五月十七日 -- 病8899

11/5(一) -- 娟生日快樂。收工返企夜晚C煮。

12/5(二) -- 收工返企夜晚C煮。

13/5(三) -- 收工返企夜晚C煮。

1。夜晚愈來愈食得少，真係頂唔住。

2。女又癲。三日唔埋2日癲一次真係攪唔掂。

14/5(四) -- 收工返企夜晚C煮。

3。好攰，9點半沖完涼訓左。

15/5(五) -- 出site收工返去(係上環買左龍邦嘅叉燒)同CB去Parkside foodcourt食飯。

16/5(六) -- 朝早C同B去游水，之後直接返小學上training。中午同C去坑口接女之後食晏，之後佢去中心上堂。我返屋企係地下恰。5點島同CB出去KT同Mandy慶祝娟生日@Flame。食完行左下三布目之後先返去。好大風。

17/5(日) -- 天晉打波8-10，今日覺得自己延續到上星期嘅專注，算係咁。攻守算唔太差，不過仍然覺得自己個form無晒，真係要搵機會練下波。打完同佢地食完野返去，沖完涼同B溫完書就大家自由時間。我就訓左。到3點幾出去將中食tea行個圈，返企佢地沖完涼我落去拿M記返來佢地食，我整熱罐頭湯來飲。

4。病下病下好攰又成日好眼訓，今日終於覺得好到8899。

來緊:

21/5(四) -- EdfRita飯

21/6(日) -- 諾晴生日話要來同B食飯玩

完

五月十日 -- 病+母親節

4/5(一) -- 收工返企夜晚C煮。

5/5(二) -- 出site收工返去睇醫生再返企。夜晚C煮。

6/5(三) -- 攰到爆，病假一天。夜晚C煮。

7/5(四) -- 咳同痰都好少少，仍然好攰，返工。中午Edf請食飯2圍。收工返企夜晚C煮。

8/5(五) -- Mak生日快樂。收工返去買外賣。

9/5(六) -- 朝早C同B去游水，之後今日都無其他堂。我一早接近6點醒去個廁所再訓到差不多10點，起身食d野睇半場波到11點島，佢地返來B霸部電視，我返入房又好攰訓左到差不多1點。起身一齊出去食野之後去淘大行下。咁啱見波鞋抵同C一齊買左鞋(2對8折)，5點零差不多6點返TKO。7點島B婆婆同大舅父係西貢出來，我地去譽居拿位(好彩早過7點少少即有位，之後就開始多人)，食母親節飯。食完之後再行左下Aeon先散。

10/5(日) -- 天晉打波8-10，今日覺得自己打得幾專注，不過對方發揮得太好，連輸幾場。雖說隊友都有炒有turnover，但我都有份，所以我都係有份輸。好彩最終都靠一場實力懸殊而嬴到波。打完人佢地食完野返企沖涼，hea陣到1點出去同呀媽食lunch(四圍都多人最終去左Coco咖哩屋)，之後同呀媽去啟德(呀媽未去過)商場行下同埋同B玩下公園。5點半先走，返TKO又係四圍都好多人，最終食南記後返企。

1。病左成個幾禮拜，終於到今日叫好少少。氣管無咁唔舒服，痰都少好多。

來緊:

16/5(六) -- 娟生日飯@九龍東

21/5(四) -- EdfRita飯

21/6(日) -- 諾晴生日話要來同B食飯玩

完

五月三日 -- 咳

27/4(一) -- 出site收工返企夜晚C煮。

1。IT狗2.0開始，難得地有劇會追。

2。無聊地打下Diablo 2。

28/4(二) -- 收工返企夜晚C煮。今晚過去九座訓一晚。

29/4(三) -- 收工返企夜晚C煮。

3。B真係經常失控，好嬲好嬲。

4。好想好想好想睇草蜢。

30/4(四) -- 收工返去買外賣。

5。今日又同C嘈交。不過我嘈嘅多。

1/5(五) -- 公眾假期一天。朝早我同B做埋d攻課同溫書，之後我咳到勁辛苦，佢地出去食野玩，我係屋企訓，食左d燒賣。下晏有少少精神砌左Nano Block嘅The Starry Night。夜晚我精神少少，落樓下買外賣返來一齊食。

2/5(六) -- 朝早C同B去游水，之後直接返小學上training。我11點半島出去睇醫生。中午同C去坑口接女之後食晏，之後佢去中心上堂。我返企沖個涼之後太攰一訓訓左2個鐘。夜晚一齊落去敏華食野再行個圈返企。

3/5(日) -- 天晉打波8-10。今日唔知係本來攰定係食左藥，手軟腳軟，不過都打得唔錯，幾多入攝同籃底，籃底把握力如果再高d會更好。射波唔特別準但總算該入嘅都入。打完同佢地食野，勁眼訓坐係度幾乎訓著。返企沖完涼就訓左。下午陪B玩一陣card game，5點島一齊出坑口食車仔麵，再行一陣返企。

6。NBA playoff第一圈竟然close幾精彩。

7。好想好想好想好想睇草蜢Concert呀......

