七月二十日 -- 低等動物

14/7(二) -- 收工同民仔去左寶琳頹食foodcourt之後行左下寶琳同坑口, 之後上左屋企坐一陣之後9點幾佢走。

15/7(三) -- 好累同唔多掂所以Medical Appointment走。4點收工返企。入左一堆早餐(撈麵杯麵s)。返企食飯。

1. 今年拉闊好似會有一場係Eason+Joey? 如果真係就好期待!

16/7(四) -- Carol姐生日快樂。收工返企。

17/7(五) -- 收工去SZ, 同咩其佢地食臨走飯。繼合體同騎馬之後, 今次都無失望, 有"掀裙"。本來諗住食一間唔知咩骨煲o既, 不過好多人, 要等, 於是返轉頭去返一間任食燒烤。都係搽一大堆香料去燒果類野食。好耐無食過咁多野, 好飽。

2. 7、407、1、2006

18/7(六) -- 同P唱K, 之後再搵好耐無見的KTG, 去左"便所"坐左一陣, d桌椅都係馬桶咁o既, 仲有好多屎屎公仔同咕臣, 食左個雪糕個容器係痞廁o既樣, 個雪糕就屎屎o既樣, 哈哈。之後再唱K, 好掂! 太耐無同佢合唱啦~~ 好free~~ 雖然連唱2場K, 但係都係同唱得開心o既人唱, 所以無問題呢! 唱唱下KTG男友都來埋, 第一次見呢! 幾靚仔同幾襯呀 Heehee~ 雖然佢似係少唱K o既, 不過本身把聲沉厚帶點沙啞, 都好聽呢~~ 唱到後來Jenny join埋, 坐左一陣到8點9島就完, 走。返到屋企10點半島。

3. 個風來得太快(也去得太快)了~~

4. 太多野想, 太多野煩, 太多太多...對不起。記:哭了。

5. 晚上返來, 終於上得返網。

19/7(日) -- 個風係凌晨到打完一輪好快就玩完。第日天氣尚算OK, 但係都係打唔到波。基本上成日就係企hea左一日, 咩都無做過。

6. 睇電視新聞, 個風都好大而且幾誇張呢~ 個報導員好辛苦, 哈哈。見到d追風同玩o既人, 玩得好開心。自己又係心入面好想去癲, 但係實際上會控制自己唔去; 如果再有機會, 好想去好似d人咁玩呢! 好似MJ咁個人打斜, 好型~~~

7. 爺爺身體進一步不好了, 之前入左院出返來又入返去...d野老化左, 都無得點好醫了...

8. 超級巨聲開始, 本來無咩期望, 尤其係對d評判; 都無咩點睇, 聽左少少, d參賽者都OK喎, 值得期待之後繼續睇; 不過d評判真係好唔得, 換鬼佢啦。

9. 發生很多事, 想了很多, 很不開心, 總是強顏歡笑...對不起。不開心的人, 或者我對著你們笑的人也好, 對不起。記: 愛、不愛、瘋、哭、最後、花、金牛、黑面、往事。

10. 多謝。

來緊:
21/7(二) -- 成班同事每月一聚, 去九龍灣大榮華; 未食過豬油撈飯呢。
22/7(三) -- 同ConnieMartin補慶Carol姐生日, 未知去邊。
23/7(四) -- 某中學同學因公事可能會去外國做野, 可能會食餐飯; 未約邊日, 如果唔係約呢日就去唔到。<---確定星期二攪, 無我份了。
24/7(五) -- MayChan羽毛球活動, 無人, 所以更加要去; 蒲江村道, 好似好唔方便呢。
25/7(六) -- 民仔請食飯, 哇卡卡。

**********

低等動物 -- 雖然鐘意林夕多d, 但係其實黃偉文d歌詞都好正。呢首歌...大概唔會個個人都明白...某死黨, 並唔係串你定窒你...

MV
http://www.youtube.com/watch?v=OiWUPEoG1WU

Live -- Eason絕對係值得睇Live噶人。
http://www.youtube.com/watch?v=vMsafVmGWmA

歌手：陳奕迅
作曲：錢文環　
填詞：黃偉文
編曲：C.Y.Kong

喉嚨很幹 所以愛上你的吻
咀巴需要覺得 像被誰期侍過
纏綿很好 所以愛上你胸襟
呼吸需要記得 亦被懷念過

為何未曾動心 都可以愛上那質感
未能淡忘肉身 我是人

寂寞洶洶 所以愛上你指尖
鬚根需要覺得 像被誰馴服過
欲望狠狠 所以愛上你肌膚
體溫需要記得 亦被承受過

為誰亦能動心 請不要笑我太低等
熱情自然亮燈 渴望難自禁
味蕾覓尋肉身 比一隻野獸更天真
問誰又能硬撼 肉體吸引

@讓美色 給官感體諒過程 其實極漂亮
難道你在訓練我 不需要情欲對像
熱吻間 勾起的想像
愛情 其實是這樣
留住你是要為身體著想
(期望你 亦要為身體著想)

談情很好 不過也要你擁抱
身體需要覺得 未被忘掉過
地獄之火 睡在心窩
難道我(在) 望著你你望(著) 我
就毫無罪過

REPEAT @

完