三月十六日 -- 心亂如麻

1/3(一) -- 收工同花姐姐去左金蘋果食飯。

2/3(二) -- 收工約左大頭B, Gordon, 八婆同佢老公、仔, 係MK齋鋪食飯, 仲拿到九折卡添; 呀B仲咁o岩買左紙牌版大富翁, 大家玩左一下, 結果由由頭到尾唔知頭唔知路唔太識點玩噶人贏左; 呢隻game幾有腦都好, 都幾睇運氣呢。

3/3(三) -- 臨時約左Crystal同民仔食飯, 多謝Crystal夾硬出左來陪我呢; 同佢係KT join左, 第一次係觀塘碼頭搭船過去北角, 又平又正呢, 有時間又o岩船期真係唔錯; 之後係北角奇趣行左個圈後join埋民仔食福建野。

4/3(四) -- 要過土瓜灣OT幫手開briefing, 估唔到9點走得; 約左Grace係寶琳吹水(本來預9點半先走得10點幾先到, 點知van仔飛咁快9點4島就落車), 好開心多一個係TKO噶朋友呢~~傾到11點散, 之後係街同呀馬傾電話傾左個半鐘 =.=

5/3(五) -- 收工同Jenny食飯。

6/3(六) -- 花姐姐Jenny陪我一起去散心呢; 係東涌join左食早餐, 之後搭360上寶蓮寺, 去完大佛搭車入大澳, 當然買左蝦醬啦, 好喜歡好喜歡行出去侯王廟果個海邊, 好舒服; 之後搭果d船, 幾近距離見到海豚呢~~之後返東浦出MK, 同Jenny娟Cass去大角咀主場唱K到1點散。

7/3(日) -- 早上去左睇千秋王子, 都ok好睇噶, 唔悶幾好笑; 下午太累...本來想出去行, 但係訓左; 晚上煮飯食, 好耐好耐無自己煮過了。

8/3(一) -- 本來約左OO食飯, 不過佢改期到星期二; lunch同晚飯同Jenny食, 多謝佢陪左我咁多日呢; 之後同Grace食糖水; 有個TKO fnd可以隨時叫到出來真係開心呢, 好耐之前都提過, 好想有"街坊"式噶朋友, 太好了。食完尚早, 由寶琳行左去坑口。

9/3(二) -- 本來約左OO食飯, 不過佢改期到星期五; 由於星期一晚係坑口見到壹麵館話就執, 於是臨時約左Grace一齊去食, 憑弔下呢~ 唉, 以前去坑口噶理由, 又少左一個了...之後係坑口行左過寶琳。

10/3(三) -- 好耐無試過, 收工返企。任性的真係對不起父母呢。

11/3(四) -- 收工同Grace係寶琳睇愛麗絲; 自己對Tim Burton噶期望來講, 有d失望呢; 雖然自己覺得未至於"唔好睇"; 最正噶係化妝同d服飾, 尤其係mad hatter整噶果堆帽, 好靚呢; 成個故事好似拍得太平鋪直呢; 真係估唔到, 第一日OK開始有得抽Pooh, 一野就比我中左隻Jumbo, 好難得見到Grace情緒咁大波動, 咁開心, 哈哈。

12/3(五) -- 終於約得成圈圈, 由於budget所限, 大家又無所謂, 同佢去左MK街市食飯, 之後好耐無試過行左成個朗豪坊了。傾左好多野, 仲估唔到佢講左好多佢自己噶野我聽呢。

13/3(六) -- 無野做, 之前果晚臨時約左, 一早同民仔去馬屋企睇NBA, 幾好睇呢, 之後食埋lunch打陣機, 4點幾去Spenser屋企, 見到好耐無見噶Joyce同第一次見Spenser現任女友呢, 覺得呢個應該o岩過以前果個呢, haha; 打左下Wii, 8點幾去食新疆野, 個羊脾好食呀, 烤得完全唔乾呢; 食飽之後再去食埋糖水散。

14/3(日) -- 早上打波, 之後馬民同馬女友睇戲, 我唔睇, 所以lunch之後同佢地hea到4點9差唔多開場自己返企。

15/3(一) -- 臨時約左Grace食飯; 估唔到坑口間意粉居然無人係門口等, 我未食過, 即去試啦~~ d野好平, 唔大碟但係價錢都唔貴, 以個價來講d野食都算唔錯呢~ 之後想去海邊果邊睇下, 點知已經封左板...以後都唔可以再行入去了...覺得自己今日...癲左。

16/3(二) -- 約左呀姑去SSP食飯, 終於有得拿手信了~~ 多謝呢~ 諗住食雜食, 呀姑又未食過, 於是先去食豬潤麵(佢食豬潤麵我食加央多), 再去食豆腐, 之後去左行左下西九龍, 行左一輪之後去食魚蛋, 最後去左綠林食糖水散band。

來緊:
17/3(三) -- 而家同事Gathering, 好似去佐敦唔知咩酒樓。
18/3(四) -- 食飯?
21/3(日) -- QCOBA舊生籃球賽, 去玩下又一日, 哈。

1. 延續每日麻醉自己噶生活, 好彩自己唔會食煙飲酒吸毒唧; I am addicted to -- friends。

2. 以前初初搬入TKO, 有三大原因會令我去坑口: Jusco, 屋村商場噶模型鋪, 同埋壹麵館; Jusco執左好耐, 仲搬左來我家樓下; 屋村商場變左領匯, 模型鋪執左九世; 而家連壹麵館都執埋...不過, 後來加左聰嫂令我都仲會過去噶...當然而家仲有 -- 朋友啦。

3. 發了個email, 仲追加sms, 突然不再care"人"了...但, "事"仍然會繼續吧...

4. 很開心, 感覺到很多很多朋友錫我, 大家都對我很好, 多謝呢...還跟幾個朋友熟了, 最緊要係多左個TKO fnd呢!

5. 手機個耳機有一邊壞壞地了...

6. 心真的淡了。

7. 一直也很享受被雨淋的感覺; 就算天氣只得10度再加上大風吹, 無損我喜歡的感覺。

8. 係巴士上2個師奶好大聲咁傾偈, 講開而家d細路好細個就好聰明又識好多野, 有個師奶竟然講: 緊係啦, 而家d奶粉落左"精靈粉"噶嘛, 所以而家d細路醒過以前好多噶啦。佢仲要幾認真咁講, 但係"精靈粉"咁噶野都講得出?! 唔係下話 =.=

9. 要找回失去的自己, 真的失去了很久了...

10. 真的過了"好久"麼? 真的可以"不應該"再這樣麼? 那就算吧, 不跟你們談, 不表現出來罷。

11. 一彎肉臂千人枕, 半點豬唇萬客嘗; 仲有 -- "黑夜妖怪"。陳豪同李思捷真係...好掂。

12. 模型難得開工, 而家連中間都唔補, 只係水口cut得靚靚地算了, 其實而家d模型完成度都好高, 齋啪都好靚呢。

13. 接二連三, KT外野手隔離果間貓貓茶餐廳執左了...

14. 敞開心扉, 死就由得它死吧。大霧之中的空氣, 好自由、好舒服。

15. 極唔想留係度做了。

16. 勁想睇"歲月神偷"。

17. 好想弄清楚自己的想法、狀態; 身體、心靈都不像屬於自己很久了; 整裝待發, 去尋找失去了的自己吧。
都是..."自己", 人先要自私、自愛, 才可以無私的去愛別人吧。

18. 要再一次再一次多謝 -- 所有好愛我、好錫我、好就我噶親朋好友們。

完