十二月二十八日 -- Phantom

22/12(一) -- 早收工(4點)返企食飯做冬; 收工搭左好耐巴士, 訓著左。

1. 是日問清楚好友令人心中翻起巨浪一事, 真係估佢唔到, 希望順利啦~~

23/12(二) -- 收工去觀塘i-kitchen同Grace食飯(順便慶祝冬至聖誕 xD 仲有禮物添~~), 之後行左下APM後走。

2. 食晚飯差不多走時, 來左一堆男人(起碼14個), 又唔係18、22, 唔似係學生, 一班男人來食西餐, 感覺好怪 xDDD 又好dry, 總之覺得好怪; 一全男班十幾個人好寧願去打邊或者食中菜啦~ XDD (仲要唔係斯文野係MK look)

3. 唔掂果然係唔掂, 都唔緊要, 問題係攪著我, 算把啦, 反正唔使OT, 我又唔搏升。

4. 是日得知同事大肚消息, 恭喜晒~~~

24/12(三) -- 早上食完個包之後開始有d唔舒服, 到lunchtime都唔係好妥, 過左lunch開始好唔掂, 又暈又凍, 終於嘔左; 死捱到4點早放捱到返企(樓下診所爆人同好似就收工, 無睇醫生), 難得約齊人(C馬Kathy民FF娟源SamEstherSanny), 當然照來; 打邊邊慶祝民仔生日同埋聖誕; 我就沖個熱水涼係房攤(無食野), 間唔時精神少少出去傾一陣, 11點幾散。

25/12(四) -- 一早起身好似好少少, 休息陣, 想照出去Esther企, 但到中午又開始發冷, 從來未試過覺得咁凍, 打冷震打到成身震晒, 結果又攤屍係企一日。

26/12(五) -- 終於好返好多; 3點一班中同(馬民Norman家昇Ben連Co)去左皇帝家clubhouse開party, 好熱鬧; 食到會, 佢地有d酒, 有小朋友, 有機打, 有偈傾, 有K唱, 好開心。10點島散。

27/12(六) -- (30號按: 真係病到傻左咩都唔記得, 早上睇左A night in the museum 3) C約左人所以無野做; lunch約左馬夫婦食飯(試左寶林羅麥記, 扮懷舊茶記d野普通但幾貴試一次唔會再去), 食完後散; 買杯野飲行一陣, 馬打來話遇到佢家姐一家, 即時走返去睇下呀B, 好可愛, 之後又散; 呀C打來竟然同fnd食完lunch就散, 於是返企hea左陣(砌左隻大貓模型好得意), 夜晚臨時約左娟源Sanny食飯, 本來想去九龍城, Sanny話想食西餐, 於是(係, 又)去左i-Kitchen, 食完仲早行左下APM後散。

4.1. A night in the museum 3 -- 都唔錯啦, 當係一個系列o既結尾, 輕輕鬆鬆, 又未到話好好笑~ 好warm的ending~

28/12(日) -- 雖然好返但呢幾日都係一直覺得累同狀態低, 本來想打波都無去; 下午同C食左別府站前咩咩(普通)後散, 同Tracy去機場博覽館睇Phantom(走時第一次搭機鐵, 好貴)。

5. Phantom: Overall其實係OK, 不過可能係我奄尖, 又或者真係佢地唱左好多場累, 有幾粒音覺得爭d; 個場就真係麻麻, 坐得唔舒服又逼。

6. 個聖誕假咁就過完, 又病又唔舒服又累, 仲要累到呀C都悶。收到d禮物都好好, 好開心, 反而自己唔係好滿意自己買果d(已經買唔多); 好彩都有同好友聚下都知志在都係聚。

7. 話說24號晚堆fnd, 除左Sam同Esther之外, 其他果d係之後果幾日都係我健康狀態時見返一次 xDD

來緊:
31/12(三) -- 2014最後一天
1/1(四) -- 又有假放; 呀Sam攪去BBQ
2/1(五) -- 梗局holioday mood
3/1(六) -- FFKman兄弟姐妹re-U
4/1(日) -- 好多日無打波, 好想打。

完

十二月二十一日 -- 雜記

15/12(一) -- 收工去TST等Nat, 之後一齊食飯; 去左金巴利街間"秀", 超低能竟然2個人都唔夠cash, 而間野唔收卡同EPS, 結果要臨時出去拿錢...好攪笑; 之後去左行下The ONE睇下有無禮物買同食埋Yogurt後散。傾左好~~~多偈呢~~

1. 今日偷閒買左d禮物, 同睇o岩左d禮物, 但係都仲有d禮物...

2. 今日又係另一渠道聽到有關公司o既消息, 似乎真係幾堅, 好彩都唔算多人知, 或者知o既情度唔算好高, 如果唔係都幾令人心惶惶~

3. Let it go Let it go: 別怪她別怪她...

16/12(二) -- 收工去觀塘i-kitchen同CarolConnie食Connie生日飯; 傾左好多偈: BD野, URA野, IIA野, 講結婚生仔搬屋etcetc, 到10點幾人地要收工先走。

17/12(三) -- 由於badend人話佢有家人昏迷, 所以cancel個飯; 收3過左呀哥度食飯。

4. 今日凍左好多, 呼~

18/12(四) -- 收工同ex-URA同事食飯慶祝聖誕兼補祝Connie呀衛生日; 收工去行左下In's Point先去佐敦和田食放題, 10點島散。

5. 最近可能返工忙同天氣凍訓得唔好, 一放工已經好眼訓好累, 狀態好低。

6. 是晚聽左好多小朋友入學入幼稚園o既野, 雖然之前聽過好多, 但係再聽同埋發生係身邊朋友身上, 都係覺得好得人驚同埋好累...HK真係好可怕, 好扭曲。

7. 禮物: 本來想買張好靚o既毛毯做禮物, 但係再去時無左...得返另一款唔靚; 時間無多, 買左另一樣野, 諗諗下其實係咪應該另一款都照買呢? 另外, 估唔到Connie買o既禮物, 真係多謝晒。

19/12(五) -- 係觀塘收工, 先返企再出寶林同C食飯同行下。

8. 老細唔掂真可憐, 明明無做錯, 竟然被以為我唔識做。

20/12(六) -- 休息左大半日, 中午去左坑口食野同行左陣, 夜晚出TST呀強婚宴。

21/12(日) -- 早上同呀馬去左上環打波, 第一次去果個場; 今次好多人, 打得唔多, 唔夠喉...lunch同埋馬同佢太太係寶林食, 試左新開o既番茄湯烏冬, 都OK; 之後返企沖涼訓覺, 夜晚去CWB警察會C家大圍做冬飯。

來緊:
22/12(一) -- 家做冬
23/12(二) -- Grace
24/12(三) -- party @ home
25/12(四) -- X'mas Gathering @ Esther home
26/12(五) -- Party by Herman PCLA
27/12(六) --
28/12(日) -- Phantom
3/1(六) -- FFKman兄弟姐妹re-U

完

十二月十四日 -- 長洲

8/12(一) -- 收工返企食飯。

1. 呢排網上瘋傳Eason係韓國唱浮誇o既表演, d人又話好正又大讚不已, 但係我堅係覺得佢果次表現算係麻麻(以佢來講)...

2. 有好多野要買, 要確認一下個buy list: 禮物s, 眼鏡, 室內無線電話。

9/12(二) -- 收工返企食飯。

10/12(三) -- 收工返企食飯。

11/12(四) -- 收工返企再出去新世紀同威威志博Rex食飯。好耐無見, 威威派帖, 大家傾下BD, 傾下結婚, 傾下擺酒, 傾下買樓, 傾下生仔, 好久不見但仍然一見如故。大家都不禁覺得, 香港男人真辛苦, 壓力真大。

12/12(五) -- 係觀塘收工, 返企自己煮叫埋老豆過來一齊食飯。是晚極度眼訓一早就訓。

13/12(六) -- 中午同哥嫂KTGCalvinC入長洲, 食行玩+過夜一天。

14/12(日) -- 中午食埋野出返來就散水; 下午沖完個涼係企昏迷到7點幾過去食飯。

來緊:
15/12(一) -- Nat
16/12(二) -- CarolConnie
17/12(三) -- Bad end人
18/12(四) -- ex-URA
20/12(六) -- 強婚
24/12(三) -- party @ home?
25/12(四) -- X'mas
26/12(五) -- Party by Herman PCLA
27/12(六) --
28/12(日) -- Phantom
3/1(六) -- FFKman兄弟姐妹re-U

完

十二月七日 -- 聚s

1/12(一) -- 收工返企食飯。

1. 講返上星期, 得知一單令人好驚訝o既消息, 真係有少少係心中激起星際啟示錄入面個巨浪果個感覺。

2/12(二) -- 呀源生日快樂; 收工返企食飯。

2. 今日又continue知多少少, 估唔到個進展好似魔界洞穴擴張咁, 唔係我想像中個程度了。

3/12(三) -- 臨時約C食飯, 收工去左北角食中間界, 好耐無去過。好早食完早d返企8點半散。

3. 今日收到風竟然係另一單野攪掂左, 希望係好事, 恭喜晒 :D

4. 某中同新婚老婆有左, 又恭喜晒。

5. 天氣突然轉涼; 12月有返12月應有o既溫度, 但係落雨...?

4/12(四) -- 收工返企食飯。之後落左街同呀馬行左下TKO寶林坑口, 睇下d籃球場咩情況。

5/12(五) -- 補返之前星期日返工o既一日假: 係屋企訓覺、聽歌、整野食、上網, 好舒適o既一日, 美中不足o既係有電鑽聲嘈住晒...夜晚本來想去沙角打邊, 點知人山人海超多人等位, 於是去返博康, 點知而家已經差左了; 不過天寒地凍同朋友一齊打邊真係正呀~~

6/12(六) -- 中午去上環同TracyAlanPennyC食lunch之後上Tracy家, 整野食(Risotto硬硬地, Pizza好食), Alan 4點走 Penny 6點走; 同Tracy傾下偈hea下到9點半島走。

6. 同好友一齊hea真開心, 心情好放鬆。

7. 係Tracy家睇左"神經俠侶", 呢套之前一直聽人講改壞名其實幾好睇, 終於有機會睇; 都幾好睇喎~

7/12(日) -- 原本去嘉道理農場因為有2個人甩底+1個人唔舒服+1個人都話唔去而cancel; 一早起身打波, 之後返企沖涼後出TST同C娟Esther食晏同睇展覽。由於佢地遲到關係, 係尖東食完野之後去左歷史博物館, (辦左年pass申請家庭証好抵), 睇左"皇村瑰寶 -- 俄羅斯宮廷文物展"; 其實係北歐睇左好多差不多o既野, 仲更華麗添; 不過一入場果個馬車就好正~ 睇完之後再去左樓下個"香港故事"睇, 影左好多相(因為唔夠時間去沙田睇埋敦煌果個, 所以hea d); 之後係附近食野, 見到Mr. Korea聽講OK於是就試下, 雖然無"喜來稀肉"咁好, 不過都唔錯; 食完之後再睇左下尖東燈飾就散。

8. 返到企對腳好痛; 小腿好痛硬左, 腳板更痛。

來緊:
13-14/12 -- 長洲
18/12(四) -- ex-URA
20/12(六) -- 強婚
24/12(三) -- party @ home?
25/12(四) -- X'mas
26/12(五) -- Party by Herman PCLA
27/12(六) --
28/12(日) -- Phantom
3/1(六) -- FFKman兄弟姐妹re-U

完

十一月三十日 -- 三K

24/11(一) -- 由於預計要OT所以唔返企食飯, 結果個客唔太遲到O唔耐; 之後同Rita去左Pink Salmon食飯; 臨走見到隻大強行過, 嚇到彈起, 太可怕了 =_=

1. 個死人呀差玩野, 正PK。

25/11(二) -- 收工去太子同白田友食雞煲, 之後去埋蘭苑食糖水後散。

2. 是日開左婚嫁資訊whatsapp group。

26/11(三) -- 收工返企食飯。

3. 今日試過蜂巢雪糕, 好甜又貴, 又唔見得真係幾珍貴同好食, 都幾搵笨。

4. 今日食lunch見到劉青雲夫婦~~~

27/11(四) -- 超累, 收工買左飯盒返企食。

28/11(五) -- 收工同Lands同事K(Wendy臨時話唔舒服唔來, 呀進叫埋佢細佬來), 慶祝呀進生日(壽星想唱K); 11點幾散。

5. 執左幾日CV終於apply左份工; 雖則都係唔好話比人知住好d。

29/11(六) -- 好累好累, 訓到自然醒之後起身聽下歌, 食左lunch後頂唔住再訓(一攤左係sofa連返房o既時間o既精神都無就訓左), 夜晚又再食左飯之後睇左碟(壞蛋獎門人2, 幾好笑)後訓; 休息的一天。

30/11(日) -- 一早起身無打籃球, 同呀馬夫婦打羽毛球; 本來book左一個鐘, 但之後個鐘無人來所以打多個鐘, 好抵; 之後食早餐返企沖涼再出返佐敦同舊K腳唱K(娟源Cass雲C同埋Cass帶左個fnd Eason來, 把聲好似黎明xD), 慶祝呀源生日(中間仲見到Bomber, 同我地同一間K); 之後雲CassEason走先, 同娟源C食埋飯散。

6. 好耐無試過一個星期唱3次K; 一係唔唱, 一唱就咁密 -__-, 不過目的唔同o既~~

7. 是日驚喜: 呀源同我講佢約左姊妹Jessica睇左戲, 真係估唔到佢咁主動喎~~~(雖然係好事)

來緊:
6/12(六) -- Tracy Home
7/12(日) -- Kadoorie
13-14/12 -- 長洲
18/12(四) -- ex-URA
20/12(六) -- 強婚

完

十一月二十三日 -- Interstellar

17/11(一) -- 收工返企食飯。

18/11(二) -- 收工返企食飯。

19/11(三) -- 收工返企食飯。

20/11(四) -- 同TangoLily去左炮台山食煲仔飯同小菜, 慶Lily生日; 個煲仔飯同d小菜都好食又唔貴喎。

21/11(五) -- 收工去左坑口食飯。

22/11(六) -- 早場睇左Interstellar, 之後同C源Amy志寶WingDesond食完飯係TKO踩車, 用左大約2個鐘環左將軍澳四個地鐵站; 之後入西貢meet埋Sanny BBQ(慶Desmond生日), 10點零散, 架巴士好快11點就返到。

1. Interstellar: 好好睇, 雖然打住科幻片o既名目又一堆科學理論, 但係跟本唔需要明, 跟住劇情去就得, 而套戲講o既唔係科幻科學, 係愛/親情; 講人類o既愛, 親人o既愛, 物種生存o既愛...etc, 有幾幕堅催淚(雖然我對呢d野係眼淺); 另外, 都幾表達到space explorer所會面對o既危險同痛苦; 有一樣野好正o既係全片都唔係用到幾勁o既電腦特技去表達太空、探險、異星球、異空間, 只係用一d好raw o既道具同光影效果去表現, 但係又好表現到要表達o既野, 亦表達到各種危機(情況有d似之前史匹堡果套)。係一套好值得睇o既戲呢~

23/11(日) -- 一大早起身7點鬆d出門口去小西灣打波(8-10), 由於之前果日踩車(唔太累)+唔夠訓加呢排返工都好累, 所以狀態好低, 打得麻麻地, 無咩動力跑射波手感亦麻麻; 之後返企沖個涼恰左下, 13:30出返佐敦唱K(C娟源MandySamEstherDorothy民FF), 慶Esther同Dorothy生日; 8點唱完夜晚係附近食埋飯(C娟SamEsther)散。

來緊:
27/11(四) -- 白田
28/11(五) -- Lands
30/11(日) -- 鐵腳K
7/12(日) -- Kadoorie
18/12(四) -- ex-URA

完

十一月十六日 -- 民婚

10/11(一) -- 收工返企食飯。

11/11(二) -- 收工返企食飯。

12/11(三) -- 收工返企食飯。

1. 好累, 頂唔住。

2. 愛回家, 為左鋪John Ma條新線, 咁快就話到佢放低左? 感覺唔良好。(我都明劇情同人物出場所需唔可以花太多時間講佢慢慢放低, 不過...)

3. 睇左少少老表你好hea, 唔多掂, 好夾硬。

4. 突然被通知要頂鵬鯉, 星期四晚要OT去briefing幫手...

13/11(四) -- OT briefing幫手. 9點幾散。

14/11(五) -- 個客要6點仲要遲到, O左少少T, 廢事屋企等唔返去食飯; 收工返企自己煮個麵食。

5. 再睇左少少老表你好hea, 都係覺得唔多掂, 好夾硬(雖然好有心想帶出一d message, 不過以劇論劇就唔多得)。

15/11(六) -- 民仔大昏, 做佢伴郎, 連踩十幾日, 已經累到無咩好講。

16/11(日) -- 叉電的一天; 訓到10點幾都醒晒, 中午同哥嫂食foodcourt, 之後同C係附近行下同問左租單車價錢, 之後返企好累好眼訓, 睇左陣電視又係地下訓著左; 6點幾出左大本型食韓國野後散。

6. 是日精選：連續4隻大口仔；呢個故事教訓我地，唔好賭，就算賭都要識得止蝕；不過$10令人情緒起伏咁大笑餐飽，實在好抵 xDDD

7. 最近因為有apps睇左唔少漫畫, 都係之前出名但未睇過o既; 20世紀少年幾正, 不過偏向黑暗; GTO就好笑; 呀Q推介o既鴨子的天空都幾好睇, 籃球漫畫, 係講籃球方面比Slam Dunk詳細同technical好多, 不過以漫畫、劇情、畫功、娛樂性overall來講都係Slam Dunk好睇d~

來緊:
22/11(六) -- BBQ Cycling
27/11(四) -- 白田
30/11(日) -- 鐵腳K
7/12(日) -- Kadoorie
18/12(四) -- ex-URA

完

十一月九日 -- FS

3/11(一) -- 收工返企食飯。

4/11(二) -- 收工返企食飯。

5/11(三) -- 收工同好耐無見係澳洲返來o既周天恩食飯; 收收工先返企再去坑口同馬Kathy周天恩去左食Vietnam野, 接近10點散。

6/11(四) -- 收工返企食飯。

7/11(五) -- 公司operation, 仲要做command post, 慘爆; 日頭早晏要2輪影街, 企左好幾個鍾, 超酸; 之後因為有crazy survey team chief, 唔好o既command post安排同埋慢o既check form人, 勁夜差不多12點收工。

8/11(六) -- 公司operation, 仲要做command post, 慘爆; 舉手早走, 最終要去的同事們都可去到Jessie婚宴~(不過就晏返企...)

