失眠雜感

不能成眠, 究竟呢排我係咩事呢? 成日都訓唔到。

我好似愈來愈係某方面變得奇怪(放心, 我唔會鐘意男人o既)。我唔明白有d男人o既諗法。有d人真係覺得男人無咩好蝕底, 除左錢之外唔會比人呃到d咩野; 覺得溝下女攪下女都無咩問題; 但係我就算平時幾明白人o既心理, 幾代入到人o既心理都好, 我真係完完全全感受唔到呢種感受(我最多係明白有好多人咁諗, 但係自己無辦法理解到呢種感受); 或者, 我對呢樣野一向都係極度地唔著重或者唔需要, 甚至係冷感; 好奇怪, 我係精神上需要得到o既滿足, 幾乎係可以凌駕我其他o既一切需要; 即使唔訓覺, 唔食野, 唔做d咩野, 但係可以同朋友一齊, 唱一次痛快淋漓o既K(應該有好多人知, 我去到K房, 真係可以唔點食野), 同喜歡o既人簡簡單單咁拖手, 挨住對方, 感受到自己係被寵愛o既, 已經好夠好夠; 但係相反亦好容易受呢d精神上o既野困擾, 當我感到我重視o既人唔了解我, 誤解我, 或者唔理我o既時候, 我係會覺得非常之唔開心o既(大家唔好成日諗係我鐘意o既人或者拍拖o既人, 我真係講緊所有親人朋友), 有時我好怕會失去身邊o既人, 真係好怕, 我好想一生一世都同所有人一齊, 好開心好開心咁過...無奈, 有好多唔同情況, 使到呢樣野係無可能發生o既, 唔單止係講緊死亡, 拍拖、結婚、背叛、變質等等好多野, 都會令到唔同人唔同o既關係改變; 見到朋友結婚係一件好事, 但係亦意味著少左一個人可以好似以前咁一齊去癲去玩; 當然人都會步入唔同階段, 我呢d只係幼稚o既想法; 其實頭先果段野, 應該分好多段, 有好多唔同o既思想同情況同人係入面, 不過我只係儘量用手o既速度跟我o既腦去進行...當然, 亦只係表達左唔夠十分之一o既想法...

今日唔知天日事, 有誰會知道明天是不是論到自己死?

晚上一個人在家聽歌, 又唱歌, 好想唱歌, 呢樣係其中一樣我熱愛o既野, 好開心。唱著唱著有點流淚o既感覺...如果我話因為我無開冷氣, 好熱, 熱到喊會點? 開左冷氣好似有點凍。

晏晝訓得太多, 失眠了。

**********

有好多歌都好想post係度, 因為諗o既時候有好多歌, 又聽左好多歌, 又唱左好多歌; 不過, 最後選左一首自己唔鐘意o既歌來貼, 因為有某朋友好鐘意呢首歌, 難得貼一首自己唔鐘意o既歌吧。d歌詞就別有一番意思...

酷愛
作曲：Vincent Chow｜填詞：林夕｜編曲：Gary Tong｜監製：Alvin Leong

MTV version
http://www.youtube.com/watch?v=YAT7wm83Tuc

Live version <---要睇應該睇Live
http://www.youtube.com/watch?v=OYQKdSxGGmU&feature=related

無論怎得罪 你說我是負累
陪著我等於死去了無情趣
從前或現在當我是誰
你這一種伴侶

前夜一起睡 你卻沒廉恥
竟講出口你怕受罪
完全忘記往日為何
凌晨迎潮浪戲水

＊還道愛愛愛愛愛對愛情已死心
貪高興好心敷衍一下卻逼真的親吻
我們這結局太不堪
分不出真假的愛恨
無謂愛愛愛愛愛太過動魄驚心
我估錯這個世界得到教訓
怎相信人 命中怎麼愛著你為人＊

立甚麼心腸 我對你極善良
如若你肯想想我這樣受傷
你會知愛情毒於砒霜
你怎安心可不改漂亮

怎想像 共你已同享多少很真確晚上
一轉頭 纏綿後要罰離場

Repeat＊

彷似幻像你給我的愛是玩具磨爛後變絕情
難為這洗劫永沒罪證
道別並無罪也沒權問你內情

Repeat＊(Rap)

(Rap:我都唔知點解你忽然對我無晒感覺
以前果種快樂就好似成為一種罪惡
連我失眠 你都唔多覺
或者其實所謂愛情都只係互相搵個寄托
或者係一場即興o既幻覺
連自己都唔知道 乜係喜 乜野係樂
幾時有感覺 又幾時無晒知覺
就算你無突然失去下落
我地之間都可能已經落幕)

Repeat＊()

(把失敗換教訓 不死總算幸運
看 全沒罪案發生
為著聚散不需責任
一起若像軟禁 無疑離開先更合襯)

完