同我熟o既朋友好多應該都知道, 亦曾經俾我帶過去大埔道"百吉蔗汁"食"杏仁豆腐花"
雖然係叫"豆腐花", 但係其實食落一d都唔似一般o既豆腐花, 有d Jelly同大菜糕混合o既感覺
呢種"豆腐花"暫時除左呢度唔知邊度有得食了
自從讀City果時呀Mak第一次帶我去食之後都好喜歡食, 尤其係係夏天好熱o既時候, 行到來身水身汗, 坐低一陣食個豆腐花, 成個人即時涼晒! 正!
昨晚與朋友食飯, 食完飯又去食"杏仁豆腐花", 老闆同我講做埋今年唔做了(仔女都唔會做)!!
即係仲有一個星期就唔做! 當堂個人呆一呆
吓?! 唔係呀嘛, 即係以後都冇得食?
本來成日都幾開心, 臨尾聽到個消息即時down左一down...
回程返屋企時都諗左好多野, 一來可惜"百吉蔗汁"唔做了(其實係好事來, 老闆退休光榮結業享清福), 二來諗到, 好多野一過左去就返唔到轉頭, 親人朋友身體時間...etc...etc...
真係要好好珍惜身邊o既一切呀!!
來緊呢個星期, 一定要再去食"杏仁豆腐花"!!
完
2006年1月22日 星期日
杏仁豆腐花
訂閱:
張貼留言 (Atom)
0 意見:
張貼留言