9/11(日) -- 公司operation, 仲要做command post, 慘爆; 7點半收工, 返企煮左煮面食。

1. 由於坐command post關係, 有機會同jackie吹左好耐水; 其實係某個層面(唔係工作上), 佢都得到我o既respect~

來緊:
15/11(六) -- 民大昏
22/11(六) -- BBQ Cycling
27/11(四) -- 白田
30/11(日) -- 暫定鐵腳K
7/12(日) -- Kadoorie
18/12(四) -- 白田

完

十一月二日 -- 雜記

27/10(一) -- 收工去MK同哥嫂KTG食飯@茶木。

28/10(二) -- 收工返企食飯。

29/10(三) -- 收工返企食飯。

1. NBA開鑼了。今季暫時又無咩特別捧邊隊, 當係食花生咁睇~

30/10(四) -- 收工係MK先meet Kenneth再meet民仔, 去左食雞煲; 本來諗住呀源來唔到, 點知佢係我地食完話收工, 於是就係街等佢來到去義順食d野再散, 難得四仔齊人。

31/10(五) -- 出site早收工, 好累, 返企沖個涼訓, 之後到差不多9點C先收工, 去左大本型食飯(foodcourt), 比個呀姐呃 :(

1/11(六) -- 訓到差不多中午, 好累; 下午同C本來想去長沙, 但晏出門口, 於是改去佐敦谷公園, hea左個下午; 夜晚同埋呀源一齊係觀塘i-Kitchen食飯, 都幾OK喎; 之後去左APM行左一輪到10點幾先散, 累死。

2/11(日) -- 一早起身打波, 又於早到+其他人遲到關係, 難得有機會自己練左一段時間射波, 結果打波時都OK準, 幾爽~~~ 仲比人叫做二井(三井o既射2分波版) xDDD; 之後返企沖涼, 出左將中同C食米線陣, 再行左陣返企, 佢借我部腦整佢果8百幾張相上FB, 我就睇下Running Man、打下機最後係sofa訓左, 到6點幾起身,佢o岩整完相, 於是又去大本型係飯, 今次試間日本野, d野唔差, 最緊要係幾平, 性價比好高呢~~ 食完後散。

來緊:
7-9/11 -- 公司operation
22/11(六) -- BBQ Cycling
30/11(日) -- 暫定鐵腳K
7/12(日) -- Kadoorie

完

十月二十六日 -- 花姐姐

20/10(一) -- 出site早d收工, 係SSP所以搵左Crystal比左手信佢再走; 返企食飯。

21/10(二) -- 收工返企食飯。

22/10(三) -- 出site要OT, 之後去QB大酒店, 姑丈白事, 唔使9點就走得。

23/10(四) -- 收工去TST同CAngelKtJanet擇茄Ceci食飯, 試左間韓國野都OK, 10點島散。

24/10(五) -- 收工去MK同花姐姐食飯, 差不多成年無見! 講下佢旅行同我旅行d野同睇相, 之後要埋單, 再去球場睇埋d相後散。

1. 估唔到攪個gathering好少事都會有問題~ 無謂咁唔開心啦~~ :)

25/10(六) -- 起身到Mandy家Gathering, 慶祝衛同Mandy生日; 6點幾散, 同C去左紅磡行下, 食左美味佳串燒同去左奇趣(就執全場正價七折)後走。

2. 比喻: 如果支持佔中同反佔中o既民眾分別係有近視或遠視, 警察係有青光眼, 大家都係係唔同o既框架下睇野; 咁果班硬膠左派(左膠)肯定係有白內障; 真係痴孖根的。

26/10(日) -- 無咩人打波, 所以唔去打; 結果亦都起唔到身睇早場; 中午自己整左d野食, 之後入西貢搵C幫下手佢同d狗仔沖涼抹身剪毛etc(其實我係hea only); 6點幾出返TKO食左foodcourt後走。

3. 夜晚剪左頭髮~

來緊:
27/10(一) -- 同哥&KTG食飯@MK
7-9/11 -- 公司operation
30/11(日) -- 暫定鐵腳K
7/12(日) -- Kadoorie

完

十月十九日 -- 雜記

13/10(一) -- 本來約左Grace食飯, 未好返晒, 延左去星期五; 收工返企食飯。

14/10(二) -- 收工返企食飯。

15/10(三) -- 出site早d收工, 先返企再出MK泉章居同中同食飯, 民民派帖; 之後再去食甜品先散。好開心的gathering~

16/10(四) -- 出site早d收工, 先返企再出去坑口村同Nat食飯, 睇相未睇到一半就收工, 再去聰嫂食甜品後散。

17/10(五) -- 出site早d收工, 先返企再出寶林同Grace食生日飯; 試左煉瓦亭都OK。之後食隔離甜品, 再去搵個地方坐睇相, 睇左個半鐘又要邊講, 喉嚨好累 xD, 睇完散。星期五gathering真開心, 第日唔使返工。

18/10(六) -- 好累係企抖左一日; 下午買左d野返企整, 夜晚同C源SannyAmyAmy新男友志寶Eva食大閘蟹。

19/10(日) -- 好累但都起身去左打波8-10, 都打得唔錯; lunch同C食完佢整相我就恰左下, 夜晚去佢婆婆家同埋佢加拿大返來呀姨食飯; 得知C媽比狗整親, 送左C返企後走。

來緊:
22/10(三) -- 姑丈白事
23/10(四) -- AngelKtJanet飯
24/10(五) -- 花姐姐飯
25/10(六) -- ex-URA Gathering
7-9/11 -- 公司operation

完

十月十二日 -- 病痛

22/9(一) -- 收工返企食飯。

23/9(二) -- 收工返企食飯。

1. 是日莫名其妙地覺得好唔開心。

24/9(三) -- 收工返企食飯。

2. 話說我又唔係好緊張, 唔知點解今晚都唔係好訓得著, 係度hea選下歌上網睇youtube執下野咁, 其實係holiday mood? 不過第日仲要返工喎~

25/9(四) -- 收工返返企食飯沖涼後出發去瑞典!

26/9 - 6/10 -- 瑞典丹麥Trip

6/10(一) -- 返到HK, 執好大部份野, 夜晚返企食飯。

7/10(二) -- 放假一天, 本來想出MK行一轉或去睇埸戲, 但係好累又唔舒服, 無出到; 傍晚落左去睇醫生, 原來發燒; 夜晚返企食飯。

8/10(三) -- 原本想返工, 不過狀態真係好唔掂(雖然退左燒); 結果差不多係企訓左日; 夜晚過去食飯。

3. 頂唔住, 剪左髮。

4. 又累喉嚨又痛。

9/10(四) -- 咩都好晒咁滯抖左幾日連腳膝頭感覺都良好, 係個喉嚨痛到hihi, 又係發燒食消炎藥後遺症...收工去左睇醫生先返企食飯。

10/10(五) -- DL3 resumption survey, 一如以往resumption唔忙; 完左幫手搬野返office後7點先收工; 去左MK行下, 睇左而家MK情況, 行埋信和In'sPoint後返去; 終於幫襯左樓下間貢茶; 去左759買d野食, 原來有折所以好多人。之後發現個收銀找多左錢比我。

5. 係企睇左一集TBB新劇; 豹哥做監躉好OK; 忘年戀好難頂; 朱千雪d戲...

6. 喉嚨好L痛。

11/10(六) -- 繼續喉嚨痛; 全日係企hea到盡...夜晚C係西貢出來, 係坑口食完飯再行左下海邊先走。

12/10(日) -- 繼續喉嚨痛; 全日係企hea, 夜晚同哥嫂食foodcourt。

7. 連日病休息, 唯一好處就係無打波無行街無點行, 對腳同膝頭感覺良好。

來緊:
15/10(三) -- QC飯
17/10(五) -- Grace飯
22/10(三) -- 姑丈白事
23/10(四) -- AngelKtJanet飯
25/10(六) -- ex-URA Garhering
7-9/11 -- 公司operation

完

自由意志

唔想講政治, 唔係講佔中。又係講下自己好鍾意諗同埋發掘o既人生/人性。(主要係想發牢騷)

其實大家有無諗過, 而家人人口中講o既"自由"係有幾自由? 係咪真係自己o既意志發展出來? 有時我見到d人口口聲聲咩都話"自由"我都幾想笑。係度想舉幾個簡單例子。

不如先講下審美觀呀。
係外國, 好多女仔都係大大隻, 完全唔需要話咩纖體, 一樣好多人覺得靚, 反而唔鍾意瘦到一排骨咁。相反係亞洲尤其中日韓呢d地方, 女仔係要愈瘦愈好。中國唐代果時亦都係時興有肉地, 四大美人o既楊玉環都係肥野一件添。咁其實咩先叫靚? 點解唔同地方審美觀會完全唔同? 因為環境影響。身邊個個人都係咁諗, 或者當地傳媒、廣告、商家如此營造。有無諗過如果從來都無受呢d野影響, 大家會覺得咩野係靚?

而家好多人都鍾意買野、購物, 甚至覺得買貴野、luxury野、夠豪先有優越感。係第三世界、貧窮國家, 根本唔會有呢d野, 有得食有溫飽已經好開心, 點解會有呢d分別? 都係因為傳媒、廣告、商家營造。如果無呢d野, 由細到大都無接觸, 大家會唔會需要luxury、豪o既野?

再數落去, 例如外國o既男女平等, 港式o既男女平等o既唔同; 而家o既"成功"定義係搵幾多錢, 職位有幾高; 由細到大都被人灌輸要"乖", 唔好"犯規"、"犯法"...等等, 其實大家又有無諗過, 所有呢d野都已經影響左人o既思想, 已經唔係完全"自由"呢?

如果真係"自由", 自己想做咩都得, 就會好似動物、原始人咁, 想要o既野就搶、用武力去解決事情、有食野或性慾就盡情地去搵去做去爭, 咁究竟係唔係自由?? 文明又係唔係"自由"o既框框? 我覺得要爭取自由, 首先要認清楚究竟係爭取緊咩o既自由, 唔係盲目將呢樣野放到一個好似好高o既層次就打個旗號出來爭取咯。

根本, 所有大家以為係自己諗o既野, 一早已經被傳統、社會、環境呢d框框限死左。

**********

來到呢個位, 講左唔夠一半想講o既野。

係政治層面, 無論係管治定要鬥爭, 雙方最先想控制o既一定係人o既思想, 所以最先控制o既一定係大眾傳播媒介。唔好睇得自己太高, 其實人係好易被人影響, 三人成虎, 只要有一定人數講同一樣野就會信。而當一個諗法定左型之後, 人就好容易以果個睇法果個角度去睇野, 之後變左只會睇到一樣野only。

而家o既香港就好似有呢個現象。唔知點解咁多人諗野變左死牛一邊頸, 非黑即白。大家係評論佔中、反佔中、警察、政府o既時候, 係同自己唔同意見o既人傾o既時候, 有無睇過晒雙方所見到o既野?

我覺得有d盲目支持佔中o既人話好和平、盲目支持反佔中o既人話佔中者攪事、盲目鬧警察、盲目話政府唔o岩、盲目話泛民勾結外國勢力、盲目話班學生係廢青、盲目話建制派係左膠...etc etc o既人, 真係得啖笑。

佔中咁多人, 大部份都好和平, 但係不乏衝動或攪事o既人, 唔可以話完全有理; 但相反另一邊o既人亦唔可以只執住呢少部份o既人就話所有佔中者係攪事吧?

警方使用比較強力手法清場, 我無從去評論對錯; 照計佔中果班人幾攪事都好, 都尚算和平, 係唔係有需要用到呢d野去清場呢? 但係於"法"來講, 佢地又可以叫合理喎? 我最頂唔順係果班鬧警察o既人, 又話佢地唔o岩, 又話佢地應該抗命, 又話要佢地辭職。究竟佢地知唔知咩叫紀律部隊? 究竟佢地有無係人地立場去諗過? 如果佢地自己係果個位置, 係咪真係可以放棄份工, 唔使養妻活兒? 或者, 係唔係所有警察都係錯? 仲有好多係普通環頭維持緊治安果d又點計? 竟然會有人話唔交稅唔交差餉, 有無病呀?

傳媒本身就係好容易被拿來做政治工具, 係唔係TBB就一定係維穩, 蘋果講o既野就無偏頗呢? 我覺得邊一方都只係報導左佢地想報導o既野出來。要睇要分析, 係咪應該睇晒所有野先好評論呢?

做過政府部門、公營機構, 尤其覺得而家政府係好難做, 做咩都錯(事實上積怨太深, 而且又真係有好多錯果下吹脹), 但係人們係咪應該個別個案去睇下究竟政府做o既野係o岩定錯?

呢段同頭先"自由意志"想講o既, 係其實大家有無諗過自己思想係被人控制左(無論邊一邊都係)?

**********

講完自由, 講民主。
我從來都覺得, 民主唔一定係好事(但我絕對好L憎中共)。

民主一定係d"民"有咁上下質素先可以"主"到事。各位看倌諗下, 以而家中國大陸大部份人o既質素, 要攪民主會攪成點? 講真, 好似美國呢個自稱民主自由o既國家, 根本好多野都唔民主啦, 而且因為d人膠, 有好~~~~~多法例、個案係膠到無輪o既添! 咁大家又覺得香港人有無質素又攪民主呢? 君不見而家呢壇野, 支持佔中o既人, 有d(好彩唔係大部份, 而我身邊識o既人都唔會)人偏激到講少少唔o岩聽o既野就即刻覺得你有問題, 咁都叫自己民主? 比呢d人攪民主, 死硬。

有人話移民, 有人話去新加坡好。其實新加坡係獨裁統治來架喎? 李光耀以前一樣有鈕鏟除異已, 有貪污; 而家係新加坡有好多野都唔做得唔講得添, 不過佢民生、經濟攪得好咋嘛~~~ 又唔見香港有出聲話新加坡唔好??

講到尾, 都係生活。
當然, 生活只係基本需要, 再高d理想係另一層次野, 但今次香港呢個咁大o既運動, 造成o既原因都係因為政府係呢幾年攪到大家頂唔住先會攪到呢個局面。

**********

最後, 我講下自己睇法。
講真我係好不滿香港政府果堆。我堅係覺得政府廢(當然好多野係呀爺決定, 無得揀), 呢幾年攪衰好多民生, 自由行、樓價...各方面唔使我講大把人講得叻過我, 令到民怨好大。今次o既運動, 即使政府做得o岩唔o岩, 應唔應該都好, 都有d野處理失當, 攪到好核突。攪到而家咁耐繼續逃避問題, 擺平唔到件事, 剩係呢樣已經可以話佢廢"
講真, 我覺得政府唔掂, 咁多年來好多人從好多方法途徑表達過, 無點改善, 的確係需要做d野去表達的。
但無論支持定反對佔中都好, 社會聲音、朋友之間有需要非黑即白嗎?

**********

一口氣打左堆野, 手跟唔設個腦, 亦都無返睇執錯字白字, 純粹發牢騷。
我自己只係一介草民, 見識少, 無咩真知灼見, 只係覺得好煩, 發下牢騷。
希望大家都可以開開心心咁生活而已...(雖然攪到咁好難收科了...)

