十二月二十八日 -- 聖誕

18/12(五) -- 收工過左坑口食飯, 返企。

19/12(六) -- 下午過左去SZ同二繩睇"十月圍城", 去到SZ自己去左東門食酸辣粉同串燒, 好味道, 好耐無食呢~~ 之後就去睇戲, 睇完行左一下食完飯7點幾就返HK; 同日下午KTG同佢男友來左HK, 在我家借宿一宵。

1. 多謝KTG送比我噶X'mas+生日禮物的銀包, 係第一份生日禮物呢~~ (偷早咁多步哈哈)

20/12(日) -- 早上同呀哥KTG同佢男友去左寶琳行左下, 自己係咁咦買左盒BB當自己噶聖誕禮物, 之後食左好~~~耐無食噶香辣屋, 超好味呢~~ 之後佢地去左MK, 我就好累返左屋企, 成個下午又累又唔係好訓到, 辛苦。

21/12(一) -- 難得一日有心情, 搭MTR返工買早餐, 極多人, 等車同轉車都要等2班, 最終都係晏少少返去, 又逼, 真係寧願搭巴士好過了, 塞左車都唔慢過MTR又舒服好多。中午食Team飯"牛陣"。

2. 記Tina對Ben的心情。

22/12(二) -- 冬至早放3點返企煮野食, 本來我負責煮一碟, 其他果d比左Idea呀媽煮咩; 點知過到去有幾碟竟然叫我煮埋 一.一

3. 記大哥對老總的心情, 大哥對Paula的心情。

23/12(三) -- 公司觀塘呢邊聖誕Lunch, 竟然抽中左獎, 仲要好唔錯噶Jusco現金卷呢; 同事交換禮物一如以往咁多年, 遭遇都係差唔多; 收工同花姐姐去北角食榮式燒雞扒, 之後行好耐無行噶城市中心、城市花園同埋國都商場, 搵左個圈原來北角"奇趣"係和富, 哈, 三間奇趣都去過了呢; 之後本來諗住搭船過海, 點知原來已經無左去觀塘果班船, 搭MTR返企。

4. 雖然而家少唱K, 而且由古到今好多歌都識, 可以唱, 但係發覺有好多時都係唱果堆歌, 因此最近想轉戰下第二d野呢。發掘一d平時少聽少唱噶歌, 特別係d唔係好唱得平時唔會點聽噶歌手呢; 由於出道時或者紅少少果時實會派到d好少少噶歌, 所以想搵多d呢d歌來唱呢, 其實自己跟本就係為K而搵, 擺明係想搵d易唱又唔難聽噶K歌呢哈哈。

24/12(四) -- 中午跟車過總部, 竟然個司機好似唔多識路兜左好耐先行o岩路, 居然用左成個鐘先到; 食左好多雞翼好味道; 又係早放3點, 真開心; 晚上好耐無試過去TST同人逼, 同Pig2pure行左好長條路呢, 都好熱鬧。行左1881都幾靚, o岩係行到海港城外面就倒數了, 之後行埋個海傍就返企, 好累呢。

5. 多謝大家的禮物呢。

25/12(五) -- 第一次去TKO新開的Jusco, 雖然好似無以前坑口果間咁大, 但係都好開心呢~~ 仲即時申請埋J-Card; 下午去左又一城同德福, 德福d熊仔有d幾靚呢; 晚上在家狂睇電視, 巴不得爸爸幾好笑呢。

6. Hunter新一話291, 經過左成年終於都出了!

26/12(六) -- 在家休息了幾乎一天, 好累。晚上同哥哥去坑口BurgerKing食飯再去寶琳行左下, 終於係Toyrus買左Pictionary呢。

27/12(日) -- 每年一度死黨們來我家慶祝聖誕, 呀Sam一到就拿左隻碟"救參七十二小時"出來話一齊睇, 幾好睇呢, 全場幾緊湊無咩悶場; 之後玩左陣Pictionary, 好耐無試過笑到標眼水二, 記民仔噶"化骨龍劉松仁"; 之後差唔多時間去左Jusco掃野食, 上來睇巴不得爸爸大結局, 都幾好笑呢。睇完呀娟同Esther走先, 之後呀馬走, 民仔同Sam係度打左陣Winning到11點半島走埋。

28/12(一) -- 4點走去打流感針, 打完返企, 同哥哥去Jusco買野食, 晚上頭赤赤。

7. 睇畢打自己人, 好唔舒服, 最唔鐘意呢d劇情。

8. 有日係屋企睇電視, 下午播倫文敘老點柳先開, 又係一貫港產笑片不過都幾好笑噶; 入面一副對聯, 上聯以水果下聯以動物來寫, 真係...無野好講: 柑蕉桔梨蘿柚, 雁鷲鵰狸獅狒......

**********

還你門匙 -- 余文樂; 唔難唱系列之一, 伍樂城+林夕真係搭到熟晒; 有d詞覺得OK呢。發覺佢同Juno把聲似似地, 都係虛虛地噶聲。

MV Version
http://www.youtube.com/watch?v=-yxWjXR-jvo

Live Version w/ Juno
http://www.youtube.com/watch?v=O11vxoz75WI

還你門匙
作詞：林夕　
作曲：伍樂城　
編曲：伍樂城　
演唱：余文樂

做情侶　做朋友　都需要漂亮藉口
但和你　沉默太久　應該說的怎開口
誰要　隔著電話講分手　
無法　笑著陪你走
誰願意　和你鬥　難聽的　別開口

* 談情說愛是那麼易　然而共聚無話更易　
沉迷冷戰玩意　我與你也沒法醫　無謂再倚　
談情說愛就算輕易　如何話別誰又會知　
好不過　相擁到　半熟時　　還掉你那門匙　也出於好意*　

是誰差　是誰好　都只怪寄望太高　
是誰錯　重頭細數　當天對你好不好　
難過　隔著電話聽不到　而我　也是為你好　
誰願意　難看到　朋友都　做不到
Repeat *

彼此也同時　瞭解這愛情玩意
坐上迴旋木馬　直到拋開你我為止
Repeat *

完