十月七日 -- 雜記

1. 29/9(一) -- 收工返企。

2. 30/9(二) -- 補祝返Mandy生日; 由於Sam放飛機, 於是放棄本來諗住去食o既大牌檔, 同
Mandy民S係大盛食日本野, 好早就食完, 返企。

3. 1/10(三) -- 國慶公眾假期在家hea一天。民仔來左打機? 唔記得了...

4. 2/10(四) -- 同澤安o既花姐姐去左朗豪坊後o既熟食街市食飯; 好開心可以有多一個朋友(當然唔係只係識左名傾2句就叫朋友啦~); 雖然人們一向都話出左來做野好難識到朋友, 但係只要對任何人都係真心的話, 一定可以識到o既! (最近同幾個以前識o既人都有熟絡左呢(花姐啦小妹妹啦等等~)

5. 3/10(五) -- 收工同Cass民S去葵芳眼鏡88配眼鏡; 今次真係配左, 再次唔該晒呀Cass呢~今次再配, 仍然都係配返差唔多樣o既眼鏡...haha...

6. 4/10(六) -- 公司參加左工商盃好多o既比賽, 其中一個係籃球; 我比人拉左入隊; 當日有我地o既第一場比賽, 由於我之前無同佢地打過, 加上我又唔勁(有d隊友幾勁呢), 所以都唔算出得好多場(又未少到無咩點出o既), 而出左場亦都無咩貢獻; 本來諗住輸緊啦, 我地又無咩點夾過波, 點知對方仲弱, 係非常之弱...因此結果居然係...29:4, 我地大勝 =.= 打完比賽都唔太夠喉, 於是我地有其中6-7個人就落街場再打左陣波打到落雨先走~ 好耐無打過波呢!

7. 5/10(日) -- 無咩印象...好似係屋企咩都無做過? 連lunch都無食? 好似煎左隻蛋來食...

8. 6/10(一) -- 由於之後可能真係開始會忙, 無咩幾可, 而且第日又假期, 於是同Cass民S一齊再去我地主場唱K, 7點幾唱到1點島民仔走先, 我地就唱到3點幾走; 當日又點左好多好少唱o既, 好高興連續2次都唔多重複唱d歌呢(証明我地識得好多歌haha), 而最尾果2-3個鐘大家不停地挑戰難度, 個感覺好正呢~ 雖然自己而家已經不復當年勇, 但係爛船都有三分釘呢~~! 好開心, HK的K都有唔少蘇打綠o既歌, 有得唱呢hahaha~

9. 7/10(二) -- 公眾假期, 之前果晚(應該係呢朝)5點幾先訓, 訓到12點幾先起身; 係屋企抖左一日; 下午同媽去買送, 之後下廚, 今次嘗試左新野; 炒菜同椒絲蒜蓉蒸排骨就易啦, 另外用冬菜蓀鯇魚(屋企無梅菜, 用冬菜都OK), 仲有就係炒蜆, 估唔到都炒得唔錯呢~~仲好食過其他幾樣送~~~幾惹味~~~

10. 漫畫Hunter x Hunter又再開始連載!! Gundam OO第二季又開始!! 正呢!!

11. 最近成日都唔係好訓到, 訓到又訓唔好, 又晨早醒...精神同身體都麻麻地呢...

12. 非常喜歡聽歌, 最近發覺喜歡到有時聽住歌時, 連同人傾偈都會有時唔係好專心, 個耳去左歌度, 哈哈哈。

13. 12月出價收購, 11月要交所有cases的Final Assessment的資料同Recommendation, 10月尾要交所有o既Draft...仲有大把filing做; 每人過百隻case, 做唔做得設? 總之, 可能10月中開始已經會好忙...同某d朋友o既約定啦、約會啦、有d咩攪啦等等...都唔知會點了...所要趁呢期仲得, 去玩呢~~

**********

無聊又來講下歌:

天台晚餐 -- 麥浚龍; 又係一首唔係派台, 連K都無得唱o既歌; ok好聽啦~
天台晚餐 -- 周吉佩; Live唱都幾好聽, 勁過juno添, 不過, Juno唱得柔d好似o岩首歌d姐。
http://hk.youtube.com/watch?v=SHQBofd43So

Loving you -- 張靚穎; 唔使多講, 勁到爆, 連海豚音都可以控制自如...超好聽, 推介。當然
係Live架啦。
http://hk.youtube.com/watch?v=50MjJsqx6DAhttp://hk.youtube.com/watch?v=U4usbOHyqMo

我用所有報答愛 -- 張靚穎; 佢自己o既歌o既Live演出, 唔知大家果時有無睇呢?
http://hk.youtube.com/watch?v=roqEa_35Jps

對你有感覺 -- 王光良+江美琪; 係江美琪出道果時好早就覺得佢OK, 把聲好聽得來又唱得好(雖然又係唔靚女o既), 第一次聽佢唱o既歌係翻唱周董o既"星晴", 果時覺得好聽過原唱呢(其實我覺得首歌o岩女仔唱多d)~~ 另外, 光良係我一向唔係好鐘意o既歌手, 唔係覺得佢無料到, 而係覺得佢首首歌都係咁...把聲又怪雞 =.=不過, 呢首都ok o既。

對你有感覺 -- MV version
http://www.youtube.com/watch?v=0q0LJPy58MU

對你有感覺

我曾深刻體會
對愛感到膽怯
還好有懂我的你 給我安慰

看你失落的臉
又再為愛憔悴
我心痛的感覺竟 如此的強烈

眼角的淚 它給過誰
傷透了心 也無所謂
我會願意 靜靜地 陪在你身邊

如果說愛 已不可為
那我寧願 藏心裡面
其實我害怕會失去你的感覺

怎麼會開始對你有了感覺
又深怕朋友默契轉身不見
矛盾著猶豫不決
沒準備 跨越愛的界線

怎麼會開始對你(妳)有了感覺
深陷朋友戀人之間的危險
進與退 被愛包圍
誰犯規 都狼狽
誰能解圍 讓一切完美

怎麼會開始對你(妳)有了感覺
深陷朋友戀人之間的危險
你和我 擁抱瞬間
不後悔 這曖昧
星光唯美 把愛放心裡面

完