十月二十三日 – 雜記

20/10(五) – 同鼓班同學唱K, 好耐無試過星期五唱; 價錢一樣, 不過變左限時間, 3個人比2個半鐘, 不過實質都有3個鐘(無人可以唱耐d), 3個人3個鐘都夠啦。
21/10(六) – 抖的一天。晚上同呀媽呀哥, 同呀媽的老同學們同佢地d仔女一行17人去BBQ =.= 都OK呀, 唔太悶, d呀叔呀姐們都幾多野講(話晒佢地識左三十幾年了)。今次燒d野有心機好多, 所以燒出來o既野都好食呢~~ 另外, 見到呀媽佢地一班中學同學過左三十幾年都仲咁friend, 實在令我好開心, 希望我同d朋友都可以幾廿年後仲可以一齊咁樣出來聚; 好少見身體唔太好o既呀媽, 去到10點幾11點都仲咁精神呢! 至於d人嘛…呵呵呵, OK啦 :D
22/10(日) – 在家抖的一天。早上本來想打波, 不過星期四o既後遺症, 對腳仍然痛, 所以雖然起到身, 但係都無去打, 繼續訓。
23/10(一) – 又開始幾乎晚晚出去的一星期, 今日新同事來了, 我果team終於有多個partner啦! 第一印象: 無咩特別, 人一個, OK呀。

來緊:
(一): 話劇gathering, MK紫荊, Law仔唔舒服唔來
(二): Angel飯, 佢提議食米線, 果間普普通通OK, 於是我就介紹荃灣米線, 佢話想試下, 所以會去TW
(三): 應該無野攪
(四): 飯, 未知去邊
(五): 同Cyrus食飯, 九成係MK, 陪佢睇玩具係主, 聽佢講野為次, 食飯為未, 好彩第日唔水返工

原來下星期一係紅假, 我都係今日先知, 有3日連假呢~~ :D

好耐無同嘉露姐, 日安姐姐唱K了, 仲有都未同馬生唱過K, 唔知幾時有機會一齊出來唱K呢?

完