東京之旅 Day 4 ~第八章~ "秋葉原 - 動漫、遊戲、宅男、女僕"

東京之旅 Day 4

~第八章~ "秋葉原 - 動漫、遊戲、宅男、女僕聚集之地?"

之前講過新宿池袋銀座原宿涉谷, 無提到秋葉原。因為呢個係一個唔同feel噶地方。一個好多有關動漫、遊戲、玩具、cosplay仲有好多女僕cafe噶地方(咁當然都有好多其他野, 例如電器)。不過由於對腳已經好痛, 加上去到都唔係好早(近黃昏), 所以唔係花左好多時間行。

行過晒旅遊書有介紹同無介紹噶好多店同商場, 真係有好~~~~多相關物品。不過事前都知, 其實果度D野比香港仲貴, 如果要買野, 只係要買D香港無噶野, 而我知價果d, 眼見的確係香港平D, 所以雖然都算行左幾多鋪頭, 但係一樣玩具都無買到。

至於街上好多係度派傅單噶女僕裝扮噶女仔, 佢地唔係好願意比人影相, 聽聞cafe內係唔比影添! 不過無去到, 所以唔知實際情況了。係區內有個AKB48劇場, 係佢地噶專屬場地, 聽聞日日有show開添, 不過我地當然係無去到啦。結果係無咩收獲噶情況下, 係對腳好痛噶狀態之中, 返返新宿。

照例去wifi通, 係大戶屋食晚飯, 之後就返酒店了。

Day 4 end 記一記:
1. 慳電mode of Japan
2. 腳超~~~痛, 返到來HK都仲痛左2日
3. 田村正和(純粹記返之前一D野)
4. Smap噶吾郎同松田聖子part埋拍廣告...