十一月二日 -- 雜記

唔慣係屋企出post, 不嬲係公司偷閒時寫野; 不過最近返工勁忙, 一d "hea"的時間都無, 唯有係屋企寫。

23/10 (一): 話劇gathering, MK紫荊, 傾下偈, 食下野, 高興的一天。又平又OK, 抵。
24/10 (二): Angel飯, 荃灣米線, 當然好食; 雖然唔係常見的朋友, ICQMSN又唔係常傾, 不過見面時大家都好傾, 多野講。食完仲好好好早, 所以行左陣TW先返; 好耐無行, 不過都無咩好行。係賣大陸書的書鋪見到本Gundam圖集, 唔貴, 不過忍左手...
25/10 (三): 返企
26/10 (四): 4週年, 去左沙田新城市某西餐, OK啦
27/10 (五): 同Cyrus食飯, 佢晏左先來到, 差唔多8點幾先meet到; 仲要行埋信和先食飯, 行完食完都唔早, 散; 佢去完日本好耐, 終於見到佢, 有手信, 筆一枝。
28/10 (六): 小雅生日快樂!始終都係搵唔到佢, 唯有留ICQ message。在家抖的一天, 訓左好多...
29/10 (日): 早上打波, 天氣涼左, 體力暴增, 夏天打幾場就頂唔住, 呢個天氣打左成朝都仲未太累; 之後去食民仔推介的NP意粉, 不愧連LOBO都讚好, 雖然好細間, 但係好味! 之後去柴灣探呀爺呀麻, 真係好少去探佢地, 坐左一陣, 傾左一輪, 走。來柴灣時, 去到柴灣MTR外, 居然遇到Sylvia。
30/10 (一): Maychan生日快樂! 無去參加佢地一年一度的"May I Love You生日會", 呀貓都唔得閒, 遲d搵日去慶返啦。重陽假期, 都係家抖的一日, 天氣無咁濕, 人真係狀態好d。終於郁返好耐無郁的模型了。
31/10 (二): 返工好忙, 放工返企。
1/11 (三): NBA開鑼!! 終於等到了!! 不過返工都唔得閒睇。收工約左源食飯, 由於佢話想食pizza, 話想叫呀娟, 之後我又叫埋民, 呀哥5個人一齊去食。去好~~耐無去的Donor House食。估唔到咁多年無去, 仲未執。好好好耐無去西九龍, 以前同一時間好多人的, 而家少左好多...food court都少過以前好多人。Pizza仍然keep到好味, 想食pizza, 唔使去pizza hut。大家傾傾講講都幾舒服呢, 呀源屋企...都係算啦。12月頭考試努力。
2/11 (四): 同日安姐姐, 馬生仲有嘉露姐姐唱K; 無得六折, 仲好多人, 限左時間...第一次同馬生唱K, 好聽呢~~比較少有男仔朋友入咪係呢種聲的。馬生平時把聲同入咪好唔同呢。10點交房走人。
3/11 (五): 同話劇班的May食飯; 自從話劇班完左都無見過, 難得有個識o既人住TKO, 都無約過出來(講就多), 唔太熟, 不過食個飯傾下偈應該OK o既。

來緊:
星期六: 第一日part time, training
星期日: 同Barry佢地去影畢業相

終於翻睇完一次金庸全小說。幾個月前寫左幾千字的讀後感, 要搵時間寫埋佢, 唔知最後有幾多字呢。
溫瑞安"說英雄, 誰是英雄"系列, 終於睇完7部; 第8部o岩o岩今年先出, 佢幾時先肯寫完10部...?第7部"天下有敵"麻麻地而已。

完