8。病左唔舒服，唔知係攰定係食左藥，手軟腳軟個人好散又好眼訓。

來緊:

16/5(六) -- 娟生日飯@九龍東

完

四月二十六日 -- 無乜重點

20/4(一) -- 收工返企夜晚C煮。夜晚又過去九座訓2晚。

1。前一晚竟然因各種原因，睇左場足球。鏝對阿妓。

2。NBA進入playoff。早幾年每年都會講下play-in同playoff嘅matchup，今年真係興趣低咗好多；球隊球員打法，聯盟執法尺度，各樣嘢都令可觀性越來越低...全季最好睇只係play-in果幾場波了...

2.1。補講少少。

Play-in: 唔係馬後炮，係打之前嘅諗法。東岸本來就預係76ers同Magic入。Magic個Wagner傷左大半季，本來呢隊我覺得係前6實力。好彩佢季尾出得返。76ers有Embiid有PG同Maxey，應該點都入到playoff嘅。西岸就預係太陽入到，Blazers同Clippers 2爭1。估唔到Curry射死左Clippers，雖然最後都出局，但已無憾了。

Playoff matchup: 第一round有d matchup唔使睇都知無得打唔講了。有睇頭嘅係東岸3-6，同埋1-8。西岸就3-6同4-5。Hawks季尾狀態唔錯，雖然我都係睇高NY一線，不過起碼有得打下。唔係話Pistons東一唔勁，不過佢地拿東1係因為較為穩定，對弱隊唔點輸，但對強隊唔一定贏，所以戰績會好，而Magic我之前都覺得佢地係唔止7、8位嘅實力。(結果Magic同Hawks真係偷到一作客場)

西岸金塊同灰狼就本來都係強隊，實力接近。湖人同火箭都係實力相近(其實西岸中間果堆都係好接近，有時睇格食格)，可惜Game 1兩邊都有主將打唔到。(今日狼又偷到一場)

如果無乜大傷，我會估NY、Piston、湖人同金塊出線。

3。好似上個月感冒失聲，之後都已經成個月，把聲都未完全好晒。平時講嘢可能其他人未必覺，但自己feel到有少少少少kick。而唱歌時d音色係極度唔圓潤，同埋高音位係上唔到嘅。如果狀態由0-100咁計，又feel到大約每日1、2點咁回復緊...

4。又一屆金像獎。今屆結果算大路，尤其有堆戲被“DQ”無得入圍。

5。終於派信。無期望無失望。

21/4(二) -- 出site收工返企夜晚C煮。

6。頻繁哋走來走去，今個月計埋下星期有4劑，其實係有d攰。呢半年有keep住食麥皮做早餐有飲多好多水有飲少好多好多甜嘢，但由於疲累同埋面對癲嘅人令我不得不係食事上放肆返少少。

22/4(三) -- 收工返企夜晚C煮。今晚返返自己屋企訓。

7。鬧左C一下，真係頂唔住。不過之後幾日唔係好睬我。

23/4(四) -- 收工返企夜晚C煮。

17/4(五) -- 收工返去自己買野食，佢地煮粉食我唔join。

18/4(六) -- 朝早C同B去游水，之後直接返小學上training。中午meet佢地食晏，之後佢去中心上堂。夜晚去北角詹氏婆婆大壽飯。

19/4(日) -- 天晉打波8-10。今日射波唔太準，但整體攻防都算打得唔錯，好多入攝layup同斜角打板入。打完同佢地食完野，上天晉見下姨丈呀姨之後返企同B溫英文默書。中午落街食飯，之後臨時約鳴鳴去鑽石山活公園玩，5點島同佢地行返佢地屋企樓下，我地搭巴士返去買外賣返企。

8。最近好無聊地開返Diablo II來玩，由頭打過一隻。Hea玩下都幾開心。

來緊:

完

四月十九日 -- 家長日

13/4(一) -- 收工返企夜晚C煮。

14/4(二) -- 收工返企夜晚C煮。

1。Derek5點幾來MK買野，啱啱好我收工同佢差不多時間，一齊搭車返TKO。

15/4(三) -- 收工返企夜晚C煮。

2。今日呀媽返來，可以返返自己床訓了。

16/4(四) -- 收工去北京道1號30樓Vesu Pizza Bar同Penny(LoloConniePenny)慶生。之後一齊去睇幾米展覽，再睇埋高達/動漫展後散。太攰自己搭巴士返。

17/4(五) -- 出site收工返去叫外賣。

18/4(六) -- 朝早C同B去游水，之後直接返小學家長日。中午我出坑口meet佢地食晏，下午再去學校家長日。今次舍安排超奇怪，每個老師上下午都係指定課室，你要見邊幾個就自己去果個課室排，奇怪。見完之後係學校玩晒d攤位後返企。本來想出下去，點知仍地係屋企hea，到晚夜落街食飯。夜晚再同佢溫書到佢癲。

19/4(日) -- 天晉打波8-10。今日頭2場都打得唔好(雖然一嬴一輸)，開頭仲諗住自己攰同埋真係發揮得唔好，原來唔止，今日來嘅基本上都有水準，相對我就更廢，真係跟唔上。好彩有一場都爆發入左好多中距離贏波，後期果1,2場打得無咁差。打完同佢地食野返去沖涼，本來之後出去食野再去街，點知中午同佢地+呀媽食完野之後又話唔去街，晒氣。返去又要沖個涼(+本來其實我都唔太使食野)。下午陪B玩一陣，之後恰左陣。夜晚又又落街食野，B少少唔舒服，佢好早返企沖涼訓了。

