十一月二十四日 -- 雜記

1. 17/11(一) -- 收工返企

2. 18/11(二) -- 由於之後會好忙, 於是儘快攪多d gatherings; 同WendySamEsther民S係禾輋食飯, 順便介紹下d好o既朋友俾wendy識下, 等佢識多d人, 睇多d野; 另, 民仔同佢似乎幾好傾呢~~ 大家都係度暗笑隻狼, 嘿嘿。當日食飯, 禾輋陳根記唔使講緊係OK架啦~

3. 19/11(三) -- 同事Vincent搵到工走人, 是晚唱K farewell佢; 是日身體不適, 狀態麻麻, 都唔多想唱; Lands同事Angus攪氣氛亦好笑, 大家都好開心, 自己會受環境影響, 以前做開攪氣氛(雖然已經好耐無做), 而家唔使我攪就最好; 不過都有發下癲唱下d發癲歌, 同埋自己都有唱d想唱o既歌。呢班同事感覺好唔錯, 起碼係可以一齊玩o既人呢。

4. 20/11(四) -- Puzzle生左之後都未同佢食過飯, 於是約左佢同SpenserWing出來食飯, 去佢屋企附近; 由於唔帶得B落來, 於是睇DC相同Video補數, 好可愛好似呀爸呢~~ 之後4個人(凱琪同Grace放飛機)係大快活打NDS到10點散, 好耐無打過呢。返去時, 居然極其偶然地遇到放飛機的Grace, 真係天網恢恢, 哈哈。

5. 21/11(五) -- 收工返企

6. 22/11(六) -- SZ的小妹妹來HK買野, 叔叔做左導遊+咕哩帶佢去佢要買野o既地方, 同食左個飯散。

7. 23/11(日) -- 早上打波, 打到2點食飯; 之後同C去葵芳買玩具, 呵呵; 好早返到企。

8. 24/11(一) -- 收工返企。

9. 新眼鏡個框邊好闊, 平時可以"蛇哩眼"望去旁邊或者留意下"敵情", 而家睇唔到旁邊好麻煩, 觀察力減弱... =.=

10. 頭髮好長要剪, 又唔想鏟...最終頂唔住, 自己攪掂。

11. 天氣開始涼, 想買件褸office都著得o既, 而家件風褸勉強還可以, 但係再凍d就無了, 其他褸都唔係好得著返去o既。

12. 用左鞋墊之後果然係唔同d; 以前行得耐或者打完波, 由於我腳板細, 通常之後都會好痛, 但係用左鞋墊之後, 行完運動完之後雖然會累, 但係腳板唔多痛, 好好多呢! 真係有用呢~~

13. 記下食大盛時坐係旁邊果一男一女, 好攪笑。

14. 星期日打波好曬, 曬完個太陽返到屋企沖涼時發覺: 黑左。另, 唔知係咪呢幾日又冷又熱又曬又打波又唔多夠訓, 個頭痛。

15. 之前睇中左盒模型好耐, 早2日朋友打來, 平左, 已經話左要佢幫我買, 不過後來因為佢唔方便拿比我, 於是我先話自己去買; 點知去葵芳行一行, 仲平, 簡直係超平, 諗都唔使諗, 買。

16. Gundam OO第二季, 去到第7話已經開始入肉, 好睇; HunterxHunter都開始進入高潮; One Piece keep住進行中; 每星期的娛樂...

17. 記載一下, 在SSP荔枝角道, 2隻隔住條街傾偈的狗狗。

18. 記載一下, 係自己一手拿玩具一手拿住杯野o既情況之下, 俾個店員係面上搶左副眼鏡, 我被逼入眼睛店混吉。

19. 在浩翰的宇宙之中, 任何一樣物事, 都沒有必要存在, 即使消失了, 也不會對宇宙有很大的影響; 在人生之中, 除了父母親人之外, 也是沒有必要的存在, 沒有了什麼人也可以、也要繼續生活下去; "我"只是一個微不足道的存在, 不必要的存在罷了。

20. 又有少少, 想摺左個blog去。

21. 轉載; 如果研究屬實, 咁我呢個唔點睇電視o既人應該算係極之開心了。

美大學研究：愈不快樂愈看電視 (明報)11月18日 星期二 05:10

【明報專訊】美國 一項研究顯示，愈不開心的人愈愛看電視，快樂的人則較熱中從事閱讀和社交活動。研究人員指出，看電視雖給人們帶來短暫快樂，長遠來講影響卻不正面。
這次研究選取了兩套從1975至2006年收集的數據進行分析，涉及3萬名成年人。第一套是關於時間管理的研究，要求人們記錄一天24小時進行的活動，然後再指出每項活動帶來的快樂程度；第二套是對人們生活模式改變的調查研究，從深度剖析人們在數年間的情緒變化及支配時間模式如何改變。
快樂人多愛閱讀
研究發現，自稱非常「快樂」的人在社交上更為活躍，他們參加更多的宗教服務活動、更積極投票、更愛讀報。相反，不快樂的人把大量空閒時間用來看電視。研究估計，這些人看電視的時間比快樂的人要多20%。
負責研究的馬里蘭大學社會學家羅賓遜（John P. Robinson）推斷，隨着經濟在未來數月持續惡化，看電視的人數和時間可能會顯著增加：「人們可控制的時間愈來愈多，看電視的時間也相應增加。」
研究人員無法明確斷定不快樂與看電視之間的因果關係。但羅賓遜警告﹕「電視並不會令人獲得真正、長久的滿足。看電視令人更被動，並帶來逃避藉口，尤其是當電視新聞和經濟形勢一樣令人絕望的時候。數據顯示，看電視這一習慣會在短期內提供快樂，代價卻是長期的心神不安甚至抑鬱。」這項研究成果刊登在12月出版的《社會指數研究》（Social Indicators Research）上。
完

對一個人愛錯 -- 草蜢o既歌入面其中一首勁鐘意o既; 仲有, 好鐘意中間果段結他。

歌手：草蜢
作曲：荒木真樹彥
填詞：林夕

http://hk.youtube.com/watch?v=L2Fy0kUPB4Q

或者一生太漫長
才令我的痴心痴到這麼樣
甜蜜開心的挽手
直到一天笑著離場　誰不想

或者失戀太擅長
明白每次艱苦經過同一樣
還未醫得好創傷
便要天天過活如常　沒妄想

＊為什麼　沒什麼
　只因每次　付出比得到更加多
　恨什麼　沒什麼
　只不過一個人　對一個人愛錯＊

怎麼失戀我擅長
何謂痛的酸的感覺能想像
留在當天的震央
讓痛苦的快樂延長　是我想

REPEAT＊

離合聚散　這世界每天都發生
而唯獨我　每次也這麼的敏感
若你已經　聽過太多這種怨歌
但願不必要像我　認真

REPEAT＊

完