二月二十三日 -- 雜記

16/2(一) -- 收工返企
17/2(二) -- meet佢之前係奇趣買埋玩具 =.= 不過真係好平呢~~ 同Angel係寶琳食齋, 幾好食呢, 齋來講都算少貴, 無比佢請呢; 之後終於都試過聰嫂甜品, 都OK呢~~
18/2(三) -- 同呀哥同呀玲食飯, 去左Jordan的King 1, OK呢~~ 蠔好大隻又新鮮, 個牛仔骨大到得人驚, 羊都OK呢~
19/2(四) -- SS生日快樂; 很累, 收工返企
20/2(五) -- 呀Mak約食飯, 約埋以前同學同舊同事; 食飯之前上去佢屋企, , 睇下佢個B女, 仲無啦啦放套核突片"殺出個未來" =.= 再次証明幾精彩都好我都係唔鐘意睇呢d片的; 之後去左大角咀街市食小菜, 好好好好平呢~~ 多謝呀Mak請我食飯呢, 仲咁遲都派利是俾我 :)
21/2(六) -- 原訂去同事Angus屋企玩, 不過亦係預算之中佢地要OT去唔到, 係屋企好悶, 居然訓左成日, 好辛苦; g晚上終於頂唔住, 要剪頭髮, 咁o岩呀哥返來, 於是剪左, 之後一齊睇左"Million Dollar Baby", 不愧係拿左好多獎o既戲呢, 好睇, 唔評了。
22/2(日) -- 好耐無打波, 好累, 打完波真係好累...
23/2(一) -- 收工返企

1. 最近o既課題, 係要開工砌模同每天做sit-up; 不過呢個星期頭o既課題, 到而家都...

2. 恭喜S返工~

3. 恭恭恭喜呀源終於pass左last一張paper!!之後仲要搵埋工!!

4. 人生要保持心態年輕, 但要同時要成熟, 學懂放棄和接受; 雖然不知人生為何, 但將到盡頭時, 回頭一看, 是開心的話, 就好呢。

5. 發現有時真係做村民係最好, 如果無能力, 或者未夠實力, 或者時辰未到, 都係唔好爭做皇帝, 做村長都係唔好。

6. 有次食lunch聽到個人係旁邊用好厭煩o既語氣叫內地人做"大陸喱", 真係覺得好反感呢, 而家好多內地人都好叻, 唔係個個好似以前o既果d無文化o既人了, 但係居然仲有好多HK人會岐視內地人, 凡係有關內地o既野都一律視作係"唔得"的; 無錯, 內地而家o既文化水平同好多野都仲好參差, 但係係近海同有讀書果d, 其實已經好叻, 分分鐘仲識諗過而家好多HKo既年輕人呢。我覺得"港燦"更適合呢d咩都唔知o既人呢。講真, 而家好多HK出生o既人上一代咪又係內地落來...都係唔開另外一篇講了, 就咁。

7. 結; 從小到大都不太懂打結, 或者應該說不擅打結...本來好似有d野想講, 好似可以獨立一篇野o既, 但係記底之後唔記得左想講咩。

8. 係搭車返工途中見到人睇報紙, 有一篇野講外遇vs嫖妓; 呢個問題好耐之前同死黨2傾過呢~ 究竟比較接受唔到另一半做邊樣野? 我同死黨2的見解不同呢。

9. 很喜歡隨便地係d地方行, 同喜歡o既朋友一齊hea果d感覺, 係街上見到咩食咩, 一路掃街唔食正餐, 其實好開心呢, 唔使專登去食一餐正餐反而可以食多好多野~ 不過當然都要行o既地方有野食吧...所以, 我唔喜歡行山噶原因, 除左對腳唔多得之外...heehee

10. NDS係一個好方便帶得出街玩o既遊戲機, 所以...係屋企都係唔好打咁多; 屋企大把野可以攪/玩, 仲打NDS就好多野都做唔到, 要禁止自己係屋企打NDS =.=

來緊:

24/2(二) -- 同話劇同學們食飯; 順帶一提, 我識o既歌后之一Sharon要結婚了呢~
25/2(三) -- 呀Cass考完試出關, 同佢同民S食飯
28/2(六) -- cancel?
7/3(六) -- 同民SMandySamEsther等人唱K?
14/7(六) -- 令人期待o既KTG唱K!

歌:
又係本來有好多篇野, 所以又係post幾首歌吧, 愈來愈懶。

Beautiful Love -- 蔡健雅; 雖然唔太熟佢, 但係以前MayChan話佢OK時都有聽下佢d歌, 呢首好聽, 好舒服呢~
http://www.youtube.com/watch?v=9KfjG2b3eMM

愛哭鬼 -- 江美琪; 以前都講過, 早係好多年前佢翻唱"星晴"o既時候已經覺得佢唱歌好聽呢~
http://www.youtube.com/watch?v=u2qF-xo93BI

不是我不明白 -- 梁靜茹&盧廣仲; 合唱版好聽d~~
http://www.youtube.com/watch?v=J3b7bVCL1yc

完