3。最近頻繁過去訓+B癲，雖然有keep住食麥皮同飲多d水，但飲食都比之前放肆左少少。

來緊:

25/4(六) -- 詹氏婆婆大壽飯

完

四月十二日 -- 復活節假期(後半)

6/4(一) -- 珠海長隆3曰2夜; 一早起身出觀塘搭巴士(0835)，到港珠澳2邊落車過關，最後再到長隆企鵝酒店。12點島辦完拿房手續之後(未有房)，係園區入面戶外foodcourt食d野就去海洋世界玩。夜晚係企鵝酒店食街餐廳食野，有企鵝睇。之後8點睇長隆秀(馬戲團)。半夜叫美團外賣宵夜。

7/4(二) -- 珠海長隆3曰2夜; 起身搭shuttle去飛船樂園玩一日。5點島返海洋世界呢邊，食食街餐廳2人餐，之後出去睇夜晚巡遊同埋煙花。夜晚叫美團外賣宵夜。

8/4(三) -- 我放假。珠海長隆3曰2夜; 朝早叫美團外賣做早餐。Check out後是日補漏返海洋世界未睇同未玩嘅野3點零返酒店拿行李同埋食戶外foodcourt。4點50分車走。8點前返到TKO。夜晚買外賣。

1。成個trip來講其實都幾多野玩同睇。硬件來講內地真係贏晒，地方大又靚，各個水族館同區域睇海洋生物同埋d show都好正。機動遊戲少玩，都係玩呀B小朋友果類多。馬戲團表演都好睇。之後問返呀B，佢就麻麻地睇動物show，鍾意馬戲同機動遊戲，同埋睇海洋生物d館都OK。

9/4(四) -- 收工返去同CB食薩利亞。

10/4(五) -- 出site收工返去叫外賣。

11/4(六) -- 朝早C同B去游水，家昇返左HK，我地一班中同朝早去QB打波meet，之後同呀馬食野。晏晝係屋企hea訓同陪B玩左一陣，夜晚一齊落街去食燒味。今晚開始過九座訓4晚。

12/4(日) -- 天晉打波8-10。之前果日先打完波，所以好攰。唔係打得特別差，不過有幾下miss同turnover真係唔太好。打完同佢地食完野拿外賣返企，沖涼恰一陣。下午呀馬一家來TKO一齊踩車，之後一齊食新開果間日式漢堡後散。

2。禮拜頭去完長隆weekend打2次波再踩單車，勁攰 X_X

來緊:

11/4-15/4 -- 呀媽去玩我過九座訓

16/4(四) -- 林大小姐生日飯

25/4(六) -- 詹氏婆婆大壽飯

完

四月五日 -- 復活節假期(前半)

30/3(一) -- 收工返去夜晚C煮。夜晚係企訓著左，點幾鐘醒左再過九座訓。

31/3(二) -- 收工返去夜晚C煮。

1/4(三) -- B開始放假。收工返去同CB係尚德meet食飯。

2/4(四) -- 收工返去。

1。呀媽今日返HK，終於可以訓返自己床。

3/4(五) -- 開始放假。第一日係企hea左一朝，中午出九龍灣Megabox食Ikea同行街，夜晚返TKO叫埋呀媽一齊去食Popwalk1瑪威。

4/4(六) -- 朝早C同B去游水，我同呀媽去柴灣拜山。可能5日連假，多人唔係HK或者每日分薄左d人，同埋我地都早，所以唔多人。返TKO後meet埋CB一齊去牛大人Bino。返企沖涼訓同hea，夜晚去九座食潤餅。B留九座訓。

5/4(日) -- 唔夠人所以無book場打波。hea到中午先過去九座食飯，係九座hea到4點幾去還書同行少少將中。之後買KFC外賣返企。

來緊:

6-8/4 -- 珠海長隆3曰2夜

11/4-15/4 -- 呀媽去玩我過九座訓

17/4(五) -- 林大小姐生日飯

25/4(六) -- 詹氏婆婆大壽飯

完

三月二十九日 -- 平淡是福但好攰

23/3(一) -- 收工返去夜晚C煮。

24/3(二) -- 收工返去夜晚C煮。

25/3(三) -- 收工返去夜晚C煮。

26/3(四) -- 收工返去夜晚C煮。

1。Chainsaw Man第二部完結撤花(漢化日)。唔好講網上d人覺得好唔好睇了。我覺得完得OK呀! 可能前面好似亂七八糟咁，其實就係經歷左咁多野，令Pochita達成左佢想經歷嘅野，然後佢再自己造就返電次，令佢雖然經歷左前面好多亂七八糟嘅野(好似佢同讀者嘅人生咁)，之後變到可以過(相對)平凡嘅生活(有朋友有同事有飯食Power朝etc全部健在)，由負數變成零。最後一話一開頭，又係好似之前幾次嘅敲門無好野咁，又係敲門，不過今次係迎接佢嘅新生。而最後同朝嘅相遇，雖然簡單粗暴老土但係對電次(同讀者)來講真係好好嘅結尾!

