4週年

前排先寫左篇“週年”, 點解無啦啦又寫個“4週年”呢? 當然係有原因啦。咩原因? 咪4週年咯。
4年, 話長唔長, 話短都唔短, 唔覺唔覺就4年了。比起好多人, 4年其實都幾長, 係我識的人入面, 都唔係好多個有咁耐(雖然主要原因, 係佢地遲開始…)。最厲害都係雞脾, 好似都8-9年了，睇怕佢都快了。
4年, 無咩特別感覺; 係好耐之前, 好早期的時候, 已經係好平淡果種感覺, 細水長流, 好舒服的。性格關係, 太過轟烈仲辛苦, 舒舒服服, 自自由由最好。
幸好大家的性格, 係幾年之間, 都係一開頭會間唔時有些少唔高興; 慢慢的都愈來愈少, 大家都習慣左對方的模式。有好多野係要時間磨合的, 慢慢就會習慣, 接受, 呢d野, 係果d拍好短時間拖的人感受唔到的默契。
26/10就係當日; 夜晚出來沙田食個西餐, 都無咩特別慶祝, 食完送左返屋企, 再自己返屋企, 都不過係10點幾; 果日上、下午都出site, 累得好緊要, 所以實在係無咩特別呢。
有d人可能好需要有特別o既感覺, 佢地成日都覺得, 2個人之間無咩激情的話就散。咁樣的話, 全世界的人都唔使結婚了, 跟本就唔成立的。
雖然唔係特別信, 但係都睇過下來年運程, 2個都係猴年人, 來年愛情運反覆, 有危機添。即管睇下如何, 走著瞧。

完