游水遇著鬼2 之 溺水

今日真係諸事不順。

今朝一早返工時, 臨返到公司, 想收起部mp3機, 點知一唔小心就跌左落地; 平時有時都無咩事, 今次居然一野就用唔到, 好黑仔, 勁唔開心。返到公司, 其中一單好麻煩o既投訴又來, 以後可能又要日日出去做野, 既晒時間又辛苦, 慘。收工去游水, 唔知係咪日頭寫左篇無聊野, 居然溺水 =.=

事源係今日收工返城大游水, 雖然貴過公眾泳池少少, 但係少好多人, 好正。一路係淺d o既地方游, 游游下順順地, 游到去深水位(2.5M, 直立腳都係唔到地); 突然有一下呼吸不順, 之後就開始沉, 又唔夠氣沉到底彈返上來, 於是就飲左幾啖水; 其實之前都想停同返轉頭, 不過有時唔係話停就停, 而且本來一路係沿住池邊游, 諗住有咩事都可以伸手拉住池邊, 點知出左少少, 隻手差d先拉到 =.=
結果由救生員拉返我上來, 真係無鬼用...如果唔係救生員, 可能死鬼埋 XDDDD

雖然如此, 我都唔會怕左游水o既, 不過會再小心d的了。仲有要慎言, 唔好亂咁講野呢~~~XDDDD

完