9/2(一) -- 收工返企。
10/2(二) -- 死黨們約我食生日飯; 呀Sam同佢女友臨時放飛機, 本來book左MK五月花, 結果2個人放飛機, 而死黨1同2都要OT晏來, 所以唔去了; 最終由我決定去MK街市叫送食, 8點幾先齊到人呢~ 未齊人之前同Mandy同S去左In's Point, 估唔到SD Gundam 扭蛋第4代咁快出, 3先出無耐...
11/2(三) -- 收工返企。
12/2(四) -- 呀哥同C生日快樂; 去左九龍城買左果間cake比呀哥食, 喜歡食呢類野o既人應該都會鐘意食吧, 對我來講就甜左d...九龍城洋一都OK。
13/2(五) -- 收工返企。
14/2(六) -- 要返公司OT, 之後返企, 好累; 晚上睇左TVB播的寶貝計劃, 以前係戲院睇過, 再睇多次都覺得OK呢。
15/2(日) -- 又無打波, 悶死。下午約左日安妹妹食tea, 食完聽佢講左邊度有得搭免費shuttle bus去寶琳, 於是無野做之下就一個人去左好耐無去o既TKO奇趣; 本來諗住有免費車去就去行下打發下時間, 點知奇趣模型又有一堆特價! 而且有好多都想要呢~~係果個角落流連左好耐, 經過左一輪掙扎同取捨之後決定買其2盒; 本來諗住睇下而已, 點知比個免費車攪到破費呢~~証明大商場有呢d野係會增加營業額的。人地話愚公移山, 我家d模型已經係一個小山, 但係我就係繼續將其他地方o既山移來我家個山度... =.=; 行完之後諗住走, 竟然比我撞到日安妹妹, 原來佢見早又自己走來行下, 之後一齊行左陣, 就散了; 我自己散步由果度行返屋企。
12/2(四) -- 呀哥同C生日快樂; 去左九龍城買左果間cake比呀哥食, 喜歡食呢類野o既人應該都會鐘意食吧, 對我來講就甜左d...九龍城洋一都OK。
13/2(五) -- 收工返企。
14/2(六) -- 要返公司OT, 之後返企, 好累; 晚上睇左TVB播的寶貝計劃, 以前係戲院睇過, 再睇多次都覺得OK呢。
15/2(日) -- 又無打波, 悶死。下午約左日安妹妹食tea, 食完聽佢講左邊度有得搭免費shuttle bus去寶琳, 於是無野做之下就一個人去左好耐無去o既TKO奇趣; 本來諗住有免費車去就去行下打發下時間, 點知奇趣模型又有一堆特價! 而且有好多都想要呢~~係果個角落流連左好耐, 經過左一輪掙扎同取捨之後決定買其2盒; 本來諗住睇下而已, 點知比個免費車攪到破費呢~~証明大商場有呢d野係會增加營業額的。人地話愚公移山, 我家d模型已經係一個小山, 但係我就係繼續將其他地方o既山移來我家個山度... =.=; 行完之後諗住走, 竟然比我撞到日安妹妹, 原來佢見早又自己走來行下, 之後一齊行左陣, 就散了; 我自己散步由果度行返屋企。
1. 星期初喉嚨唔舒服, 起沙聲, 仲好似有失聲跡象, 之後即沖柑桔來飲, 第日即刻無事, 勁野~~
2. 新眼鏡壞左幾日, 有一邊甩左, 帶返舊眼鏡幾日, 睇得唔多清; 不過發覺睇野唔清, 世界係美好得多的呢。星期二整返好了。
3. 一個執返來養o既小孩, 同埋一個無左爸爸, 媽媽同屋企人都唔多愛o既小孩, 邊個幸福d呢?
