十二月二十七日 -- 聖誕快樂

20/12(一) -- 收工約左死黨圈(娟威民源)加埋Fontane去SSP睇野(買野)同食飯。下午Fontane扭親腳入院所以來唔到; 收工join左呀源一齊去SSP, join埋呀娟行左陣買埋野, 之後join埋威威行黃金, 最後join埋民仔去食飯; 本來想去小菜王, 點知好多人, 結果去左好耐無去噶三上; 食完去綠林食甜品, 點知勁多人係門口等, 未試過, 於是去左糖水佬; 食完民仔陪我一齊吹水搭車入TKO再散。

21/12(二) -- 收工去君匯港同史生同佢d fnd打羽毛球, 好彩唔係佢果班好勁噶中學同學, 我都唔係渣人好多; 打完係大角咀食飯之後返企。

1. 12月無咩點打波, 希望之後keep住有得打! 好開心又join到一group打波人~!

22/12(三) -- 冬至早放, complete左好多task; 同加輪同學行左下APM, 再一個人出MK, 比左要比噶野人, 買左要買噶野, 夜晚入埋寶琳攪埋戲飛噶野; 晚上一家人食飯, 叫唔叫做左冬呢?

2. 今天的心情糟透了; 本來一早已經不好, 之後接二連三的...總之心情很差...

23/12(四) -- 想去行下街買下衫, 一直話想買都無買...於是臨收工搵Queenie陪我去睇; 行左成個坑口, 睇o岩左一件褸, o岩心水而且減價, 但係大件左d...結果都係無買; 同佢去左合時食飯, 之後散。

3. 係日本買噶鞋墊竟然爛左...仲話好襟用...不過爛左之後又感覺到真係幾好用, 而家無左點算呢。

4. 原來我係一個不知趣、唔識做、會阻住人噶人。

5. 今年竟然收到比預計中三倍噶禮物!

24/12(五) -- 早上返工時決定唔過總部, 事後証明係o岩噶決定。當日狀態好低...日頭係公司已經覺得自己作病; 收工後返屋企沖個涼恰左下, 叉返少少電, 就出返Jordon同魷魚食King 1, 之前打左成個星期電話都無人聽...book唔到, 好彩我地早去有好多位; 食完就行左下TST同尖東, 之後就返TKO, 食埋聰嫂後散。

6. 有好多野都係整定噶呢~~多謝~~

7. 比預期中收到六倍噶禮物!

25/12(六) -- 一早起身無野做, 去睇早場, 本來想睇小人國, 竟然無, 於是誤打誤撞下睇左毛百萬3D, 意想不到地幾好睇~ 之後過荃灣同一班好友BBQ(民, 娟, 源, Jenny, 威, Sam, Esther, Fondue, Fondue個朋友Cynthia), 是日都幾凍, 好耐無試過係凍噶天氣BBQ, 個感覺好正呢! BBQ到6點幾就散, 之後同民娟Jenny威SamEsther去Esther家玩佢果2隻貓貓; 講左幾年終於有機會睇到佢果2隻貓貓啦~~好可愛~~玩到咁上下就散, 過左寶琳買左第日早場戲飛後返企。街上好凍呢。

8. 毛百萬3D幾好睇; 同埋算係真係比較多3D效果噶呢。劇情畫面音樂各方面都唔錯, 值得睇噶。入面用左好多舊歌來做背景音樂, 都好o岩個場景, 好似Welcome to the jungle, Lovin' you, bad, alone again naturally等等, 好正。

9. 比預期中收到七倍噶禮物!

10. 睇書唔係只係睇封面噶。

11. 自己感情係今年似乎過份豐富, 睇少少野都好易酸。

26/12(日) -- 由於幾乎日日都有節目, 呢日就係屋企抖下, 執下間房。用左一日時間, 將d野大執位, 竟然+終於執好晒, 嗚呼~~ 夜晚去坑口行左下, 再過寶琳食d野, 之後睇借野噶短人。

12. 借東西的小矮人 -- 主角們一如以往的故事般, 天真善良而帶有一點點反叛, 因而發生了故事劇情的種種; 而劇情也是一如以往的純樸、簡潔, 對於有童真的人會覺得好看吧? 期待明天早上的Jack Black小人國!!

27/12(一) -- 一早起身睇小人國; 之後返屋企抖左陣, 就去荃灣Fat Angelo's參加八婆個仔噶生日會, 好多親戚朋友都來左呢, 我地自己識噶人坐埋一邊; 食完野之後之後上佢家hea, 大家一齊幫手拆禮物, 好多呢~~ 到8點幾就散, 同娟威Jenny食完好味米線就返企。

13. 小人國: 基本上鐘意睇Jack Black噶話都會覺得好睇, 一貫佢個作風, 幾乎都係睇佢個人show; 劇情都預左無咩大驚喜, 攪下笑; 個3D就搵笨噶, 一d都唔需要, 如果唔係爆場都唔會睇3D。

14. 過左一個好充實噶假期呢; 有玩有聚有抖有執有戲...etc, 最有噶, 係holiday mood。

15. 三日睇左三場戲呢~~勁。

16. 好唔想返工...

17. 祝聖誕快樂...to me。

來緊:

28/12(二) -- hotpot w/ Queenie娟Jenny @ Shatin
29/12(三) -- 毛毛球@君匯港w/史生
30/12(四) -- gathering with Angel? not confirmed
31/12(五) -- 想返屋企。

5/1(三) -- 毛毛球@竹園體育館 21:00-23:00
8/1(六) -- 補祝民仔生日?
11/1(二) -- 上路面學車
12/1(三) -- 白田同事Gathering
16/1(日) -- QCOBA籃球賽

完