冷感

有關倪先生單野, 我不嬲都唔係話特別鐘意佢, 不過都唔多會話憎佢。佢有才華就真o既。對於件事, 我就一d感覺都無; 講真, 娛樂圈起碼超過一半係呢d人, 有幾奇怪; 以前倪震個老豆倪匡呀, 黃霑呀, 古龍呀咪又係咁, 又唔見有人話? 有錢人更加唔使講, 再衰d果d大劉呀, 成龍呀, 曾志偉呀, Alan Tam果d又係咩? 只不過個主角係周慧敏先多人講...; 以前周慧敏仲係藝人時, 你估佢又無比d大勢力人士攪/包過咩? 跟本當事人可能都無咩野, d雜誌傳謀就搵野來講。你話果d大師級或者古時o既名人, 好似最近多人講o既梅蘭芳, 定係以前果d咩梁啟超, 定係好多外國偉人, 其實咪又係咁, 根本就無咩好講。

對藝人背後o既真實面目一向無咩期望, 跟本幕前同後可能差好遠; 所以我永遠只係睇佢地o既演出, 好睇就OK了, 私生活就完全唔理, 幾差都唔緊要, 我唔需要知道佢地o既私生活, 佢都無義務同我地講o既; 只係d傳謀麻煩, 同埋有好多八卦又低質素o既觀眾姐...都係果句, 藝人o既八卦新聞, 我實在係無咩興趣; 佢地做呢行都好可憐。

至於佢地好多年情...有幾可惜, 大把人都係咁...

講真, 如果有個好似果個女仔咁, 廿歲年輕貌美又熱情o既女仔痴埋身, 有幾多人可以做到正人君子? 有份鬧o既人都可以麼? 而家d年輕人, 大把一腳踏幾船, 或者晚晚去蒲晚晚唔同partner, 果d又算係點? 就算係女仔, 如果佢地夢想之中o既男星(好似吳尊果d)無啦啦走埋來話要同佢過一晚, 係咪真係個個會reject定係會lur飯應?

我唔係認同果d人(包括倪震)o既行為, 只不過係慣左同埋知道係咁樣, 所以一d感覺都無。

**********

有關蔡國權單野(佢老婆走左), 一樣係無咩感覺。睇得太多"人"同"情感"同"現實"o既野, 大部份人都係現實o既, 就算口講時幾咁好聽, 就算個心係諗得幾好, 就算講果時真係好真心都好, 到左果個情況, 係唔係真係可以做到?

頭先上面都講過下, 情感(一般來講)都係唔可靠o既, 就算果刻係真, 之後都唔知會變成點, 話變就變。尤其係好似蔡國權咁, 又要照顧又大負擔又辛苦又無左好多其他生活, 做佢老婆頂唔住走左真係好正常, 唔係薄唔薄情o既問題, 都係果句, 大家口講就話佢唔好, 但係自己係果個情況會點?

**********

呢個世界充滿住o既大部份事情都係"現實"。現實亦都係好殘酷o既, 人一世物一世, 有時人都係會去選擇好d噶野, 或者唔想要唔好噶野。

不過, 雖然講左咁多, 我都只係想講, 現實係經常存在, 有咩事起來, 唔好有太大期望, 但係唔代表"不現實"係不存在。我覺得平時應該expect"現實", 但係當有"不現實"o既好事出現時, 應該當係bonus, 應該欣喜, 而唔好當係"老奉"。

希望大家睇完唔係灰, 而係積極地、繼續傳比其他人地, 由自己去創造"不現實"o既好事。

p.s. 由於完全無事先諗同埋組織, 係完全即諗即打(再加少少之前同人傾o既野copy落來), 所以有d亂。

p.s. 雖然題目係"冷感", 其實心係熾熱的吧?

完