2。用AI去分析我以前打嘅故事，除左睇返好耐無睇過嘅舊作好感觸之外，發覺AI對我故事同寫作手法嘅分析仲清晰過我 xD 而且情緒價值滿滿，通常都係寫正面評價。下次試下叫佢寫惡評先。

3。今晚頂唔住落街撳錢同買左司華力腸食。

27/3(五) -- 收工返去同CB食薩利亞。

28/3(六) -- 朝早C帶B去游水，我係屋企hea。游完C帶B去學校上堂再返來，之後我同佢一齊1點到學校接B。行去寶林食飯同買校服，之後去左寶翠公園玩一陣再返企。抖一陣5點島出觀塘同Mandy娟食飯，補慶我地生日。

29/3(日) -- 朝早天晉打波8-10，今日攻守贏輸各方面都好正常無乜特別好講。打完同佢地食完野返企開沖涼開機洗衫晾衫。馬一家朝早臨時約，下午來TKO一齊踩單車，鳴鳴第一次出街踩，大家一齊踩跨灣大橋成功，之後我拎單車返企再去將中豆乳狂人meet佢地，再落Pizza Express食埋野散。

來緊:

29/3-2/4 -- 呀媽去玩我過九座訓

11/4-15/4 -- 呀媽去玩我過九座訓

4/4(六) -- 同呀媽去柴灣拜山

6-8/4 -- 珠海長隆3曰2夜

17/4(五) -- 林大小姐生日飯

25/4(六) -- 詹氏婆婆大壽飯

完

三月二十二日 -- 刺痛

16/3(一) -- 出site收工返去夜晚C煮。

17/3(二) -- 收工返去夜晚C煮。

18/3(三) -- 收工返去夜晚C煮。

1。突然強烈地覺得自己嘅人生好廢。

19/3(四) -- 晏晝覆診睇肺。收工返去同佢地試之前開果間山本漢堡扒。

2。肺report OK。

3。B講左句野，令我好唔開心同內疚。佢用一個無野(甚至係輕鬆)嘅態度，同我地講叫我地玩遊戲定輸贏，贏左嘅唔使陪佢玩。咁即係仍心入面真心覺覺我地平時係唔想陪佢玩嘅。呢樣野對我好大衝擊，好唔開心，覺得佢好慘...平時我地真係忙同攰，唔係下下都陪到佢...但或多或少可能都會覺得悶或者嫌棄，而佢feel到...自問我自己經常攰，會reject同佢玩，但玩時我就會投入d，唔太會掛住睇其他野而敷衍佢的。可能2個人夾埋一人一種，overall令佢有咁嘅感覺...令我好慚愧又唔開心...有幾下自己諗到都眼濕... 

20/3(五) -- B學校假。我朝早洗牙。出site收工買立雜野返去，C同B食粉。

21/3(六) -- 朝早C帶B去游水，我係屋企hea。佢地上完返來擺低野，一齊落去食牛肉飯。B下午上跳舞同煮野食堂，我同C去超市買野返企，我stay企C去等佢。夜晚去將中豚豚食堂食飯。

22/3(日) -- 朝早天晉打波8-10，今日覺得自己反方面都打得唔錯，並唔係手風順，手風其實一般，不過就係因為咁起手唔多，又入到下波，幫人做下擋，傳波駁腳拉開位置等等都唔錯，防守亦唔太差，所以overall覺得自己打得唔差的。打完同佢地食完野返企沖涼，下午馬臨時約我地，本來去五行童樂園玩，但我地去到已經好多人要排隊，所以改去馬屋企玩。夜晚買外賣食埋玩多陣7點幾走。

來緊:

28/3(六) -- 同Mandy娟食飯

25/4(六) -- 詹氏婆婆大壽飯

完

三月十五日 -- 考完第一次計分試

9/3(一) -- 收工返去我買+拿外賣。

1。B今日好乖。難得。癲幾日乖一日真係頂唔住其實。

10/3(二) -- 收工返去我買+拿外賣。

2。夜咳左幾晚，訓得好差。日頭又無乜野喎。

11/3(三) -- 收工返去我買外賣。

3。尋晚終於無乜夜咳。

4。B終於考完試。

12/3(四) -- 朝早照肺。收工返去夜晚C煮。

13/3(五) -- B下午觀塘游水。出site收工去觀塘meet佢地食意粉。

14/3(六) -- 朝早C帶B去游水，跟住返來擺低野，一齊落去食牛肉飯。1點上跳舞堂到2點，跟住去單車公園草地有活動諗住玩，點知勁多人放棄。(聽到Albert Au晌歌) 3點半B上畫畫堂到4點半，之後我湊佢返企，C5點3報下期course。B睇電視打機，我係地下攤左陣。夜晚我自己整d野食，佢地叫外賣。

15/3(日) -- 朝早天晉打波8-10，今日身體狀態覺得唔好，好攰，雖然進攻防守唔太差，不過自己知狀態麻麻地。最好笑有場對方係高大隊仲有Derek，我地得Richard同我加2個細粒人，但全隊射手射死左對方 xD。打完同佢地食野買外賣返企沖涼，hea到2點零出門入西貢，去C細佬度BBQ(仲有佢地呀媽同加拿大返來嘅姨丈)。9點島走，佢車我地返屋企。

