投訴

明顯地, 係呢個世界上唔開心o既人係多過開心o既
因此, 唔開心o既野係會容易傳染過開心o既野

香港尤其係一個唔開心o既城市
人人唔開心, 老闆狂玩狗野, 大量打工仔被刻薄長期唔開心
做d野唔多唔少都影響到身邊o既人, 家人, 朋友...etc
呢d人又係打工仔...一路咁散開去
公眾人物, 明星, 傳媒...等等亦都不停渲染唔好o既野
因為夠慘, 夠爛, 所以容易印象深刻
睇新聞, 好野唔見得有幾多人讚, 衰野就煲到盡
流行曲亦一樣, 十首歌有八首都係失戀唔開心分手想死冇好收場

係個咁o既大氣候入面, 只會使呢個情況惡性循環落去
點解要咁悲呢? 點解唔可以以好果方面去面對呢?
係咪有少少野都要投訴呢?
希望我自己係我身邊o既人入面, 係屬於俾到"光"人地o既人, 俾到"開心"人地o既人

話時話, 點解我又要係度投訴呢個世界呢?

完