聲相

星期三與星期五上左工聯會2個course的第一堂了

話劇進階冇咩特別, 第一堂都係熱下身, 玩下遊戲咁
同學們亦冇咩特別, 係呀Sam失望d姐 XDD

反而冇係好大期望o既廣播劇十分OK
呀Sir好明顯有料到, 而且對玩今o既娛樂圈o既見解亦好到
而且講野亦好直接, 即係係講d可能對方唔o岩聽o既野都會照講(當然唔會講得好黑人憎)
很o岩我脾胃

當中呀Sir用左d時間講返歷史, 而另外六叫我地一班同學逐個介紹下自己
呀Sir合上雙眼用聲音判斷每個人o既性格
對於做左咁多年人又見過咁多唔同人o既呀Sir來講, 佢的而且確又講中左好多同學o既性格弱點
第一堂來個先聲奪人, 睇來可以都得到同學唔少o既尊敬呢

至於佢聽完我o既自介之後, 佢問我"你有d咩係覺得自己叻o既?"
我當堂都答唔出...

完