5。我同B打爆左舊版泡泡龍。

6。終於攪掂埋屋企上網續約。

來緊:

28/3(六) -- 同Mandy娟食飯

完

三月八日 -- 雙囍/夜王

2/3(一) -- 出site收工返企夜晚C煮。

3/3(二) -- TKO醫院覆診病假一天。一早起身同呀媽食個早餐去黃大仙快閃一轉，再陪佢去觀塘拿cert。之後中午同C入康城睇雙囍。睇完我去TKO醫院覆診。夜晚我買外賣返去。

1。雙囍 -- 好好睇。劇情鋪排個起承轉合節奏好好，人物塑造同埋唔同人物個性都突出又成功，基本上無乜邊個交唔到戲，Overall非常好睇，有笑有淚。

2。醫生建議食藥，但一食就以後都要食，之前一直都無話要，嚴重地考慮下要點。

3。開始聲沙。

4/3(三) -- 出site收工返買外賣。

4。食飯到一半激親出左去海邊hea左個鐘返企。好辛苦。

5/3(四) -- 收工去康城，日安LoLo同我快閃快個晚飯。之後我自己睇夜王，睇埋最後一張就到期戲飛。

5。夜王 -- 都不錯，全套戲無乜悶場，節奏幾快，輕輕鬆鬆2個幾鐘，都不錯。Overall雙囍好d。

6/3(五) -- 小本型飯@灣仔街市慶祝我同Lolo生日，食完再去會展飲野坐一陣，10點零走。

6。有少少咳，開始食藥。

7/3(六) -- 朝早C帶B 11點上堂，我9點零起身食麥皮之後又訓返。上完2堂我2點出去meet佢地食飯後返企又訓。C帶B上畫畫堂，上完佢地返企我繼續訓。夜晚去九座食。

7。唔知係因為病定食藥又攰所以全日係度訓訓訓。

8/3(日) -- 朝早天晉打波8-10。今日來嘅人整體質素高d，所以感覺好玩d。自己都算打得唔太差，中距離有入不過唔算特別準，贏波夕過輸波不過真係隊友給力(我都有少少貢獻)。打完同佢地食完野拿外賣返企沖涼，下午同B溫書。終於崩潰溫完書夜晚一齊出去食飯同去公園玩一陣。

來緊:

12/3(四) -- 朝早照肺

完

三月一日 -- 疲累之recover

24/2(二) -- 收工同呀源去同黃媽媽拜年，黃二妹都返左來，傾到8點幾島走(臨豢黃二妹老公都返來)。同源食飯傾到差不多10點半先走。

25/2(三) -- 收工返企夜晚C煮。

26/2(四) -- 收工返企夜晚C煮。

27/2(五) -- 出site收工返去同CB去附近食飯。

28/2(六) -- 朝早C帶B返學校上training。中午係坑口食飯後返企hea一陣。下午我帶B上畫畫堂，上完返企。夜晚食呀媽拿返來嘅外賣。

1/3(日) -- 朝早天晉打波8-10。今日覺得自己打得幾好(係有一場完全唔知咩事發瘟)，雖然有贏有輸，但發揮唔錯，中距離幾準，有入攝，有三分，仲有同唔同人pick & roll傳入去或者自己roll-in入波，感覺幾好。打完即刻返企沖涼出門，11點去到北角C娘家團拜食飯。食完返企沖個涼同B溫書，到5點幾溫完之後好攰入左房訓，訓到6點半島。夜晚食呀媽拿返來嘅野(新)+叫左外賣。

來緊:

6/3(五) -- 小本型飯@灣仔街市

完

二月二十三日 -- 農曆新年

16/2(一) -- 早收3點返九座食飯。

1。一早收到消息加拿大呀叔尋晚走左了。

17/2(二) -- 大年初一。中午去九座食野，之後去SKW姨婆度拜年。表姐唔得閒，所以係SKW直接返寶林行個圈返九座。係九座恰左陣，夜晚食埋飯返。

18/2(三) -- 大年初二。C生日快樂。中午去左Owens食飯之後去北角表姐度拜年。拜完年搭叮去灣仔行合和嘅西松屋，6點島係附近食野再搭叮去金鐘，meet呀媽一齊去Raymond介紹嘅地方睇煙花。真係唔多人又好好view喎。睇完返企。

19/2(四) -- 大年初三中同赤口賀歲波800-1130。全程好唔專心又不在狀態，雖然大家都係hea，不過真係要講自己都係叫打得唔好。可能攰+無食野+好唔慣個波都有關係。打完同佢地食埋野返企，同B玩左段時間，再一齊去樓下停車場天台打Pickleball同踩車。7點島返企放低野再落附近食野後返企。夜晚同C補返食蛋糕。對腳(同人都)攰爆。

20/2(五) -- 拿左假連埋公司要求嘅block leave。臨時決定北上即日來回。11點島同呀媽CB一齊搭地鐵轉火車經羅湖北上，好耐無試過。由於唔係公眾假期，都唔係好多人。之後calll車去返熟路嘅萬象食家同寶能，食下野比B打下機又一日。5點半島食埋晚飯行埋超市7點幾原路返。