完

九月二十一日 -- 風暴

15/9(一) -- 收工返企食飯; 同呀爸2條友食飯, 又聽佢講下野, 9點幾先走。

1. 東京食種竟然突然完左, 仲要bad-ending, 一時不能接受; 上網睇返人講, 原來係完左第一部, d人叫係生死未卜, 希望第二部會出返啦。(其實未確定係咪真係有第二部, 不過如果真係就咁完左, 就真係唔係好接受到咯)

2. 食完飯返企時好大風~~~

3. 第日八號波? 不存寄望。

16/9(二) -- 早上八號波, 返下午, 哇卡卡; 收工返企食飯。

17/9(三) -- 出site收工行左下MK之後去TST同C4食飯(韓國街秀韓國餐廳), 之後再去甜牙牙食埋甜品散。

18/9(四) -- 收工返企食飯。

19/9(五) -- 收工同呀哥係將中foodcourt食飯, 之後仲早早地去左覆診睇腰(最近有少少冤同埋就來去旅行)後返企。

4. 感覺洶湧, 久久不能平復。

20/9(六) -- 一早醒左, 都係唔去睇早場了; 食左少少野再訓到中午, 出KT同C食新境界(改左名但都係一樣的)後行左下d倉, 竟然買到Crocs, 我本來果對都差不多要退役了...之後搭車入大埔Helen家食飯, 10點島走。

21/9(日) -- 本來臨近去旅行唔想打波, 但唔夠人所以都係去左打(8-10TKO); 返企沖個涼抖一下中午去油塘大本營同日安盧撈PennyC係Eurogogo食lunch; 之後太累, 返企訓覺, 到夜晚出返佐敦同SamEsther娟ThomasC慶祝Mandy生日; 10點島散。

5. 今日明顯地feel到無咁熱, 秋天來緊呢~~~

來緊:
25/9(四) -- 收工返返企食飯沖涼後出發去瑞典!
完

九月十四日 -- 中秋

8/9(一) -- 中秋早放返企食飯。之後出左去海邊行左個圈, 再去戲院睇左Begin Again; 賞左月, 食左月餅; 好free好開心o既一晚呀~~

1. Begin Again: 好簡單o既故事線(應該話其實個故事其實好少野好短), 但係"音樂"本身已經講左好多message、已經好足夠令套戲好有content; 非常之咁認同故事入面主角(們)可以係音樂之中聽得出好多人心中o既野(亦都因此我好鍾意唱K聽人唱歌, 以前係blog都講過); 成套戲入面o既人同音樂都好純粹、好純真、好straight forward。

不得不提下入面角色: 一開始睇trailor就係被女主吸引, 無錯, 佢就係Love Actually入面果個嫁左比黑人果個好靚o既新娘, 經過多年, 佢老左殘左少少, 但係笑容不變仍然好吸引人; 驚訝表情一樣帶點fantasy同傻氣, 夠照了。男主Mark Ruffalo又估唔到佢會做呢種角色, 同Jack Black做School of Rock或者其他音樂電影好相似, 都係非常有才華又帶點神經質o既天才, 不過講真Jack Black拍戲時表現出來對音樂o既投入度高d, 相對來講Ruffalo就爭少少, 不過Jack Black又滑稽得滯, 唔適合做呢個角色o既~~

音樂方面, 雖然我唔識音樂, 不過d歌好聽呀~ 尤其果幾首主打歌, 好有feel, 好鍾意呢種輕鬆o既感覺(所以比較起來無咁鍾意Maroon 5做果個男配角果d流行曲arrangement); 呢套同Music & Lyrics都係講音樂講歌, 不過Musics & Lyrics成套戲幾乎都係講果首主打(Way Back into Love), 而呢套戲就跟住劇情去有幾首主打; 而Musics & Lyrics有講曲有講歌詞, 呢套就講音樂同arrangement多少少(不過由於係比一般人睇所以都無著墨好多, 就算講多我都唔伯識)。

總的來講, 我覺得係一套好睇, 睇得好開心o既戲呢~~

9/9(二) -- 中秋翌日假期一天。由於好累全日係屋企抖抖抖, 連早場都無出去睇了~~ 中午煮麵夜晚返企食飯。

2. 好耐無試過係企抖足一日, 本身全身手腳同關節好多都好累有酸痛, 訓左大半日feel到好左好多~ 唯一係好似訓多左少少, 個頭有d唔舒服; 不過有得比個身體叉下電真係好~~

10/9(三) -- 臨時約左呀叻收工食飯; 收工入沙田搵佢食佢生日飯, 不過由於佢好忙要OT所以只係係附近茶記快食佢再返去做野(雖然都傾耐左xD), 9點半島走。

3. 聽叻講左好多佢同佢"同事"o既野~ 又同佢傾左d男、女、心出軌、身出軌、男女純朋友同埋追人果時係點等話題, 哇哈哈哈。不過其中一個結論, 係我同佢都係exceptonal case :P

11/9(四) -- 收工返企食飯

12/9(五) -- 收工臨時約C, 去左灣仔食飯; 食完爭鮮行去CWB行左下送佢返企後走。

13/9(六) -- 是日幫民仔過大禮。11點同馬到太子, 拿晒野入MOS(源join埋), 之後飲茶, 再回禮去北角; 坐左陣連埋KathyC同FF一齊去新和富食飯, 9點島散。

14/9(日) -- BBall(8-10), 之後沖個涼中午前就同C去鴨脷洲食Tree Cafe同埋行下果個28層o既"富豪博物館"(其實係一大堆好貴牌子o既outlet, 不過大減價之後都仲係好~~貴)(不過都有好多傢俱家品鋪可以睇o既), 之後過左去鴨脷洲村行下(第一次去鴨脷洲), 睇下呀C以前外婆住果頭o既地方, 同埋食下附近d野; 之後出西環行左下, 再過北角, 係薩利亞食左少少野後散。

來緊:
16/9(二) -- 公司波
17/9(三) -- C4飯
20/9(六) -- Helen家飯
21/9(日) -- BBall(8-10)
完

九月七日 -- 元朗

1/9(一) -- 收工返企食飯。

2/9(二) -- 收工返企食飯。

3/9(三) -- 收工返企食飯。

4/9(四) -- 收工去左灣仔拿月餅再去C企食飯。

1. 是日周身唔舒服, 頭又暈胃又脹。

5/9(五) -- 約左Grace食飯; 臨時決定去元朗; 試左呀進推介Savour Cafe(New York Cafe同Homey cafe都book唔o岩時間), 幾好食; 未到9點走, 等左半個鐘車, 勁晏先返到企。

2. 好鍾意星期五收工果種自由時間呀~~ 之後有2日假, 可以hea到爆o既感覺~~

6/9(六) -- 中午起身去CWB同C行左下同食d野, 再搭車入元朗行同食野; 鳴謝呀進中途join為我地指左d路~~ 夜晚食姑姑推介o既韓之美食, 幾家庭式經營, 細細間鋪, d野食唔貴但幾好食~~次後再行左下8點幾就走。

7/9(日) -- 身體狀態唔多好(腳面損左, 腳底痛, 成個人累, 背有d痛), 所以唔打波。下午入西貢同C狗游水沖涼食埋飯先走。

來緊:
8/9(一) -- 中秋早放返企食飯。
9/9(二) -- 中秋翌日假期一天。
13/9(六) -- 民仔過大禮。
完

八月三十一日 -- 等。一個人。咖啡

25/8(一) -- 呀爸入院小手術+呀媽生日; 收工同呀媽去醫院探呀爸, 等到呀嫂來埋先走; 呀哥OT, 三個人去左坑口村Lardos(竟然walk-in有位), 食完上天晉坐左陣先返企。

26/8(二) -- 收工去左Mk行一下, 再到Pink Salmon同LD同事食飯; 約左好耐一延再延終於隔左半年先食到。9點幾散。

27/8(三) -- 收工去葵芳同TangoLily食辣野; 9點島走。次次同佢地食佢地都唔會就住份量叫, 所以好飽~~(不過我就住左食 :D)

1. 呀爸是日出院

28/8(四) -- 收工返企食飯。

2. 出開去, 去左Crystal間鋪度幫襯; 其實d野係好食不過唔好意思去食呢~~

29/8(五) -- 收工同YW同事唱K; 呢班算係成班都唱得唔錯o既呢~ 11點走。

30/8(六) -- 下午又係屋企累到係地下訓左; 夜晚去參加公司最後一場工商杯籃球賽, 出左九龍灣大頭師兄車我入去; 打8點半到9點半, 點知對手無來, 自動勝出...之後幾個人一齊去左大埔一間出名的地方食野(煲仔飯腸粉etc), 大頭師兄(都係住TKO)車埋我返企。

3. 今日不停遇到名人：中午食飯係將軍澳見到林峰陳敏之做緊宣傳，夜晚打完波食飯B餐謝安琪同佢老公坐我隔離，臨走仲見到沈旭暉夫婦 @@…

31/8(日) -- 睇左早場"等一個人咖啡", 好睇; 下午入西貢hea, 夜晚同C一家去九龍城食泰國野預祝C爸生日。

4. 等。一個人。咖啡: 我覺得好睇; 相比起"那些年", 我睇呢套投入好多; 首先想讚o既係個故仔, 幾條線串連埋一齊串得幾好, 有鋪排有伏線, 最後果一下完整咁連埋一齊,很OK; 另外中段同尾段幾下扭橋, 都係估唔到o既, 幾驚喜; 就如戲中戲所講, 雖然係以"攪笑"做包裝, 但係想表達o既野唔係攪笑, 而令人流淚o既圬方都唔算好刻意催淚, 有笑有淚得來調度得幾好。咩飛演員都好新, 雖然好青澀但效果都幾清新(呢d戲係要咁先好, 太老戲骨就無feel)。總的來講, 我覺得係好睇的, 值得睇。

來緊:
13/9(六) -- 民仔過大禮
完

浪費...?

我係想講淋冰水, 不過唔係想講ALS, 又唔係想講個活動有無意義, 而係想講下"浪費"。

首先, 我對"淋冰水捐錢"呢個活動係無咩特別positive或者negative感覺, 身邊親人好友都唔係好多人被tag, 所以好多時見到都係明星、明人多過朋友參與。其實如果唔係有呢個活動, 我相信無幾多人會對個病有認識, 亦唔會捐錢去果個機構, 你話個活動本身有無意義, 我覺得佢令多好~~多人知道呢樣野, 某程度上係有意義o既。

至於"淋冰水", 只係一樣gimmick, 一樣引發連帶關係o既活動。要tag人、要被tag、要拍片上網比人睇, 究竟無唔無聊、係咪低能, 見仁見智。不過有咁多明人明星甚至連政客都會參與, 我相信比較多人係覺得"好玩"先會"玩", 就算係"搏出位""搏上鏡"都係因為有一定人數鍾意睇先會可以得到佢要o既效果, 所以個人來講我覺得唔係"無聊低能o既玩意"。(我覺得大部份有份拍片o既人都玩得好開心, 講真, 開心已經好足夠啦)

即使有人覺得個活動好無意義、覺得d人好無聊甚至低能, 我都唔會反駁, 因為幾主觀。我最唔順超、最想講o既, 係果d話"淋冰水係浪費"果堆人。

我想問下, 係呢個物質過份豐富o既社會入面, 點為之浪費? 無錯, 拿左d可以用來飲、用來洗野、用來可以做好多野o既食水同埋冰來淋落自己度, 係浪費左水o既好多功用。但係究竟講o既人有無資格講"浪費"?

我好想問下話"浪費"果班人, 有無食過buffet? 有無開車? 有無截的士? 有無係咁換智能手機? 大家有無"玩"過? 有無去過主題公園玩? 有無打機? 有無做過任何娛樂性o既活動?

你地知唔知buffet、放題浪費左幾多食材? 明明公共交通工具可以一次過承載好多人去大部份地方, 點解要用咁多資源去開架車去目的地而只係得幾個人用? 點解部手機用得1、2年(甚至有好多人唔夠1年)好好地未壞就係咁換? well, 我認為淋一桶冰水o既所謂"浪費"遠遠唔及以上是但一樣野咯。

唔好話淋冰水可以令多左人aware一種疾病或者令人捐錢去有需要o既機構有無"意義"。如果淋一桶冰水落個身度拍埋片可以令到人開心、有人可以搏出位、有人可以呃到like, 同你地去唱K去玩機動遊戲去打機去搭飛機旅行去做無限咁多種娛樂活動有咩分別? 你地去玩, 使用左果d資源就唔係叫浪費? 我真係好想笑。

Sorry, 如果真係有人係呢個世上係無作出過幾多浪費o既, 我會好歡迎佢鬧d人玩淋冰水係浪費。不過, 起碼係香港我唔多相信有幾多呢d人咯。唔該你地收聲啦。

完

八月二十四日 -- 波

18/8(一) -- 收工返企食飯。

19/8(二) -- 收工返企食飯。

1. 本來勁想食完飯自己去樓下睇個戲, 時間都就到, 不過累累地最終都係放棄左, 返企。

20/8(三) -- C4旅行團飯; 落雨濕濕去左灣仔食泰國野, 再講下暫時draft左o既行程(C同珊講), 過左10點半先走, 好眼訓~~

21/8(四) -- GraceYukiJoyce姑姑小翠飯; 收工過左MK行左In's Point同信和, 之後同佢地集合一齊去天機棧食飯, 10點島散。由於好累同埋日頭出site曬到好辛苦, 所以搭車返企時好辛苦同埋暈。

2. 今日下午同幾個同事去左Stacey家clubhouse o既cafe食飯; 佢平時喜歡標榜豪、有錢, 第一次去, 個場幾大幾靚, 但個cafe唔知點解有d野殘殘地; 野食貴, 幾好食, 但性價比唔得; overall, 當然係唔值得去。

3. 是日最驚訝消息係譚小姐結婚同埋佢結婚o既野。

4. 好耐好耐無見Yuki同凱琪了~~

22/8(五) -- 收工係坑口同同事練波。由於突然唔夠人, 好耐無打過3 on 3了, 好累呢~~

23/8(六) -- 下午同C娟Esther去左LCK行開倉同香工, 之後食瑞士咖啡室; 娟同Esther去游水, 我同C再係LCK行下果間好大o既Jusco先走。

24/8(日) -- 打波(9-11); 打完實在好累, 沖完涼訓到3點幾4點先落左樓下食少少野, 夜晚返企食飯。

5. 今日講左一席話, 覺得係自己三十幾年來人生o既經驗同緊要o既價值觀精華, 講到喉嚨都沙埋。

來緊:
25/8(一) -- 呀爸入院小手術+呀媽生日
26/8(二) -- LD同事飯
27/8(三) -- TangoLily飯
29/8(五) -- YW同事K
30/8(六) -- 公司波
13/9(六) -- 民仔過大禮
完

我看K-Pop

我看K-Pop

由於有時星期日係屋企睇完Running Man之後會做K pop節目, 有好多次睇完都想講d野, 今日終於有d心機打。

首先, 我要戴左頭盔先。
1. 我對"音樂"(同埋跳舞)o既認識同一般人差不多, 只不過係聽多少少唔同年代同埋類型o既歌, 但完全無學過d咩樂理、跳舞...etc, 所以我講o既並唔係咩樂評, 只係自己對K-pop的感覺。
2. 我唔係完全覺得K-pop唔得, 一定有d好o既歌手同歌曲, 不過我覺得majority係行緊一條formula, 所以呢篇野o既內容的確係彈o既多。
3. 我絕對唔會抹殺韓國歌手o既努力, 佢地真係好勤力好努力好辛苦, 不過呢篇野講o既唔係呢d野。
4. 我一向覺得無論係邊一個範疇都好, 如果只係得有天份或者只係靠努力, 係唔會去到頂點的; 真正頂級o既"player"(歌手、跳舞、藝術家、運動員...etc)一定係有天才+努力, 而係呢個世界上係唔會多的。
5. 好難整理自己想講o既野, 亦都有好多點無咩關係, 所以我分point咁講, 各個point獨立。
6. K-Pop有一般流行曲有Band有舞曲, 不過佔左好多係果d跳舞團體, 所以我講o既主要都係針對果堆團體,

好, 開講。

總結左先。聽、睇左好多K-pop歌、MV、節目, 我o既感覺係 -- 無靈魂。
我覺得以前一個好友呀Mak所追求o既, 就係類似K-pop呢類野: 唔需要天才, 所有野format、formula化, 行flow。
佢地睇準點樣行最受fans鐘意, 於是研發一條"公式"出來: 一班整容團體、好齊o既舞步同動作、極度類似o既歌曲同歌詞、係演唱會同fans的互動。

1. 藝人最重要o既野, 係聲色藝。講左"色"先。老實講, 係, d女係個個都好索, d仔(係少女眼中)係好型同靚仔。不過整出來o既野, 有幾難? 無錯整容同keep fit係好辛苦好難, 但係只要肯做就做到o既野, 我唔覺得係一種好值得appreciate o既野, 何況, "色相"只係用來eye catching, 靚、索表演, 當然賞心悅目, 但對"表演"本身係唔係出色, 就唔太關事。(睇明星係想睇靚野, 但而家要靚有何難? 聲色少藝都好緊要)

2. 聲: 果堆跳舞團體明顯地係咪咀同用左好多effect, 所以都無咩好講了。

3. 藝: 呢樣野係其中一樣最想講o既。上面提過, 佢地行o既係formula, 我唔知果堆團體本身有無天份, 但係佢地o既訓練同埋歌曲就肯定抹殺左佢地原有o既天份; 我見過N個韓團+NxN首歌同表演, 男團同女團都各自有一堆指定動作同表情(例如男o既"yo"、女o既手指指、眨單眼...etc, 堅係個個差不多), 其實真係唔多creative, 所謂悅目就係因為靚、索、齊, 而d動作其實一般般。我記得曾經講過, 跳舞唔係只係齊唔齊或者動作難唔難。韓團果d跳舞動作, 無疑係經過左好長時間好辛苦o既練習, 佢地身體質素的確都好好, 跳來跳去手手腳腳勁柔軟條腰亦擰得好犀利, 呢d就係"努力"得出來o既結果。"天份"+"努力"係咩? 請上youtube是但搵隻Micheal Jackson, 佢就算唔點跳, 求其fing一野手腳都已經好型, 呢d就係當中最大o既差別。(唔好同我講唔同年代MJ過時, 我只係講緊動作同風範)

4. 音樂: Well, 我知, 有好多普通pop song、band sound係幾好聽, 但係亦佔得太多毫無靈魂o既舞曲同假hip-hop。音樂係一種要"浸"出來o既野, 唔係量產就可以做到好o既野。唔好講果d我完全唔識o既古典音樂啦, 我覺得作為一個基本o既音樂人, 應該係要識多種唔同種類o既音樂, 但係果堆團體只係被訓練"一種"技能出來(可能佢地識多好多野, 但只比人見到一樣野); 再者, 就係所謂rap、hiphop, 真係只係黑人先有果種味道, HK、J、K pop的hiphop, 我覺得只係類似係HK係外地菜咁, 係滲左本地味道o既野, 但係一d味道都無(講真我覺得唔係用英文rap已經幾難聽。)

5. 雖然HK市場同種類都係好細, 但係我寧願聽返聽得明o既歌詞, 睇返成日見o既歌手, 要聽外語, 我寧願聽台灣、英美、J-Pop、內地甚至泰文歌(有d堅好聽)。

6. 由於已經好晏同寫左好多野, 相信都無咩人有心機睇, 所以就咁了~~

**********

以上係我對K-pop的睇法同感覺, 預左好多人唔認同, 請怒插吧~~

八月十七日 -- 忍者龜+累

11/8(一) -- NatWacoalJoyceK reload; 呀Nat話未必來, 其實得4個人, 未必來我寧願再postpone, 尤其係最熟果個~ 收工先返企沖個涼再出去, 最後佢都有到遲少少, 11點島散。

1. 話說而家閒日去街好耐無試過咁夜返企了。

12/8(二) -- 收工返企食飯。

2. 最近都訓得唔多好, 星期六日又唔夠訓, 好眼訓; 連續幾日搭巴士都累到訓左。

13/8(三) -- 呀哥返左HK, 呀媽呀嫂都唔返來食, 得佢一個, 所以同佢係樓下食左foodcourt, 之後去左佢度傾左陣偈先返企, 仍然好早~

14/8(四) -- 收工返企食飯。

15/8(五) -- 收工返企, 之後試左坑口果幾間新開小食: 個酸辣粉好唔掂; 韓點一dd野, 水冷麵都OK, 壽司麻麻地, 泡菜餅唔好食; 繼光香香雞係expected水準; 最好都係貢茶...雖然有幾樣野唔好食都無食晒掉, 但都好飽。

