七月六日 -- 大梅沙

1. MJ死左, 周街不停播放佢以前d野; 不過睇返佢唱歌跳舞同佢o既製作, 真係好叻而且又唔out, 好型呢! (條褲應該當係out定係trademark呢) (自己作曲作詞表演製作..,.etc etc, 好叻)

2/7(四) -- 周天恩係澳洲返一返來, 算佢有心, 搵返我地呢d中學老同學食飯, 果晚就返佢地係灣仔食燒雞, 除左馬同民之外, 最最最surprise係佢居然搵返失散多年, 當年一齊出同人誌o既Bomber! 真係好~~~多年失左聯絡了。食完飯吹水到10點幾先散呢。

3/7(五) -- 咩其生日快樂! 同睇變成金剛1的原班人馬一齊睇變成變成金剛2, 由於主要係睇場面同特技, 因此對故事唔係好concern, 所以覺得OK呢, 幾乎全套都係用特技砌出來o既呢。至於對於套戲, 就覺得TF1好睇d, 緊湊少少, TF2長得來有少少"參", 同埋覺得戲入面美軍太勁了, 跟本就夠打唔使博派幫手咁滯o既...而且出得好多, 好似幫佢地賣緊廣告咁...(雖然聽聞US Army係有份贊助); 由於自己鐘意工程車, 所以見到建造派出場都好開心呢~~ 可惜佢地架車一出場就合體, 但係合體之前無個別變一隻隻出來, 而且合體之後各自o既特點又唔significant呢。另一樣值得一提o既, 就係有大量女主角比人追殺逃走搖乳同埋比人炸到著住低胸衫趴左係度o既場面, 都幾多養眼場面呢。(女主角都好多某部份"變型"場面) =.=

4/7(六)-5/7(日) -- 好耐好耐好耐無去玩過, 唔係食飯唱K, 而係真係去玩果種。上年咩其走之前都諗住攪一次, 但係攪唔成, 今次佢係澳洲返來, 大家都好有心想去玩, 所以終於攪得成呢。雖然落雨都無咩玩d咩, 不過本來就志在見朋友, 就算大家只係圍埋一齊吹水hea都會好夠好開心, 好似讀書果時咁去宿營咁呢~ 平時同朋友死黨們食飯玩唱K睇戲雖然都好開心, 但係始終唔係可以完全relax同埋好似放棄晒身上所有o既煩惱, 去宿營就真係可以放鬆到個人呢, 就算訓得唔多, 都覺得自己狀態好好同幾精神呢! (星期日晚都唔會叫"第日唔想返工呀~"果d, haha) (記: 手口手掰包勿齊)

一早起身出門口, 都攪到11點幾先join到, 同城咩利一齊搭車入大梅沙(話說當年第一次見到城咩(同埋好多水庫人)佢地都係係果度呢)。

入到去拿左房放低行李(都唔明點解明明帶左唔係好多野個背囊都好大個 =.=, 好耐無用過背囊呢!)之後就去食飯, 食完飯外面落緊雨, 大家就返房打UNO, 打左成個晏晝呢(當然係我贏)(記: 千年道行一朝喪, haha), 到5點幾累累地, 大家各自返房休息同hea。(記: hea睇電視時見到有套"鎧甲勇士", 十足日本d特攝片, 但係再睇落去唔多對路, 居然係內地製作! 真係太太太...咩了! 另, 好耐無見過d外星怪獸係度郁o既時候, 個頭上d鰭呀, 條尾呀都係跟住來"發", 好攪笑, haha) (仲有估唔到有武林外傳睇呢)

懶到7點幾, 好不情愿起身(唔係自己張床, 無沖涼就攤上去 haha), 去海邊/沙灘, 大家都覺得要BBQ下o既, 難得5-6點果時都停左雨, 天氣還OK, 大家就去左燒烤場BBQ; 個價錢都唔平(4個人$88, 仲要好少野食: 4條腸, 8粒丸, 2隻雞鎚, 4串九菜, 一條茄子, 幾個饅頭, 幾碟調味料), 大家都係志在過下BBQ癮, 都預左唔飽亦無諗住再散買呢; 燒燒下仲落大雨, 好彩之前係個場度有太陽"扇"(無錯, 係扇), 遮到個爐同3個人(2個完全遮到, 2個遮半身, 總共3個), 自己帶果d野都濕左一半, d野飲調味都加左雨水, haha。(後來証實食完無咕嚕咕嚕, 無事呢)