2。雖然唔係好多人，不過羅湖感覺都係麻麻。

21/2(六) -- 係企hea一日。醒左之後hea到10點幾先出來，食少少野陪B玩左個半鐘，跟住好攰自己訓到2點幾先起身食野。晏晝hea到6點島出去同呀媽去Parkside Foodcourt食飯。食完去公園玩一陣返企。

22/2(日) -- 天晉打波8-10，我去拿個場打左一個鐘島波。今日打得幾好，贏多輸少又發揮得好。之後返企淋個浴同CB落屋企附近食d野再去澳門。搭新春特別班嘅A28X到港珠澳關口再轉金巴過去。去到先去新濠嘅playhouse比呀B玩左差不多4個鐘，到差不多關門7點先走。勁肚餓就喧係果度食野，之後搭車去澳門果邊酒店check-in同沖涼食少少杯麵訓覺。好彩無再去官也街(雖然C想去)。

23/2(一) -- 朝早起身去泳池玩左陣水，之後沖涼check out。呀萍來車我地返佢地度，同舅母拜年同食飯。食完hea陣之後表哥車我地出去觀音像海濱遊樂場放低我地，呀B係度玩左2個幾鐘，之後經漁人碼頭行去食飯果度。夜晚食埋飯9點半島走。返到企差不多12點。

來緊:

24/2(二) -- 同黃媽媽拜年

6/3(五) -- 小本型飯@灣仔街市

完

二月十五日 -- AIA Carnival

9/2(一) -- 收工返企夜晚C煮。

1。身心皆疲，仲要對住痴線同情緒病同精神病。

10/2(二) -- 收工返企夜晚C煮。

2。是日買左水仙，之後發覺買唔夠 xD

11/2(三) -- 收工返企夜晚C煮。

12/2(四) -- 呀哥生日快樂。自己農曆生日。收工返9座食飯同老豆預祝生日。

13/2(五) -- 老豆生日快樂。收工搭去寶林食飯，本來諗住食完行花市(B話要行)，點知食完又話`攰唔去。

14/2(六) -- 朝早C帶B去上跳舞堂，我出去meet佢地食飯之後帶B去上畫畫堂我返企先。落堂之後帶B上九座，我同C拿野去回收。夜晚係九座食。

3。是日狂訓。朝早一早醒左再訓到9點幾。起身食完野訓到11點島。1點島又訓著去到差不多2點出去食飯。

15/2(日) -- 天晉打波8-10，今日打得唔算好，中距離正常發揮，幾下入到籃底炒粉。有贏有輸，有場反勝僅贏Derek隊一球，另一場泥漿戰最後僅輸一球。打完我返企沖涼，等到佢地OK出去meet埋呀媽係附近食飯，之後去AIA Carnival。4點幾走。夜晚屋企叫外賣。夜晚突然追加屋企抹屋年廿八清洗活動，攰到痴線。

來緊:

16/2(一) -- 早收3點返九座食飯

17-19/2 -- 新年假

20/2(五) -- 拿左假

22-23/2 -- 去澳門

完

二月八日 -- 燒燒燒

2/2(一) -- 收工返企夜晚C煮。

1。夜晚狂發夢，夜夜醒左再訓都再發。一個係打喪屍夢，一個係C唔知點解無理取鬧嘅夢。仲要周身酸痛，超攰。

3/2(二) -- OT Bfing到8點。同Edf食埋飯先返企。同事介紹嘅煎豬扒的確幾好食。

2。Bfing見到Barry。咁多年都無變，樣無變，態度仍然係好好先生。

3。又發夢。今次係同呀女上跳舞堂。又係好攰...

4/2(三) -- 突發去上環收工，仲遲左收。收左後去左買龍邦燒味同埋李煥皮蛋再返企加餸。夜晚C煮。

4。又有發夢，不過今次唔係好記得發乜...

5/2(四) -- 收工返企夜晚C煮。

5。終於無feel到發夢。

6/2(五) -- 收工返去買外賣。

6。B連續低燒左幾日，夜晚唔出去食了。

7/2(六) -- 上午C同B睇醫生，跟住11點整野食堂。Skip跳舞堂，我出去meet佢地食飯之後返企抖陣，3點半B仲訓緊，skip埋畫畫堂。夜晚C煮粉，我自己煮公仔麵。

8/2(日) -- 天晉打波8-10，今日都打得幾好，有嬴有輸。今日終於防守算OK。打完同佢地食完野拿外賣返企再沖涼。下午本來plan去AIA，不過外面凍B又未病好，所以留係屋企溫書同玩算了。傍晚恰左下，夜晚叫外賣。

來緊:

完

二月一日 -- 又生日

26/1(一) -- 收工返企夜晚C煮。

27/1(二) -- 收工返企夜晚C煮。

28//1(三) -- 出Offer。收工返企夜晚C煮。好快食完我同呀媽去Aeon行個圈。

29/1(四) -- 公司lunch buffet。夜晚C煮粉，我自己買少少野食。

30/1(五) -- 生日放假一天。朝早同C去康城睇尋秦記，之後食埋飯出觀塘睇下西松屋，再去APM同美亞，差不多時間返坑口接女放學。返企我入房係地下恰左下。夜晚同呀媽CB去將軍府叫餸食飯。之後呀媽上埋7座一齊食蛋糕。