16/8(六) -- SZ體檢reload, 今次為免人太多檢唔到一早6點幾出門口; 點零鍾返到HK, 好累, 食d野下午係企抖; 夜晚食旋風拉麵用左張優惠卷好抵食。

17/8(日) -- 打波(9-11), 之後睇早場(11:25)忍者龜, 都幾好睇(C覺得龜好睇d我覺得銀河守護隊好睇d), 之後食左foodcourt, C下午約左FF同姊妹去睇姊妹裙, 我係企睇電視累到係地下訓左; 夜晚同哥嫂去左樓下foodcourt食飯。

3. 忍者龜: 同銀河守護隊一樣都係偏兒童向o既作品, 不過呢套兼有童年回憶, 當然都要睇下; 都係一如預期輕輕鬆鬆2粒鐘, 對劇情無咩要求, 都係出個奸仔有d危機跟住解決左兼打7左個敵人; 講深入d, 自己有幾點想彈下o既。1. 龜同鼠太像真, 真係幾核突, 雖然4隻龜d行為同講野都好笑, 但都唔係好掩蓋得晒個樣。2. Megan Fox收收埋埋, 佢雖然已紅同埋上左岸, 但係係套戲竟然無點露, 連背心都無咯...仲有, 佢戲份好似有d太多, 明明應該4隻龜係主, 但係佢戲份唔少得過佢地。3. 動作戲份唔算打得好睇, 對卒仔求其一出手就KO, 對大佬就來來去去都係果幾招, 有d浪費左4個人4款武器, 唯一係師父打果場好睇少少。5. 唔like大佬套戰甲, 好重裝, 唔好睇。Overall來講係幾好睇, 不過個人覺戈銀河守護隊好睇少少。

4. 買左對返工皮鞋, 舊果對爛爛地了。

5. 終於過左d累野, 下星期要好好地抖下了。

來緊:
20/8(三) -- C4旅行團飯
21/8(四) -- GraceYukiJoyce姑姑小翠飯
29/8(五) -- YW同事K
13/9(六) -- 民仔過大禮

完

八月十日 -- 雜記

4/8(一) -- 馬生日快樂! 由於佢太太出左公司trip, 竟然可以同佢正日食飯。收工去北角同馬源食飯(民臨時有事來唔到)。8點半島馬有野做走先, 我同源坐多陣都散。

5/8(二) -- 收工返企食飯。

6/8(三) -- 屋企9-6無水, 呀爸煮唔到咁多人飯, 於是收工同哥嫂去左樓下潮家食飯; 話說住左咁耐都未試過係度食晚飯呢~ d野算係中規中矩啦~

1. 頂唔住又剪左髮。

7/8(四) -- 早收工返企, 是日頭赤, 所以唔多想過去食; 返到去過左呀哥度hea左陣, 之後返企煮左個麵食, 好累好眼訓。

2. 是日得知, teammate Ronald要走去第個section了, 個team少左個人幫手, 好煩。

8/8(五) -- 收工返企食飯。

3. 價值觀?

9/8(六) -- 一早起身(6點幾)同呀爸Jason去SZ體檢, 點知過左關先發現回鄉証過左期幾日 =_=; 焗住返轉頭, 第一次cancel出境紀錄, 都幾得意; 即去九龍灣做返張証, 去到10點攪完12點幾, o岩o岩好C來到, 一齊去Megabox Ikea食野再行下, 叫埋呀源返企一齊hea, 夜晚加埋呀嫂同Jason, 齊去左坑口桃園食飯再行下後返企, hea到11點幾散。

10/8(日) -- 早上打波(8-10); 返企沖涼抖左下之後出去TST睇公司活動的戲(銀河守護隊), 幾好睇輕輕鬆鬆攪下笑; (見到Rita, Fongor同Ansel的另一半); 睇完同ConnieLoLo1左新港Pacific Coffee坐, 散左之後行左下TST, 搭Ferry過灣仔食完爭鮮後送左C返企, 出返北角遇到Puzzle一家傾左陣偈; 返TKO呀哥度拿左鏟機。

4. 中午見到港台有個節目"我們都是這樣唱大的", 好o岩我睇, 請返d老牌歌手講返有關歌o既野~~

5. 鏟左頭。

6. 連續數日心情極度煩悶滿腹牢騷。

來緊:
11/8(一) -- NatWacoalJoyceK
16/8(六) -- SZ體檢reload
29/8(五) -- YW同事K
13/9(六) -- 民仔過大禮
完

轉載自健吾: 我實在不能同意更多...

朋友Ｅ喝到一半，對我說：「香港女人好像汽車咪錶，要不斷入錢才可以的。」

又來了。男人就是這樣。找我這樣的人出來，就是想告訴自己，就算自己有刻薄的面向也不要緊。因為他們堅持，我這種人，一定比他們更刻薄，映襯出來，令他們好過一點。

發生什麼事了？我掃了掃他的頭髮。

「女人囉。又是女人。」Ｅ的女朋友在大學時代跟他認識，大家都出社會工作兩三年，Ｅ算叻仔，已差不多把學貸還清。但交了家用、還有平日生活費，跟她出去吃吃喝喝，每個月都儲五千多元了。買些股票，也有一點投資，都不過保本。我們這種人，在香港，根本沒有可能跟女朋友買房。除非家人幫忙付首期。」

我明白的。除非你是最出色的一群，像我的同志朋友Ｋ，從大學畢業就一直從睡床上位，躺著的升職。但他一直睡一直睡，都不過是買得起五百萬左右的「上車盤」，對我們的主事官員口中的上車盤。

「Ｘ！你常跟我說這些八十後奇蹟。我怎麼學？」對，Ｅ的樣子不算討好，雖不算嘔心，但也不是那些中年uncle會付款上床那種。

「我真的不知道。早陣子，不是又有一份報道，說現在的港女，沒有三百萬不肯嫁的嗎？我那來三百萬？精蟲也沒有。」Ｅ說：「我真的不明白，女人就總是在說，覺得自己將來要有小朋友。有什麼小朋友？我們連婚也沒有結，生什麼小朋友……老實告訴你，她是基督徒，我們連愛都沒有做過，三年了，生什麼小朋友？女人真的是痴線的。她們只會『目標為本』的做愛。如果你不生小朋友，就不用想像她們會跟你做愛。」Ｅ開始說真話。

已是第三個了。我開始不明白，也不理解，為什麼港男總是接受，港女把經濟壓力放到他們身上。而港女大安旨意，覺得自己將來可以等男人去照顧。大家當大家是什麼呢？男女平等談了這些年，最後，都是白談的。對Ｅ這種都市弱勢社群而言，講平等權利的港女，有著數的時候就會跟你說男女平等，要付帳的時候就會問你「係咪男人」。這就是所謂……人生。

八月三日 -- 執房

27/7(一) -- 本身約左NatWacoalJoyce K, 但Nat受傷所以除左佢本人一致通過postpone; 不過之後覺得佢好似真係好想出來...好似做左d唔係咁好o既野咁...; 收工臨時返企食飯。

1. 好耐無唱K, 估唔到今日唱唔成。

2. 打波+行街後遺症: 是日腳好酸, 成身都好累。

29/7(二) -- full day training @ 金鐘; 收工後去灣仔join埋CSannyAmy, 一齊去MK食土耳其野, (CSannyAmy源小雲DesmondWing), 慶祝Sanny小雲生日, 10點幾先散。

30/7(三) -- 下午臨時約左Nat食飯; 收工去左MK瓊華果間笑笑食日本野; Cass成日話呢間OK, 聽左好多次, 今次一於試下, 但係試完覺得d野好一般, 價錢唔算貴亦唔係好平, 唯一好o既係佢d卡位睇落幾獨立幾好坐, 總括來講係好一般唔需要專登去。同Nat傾下佢整傷手腳d野、返工老細d野同佢同事d野等等, 8點島走, 行左下尚書房同綠野仙蹤後9點島散。

31/7(四) -- 連續幾日屋企無飯食o既最後一日; 出site早收工返企沖涼訓左陣, 夜晚同哥嫂係附近食米線陣。

3. 一d都唔surprise地得知Cass拍拖了, 唔知邊個咁~~~好彩呢~ :D

1/8(五) -- 出site早收工返企沖涼再出返SSP同八姑進C掃街, 呀源OT來唔到。

2/8(六) -- lunch去左坑口同C食銀咖哩, 之後返企執屋 (夜晚中場休息去左食旋風拉麵), 執左好~~~耐終於執完個細房...鳴謝呀C幫了大手。

4. 執野就當然會見到好多野, 亦都當然會諗到好多野, 在此不贅; 不過睇返自己, 儲左好~~多手信(從來無掉過同埋都係放左係一個地方; 好多模型(睇返以前整果d好有心機, 慢慢遮晒d位來噴~~); 仲有要特別鳴謝日安妹妹, 因為佢係其中一個陪伴左我好~~長時間o既好友, 同埋佢亦係係我最唔開心o既時候寫卡、memo紙、禮物連字條...等等比我, 安慰我同埋支持我, 多謝晒。

3/8(日) -- 唔夠訓, 早上打波(9-11, 今日難得打得幾好勁射入波), 之後返企沖個涼出返來同呀馬食飯; 之後下午去佐敦老地方同老K腳唱K(2-8, C娟源Cass峰仔), 唱完同C娟源係佐敦新飯堂食埋飯後返企。

5. 真係好耐無唱K, 一唱就feel到完全不在狀態, d高音明明應該好似上到都唔敢上, 係唱到後尾開始好返d, 但係overall都係覺得麻麻地呢~ 果然無唱開就差好多~~

來緊:
4/8(一) -- 馬生日快樂! 由於佢太太出左公司trip, 竟然可以同佢正日食飯。
9/8(六) -- SZ體檢
10/8(日) -- 早上打波(8-10); 下午公司film

完

七月二十七日 -- 雜記

21/7(一) -- 記錯日子以為唱K; 收工同呀哥係TKL食飯。

22/7(二) -- 收工返去九座同呀哥呀嫂食飯。

23/7(三) -- 係大角咀收工, 返企沖個涼再出去北角, 食綠野仙蹤, 歐遊團飯局傾行程, 有左初步行程了~10點島散。

1. 是日係大角咀收工, 終於去搵左晶輝同車品品o既地點, 以後識去了~~

2. 是日正式轉plan去 3G; 發現load得比起之前好左咯~ 用多幾日keep in view先!

24/7(四) -- 收工返企食飯。

3. 幾日間煲左套漫畫"暗殺教室"到最update; 睇個名以為係好灰暗o既故事, 原來完全唔係, 係攪笑漫畫咯哈哈~ :D

25/7(五) -- 收工臨時約左CSannyAmyEva食飯; 去左KT景福宮。好飽。

26/7(六) -- 中午hea食Burger King, 之後唔知點解好~~~眼訓, 返到企淋個浴就訓到6點幾 =_= 表弟同佢內地d朋友來左HK, 夜晚同佢地去左牛涮鍋食(連續2日任食了shit); 之後同佢地去左寶琳行左圈返來。

27/7(日) -- Book場打波(天晉會所8-10); 之後同Herman二公婆食添好運同吹水, 中午島返企沖涼恰左陣; 2點帶表弟同佢內地來d朋友去SSP同MK睇玩具(係SSP帶左佢地食左少少野), 6點島散, 係MK join C本來想去元創坊夜市最後一日(同哥嫂), 但去果時上網見5點就收, 於是去左CWB食左間好貴又唔好味o既甜品, 再行左圈後返企。

4. 是日打完波再陪表弟佢地行街, 累到痴肺。

5. 食左咁耐, 是日第一次上恭和豆腐上層~~

6. 3G plan結論: 好過PCCW 4G跌落3G個3G plan~~

來緊:
27/7(一) -- NatWacoalJoyce K
29/7(二) -- Sanny etc飯
1/8(五) -- 八姑進源飯
3/8(日) -- 早上打波; 下午K
10/8(日) -- 公司film

完

七月二十日 -- 三日假+吉卜力

14/7(一) -- 收工返企食飯。

1. 有個男同事同佢女友分左手; 之前都索到陣味, 估唔到真係實行左; 其實有時真係覺得, 如果真係覺得唔o岩、睇野角度唔同、人生方向唔同、從來無欣賞過你、頂唔住對方(包括對方好demanding、對方愈來愈難相處...etc)、或者係對方係一個港女、咩都要你咩飛自己又hea底、有女權無義務、只會拿你同人比較又唔拿自己同人比較下...etc etc, 總之就係已經覺得好難頂o既時候, 都係好似個男同事咁撇脫d唔好曬時間好。

15/7(二) -- 收工同ex-URA同事(其實呢堆包含左好多前前..etc同事, 不過而家就咁籠統稱呼啦反正次次係呢堆)食飯; 是日日安同盧撈都唔舒服唔來, 本來去TST鹿嗚春, 但要多d人食先叫到多d野, 所以suggest改地點; 改左去MK天機棧(Carol生日, 衛珊Mandy魚柳包AmandaJayden), 10點島散。

16/7(三) -- 四仔飯局! 好難得約得齊人; 收工去北角稻香, 呀源公司臨時忙所以9點幾先來到; 11點島散。

2. 都係果句, 同一班熟o既朋友聚真係超開心~~~是但傾咩感覺都好正~~

17/7(四) -- 收工去左寶林, 轉左電話台, 食左炸豬扒。

18/7(五) -- 放AL一天; 同C娟Esther中午係沙田食Pizza, 之後去睇吉卜力展; 對於鍾意動畫或宮崎駿o既人, 會睇得開心呢~ 睇完累累地上左Esther企玩貓貓, 6點幾出發去觀塘, 想去3D影相館影下相, 但上到去發覺好似麻麻地於是唔入, 去左觀塘海濱公園影下相; 之後去觀塘o既貓貓cafe食飯, 點知full1又好似又要等好耐, 於是唔等(但影左少少貓貓)去左附近食左Mos Burger後再行左下APM散。

19/7(六) -- 早場Transformer 4(我C娟Carol, 本來係呀源但佢要OT所以叫左Carol頂), 之後去左將中食米線再返企hea, 睇左碟(Ted), 民仔點島到, Carol 6點走; hea到7點過坑口搵飯食, 呀源收工, 於是買左爭鮮返企一齊食同傾計hea, 9點半島散。一班好友係企, 就算無咩做齋傾個感覺都好relax同開心呢~~)

3. TF4 -- 一如所料同埋網上人所講, 故事唔掂同埋好多解釋唔到、嚴重犯駁、十分無謂o既地方, 真係只可以當係特技片來睇下(同埋睇開之前果d), 由於同網上d評論差不多, 所以都唔多講了。

4. Ted -- 終於睇左Ted, 我自己感覺來講, 絕對無d人講到咁神, 或者咁好笑; 除左有d位係美式笑話唔識笑之外, 有好多笑位睇到但唔覺得好笑; 故事劇情老土唔難估, 最特別反差係隻可愛o既熊仔會講、做好多衰野賤野, 由於反差大所以d笑位就係度出來; 但overall來講, 我又唔覺得真係好好睇咯~(純個人意見同喜好)

20/7(日) -- 一早起身打波(8-10), 好彩係屋企附近(天晉會所)~~之後食左個早餐返企沖涼恰一陣, 下午入左西貢。夜晚出返來時呀C係巴士整親腳, 係TKL食完飯後送左佢返企。

來緊:
21/7(一) -- NatJoyceWacoal K
23/7(三) -- 歐遊團飯局
27/7(日) -- Book場打波(天晉會所)
29/7(二) -- Sanny etc飯
3/8(日) -- 暫定K(鐵腳K)
10/8(日) -- 公司film

完

七月十三日 -- 打波s

7/7(一) -- 收工返企食飯。

1. 頂唔住, 剪髮。

2. 痛左成個禮拜o既肩頸, 今日終於感覺叫好返好多(不過都仲係有少少...)

8/7(二) -- 下午臨時約左呀源食飯, 收工過KT食好~~耐無食過o既景福宮, 仍然好抵食呀~~

3. 收工坐左Ronald順風車過KT。

9/7(三) -- 收工返企食飯沖涼一早訓覺, 準備第日4點起身睇波(話晒無論阿根廷定荷蘭都有好多fnd支持, 所以睇下, 雖然預左會踢得保守)。

10/7(四) -- 擇茄同Janet病左來唔到, 本來去CWB食飯, 改左去坑口; 收工同AngelKT本來想話轉去坑口Ruby Tuesday, 但要等位, 於是去左坑口村上次食果間印度人開o既西餐食飯, 之後去埋聰嫂散。

4. 可能之前果晚早訓, 4點起身睇波都唔覺眼訓, 不過可能係一場悶波o既關係, 加時果段時間恰左, 醒左睇十二碼。星期三果日無睇波反而唔知點解好~~~~眼訓, 返工都有幾野釣左, 今日反而無喎~~

11/7(五) -- 收工去北葵涌體育館同公司同事練波(7-9); 今次安排左同其中一個同事o既一隊朋友打友賽, 實戰下之前練o既form, 不過好明顯大家都唔太熟打form, 打得唔太好, 而對方又夾得好熟, 所以唔夠打; 今日由於好多人, 所以打得好~~~少, 好唔夠喉呢(雖然戰術、走位方面多左認識同埋練習)(同埋自己都算打得中規中距算係唔錯); 打完之後佢地講多陣review先散, 10點半返到企。

12/7(六) -- 中午出CWB同C食飯, 試左Cafe R & C, d野食都OK, 杯野有拉花, 價錢偏貴, 一試無妨; 之後行左下街到4點入赤柱, hea到7點島出返北角, 試左間牛肉麵, 幾好食, 雖然貴貴地不過都唔錯(最貴果碗竟然可以收二百幾一碗!)。

13/7(日) -- 本來呀馬民仔唔去打波, 我都有少少唔多想打, 不過諗諗下都係好想打波同埋想做運動, 係懶懶地同想打波之間做左個決定: 就係唔較鬧鐘起到身就去打; 結果係真係起到身, 去左黃泥涌打9-11~~ 今次都係打得中規中矩; 之後返企沖涼食飯後就去天水圍662娘家探B(仲有華歌Joyce媽Terence同佢老婆, 唔計係公司樓下第一次見呢), 6點島走, 返企食飯。

5. 個肩頸都仲係有dd痛...