4. 呢個世界上, 得2種人會比我叫八婆; 第一種就係同我好friend, friend到可以叫八婆o既人, 第二種...就係真真正正o既八婆...係真係好奄悶, 好負面, 好乞人憎果種八婆...能夠比我分做呢一類o既女人唔多, 就算一般o既八婆我都係唔會叫八婆的, 不過, 總係會有d咁樣o既人出現...真係一個八婆呢。
5. 職業道德 -- 本來諗住打一篇野o既題目, 不過都係無精神同心機打。每個職業都有操守, 或者點樣會做得好d, 成日見到街上派野o既呀嬸, 企正係街中間, 或者係樓梯最頂果個位, 唔企邊d或者後d, 好阻人, 明明好多人或者返工時間都係咁, 幾麻煩的。係MTR外拿報紙果d呀婆又係, 姑勿論佢地身世可唔可憐, 但係做野還做野, 有時見到有d呀嬸/叔/婆/佰, 係人地經過o既時候夾手就搶左人地手上果份報紙, 大佬, 人地未必睇完o既, 仲想拿返公司睇o既, 咁樣做係咪有d問題呢? 仲有, 廢紙回收係想回收一d用完o既野, 而唔係係MTr不停拿d未睇o既報紙去賺錢咯...當然, 職業道德係咩職業都有o既, 並唔係咁話少少事都要講; 其實而家咩職業都開始唔多有呢樣野, 單單係娛樂新聞o既記者, 全世界都知係咩事啦, 勁煩, 又跟蹤又作野。不過, 連大銀行大企業都唔理社會責任, 又點怪得呢d打工仔呢?
6. 上癮 -- 又係應該一篇野來o既。其實"上癮"呢樣野應該點classified呢? 習慣同基本需要算唔算? 唔需要o既野變左想要/有就係上癮? 基本需要o既野要求多左/高左就係上癮? Anyway, 唔係害丁人影響到人o既野, 上左癮都無問題吧。
7. 有關返工o既野, 由於無講係咩人咩單位, 唔算係洩露d咩機密吧? 話說有一家人, 07年登記時有6個人住: 業主, 業主老公, 一個仔, 一個女, 一個女婿, 仲有個孫; 由於要買賣時, 唔係業主而又係成年o既人都要去簽一份聲明, 但係如果已經唔係度住的話, 就唔需要; 有日佢打來問: 我家有d人已經唔係度住或者住唔到, 係咪可以唔使簽的? 我問佢咩情況, 佢話: 個仔坐緊監, 個業主老公死左, 而個女婿已經同個女離婚...真係...我都唔知話不幸定係有問題的一家人...
8. 早2日突然經理同呀頭叫我入meeting room, 我以為咩事, 原來...我安全渡過左我o既probation(試用期)了...
9. 上星期整電腦, 裝過d野, 記得backup, 但係有個folder我以為之前有backup, 原來無, 一大堆野無左...算啦, 反正唔記得左同埋都無左...不過都有好多想要o既野無左...
10. 今年多左公司一埋利是, 有d親戚又無啦啦派多左, 所以金額係近年最高; 由於已經做野o既關係, 又有好多都唔係交換返來o既, 所以都想使左d錢而唔係儲起佢呢~~而且呢幾個月仲有OT錢~~睇下有d咩想買先! p.s. 今日下午買左了~~
11. 之前有篇雜記無啦啦話有樣野出左, 好靚, 又炒得好貴呢, 唔抵買。由於各種原因, 無話係咩野, 而家就可以講係咩了, 圖係以下:
12. 之前msn的個人message係"蛋桌比", 無咩人問係咩來呢, haha; 都有d人問, 不過我清一色都係唔答, 係咁多朋友之中, 得一個人見到之後即係知係咩呢~~
13. 過時過節大日子的時間, 一般人都會著得好睇d, 係呢d日子出街眼福會增加多d呢~
14. Gundam OO 繼續好睇!
來緊:
17/2(二) -- dine w/ Angel
21/2(六) -- 去同事Angus屋企打機?
22/2(日) -- 好耐無打波, 如果有得打真係要打下了
17/2(二) -- dine w/ Angel
21/2(六) -- 去同事Angus屋企打機?
22/2(日) -- 好耐無打波, 如果有得打真係要打下了
歌:
由於有幾篇本來應該係獨立o既文, 所以都一次過post幾首歌吧。
敢愛敢做 -- 細細個就好鐘意o既歌之一; 個意境係勁free, 不理旁人果種感覺, 正。
情歌 -- 梁靜茹; 佢隻新碟overall都OK; 不過一向對佢o既感覺都係: 係唱得幾好, 但係唱來唱去都係差唔多...個變化仲少過周董...
http://www.youtube.com/watch?v=MNjEViShltM
http://www.youtube.com/watch?v=MNjEViShltM
完
2 意見:
情歌
我們說好的
記得
呢段時間幾迷的幾首歌
J
我系米八婆之一呢
張貼留言