週年

人生入面, 有好多“週年”。生日係一種, 其餘仲有結婚、公司開幕、入伙、返工、入會、回歸等等, 咩都可以有週年紀念。不過如果唔係d咩大事或特別值得紀念o既事情, 無啦啦攪週年紀念實在係有d無謂, 尤其係當果樣野並唔係有正面效果o既時候。

有好多人感受性比較大, 情感又較為豐富, 就好容易記得好多比較有紀念怛o既日子; 通常呢d人都係痛苦o既, 因為並唔係人人都好似佢地咁樣, 記得咁多野, 感受到咁多野; 唔記得咁多野都唔緊要, 因為唔記得o既野可以記低, 有野remind下, 最慘係, 有時其中一個人對某一樣野/某一件事有好深感受, 但係另一方完全無留意到/感受唔到; 係呢d時候, 無論對樣講, 佢都係唔會感受到另一方o既“感覺”, 而另一方就會覺得戚戚然, 因為大家無同一種感覺, 接唔到channel。多愁善感o既人, 同情人親人朋友經常都會發生呢d事情, 跟住就惡性循環, 人地愈感受唔到就愈覺得唔開心…

愈扯愈遠。其實週年有無意義, 除左在乎果件事本身有無價值之外, 如果牽涉左超過一個人, 而另外o既人已經離去了/唔在乎了/無關痛癢了, 咁仲記來做咩呢? 早早放低去吧。正如某哲學故事一樣: 2個僧人過河, 見一女子過唔到, 於是其中一個就孭佢過左; 過左一段時間, 另一僧問: 男女援受不親, 你仲要係出左家o既, 頭先你咁做會唔會唔係咁好呢? 答: 我頭先過左河就放低左了, 你過左咁耐都仲未放低嗎? 本來個故仔係講緊第2d野, 不過我覺得係好多case都可以借鏡呢。

話時話, 點解會無啦啦寫“週年”呢? 因為前幾日係我開呢個blog的一週年了。
睇返呢一年間寫o既野, 見到自己係寫o既過程中, 有好多得著(寫某d題目o既時候會諗到好多野, 而係其中學到好多野)。另外, 亦見到自己係一年來o既思想上再睇開左, 諗深左, 亦能保持到自己o既宗旨, 幾高興。睇返自己雜記, 簡短咁寫左自己做過d咩野, 睇返o既時候又諗得返好多要記得o既野, 亦好高興。再睇返自己寫過o既故仔/文章, 發現自己都幾無聊, 但係又自得其樂, 更加覺得開心, 有時更加會心微笑。希望呢個blog可以繼續咁落去, 做一個自我o既空間, 同時又可以同朋友交流下自己o既諗法(雖然係我講, 而無“交流” XDD), 令自己可以諗野更加成熟, 寫野更有條理。

反正又唔係d咩大事, 又無咩價值, 又唔係好多人睇, 又唔係有d驚天地泣鬼神o既文章係度, 所以係度留一文以作紀吧。 ^o^

完