來緊:
15/7(二) -- ex-URA 7月飯
16/7(三) -- 四仔飯
18/7(五) -- AL; 吉卜力展覽
19/7(六) -- 早場Transformer同home gathering
29/7(二) -- Sanny etc飯

完

七月六日 -- 七。一

30/6(一) -- 收工同(前裕華group)同事食飯(IdaRitaFungorNathanLeonaEdith), 係佐敦和田食放題; 新同事來講, 比起果班小朋友呢班係有紋有路得多(做得耐少少o既Ida反而同佢地有dd格格不入xD); 成班人一齊食飯吹水都幾好笑; 7點半至10點, 埋單未10點就散。

1/7(二) -- 公眾假期一天; 一早join中同打波(小西灣10-1), 是日都算打得OK, 同埋超夠運動量, 狂跑; 本來今年好想參加七一遊行, 但係太累了, 所以打完波返企沖涼抖了。夜晚同哥嫂Jason係樓下食泰國野, 之後上佢家食蛋卷後返企。

1. 無知真係好可怕。但係少數掌握真相ge人又唔想大部份人知。資訊過份發達，網上充斥大量流料搞亂真相，當你以?自己知好多、好了解、好透徹時，其實你只係被灌輸了人地想你知?野；所以呢個世界上實在好多人都…好可怕。(我都好可怕 xD)

2. 個個都驚即時危險, 無人會驚下慢性毒藥。

2/7(三) -- 收工本來諗住返企食飯, 原來呀爸要整牙煮唔到, 佢同呀媽食飯; 於是同呀哥嫂係樓下foodcourt食飯。

3. 個"訓禮頸"攪到頸同肩痛到今日都未好, 我懷疑呢d係咪就係肩周炎?

3/7(四) -- 收工晏左dd走, 再試搭98C返去, 點知等左好耐車, 又搭左好耐, 勁晏先返到企; 食坑口買左爭鮮同貢茶返企食。

4/7(五) -- 收工去坑口同C食飯; 去左坑口村試左間未試過o既西餐(不過入面d人係印度人 xD); 無人食, 我地包場, 包: 普通, 湯: 稀稀地唔夠咸, Risotto: 淡淡地唔夠咸, Ribs: 肉淋得來唔會太易離骨, 基本上已經好過Ruby Tuesday XD 另一亮點係薯條, 外脆內淋~ 凍檸茶: 亮點! 個茶底好正~~ 飲完想encore~~ 總評: 唔貴+食物質素普通; 性價比普通。

4. 是晚睇左世杯12點場德國對法國。

5/7(六) -- 好累, 食完lunch下午係企又頂唔住訓著左; 夜晚同C哥嫂Jason去坑口食桃園; 夜晚過呀哥度一齊睇波。

5. 睇左杜德偉TVB音樂會, 佢d歌真係好聽~~ d嘉賓都好正~~ 唯一係佢個唱腔仍然都係怪怪地 XD 不過有幾首歌佢正常咁唱都OK~~

6/7(日) -- 一早起身去打波, 9-11 non-stop累死; 返企沖個涼之後同C出TM Edith家玩貓貓(係佢家附近食左間上海野lunch, OK喎)。6點半島走, 係灣仔食個飯之後行去CWB散。

6. 係一趟旅程同時遇上壞車要換車(296A)同埋前面撞車所以塞車(258D), 真黑仔, 差唔多攪左2個鐘先由TKO到TM...

7. 係CWB巧遇KT & 家雄哥。

來緊:
10/7(四) -- AngelKTJanet飯
11/7(五) -- 公司練波
15/7(二) -- ex-URA 7月飯
16or17/7 -- 四仔飯
18/7(五) -- AL; 吉卜力展覽
29/7(二) -- Sanny etc飯

完

六月二十九日 -- 正。反

23/6(一) -- 收工返企食飯。

24/6(二) -- 收工搭巴士過CWB換飛, 再去北角同TangoLily食飯, 係稻香食小菜, 9點島走。

25/6(三) -- 收工去CWB同C食飯睇戲。

1. Z風暴: 因為Karmen有免費換票証先有機會睇; 話說套戲個感覺就好似電視劇廉政行動20XX擺左上戲院咁, 成套戲拍得無咩電影感, 劇情十分之straight forward, 唔係話悶但都唔算係十分精彩, 好多位係電視角度來講就算數但係係電影角度來講山就真係幾求其同埋兒戲, 唔使錢或者早場勉勉強強都可以算數, 正價就免了。值得一講o既係個cast, 主角同supporting cast好多都係好戲之人, 算係最值得入場o既原因了。另外, 請開廉政行動20XX, 呢套係完全係幫ICAC做廣告o既一套戲...

26/6(四) -- 收工返企食飯。

27/6(五) -- 收工返企沖個涼再出坑口meet C試桃園茶餐廳; 都唔差。

2. 係屋企出去時竟然個頭竟然中左轟炸機! 真係咁大個仔第一次, 好彩係公園附近即時去沖頭, 真黑仔。

3. 東北表決單野真係好離譜, HK究竟點呀...

28/6(六) -- 中午同C食飯之後去左天晉游水, N年無游過本來都唔係好熟而家更加唔識, 於是hea浸下水, 之後好累去左池邊攤係椅度恰左下; 游完入西貢同C狗玩同幫手佢地沖涼, 之後食埋飯hea左陣10點幾先走。

29/6(日) -- 是日本來無野做, 中午同呀哥呀嫂食完飯後, 之前見Connie去左"正反"個展覽好似幾得意, 於是就同哥嫂一齊去, 都幾得意幾好玩; 本來諗住之後去下第d展覽, 但都唔太早, 於是就行下炮台山間759超市、和富12蚊店、759同奇趣, 之後去功夫點心食飯, 之後處理左d屋企野同上左天晉一下後過左呀哥度過相再返企。

4. 幾日前"訓禮頸", 頸同膊頭痛左幾日, 頭要慢慢咁轉同埋唔向得上, 好辛苦呢。

5. 正、反: 同個展覽無關; 每樣野都有兩面, 好多人都識講, 但唔一定識睇; 有人o既地方就有麻煩同是非, 最得人驚o既地方係, 明明件事正反兩面都無話邊邊係"錯", 但係成件事出到來就2邊都好似有錯, 或者唔開心; 呢樣野就係"人"最麻膠叉煩o既地方: 誤會、猜疑、情緒、喜惡, 真係好膠叉煩。

來緊:
30/6(一) -- YW飯局, 估唔到我連呢個group都join埋?
15/7(二) -- ex-URA 7月飯
16or17/7 -- 四仔飯

完

六月二十二日 -- 休息

16/6(一) -- 收工返企食飯。

17/6(二) -- 收工返企食飯。

18/6(三) -- 收工去CWB Tom Lee睇睇有無陳慧嫻concert飛賣, 一如所料full左; 同C食左花園餐廳行左陣後散。

1. 今日第一次試去坑口搭巴士返工, 效果比起之前TKO果2架好d喎~~ 如果第日早起左可以考慮下~~

19/6(四) -- 早少少收工返去睇左醫生先, 再出九龍城同Nat食飯, 再食埋糖水(合成)同佢等完車散。

2. 今日返工勁黑仔, 坐果架巴士竟然hi到前面架的士, 攪到係度磨左好耐; 好彩預早左出門口, 最終遲左3個字。

3. 試左間好似新新地叫Rossa Laksa的鋪, 好攪野: 裝修似西餐, 餐牌主要係東南亞野, 但係又有扒食喎; 入到去竟然得另一台2個男人就來食完, 之後走埋, 得返我地一台客, 好似包場咁; 到9點3竟然話last order, 之後聽到佢地洗野執野, 9點9島見到佢地連袋都拿埋出來等收工, 唯有埋單(其實無催); 係九龍城o既食店竟然未10黠就收工真係好奇怪咯 xDD

20/6(五) -- 收工同C食日本野同行左陣街, 有d累。而家唔行得太耐呢 -__-

21/6(六) -- 中午同C娟SamEsther係大圍食飯, 之後Sam返工我地上探佢地家玩貓貓; 夜晚係顯徑食大排檔潮州野(幾好食, 貴貴地)之後散。

22/6(日) -- 同尋日同一人腳, 同C娟Esther係葵芳meet跟住行商場, 竟然係同一間野食lunch同晚飯XD; 食完8點前就散。

4. 雖然自己一向少睇波, 不過話晒世界杯, 由決賽周開波一路以來少少都有睇下咁, 都幾好睇呢~~

5. 前排返工或者私人都好忙, 又好似好多野未攪未安排, 今個星期係比較休息o既一個星期(雖然都係仲有好多野要攪未攪); 有時真係要有d咁o既時間充下電, 唔想有太多節目或者出街, 同朋友聚下, 係屋企hea下就最好~

來緊:
24/6(二) -- TangoLily飯。
30/6(一) -- YW飯局, 估唔到我連呢個group都join埋?

完

六月十五日 -- 送殯

9/6(一) -- 收工返企食飯。

10/6(二) -- 收工同Cass娟係觀塘食上海野, 拿手信, 之後再去轉左新鋪o既葫蘆館; 9點半島散。

11/6(三) -- 收工返企食飯。

1. 早幾晚就好早醒或者半夜醒, 尋晚就發左個喪屍惡夢, 又驚又走好鬼累, 不過又幾有故事性, 入面個男仔雖死但好愛佢女友。

12/6(四) -- 收工同另一批同事再探Yee & B; 探完臨時同KennethWendyPenny食飯。

2. 是日出site, 有幾支針筒係上面跌落來係身邊, 好危險呀~~~

13/6(五) -- 請假一天, 一早起身過Macau; 之後幾乎全日係殯儀館, 10點散; 同2個表弟去酒店放低野, 之後落街買宵夜, 返來見到另一表弟, 4個人返房食野吹水, 全日最free最開心係呢個時刻, 好難得呢~ 之後散水(自己一間房), 係lobby上左陣網, 返去沖涼, 睇左陣世界杯訓。

3. 繼喪屍夢之後又夢到超大強夢同埋公司見客死八婆夢; 超大強夢仲嚇到叫左出來扎醒左添。

4. 睇唔到蜢蜢concert...

5. 經歷左舅父funeral, 深深地感到, 平時成日同fnd、同同事講笑話自己老, 事實上老o既唔係自己, 係自己爸爸媽媽...

14/6(六) -- 一早起身去殯儀館, 之後出車去珠海入土; 食完解穢酒返澳門執齊野返HK; 返到來飯都未煮, 唔想等所以同呀哥呀嫂係樓下快食完飯返企抖。

6. 極累極眼訓, 不過今次都唔算多企同行, 對條腰同腳都唔算好大破壞, 反而係怒食二手煙, 喉嚨同肺好辛苦。

15/6(日) -- 休息一天。中午join西貢出來的C食lunch, 之後買送返企睇電視, 太眼訓頂唔住係廳地下訓著左, 起身煮左2樣野帶過去食晚飯。C同Jason都一齊食。

7. 是晚試整新野, 時間不足之下, 都OK啦; 原來咖哩粉可以咁用呢~

來緊:
30/6(一) -- YW飯局, 估唔到我連呢個group都join埋?

完

六月八日 -- 打波s

3/6(二) -- 收工返企食飯。

4/6(三) -- 收工返企食飯。

5/6(四) -- 收工去TST妹記大排檔(ex-URA四、五月之星Gathering, ConnieLoLoAmandaCarolMandyHoChristineWaiYolanda); 9點半島散。其實每次呢group人出來, 有好多時講o既人事物我都係唔知或者唔識o既, 所以有時唔知講咩好, 都係靜靜地聽下o岩我d(或者一邊攪第d野一邊聽)

1. 妹記大排檔, 一間上左鋪o既大排檔, d野幾好食, 不過唔知係叫d野o既問題定係佢本身都係咁, 大部份都好油, 同埋口味幾重, 而家唔係好like太重口味o既野, 所以(對我來講only)感覺一般般。

2. 發現自己而家有d矛盾: 好鍾意同一班fnd gathering, 但係又開始唔係好鍾意出街食果d野; 仍然好鍾意唱K, 但出到來又唔知唱咩歌好; 好想砌模型, 但一拿起郁手又唔知點攪, 好快又收埋; 奇奇怪怪。

3. 是日出site見到疑似明星洪永城同黃翠如, 但係果個情況又唔多似真係佢地...

6/6(五) -- 出site見完個八婆有得早少少收工, 返企放低野換衫去坑口同公司同事打波。有時間買左d爭鮮來食, 唔使捱餓, 又唔使做完運動之後同埋夜食野~

4. 已經厭倦左同事又再來o既一壇蘇州屎, 不想多提。

5. 真係比較正式地打全場, 學打戰術同唔同走位; 平時睇波就識睇但係自己落到場無走開真係?膠膠唔知走去邊, 不過打戰術真係好玩好多, 同亂打絕對係2樣野來呢~~ 平時專業d球隊同教練要練定咁多套戰術又要臨埸發揮真係好困難o既一牛事呢~~

7/6(六) -- 起身去左睇跌打, 睇完即時好好多; 中午同C出去MK, 同佢食左朗豪坊街市, 落雨邊度都去唔到, 於是行左旺中、信和同In's Point, 之後返TKO; 一返到屋企就頂唔住, 係sofa訓左2個鐘; 夜晚食左吉野家。

6. 其實係HK落雨真係唔係好多地方去, 有時諗去邊真係幾頭痕。

8/6(日) -- 一早起身去打波, 今日狀態好過前日好多, 前日基本上係痛住咁打, 今日順好多; 中午同馬民CathyC一齊食飯, 之後即興睇左戲(奪命西), 睇完散水, 我同C去左海邊坐左陣, 之後行去TKL搭MTR落北角食飯後散。

7. 奪命西 -- 無無聊o既笑片, 有d位幾好笑, 不過overall普通而已; 有好幾點其實好值得讚(或彈): 好拍得出當時西部o既味道(當然都係從其他戲睇返來); Niam Leeson真係估唔到佢會做呢d gag戲, 不過佢真係好型同好有壓逼感, 次次出場都真係會驚呢~~ 女主角牛女姐姐好爽朗好型女, 好正! 估唔到Amanda Seyfield做大茄~~ 男主角明顯佢度橋係唔錯, 做戲就好普通; 有d死人位都嚇左一嚇, 不過其實trailor已經出晒咁滯...anyway, 同死黨睇戲已經好開心呢~~(N耐無一齊睇戲了~~) p.s.戲前trailor見到Drew Barrymore又有戲上~~~

來緊:
10/6(二) -- Cass飯
12/6(四) -- 再探Yee & B
13/6(五) -- 睇唔到蜢蜢concert, 要過Macau...請左一日假, 日頭過去
14/6(六) -- Macau返HK
30/6(一) -- YW飯局, 估唔到我連呢個group都join埋?

完

六月二日 -- 澳門

26/5(一) -- 今日下午為左同事o既疏忽同自己o既監管不力奔走, 不過有得早少少收工, 返去睇跌打, 好耐無睇, 呢排有d冤所以睇睇。由於唔知會睇到幾點所以無返去食飯, 點知無咩人, 好快睇完, 買個飯盒返去食。

1. 呢期高達game活動無咩愛, 可以抖下了 :D :D

27/5(二) -- 早dd收工, 返左屋企沖左個涼, 再出九龍城同八姑進食慶祝八妹生日飯; 由於小翠佢想食泰國菜所以就去左九龍城泰野飯堂"泰式燒烤", 又平又好味又唔多人; 食完再去合成食埋糖水對埋六合彩(唔中)先散。

2. 是日頂唔住又剪左髮(之後出去食飯)。

28/5(三) -- 收工同BadEnd人係SSP睇完玩具食飛鷹, 8點幾散。

29/5(四) -- 收工返企食飯, 食完飯係果邊眼訓到恰左陣。

3. 舅父終於走了...

30/5(五) -- 收工去觀塘同呀源食飯(大盛, 其實夜晚係OK的), 之後早d散第日要早起。

31/5(六) -- Macau 8人Day Trip(CAmy源雲EvaDesmondWing, 源原來未去過Macau), 8:30am船去11:00pm船返, 去左大部份應該去o既地方, 勁行, 好熱好累, 返到來腳痛。

4. 擇茄唔聲唔聲拍左拖! @@"""

1/6(日) -- 中午同C日安盧撈Penny係Popcorn睇黑魔后, 之後去左將中foodcourt食lunch, 再去坑口行下同埋食聰嫂; 之後係坑口買左d野飲野食返企, 超累同眼訓, 沖個涼後訓到7點幾8點起身食野。

5. 黑魔后: Disney兒童向電影, 劇情唔複雜唔難估但好流暢同溫暖, Angelina Jolie意想不到地都幾卡通化, 做魔后古靈精怪都幾合適(同埋今次佢應該拍得好舒服xD), overall來講幾好睇。

2/6(一) -- 公眾假期, 下午去左探Yee & B(CConnieLoLoCarolAmandaWaiChristineNatalie), 之後一齊食tea後散。夜晚無再食飯了。

來緊:
5/6(四) -- ex-URA6月之星Gathering
12/6(四) -- 再探Yee & B
13/6(五) -- 蜢蜢concert, 不過可能要過Macau睇唔到...