終於燒完, 雨都停左, 天氣關係加上唔係個個有帶泳衣, 所以都無去戲水。難得到海邊, 都行左去沙灘邊, 比海水浸過腳比浪浪沖過條褲, 叫係嬉過水啦~ 之後行返去酒店樓下食KFC(BBQ無點食過野, 但係都唔係好餓, 不過都食d野), 之後就各自返房沖涼; 沖完涼又聚埋一起玩啤牌, 由於咩未沖完涼, 3個人就玩冚棉胎, 不過無玩果d前後+1-2果d, 玩到悶悶地, 好無聊地用腳玩冚棉胎, 好變態, 哈哈哈。之後4個人玩鋤大D, 都累累地, 到1點幾就話要訓了。唔係好訓到, 一起傾同hea左好耐呢。

第二早一早起身, 雖然訓得少但係都精神呢。得2個人去食早餐, 食完又返房睇電視同hea("鎧甲勇士"唔記得係星期六定星期日睇到的了); 去到11點半好不情愿地起身執野check out了。之後大家一齊搭車出東門, 食忍者居(買一碟送一碟, 雖然質素麻麻, 但係好抵呢!仲有個布甸都好滑), 之後去拿房唱K, 中途出來去左買演唱會DVD, 不過今次唔多戰利品呢(而且有人等緊, 唔係好意思睇好耐), 返去唱到5點半就完(又聽到好多未聽過又好聽的歌呢; 最可惜係聽唔到咩唱的"咁咁咁")。大家都無咩胃口, 又想早d返企, 於是去左Pizza hut係咁咦食d野就散了。

好耐無試過, 亦好開心同難忘o既一個weekend。真真正正的叉過電呢。

2. 晚上的一番談話, 明白左同了解左多d野呢。

3. 不想改變現狀, 但心總是覺得難受。

4. 我的好, 只有想接近我的人才知道; 我的不好, 也只有接近了我的人才知道。

5. 有誰會知道我是那10%?

6. 雖然我講野會好直、真, 亦會好肯表達自己內心所想出來, 但係表達所想o既"意見、睇法"同表達"情感"係唔同的呢。要學習放開自己. 學習做人"有d火", 將自己o既"激情"放返出來, 打開久違了多年的鎖。(崩, 鎖匙斷左, haha) (似乎自己只有係唱K的時候係最放, 連打波都係無咩火呢; 唔通自己真係將所有野o既expectation太低, 所以唔會介意勝負得失, 心亦好平靜?) (對於好多野, 一向都係重視"過程"多於"結果")

6/7(一) -- 雖然未夠訓, 但係都OK精神! 不過仲有d Holiday Mood, 個靈魂仲有一半係海邊未返到來。 收工返企食飯。

7. 燉凳凳凳! 凳燈燈燈! 燈鄧燉燈 鄧燈凳!

8. 燈燈燈凳! 燈燈燈燉!

9. 7同8有咩分別, 分別係咩歌呢?

10. Support team解散, d file全部返晒來我地度, 超超超多濕碎野做, 其實而家可能仲多野做過之前呢(當然無頭3個月咁多同咁逼); 自己個AM逼迫d野都幾緊, 唔知係唔係個M要理埋EM噶野, 個AM又攪埋d唔知咩野, Jackie team拆散d野無過來我老細度, 唔使雪上加霜呢, 不過accept rate唔低再加上有一堆麻煩tenant仲有天台住客, 最好都係唔好再加野了。^^" (要take up人地d野o既麻煩程度都好高呢)

11. 無左OT錢, 果然d人都係少OT呢。

歌:

小城大事＊楊千嬅

MV Version -- 佢d live version都係唔聽好過聽啦, 所以睇MV啦。
http://www.youtube.com/watch?v=tAImeDuv6DM

Live version by 學友 -- 基本上成個演唱會都好正, 成日唱K都會有一兩首係呢個演唱會o既。
http://www.youtube.com/watch?v=HZjrfrUDKcQ

作曲 / 編曲 / 監製：雷頌德作詞：林夕

青春彷彿因我愛你開始 但卻令我看破愛這個字
自你患上失憶 便是我扭轉命數的事

只因當失憶症發作加深
沒記住我但卻另有更新蜜運
像狐狸精般 並未允許我步近

無回憶的餘生 忘掉往日情人
卻又記住移情別愛的命運
無回憶的男人 就當偷厄與瞞騙 抱抱我不過份

* 吻下來 豁出去 這吻別似覆水
再來也許要天上團聚
再回頭 你不許 如曾經不登對
你何以雙眼好像流淚

彼此追憶不怕愛要終止 但我大概上世做過太多壞事
能從頭開始 跪在教堂說願意

娛樂行的人影 還在繼續繁榮
我在算著甜言蜜語的壽命
人造的蠢衛星 沒探測出我們已 已再見不再認

Repeat *
我下來 你出去 講再會也心虛
我還記得到天上團聚
吻下來 豁出去 從前多麼登對
何以雙眼好像流淚 每年這天記得再流淚

完