七月二十六日 -- 雜記

20/7(一) -- 收工返企。見到好耐無見噶表弟。

1. 同同事講起黎老明演唱會, 某同事o既老婆大人係佢多年忠實fans, 好經典o既一句"Leon唱歌好好聽呀, 聽佢唱Live仲好聽~~~~!" 香港樂壇其實都差唔多係由果時開始唔得的...有咁o既市場, 先有咁o既歌手...

2. 表弟來左HK, 無咩機會見到佢; 佢而家居然食煙了...一日一包, 仲話想戒。

3. 又讓人哭了。

21/7(二) -- 同而家成班同事去食九龍灣果間"大榮華", 現場仲見到滔滔添; d野食OK, 尤其係d肉類, 叉燒、扣肉、魚都好食, 豬油撈飯都好香, d油係用蒜爆過o既, 頭抽亦都比一般豉油香好多呢; 個馬拉糕連我唔多食甜都覺得好食呢。埋單亦唔貴, 十分OK, 成班人來食都好好呢。同事仍然係講公司事多; 由於早去到, d野又上得好快, 所以好快就食完, 不過都坐到9點半先走。

22/7(三) -- Carol姐上星期生日, 於是呢日同日安馬生4個人去APM唱K。聽返有d歌好耐無聽, 但係都OK呢, 要搵返來聽下先得。另外, 實在十分欣賞馬生幾首歌好放o既演出(陳曉東"結他"同哥哥噶"大熱"), 實在太正了~~唱K就係要咁玩先開心架嘛~~好有feel呢。

4. 同事有帶d遮光o既野, 大家都好有興趣地係公司睇左日蝕, 好清楚呢~

23/7(四) -- 對不起, 放了花姐姐一次大飛機(第二次了), 請食飯都補唔返數。對不起。

24/7(五) -- 收工打羽毛球。約左MayChan 7點幾係WTS等, 於是自己去左SKM睇左下玩具, 7點去到WTS; 一個人好無聊行左成個鐘, 去到WTS又係繼續行行行, 好悶好悶, 終於等到差唔多8點佢先來到; 再過多陣NG同佢男友都到, 去左BurgerKing食, 好味道。之後叮噹同佢Fnd join埋, 食到9點幾呀貓都未到, 就上左去球場先, 打左陣貓到埋, 大家hea打左個鐘到11點就去九龍城食甜品再返企。有2個人有車真係好方便呢~~ 可惜自己係唯一一個九龍東方向o既人, 要自己坐車返企了, haha。

5. 係書局睇左2本書, 一本係唯靈講食o既, 一本係"冧到爆"; 前者我一向都覺得佢先係真正o既食家, 識食識煮識講識寫, 好掂, 學到野呢; 後者係講男女關係噶野, 主要係講點樣去解構同埋維持2個人o既關係, 我諗唔係個個都會識呢, 佢用幾淺白易明o既字同方法來寫, 都OK呢; 不過自己大約睇過, 都係自己識o既野...其實係愛情之中, 好多知但係都唔一定做到噶...

6. 44、< 1 hour。瘋了。

25/7(六) -- 中午去左食KT果間新境界, 民仔未食過呢; 之後去左APM幫佢執執, 好難得亦好耐無試過咁樣成個下午係度睇衫, 仲要係睇男仔衫呢。不過最終都係未執晒, 但係大概都有左定案。對於自己, 一向就超求其, 主要原因係身型唔好又肥又有肚腩, 著咩衫點著都唔靚, 所以都係算了; 自己同民仔睇果時都有睇過下, 不過覺得果d衫著係佢身上就OK, 係自己身上就點想像都唔多得, 都係算吧啦。

之後就出發去TST帝苑。自己無咩幾可食d貴o既野, 今次有人請, 緊係要去食啦~
收得咁o既價錢, 當然d野就OK, 亦都唔多提, 上Openrice大家都知有咩食了; 少提一提: 無生蠔, 牛扒、海南雞好食, 刺身有Toro同劍魚, 三文魚真係行埋一邊, 雪糕係Haggan Daz。另提係現場彈琴彈結他唱歌果個叔叔都幾得呢~ 好過好多雜牌駐唱歌手, haha。

26/7(日) -- 好累, 無去打波; 成個星期都頭痛, 之前都係晚上先開始痛, 星期尾果幾日連日頭都痛添; 是晚臨訓又突然好痛...好痛...

7. 做不到的事還是做不到, 對不起。

8. 汶萊餐廳個羊扒幾騷, 連我OK食得騷o既人都覺得幾騷呢。

9. 超級巨聲, 無睇了。

10. 老豆返左鄉下, 會有2-3個星期唔係HK, 呀媽實大把節目; 呀哥星期五六日去左玩, 屋企2個人霸2間屋, 型到爆。

11. 由於呀媽都會有節目o既關係, 睇來呢排都係唔點返企食飯, 就算返都係我煮黀事呀媽咁辛苦了。

12. 成日都叫人、叫民仔放開d自己, 其實自己咪一樣要咁; 儘量學習對最親o既人做到先!

來緊:3/8(一) -- 日安終於book到場打羽毛球! 打打打!

**********

歌:

愛。無力 -- 潘嘉麗; 上次"完美的默契"果個歌手噶另一首歌, 佢把聲同一向唱o既方式似乎好適合唱呢類歌呢。

MV Version
http://www.youtube.com/watch?v=gFZKBkFyQHE

Live Version
http://www.youtube.com/watch?v=osvNBKkwN58

愛 無力
潘嘉麗

＠最后我們分開了
　雖然還是朋友＠

＃但做回朋友的情人
　想擺脫關系不太容易
　寂寞變成了習慣
　習慣靠著孤單
　想念該遺忘　不該再想了
　陪著我的每個夜晚＃

＊我只想　對著天空輕輕的呼吸
　尋找我最愛的人到底在哪里
　在慌亂中　搬箱倒柜尋找記憶
　有一種愛它曾經住在我心里
　陪伴我熬過多少個無聲哭泣
　不懂愛情　我的心如此無力＊

Repeat　＠＃＊

其實我很清醒　其實我很冷靜
看著眼淚滴過來手心

Repeat　＊＠

完