完

五月二十五日 -- 舅

19/5(一) -- 收工返企食飯。

20/5(二) -- 收工去呀C企食飯。拿左個mon返企。

1. 要做的始終都要做。

21/5(三) -- 之前果日Grace臨時約睇戲, 有換票証, 不過套戲麻麻, 7:30-9:30, 之後去左元氣食左少少野就散。

2. Transcendence: 將一個idea拍成兩個鐘，劇情發展唔難估，成套戲唔係話好差，不過最大問題係佢個主題唔出，科幻？講生命？探討A.I.？至死不渝愛情？全部都唔?到位。戲入面d角色其實都無咩邊幾個係需要交戲(女主角叫係要交得多d戲), 其餘d人幾乎木口木面神色凝重咁就交完戲(尤其男主角); 好彩有免費飛~~

22/5(四) -- BadEnd人之前果日通知佢唔得閒, cancel食飯; 收工返企食飯, 呀哥呀嫂返來了, 好耐無見啦~~~~

3. 全個屋苑係無事先通知下突然停食水(7點幾)，住左甘耐第一次！於是過左去呀爸果邊沖涼, 返來之後有返水先再淋個浴。屋企附近超市同便利店d水都被搶購晒~~好彩屋企有好多水, 無影響姐~

23/5(五) -- 呀爸去左澳門探舅父, 廢事佢咁趕返來煮飯, 收工同呀哥去左一麵館食飯。

4. 舅父身體似乎唔係好得了。

24/5(六) -- 中午同C去左灣仔食金鳳茶餐廳, 係幾好食o既雖然有dd貴; 之後搭巴士上山頂, 睇貓貓, 好熱好後悔著長牛仔褲~~ 之後夜晚去C婆婆屋企食飯, 佢呀姨下星期返加拿大了~

25/5(日) -- 早上去左打波, 好耐無打, 身體狀態麻麻, 打波狀態當然都麻麻, 不過真係志在做運動同走下, 所以都幾開心; 下午突然被呀媽急召, 同呀哥呀嫂一齊去澳門探舅父, 佢似乎真係唔多掂了; 係果邊食埋野返, 返到來都11點幾了。

5. 舅父: 細個對佢o既印象係係唔多同我地小輩野講的, 不過原來飲左少少酒就會好多野講, 好錫我地。仲有就係訓覺鼻寒超大聲(第一次接觸呢樣野~~)由細到大去親澳門都係住佢家, 表哥表姐帶我地去玩, 所以到而家都唔識澳門d路; 雖然咁多年來唔係同佢有好多真正o既傾偈同接觸, 不過都係一個好尊敬o既長輩, 希望佢可以捱過呢一關啦...(或者, 係可以舒服咁樣完成...)

6. 由於本來expect下午可以抖先去打波, 所以之後去澳門返來好累呢~

來緊:
27/5(二) -- 八姑進叔慶八妹生日飯
28/5(三) -- BadEnd人飯
31/5(六) -- Macau Day Trip
2/6(一) -- 公眾假期, 探Yee B
5/6(四) -- ex-URA6月之星Gathering
13/6(五) -- 蜢蜢concert

完

五月十八日 -- 雜記

12/5(一) -- 收工同媽子去Henry's Kitchen食飯, 之後返企。

13/5(二) -- 收工同Cass娟係天機棧食飯, 慶祝Cass生日同埋同佢講下Singapore d資料。

14/5(三) -- 收工返企自己買左個飯食; 的起心肝執左下間房, 噴左d金色, 希望可以開到工快d完成d貨; 不過是晚聽歌多...

15/5(四) -- 收工同馬民食飯, 好耐無試過best friend飯! 去左坑口村合時, 輕輕鬆鬆2粒幾鐘食完行返企。

16/5(五) -- 收工返企食左少少野, 夜少少有d餓...

17/5(六) -- 訓左大半日, 夜晚去C婆婆屋企食飯。

18/5(日) -- 本來諗住如果天氣OK可以1行下公園, 點知都係落雨, 於是下午行左下IVE的Gallery, 之後夜晚去MK大滿喜食娟Sam BDay飯。間野食普通同埋好擠逼d野又來得唔齊又耐, 唔推介。8點夠鐘食完散。

1. 之前睇完好友借o既書"母性", 短聊d感覺:
1.1. 比起之前o既告白、贖罪, 呢本劇情straight forward左, 無之前咁懸疑同咁爆, 雖然入面角色都有一定o既極端, 但係程度上都係無告白咁犀利。
1.2. 今次sell親情, 透過唔同角色講"母性", 幾有意思同幾得意, 最後亦都幾正面咁比人溫暖, 睇完幾舒服。
1.3. 雖然可能好多人睇完諗到o既係親人之間o既關係、"母親"呢個角色所帶來o既意義, 不過我自己睇完最大o既感想係無論咩人之間, 最緊要o既係"有效o既溝通"...不過, 係現實世界呢樣野真係有d困難, "表達"同埋"理解"o既一方要o岩channel或者都好擅長先可以。所以, 我好珍惜我咁多o既朋友, 因為會對大家o既思想有一定o既理解, 甚至好容易溝通。
1.4. 講返母、女, 我覺得世上其實無野係"必然"o既, 家庭觀念、道德觀念好多都係後天受環境而影響。新聞都見唔少呀爸呀媽真係無人性, 或者呀仔呀女無人性; 不過, 我又覺得, 血濃於水, 人"基本上"都係會愛自己父母、子女, 係動物界我諗都係比較自然o既事吧~
1.5. 係某d角色見到(尤其係入面個女主角), 有d人真係會見到少少野就好多幻想, 或者自己derive出來好多諗法、睇法、意見、感受...etc, 但其實又唔係o岩o既...對住呢d人真係好難頂。

來緊:
22/5(四) -- 同BadEnd人食飯
31/5(六) -- Macau Day Trip
5/6(四) -- ex-URA6月之星Gathering
13/6(五) -- 蜢蜢concert

完

五月十一日 -- 太平清蘸

5/5(一) -- 收工同好友們入長洲, 準備第日睇長洲飄色。是日有微雨; 入到去放低d野行左陣就去食飯, 個海鮮餐好好味又抵食, 好正呀~~ 之後返去hea, 有幾個人聚下賭XD 另外幾人又落左去行下, 之後返來各自沖涼訓覺; 熄左燈之後大家仲係度吹水講笑講衰野, 成班人都係低能的XDD 好好笑~

1. 雖然我無join玩牌同card game, 不過成班fnd一齊hea一齊overnite, 已經覺得好開心; 係好快樂o既時光呢~

6/5(二) -- 一早起身落去食包埋o既早餐, 之後落去行左圈就去check out; 一早book左茶餐廳, 可以坐係度舒服d睇長洲飄色巡遊(雖然都係有人係前面, 又因落雨前面有人開遮), 不過總算唔使企同埋同人逼; 巡遊其實都好standard, 又唔算好密地有野睇; 睇完之後再行左陣同買野, 之後就出返來, 雖然人多但都未至於要好耐同要排好長隊。出返來送左C返企後, 返企整d野食。

7/5(三) -- 之前OT補假, 拿左呢日正好可以休息下。訓到好晏起身, 約左呀源2點係MK等, 食好~~耐無食o既MK街市; 之後行晒以前係MK會行的模型扭蛋地點(信和廣華街前後兆萬In's Point皆旺千里達), 雖然好多都無咩再值得行, 但一次過行晒, 好耐無試過同好正呢(尤其果個時間MK唔多人)~~~途中試埋果間好出名好多人排隊o既小食店, 係幾好食不過絕~~對唔值得排咁長隊咯~ 行到6點島同呀源散, 同Grace食飯; 行左去佢公司果邊, 之後臨時決定去佐敦o既小酒窩, 之前食過一次, 今次2個人食, 叫唔到幾多野, 叫左個沙律同pizza(不過麻麻地), 之後去左12蚊店買野, Grace拿返上office度後一齊搭車返寶林, 行左下後散。

2. 是日係屋企樓下PK, 驚覺對鞋已經著左好耐, 頂唔住了...

3. 好開心好耐無試過一次過行晒呢d地點, 而家都無咩機會了~~~

8/5(四) -- DS後DH, 繼續無咩返工放緊假的感覺。收工返企食飯。

9/5(五) -- 本來大半日出site, 因為加單所以全日出site; 中間有一個長o既時間, 鵬鯉心血來潮想唱K, 於是去左MK唱左個K lunch; 下午做到4點幾就做完收工返企。突然好想煮野食, 於是返到去就買野同煮飯食。

4. 主要係FB見到有d人煮飯, 自覺雖然煮得唔算好但都唔差過佢地, 所以果下好想煮 XD

10/5(六) -- 係企hea左大半日, 下午幫民仔同佢個會帶路開門, 象徵式同佢地打左陣波, 之後返企沖涼抖; 夜晚去寶林同C食魚之味。

11/5(日) -- 娟生日快樂; 又係企hea左半日, 下午去左CWB同C同佢呀姨等人行CWB, 到6點同佢家族食大圍母親節飯; 之後佢細佬車我返企, 由於大雨塞車, 勁耐先返到企, 好累又少少暈暈地; 辛苦晒佢細佬了~~

來緊:
12/5(一) -- 同媽子去街街食飯
13/5(二) -- cass娟飯
18/5(日) -- 娟Sam BDay BBQ
5/6(四) -- ex-URA6月之星Gathering
31/5(六) -- Macau Day Trip
13/6(五) -- 蜢蜢concert

完

五月四日 -- 雜記

38/4(一) -- Whole Day Site; 臨時約左收工同Nat係KT Factory 99食飯, 估唔到係我belate BDay 飯呢, 多謝~

29/4(二) -- 收工去左Jordon Pink Salmon, 白田Gathering。

30/4(三) -- 收工落到MTR先臨時同EdithIda去MK天機棧食飯; 講左2個鐘頭書, 希望有幫助啦~~

1/5(四) -- 公眾假期一天; 11點出到MK join八婆一家, 車我地去黃埔; 同八婆一家C源進係果度食野同去左冒險樂園玩, 3點幾出來, 去許留山食左d野就散; 車返出MK, 我同C源行左下MK, 之後一齊去蘭苑饎館食完飯散。

1. 由細到大都唔會去冒險樂園, 除左覺得d game好無聊之外, 好晒錢。

2/5(五) -- 收工同同事唱K; 本來人多d, 不過因為不同因素有幾個人唔來得, 最終剩返5個(JessieEdithLeonaRita); 自己唱得唔係好多; 不過一向都好like同唔同人唱K, 除左可以聽多d唔同o既歌外(如果來來去去都係果d人, d歌都係咁上下), 亦都一貫會留意人唱K時o既狀態, 從而了解多d人呢~

2. 好友Queenie第2B突然彈閘出世~

3. 是日精選: "彈落d罅~ 彈落d罅~ 彈~~"

3/5(六) -- 中午同呀強Ida係沙田食飯, 之後meet埋PennyJessie去Raymond家探BB(joan後join); 之後再到浸會醫院探Queenie & B, 之後返企食飯。

4. 有人話請我地食譚仔放題 XDD; 我即刻同呀強話唔食米線, 齋叫雞翼; 之後有人話限定起碼叫一碗米線, 我地都覺得可以狂叫小食XDD; 之後我話約夜晚多d時間慢慢食, 有人話呀強點會join夜晚, 呀強當然話會join啦 XDD

4/5(日) -- 中午帶埋車仔去源家幫手掉個櫃; 去到食個茶記之後上去佢家掉左個櫃, 之後係附近兜左個圈再返去執埋d手尾攪掂; 係佢企hea左陣同吹下水上下網, 之後去左MOS的La Dolce食埋飯再行個圈走人。

5. 應該有十幾年無上過佢企了~~

6. 係佢企睇左本漫畫(一期完); 幾好睇, 個故事好OK喎~~

來緊:
5/5-6/5 -- 長洲飄色gathering
5/6(四) -- ex-URA6月之星Gathering

完

四月二十七日 -- 雜記

22/4(二) -- 出site早收工返企食飯, 由於呀媽要出去所以早食; 是日頭痛。

23/4(三) -- 收工同LilyTango係北角食刺身壽司, 唔太貴又幾好食~ 未到9點就散~

24/4(四) -- 收工返企食飯。

1. 由以前到而家, 上網睇好多野同埋睇開幾個好有料到o既newsgroup同網站, 收集左大量資訊, 平時係fb人地share果d野(健康、攪笑...etc)好多都遲過我見到; 自己好鐘意吸收資訊, 亦會消化, 但係咁多野點會記得出處? 但好多時同人講, 人地又唔信...我又無得quote返咯...

25/4(五) -- 收工返企食飯。

26/4(六) -- 一早起身同呀媽去銀行, 之後都無得訓返, 所以全日好眼訓; 下午本來想去山頂睇貓貓, 不過落雨所以無去, lunch去左天后食阿糊面線, 麻麻地; 食左豪大大雞排, 好大塊, 其實都係得個試字, 正常唔會買來食; 唔去山頂改去太古城, 行左下之後(C行街時我係太古城度坐左係度累到恰左下), 3點幾就走, 返TKO佢執野, 我係sofa又訓左陣, 之後5點島入西貢C細佬家hea同食飯, 9點幾我返企。

2. 記: 屋企樓下地產鋪外面, 2個男人並排(估計係蛇緊出來抖氣無聊中), 一齊向左、向右、向左、向加...咁郁; 平時如果係一對情侶都無野, 但2個男人就好攪笑咯~~

27/4(日) -- 鐵腳Kgroup, 點知有幾個人放飛機, 又約返幾個人(我C娟源EstherMayChan); 好耐無同MayChan唱K!(MayChan自己都好耐無唱K), 仍然好得呢~~~ 唔知點解無咩心機(雖然狀態還好)所以唔係唱好多; MayChan走先; 晚餐呀Sam來join埋, 係附近間餐廳食飯; 好平喎(野食都算係咁, 又幾多款)~~~ 可以係身日唱K後o既飯堂。之後再一齊去左松記食甜品後散。

3. 唱K叫左個tea set, 蝦醬海鮮炒飯, 不單止無蝦醬味, 連咸味都唔多覺, 結果落左2包茄汁撈埋, 自製變左廈門炒飯。XD


4. 呀哥呀嫂來緊去英國, 差不多成個月唔見了~~

來緊:
29/4(二) -- 白田Gathering
3/5(六) -- 探Raymond B
4/5(日) -- 暫定去源家幫手執屋
5/5-6/5 -- 長洲飄色gathering

完

四月二十一日 -- 復活?

15/4(一) -- 收工返企食飯。

16/4(二) -- 收工返企食飯。

17/4(三) -- 收工返企食飯。

1. 連日返企食飯, 日日都睇左少少內地劇"宮鎖連城"; 覺得d人憎來憎去好煩 =_=; 話說覺得個男主角雖然想講到佢叻又專一, 但係我覺得佢做d野心機好重好得人驚, 個公主好可憐, 個女主角無咩特別, 個佟家女好得人驚、個演員做得好好, 個侍女小雪(程硯秋飾)好可愛不過佢段劇情真係好得人驚好可憐; 不過, 反正, 都係唔會專登追的了。

18/4(四) -- 臨時約左收工同K14係TKL FC食飯。好耐無見, 仍然係好多野傾~ 9點幾島散(多謝手信)。

19/4(五) -- 復活假第一天, 除左落過下街食飯之外抖足全日, 叉左d電(雖然未叉足)。

20/4(六) -- 復活假第二天, 係我家開party(C娟源進慧), 幾人甩底得返六人; 用左成日砌左個立體砌圖, 到9點9先出去食飯, 去到黑夜壽司好多人排隊, 於是去左元朗正記(坑口分店)叫小菜食飯, 都OK, 11點幾散。

21/4(日) -- 復活假第三天, 原本Sam攪BBQ, 但天氣太熱, 佢地傾傾下變左又係來我家(C娟源JessicaSamEstherDorothyAdaMandyThomas); 係企玩game, 夜晚Mandy煮左d簡單野+外賣爭鮮。

2. 試過先知, 我煮野都唔差, 無論係意粉定雞翼定沙律都係我叻好多。嘿。

22/4(一) -- 復活假第四天, 休息一天, 又係狂訓。夜晚出左炮台山同C食飯(大熱高湯麵, 算係OK)。

3. 連假雖然無去街, 但係又唔早訓又訓得唔好, 都係好累。

4. 耐性同感覺都是被消磨的。種咩因就有咩果, 有d野無需要解釋, 自作自受。如果我係抵死o既自然就會抵死, 如果唔係我抵死o既自然就係抵死o既人抵死。唔想再解釋得多了。

5. 睇書、戲等等得出o既感覺, 就係轉數快、叻果d人真係好可憐。佢地睇野諗野太快, 人地跟唔上, 又唔容易搵到實力相當o既人, 最慘o既係無人明白佢地,明明係叻係o岩但係低層次o既人永遠唔明白高層次o既野咁。又一証明做叻人係無好處的。(好彩)

來緊:
27/4(日) -- 鐵腳Kgroup
3/5(六) -- 探Raymond B
4/5(日) -- 暫定去源家幫手執屋
5/5-6/5 -- 長洲飄色gathering

完

四月十三日 -- Sodagreen Concert + FS

7/4(一) -- 收工返企食飯。

8/4(二) -- 收工返企食飯。

9/4(三) -- 之前果日呀源約食飯, 約左呢晚; 收工係觀塘APM食一杯, 睇左佢去旅行d相同拿手信, 好早8點島就散。

10/4(四) -- 收工去睇醫生先返企食飯。

1. (&*^@*^$R%!)@(&!_@$E(

2. 一口氣睇晒小說版o既"紅van", 個頭真係開得唔錯, 可惜真係埋唔到尾, 同埋好多野無交代。

11/4(五) -- 又FS, 竟然唔使10點就收得工, 9點9走10點半島返到企。

12/4(六) -- FS, OT到8點半。

3. 之前果日開始起, 今日生左飛滋, 超大超痛。

13/4(日) -- FS, OT到5點走, 夜晚去睇sodagreen演唱會, 其實已經相當累了。

4. 演唱會好正, 青鋒live好正; 有講野有encore 11點8, 9先散場, 雖然好累好晏但都昇心的。

來緊:
19/4(六) -- 復活假, 我家party
20/4(日) -- 復活假, Sam攪BBQ?
27/4(日) -- 鐵腳Kgroup
5/5-6/5 -- 長洲飄色gathering

完

風險管理

做每一件事都會有風險, 但係就算讀書曾經讀過呢一個課題, 都唔代表識得真正o既風險管理。

風險管理並唔係要將所有風險減到最低, 而係要有效地降低風險。當然, 唔同o既人唔同o既scenerio能夠承受o既風險程度都唔同, 不過絕對唔係係投放大量o既資源(可能係金錢、時間、人力等等)落去將個risk由5%降到3%。

舉個例, 好似起樓咁, 如果同行有讀過safety o既人都知, 跟本無可能做足safety regulation入面所有安全措施, 一d都唔practical; 如果做足, 都唔知要用多幾倍o既錢或人力。或者用比較生活化o既例子: 係街度隨時都會有花盆係上面跌落來、隨時有車鏟上行人路; 如果要100%安全, 係咪要行人路上面起晒鐵都跌唔穿o既蓋? 路旁起晒貨櫃車都撞唔爆o既欄杆?

