廣播劇錄音記

上星期五晚(17/3)係我今期廣播劇初班ｏ既錄音

第一次去studio, 感覺好新鮮! 真係見到一堆儀器, 各種設備咁, 好似平時係電視見到果ｄ一樣, 好得意
去到時見到有人錄緊音, 果位幫人錄音ｏ既呀叔(唔記得咩名了)好pro呢, 超熟手

等左一陣, 終於都到我地錄音, 我地班分２組; 我係第２組ｏ既, 所以可以係錄音室外(即係呀叔果個位)睇下野先, 個過程好得意; 一來可以睇到ｄ同學們把聲扮鬼扮馬, 二來又可以見到錄音ｏ既操作(呢樣野可能對我來講興趣仲大), 真係好有趣; 到我地果組錄音時, 都覺得有ｄ緊張, 不過２組都總算順順利利錄完, 業餘水準, 算係咁啦~~

我(同民仔做同一個角色, 唔同組)做ｏ既角色只係配角, 係個劇ｏ既頭同尾出現, 叫係introduction同結尾做串連o既角色咁, 都幾得意, 係一個中年呀叔; 專登粗起把聲來講, 唔知入咪之後把聲係點ｏ既呢?

完