八月九日 -- 假日

6/8(四) -- 收工約左馬同民食飯, 慶馬生日, 不過要差唔多8點, 於是搵左花姐姐陪我; 一收工去左石夾尾行同同花姐姐食飯(基本上應該係佢食, 不過佢都食得唔多...)買左新果隻BB Gundam, 靚係靚, 不過唔抵咯, 由返舊模新色咁出, 仲要係800Yen...之後再去行左下福榮街再去灣仔, 多謝花姐姐陪我呢; 同馬民去左間唔知咩野食, 基本上去邊、食咩一d關係都無, 好耐無試過得我地三劍俠食飯呢! 同死黨食飯真係極舒服極開心, 好耐無試過咁free咁開心咁自由咁鬆弛噶感覺呢! 一日間見到咁多唔係"血親"而又咁舒服咁close噶"親人", 好開心。

1. 呀源打來, 轉左工去KT返工呢! 可以約下食飯~~

7/8(五) -- 小妹妹OT到8點幾先走, 最終都無同佢出去食飯。由於頭赤噶關係, 都無去打羽毛球。

2. 人性真的很卑劣, 包括了我也是。

3. 頭痛好像漸漸沒事了, 起碼無果種痛不欲生o既感覺。

4. 好想什麼都不要, 不理, 不煩。

8/8(六) -- 民仔變身計劃Final Stage, 民仔連續三個星期weekend出街置裝了; 中午同民S係九龍灣牛頭角下村食頹飯, 之後就行德福, 不單止民仔, 大家都買左鞋 =.=(仲做埋VIP), 之後小妹妹同老細們食完飯之後join, 一齊行UNIQLO, 佢地都有收穫呢; 行完去返牛頭角下村食糖水(唔食多幾次就拆了無了), 食完去APM行左下, 差唔多夠鐘就去食"外野手", 好耐無食過呢~ d野差唔多, 但係刺身多左油甘魚, 蟹棒同劍魚!好開心呢~ 食完返返去裕民坊, 再上一上返APM散; 係街上好熱好焗好辛苦呢!

5. 好想知半山o既過千呎豪宅係咩樣呢~ (雖然中一果時去過個有錢同學度)

9/8(日) -- 無咩人打波, 所以無去(之後先知原來都夠人, 難得呀馬都去得呢...), 對不起. 無時間陪小妹妹了; 夕林, 壽司, 屎, 狂, 撈麵, 牛肉麵。

6. 記: "牛唔飲水唔按得牛頭低o既, 男人都係賤噶啦"。

7. 自己真的覺得開心、舒服麼? 係就好了...求心之所安...

8. 謊話延續。

9. 試一試, 星期日無交代去邊做d咩, 果然有唔少人問我呢; 以前都講過好多次, 對人好, 或者將某d野做到高standard, 慢慢只會令人覺得係"老奉", 係"應該"咁做o既, 當自己一做返差少少就覺得好唔應該咁。要keep住個standard其實好辛苦呢, 好多野, 其實真係人地習慣左, 一般人都唔會咁做的; 有時自己要keep住又好累, 一唔keep人地就唔開心, 就對你唔好, 自己都係唔開心; 係唔係都唔開心的話, 不如一開始就唔好對人咁好, 或者自己o既standard唔好咁高, 間唔時先好下, 唔好縱壞身邊d人算了。(不過這樣的話, 我唯一的優點就好似無埋了, 嘿嘿, 嘿嘿)

10. 應該做個統計, 由古到今最好的那些演員們, 有多少是水瓶座的。

11. 人都係要去到失去, 先識得珍惜。

來緊:

10/8(一) -- 晚上呀媽有活動, 唔返企食; 搵人食飯? 自己食飯?
11/8(二) -- Lands舊同事活動, 暫定唱K?
14/5(五) -- 每星期五都有噶羽毛球活動, 其實好想去。
15/8(六) -- 爭呀Cass未confirm係唔係去唱K。
燉腳行動仲未完(應該仲要去多次), 但係未confirm日子, 更加唔一定有機會攪得成(最好攪唔成)。
16/8(日) -- 好耐無打籃球, 其實都好想打, 不過天氣真係好熱好辛苦呢...

**********

阿波羅 -- RubberBand; 好舒服o既一首歌, 下次試下唱唔唱到先。

http://www.youtube.com/watch?v=cBDs5e8e_o0

作曲：藝琛
填詞：6號@RubberBand/Tim Lui
編曲：RubberBand
監製：RubberBand

望日落在極處出現
沉下去一息間天已黑
平靜世界那個你快將入眠
睡一遍 明天見

烈日慢慢盛放海面
還為你暖透了冬天那花蕊
如若太記掛我等不到白天
花瓣 藏一片

延續了四季像首舊調
愛煞你看我會不經意的笑
地球哪天不破曉 以你笑臉普照

抱起了幾千攝氏陽光
來讓相戀近乎熱燙
如淚要落下 待我瞬間走訪
能在光速間 蒸發絕望
抱起了幾千攝氏陽光
這溫暖不趕不慌
世界沒有光 火花如驟降
靠我掌心給你釋放

日蝕下在為你寫字
期待你再看見我的那時
還是很新鮮如一天剛再開始
再送予你這首新詩

抱起了幾千攝氏陽光
來讓相戀近乎熱燙
如淚要落下 待我瞬間走訪
能在光速間 蒸發絕望
抱起了幾千攝氏陽光
這溫暖不趕不慌
世界若怕黑 火花全驟降
有我送出一抹金光

你也許終於會生厭
日落日出的上演
看守一世 即使一律千篇
這節奏 歷遍萬年

抱起了幾千攝氏陽光
來讓相戀近乎熱燙
如淚要落下 待我瞬間走訪
能在光速間 蒸發絕望
幾千攝氏陽光 這溫暖不趕不慌
世界沒有光 火花如驟降
靠我掌心給你釋放

Is all I...is all I...is all I can...
I always shine for you

完