用來保護平民同總統當然會唔同, 投放係重要人物上o既資源一定多d, 所以話唔同scenerio會投放唔同資源。不過即使係咁, 所有事情都會仲有一定程度o既風險。真正識得管理風險o既人, 會知道投放幾多資源落去, 去到有幾保險就OK, 而唔係盲目去到最最最安全。講真, 幾保守、幾小心都好, 一定仍然有risk, 放太多無謂o既時間精神人力落去, 非常浪費。

係好多貧窮o既地方, 生活環境惡劣, 唔通又好多人因為危險而死左? 其實長期係惡劣o既環境生活, 反而時常提高警覺性, 發生危險o既機會唔一定會高。曾經有研究指出(唔記得係邊睇, 無得quote返), 自從手機有左handfree之後, 出現汽車交通意外o既數字係比之前無果時高左。see? 好多野唔係單憑想像同一般常識就可以下定論, 如果可以, 世界就唔係咁運轉啦。同樣道理, 個個人o既能力唔同, 有d人唔覺得危險o既野, 唔好逼佢地話係危險o既事, 有時覺得唔安全, 只係因為你能力不足, 唔代表人地做唔到(舉例: 玩Parkour、玩X-game果班人)。

無奈, 唔知由幾時開始, 而家好多人做野不論大小事都極度小心翼翼。小心翼翼唔係問題, 問題在於矯枉過正。於是社會上現左好多正義撚, 極度主觀地將一套野apply晒落所有situation; 出現左好多怪獸家長, 對小朋友過度保護, 令佢地唔識得咩係risk, 大個左盞仲危險。去返工作方面, 咩野都要做到好穩陣, 只會慢, 唔efficient, 太無謂o既穩陣只會浪費左人力物力, 只有無能力、廢柴o既管理階層先會咁做。

我成日都話, 做好人、做壞人都唔緊要, 最緊要唔好蠢。要對住o既蠢人真係好煩好?。
(利申: 雖然我係蠢人但我都唔想對住蠢人咯)

完

四月六日 -- 舅父

31/3(一) -- 收工返企食飯。

1. 頂唔住, 剪左髮。

1/4(二) -- 收工同Ida去花墟買草, 佢住得近所以比佢幫我拿返企之後第日拿返公司~~ 係永合隆好快食左個飯之後散。

2/4(三) -- 收工返企食飯。

3/4(四) -- 收工返企食飯。

2. 是日公司正式宣佈各組人事調動安排。

4/4(五) -- 收工同同事(不過無邊幾個熟)去北葵涌個場(上次個場)打波, 打得麻麻地, 始終就住就住(好彩防守都OK); 9點散場, 10點幾返到企。無食飯。

5/4(六) -- 本來諗住呢個星期weekend有得抖, 點知早幾日突然增加mission, 要去珠海探舅父; 一早起身去搭船, 過去坐左陣後就返HK, 7點半島返到企食飯。

3. 舅父雖然好精神, 不過都知道身體已經唔係好好了。

6/4(日) -- 今日終終終於有得好好地咁訓返一覺了, 好難得一訓訓到12點幾呀~~體力回復至70%島; 本來想去公園, 點知落雨, 結果去左天后食晏之後去行葵涌廣場, 係新都會(遇到陳進同佢女友)食Toast Box, 個冬蔭意粉係意料之中地唔match同難食, 9點幾島走。

4. 70 --> 30, 好難想像來緊呢個星期(同埋下個星期)點捱, 仲要星期五至日九成有野做要OT。

來緊:
11/4-13/4 -- 又operation?
13/4(日) -- Sogagreen concert!
27/4(日) -- 鐵腳Kgroup

完

2014三月三十日 -- 婚宴s

24/3(一) -- Tracy突然約食飯, 同佢去左SSP掃街, 之後佢突然收到電話拿得相, 於是一齊去左TST拿佢wedding day相(仲買埋第日戲飛), 食埋yogurt; 同佢傾左好多有關結婚o既野同資訊, 同埋介紹左好多唔同有關o既公司比我呢~

25/3(二) -- 一早約左會同呀源睇戲(her), 之前果日臨時叫, 結果只叫到多一個人一齊睇(小暈); 收工過TST同佢地快食爭鮮, 之後係The One睇"her"; 睇完去左yogurt度見一見CSannyAmy佢地後(無食)就走。

"her -- 好散咁講下d感想:

唔知點講, 其實我覺得個main point唔係睇個劇情, 因為係科幻, 基本上(以而家科技)無咩可能發生; 個main point應該係講"relationship"吧; 我覺得係佢同幾個真人同OS的relationship有好多思考空間, 令人諗同反思好多野, 究竟應該點樣同人相處、對對方有咩期望...等等; 而個結局我覺得去到中後段已經有d失控, 返唔到轉頭同好難埋尾呢~~ 不過個ending都有令人要諗之處, 一諗再諗之下, 覺得似乎係一個唔錯o既ending; 拍攝+輕音樂都好正好靚好o岩成個tone, 而最正o既當然係男主角o既演出啦~~ 估唔到聲演OS的女主角原來好多對白, 但係好有感情, 好勁~

幾鍾意故事一開始未有OS之前已經有齋用"聲音"來演繹一d特殊o既關係, 出左Samantha之後慢慢入戲, 帶領主角(同埋觀眾)入晒段關係入邊, 令人感覺好真實; 中間穿插左幾個真人同埋男主角好友之間o既互動, 我覺得有少少將幻想o既空間現實化咁(當然係戲入邊係真係真實, 只不過Samantha係虛擬人物)

男主角個思想同感情都好~~~~~細膩; 其實同呢d人一齊, 我覺得世上無幾多個人可以唔雙方都辛苦。

唔關套戲事, 睇完除左諗好多野, 仲勾起左自己唔少negative情緒, 同埋其他胡思亂想, 好難攪呢~~

呢個故事教訓我地, 唔好同唔同level的人一齊。唔同level我諗唔止係講一樣野, 包括錢身世背境思想...etc, 有好多差別真係好難一齊。"

26/3(三) -- 收工返企食飯。

27/3(四) -- 收工同皇帝摘茄呀馬係CWB小平津食飯, 皇帝婚前last gathering, 9點零就走。

2. 好難得見到皇帝咁頹, 好似好累好唔開心咁, 希望佢無事啦; 男人對現實o既情況同女人對虛無o既追求實在係令人覺得無奈; 好彩我識o既好多女性朋友都好識睇現實, 大家o既老公都好好彩呢~

28/3(五) -- 收工返企食飯, 呀姨姨丈連表弟一家尋日來左HK。

3. 乜而家TBB劇咁多陰謀、計中計同反間計o既?

4. 睇得劇多有感而發: 其實一段關係之間係點相處, 其他所有人真係無咩身份同ground可以作d咩評論。人地點相處、有咩野接受、有咩野唔接受(etc), 實在容不下其他人去說三道四; 呢個世界上無野係"一定係點"或者"應該係點"。偏偏世上果d所謂朋友就鍾意說話多多評論多多意見多多; 需知其實人真係好容易受其他人(尤其朋友)影響, 本來人地明明相處得好好地, 又唔係有咩做錯, 就係因為呢d無謂說話而由"無所謂、無問題"變成"覺得有問題", 令一段關係變得惡劣左, 我覺得真係一件好缺德o既事。最可怕o既係, 果d所謂o既朋友係唔需要背上任何責任, 仲好似係好好心咁"提點"添! 真係唔該呢d人唔好咁多說話(或稱收皮)啦; 親眼見過好多關係都係因為呢d小言小語而受影響(亦都包括我自己在內)。

29/3(六) -- 係企抖足一日, 晚上參與HermanPriscilla婚宴。一班中同坐埋一齊幾開心, 可惜由於第日要早起, 無留到最後就走左(不過都係完左的了)。

30/3(日) -- Kenneth結婚, 做兄弟; 一早5點9起身7點3去佢度集合; 擺下午, 原本諗住3點幾4點點都走得, 點知攪左好耐, 4點幾先搬野去佢度, 仲要蝦look佢無鎖匙入門口, 結果等左好耐先拿到匙; 5點幾6點走, 差不多7點返到企食飯, 累到爆。

5. 其實唔關d friend事; 最近太多婚宴, 平時聽新人講感想都會感動, 而家(尤其best friend呀馬果個都過埋之後)竟然無咩感覺(其實係都感動的, 不過有d麻木同埋太累)。

6. 話說今日已經累到無咩意識了, 好彩唔使再去應酬d咩人(阿姨一家已走), 可以好早返企好好休息下; 好好地過下剩返幾個鐘, 自由自在o既weekend~~

來緊:
11/4-13/4 -- 又operation?
13/4(日) -- Sogagreen concert
27/4(日) -- 鐵腳Kgroup

完

三月二十三日 -- 返鄉+郊遊

17/3(一) -- 收工返企食飯。

18/3(二) -- 呀爸呀媽返左鄉下先, 收工同呀哥食壹麵館, 之後返企執野準備第日返鄉下。

19/3(三) -- 一早起身返鄉下參加表弟結婚。

20/3(四) -- 返HK; 好累呢~ 夜晚係企食飯。

21/3(五) -- 是日正式返新office, 好遠, 陣裝修味好難聞好辛苦; 執office野唔記得打返企話食飯, 收工返去睇左跌打後返企自己整左d野食。

22/3(六) -- 大集合郊遊團(八婆一家娟源Norman進CharlotteSannyCGrace); 石崗河背老路線, 夜晚元朗食大排檔, 都唔錯。

23/3(日) -- 由於三月行程緊密, 好累, 呢日都係抖了。夜晚同哥嫂食屋企附近新開o既日本野, 好唔掂又貴, 無第二次了。是日早訓第日試搭巴士返工先。

來緊:
29/3(六) -- 皇帝婚
30/3(日) -- Kenneth婚, 做兄弟

完

三月十六日 -- Tracy大婚

10/3(一) -- 上星期放左飛機今個星期同返Crystal食飯。收工入坑口村食Lardos, 今次水準下降左呢~ 而且今日無蘑菇湯, 好可惜; 當然成功制止左佢請我食飯啦~~ 由於大家都想早d返企, 所以8點幾就散了。

1. 今日沖完涼, 突然有種感覺, 個面部肌肉鬆弛左咁, 皮同肉好似分開左, 試下笑個感覺係皮笑肉不笑咁, 好得人驚 -_-

11/3(二) -- 收工返企食飯。

2. 對於自己o既身體狀況, 好幾次都決心要改變好d飲食習慣同埋生活習慣, 最終失敗o既原因唔係自制力低, 而係真係習慣左、唔記得左, 如果自己係記得o既時候, 係可以好輕易就忍得到口、忍得到手的。要再加油呢。

12/3(三) -- 2個月無同Grace食飯; 今日一見面果下感覺勁生外有d陌生 =_=(不過之後回復正常); 去試彩明果間"壹麵館", 真係以前坑口果間! 係我同呀哥同Grace的集體回憶呢~~仍然係差不多o既餐牌, 仍然係大件夾抵食, 好開心呀~~~ 食完傾左輪偈散, 返企都係9點幾~ 同TKO朋友食飯實在太方便了~~~

13/3(四) -- 收工返企, 自己買左飯盒食。之後都係執下野訓覺準備第日做姊妹。

14/3(五) -- Tracy大婚, 做佢姊妹。基本上rundown都係差不多, 而且集合時間唔早, 中間流程又唔趕, 所以都唔算太累(不過眼訓同累都係梗局); 差不多12點走。可能上年年尾做左死黨呀馬o既兄弟, 雖然Tracy都好熟, 但係感受無見到呀馬結婚咁深呢~ (雖然都好開心呢~~)

3. 老細whatsapp竟然話無我請假o既record, 唔理了, 最多補請返。

4. 終於見到佢行到呢一步, 恭喜佢!! 祝佢之後都幸福開心平安喜樂~~~

15/3(六) -- 訓到好晏, 中午C來TKO, 同佢食lunch, 之後佢入西貢, 我返企hea到晚上去Tracy wedding學校制服party, 10點9島散, 等左好耐車11點半先返到企 =_=

17/3(日) -- 訓到好晏; 中午返中學"參與"舊生籃球賽, 好可惜今次無落場打, show up左一下, 之後同C去左睇花展, 今年花展好唔掂, 而且又多人, 唔值得睇; 之後上左C屋企, 夜晚同佢呀爸係佢樓下食飯; 終於一嚐C成日話好難食好抗拒食o既樓下果間茶記, 講真絕對唔係難食咯...

來緊:
19/3-20/3 -- 表弟婚
22/3(六) -- 大集合郊遊團
29/3(六) -- 皇帝婚
30/3(日) -- Kenneth婚

完

三月九日 -- 最近比較煩

3/3(一) -- 收工去MK創興同白田舊同事打邊邊, 好飽呀~~

1. 深信廢o既老細先要整大量o既表同埋d野要攪到好穩陣先肯做; 驚, 因為廢。

4/3(二) -- 收工返企食飯。

5/3(三) -- 係大角咀收工, 咁o岩好近Kenneth家, 係佢家同佢o既兄弟gathering, 叫外賣食飯吹下水同傾下到時佢結婚果日o既流程。佢果幾個兄弟都同佢識左好耐同好熟o既, 我好似有d格格不入 XDD 不過佢地都好funny~ 差不多11點先走。

6/3(四) -- 收工返企食飯。好累好眼訓。

7/3(五) -- 一早公司同事約左去練波, 不過身體狀態麻麻, 唔多想去; 由於人數定左同之前通知左, 所以唔多想去都照去下; 第一次同Ronald同Jeff打波呢~ 自己都係hea下走動下射下波咁, 做運動感覺真係爽呀~~~打7-9, 收工過去和宜合道運動場好遠好趕, 打完後同Ronald落返荃灣食d野散。

2. 愈來愈頂唔順公司入面o既老細同下線; 咁做野真係無得做, 死硬。話說, 我果team真係可以叫廢人team。(利申: 我都係廢人之一)。

8/3(六) -- hea左日, 夜晚同呀哥嫂C食將中果間抹茶咩咩(唔記得名)。

9/3(日) -- 又hea左日, 中午同哥嫂出去食野買野, 下午又hea, 夜晚返企食飯。

3. 想整以前買o既CD做mp3好耐, 終於有時間+心機整, download左個好版複雜o既程式, 最後都係用返youtube converter係youtube搵晒d歌出來轉mp3算...話時話, 有d CD幾年無郁過, 仲OK喎。好懷念幽白d歌, 好聽呀~~

4. 好耐無試過咁厭惡返工, 咁落去真係做唔掂。一個咩都唔識、做野好似某廢SM的AM, 再加一個連filing都做唔掂o既AO, 再加一個來左幾日o既新O, 做o既野同麻煩程度又多過其他team好多, 真係shXXXXt。

5. 返工野已經好煩(麻煩老細麻煩teammate麻煩case麻煩漏招麻煩住客)再加上其他野都要來煩我, 好多野都係之前約左定左架啦, 自己身體狀況又唔係咁好, 好難頂。

來緊:
10/3(一) -- 上星期放左飛機今個星期食返Crystal飯。
12/3(三) -- 2個月無見Grace飯
14/3-15/3 -- Tracy婚
19/3-20/3 -- 表弟婚
29/3(六) -- 皇帝婚
30/3(日) -- Kenneth婚

完

三月二日 -- 累爆

24/2(一) -- 早上去左睇跌打; 晚上FFF briefing又要OT, 估唔到好快講完又無咩人問野, 7點半就完(5點幾去試左金船長, 食左tea, 三十幾蚊好抵又好味); 跟車返office放低d野再有得跟車返TKO。

1. 又頂唔住剪左髮。

25/2(二) -- 收工返企食飯。

26/2(三) -- 聖誕新年慶祝group之re-U K Gathering(源茄IdaKimmy); 氣氛都唔錯, 仲約埋下次出來郊遊添~

27/2(四) -- 收工返企食飯。

28/2(五) -- 收工返企食飯。好累。

2. 其實上線同下線咩都唔識又要咩都好保守又要做野好立真係好煩, 做野做到好累。

1/3(六) -- 一早起身同呀媽去黃大仙拜個神, 之後仲早食個早餐; 食完呀媽要返公司, C又未出得來, 結果上左呀媽公司hea, 第一次上去, 對面就係以前舊居, 望過去個感覺好得意呢~~ 之後同呀C行左下北角後去九龍灣陪佢配眼鏡, 再到沙田Gordon屋企同LD同事食飯(打邊); 8點幾走, 去Megabox同C的朋友DorisStephanie同Kitty唱K, 點幾走, 勁眼訓。

2/3(日) -- 太累, 訓同hea左大半日; 夜晚去西環TracyAlan家兄弟姊妹聚, 9點幾散。

來緊:
3/3(一) -- 白田飯
5/3(三) -- Kenneth兄弟聚
14/3-15/3 -- Tracy婚
19/3-20/3 -- 表弟婚
29/3(六) -- 皇帝婚
30/3(日) -- Kenneth婚

完

二月二十三日 -- OT

17/2(一) -- 收工返企食飯。

1. 康華好耐無出, 最近係2套劇見返企, 仍然覺得佢好正呢~~ (後按: 點知第二集就瓜左 =_= T_T)

2. 雖然講過, 不過Eric Kwok真係好似John Stark; 而家個太興廣告仲專登搵佢扮野, 好笑。

18/2(二) -- C生日, 放假一天; 中午同C係九龍塘join埋一齊過大埔墟, 搵左下巴士見晏未搵到廢事搵, 打的去小白鷺餐廳食lunch, 好食, 好大碟到嚇親我, 食完到夜晚都仲飽緊; 食完lunch係附近行下, 之後搭返van仔出大埔墟, 再搭巴士入左林村睇許愿樹(本來無咩行程, 入到大埔見到d車站先諗起去); 好快睇完個樹出返來, 知道東鐵瓜左, 好彩o岩o岩係大埔墟以北瓜, 我地係向南, 所以都唔大影響; 搭返火車落九充心4塘, 食左exp, 由於仲好飽所以只係食少少野, 之後行左下log-on後就走。

19/2(三) -- 收工返企食飯。

20/2(四) -- 收工同TangoLily去北角食飯, 試左小肥鵝火鍋; 3個人食唔夠多人, 所以都唔平, 不過幾好食~~ 由於第日要做FS又累所以9點零就散。

21/2(五) -- FS, 竟然要差不多11點半先收工, 痴線; 最黑仔o既係, 12點幾返到屋企, 先發覺因為要做FS轉左個証件套, 連鎖匙一齊無帶, 結果要打電話抄醒呀媽, 過左去佢果邊問佢借...再衰就係, 果邊12點後要do先上到lift, 我懷疑我張証係另一座o既, do唔到上去...呀媽竟然又驚落左來上唔返去, 叫我試下入lift佢call部lift上來, 衰唔晒o既竟然係, 同時有人入lift, 係呀媽同一層, 結果跟左佢地lift上去見到呀媽拿左key返企...攪到12點9先真係返到屋企......