尋秦記 -- 如果唔係賣情懷，其實套戲又真係麻麻地。d劇情轉折太快，人物情感又係轉得幾快唔夠鋪排，反派動機同埋行動模式就算唔駁故都真心唔係好講得通，人物好多所以每個都著墨不足(一堆新人物完全無描述，舊人好多都只係出少少)。總之瑕疵真心唔少。不過如果加埋情懷就係可以嘅，睇得開心順暢嘅。唔好太高要求咯。

31/1(六) -- C(同呀媽)去SZ睇牙。上午同B溫書。1點我帶B去上跳舞堂，2點接佢食飯之後B再上畫畫堂。4點半上完我帶B去單車公園遊樂場玩。佢地6點島返到來，同佢地再去海南雞食飯再返企。

1/2(日) -- 天晉打波8-10，今日頭2場自己打得好好，瘋狂入攝、layup、籃底、中距離、最後三分絕殺都有，仲大炒Derek果隊添。不過之後明顯feel到自己體力下降，差左好多，有2場真係輸我...唔入波都算(唔算起得多手)但又turnover又比人入波，真心唔得。同佢地食完野沖完涼，出去薩利亞meet悉悉一家，食完野返企hea一陣，4點落樓下。6點島返來，買外賣返來食。8點島散。

來緊:

3/2(二) -- OT Bfing

完

遲post的2025大事回顧

1。先講下每年例牌。今年睇得唔多電影：誤判、工作細胞、美隊4、哪吒、風林火山，印象好似得咁多？好少...

2。上年NBA雷霆champ，真心無感。今年繼續對NBA興趣減弱，雖然都仲會留意下嘅。

3。今年砌少好多模型...

4。跟時序講下發生嘅事。年頭睇咗陳慧嫻concert，真係好開心。圓咗個兒時夢。

5。4月終於第一次同B坐飛機去旅行(台灣]。雖然去果程機有d意外，其餘整個旅程都ok嘅。

6。5月終於搞個反甲。反甲由上年開始，周時會痛，今年發炎真心痛，所以的起心肝搞咗去。點知手術後康復進度麻麻，結果搞咗差不多成個月...果段日子真係好噁心。

7。6月阿B小學放榜，好彩(?)入到第一志願，雖然係唔錯嘅學校，不過間嘢係谷嘅傳統d嘅學校。伴隨嘅9月開學各種適應、默書、測驗、考試同全家崩潰嘅溫書。

8。6月都開啟咗我網購之門。不過我都無瘋狂嘅。

9。今個夏天再比阿B學游水。自從早幾年學識單車，隔一年學識直排輪，今年到而家學到游水三式了。之後要試下比佢學跳舞？

10。9月突發腎石入院，痛到痴線。(其實一早)要注意下生活習慣了。

11。10月大事，係阿B事隔2年又高燒抽搐白車入院。真係嚇到我...仲好記得之後有一朝返工前係餐廳食早餐嘅流淚。

12。11月阿哥係英國返來2個禮拜。好開心。另外，做咗全面d嘅body check，呢個年紀真係要檢查下好d。

13。結婚10年。

14。今年其中一個好大嘅achievement應該係同事發掘咗個骨醫。可以claim公司bupa，瘋狂去睇睇到個腰好唔少，去到可以訓酒店淋嘅床之後起身條腰唔冤。之後打波抱B On ＆ Off都有d反覆，但總體都好過之前好多年。

15。N年無打手機game，今年開咗隻新嘅Gundam game。呢隻好在唔使花好多時間都可以。而我係無課來講，都過到大部份嘅嘢，算係咁。

16。大埔大火。雖然係社會新聞唔係個人大事，不過真係好shocked。仲有今年都走咗好多知名人士。

17。今年感覺自己各樣都麻麻。健康唔好，情緒唔好，同朋友之間好似都無咁好？托賴屋企人長老們暫時尚算ok。希望下年所有嘢都會更好。

一月二十五日 -- 馬打波!

19/1(一) -- 收工返企夜晚C煮。

20/1(二) -- 小本型飯cancel。收工返企夜晚C煮。

1。中午前teammate Jackie來搵我同Pen Mona Angel食飯。

21/1(三) -- 收工返企夜晚C煮。

22/1(四) -- 夜晚C煮粉，我收工臨時決定去買嗚嗚禮物，好快順便行左信和In's Point(買到禮物)之後見仲有幾個字先有車去埋果欄先返去。夜晚尚德買外賣。

23/1(五) -- 收工返去meet CB去試新果間海南雞，之後去新開嘅遊樂場玩左半個鐘返企。

24/1(六) -- C(同呀媽)去SZ睇牙順便去埋醫院拿report。1點我帶B去上跳舞堂，2點接佢食飯之後B再上畫畫堂。4點半上完我帶B去單車公園遊樂場玩。佢地7點島返到來，同佢地再去海南雞食飯再返企。是日超級攰。

