十二月二十一日 -- 雜記

1. 15/12(一) -- 病, 早走2個鐘去睇醫生之後返企; 晚上係企食飯, 之後好眼訓, 訓左一晚。

2. 16/12(二) -- 仍然病病地, 食左藥呆呆地, 收工返企。

3. 17/12(三) -- 頭赤赤; 收工同C去左SSP買野。

4. 18/12(四) -- 頭痛; 收工返企。

5. 19/12(五) -- 連續幾日都有"想早走2個鐘"o既感覺。收工同哥食飯之後返企。去左汶萊(前身小飛象)又食果個可以食3個人o既2人餐, 有剩星期六lunch食, haha。

6. 20/12(六) -- 中午食完尋晚o既野, 下午約左一班同事(ConnieMartinChristineMandyKelvin)去同事Angus屋企(美孚清麗苑)。佢屋企裝修同各方面o既感覺都好好呢, 好舒服, 好企理, 亦都諗得好完滿, 好細心。佢家套音響+電視好正呢~~高清+blueray係唔同d~~正! 係佢家睇左功夫熊貓(blueray版), 好好睇, 之前都想睇架啦~ 之後佢地打麻將, 我就同Martin佢地打PS3的winning, 到左晚上就我同AngusConnieMartin食晚飯, 之後返企。而家呢班同事o既感覺好好呢, 係o岩傾同埋一齊相處舒服o既, 所以一齊hea得開心。

7. 21/12(日) -- 在家一天。肯定左頭痛係因為食藥, 唔食就唔痛...

8. 頭髮好長, 覺得辛苦, 一怒拔劍! 剪呀剪呀...嘿嘿嘿...

9. 出左!! 好靚!! 真係好靚!! 不過個價仲靚!!

10. 雖然好無聊, 但係都難得寫左成萬五字, 一個comment都無... =.=

11. 見到人地拍拖開開心心拖手仔挨挨攬攬, 會覺得好sweet好開心; 在街上不論見到咩年紀, 一對對有呢d行為都好替人開心的; 但係自己總係唔習慣自己咁樣...唔單止係識o既人面前, 就算係街無咩人, 都好唔慣身體接觸? 當然在拍拖的時候...有時都會情不自禁地、好想好想攬住對方o既, 但係一般時間連繞手都會覺得怪怪(好唔自然, 個人好硬); 難道我真係唔適合拍拖? (我唔想, 正常人拍拖都會想拖下手攬一攬掛?) 好奇怪的人...真的精神上滿足就很好很好了...同樣地, 精神上就很需要很需要覺得2人是一起, 很喜歡對方的感覺。特別自己很沒安全感, 有時覺得有不妥、同步率下降等等, 也會很敏感地感受到而自己在腦海中抓狂, 腦中經常胡思亂想, 卻又知道想得太多, 然後又口不對心, 跟住...總之呢, 就是一塌糊塗, 哈哈哈。

來緊:24/12(三) -- officially有得早放, 但係應該實際上無...聖誕果4日假期有機會唔使日日返工, 希望真係啦...27/12(六) -- 死黨們o既例聖誕慶祝活動+死黨2生日o既慶祝活動...唔知join唔join到...

歌:

誰來愛我

呢首並不是大家熟悉o既容祖兒果首"誰來愛我", 相信應該無咩人識, 好冷門呢。但係係一首好好聽o既歌來, 杜德偉其實係一個好好o既歌手呢, 跳舞又叻, 唱歌亦好聽。可惜youtube搵唔到...

唱：杜德偉　作詞：林夕　作曲：Randalllipford Jr.杜德偉

已習慣一個人　擁抱著這份寧靜
沉默地　看著客廳兩旁　曾溫馨的佈景
連電話都一聲不應　紀念流逝了的愛情
突然發覺　床前鐘聲　如此這般冷冰

*每夜晚燈照常　窗角亦滲著微亮
期待著　背後有一個人　同倚於這扇窗
明日在追趕中歌唱　卻恨長夜變得太長
誰來愛我　誰來分享　藏於心底理想*

+每個孤孤單單的黃昏
直到這個世界也關了燈
誰用那雙眼神　燃燒身邊氣溫

那些不可多得的情感
是要怎麼苦等才可發生
誰是要等那人　誰來伴我
誰會共分享這生+

repeat * +

誰來實現我的愛
誰來談論夜雨多醉人
誰曾在漫漫人潮內走過
如何讓彼此吸引
為何讓這個我每晚去等

repeat + +
誰會值得苦等...

完