3. 一早單左聲星期六只可返到6點, 點知又話我係臨時講, 早知唔咁好心幫你OT, 一早舉手話星期六唔返算了。

22/2(六) -- 結果都係要返工, 9-6; 收工後晚上去Mandy家聚下, 10點幾走, 又係12點幾返到企。眼訓到死, 搭車時訓到死左咁。

23/2(日) -- 一班舊同事連BB齊集Amanda家gathering, 9點幾散, 極度眼訓未抖夠。

來緊:
24/2(一) -- 晚上FFF briefing又要OT, 估計8點幾收工
26/2(三) -- 聖誕新年慶祝group之re-U K Gathering
1/3(六) -- LD同事Gathering
2/3(日) -- TracyAlan兄弟姊妹飯
3/3(一) -- 白田飯

完

二月十六日 -- 雜記

10/2(一) -- 收工去又一城Rice Paper同死黨group食飯, 多謝; 超級唔覺時間過去, 10點幾散。

1. 將軍抽車馬炮!

11/2(二) -- 收工返企食飯。

12/2(三) -- 收工去中環同白田舊同事食飯(niji bistro); 同一班思想成熟有諗法o既好友一齊食飯, 變返成熟mode傾偈(當然亦都會講低B野大笑), 好舒服o既gathering, 又係唔覺時間過, 唔夠喉地散。

2. 同Puzzle同路返企, 同佢傾左d問題; 佢都算係我識o既人之中好成熟同諗野rational的一個, 明顯地佢諗法都係expected呢~~

3. 返到企沖涼雖然晏但都剪左少少髮。

13/2(四) -- 收工本來想返企食飯, 但有好多野想買, 於是唔返; 收工臨時同鵬鯉過坑口, 幫佢買d野, 之後再過寶林散, 係奇趣同采豐行買左野後返TKO, 再去超市買野後返企, 好重拿死人~~ 之後沖涼整麵食。

4. 今期自己個mp3歌list好正, 無咩點skip歌呢~~

14/2(五) -- 情人節, 收工返企同C打邊邊(買左好o既材料), 同自製左燉蛋食。係企食真係又好味又抵又free好多呢~~

15/2(六) -- 好累hea到3點幾先出門口, 同C又新春行大運左成個TKO(下午食將中拉麵tea, 行坑口寶林, 夜晚食黑夜壽司)。

5. 無事出街破財, 又買衫又買玩具...(雖然好平); 話唔買, 褸魔最終都係買左件外套~~ :P

26/2(日) -- 下午出左灣仔同C睇婚展, 之後買左舊spare電同食南記後散。

6. 婚展有趣事: 2個呀姐交左場戲, 真係好好好好笑~ XDDDD

7. 去食晚飯時, 係街見到前面好似水浸(後尾先知原來係爆水渠), 見到隻米奇跑呀跑號過左馬路(估計係比水逼走), 前面有個港女大叫(但係現場得佢叫, 無其他人叫)。隻米奇唔知點解覺得佢幾得意 @@

8. 食完飯送C去搭車, 遇到鵝頸橋爆水渠, 浸左幾條街, 好似條河咁, 好誇張~~

來緊:
18/2(二) -- C生日, 放假一天
20/2(四) -- TangoLily飯
21/2(五) -- FS, 又要OT到9點幾10點
22/2(六) -- 晚上去Mandy家拜年
23/2(日) -- ex-URA開年飯
2/3(日) -- TracyAlan兄弟姊妹飯
3/3(一) -- 白田飯

完

二月九曰 -- 回鄉

3/2(一) -- 一早起身返鄉下; 返到去下午, d人出晒街XD, 係企hea到夜晚食埋飯, 之後過左佢地新屋果邊訓; 果邊真係好新, 真係新到家徒四壁, 成個好大o既廳得一張梳化XD; 另外夜晚開始起風, 好~~~~凍。

1. 係我買晒機票先決定, 初三影團體大合照, 都幾齊人, 但係我無份 :( 之前又話主要係返來食初五舅父請果餐 _T

4/2(二) -- 呢日其實係唯一一日我家全家齊人係度o既一日; 早上去左泉州清源寺拜呀爺呀嘛, 中午返企食完飯, 去左拜太麻同呀公, 之後就係企hea, hea到夜晚出去食舅父果餐, 好多人(親戚+朋友+同鄉), 不過其實d野唔係好o岩食, 寧願食上年o既buffet呢~ 食完之後又返新屋訓。

5/2(三) -- 是日呀媽呀哥呀嫂返HK, 係企hea左成日(連食飯)(又落雨又凍無地方去), 幾乎都係同細表弟一齊hea, 夜晚返返來舊呢邊訓。

6/2(四) -- 早上起身同大家傾下偈吹下水, 中午食完飯就搭飛機返HK(無啦啦要搬舊好大又重o既相架返HK); 返到企執完野去C企拜年, 之後佢細佬車我返企。

2. 連續幾日都有食辣o既杯麵做宵夜, 超熱氣, 成個口都feel到起飛滋; 飲左幾劑夏桑菊, 今日竟然無晒! 好勁~~

3. 去同返來搭飛機睇個電視同上面d雜誌, 都有幾多有趣o既野幾好笑; 另外, 咁o岩早幾日講起"戀人絮語", 竟然回程就播, 睇返Eason同林嘉欣出軌果段, 感覺又唔同~ 另外, B餐謝安琪果段, B餐真係好正呀~~~

4. 唔知點解, 幾個外甥好痴我(2-5歲不等), 我又無特別講d咩做d咩, 又無打機, 唔知點解佢地勁痴我同我講野又同我玩 @@, 2個女仔直頭痴埋來; 我d氣場真係咁無攻擊性同和藹可親? @@

5. 係HK真係累過返工。

6. 今晚訓返自己張床了~~~~

7/2(五) -- 初八啟市返工, 當然係完全無心機~ 收工過MK, 4仔re-U開年飯!本來話去井井屋(DonDon屋), 點知話限時, 於是去返MK飯堂天機棧食飯(原來Kenneth未去過。好耐無試過4仔齊人同埋4仔only聚一聚啦~~!! 4條友傾偈毫無拘束同超好傾, 到10點幾我覺得晏先叫走, 如果唔係有排傾~~~ 其實4條友又唔係話講d咩衰野或者壞話定咩, 但係就係好多野講同好free, 感覺實在正~~ 話說食埋今次飯, Kenneth入直路, 之後到結婚前都無咩機會時間出來聚下了~~~

7. 新年後第一日返工, 竟然就遇到Hawker衝擊office, 4點半疏散收工~~~ XDDDD

8/2(六) -- 早上起身成朝係企上youtube聽歌, 3點幾出到MK meet C同佢去左食茶木, 之後行左MK d鋪, 之後返CWB買左佢份生日禮物比佢; 晚C同佢屋企人食開年飯, 我同TracyPenny呀佳食Tracy姊妹飯, 到10點幾散。

9/2(日) -- 係企hea到咁上下, 下午出MK本來想同Amy源雲茄C玩密室逃脫, 但有人遲到過左booking時間所以無玩, 去左朗豪坊hea左陣, 之後落TST meet埋Sanny去食Amy生日飯(喜來稀肉@TST)。

來緊:
10/2(一) -- 死黨飯
12/2(三) -- 白田飯
14/2(五) -- 情人節
15/2(六) -- 行展覽
18/2(二) -- C生日, 放假一天
22/2(六) -- Mandy家
23/2(日) -- ex-URA開年飯

完

二月二日 -- 農曆新年

27/1(一) -- 收工過灣仔搵C食飯, 拿個攪拌機; 食左板長, 而家好似貴左; 食完行到CWB散; 搭MTR返去拿部野上去比呀爸後返企。

28/1(二) -- 好耐無試新野; 收工去左九龍站附近好多野食o既文英街, 試龍蝦燒o既4層鍋; 幾得意, d野食都幾好食, 不過其實放得食物o既位唔多, 都幾麻煩; 多謝CSanny源茄小暈慶祝我同Amy生日。食完10點幾散。

29/1(三) -- 係SSP收工, 係M記等到呀進收工, 過MK天機棧, 八姑進叔慶祝姑姑生日飯。

30/1(四) -- 生日早放年三十, 返企食飯。

1. 一個人出site, 係以前做野出site附近, 上左個好耐無上o既天台, 可愛貓貓果然唔見lu~~

31/1(五) -- 年初一, hea大半日, 下午同C行左海邊去TKL, 夜晚一齊返企食飯, Jason都來左, 齊齊開年。

2. 放假就係要hea, 日頭訓夜晚睇電視打機到好夜先訓 :D

1/2(六) -- 年初二, 屋企人返晒鄉下, 全日係家度hea下訓下咁, 夜晚去左食米線下午茶(6:00pm前)同埋係企睇左羅馬浴場, 幾好笑。

2/2(日) -- 一早起身打年初三赤口賀歲波~~好耐無打, 不過狀態唔錯, 做運動真係好開心精神爽利! 不過打完好~~~累。之後同民茄DerekLok食飯後返企。沖完涼抖左陣呀源來, 2條友係企傾下偈無咩特別野攪, 到7點幾落去食飯, 之後返企一齊再hea同埋睇電視(hea睇最強喜事)到完, 呀源返企, 我就執好晒d野訓, 第日返鄉下。

來緊:
3/2-6/2 -- 回鄉
8/2(六) -- Tracy姊妹飯
9/2(日) -- Amy生日飯
10/2(一) -- 死黨飯

完

一月二十六日 -- 眼訓

20/1(一) -- 一返工就OT, 7點走人, 返企食飯。

21/1(二) -- 收工返企食飯, 仲係覺得未好晒; 同埋長期覺得眼訓。

22/1(三) -- 收工同舊同事們食飯@ Factory 99 (ConnieLoLoAmandaWaiChristineYeeMandy), 多謝。

1. 唔知係咪之前病果時訓得太多慣左, 呢幾日都係好眼訓; 之前果晚11點幾就訓, 但第2日日頭開始全日都係好眼訓 =_=

23/1(四) -- 收工返企食飯。

2. 繼續早訓。

24/1(五) -- 收工返企食飯; Natalie突然話來呢頭剪髮, 食完飯落左foodcourt陪佢食飯傾下偈, 都幾耐無見佢了; 10點散。

25/1(六) -- 訓到中午, hea到下午4點幾C入來TKO, 由於我正日生日佢同唔到我食飯, 於是今日提早慶祝; 去左坑口食Kitchen J, 預期之中麻麻地, 唔會再去。之後行左下商場返企。

3. 之前病左幾日訓, 個背好左好多7788, 只要企返一個鐘就咩前功都盡棄, 我真係好X憎企係度, 行住仲好咯。

26/1(日) -- 狂訓狂抖左全日咁滯, 夜晚返企同爸食飯慶祝佢生日。

來緊:
28/2(二) -- Sanny etc飯
8/2(六) -- Tracy姊妹飯

完

一月十九日 -- 病

13/1(一) -- 收工返企食飯。

1. 星期日訓太多, 攪到夜晚訓唔到, 攪到今日好眼訓~~

2. 今日終於收到果隻ombusement, 仲有d好煩o既hawker, 好煩呀~~

3. 突然轉凍。

4. 我覺得自己o既按摩技術真係有咁上下, 係可以控制同按到o既範圍內, 盡量幫自己按d手手腳腳都鬆唔少~~不過按完個人同對手有d累~~

14/1(二) -- 全日做果隻Ombusement case background, 仲要病住來做, 超辛苦; 臨收工頂唔順食左Karmen比o既藥, 後尾聽講原來隻藥好勁架喎~~ 好彩都可準時收工, 過灣仔行左圈, 竟然買到平野; 之後同AngelKTJanet係Thai Delight食飯, 慶祝生日, 係今年第一餐呢~~多謝晒~~

15/1(三) -- 唔舒服夾硬返工, 仲出site, 早少少收工, 返去睇跌打, 之後返企食飯。

4. 帶病夾硬返工+出site吹風行樓之後, 拖住猶如喪屍一般o既身軀返企; 最爽莫過於, 明明流鼻水咳喉嚨唔舒服, 係屋企未有人時沖住熱水涼大聲跟住mp3來唱歌~~

16/1(四) -- 頂唔住, sick leave, 訓左一日。

5. 有咩正得過, 係需要返工又凍凍o既日子, 捲係被窩入面聽下歌抖下又過一日; 又有咩可惜得過, 平時無食開西藥, 一食完過左唔夠三個字幾乎即時暈低, 跟住就咁昏迷左成日?

17/1(五) -- 花姐姐生日快樂!; 原本想返工, 但一起身覺得個狀態唔多得, 結果全日又係渾渾噩噩係床度過...夜晚過去食飯, 一落街就好慶幸自己無返工, 腳步浮浮, 狀態唔多掂...不過訓左係度2日, 明顯地覺得個背無咁痛...休息真係重要呢...希望過左呢個病假之後所有野都好返啦! (公司野, 唔理得咁多lu =_=)

6. 好彩馬兄弟姊妹gathering cancel左, 如果唔係我都去唔到。

18/1(六) -- Jenny生日快樂~~ 估唔到到左呢日個狀態都仲係唔多掂, 假使係要返工的話, 都係返唔到工o既狀態; 幾乎都係咩都無做過, 下午C來左探下我, 不過我都無精神, 照訓覺; 夜晚佢陪我落街食d野後返企。

19/1(日) -- 狀態終於好少少, hea到下午4點島出MK同C民FF源去Kenneth屋企house warming; 傾下偈到7點絕落樓下食出名o既"萬發", 以前食過一次, 幾好食; 10點島散。

來緊:
22/1(三) -- 舊同事飯
26/1(日) -- 爸生日飯
8/2(六) -- Tracy姊妹飯

完

一月十二日 -- 藍藍

6/1(一) -- 收工返企食飯。

7/1(二) -- 收工返企食飯。

8/1(三) -- 收工本來想過MK行下, 但懶懶地都係返企先; 約左Grace係佢做完facial後係坑口食飯。結果佢9點幾先完, 反正差不多時間, 去左食一壽司9點半o既半價黑夜壽司; 由於半價好抵不自覺會叫多左野, 埋單同平時差不多價錢但食多好多野呢~~ 11點島散。

9/1(四) -- 臨時出site, 5點島係大角咀收工, 過MK行+睇+買新出果套扭蛋; o岩o岩Connie收工時間, 同佢一齊搭MTR各自返企; 返企食飯。

10/1(五) -- C唔舒服左成個星期, 收工去佢家探下佢同食飯, 之後返企。

11/1(六) -- 早上去左睇跌打, 中午出門去Esther家玩貓貓, 藍藍好可愛呀~~ C晏dd到; 4點幾走, 去葵芳行之後食埋飯返企。

12/1(日) -- 早上起身, 好累, 於是又再訓, 訓到中午, 落街食完飯行左超市返企, 睇左陣電視又頂唔住再訓, 訓到傍晚, 過去北角同C食點心, 之後行左奇趣同759後返企; 訓左成日但好累的一天。

來緊:
14/1(二) -- AngelKTJanet飯
17/1(五) -- 馬兄弟姊妹gathering
19/1(日) -- Kenneth house warming
22/1(三) -- 舊同事飯
26/1(日) -- 爸生日飯
8/2(六) -- Tracy姊妹飯

完

一月五日 -- 新年

30/12(一) -- 收工返企食飯。

1. 梅姐紀念音樂會, 好正呀~~

31/12(二) -- 我家倒數party(SamEsther娟小雲NormanIdaKimmyC, 源來唔到); 又到3點先散。

2. 今次都有玩但無聖誕投入得咁多呢~~

1/1(三) -- 公眾假一天, 夜晚係企食飯。

3. 係屋企睇左少少大陸新版天龍八部, 真係好~~~~~XXXX唔掂呀~~ XC=

4. 睇TBB, 康華都仲幾靚喎!

2/1(四) -- 下午放半日假諗住可以輕鬆下睇返場戲, 點知無場; 於是返企剪個頭沖涼抖陣去睇醫生, 今次整得幾痛呢~ 夜晚返企食飯。

3/1(五) -- 收工去荃灣同姑姑八妹C食米線, 好耐無食過呢間, 好好味呀~~~

4/1(六) -- 一早起身睇左哈比人, 都唔係d人講得咁差姐~~ 之後食完lunch去睇跌打, 返企抖一輪入西貢搵C同佢家人食飯。

5/1(日) -- K腳Gathering(Cass個fndCass娟進源雲C), 夜晚食飯(官涌街市, 去到發現唔係之前果間, d野食麻麻地), 10點島散。

來緊:
14/1(二) -- AngelKTJanet飯
17/1(五) -- 馬兄弟姊妹gathering
22/1(三) -- exURA飯
26/1(日) -- 爸生日飯
8/2(六) -- Tracy姊妹飯

完