九月十八日 -- 雜記

11/9(五) -- KTG來HK三天, 收工同佢同S民唱K; 先去左彩豐行買左d必要噶野先, 之後join齊人先去唱; 當然去返主場, 唱到點幾鐘就走, 都唱得好高興呢; 畢竟S民KTG都係大家唱慣唱熟噶唱K鐵膽了。由於無以前咁晏走, 出到MK即見泥蜢的, 超快返到屋企, 唔算太夜訓呢。同KTG合唱真係好好好好正呢~~ 又多左首好夾o既天下有情人(即係廣東話版o既神話夢話); 仲有佢唱到"秘密"同埋"失落沙洲"呢(當然唔係勉強唱到果種)!下次要佢錄音!

1. 好耐都無雨水, 今日終於都落左下了。

2. 平時d同事去旅行都會買手信返來, 好多時都係放住係度先, 好多朱古力呀麵呀餅呀酥呀果d, 如果擺得噶就會擺, 有時遲左食唔設早餐時, 可以拿來當早餐食, 又飽又幾好味呢, 哈哈。

12/9(六) -- 訓夠起身KTG request去SKM食貓貓車仔麵, 雖然好熱, 但係都係好食呢。之後過MK行, 買相機、錶、彩豐行、旺中, 其中"相機"同"旺中"我都唔多好, 又廢事行到腳累, 於是就分開2隊人, 我就去左好耐無去的金雞機鋪打機; 仍然都係好大間但係d機唔會放得好逼, 又唔多人, 仲要無咩煙味, 勁開心, 最正噶係部鼓機好大聲!! 聽唔到聲打真係無咩feel又跟唔到個beat, 今次難得個場咁好, 所以都打左唔少鋪呢~~ 好開心好爽~~ 好耐無打, 以前狂打都無野, 今次打左一輪隻手累呢, 不過都好開心。之後join齊人就去重慶大廈食Curry。知道好耐, 但係都未試過, 終於有得試。去左果間聽聞係最好食果間, 等左好~~~~~耐先有位, 成個鐘, 基本上我個人來講, 就算幾好食或者幾平/幾抵都好, 要我等我都係寧願唔等的(而且果日仲要累累地了); anyway, 成班人一齊都等到有得食(9點先有得食); d野食感覺上都好地道, d味都好特別, d餅都好香又幾好食, d corry同醬都幾特別都幾好食, 但係所有入面噶肉類都係煮到好老, 唔好食。所以去食呢d野都係食醬(餅yaam醬來食)多。叫多左野, 食得好飽有少少剩之下, 每人$100島。基本上呢個價錢x食物質素x要等位加埋晒所有考慮因素之下, 我會覺得未試過就慕名去一次都OK, 但係試過一次唔會再去咯。

13/9(日) -- 又醒又訓又發下癲的一天。唔多提了。

3. 極似小黑。

4. 眼皮底的老實。

14/9(一) -- 5點55分掛起8號風球, 即係無得早走; 選擇左搭巴士返屋企, 正確o既, 好似比平時收工仲無咁塞添。收工返企食飯, 開左個無咩用噶家庭會議。

5. 晚上橫風橫雨, 想起了很多。

15/9(二) -- 估唔到個風打到早上仲打緊, 不過都係慣左起身, 又訓唔返, 所以就係企hea下。食早餐, 上網, 到11點幾出門, 唔想搭MTR, 於是搭巴士少少塞塞地hea返公司, 都算係遲返到果幾個呢。收工照常去小曼姐姐家。去到樓下買左d水果上去, 傾左陣偈民仔到, 落去睇下食咩野一陣之後小茵到, 跟住就4個人食飯, 仲睇到畢打自己人添; 之後幾個人上去, 叫係一個簡單噶housewarming? 傾左一輪之後拿左生日蛋糕出來, 仲慶祝埋小茵生日添。

6. Mandy生日快樂。

16/9(三) -- 收工去左APM仲撞到馬生馬太添。RedAnt。

7. 今個星期o既水瓶運程居然係排第一好o既(天蠍第二, 金牛第三), 仲要唔知係唔係咁o岩, 話有利遠行同邂逅運佳, 哈哈哈, 仲話本周遠行o既水瓶, 好運不斷, 飛機上、車上異地的晚餐等等, 都有可能有事業或者愛情o既新機會, 任何一次邂逅都係幸運o既開始, 邂逅係本周水瓶o既主題, 哈哈, 會唔會係果邊搵到發展機會呢? 而家呢份工已經覺得有d...了, 哈哈。有得發展下都唔錯呢。

17/9(四) -- 一早"medical appointment", 跟住去拿左本特區護照之後返工, o岩拿完返去時小雅call我!好耐好耐無見啦!(十幾年) 沿路返來傾左一輪, 好開心。收工返企; 好突然地見到呀爸。

8.見到日安同馬生去台中個羊農場, 好好笑, d羊好攪笑。

9.多謝日安比左台灣的電話卡我, 多謝晒。

10. 不要在別人睡覺時同人傾偈; 不要尋根問底。

18/9(五) -- 返企準備執野走人了。

11. 貓姐生日快樂!!!

12. 多謝馬生馬太比埋Adaptor我, 好方便呢~~

13. 唔記得多謝Catherine送的帛金, 其實大家都唔使客氣...就算係的話, 心意都夠了。

14. 星期六起行去台灣了; 好耐好耐無去過旅行, 無出過國; 原來自己自從03年去左泰國之後, 都無去過旅行, 近年連長洲果d離島都無去過; 要去台灣之前先發覺自己之前用開o既BNO, 係04年已經過左期, 連國都出唔到, 哈哈。好彩都做得切, 多謝死黨們同呀嫂專登延左2日來就我, 多謝。好期待去旅行, 好耐無去旅行; 今次旅行的意義, 最大最大都唔係自己無去, 而係同死黨識左咁耐, 一次旅行都無去過, 十幾年啦, 終於有機會去了。好開心。

15. 多謝老豬果對Crocs。

**********

細水長流 -- 蔡齡齡; 超好聽噶一首歌, d詞填得好好呢~ 蔡齡齡都唱得好有感情呢。
http://www.youtube.com/watch?v=PQlSuGeZmq0

歌手：蔡齡齡
作曲：M.Aiejandro/M.Beigbeder
填詞：林振強

不管為何　沿途如何　它都長流
鐵和石也可割破　這是過山的河水
它奔前流流流　不管蹉跎
為流入滔滔大海　方會安心而存在

不管為何　沿途如何　它都長流
我懷內那些愛　也像這一江河水
永為你也永向你一生奔流
現時　昨天　將來　都也因你而存在

* 若你雙眼是深海　你已經浸沒我
誰令我現能去愛　你已否知道麼
我感激我們遇見　在今生像河與海
你那臂彎溶匯結合我　盛我在內 *

# 若有天要被分開　我遠山也踏破
尋辦法又流向你　你會否等我麼
你可知每凝望你　便彷彿像河看海
你那暗湧如在叫喚我　喚我入內
怎可不奔向你 #

天空晴時　雷霆來時　它都長流
我懷內那些愛　也像這一江河水
永為你也永向你一生奔馳
現時　昨天　將來　都也因你而存在

Repeat * #

怎可不奔向你　

完