25/1(日) -- 終於天晉打波8-10，仲要呀馬都來! 呀馬好耐無打又傷過腳仍然都勁。是日我都努力打，射波感覺OK但其實唔係特別準，籃底都炒得多，打得唔好，超攰。打完同佢地食野再買外賣返企沖涼恰一陣，下午去馬屋企，夜晚食埋飯走。

2。徒手攀上台灣101好勁呀。不過網上真係乜人都有，乜都有得酸，好無聊。

3。來緊C要keep住上SZ整牙。

來緊:

28//1(三) -- 出Offer

29/1(四) -- 公司lunch buffet

30/1(五) -- 放假一天

完

一月十八日 -- 早訓+累

12/1(一) -- 出site收工返去夜晚C煮。

13/1(二) -- 出site收工返去夜晚C煮。

1。有同事隻腳比襪入面嘅蜜蜂針到腳趾 :o

14/1(三) -- 收工返企夜晚C煮。

2。連續好多日都係B訓我就差不多訓，好耐乜都無做過。

15/1(四) -- 收工返企C煮粉我自己買外賣。

3。Edf今日正式升AM調來同一sm team。

4。TM斬人警察開槍，可以估到網上雙方嘅人同埋獨醒撚講乜。反正而家d人乜都有得屌。

16/1(五) -- 收工返去meet CB係Monterey果邊食，之後去新開嘅遊樂場玩左個鐘返企。

17/1(六) -- 花姐姐生日快樂。1點C帶B去上跳舞堂，2點meet佢地尚德食飯之後B再上畫畫堂。4點半上完我帶B去單車公園遊樂場玩，5點半島C出來搵我地一齊行去寶林食上海野。

18/1(日) -- book唔到場，我帶B 9-12返學校參加歷奇活動。之後係坑口meet呀媽同C食燒肉，再去單車公園草地玩攤位遊戲。最後係太陽下企左個半鐘代佢地排隊後體力同腰腿直接跌到差不多0，再去天晉比錢後攰到坐再陣先返企，再係屋企房地下攤恰左半個鐘先有返少少精神。夜晚叫外賣。

來緊:

20/1(二) -- 小本型飯cancel

28//1(三) -- 出Offer

29/1(四) -- 公司lunch buffet

30/1(五) -- 放假一天

完

一月十一日 -- 休養生息

5/1(一) -- 收工返企夜晚C煮。

6/1(二) -- 收工返企夜晚C煮。

7/1(三) -- 收工返企夜晚C煮。

8/1(四) -- 收工返企C煮粉我自己買外賣。

9/1(五) -- 收工買外賣返去食。

10/1(六) -- 朝早同CB去學校家長會，之後返企換衫出去食個快飯再去上跳舞堂。之後晏晝C訓覺，我同B溫書。夜晚同CB出去PSFC食飯再返企。呀媽meet我地一齊返。

11/1(日) -- book唔到場，約左幾個九叔去常究打下街場。本來以為會少人，可以自己友打下，點知都幾多，結果同街外人打。平時對開自己友，大家都熟我套路所以都易mark到我，對返街外人，我d進攻都OK efficient，中距離籃底各樣都入唔少又炒得少。不過對手太強，所以全部輸晒~ 打完返企沖涼，臨時約左呀馬一家，去五行童樂園玩，玩左差不多2個鐘，再行左下附近商場，最後食埋飯，仲行左一圈((鳴鳴知我鍾意所以要我去)Gundam Base先走。

來緊:

20/1(二) -- 小本型飯

29/1(四) -- 公司lunch buffet

30/1(五) -- 放假一天

完

一月四日 -- 新年

29/12(一) -- SL一天。朝早去柴灣東區醫院腎覆診，之後返去買外賣。晏畫係企抖，夜晚再落街買外賣同埋去地鐵站同Penny交收。

30/12(二) -- 收工去觀塘同民仔一家&源食飯，B唔舒服所以CB無join。

31/12(三) -- C帶B朝早睇醫生，之後去觀塘覆診，排左好耐呢樣果樣。我早收3點，去九龍城meet CB同民仔一家(佢地早d到)去呀馬屋企meet。夜晚叫清真牛肉館外賣。

1/1(四) -- 10點幾出門去Herman屋企，一班中同聚(Herman馬民BenPeterEdgar)。中間我地幾個男(Herman馬民BenEdgar)一齊落灣仔抽卡。5點島走。B發癲。夜晚買外賣。

1。雖然係大家樂但總算叫食過羊腩煲。

2/1(五) -- 出site收工買外賣返去食。

3/1(六) -- 11點島同CB出去同呀媽食屋企附近食野，之後C湊B去上堂。我返企沖涼，CB返來我同B玩一輪。夜晚叫外賣。

4/1(日) -- 朝早打波天晉8-10，今日早2場打得好唔順，之後好d入唔少波。波友話覺得我最近fit，我自己又唔太覺，都炒唔少球，覺得把握力要練高d...打完去食完野拿外賣返去，之後同女玩左2, 3個鐘(C唔舒服訓左)。到佢出來我就去沖涼，極攰所以沖完涼就訓左。夜晚叫外賣。

2。下星期book唔到場。

3。今年連叱吒都無睇，連人地炒車都唔想聽了，已經無感。

來緊:

完