今日工作進度良好。
29/12(六) -- 一早醒左, 今日凍左好多; 係屋企hea食少少野之後睇ViuTV播NBA+砌模型, 睇到2點去寶林食泰國野, 之後返企hea睇電視同繼續砌模型, 8點幾落去食台灣野。
30/12(日) -- 8-11坑口, 今日打得正常發揮, 2分入d, 3分入過, 唔算好準, 失少少波, 有d turnover, 唔算打得好又唔係特別差, 感覺上係最似我正常ge狀態, 亦有贏有輸; 中午同PennyConnieAmanda同佢個仔食lunch@SimplyLife, 之後買野返企, 沖個涼訓; 夜晚煮飯。
31/12(一) -- 除夕早放; 去左灣仔同DerekJack食Five Guys, 雖然貴但都幾好食; 之後返TKO同源EdfSanny食台式邊爐, 之後上我家hea, Sanny10點先走, Edf11點, 源12點。
來緊:
3/1(四) -- TKO 7pm交收
5/1(六) -- 早上產檢
6/1(日) -- TKO 12pm交收
7/1(一) -- TKO 730pm交收
完
